موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 5 من 5
Like Tree0Likes

الموضوع: اكتر دور سلبى او مكروه

  1. #1
    الصورة الرمزية hhhhbk
    تاريخ التسجيل
    Mar 2008
    المشاركات
    597

    Flag Egypt اكتر دور سلبى او مكروه

    ده اول موضوع ليا فى القسم هنا و بيما انىى من المجانين بشاروق خان فقلت اشوف ايه رايكم
    ححط بعض اسماء افلام شاروق و دورة فى الفيلم و عليكم انكم تختارو ايه هو اكتر دور سلبى
    او مكروه لشاروق خان و طبعا ديه حاجه غريبا انى اعمل موضوع زى ده مع انىى من المجانيين بيه
    زى ما قلت فى الاول بس حبيت اغير شويه يعنى كل المواضيع على احب فيلم او دور لشاروق ايه
    انا بقى قلت اكسر القاعده و اعمل اكتر دور سلبى و مكروه ليه
    فى انتظار الردود على الموضوع
    ودلوقتى مع الافلام و الادوار


    khabhi alvi na kehna
    كبهى الفى نا كهنا


    و كان اسمه فى الفيلم ديف لاعب كورة قدم فى الدورى الانجليزى و بتحصله اصابه بتاثر على مشوارة الرياضى
    متقلب المزاج عصبى مش بيحب الاطفال و مش بيحب مراته و بيحب مايا اللى كان شافها فى يوم فرحها و اتصاب فى نفس اليو
    م


    devdas

    ديفداس



    و كان بيلعب دور ديفداس فى الفيلم او ديفا و هو محامى درس القانون فى انجلترا و بيحب بنت الجيران بارفاتى او بارو و اهله مش بيوافقو على جوازة منها و هو بيحها حب جنونى و لما بتضيع من ايده و بسببه بيتجه الى الفساد مع تشاندرا موكى و بيشرب و يبقى سكير

    delsi
    ديل سى



    و كان دوره عمار خان و هو مذيع فى الاذاعه الهنديه هناك و حب بنت شفها لاول مرة فى محطه القطار و وقع فى حبها من النظرة الاولى و فضل يطاردها لحد ما عرف انها ارهابيه و حاول انه يمنعها من انها تفجر نفسها و ده كان فى اخر الفيلم و للاسف القنبله اللى كانت حتفجرها فى ناس ابراياء اتفجرت فيها و فيه فى اخر الفيلم

    hum tum hare he sanam
    هم تومهارى هيه سانام


    الدور مش سلبى على فكرة بس انا محبتش انه سايب مراته متعلقه باخوها بالتبنى و اللى لعب دورة سلمان خان و معجبنيش انه كان مصدق انها بتخونه من غير ما يتاكد من شعرها لاخوها بالتبنى انه شعور اخوة و مش اكتر

    بصراحا ديه اكتر الادوار اللى كان اتقادات فيها مش على شاروق و مش على التمثيل و مش على لافيلم على الشخصيه ذات نفسها

    وانا راى الشخصى ان اكتر الادوار سلبيه لشاروق كان دورة فى ديفداس



    لانه ساب اللى بيحبها تتجوز من حد تانى و حتى ماحولش انه يهرب معاها مثلا و يتجوزها بعيد عن اهلهل لا سبها و مسالش فيها غير يوم جوازها و بعدين يسيب الدنيا كلها و يروح يسكر علشان ينساها و فى الاخر بيموت قدام القصر بتاعها .
    فى رومانسية حلوة فى الفيلم بس مش عجبانى السلبية اللى فى شاروق فى الفيلم

  2. #2
    الصورة الرمزية heba_81
    تاريخ التسجيل
    Dec 2004
    المشاركات
    2,063
    موضوع جميل يا لولي ..


    اولا مرحبا بيك في المناقشه اول مواضيعك و ان شاء الله ما يكونش الاخير ..موضوع جميل و مميز ..
    انا برضه من محبي شارو اكيد بس في ادوار له حتى لو مش سلبيه مش بتعجبني قوي ..
    من اللي انتي قلتيهم ديفداس كان سلبي قوي في حكاية سكره و سيبانه للبنت اللي بيحبها تتجوز واحد تاني بس هي القصه مشت بطريقه انه ماكانش قدامه كده انه يسبها يعني ..انما حياة الماخور و السكر مش عارفه بقى !



    كابهي الفيدا من اروع ادواره على الاطلاق مميز جدا جدا ..اشك مليون في الميه انه في حد يقدر يعمل دور زي ده من ابطال بوليود و هو اتقنه لدرجه انك وصلتي انك تشفقي عليه مش تكرهيه !


    فيلم توماري هين سنم ..ما شفتوش كله بس هو يعني طالع راجل شرقي عادي جدا !
    يعني حضرتك عايزة تفهميني انه صديق الطفوله بتاعك لما يكون ملاحقك في كل حاجة انتي و جوزك ..الاستاذ جوزك مش هيشك فيك ؟
    ويا ريت يا شباب بلاش نكون خيالين .. انا بسمع عن ناس بيغيرو من اخوات مراتهم (اخوات بجد مش بالتبني) !


    ايه تاني فيلم بازيجر طالع شرير و انتقام و حركات و صوته اللي كان بيخوف بيه السحالي ده ...مش فاكراه قوي الفيلم ده لاني شفته زمان و بصراحه ما حبيتوش كانت الايام اللي ما كنتش بحب فيها شارو عشان صوته الغريب اللي كان بيعملوه ده ..و كان بيتحرك كتير قوي كنت بحس اني اتحولت من الفرجه عليه بس و هو واقف !


    لا بقى اعتراض على فيلم دل سي ..هو اه حبها من اول نظرة و كل ده ماشي بس بيحصل .. وبعدين بعد و رجع و هي تصده و ترجع و كونه انه القنبله انفجرت فيهم هو حاول لآخر لحظه انه يرجعها على اللي في دماغها بيحبها بقى واكيد كان عنده امل انه ممكن يقنعها ..حتى لو ماتت يموت معاها بس الناس ما تموتش ..دور رائع على فكرة و ناس كتير حبوه بعد الدور ده ..

    فيلم ايه تاني ؟ مش فاكره ادوار تانيه سلبيه بس انا نفسي شارو يطلع شرير ..اللي هو الشرير الي ماعندوش قلب ده مفتري و كده ..ممكن نقول لكارن جوهر يسنجف له قصه على الموضوع ده بقى ..هههه
    موضوع اكتر من رائع ..
    تسلمي يا لولي و مستنين منك مواضيع اكتر يا جميله

    تحياتي
    التعديل الأخير تم بواسطة heba_81; 17-01-2010، الساعة 12:06 PM









  3. #3
    الصورة الرمزية ღHebAღ
    تاريخ التسجيل
    May 2009
    المشاركات
    1,608
    توبيك جميل جدا يا قمر وان شاء الله نشوف منك مواضيع حلوة كتير

    اما بقى عن الدور السلبى اللى مبحبش فيه شاروخ امممم

    كان فيلم ديل سى محبتهوش ف الدور دة خااااااااااااالص ومش عارفة احبه :((

    سايب حياته وشغله واهله وخطيبته علشان واحدة ارهابية وبيحاول يغير رايها ويقنعها انه غلط

    وف الاخر مغيرش حاجة غير ان القنبلة انفجرت فيه وفيها ومات :((
    ربى تركت ما احب من اجل ما تحب فاجعل ما تحب هو كل ما احب واكتب لى فعل ما تحب فحبك غاية ما احب





  4. #4
    الصورة الرمزية روح العيون
    تاريخ التسجيل
    Oct 2009
    المشاركات
    664

    Flag Egypt


    khabhi alvi na kehna
    كبهى الفى نا كهنا

    [


    الفيلم ده انا حبيته جدا بس مش بحب شاروخ يكون خاين ودور رانى فيه مؤثر
    ودور اميت كان صعبان عليا انه اكتشف ان ابن صديقته طلع خاين مرات ابنه
    حاجه صعب اوى مشكور اخى ع المجهود الجميل
    التعديل الأخير تم بواسطة روح العيون; 18-01-2010، الساعة 08:15 PM
    اختكم المصريه مشرفه قسم سلمان خان







  5. #5
    تاريخ التسجيل
    Feb 2009
    المشاركات
    31
    ديف .. في كابي ألفيدا نا كهنا ...


    لولا أنه شاروخ الممثل كان كرهت ديف جدا جدا .. على عملته بمراته .. يخرب بيت الرجالة !!


    دور ديف في ديفداس .. كان جدا يحرق الدم ..

    يا ابني الحب ما فيهوش كبير ...!

    رأيي على عجالة :))



    ودمتم
    كلوه يشوف شغلوه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك