موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 1 من 3 1 2 3 الأخيرةالأخيرة
النتائج 1 إلى 15 من 37
Like Tree1Likes

الموضوع: ღ๑ஐ۩۞۩ஐ๑ღ ما لا تغرفه عن جلال الدين محمد اكبر (جودها اكبر) هـــام ღ๑ஐ۩۞۩ஐ๑ღ

  1. #1
    الصورة الرمزية moriantes1988
    تاريخ التسجيل
    Apr 2007
    المشاركات
    599

    ღ๑ஐ۩۞۩ஐ๑ღ ما لا تغرفه عن جلال الدين محمد اكبر (جودها اكبر) هـــام ღ๑ஐ۩۞۩ஐ๑ღ







    تزامنا مع تلك الحملة الإعلامية الشرسة على التاريخ الإسلامى , نفاجأ بحملة إعلامية خبيثة لتلميع وتزيين صورة واحد من أسوأ وأخبث حكام المسلمين !!


    فى أحد القنوات "العربية" يذيعون فيلم او مسلسل هندى مترجم الى العربية يحكى فيها عن سيرة السلطان جلال الدين محمد أكبر - عليه من الله ما يستحق !!!


    وهذا الفيلم لاقى إعجاب النصارى والهندوس فى شبه القارة الهندية بل وفى العالم كله !!!


    المسجد الجامع بدهلى بالهند .. بناه السلطان شاه جَهَان


    والسؤال هنا , لماذا يكلف المشركين أنفسهم الملايين لإظهار ونشر سيرة السلطان جلال الدين أكبر !!


    وكلنا يعلم مدى البغض الشديد الذى يكنّه الهندوس والنصارى للمسلمين فى الهند !!!


    للأسف الشديد الكثير من شبابنا "الغافلين" عن تاريخهم انخدعوا بتلك المؤثرات وتلك الدعاية الشيطانية وانبهروا بشحصية هذا الزنيديق المسمى زورا وبهتانا "جلال الدين محمد أكبر" !!

    وأنا هنا اليوم استعرض نبذه بسيطة عن هذا الخبيث , ونرى فى النهاية ان كان يستحق الافتخار به أم لا !!!


    نبدأ باسم الله وبه الثقة وعليه التكلان :

    الهند من أكبر الممالك الاسلامية فى التاريخ الاسلامى , بل لكم ان تعلموا ان المسلمين حكموا الهند مايزيد عن 1000 عام !!!


    حكم المسلمون الهند أكثر من 1000 عام !!


    وظهر فى الهند الكثير من العلماء الربانيين والدعاة الصادقين , ومازالت الهند تنجب لنا أمثالهم الى يوم الناس هذا !!!

    فتح الهند ظل حلم يراود الخلفاء وحكام المسلمين منذ القرون الأولى للإسلام .

    ففى عهد الدولة الأموية كانت أولى الحملات الناجحة والهامة فى تاريخ الهند , وكان من أشهر تلك الحملات العسكرية , حملة القائد المسلم الفذ "محمد بن القاسم" رحمه الله ...

    والتى استطاع ان يفتح بلاد السند "باكستان حاليا " ونشر الإسلام في ربوعها وهزم ملوك الهند فى الشمال وأقام للإسلام دولة فى تلك البلاد !!

    لكم ان تعلموا ان "محمد بن القاسم" وقتها كان عمره 17 عاماً !!! , اى انه كان فى عمر شاب فى الثانوية العامة الآن !!!!!!!

    الله أكبر


    المهم , وتتوالى الحملات العسكرية والفتوحات الإسلامية بعد ذلك وكان من أعظم تلك الحملات ايضا هى الحملات العسكرية التى شنّها أعظم سلاطين الإسلام فى عصره , الرجل الذى أثنى عليه العلماء الربانيين أمثال ابن تيمية والحافظ بن كثير والذهبى و...الخ


    إنه يمين الدولة وأمين الملة محمود بن سبكتكين , المشهور بـ "محمود الغزنوى" نسبة لمدينة غزنة بأفغانستان


    استطاع محمود الغزنوى - رحمه الله - ان يفتح شمال الهند ويهزم ملوكها وأقام السنة وقمع البدعة والروافض وكانت مملكته من أحسن ممالك بنى جنسه وكانت السنة فى دولته ظاهرة والبدعة مقموعة , ودخل "ملايين" من المنبوذين الهنود فى الإسلام ولله الحمد والمنة


    ثم توالت على الهند ممالك عديدة ( الغزنويون , الغوريون , الخِلْجِيون, المماليك ....الخ )


    مأذنة "قطب منار" الشهيرة بالهند ... بناها السلطان قطب الدين ابان حكم المماليك ارتفاعها 72م !!

    وكان من ضمن تلك الممالك الاسلامية , دولة المغول الإسلامية فى الهند

    أسس "ظهير الدين بابر" - رحمه الله - وكان من نسل "تيمورلنك" دولة المغول الاسلامية فى الهند ودخل "دهلى*" عام 1526 م واستطاع ان يبسط نفوذه فى كافة الممالك والدويلات الاسلامية ووحدها وصنع منها دولة اسلامية قوية جدا وهى دولة المغول الاسلامية


    أحد حصون المسلمين فى الهند ابان دولة المغول الاسلامية !!

    توفى ظهير الدين بابر وجاء بعده ابنه "نصير الدين همايون" عام 1531م ولم يكن له أعمال مميزة , غير انه حفظ ارث ابيه وحصن الدولة الاسلامية فى الهند , ثم جاء من بعده ابنه وصاحبنا "جلال الدين أكبر"

    جلال الدين محمد أكبر ( 1556م - 1605م)

    كان جلال الدين أكبر عمره 13 سنة حين وفاة أبيه "همايون" , واستطاع قائد الجيوش الاسلامية "بيرم خان" - رحمه الله - ان يحفظ الدولة الاسلامية حتى يكبر "جلال الدين محمد " ويباشر الحكم بنفسه .

    فى بداية الأمر أظهر جلال الدين أكبر تمسكه بالاسلام وإقامة السنة والتودد الى العلماء وطلبة العلم , ولكن عندما مرت السنين بدأ جلال الدين أكبر يخضع تحت تأثير الروافض والنصارى والهندوس وحدث فى أرض الهند أمور لم تحدث من قبل قط , فاتى بذلك أمر لم يأت به الأولون ولا الآخرون !!!!!

    اخترع جلال الدين أكبر دينا جديدا وسمّاه "الدين الالهى " جمع فيه بين الهندوسية والإسلام والنصرانية , وأرغم الناس على اعتناق هذا الدين

    واقام جلال الدين أكبر علاقات صداقة مع الهندوس والنصارى وتزوج منهم وأعلى مراتبهم


    جلال الدين أكبر

    وانغمس جلال الدين أكبر فى الشهوات والملذات حتى انه كان يفعل الفاحشة وخدمه يعزفون الموسيقى من خلفه واحيانا يكون مع جلساؤه ويفعل هذا !!!!

    وانتشرت البدع بطريقة كبيرة , واندثرت السنة - ولا حول ولا قوة الا بالله - وظهر فى الهند علماء ربانيون يدفعون هذا الشر المستطير عن الأمة , ولكن كان مصيرهم إمّا النفى او القتل !!


    صور من صور البدع والمعازف التى انتشرت فى الهند بسبب جلال الدين اكبر

    وانتشر الرفض والتشيع تحت عباءة الصوفية التى زاد ضلالها أيام جلال الدين أكبر !!

    ولم يكتفى الخبيث بهذا , بل أعلى مراتب الهندوس والنصارى على حساب المسلمين وأسقط عنهم الجزية !!!

    وحقيقة مساوىء هذا الخبيث - عليه من الله ما يستحق - كثيرة جدا جدا وكانت أيامه وبالا على الإسلام فى الهند

    والآن وبعد كل هذا , عرفنا لماذا يفرح النصارى والهندوس بسيرة هذا الرجل لأنه الذى ضيع الإسلام فى الهند !!!

    وللأسف الشديد , هل هذه سيرة رجل يفتخر به شبابنا !!!

    هلك جلال الدين أكبر عام 1605م بعد ان أفسد عقائد المسلمين فى الهند واناّ لله واناّ اليه راجعون



    ولكن أبى الله إلا أن يتم نوره ولو كره الكافرون

    من يتخيل ان يأتى من نسل هذا الخبيث رجل , من أطهر الناس قلبا وأكثرهم خشية وأتمهم وأشدهم تمسكا بالكتاب والسنة !!

    إنه السلطان ابو المظفر محى الدين محمد اورانك زيب عالمكير - رضى الله عنه , الذى وضعه المؤرخون فى منزلة عمر بن عبد العزيز - رضى الله عنه


    اورانك زيب عالمكير يقرأ القرآن !!

    آسف على الإطالة


    وإنما استفزنى تلك الدعاية لسيرة هذا الخبيث جلال الدين أكبر فأردت ان أوضح نبذة بسيطة عن حياة اهذا الرجل حتى لا ينخدع إخواننا ان شاء الله

    والله من وراء القصد





    * : للعلم استطاع الانجليز والهندوس ان يغيروا اسم عاصمة المسلمين فى الهند من "دهلى" الى "دلهى"

    اسمها الصحيح "دهلى" فإليها يُنسب "شاه ولى الله الدهلوى" رحمه الله وغيره



    للامانه الموضوع منقول
    التعديل الأخير تم بواسطة hadytek; 22-04-2009، الساعة 03:04 AM

  2. #2
    الصورة الرمزية dalia_sobhy
    تاريخ التسجيل
    Feb 2008
    المشاركات
    1,571
    شكرا على التوضيح و على مجهودك الكبير في الشرح و سرد المعلومات
    عن هذا الموضوع و توضيح حقيقة الأمر لإن الناس بتنخدع بالمظاهر و الدعاية الرهيبة للفيلم و الجوائز و للأسف ثقافة الناس في هذة الموضوعات مضمحلة تماما فيتم الضحك عليهم بكل سهولة بس أنا إللي مزعلني إن الإعلام كمان ليس لديه أي ثقافة لإن الفيلم إتعرض على قناة عربية في الفضائيات







  3. #3
    الصورة الرمزية sahora_twins
      sahora_twins غير متصل ل¹”ذ¯ؤ¬ذ™خ¶خ¾إœإœ ل»گâ‚£ خ²ل»گ££خژذ©ل»گل»گؤگ
    تاريخ التسجيل
    Sep 2007
    المشاركات
    757
    والله موضوع جميل جدا وانا فعلا حسيت من الفيلم ان الراجل ده
    مكنش كويس
    لانه لغى الجزيه الى بيدفهعا الهندوس هما طبعا مش هيوضحوا اكثر
    من كدا هما قالوا انها ضريبه على الحج علشان يجملوا الموضوع

    بس فعلا شكرا ليكى على الموضوع ده
    يمكن علشان كدا بقه الرجاله الهندوس بيتجوزا من نساء مسلمات
    انا لاحظت الموضوع المنيل ده وان هيريتك روشان مراته اصلا مسلمه
    هما واضح كدا ان الدنيا عنهم بذراميت على خيار ولوبيا

    ولا هما مسلمين و لا حاجه وهما مسلمين بعادات وتقاليد هندوس يعنى ميتقالش
    عليهم مسلمين دول حاجه تانيه كدا ملخبطه

    ربنا يهدى كل الناس يارب
    وشكرا مره اخيره على الموضوع
    التعديل الأخير تم بواسطة sahora_twins; 21-04-2009، الساعة 09:29 AM


  4. #4
    الصورة الرمزية dalia_sobhy
    تاريخ التسجيل
    Feb 2008
    المشاركات
    1,571
    اقتباس المشاركة الأصلية كتبت بواسطة sahora_twins مشاهدة المشاركة
    والله موضوع جميل جدا وانا فعلا حسيت من الفيلم ان الراجل ده
    مكنش كويس
    لانه لغى الجزيه الى بيدفهعا الهندوس هما طبعا مش هيوضحوا اكثر
    من كدا هما قالوا انها ضريبه على الحج علشان يجملوا الموضوع

    بس فعلا شكرا ليكى على الموضوع ده
    يمكن علشان كدا بقه الرجاله الهندوس بيتجوزا من نساء مسلمات
    انا لاحظت الموضوع المنيل ده وان هيريتك روشان مراته اصلا مسلمه
    هما واضح كدا ان الدنيا عنهم بذراميت على خيار ولوبيا

    ولا هما مسلمين و لا حاجه وهما مسلمين بعادات وتقاليد هندوس يعنى ميتقالش
    عليهم مسلمين دول حاجه تانيه كدا ملخبطه

    ربنا يهدى كل الناس يارب
    وشكرا مره اخيره على الموضوع
    أيوة و الله يا سحورا بجد حاجة مستفزة جدا زواج مسلم من هندوسية أو العكس
    ده في لقاء كان لجوري و شاروك و سوزان و هرتيك في برنامج كارن
    و سألهم عن زواجهم من ديانة مختلفة كانت الردود عجيبة عارفة سوزان دي قالت ايه قالت إن ده شيىء جميل و إن الديانتين عظيمتين و إن الأطفال يعني أولادها هيخدوا كل حاجة كويسة من كل دين بذمتك ده كلام واحدة مسلمة ده كلام واحدة مسلمة جاهلة بدينها و مش عارفة عنه حاجة مسلمة بالإسم بس و شاروك برده شوفتلوا مرة حلقة عن حياته كان بيتكلم فيها عن اولاده و إنه بيعلم القرآن و شوفي بقه عامل ايه حاطط آلهة الهندوس في بيته جنب المصحف الشريف و بيعلم أطفاله الفاتحة مش عارفة بيناقضوا أنفسهم و بضحكوا على نفسهم علشان يرضوا ضميرهم أو يسكتوا ضميرهم ده لو كان عندهم ضمير

  5. #5
    عشان جذي كان منسي
    لانه بالتاريخ ما كان له ذكر
    يعني انا عن نفسي بحياه ما مر علي وانا ادرس او وانا اقره
    وهذا اللي عرفته لانه اذك لن نزل الفيلم
    قالو انهم احيو ذكراه المنسيه
    وبعدين انا قلت
    من حبهم لنا يسوين فيلم عن مسلم
    ما في فيلم هندي الا ويطلع بالمسلمين خصل شينه
    مثل hey ram لشاروخ



    شكرا على الموضوع جد رائع
    معلومات قيمه

  6. #6
    الصورة الرمزية moriantes1988
    تاريخ التسجيل
    Apr 2007
    المشاركات
    599
    اقتباس المشاركة الأصلية كتبت بواسطة dalia_sobhy مشاهدة المشاركة
    شكرا على التوضيح و على مجهودك الكبير في الشرح و سرد المعلومات
    عن هذا الموضوع و توضيح حقيقة الأمر لإن الناس بتنخدع بالمظاهر و الدعاية الرهيبة للفيلم و الجوائز و للأسف ثقافة الناس في هذة الموضوعات مضمحلة تماما فيتم الضحك عليهم بكل سهولة بس أنا إللي مزعلني إن الإعلام كمان ليس لديه أي ثقافة لإن الفيلم إتعرض على قناة عربية في الفضائيات
    ولهذا السبب قررت ان انشر قصه هذا الفاسق الذى غير تاريخ المسلمين وحرف عقائدهم فى حقبه من الزمن والاعلام لما يصدق اى حاجه تشكر فى العرب او المسلمين وينشرها حتى لو كانت بتهزئهم وربنا يهدينا

  7. #7
    الصورة الرمزية moriantes1988
    تاريخ التسجيل
    Apr 2007
    المشاركات
    599
    اقتباس المشاركة الأصلية كتبت بواسطة HeY$h0na مشاهدة المشاركة
    عشان جذي كان منسي
    لانه بالتاريخ ما كان له ذكر
    يعني انا عن نفسي بحياه ما مر علي وانا ادرس او وانا اقره
    وهذا اللي عرفته لانه اذك لن نزل الفيلم
    قالو انهم احيو ذكراه المنسيه
    وبعدين انا قلت
    من حبهم لنا يسوين فيلم عن مسلم
    ما في فيلم هندي الا ويطلع بالمسلمين خصل شينه
    مثل hey ram لشاروخ



    شكرا على الموضوع جد رائع
    معلومات قيمه

    فعلا اخى وكان اصبحت موضه انهم يضحكو علينا او يشتمو الاسلام فى الافلام واذا نظرنا نجد ان كل بلادنا العربيه والاسلاميه بها نسبه كبيره من الهنود ومع ذلك نجدهم فى افلامهم يشوهون صوره الاسلام يعنى نظريه هاكل عندك واشتمك

    فعلا سبيل المثال نجد ان فى فليم fanaa والتى تدور قصه عن شخصيات نسلمه نجد انا ابو الفتاه (كاجول) وهو مسلم فى الفليم يشرب الخمر وعادى معاه ومش فارقه ونجدهم ايضا اذا قاموا بفليم عن الاسلام والمسلمين لا يتجهون الى عقاذدهم او صلاتهم وطريقه عبادتهم بعكس ما يعرضوه عندما يقومو بتصوير فليم هندوسى فدنجهم يشرحون طرق عبادتهم بالتفصيل
    ولا حول ولا قوه الا بالله
    التعديل الأخير تم بواسطة moriantes1988; 21-04-2009، الساعة 10:05 PM

  8. #8
    الصورة الرمزية Mona_a_d
    تاريخ التسجيل
    Jun 2007
    المشاركات
    2,506
    هو المعلومات اللي جايبها قديمة بالمناسبة و اتجابت في المنتدى بتاع أربع أو خمس مرات قبل كده. بس عادي يعني التكرار هنا ما أكثره. و عامة شكراً على نقل الموضوع.

    بس عادي يعني ، بصراحة الفيلم مجرد فيلم ترفيهي و خلاص. يعني بصراحة الحقائق التاريخية و الدينية فيه مضروبة تماماً و حتى الهنود نفسهم معترفين بده. و أغلب التقييمات للفيلم أنه مجرد قصة حب في إطار تاريخي. و حتى شخصية جودها دي نفسها، عليها قولان كتير قوي، و مش موثوق من مصيرها و قيل أن هي نفسها أسلمت و بقى اسمها مريم الزماني و كان لها قوافل حجاج بتطلع على حسابها كل سنة لمكة.
    و من قبل حتى ما الفيلم يتعرض ، و عليه اعتراضات كتير جداً عشان موضوع الدين الإلهي ده. و الحقيقة متعرضش موضوع الدين ده في الفيلم و ريحونا منه.
    فالفيلم أقرب لعرض تاريخي مبعكك ليس أكثر.

    و بالمناسبة أنت تستاهل مخالفة و تحذير لأنك مغرق الموضوع بروابط من منتديات تانية و ده مخالف لقوانين المنتدى.
    (حركة ياريت متتكررش)

    There is a door between the real and the unreal at which daily we are knocking
    -----------
    لماذا يتم استقراء السيسيولوجية في البنيوية في الميتافيزيقية السيميائية التي يتوالد بثها المتموضع في الميتافيزيقية بالتنامي المتناهي للمقروئية الاشكالية؟ يرجي التوضيح مع ذكر الوافد النزعوي المتموضع؟‏!‏

    أرجو توضيح التناهي السيمازمي المبين للرؤية التفكيكية مع اختصار الموضوع لتبيان البنيوية النزعوية للذات المكارثية مع ذكر أمثلة السيسيولوجية البيزنطية؟‏



    ----
    هدفنا راحتك

  9. #9
    الصورة الرمزية moriantes1988
    تاريخ التسجيل
    Apr 2007
    المشاركات
    599
    اقتباس المشاركة الأصلية كتبت بواسطة jodhaa akbar مشاهدة المشاركة
    هو المعلومات اللي جايبها قديمة بالمناسبة و اتجابت في المنتدى بتاع أربع أو خمس مرات قبل كده. بس عادي يعني التكرار هنا ما أكثره. و عامة شكراً على نقل الموضوع.

    بس عادي يعني ، بصراحة الفيلم مجرد فيلم ترفيهي و خلاص. يعني بصراحة الحقائق التاريخية و الدينية فيه مضروبة تماماً و حتى الهنود نفسهم معترفين بده. و أغلب التقييمات للفيلم أنه مجرد قصة حب في إطار تاريخي. و حتى شخصية جودها دي نفسها، عليها قولان كتير قوي، و مش موثوق من مصيرها و قيل أن هي نفسها أسلمت و بقى اسمها مريم الزماني و كان لها قوافل حجاج بتطلع على حسابها كل سنة لمكة.
    و من قبل حتى ما الفيلم يتعرض ، و عليه اعتراضات كتير جداً عشان موضوع الدين الإلهي ده. و الحقيقة متعرضش موضوع الدين ده في الفيلم و ريحونا منه.
    فالفيلم أقرب لعرض تاريخي مبعكك ليس أكثر.

    و بالمناسبة أنت تستاهل مخالفة و تحذير لأنك مغرق الموضوع بروابط من منتديات تانية و ده مخالف لقوانين المنتدى.
    (حركة ياريت متتكررش)
    من الواضح انك ماقرتش الموضوع للاخر اعتقد ان فى اخر الموضع انا كاتب ان الموضوع منقول وطبعا انا وضعط اللينك بسبب الحقوق الفكريه اعتقد انك تعرفها

    وبعدين ياسيدى كتر التكرار يعلم الشطار

    انت عارف المشكله ايه .....

    انا مش عارف
    انت زعلان كده ليه
    التعديل الأخير تم بواسطة moriantes1988; 22-04-2009، الساعة 01:53 AM

  10. #10
    الصورة الرمزية Mona_a_d
    تاريخ التسجيل
    Jun 2007
    المشاركات
    2,506
    اقتباس المشاركة الأصلية كتبت بواسطة moriantes1988 مشاهدة المشاركة
    من الواضح انك ماقرتش الموضوع للاخر اعتقد ان فى اخر الموضع انا كاتب ان الموضوع منقول وطبعا انا وضعط اللينك بسبب الحقوق الفكريه اعتقد انك تعرفها
    وبعدين ياسيدى كتر التكرار يعلم الشطار
    انت عارف المشكله ايه .....
    انا مش عارف
    انت زعلان كده ليه
    ههههههههههههههههههههههههههههههههه

    لا هو الواضح أن أنت اللي مقرأتش ردي من أوله لأني كتبت لك شكراً على نقل الموضوع فعلاً ، يعني قرأته من أوله لآخره رغم تكراره. و ده اللي خلاني أقول أنه مكرر
    فمتزعلش بس بدل ما يطق لك عرق و لا حاجة.
    و الواضح برضه أنك مش عارف قوانين المنتدى اللي أنت فيه ، هنا وضع لينكات من أي منتدى عربي آخر أياً كان بيعرض صاحب الموضوع للإيقاف ، مش لمخالفة فقط.

    و حقوق الملكية يكتفى بالأشارة لأن الموضوع منقول و اسم صاحب الموضوع الاصلي فقط دون وضع أي روابط أو أسماء منتديات أخرى.

    و عامة المشرف لغى اللينكات طبعاً عشان زي ما قلت لك، دي مخالفة .

    و عامة ده كان مجرد تنبيه مش مستاهل الضيق اللي أنت فيه ده.
    التعديل الأخير تم بواسطة Mona_a_d; 22-04-2009، الساعة 04:19 AM

  11. #11
    الصورة الرمزية neeha
    تاريخ التسجيل
    Mar 2005
    المشاركات
    903
    السلام عليكم

    اولا الف شكر على الموضوع و على طريقه السرد التاريخى لحياة رجل بعتبره احد الكوارث التى ابتليت بها الامه الاسلاميه على مدى تاريخها

    ثانيا مفيش اختلاف طبعا على رفضنا جميعا لشخصة هذا الزنديق المخبول الذى خسر دينه و دنياه من اجل حب امرأه وثنيه
    لكن انت عارف المشكله الحقيقيه فى ايه ان الناس دى قدمت لجمهور السينما السم فى العسل , غالبية الناس ماعندهاش اى خلفيه عن هذه الشخصيات التاريخيه او هذه الفترات التاريخيه و مفيش حد النهارده يكتسب ثقافته التاريخيه بالذات من الكتب و المراجع الا الدارسين فى هذه المجالات فقط , اذن فالسواد الاعظم من الجمهور بياخد ثقافته التاريخيه من الفن بصفه عامه و السينما طبعا بصفه خاصه اى فيلم يتناول قصة حياة شخصيه تاريخيه او احد الشخصيات العامه البارزه بيفضل محفور فى اذهان المشاهدين مابيتغيرش( و يمكن كنت فى احدى المناقشات ضربت مثل احب اقوله تانى انى لحد النهارده تأثرى بكتير من الشخصيات التاريخيه و بالذات اصحاب الفتوحات الاسلاميه امثال صلاح الدين الايوبى او طارق بن زياد او خالد بن الوليد او موسى بن نصير كلها علقت بذهنى لاول مره من خلال المشاهده سواء سينما او تليفزيون)
    و افتنانى بهذه الشخصيات من خلال الفن خلانى ابتدى ابحث و ادور بعد كده علشان اعرف اكثر عن الشخصيات دى و دورها فى التاريخ الاسلامى .
    مقصد كلامى ان السينما لها سحرها و بريقها فى تكوين اساس ثقافى لدى الجمهور , طيب فين الكارثه اقولكم......
    ... ممثل زى القمر له معجبين ماتعدش و ممثله لها جماهيريه لا حصر لها نجيبهم و نخليهم يمثلوا قصة حب رائعه فى فيلم يتناول شخصيه تاريخيه مثيره للجدل زى جلال الدين محمد اكبر و لا مانع من تغير و تبديل و اضافات مغيره تماما للحقيقه لزوم الفلفل و الشطه علشان يظهر من خلالها مدى روعة هذا السلطان و عدله لدرجة تخليه يغير من اسس و عقائد دينه من اجل الاميره الوثنيه الحسناء.... طب و بعدين اللى ميعرفش حاجه عن هذا الرجل و حقيقته ايه هى الافكار و المعتقدات اللى هايستمدها من فيلم زى ده......... اقولكم
    -الدين ده يبقى اخر حاجه نفكر فيها
    -نغير و نبدل فيه تبعا لهوانا و بما يخدم مصالحنا يعنى مفيش مشكله من تعدد طوائف و مذاهب و عقائد ان شالله تكون الف ديانه عادى يعنى لكم دينكم و ليا دين و نعيش فى سلام و نتزوج من بعض و يختلط الحابل بالنابل عادى يعنى هو ده الاحترام و قبول الاخر.......
    و ده اللى حاصل فى الهند اختلاط الحابل بالنابل و عدم الالتزام بصميم العقيده مسلمات يتزوجن هندوس و مسلمين يتزوجون هندوسيات ( مع ان ده حرام) لكن هو ده التعايش السلمى غير كده تبقى ارهاب و تعصب و نبقى متطرفين

    مش هاتكلم كتير فى الموضوع ده لكن انا بعتبر الخطوره فى مثل هذه النوعيه من الافلام فى الفكره اللى بتطرحها و اللى بتتسرب شيئا فشيئا فى العقول
    ( بصى يا منى انا عارفه انك يمكن تقولى اننا مكبره الموضوع و ان ده فيلم ترفيهى ليس الا , بس انا شايفه الخطوره من النوعيه دى من الفنون )
    احنا بنعانى النهارده من نظرة العالم الغربى لنا و عدم تغير هذه الصوره لاننا لم ننتبه لسيطرة الفكر الصهيونى المتطرف على وسائل الاعلام فى العالم و على صناعة السينما من سنين طويله

    اخيرا بقى السينما هى اللى بتؤرخ التاريخ ذاته فى عصرنا ده

    معلش خرجنا شويه بس كان لازم اقول وجة نظرى
    مشكور على الموضوع مره تانيه و مستنين كل جديد
    و على فكره بخصوص الروابط منى عندها حق انت عارف ان ممنوع وضع روابط لمنتديات اخرى انت ممكن كنت برضه تنقل الموضوعات دى فى موضوعات فى القسم الاسلامى هنا فى المنتدى و بعدين تضع روابطها هنا
    و بكده كنت هاتفيد كل رواد المنتدى اكثر
    [CENTER]
    قالولى عليك مصدقتش..لحد ما شفت بعيونى..
    انا الى عمرى معشقتش..عشقت عنيك وسحرونى

    يا اجمل حب عشت انا فيه..بحبك وانت عارف ليه..

    عشان جمبك حبيبى لقيت انا.. كل الى بحلم بيه


  12. #12
    الصورة الرمزية Mona_a_d
    تاريخ التسجيل
    Jun 2007
    المشاركات
    2,506

    0

    ( بصى يا منى انا عارفه انك يمكن تقولى اننا مكبره الموضوع و ان ده فيلم ترفيهى ليس الا , بس انا شايفه الخطوره من النوعيه دى من الفنون )
    لا عادي يا نيها ، بس للصراحة المنطقي أن أنا بحكم من خلال ذوقي الشخصي. أنا معجبنيش الفيلم قوي. يعني هو مظهر بدون مضمون و بصراحة لما اتفرجت معتبرتش شخصية اكبر أنه مسلم من الأساس عشان كده مفكرتش أنه عار على التاريخ الإسلامي، لأني مش حاسباه علينا مسلم اصلاً . رفع الجزية عن كل الهندوس اغنياء و فقراء، و اتجوز و هندوسية بتسجد لصنم ( رغم أن قيل بعد كده أنها أسلمت) و لخبط ديانات في بعض. يعني حتى أي مشاهد من النوع الغبي المتلقي فقط بدون ما يفكر هياخد باله باله من ده و الانطباع المبدئي اللي هيطلع بيه أن أكبر ده " لا علاقة له بالدين الأسلامي"
    و رغم أن أكبر ده عُرف عنه العبقرية في النجارة و الحدادة و ترويض الحيوانات و المعمار و التخطيط الحربي و حبه للأستماع للكتب و القراءات ..ألخ بس بصراحة أنا شايفة أن آخره بالكتير قوي أننا نعتبره " فيلسوف أحمق " . لكن منديلوش أكتر من حقه. مش زي الأخ اللي ابتكر نظرية أن الفيلم مقتبس من رواية وااسلاماه لعلي أحمد باكثير ! و قال جودها هي جهاد و أكبر هو محمود !!!
    يعني بأختصار بقيت بحس أن ناس كتير بتدي الأمور أكبر من حجمها، و بتحمل فيلم خالي من المضمون و سطحي الفكرة أكتر من طاقته.وبتدي شخصية أكبر دي أهمية لا يستحقها بالمرة .و كل مرة الفيلم يتعرض نلاقي نفس المناقشات طلعت للسطح مرة تانية .

  13. #13
    الصورة الرمزية neeha
    تاريخ التسجيل
    Mar 2005
    المشاركات
    903
    اقتباس المشاركة الأصلية كتبت بواسطة jodhaa akbar مشاهدة المشاركة


    لا عادي يا نيها ، بس للصراحة المنطقي أن أنا بحكم من خلال ذوقي الشخصي. أنا معجبنيش الفيلم قوي. يعني هو مظهر بدون مضمون و بصراحة لما اتفرجت معتبرتش شخصية اكبر أنه مسلم من الأساس عشان كده مفكرتش أنه عار على التاريخ الإسلامي، لأني مش حاسباه علينا مسلم اصلاً . رفع الجزية عن كل الهندوس اغنياء و فقراء، و اتجوز و هندوسية بتسجد لصنم ( رغم أن قيل بعد كده أنها أسلمت) و لخبط ديانات في بعض. يعني حتى أي مشاهد من النوع الغبي المتلقي فقط بدون ما يفكر هياخد باله باله من ده و الانطباع المبدئي اللي هيطلع بيه أن أكبر ده " لا علاقة له بالدين الأسلامي"
    و رغم أن أكبر ده عُرف عنه العبقرية في النجارة و الحدادة و ترويض الحيوانات و المعمار و التخطيط الحربي و حبه للأستماع للكتب و القراءات ..ألخ بس بصراحة أنا شايفة أن آخره بالكتير قوي أننا نعتبره " فيلسوف أحمق " . لكن منديلوش أكتر من حقه. مش زي الأخ اللي ابتكر نظرية أن الفيلم مقتبس من رواية وااسلاماه لعلي أحمد باكثير ! و قال جودها هي جهاد و أكبر هو محمود !!!
    يعني بأختصار بقيت بحس أن ناس كتير بتدي الأمور أكبر من حجمها، و بتحمل فيلم خالي من المضمون و سطحي الفكرة أكتر من طاقته.وبتدي شخصية أكبر دي أهمية لا يستحقها بالمرة .و كل مرة الفيلم يتعرض نلاقي نفس المناقشات طلعت للسطح مرة تانية .


    اوكيه طيب شوفى كده المقال ده انا نقلته كله و حاطاه فى المرفقات للى عايز يقرا عن مدى تاثير الفيلم على المستوى العالمى و الجماهيرى , كنت عايزه احط الصوره بس مش عايزه تترفع


    و زى ما انتى بتقوليه هو اصلا لا يرقى اننا نتكلم عنه لكن المشكله ان نجاح الفيلم و الجوائز اللى حصل عليها خلاهم يتكلموا عنه و كانه الصوره الجميله اللى المفروض تكون منتشره فى المجتمعات الاسلاميه
    و دى هى الكارثه اللى انا بتكلم عنها
    الملفات المرفقة
      عذراً, لا تستطيع مشاهدة المرفقات إلا بعد الرد على الموضوع
    التعديل الأخير تم بواسطة neeha; 22-04-2009، الساعة 06:25 AM

  14. #14
    الصورة الرمزية Mona_a_d
    تاريخ التسجيل
    Jun 2007
    المشاركات
    2,506


    اولا بس ده المقال

    *"‬جودا أكبر*" ‬ينقذ الجمهور من* "‬دكتور سيلكون*" ‬و"علقة موت*"‬
    21/04/2009
    بعد أن ضربت* "‬الدبلجة*" ‬عصفورين بحجر
    مابين الحين والآخر تثار قضية تقديم العرب والمسلمين وتحسين صورتهم في* ‬العالم من خلال الاعلام والفن ومنذ عامين قدمت سوريا مسلسلاً* ‬عن* "‬أحمد بن فضلان*" ‬بعنوان* "‬سقف العالم*" ‬كوسيلة للرد علي الرسوم المسيئة للرسول والتي* ‬عرضت في* ‬الدانمارك وكان الرد من خلال من حمل إليهم شعلة التنوير في* ‬العهود السابقة وللأسف أن هذا المسلسل لم* ‬يقدم في* ‬الفضائيات العربية بعد ذلك بالشكل الذي* ‬كان* ‬يجب ان* ‬يحظي به ومنذ عدة أيام عرضت الـ* ‬MBC* ‬الفيلم الهندي* "‬جودا أكبر*" ‬انتاج* ‬2008* ‬وحظي بنسبة مشاهدة كبيرة ولفت إليه أنظار النقاد العالميين حتي إن مجرد البحث عن كلمة* "‬جودا أكبر*" ‬من خلال موقع* "‬جوجل*" ‬فقط* ‬يعطيك* ‬6000* ‬رابط معلوماتي* ‬باللغة العربية فقط مستعرضاً* ‬كل المعلومات التي* ‬تريدها عن هذا الفيلم الذي* ‬أحدث اثراً* ‬كبيراً* ‬عند عرضه عالميا وكان بمثابة الدعاية المجانية لسماحة الاسلام وعظمته ومقدرته علي احتواء الآخر واحترامه مما دفع مجلة* "‬Postive*" ‬الفرنسية لتقديم ملف كامل عن السينما الهندية وركزت علي الفيلم الهندي* "‬جودا أكبر*" ‬Akobor*- ‬Jodhaa* ‬الذي* ‬تناول ملحمة عاطفية تاريخية مبهرة بين امبراطور مغول مسلم* "‬أكبر*" ‬وأميرة هندوسية* "‬جودا*".. ‬والفيلم بالطبع* ‬يطرح فكرته الانسانية والفلسفية حول الاسلام وتسامحه وعظمته ولكن بدون الاسلوب الخطابي* ‬المباشر،* ‬فهو مثل الأفلام الهندية المبهرة* ‬يقدم مجموعة كبيرة من الاستعراضات،* ‬حتي إن المبارزة بين أكبر وجودا بالسيف تتم وسط صورة جميلة وألوان متناغمة تجعلك تشاهد اثارة المعركة وأنت مستمتع بهذا الجمال اللوني* ‬وبالطبع لعبت الموسيقي التصويرية دوراً* ‬كبيراً* ‬في* ‬اعطائك هذا الشعور بالابهار،* ‬ولقد تضافر كاتب السيناريو للفيلم مع مؤلف اغانيه ليقدما سيمفونية لحالة الحب الخاصة الموجودة بين البطلين*.. ‬ورغم أن هناك من* ‬يري أن قصة الحب التي* ‬بني عليها الفيلم اعتمدت علي نظرية التغذية الفلكلورية لقصة الحب مستخدمة الاغنية والاستعراض كأساس في* ‬السيناريو وخاصة ان كاتب السيناريو اراد طرح فكرة التسامح الاسلامي* ‬من خلال شخصية الامبراطور المسلم أكبر الذي* ‬يتزوج الهندوسية جودا والتي* ‬تشترط في* ‬الزواج علي عدم تركها ديانتها وأن تتعبد في* ‬قصره،* ‬إلا أنه* ‬يوافق ورغم أن اساس الزواج كان سياسيا لاحتواء كل الاجناس والديانات تحت حكمه إلا أن قصة حب كبيرة تنشأ بينهما*.. ‬وإذا ابتعدنا عن فكرة ان البعض* ‬يشكك في* ‬القصة بأكملها وخاصة من* "‬الهندوس*" ‬مؤكدين ان جودا كانت زوجة ابن الامبراطور أكبر إلا أن الفيلم* ‬يعد رسالة تؤكد عظمة الاسلام وتسامحه*.. ‬والفيلم هنا* ‬يطرح أيضا قضية تهمنا نحن العرب بالنسبة للتعامل مع السينما العالمية وهي* "‬الدبلجة*" ‬والتي* ‬يبدو أنها ستفرض نفسها بشكل كبير في* ‬الفترة القادمة وخاصة بعد نجاح تجربة دبلجة المسلسلات التركية والسؤال هل سيتم أيضا دبلجة العالمية وهل سيتم استخدام اللغة العربية الفصحي كما حدث في* ‬فيلم* "‬جودا أكبر*" ‬أم أن اللهجة السورية سوف تسيطر علي* ‬السينما ايضا في* ‬ظل* ‬غياب التواجد المصري،* ‬وخاصة أن تجربة دبلجة الفيلم أكدت نجاح الفكرة،* ‬وأن هناك تقبلا كبيرا من الجمهور لإعادتها مرة اخري مع زيادة نسبة الأمية،* ‬ولأن هناك افلاماً* ‬عالمية تستحق أن* ‬يراها الجميع وهو ما سيؤدي* ‬الي الارتقاء بالذوق الفني،* ‬في* ‬ظل هذا الكم الهائل من الافلام الهابطة مثل* "‬دكتور سيلكون*" ‬و"علقة ساخنة*" ‬فهل* ‬ينتبه المصريون ويقومون بدبلجة بعض الافلام العالمية بدلاً* ‬من سيطرة السوريين عليها وبذلك نضرب عصفورين بحجر نشاهد افلاما عالمية وننقذ من السيطرة السورية القادمة علي الفن وخاصة أن تجاربنا في* ‬دبلجة افلام الكارتون السابقة حظت بإعجاب الجميع*.‬



    شوفي يا قمر المقالة اللي أنت جايباها بتقول بالظبط وجهة نظر قلتها قبل كده في كتير من نقادنا الأجلاء.

    الأهتمام بالمظهر فوق المضمون
    معلش يعني كاتب المقال " حماااااار حصاوي" بص على شكل الفيلم من غير ما يبص على الفيلم بيقول ايه . و ده عيب نقادنا خريجي ابتدائية كفر ابو طشت من اللي بيريلوا على أي كلمة " منصف للإسلام " طالما بتيجي من اجنبي!
    ريدلي سكوت عمل فيلم body of lies و جاب فيه شخصية عربية إيجابية قمنا بمنتهى النصاحة اتهبلنا على الفيلم و قلنا منصف للعرب و الاسلام !
    كأن لازم اعترافنا بنفسنا و بجودتنا قدام روحنا ييجي منهم .
    نفس الشيء هنا بالمقالة دي. فيلم مناره حلوة قال المسلمين لا بأس بهم و لقيتي كل ناقد غبي ريل على الكلمة بمنتهى الهبل. لكن المشاهدين العاديين و انا مش بتكلم على واحد أو اتنين أنا بتكلم على آلاف شافوا الفيلم من العرب و علقوا نفس تعليقاتي و تعليقاتك في كل المنتديات العربية . دول قالوا ايه؟
    قالوا فيلم حلو شكلاً بس منطلبش فيه مضمون إسلامي لانه مش موجود اصلاً.
    بس بعيد عن الفيلم .. الكاتب اثار نقطة كويسة.. هي دبلجة الاعمال العالمية للغة العربية.
    هل تفضلي الدبلجة ام المشاهدة باللغة الأصلية ؟؟؟


  15. #15
    الصورة الرمزية sahora_twins
      sahora_twins غير متصل ل¹”ذ¯ؤ¬ذ™خ¶خ¾إœإœ ل»گâ‚£ خ²ل»گ££خژذ©ل»گل»گؤگ
    تاريخ التسجيل
    Sep 2007
    المشاركات
    757
    يا جماعه احنا بنعتب على ناس ميعرفوش يعنى ايه اصلا اسلام ولا مسلمين
    دول محسوبين على المسلمين غلط

    امال بقه هنا فى بلادنا العربيه الحبيبه ما هما بيطلعوا شكل المسلمين برضوا زى الزفت وخمرا وقمار وستات خصوصا افلام المخرج الفذ الى الله يحرقه يارب خالد يوسف والى الله يجحمه يوسف شاهين والزفته ايناس الدغيدى غيرهم كتير الى عمالين ينشروا العرى وقله الادب والانحراف فى الافلام والاغانى لما الواحد قرف منهم

    طيب دول مسلمين وبعملوا كدا امال بقه الى ميعرفوش حاجه عن الاسلام عايزنهم يعملوا ايه

    هى الفكره فعلا فكره ان ده تشويه للتاريخ الاسلامى لما نعجب بواحد ملوش اى علاقه بالاسلام وشوه الدين ويمكن هو سبب اللخبطه الى هما فيها دلوقتى

    والله الناس دى بتصعب عليا بجد الى هما مسلمين اسما بس وميعرفوش حاجه عن دينهم

    وغصب عنهم لازم يعيشوا كدا لان الهندوس دول اعتقد ان جواهم غل فظيع منناحيه المسلمين الى مهماش مسلمين امال بقه لو بقوا مسلمين صح هيعملوا فيهم ايه

    وهو يعنى الفيلم ده بس الى عليه مشكله لا

    فى افلام كتير بيخلوا المسلم فيها ارهابى fiza - fanaa - مثلا كانوا ارهابيين فيهم

    وكمان فير زارا هو كان هندوسى وهى مسلمه حاجه ملخبطه يعنى

    احنا بنحب افلامهم بس مش هيعجبنا طبعا عقيدتهم ولا اللخبطه الى عندهم يبقى ناخد الافلام على انها ترفيه وخلاص ظى ما منى قالت بس لازم نبقى عارفين حقيقه كل فيلم

    عموما انا الفيلم ده معتش متفرجه عليه وهمسحه من عندى هههههههههههههههههههههههه

موضوع مغلق
صفحة 1 من 3 1 2 3 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك