موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 9 من 9
Like Tree0Likes

الموضوع: ِمساعدة كهرباء الافيو

  1. #1
    تاريخ التسجيل
    Apr 2007
    المشاركات
    69

    Icon4 ِمساعدة كهرباء الافيو

    يا شباب انا محتاج مساعدة في عربية افيو ...
    دخلت بالعربية التوكيل عشان الولاعة مش شغالة و بس .....شوية و خرج المهندس و قاللي ان عشان انا مركب انذار و الولاعة مش اصلي ففيه مشكلة في علبة الفيوزات و احتمال تتغير و ان هما ركبوا كتاوت لحد م تتوفر علبة فيوزات و قالي ان السنتر مش شغال المهم خدت العربية و اكتشفت بعد كدة ان النور العالي ز نور التابلوة و العدادات مش شغال .... في يوم كنت فاضي فتحت علبة الفيوزات الداخلية لقيت ان مفيش فيوز للسينتر اساسا ركبتة اشتغل السنتر و نور التابلوة فتحت علبة الفيوزات الخارجية لقيت برضة مفيش فيوز للنور العالي و مفيش فيوز ( main relay ) المهم قلقت و مش عارف هما فعلا ركبوا كتاوت نور عالي و لا لا
    خايف اشتري الفيوز و اركبة يبوظ حاجة و مش عاوز ارحلهم تاني يعني من الاخر عاوز حد بيفهم يبص علي الليلة دي و يرسيني علي الليلة كلها .... انا عاوز عنوان كهربائي بيفهم ... كهربائي جامد ...

  2. #2
    تاريخ التسجيل
    Jul 2007
    المشاركات
    2,704
    بص يا باشا, هما كانوا عايزين يعملوا عليك شغل مش أكتر, هما شالوا فيوزات و خلاص و عملولك من الحبه قبه. أنت راجع على الفيوزات و هات زيها بنفس المقاومه متجيبش فيوز على مزاجك, و ده حتعرفه من الغطاء بتاع علبه الفيوزات. و متهيألي هما لا ركبوا كتاوت ولا حاجه و ده كله شغل نصب في نصب. و علبة الفيوزات مش بتبوظ علشان ولاعه مش أصلي.... و روح لأي كهربائي في اي حته حيعملك الشغل ده. لإنه حاجه سهله, بس متحكيلوش على إلي حصل في التوكيل علشان ميحاولش يشتغلك. و صدقني شغل الكهربا في العربيه سهل جدا, المهم ركب الفيوزات خلي كل حاجه تشتغل زي الأول و روح لكهربائي خليه يبصلك على الولاعه.

  3. #3
    الصورة الرمزية ahmed_su
    تاريخ التسجيل
    Aug 2007
    المشاركات
    142
    لا حول ولا قوة الا بالله ايه النصب ده يارب البلد دى مش هيتصلح حالها

    الحمد لله انى بأعمل كل حاجة فى العربية بنفسى وان كان فيه حاجة محتاجة اى فنى بتكون ايدى بايده لانه للاسف لايوجد حد عنده ضمير بجد حتى لو كان كويس فنيا

    زى ماقال الاخ عمرو الموضوع بسيط واى كهربائى هيحللك المشكلة على طول ولو انت من القاهرة انا ممكن اساعدك



    الصور المرفقة
      عذراً, لا تستطيع مشاهدة المرفقات إلا بعد الرد على الموضوع
    التعديل الأخير تم بواسطة ahmed_su; 22-04-2008، الساعة 12:33 PM



    لا إله إلا أنت سبحانك إني كنت من الظالمين

  4. #4
    الصورة الرمزية ELHDDAD
    تاريخ التسجيل
    Mar 2007
    المشاركات
    3,899
    حقيقى بجد شر البليه ما يضحك
    والله مش عارف اقولك ايه ده توكيل ده وحسبى الله ونعم الوكيل
    موضوع الفيوز على الرغم من بساطته الشديده جدا زى ماتفضل عمرو واحمد وقالوا بس مهم وزى مانت شوفت فيوز تمنه لا يتعدى الجنيه قلبلك العربيه
    ركب كل فيوزاتك كويس جدا وبرده زى ما عمرو قالك قيمة مقاومة الفيوز مكتوبه على غطاء لوحة الفيوزات ولو ممكن تتأكد من كل فيوزاتك
    وده على اساس ان الفيوز شفافه وبتبين ان كانت محروقه او لأ
    ربنا يباركلك فى عربيتك







    MY
    Blog - Website - Portfolio - Gallery

    E G Y S P E E D
    وبدأ حلمنا ....


  5. #5
    الصورة الرمزية furp
    تاريخ التسجيل
    Feb 2008
    المشاركات
    575
    اقتباس المشاركة الأصلية كتبت بواسطة amrgamea مشاهدة المشاركة
    بص يا باشا, هما كانوا عايزين يعملوا عليك شغل مش أكتر, هما شالوا فيوزات و خلاص و عملولك من الحبه قبه. أنت راجع على الفيوزات و هات زيها بنفس المقاومه متجيبش فيوز على مزاجك, و ده حتعرفه من الغطاء بتاع علبه الفيوزات. و متهيألي هما لا ركبوا كتاوت ولا حاجه و ده كله شغل نصب في نصب. و علبة الفيوزات مش بتبوظ علشان ولاعه مش أصلي.... و روح لأي كهربائي في اي حته حيعملك الشغل ده. لإنه حاجه سهله, بس متحكيلوش على إلي حصل في التوكيل علشان ميحاولش يشتغلك. و صدقني شغل الكهربا في العربيه سهل جدا, المهم ركب الفيوزات خلي كل حاجه تشتغل زي الأول و روح لكهربائي خليه يبصلك على الولاعه.

    السلام عليكم

    طبعا كلام عمرو عشره علي عشره وبرضك انا عندي وجهة نظر تانيه انك تروح التوكيل وتروح للمدير وتكشفله علي النصب الي بيتعمل علي العملاء

    ولو لقيت كمان المدير نص كم عليك وعلي الشركه الام في امريكا واكيد الناس دي مش بتهزر

    صدقني حاول تصلح الغلط ومش تسكت عليه وان شاء الله ربنا هيديك حسنات لكل الناس الي هتستفيد من وراك

    ياجماعه لازم نتغير ونبقي زي العالم المتقدم كل الناس بتقدم خدمه وتاخد حقها

    لكن عندنا تدفع فلوس وتاخد نصب

    لا ياجماعه لازم نواجه الظاهره دي لانها بجد مع الغلاء والمشاكل الي عندنا بدأت تستفحل وحنا جميعا الي هنضر

    فربنا يوفقك للقرار الصح
    التعديل الأخير تم بواسطة amrgamea; 22-04-2008، الساعة 05:34 PM سبب آخر: كلمه إن شاء الله تكتب بمسافه بين إن و شاء, فهي ليست إنشاء
    رائد التخطيط العمراني




  6. #6
    الصورة الرمزية ahmed_su
    تاريخ التسجيل
    Aug 2007
    المشاركات
    142
    اقتباس المشاركة الأصلية كتبت بواسطة furp مشاهدة المشاركة
    السلام عليكم

    طبعا كلام عمرو عشره علي عشره وبرضك انا عندي وجهة نظر تانيه انك تروح التوكيل وتروح للمدير وتكشفله علي النصب الي بيتعمل علي العملاء

    ولو لقيت كمان المدير نص كم عليك وعلي الشركه الام في امريكا واكيد الناس دي مش بتهزر

    صدقني حاول تصلح الغلط ومش تسكت عليه وانشاء الله ربنا هيديك حسنات لكل الناس الي هتستفيد من وراك

    ياجماعه لازم نتغير ونبقي زي العالم المتقدم كل الناس بتقدم خدمه وتاخد حقها

    لكن عندنا تدفع فلوس وتاخد نصب

    لا ياجماعه لازم نواجه الظاهره دي لانها بجد مع الغلاء والمشاكل الي عندنا بدأت تستفحل وحنا جميعا الي هنضر

    فربنا يوفقك للقرار الصح


    معك حق لان الشركة الام تريد ان تحافظ على سمعتها بس احنا بنتهاون فى حقنا وقد حدث موقف مع والد احد اصدقائى ولديه مرسيدس سى 180 وانها كانت بها مشكلة فى سربنتينة التكيف وقد قام الرجل بتغيرها قى التوكيل ب6000 جنيه وبعد شهرين حدث بها تسرب وبالكشف عليها وجد بها تاكل وثقوب وقالو له نلحمهلك فرفض وطلب تغيرها وهما رفضو ا فطلب مقابلة مدير التوكيل والذى افاد انه لايمكن تغيرها بل يمكن لحمها فالرجل اخذ قرار يشكوتهم وبالفعل حصلنا على فاكس خدمة ما بعد البيع فى المانيا وكتبنا فاكس به تفصيل الموضوع وموثق بفتورة الشراء وبعد ثلاثة ايام اتصلت بنا سكرتيرة مكتب مديرة خدمة مابعد البيع وحددت معنا ميعاد لمقابلة المدير الاقليمى لمرسيدس بنز بالقاهرة وقبلنا الرجل وابدى تفهمه واسفه على ماحدث واصدر اوامره الى التوكيل بتغير السربنتينة واعطنا مدة ضمان مضاعفة وكذلك خصم 50% يعنى رجعولنا 3000 جنيه
    الخلاصة ان كل التوكيلات تدار بعقلية مصرية فى غش العملاء وسرقتهم اعتمادا على اننا بنتسرق ونسكت وكمان اللى يفضل ورا حقه اكيد هيوصل لان ربنا مع الذى لديه حق والفلوس اللى بيسرقوها مننا احنا تعبانين فيها ومش سرقنها

  7. #7
    الصورة الرمزية furp
    تاريخ التسجيل
    Feb 2008
    المشاركات
    575
    اقتباس المشاركة الأصلية كتبت بواسطة ahmed_su مشاهدة المشاركة
    معك حق لان الشركة الام تريد ان تحافظ على سمعتها بس احنا بنتهاون فى حقنا وقد حدث موقف مع والد احد اصدقائى ولديه مرسيدس سى 180 وانها كانت بها مشكلة فى سربنتينة التكيف وقد قام الرجل بتغيرها قى التوكيل ب6000 جنيه وبعد شهرين حدث بها تسرب وبالكشف عليها وجد بها تاكل وثقوب وقالو له نلحمهلك فرفض وطلب تغيرها وهما رفضو ا فطلب مقابلة مدير التوكيل والذى افاد انه لايمكن تغيرها بل يمكن لحمها فالرجل اخذ قرار يشكوتهم وبالفعل حصلنا على فاكس خدمة ما بعد البيع فى المانيا وكتبنا فاكس به تفصيل الموضوع وموثق بفتورة الشراء وبعد ثلاثة ايام اتصلت بنا سكرتيرة مكتب مديرة خدمة مابعد البيع وحددت معنا ميعاد لمقابلة المدير الاقليمى لمرسيدس بنز بالقاهرة وقبلنا الرجل وابدى تفهمه واسفه على ماحدث واصدر اوامره الى التوكيل بتغير السربنتينة واعطنا مدة ضمان مضاعفة وكذلك خصم 50% يعنى رجعولنا 3000 جنيه
    الخلاصة ان كل التوكيلات تدار بعقلية مصرية فى غش العملاء وسرقتهم اعتمادا على اننا بنتسرق ونسكت وكمان اللى يفضل ورا حقه اكيد هيوصل لان ربنا مع الذى لديه حق والفلوس اللى بيسرقوها مننا احنا تعبانين فيها ومش سرقنها

    صح كلامك كده مظبوط احنا لازم مش نتهاون حتي لو حاجه بجنيه طالما ده شقانا وتعبنا وبعدين المصريين دلوقتي متفتحين وعارفين حقهم طب ليه نفرط فيه

    بس ان شاء الله كل واحد ياخد حقه ومصر هتكون احسن بينا

  8. #8
    تاريخ التسجيل
    Apr 2007
    المشاركات
    69
    الف شكر يا جماعة و ربنا يكرمكم .... انا هدور علي الفيوز و اركبة و ربنا يسهل

  9. #9
    تاريخ التسجيل
    Apr 2007
    المشاركات
    69

    Grrrrrr الحذر من اتوماستر اللي في الحي السادس

    الحمد لله انا ركبت فيوز الولاعة و ركبت كتاوت النورالعالي و القصة كانت نصب في نصب او جهل من المهندس و صياعة من العمال .....المهم يا جماعة خللوا بالكم من مركز صيانة اوتوماستر اللي في شارع المخيم الدائم .......

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك