موضوع مغلق
صفحة 1 من 3 1 2 3 الأخيرةالأخيرة
النتائج 1 إلى 15 من 41
Like Tree0Likes

الموضوع: اى استفسار عن سيارات المعوقين من البداية الى النهاية انا تحت امركم

  1. #1
    تاريخ التسجيل
    Feb 2007
    المشاركات
    83

    اى استفسار عن سيارات المعوقين من البداية الى النهاية انا تحت امركم

    انا لسه جايب عربية من بور سعيد فيات تمبرا مويل 91 انا معوق
    المهم علشان نخلص موضوع انى واحد معوق يجيبهالك الموضوع ده خلاص انتهى شكلا وموضوعا
    ازاى اقولكم
    الاسبوع للى قبل للى فات ننزل قرريين
    القرار الاول الغاء موضوع فك الحظر عن العربيات ولا بفلوس ولا بغيره يعنى المعوق غصب عنه لازم يستنى 5 سنين علشان يعرف ينقل ملكية العربية
    القرار الثانى انى تم تخفيض مدة الحظر للافراد القوات المسلحة من 5 الى 3 سنين فقط
    وفى حاجه كمان حصلت جديدة اى ظابط هيمسك عربية مجهزة صاحبها المعوق مش موجود فيها الظابط هياخد مكافاة 600 جنيه على كل عربية يمسكها
    طبعا انتم عارفين مين للى بيدفع ل600 جنيبة دول من غير ما اقول
    المهم نيجى بقى لموضوع نفسه
    لوحد معوق هيروح يعمل قموسيون طبى وينتظر النتيجة طبعا حاليا بتعاقد حوالى 8 شهور علشان يجى معادك فى القموسيون المهم النتيجة بتطلع بعد شهر ولما النتيجة بتطلع بتستنى شهر تانى لحد ما ورقك يوصل لبور سعيد بتروح وبور سعيد هناك بتتاكد انى ورقك وصل
    بتشترى العربية من هناك والراجل للى بتشترى منه العربية بيخلصلك كل الورق فى بور سعيد بعد ما بتكتب العقد وتتدفع العربون
    تروح بعدها بيومين تستلم العربية اعقبال ما الراجل يخلص خروجها من الجمرك
    بتاخد العربية وترجع بيها القاهرة
    بتعاقد بيها شهر تركينها تحت البيت لحد ما ورقك يجى من بورسعيد للمرور بتاعك للى انت تابع له
    بتروح المرور بتركب نمر للعربية وبتاخد رخص لمدة شهر تتدرب على العربية وبعد ما تتعلم السواقه تروح المرور تانى تعمل اختبار نظرى وعملى لسواقه وبتاخد رخصه خاصة لمدة 10 سنوات ورخصة عربية لمدة 3 سنوات ومكتوب عليهم بالاحمر لا يقودها الا مالك السيارة فقط
    بس خلاص
    المهم نتكلم عن العربيات نفسها
    هناك العربيات تقريبا بتاخدها بنص ثمنها للى موجود فى السوق هنا يعنى اونو والابيزا لاقيت هناك منها ب14 الف
    التمبرا بتاعتى 20500
    بس صرفت عليها حوالى تلات الف جنيه بعد ما جيبتها
    اى عربية هتجيبها من هناك لازم اول ما تيجى تروح بيها لميكانيكى بيفهم وحط تحت بيفهم ميت خط مش اى مكانيكى يشتغل فى العربيات ده
    بيظبطها وبيشوف السيور وتومبط المياه والشكومان والحاجات للى ممكن تستهلك
    يظبطهالك وتبدا تستعملها
    العربيات هناك بنص تمنها هنا تقريبا بس الفرق انى حاليتها افضل مليون مره من العربيات للى هنا فى مصر
    واى استفسار انا تحت امركم هنا او على الخاص

  2. #2
    تاريخ التسجيل
    Jul 2007
    المشاركات
    3
    جزاك الله كل خير

  3. #3
    تاريخ التسجيل
    Feb 2007
    المشاركات
    83

  4. #4
    تاريخ التسجيل
    Jul 2007
    المشاركات
    36
    احمد انت متأكد انه مفيش فك حظر نهائي يعني ميقدرش يشتريها المعوق ويبيعها؟

  5. #5
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    جزاك الله كل خير على الموضوع


    بس انت متاكد من موضوع قرار الغاء فك الحظر دا

  6. #6
    تاريخ التسجيل
    Feb 2007
    المشاركات
    83
    اقتباس المشاركة الأصلية كتبت بواسطة dream33 مشاهدة المشاركة
    احمد انت متأكد انه مفيش فك حظر نهائي يعني ميقدرش يشتريها المعوق ويبيعها؟
    اقتباس المشاركة الأصلية كتبت بواسطة زمن العجايب55 مشاهدة المشاركة
    جزاك الله كل خير على الموضوع


    بس انت متاكد من موضوع قرار الغاء فك الحظر دا
    والله يا جماعه وانا بعمل الرخصة بتاعة العربية الاسبوع للى فات سمعت فى القموسيون الموضوع ده
    راح اخويا سأل لاقى فعلا الكلام ده صح وعرف موضوع انى الظابط بياخد 600 عن كل عربية يمسكها وموضوع تخفيض مدة فك الحظر لتصبح 3 سنوات ده للقوات المسلحة فقط المعاقين

    اصحاب معارض العربيات هما للى وراء الحملة ده زى غبور وغيره
    لانى الموضوع ده اثر فعلا على مبيعات العربيات فى مصر
    عارفين لما روحت اشترى العربية من بور سعيد الراجل هناك قال لى كنا الاول قبل ما يتم شيل القيود بتاعة العربية كنا كل شهر او كل اسبوعين لما يجى لينا معوق علشان يشترى مننا دلوقتى فى اليوم الواحد بنبيع بتاع تلات او اربع عربيات يوميا

    وكمان القموسيون كنت بتقدم زمان بيكون الكشف بتاعك بعدها بيوم اوز اتنين دلوقتى بتفضل 8 شهور لحد ما يجى دورك فى الكشف

    الموضوع كبر اوى وكان لازم يكون فى ردع للموضوع ده واصحاب مصانع ومعارض العربيات فى مصر اكيد مكنوش هيسكت ده شىء كان متوقع والحمد الله انها جت على كده
    لانى كان طالبين انى الحظر يبقى 7 سنوات مش 5 او انى المعاق ميشتريش عربية الا لما يتم كشف على العربية للى معاه ويشوف يستاهل يشترى واحده جديدة ولالا
    بس هما خدو بالاجراءات بتاعة عدم فك الحظر الا بعد 5 سنوات
    وانا تت امركم فى اى استفسار

  7. #7
    الصورة الرمزية mido-algen
    تاريخ التسجيل
    Dec 2006
    المشاركات
    608
    موضوع رائع يا جميل

    بس في استفسار كده بصفتك خبره في الموضوع ده

    انت بتقول لو اي ضابط لقي عربيه معاقين مفيهاش صاحبها بيسحبها وله 600 جنيه مكافأه

    طيب لو المعاق موجود في العربيه وابنه اللي سايق هيبقا فيها مشاكل برده ولا عادي

    سؤال كمان بالمره عشان انت رحت بور سعيد وشفت العربيات وعرفت اسعارها بالنسبه ل دايو نوبيرا ون سعرها بيتراوح من كام لكام وبالنسبه لتويوتا كورولا 2002 مثلا سعرها بيتراوح من كام لكام انا عارف ان الفرق شاسع بين الاتنين بس انا بفكر اجيب كورولا انا خلاص فاضلي ايام معدوده والنتيجه تظهر بس ان شاء الله خير
    التعديل الأخير تم بواسطة mido-algen; 13-01-2008، الساعة 02:48 AM

  8. #8
    تاريخ التسجيل
    Mar 2007
    المشاركات
    69
    سؤال على الخاص لو سمحت
    التعديل الأخير تم بواسطة aymanaly2003; 13-01-2008، الساعة 04:05 AM سبب آخر: تعديل

  9. #9
    تاريخ التسجيل
    Oct 2007
    المشاركات
    303
    الجماعة بتوع شركات المعوقين دول مافيا العربية التمبرا برة بتعمل بالميت 200الى 400 يورو وشحنها من اوروبا حوالى 400 يعنى حوالى ستة الاف لحد المنطقة الحرة انا والدى مصاب حرب وجيبنا 405 موديل 95 فرنساوى 1.8 جميع الكماليات عملت 9 من بلجيكا هنا بيبعوها ب30 الف سرقة والله

  10. #10
    تاريخ التسجيل
    Feb 2007
    المشاركات
    83
    اقتباس المشاركة الأصلية كتبت بواسطة aymanaly2003 مشاهدة المشاركة
    سؤال على الخاص لو سمحت
    تم الرد وانا تحت امرك وبالتوفيق
    بس بعد اذنك لو ممكن تعمل نسخه من سوالك والاجابه للى انا بعتهالك هنا علشان زميلك يستفادو منها ممكن حد يكون عنده نفس سوال

  11. #11
    تاريخ التسجيل
    Feb 2007
    المشاركات
    83
    اقتباس المشاركة الأصلية كتبت بواسطة mido-algen مشاهدة المشاركة
    موضوع رائع يا جميل


    بس في استفسار كده بصفتك خبره في الموضوع ده

    انت بتقول لو اي ضابط لقي عربيه معاقين مفيهاش صاحبها بيسحبها وله 600 جنيه مكافأه

    طيب لو المعاق موجود في العربيه وابنه اللي سايق هيبقا فيها مشاكل برده ولا عادي


    سؤال كمان بالمره عشان انت رحت بور سعيد وشفت العربيات وعرفت اسعارها بالنسبه ل دايو نوبيرا ون سعرها بيتراوح من كام لكام وبالنسبه لتويوتا كورولا 2002 مثلا سعرها بيتراوح من كام لكام انا عارف ان الفرق شاسع بين الاتنين بس انا بفكر اجيب كورولا انا خلاص فاضلي ايام معدوده والنتيجه تظهر بس ان شاء الله خير
    لا عادى مفيش اى مشاكل باذن الله طالما انت جوه العربية مفيش حد يقدر يكلمك المهم تكون انت جوه العربية

    بالنسبة الاسعار مفيش اسعاد محدده للعربيات ولا حتى لنفس نوع العربيه الاونو هناك هتلاقيها ب14 وهتلاقيها ب20 و22 الف
    ده بيتحدد على اساس السى سى و موديل وحالة العربيو ومتكيفة ولا لا والكماليات للى فيها
    انت تسيبك من ده كله وتريح دماغك اشترى العربية للى حاليتها كويسه وقطع غيار تكون متوفره وليس الرخيصه لا تكون متوفره طالما العربية حاليتها كويسه عفشه وماتوره ومساعدين خلاص توكل على الله حتى لو امامك اتنين واحده موديل اقدم من التانيه بس حاليتنها افضل خد للى حاليتها افضل
    يا جماعه العربية ده رجليك هتخرج بيها كتير لو السليم بيستهلك العربية بتاعته بنسبة 10% انت هتستهلك بنسبة 50% لانك اى مشوار هتروح بيها حتى لو قريب
    اوعى يهمك الشكل واو كماليات العربية المهم الحاله الحاله والبودى بتاع العربية والدواخل بتاعتها

  12. #12
    تاريخ التسجيل
    Feb 2007
    المشاركات
    83
    اقتباس المشاركة الأصلية كتبت بواسطة mido82001 مشاهدة المشاركة
    الجماعة بتوع شركات المعوقين دول مافيا العربية التمبرا برة بتعمل بالميت 200الى 400 يورو وشحنها من اوروبا حوالى 400 يعنى حوالى ستة الاف لحد المنطقة الحرة انا والدى مصاب حرب وجيبنا 405 موديل 95 فرنساوى 1.8 جميع الكماليات عملت 9 من بلجيكا هنا بيبعوها ب30 الف سرقة والله
    كلامك فعلا صح بس مش كل الناس ليها حد عايش بره للى للية حد عايش بره ممكن يبجهالو ويشحنها اكيد هتكون افضل واوفر

  13. #13
    تاريخ التسجيل
    Feb 2006
    المشاركات
    110
    انا سمعت ان انا ممكن اشترى من بورسعيد العربيةو هما بيجبلك المعاق تديلة 5000 جنية و بعدين تدقع 9600 علشان تفك الحزر بتاعها وتنقل الملكية ليك هل الكلام ده صح وسمعت ان السيارة دايو الجويليت بتتباع هناك 22500 جنية وانا بفكر اشترى واحدة اية رايك

  14. #14
    تاريخ التسجيل
    Feb 2007
    المشاركات
    83
    اقتباس المشاركة الأصلية كتبت بواسطة salim381977 مشاهدة المشاركة
    انا سمعت ان انا ممكن اشترى من بورسعيد العربيةو هما بيجبلك المعاق تديلة 5000 جنية و بعدين تدقع 9600 علشان تفك الحزر بتاعها وتنقل الملكية ليك هل الكلام ده صح وسمعت ان السيارة دايو الجويليت بتتباع هناك 22500 جنية وانا بفكر اشترى واحدة اية رايك
    ما انا قولت فى بداية الكلام انى موضوع فك الحظر اتلغى مابقاش فى الكلام دهيعنى العربية هتفضل باسم المعوق لخمس سنين بالكاملوكلامك فعلا صحيح وموجود بس كان ينفع الاول اما دلوقتى لاجيوليت هناك فى حدود 25 الف زيادىة او ناقص 2000 جنيه حسب حالة العربية والكمليات للى فيها

  15. #15
    تاريخ التسجيل
    Aug 2005
    المشاركات
    164
    يعنى انا لو جيبت اجيب معاق يجيبلى العربيه واديله 5 تلاف جنيه هتبقى بأسمه لمدة خمس سنين ولو انا ركبتها وهى بأسمه واتمسكت هتتسحب منى حتى لو كان هو عاملى توكيل ...؟!!

موضوع مغلق
صفحة 1 من 3 1 2 3 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك


تعتبر FIFA والعلامات المرتبطة والشعارات هي العلامات التجارية وعلامات الخدمة الخاصة بالاتحاد الدولي لكرة القدم. هذا الموقع غير معتمد من الاتحاد الدولي لكرة القدم كما أنه غير مرتبط به.