موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 34
Like Tree0Likes

الموضوع: دكتور....وهركب نيفا؟!! عايز مساعدتكوا

  1. #1
    تاريخ التسجيل
    Aug 2007
    المشاركات
    440

    دكتور....وهركب نيفا؟!! عايز مساعدتكوا

    انا طبيب بشرى امامى عربيه لادا نيفا حالتها ممتازه وموديل 96
    الناس قالولى دكتور وهتركب نيفا!!!!!!
    ممكن اعرف رايكوا ايه فى النيفا...وحد هيتريق عليا ولا لأ ..مع العلم ان العربيه فابريقه بالكامل
    العربيه 96 وتمنها 29 الف جنيه رايكوا ايه يا جماعه
    ارجو الافاده سريعا

  2. #2
    تاريخ التسجيل
    Feb 2006
    المشاركات
    433
    والله انا مش شايف فيها حاجه خالص , و انا على فكره دكتور صيدلى! النيفا عربيه حلوة فى رأى, هى طبعا اخشن عربيه ممكن تركبها فى حياتك و فى الملفات الضيقه حتخنقك شويه لان العجل بيلف حوالى 30 درجه بس, بس شويه و هتتعود على الحوارات دى. العربيه 1600 cc و فيها 2 فتيس غرز و ياريت تتاكد ان الى راكب عليها هو موتورها الاصلى بفتيسين الغرز "عشان فى ناس بتشيلو و تسقط موتور لادا 1300 عشان البنزين". العربيه على فكره مش دفع رباعى "4x4 " هى دفع خلفى. بس هى عربيه حماله قاسيه فعلا و بتجرى كويس و لا تخاف من مطبات بقى و لا خفر و لا كلام من ده. بالنسبه للسعر انا الحقيقه معرفش سوق الوديلات العاليه "فوق ال90 " عامل ازاى و فى انتظار رأى الاعضاء فى الموضوع ده.

  3. #3
    تاريخ التسجيل
    Aug 2007
    المشاركات
    440

    اللى هشتريها 1700 cc

    شكرا يا dr_pharma على ردك
    العربيه اللى هجيبها 1700 سى سى
    مش عارف هلاقى ليها قطع غيار ولا لأ
    ممكن يركب ليها باور ولا لأه
    ممكن يركب ليها ماتور ولا لأه
    لومستقبلا عملت عمره للماتور هل هلاقيله قطع غيار
    شكراااااااااااااااااااااااااا

  4. #4
    الصورة الرمزية Distortion
    تاريخ التسجيل
    Mar 2006
    المشاركات
    4,439
    أية المشكلة أنك تركب نيفا عادى خالص
    بس خد بالك الراجل اللى رد عليك بيقولك خشنة جدا
    و أنت مش هتعد تحارب و أنت سايق و أكيد محتاج عربية ناعمة و مريحة
    و كمان العربية دى مش منتشرة خالص و قليلة أوى
    أتأكد من قطع الغيار قبل ما تشتريها
    و أنا رأيى سيبك منها و هات حاجة شكلها حلو و قطع غيارها متوفرة و سعرها كويس


    عندك السوزوكى سويفت عربية زى الفل و ناعمة جدا و سحبها رهيب بتجيب من 0 إلى 100 فى أقل من 12 ثانية و ده تسارع رهيب بالنسبة لأنها 1300 سى سى و كمان شكلها حلو و قطع غيارها رخيصة
    و دى أحسن عربية تجيبها بالسعر ده بس هتحتاج تزود بتاع 4 أو 5 ألاف يعنى فى حدود ال 35 ألف جنية
    بس عيبها جسمها ضعيف شوية
    و ربنا يوفقك فى أختيار الأفضل

    ζђë றô$ζ ζђΐήĢ ΐ ŁΐKє ΐή jΰđô ΐ$ ẅђєήєVєя Ỳôΰ Ŧ@ŁŁ đôẅή ΰ Ģєζ ΰP ДĢ@ΐή
    ΐζ'$ @ ẅДỲ ờŦ ŁΐŦє


  5. #5
    تاريخ التسجيل
    Aug 2007
    المشاركات
    440

    thanks

    شكرا يا hazemozo
    انتظر اراء بقيه اعضاء المنتدى
    افيدونى اجيب نيفا موديل 97 فابريقه ولا لأه

  6. #6
    تاريخ التسجيل
    Aug 2007
    المشاركات
    440

    انا اسف

    يا جماعه انا اسف وبزعجكوا جامد
    بس ممكن تفيدونى النيفا كويسه ولا لأه

  7. #7
    تاريخ التسجيل
    Aug 2004
    المشاركات
    45
    بص يا دكتور النيفا خشنه فعلا وشكلها مش هيبقى اد كده انا بايد راى العضو اللى رشحلك السوزوكى سويفت او عندك ابيزا 94 او هيونداى اكسل اعتقد هيناسبوك اكتر بككتير وكمان السعر هيزيد بسيط جدا على حسب الحاله او قد يكون قريب

    بالتوفيق

  8. #8
    الصورة الرمزية yoofiman1
    تاريخ التسجيل
    Dec 2006
    المشاركات
    543
    بص يا باشا.....انا دكتور زيك
    لو هاتروح وحدة صحية حيث المطبات ووجع الدماغ والاسواق والقرف ده كله يبقى تمام(بس انا اقصد وحدة صحية فى نفس المحافظة بتاعتك ما اقصدش سفر بجد)
    ولو انت محيط الحركة بتاعتك الطرق فيه زبالة وكلاكيع وحاجات من دى يبقى ماشى
    لكن غير كده وبشكل عام....العربية دى مش لينا يا باشا وخسارة فيها المبلغ ده (مع ان فيها ميزة جامدة انها فابريكة بره وجوه).....انت ممكن تجيب ريجاتا زى الملبن بالمبلغ ده

  9. #9
    تاريخ التسجيل
    Aug 2007
    المشاركات
    440

    اشكركم

    thanks karimh
    thanks yoofiman1

  10. #10
    تاريخ التسجيل
    Jul 2007
    المشاركات
    2,704
    متجبهاش لإن حسب ما سمعت إن قطع غيارها قليلة و مش بياعه

  11. #11
    تاريخ التسجيل
    Aug 2007
    المشاركات
    440

    شكرا amrgamea

    الف شكر يا amrgamea
    شكرا لكل من شارك
    وانتظر اذا كان هناك اراء جديده

  12. #12
    الصورة الرمزية desert1_storm
    تاريخ التسجيل
    Sep 2006
    المشاركات
    1,495
    النيفا شغاله حلو

    ربـــــــى انــــــى ظلمـــت نفسى والا تغفر لى وترحمنى اكن من الخاسرين
    حمل القران الكريم بجوده رهيبه وروابط مباشره لاى مقرىء تتخيله
    صلى على رسول الله


    شـــــجع مصــــــــــر

  13. #13
    تاريخ التسجيل
    Aug 2007
    المشاركات
    440

    شغاله حلو ازاى

    شكرا يا desert1_storm بس ممكن توضح اكتر
    ايه مميزات النيفا

  14. #14
    الصورة الرمزية yoofiman1
    تاريخ التسجيل
    Dec 2006
    المشاركات
    543
    بص يا باشا انا هاقولك النيفا شغالة حلو دلوقتى ازاى
    الشباب دلوقتى متأثر جدا بعربيات الدفع الرباعى الامريكانى الشيروكى والهامر والتفحيط والتخييش والهرى وتامر حسنى والحركات دى
    وكمان الطرق عندنا زباااااااااالة وماينفعش معانا العربيات الواطية على الارض والناعمة
    ونظرا لان العربيات الدفع الرباعى المستعملة غالية جدا
    فبيلاقوا غرضهم فى النيفا الروسى.....هى دفع خلفى مش دفع رباعى بس برضه شديدة وفيها فتيش غرز يعنى تمشى بيها فى الصحرا براحتك......وفيها كمان منفلة يعنى لما البطارية تنام ماتضطرش تزوقها يدوبك تدور المنفلة تدور العربية بس كأنها تليفون من بتوع زمان او مكنة الرى بتاع الفلاحين.
    المهم....بيجيبوها وبيروشوها ويعملوا فيها حركات وبيحاولوا يقربوا شكلها من الجيب.......بس برضه بتفضل نيفا يعنى......هاهاه
    وده يا باشا موضوع عملوا واحد من زمايلنا قبل كده عن ترويش العربيات اللادا والنيفا:
    http://dvd4arab.com/showthread.php?t=532127
    مش هاتصدق ان النيفا واللادا ممكن يتروقوا كده
    احنا يا باشا ولا حنفحط ولا نخيش ولا هنروح نعمل (camping) فى الصحرا ولا فينا دماغ نروشها ونجنطها ونعملها سوند سيستم وفيبر
    يبقى من الاخر عربية شغالة بس ماتنفعناش

  15. #15
    تاريخ التسجيل
    Feb 2006
    المشاركات
    433
    اقتباس المشاركة الأصلية كتبت بواسطة midonbtc مشاهدة المشاركة
    شكرا يا dr_pharma على ردك
    العربيه اللى هجيبها 1700 سى سى
    مش عارف هلاقى ليها قطع غيار ولا لأ
    ممكن يركب ليها باور ولا لأه
    ممكن يركب ليها ماتور ولا لأه
    لومستقبلا عملت عمره للماتور هل هلاقيله قطع غيار
    شكراااااااااااااااااااااااااا
    قطع الغيار موجوده , يركب لهل بوار و تكييف كمان, انما انا مع الشباب اللى قالك هات هاجه انعم لان هى فعلا خشنه موووووووت "متنساش انها عربيه جيش فى الاصل , و انهى جيش؟؟؟؟ الجيش الروسى يا باشا!"

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك