موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 6 من 6
Like Tree0Likes

الموضوع: كل من لديه معلومات عن & أوبل كورسا 2006 & يتفضل بالدخول

  1. #1
    الصورة الرمزية mgzgelo
    تاريخ التسجيل
    Sep 2004
    المشاركات
    898

    كل من لديه معلومات عن & أوبل كورسا 2006 & يتفضل بالدخول

    أخوانى اعضاء المنتدى الكرام ،

    انوى شراء اوبل كورسا 2006 على الزيرو ،

    فياريت تفيدونى برأيكم بخصوص هذة السيارة من حيث مميزاتها وعيوبها

    مع العلم ان مشى بالعربية مش كتيير وانى لا اسافر بالسيارة كثيراً ...

    وياريت اللى عنده صور لهذة السيارة يتفضل مشكوراً برفعها لأتى حاولت الاقى لها صور على النت ملقتش !!

    وشكراً...

  2. #2
    تاريخ التسجيل
    Nov 2005
    المشاركات
    3,014
    والله يا باشا هية بيقولوا عليها مش كويسة علشان القواعد بتاعت الموتور بتتكسر بسرعة و كلها عيوب و مشاكل

    فالو حتشترى قولنا انت أمكانياتك فى حدود كام و أحنا ان شاء الله حنساعدك و سبب أنك ملقتش صور ليها على النت هو انها مبتنزلش غير فى مصر على ما أعتقد

    بس أكيد الأخ hamada_eng حيرد عليك علشان هوة عندة أوبل كورسا موديل 2003 يعنى برضة الشكل السيدان


    My PC

    Processor :Intel E6750 Core2Duo 2.66GHz 4MB cach @ 3.2 GHz
    Video card : PowerColor X1950Pro 512MB @ 621/756
    RAM : 2 X Kingston 1GB bus 667MHz
    Hard Disk :Western 1 TB green 32mb cach to save the world + Western 320GB SATAII
    Motherboard : Asus P5KPL
    Case : Dolphin PRO
    Power Supply : HEC 480 W
    Speaker : Phantom 2.1
    Monitor : BenQ T2200 HD
    Mouse & Keyboard : A4 tech keyboard + Microsoft mouse
    Operating system : Windows 7 ultimate 64 bit

  3. #3
    الصورة الرمزية mgzgelo
    تاريخ التسجيل
    Sep 2004
    المشاركات
    898
    أشكرك أخى الفاضل Fahd_628 على ردك ولكن ياريت توضحلى كلامك اكتر يعنى ايه قواعد الموتور بتتكسر بسرعة ، لوحدها يعنى ولا من اى خبطة بسيطة وايه هى قواعد الموتور علشان انا مش عارف تقصد بيها ايه ؟

    و كمان المسألة مش امكانيات مادية ، المسألة ان العربية دية فيها مميزات كتيرة عجبانى زى :

    1- حجمها معقول بانسبة لعربية سيدان ( بشنطة ) يعنى ولا كبيرة ولا صغيرة زى الكورسا الهاتشباك القديمة
    2- تصميمها انسيابى و العفشة بتاعتها عالية عن الارض علشان مطبات شوارعنا المعروفة ...
    3- مـــوتــــور 1600 سى سى معقول جداً.
    4- تصميم التابلوه ومقصورة الركاب جميل ومريح.

    وخامساً سعرها معقول بالنسبة لعربية ألــمانـــى 77000 جنيه وقت كتابة هذا الكلام.


    لذا ياريت يا جماعة اللى يعرف عن العربية دية عيوب جامدة او مشاكل ياريت يقولى عليها وياريت بشىْ من التفصيل علشان انا ناوى فعلاً اشتريها...

  4. #4
    الصورة الرمزية hamada_eng
    تاريخ التسجيل
    Sep 2004
    المشاركات
    515
    السلام عليكم يا اخى mgzgelo
    بص يا سيدى انا مش هطول عليك انا هبعتلك اللينك اللى انا كنت كاتب فيه كل حاجه عن االاوبل كورسا دى

    هتلاقى فيها كل حاجه انا لاحظتها فيها وكمان كل المزايا اللى انا شوفتها
    بص بقه يا سيدى الحاجات اللى انا مش ذكرتها الحجم هى حجمها معقول جميل بس ده مش مييزه ده عيب لان العربيه نازله 1600 سىسى يعنى موتورها قوى جدا ويعتبى كبير نسبيا على عربيه فى حجمها يعنى مثلا شوف العربيت ال1600 التانيه زى الالنترا السيراتو اللانسر الحاجات دى كلها قارن حجمها هتلاقيه اكبر ونفس الموتور
    الحكايه دى ميزه وعيب فى نفس الوقت
    الميزه انك كده اديت للموتور power اكتر لانك هتشد عربيه اصغر واخف من الحجم الطبيعى ليها فطبعا هتديلك سحب فى وقت اقل وقوه عزم للموتور اكبر بس العيب فى الحكايه دى ان الاوبل كورسا اولا نازله من غير abs وكمان حجايه الحجم دى ممكن تخليك مع السرعات العاليه العربيه التحكم فيها صعب جدا جدا جداااا وخصوووصا ان العربيه عاليه اوى اوى من ورا يعنى بالبلدى كده بطه
    اما بالنسبه للعلو عن الارض فدى ميزه فيها فعلا ودى حاجه كويسه فى العربيه بس برده العربيه عاليه من ورا ومن قدام لاء بص عليها من تحت هتلاقى فى الامام اقل علو من الخلف مش هتفرق كتير
    اما بالنسبه لتغير الجنوط زى مانت سألت والله مش بتفرق انا بصراحه مش غيرت الجنوط فى العربيه بتاعتى
    بس اللى اعرفه انك طالما مش هتكبر الجنوط عن الطبيعى بتاعها مش هتحتاج انك تغير حاجه فى العفشه اما لو انت بقه عاوز تعرض جامد فانت ممكن تغير فلانشات بس وممكن تغير مساعدين حسب اللى يقولك عليه بتاع العفشه لانى مش عاوز افتيلك
    *** قواعد الموتور دى يا سيدى زى مخدات كده الموتور مرتكز عليها من هذا موضع القواعد فى الكورسا مش بتستحمل لسبب بسيط جدا انت لو شاب وبتسوق وبتجرى طلعات العربيه نفسها قويه جداااااااااااااااااااااااااااااااااااااااااااااااا اااااااا
    الموتور بينتش معاك مع الوقت القصير بتتكسر القواعد دى وهما 3 قواعد الى بيتكسر بسرعه 2 بس فى جوانب السياره
    وفى واحد تحت الموتور ده لحد دلوقت عادى عايش
    القواعد لما بتتكسر هتسبب الاتى اولا طقطقه جامده جدا مع كل طلعه معاه انت هتقول مش مشكله هتلاقى بعد كده ان الموتور بدأ ان موضعه يتغير او يميل عن مكانه الاصلى شويه الميل ده هيؤدى الا انكسار قاعده الفتيس ومن ثم هتلاقى ان الفتيس نفسه عندك فى داخل السياره هتلااقى مكانه اتغير او هتلاقيه جنب شويه كده

    انا بقولك الحاجات دى علشان انا بجد فعلا حصلت معايا فى العربيه
    وادى اللينك انا كاتب فيه برده حاجات عنها
    http://www.dvd4arab.com/showthread.php?t=349305


    وبرده يا سيدى فكر واستشير غيرى يمكن انا كان استخدامى للسيارع غلط
    ولو فى اى سؤال أأمرنى يا باشا وانا تحت امرك
    نعم سأنساكى وسأطوى صفحات قلبى لكى لا اتذكرك

    خساره




  5. #5
    تاريخ التسجيل
    Aug 2005
    المشاركات
    64
    شوف يا سيدي انا معايا العربيه بقلها حوالي 4 شهور
    هيا عاي فكره وزنها زي وزن الكورولا 1600
    الاثنين 1100 كجم
    دا بالنسبه للوزن
    وهيا تعليقها ناشف شويه ففي السرعات العاليه فوق 120 بتكون محتاجه طريق حرير علشان هتبتدي تحس بكل تعريجه في الطريق
    ....... هي لغايه دلوقتي كويسه بس الحاجه اللي فقعاني حاسس ان في صوت زي صفاره مع صوت المتور من الدينامو من اول ما اشتريتها
    في التوكيل بيقولوا عادي ....... ولما لقوني مش مقتنع قلولي متقلقش هيا كده كده في الضمان
    وعلي فكره لو اشتريتها هتلاقيها موديل 2007.........وانا سألت واحد اعرفه هي معاه بقلها سنتين و بيقول كويسه
    و انتا شوف برده وقارن و ممكن تبص علي الماتريكس..... كل الناس بتشكر فيها

  6. #6
    الصورة الرمزية mgzgelo
    تاريخ التسجيل
    Sep 2004
    المشاركات
    898
    اشكركم اخوانى على ردودكم...

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك