موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 3 من 3
Like Tree0Likes

الموضوع: ساجا اوتوماتيك ولا فرنا اوتوماتيك ؟؟؟؟؟؟

  1. #1
    تاريخ التسجيل
    Aug 2010
    المشاركات
    25

    Flag Egypt ساجا اوتوماتيك ولا فرنا اوتوماتيك ؟؟؟؟؟؟

    السلام عليكم أنا لمدة شهر في حيرة و لخصت الاختيارات في اللوجان و الفرنا و الساجا و اللانوس

    بس شلْت اللانوس و اللوجان عشان مانيوال بس

    ف انتهى بي المطاف لالفرنا الاوتوماتيك و البروتن ساجا الاوتوماتيك

    اللي وصلي من البحث إن
    الفرنا اخرها 120 بعد كده بأبقى طاير لكن الساجا لحد 140

    الفرنا بقت زي ال128 يعني لو رحت عند ميكانيكي هيشتغل فيها و هو مغمض و قطع الغيار عند البقال لكن الساجا العكس تماما

    الفرنا تقفيل مصري و الساجا ماليزي 100%

    نيجي بقى لاهم حاجة في المقارنة ناس كتير خوفتني من فتيس الكوري عموما و قالوا لي فتيس الفرنا الأوتوماتيك هيتعبني و هاغيره كتير لكن الساجا فتيس ميتسوبيشي يعني تماااااام

    و طبعا الفرنا بـ 75 و الساجا 69 و ال 6 الاف جندي دول فرق


    عايز اقلكم الغرض من العربية عشان تعرفوا تساعدوني في الاختيار

    أول حاجة احنا عيلة من 3 أفراد و كمان أنا هيبقي معايا عربية يعني غالبا اللي هيركبوا العربية هيبقوا 2 بس

    كان معانا لانوس 2 عملت في 10 سنين 60,000 كيلو يعني تقريبا بـمعدل 16 كيلو بس في اليوم

    العربية هتبقى مع الحاجة ف مش هتعدي بيها ال100 حتى على الصحراوي بنبقى ماشيين على 90 !!!!!!!!

    طبعا مهم إن العربية هتسافر حوالي مرة أو بـالكتير إتنين في السنة و يا اسكندرية يا مطروح يعني من 600 ل 1000 كيلو رايح و جاي

    و يا ريت أعرف هي اخف من اللانوس 2 ولا لأ ؟ عشان هي دي العربية الوحيدة اللي استخدمناها و مش عايز أجيب عربية أقل

    و لو في اختيارات أحسن يا ريت بس لازم تبقى زيرو و اوتوماتيك

    آسف جدا إني طولت عليكم بس معلش بقى رمضان كريم D:
    التعديل الأخير تم بواسطة mohamed_aboelmagd; 20-08-2010، الساعة 06:13 AM

  2. #2
    الصورة الرمزية snoop_2007
    تاريخ التسجيل
    Aug 2007
    المشاركات
    5,872



    70 الف ممكن يجيبوا لانسر بومه 2005 حالتها كويسه
    او كورولا 2003
    او النترا 2007
    التلات عربيات كويسين
    و من وجه نظري افضل اللانسروطبعا كلهم استعمال
    انما لو زيرو يبقا ارشحلك الفيرنا خصوصا فى موضوع الصيانة ده لانو وجع قلب لو ااشتريت عربية ومالهاش قطع غيار او حد فاهم فيها حتا لو ب3 الاف جنية العربية حتصرف عليها جامد وكل ميكانيكى يقولك حاجة شكل وحتزهق منها وتبعها بخسارة فخليك فى المضمون احسن ومبروك عليك
    ورمضان كريم
    التعديل الأخير تم بواسطة snoop_2007; 20-08-2010، الساعة 06:43 AM

  3. #3
    الصورة الرمزية modyegypt
    تاريخ التسجيل
    Jul 2006
    المشاركات
    2,932
    شوف
    الساجا جميلة وعربية محترمة انزل اسأل مكانيكى لو كل حاجة للمتسوبيشى تركب للساجا هات ساجا
    لو لا يبقى تخليك فى الفيرنا مع انى مبحبهاش خالص

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك