موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 2 من 3 الأولىالأولى 1 2 3 الأخيرةالأخيرة
النتائج 16 إلى 30 من 34
Like Tree0Likes

الموضوع: فيات 128 ولا لادا( محتار جدا)

  1. #16
    الصورة الرمزية aBDo_eMBaBy
    تاريخ التسجيل
    Jul 2008
    المشاركات
    4,750
    اقتباس المشاركة الأصلية كتبت بواسطة ramykimo مشاهدة المشاركة
    شكرا لكل اللى شرفونى بردهم
    الفكرة فى حاجة انى عمرى مركبت عربية ود معناه انى اكيد خبطها فلازم حاجة ناشفة شوية
    تانى حاجة مش عايز اجيب حاجة موديل قديم اوى من الجولف او حاجة متبهدلة من الفورد فيستا ...قصدى يعنى ان ال 25 يدوب يجيبوا حاجة متبدله منهم و لكن انا عايز اجيب لادا او 128 بس 25 دول يجيبوا حاجة حالتها كويسة...مش مم ندى الشكل او الاسم المهم الكفاءة و انا تكفى غرضى منها

    انا بتكلم صح؟؟
    يا ريت تصحاحونى و تفيدونى

    شكرا جداا
    انت بتقول انك عمرك ما ركبت عربيه
    اللادا فعلا تقيله كتير هاتتعبك
    فا خليك فى 128
    وزى ماقالوا 131 احسن من الاتنين و بنفس السعر ونضيفه
    لان الاسعار نزلت فا فكر كويس فى الـ131

    Love is all you need






  2. #17
    الصورة الرمزية sedyrohy
    تاريخ التسجيل
    Jul 2006
    المشاركات
    322
    ما فيش اجدع من اللادا بس بوص 2105 خليجي 95
    مافيش احسن منها و انت ممكن تلاقيها حالتها زيور ب 25 او 24 و انت ظبط بقى

  3. #18
    تاريخ التسجيل
    Sep 2006
    المشاركات
    112
    الكلام عكس بعضه sedyrohy &&&&& BDo_eMBaBy aBDo_eMBaBy

  4. #19
    تاريخ التسجيل
    May 2005
    المشاركات
    157

    من الاخر

    شوف ياسيدى .....عن تجربه شخصيه 128 سياره للمشاوير البسيطه و ليست للسفر..و لو عايز تسافر بيها مش حتقولك لا بس بعدكام سفريه كده اعمل حسابك على عمره للمتور.ده بالاضافه الى انها ضعيفه
    بالنسبه لسياره الادا هى سياره متينه تستحمل السفر بشكل كبير و من مميزاتها ان اى واد بليه ممكن يظبطه و قطع غيارها متوفره بكثره عن اى حد و فى كل مكان و اكتر من نوع للقطعه الواحده يعنى حسب ميزانيتك تقدر تشترى قطعه الغيار اللى انت عايزها واى ميكانيكى يركبها بسهوله جدا ..متسمعش كلام اللى بيقولك انها ثقيله و متعبه على العكس العربيه لو عملت فيها شويه حاجات اول ماتشتريها حتلاقيها ناعمه جدا و تغنيك عن مصاريف لمده طويله جدا.
    اول حاجه تروح للعفشجى يظبطلك العفشه و اللى بايظ يغيره بنوع جيدو متبخلش على العفشه .....العفشه مش مكلفه .
    تانى حاجه تروح لورشه فرامل تظبط الفرمله من الالف الى الياء و برضه متبخلش عليها
    بعد كده تشوف طقم الدبرياج لو فيه اى مشاكل غيره كله
    رابعا/ ظبط البطاريه و غير طقم الكهربا بوجيهات و ابلاتين و كوندينسير و اظبط شحن الدينامو

    اعمل تشيك على الشكمان وضبطه

    غير جيع الزيوت (ماتور-كورونه- فتيس)
    متقلقش كل اللى حيتعمل ده بالكتير خالص فى حدود الف جنيه
    بعد كده اضمنلك تمشى بالعربيه دى سنتان على الاقل من غير مشاكل و العربيه حتكون ناعمه جدا
    انصحك تشترى لادا 2107 من موديل 98 و طالع
    و ربنا يوفقك

  5. #20
    تاريخ التسجيل
    Sep 2006
    المشاركات
    112
    شكرا يا باشا...........حد تانى عايز يضيف نصايح؟

  6. #21
    الصورة الرمزية furp
    تاريخ التسجيل
    Feb 2008
    المشاركات
    575
    انا شايف ال25 الف هيجيبوا
    128 كموديل وحاله اعلي من الادا
    وده الفيصل في الكلام
    لان الاتنين كصيانه وقطع الغيار زي بعض
    لكن طبعا الادا اقوي بمراحل
    وال128 انعم بمراحل

    اتمني توفق لحاله كويسه لانها الفيصل
    رائد التخطيط العمراني




  7. #22
    تاريخ التسجيل
    Sep 2006
    المشاركات
    112
    شكرا يا باشا ..... ياجماعة يا ريت لو حد اتعامل مع اللاد او 128 او 131 يتفضل

  8. #23
    تاريخ التسجيل
    Mar 2004
    المشاركات
    107
    انا معايا تويوتا كورولا 78 و هى ممتازه ومتورها ناعم جداا و انا اشتريتها ب 21 الف

    طبعا انا بهزر معاك يا باشا
    اللى اقصده انك ركز اكتر فى حاله العربيه الحاليه بعيد عن ماركتها و مواصفاتها
    يعنى قيم العربيه كحاله منفرده بصرف النظر عن مودلها و ماركتها
    يعنى انا مثلا اعرف عربيتين فولكس فاجن موديل 75 وحالتها زفت وواحده تانيه موديل 65 و حالتها زى الجديده تقريبا .. رغم ان المفروض العكس
    بس المواصفات العامه اللى اعرفها عن 128 و الادا و 131
    [list][*]اللادا متينه و عاوزلها عافيه فى سواقتها و ناشفه اوى[*]128 بسيطه و خفيفه بس متورها خشن شويه بس مش زى اللادا[*]131 كبيره فى الحجم ( وده عيب كبير للى بيسوق جديد) لكن متورها ناعم و اقتصاديه فى البنزين و مريحه اوى عن الباقين

    انا رأى العام خد 131 ثم 128 ثم اللادا بس برضه الفيصل فى حالة العربيه نفسها

  9. #24
    تاريخ التسجيل
    Mar 2004
    المشاركات
    107
    على فكره انا بقولك رأى ده فى التلات عربيات لأنى سوقت التلاته دول قبل كده لأنهم فى العيله عندى

  10. #25
    تاريخ التسجيل
    Jan 2009
    المشاركات
    12

    Great

    سلام عليكم
    بص ياباشا أنا هاحاول أساعدك ببساطة عن طريق عرض أسعار السيارات قدامك و أنت تقيمها حسب ظروفك:

    Suzuki Maruti 17000
    Suzuki swift 27000
    Shahin 25000
    Ford escort 22000
    Ford fiesta 22000
    Volkswagen golf 32000
    Fiat punto 25000
    Fiat regata 28000
    وأنا أفضل Shahin لسهولة القيادة و توفر قطع الغيار

  11. #26
    تاريخ التسجيل
    Mar 2004
    المشاركات
    107
    اقتباس المشاركة الأصلية كتبت بواسطة mido-miro مشاهدة المشاركة
    سلام عليكم
    بص ياباشا أنا هاحاول أساعدك ببساطة عن طريق عرض أسعار السيارات قدامك و أنت تقيمها حسب ظروفك:

    Suzuki Maruti 17000
    Suzuki swift 27000
    Shahin 25000
    Ford escort 22000
    Ford fiesta 22000
    Volkswagen golf 32000
    Fiat punto 25000
    Fiat regata 28000
    وأنا أفضل Shahin لسهولة القيادة و توفر قطع الغيار
    ياراجل انتا كده بتلخبطه اكتر
    الراجل كان بادى الموضوع و هو محتار بين عربيتين 128 و اللادا و الاعضاء دخلو 131 فى المنافسه و خلوها 3 و زودو حيرة الراجل انتا بقى جبت اسعار 8 عربيات ماكناش بنتكلم عنهم اساسا و كده بقى الراجل المفروض يختار بين 11 عربيه ... كده الراجل حيصرف نظر عن الموضوع اصلا
    بص هو احسن حاجه يبقى يركب تاكسى من الماركات اللى هو محتار منها و يسألهم عن عربياتهم و هما يقولو المساوء و المزايا بتاعتها و يريح دماغه

  12. #27
    تاريخ التسجيل
    Sep 2006
    المشاركات
    112
    مغقول البونتوو 25 بس؟؟؟

  13. #28
    تاريخ التسجيل
    Nov 2007
    المشاركات
    92
    شوف انا كان معايا اول لما جيبت عربية 128 كانت حالتها كويسة جدا وكنت مهتم بيها اوى وعلى فكرة هى حاجتها مش رخيصة زى مانت فاكر انا كنت بجيب كل حاجة الاصلى لان قطع الغيار بالذات فى 128 هتلاقى لاايطالى ودة ارخص حاجة مضروب وسعرة رخيص جدا عن باقى الحاجة يعنى انا كنت من حوالى سنتين جايب ماستر فرامل عمومى فرنساوى ب220 جنية وكان فية الايطالى ب130 جنية وتيل الفرامل الايطالى بردة كان 22 جنية لكن كان الالمانى 45 جنية يعنى حاجتها متفاوتة وعلى فكرة اكتر حاجة بتبوذ فى ال 128 الكبالن والطنابير وكاوتش الميزان دول كدة تعمل حسابك انك هاتغيرهم كل فترة وبالذات الكبالن لكن هى كعربية لو مهتم بيها هاتعيش معاك كويس بس هاتحتاج مصاريف على طول واهتمام
    لكن الادا متينة وقوية وعربية لو اى حد دخل فيها هيدبهدل بس يعيبها صوت ماتورها العالى وفتيس خشن فى النقلات تقل فى الدركسيون لكن ققطع غيار بتستحمل جامد جدا ماعدا حاجة واحدة بس مقص الادا دايما بيتكسر ودة معروف عنها ولما تحب تجيب لادا هات لادا روسى موديل 95 هتبقى اشد بكتير من الادا المصرى وماتتنازلش عن الادا الروسى دور عليها هتلاقيها بس اوعى تجيب الادا المصرى
    وبعدين كفاية عندك الادا صالونها اوسع اكبر،الادا وال128 ناشفين فى المطبات لكن طبعا الادا تتفوق من حيث قوة الاستحمال
    بس هاضيقك فى صوت ماتورها العالى نسبيا
    وال131 عربية جميلة وتعتبر كمان احسن من الشاهين فى وجهة نظرى ومش غالية على فكرة اخرها 22 الف ودة لما تكون حالتها نظيفة جدا
    والادا بردة نظيفة روسى موديل 95 لحد 98 بتعمل 17 ،18 وال128 موديل 80 فيما فوق بتبدأمن 15 الف طبعا كل دة حالات نظيفة مش راشة جوة
    وابعد عن اى حاجة فيها( فورد)عشان قطع غيار غالية جدا مش موجودة تقريبا ولو لقيتها مبالغ فى تمنها جدا جدا
    وربنا يوفقك

  14. #29
    تاريخ التسجيل
    May 2005
    المشاركات
    69

    بص يا باشا انا معايا لادا 2105 موديل 85 بقالها معايا 5 سنين

    ولمفروض اللى تساله يكلمك على عربية ساقهاكتير

    اولا احب اعرفك انى مهمل جدا فى العربية ومش من النوع اللى بهتم بيها كتير
    ثانيا انا بحكم شغلى مسافر بيها كل شوية القاهرة 6 اكتوبر العاشر وخلى بالك انا من اسكندرية

    المهم يعنى مش حاوجع دماغك

    البنزين حاديك مثال مشوار مثلا 500 ك اخد معايا تخيل 50لتر بنزين وانا بحط بنزين 90 يعنى اللتر بيعمل حوالى 10 ك

    وقصة البنزين سهلة عند اى ميكانيكى تقوله ظبطلى تاكيهات تلاقى استهلاك البنزين زى ماوريتك تقريبا ممتاز وبكام الظبطة دى ب 35 ج

    بص حكاية بقى انها ناشفة فابصراحة انامش بحس بكده خالص حاتتعود عليها مع والوقت هى من الأخر بتتعبنى شوية بس فقط لما اجى اركنها غير كده مش بحس بحاجة عادى وبعدين اعتبره تمرين لجسمك يا اخى وغير كده فى تعديلات بسيطة اوى بتخف من تقل الدريكسيون فيها زى موديلات سنة 95 من الادا

    العفشة بصراحة مهمة جدا فى العربية لو عفشتك رايحة فى داهية ومدمرة خالص اخرك وبالزيادة كمان 800ج عشان تفورها كلها


    طقم كهربتها بالكامل تقريبا ب 50 ج بوجيهات وابلاتين وكوندنسر

    عمرة موتورها نصف عمرة تقريبا بتكلفك من 1500 ل 1200 ج دا لو موتورها محتاج عمرة ( موتور خفيف يعنى )

    يعنى من الأخر اقتصادية جدا وبتستحمل جدا جدا ودا الى اعرفه عن الادا 128 بقى مافتيش فيها بس انا سوقتها كام مرة بصراحة انعم شوية من الادا ويارب اكون افدتك نوعا ما
    وانا تحت امرك فى اى استفسار عن ( اللادا )

  15. #30
    تاريخ التسجيل
    Sep 2006
    المشاركات
    112
    اقتباس المشاركة الأصلية كتبت بواسطة gaber777 مشاهدة المشاركة
    ولمفروض اللى تساله يكلمك على عربية ساقهاكتير

    اولا احب اعرفك انى مهمل جدا فى العربية ومش من النوع اللى بهتم بيها كتير
    ثانيا انا بحكم شغلى مسافر بيها كل شوية القاهرة 6 اكتوبر العاشر وخلى بالك انا من اسكندرية

    المهم يعنى مش حاوجع دماغك

    البنزين حاديك مثال مشوار مثلا 500 ك اخد معايا تخيل 50لتر بنزين وانا بحط بنزين 90 يعنى اللتر بيعمل حوالى 10 ك

    وقصة البنزين سهلة عند اى ميكانيكى تقوله ظبطلى تاكيهات تلاقى استهلاك البنزين زى ماوريتك تقريبا ممتاز وبكام الظبطة دى ب 35 ج

    بص حكاية بقى انها ناشفة فابصراحة انامش بحس بكده خالص حاتتعود عليها مع والوقت هى من الأخر بتتعبنى شوية بس فقط لما اجى اركنها غير كده مش بحس بحاجة عادى وبعدين اعتبره تمرين لجسمك يا اخى وغير كده فى تعديلات بسيطة اوى بتخف من تقل الدريكسيون فيها زى موديلات سنة 95 من الادا

    العفشة بصراحة مهمة جدا فى العربية لو عفشتك رايحة فى داهية ومدمرة خالص اخرك وبالزيادة كمان 800ج عشان تفورها كلها


    طقم كهربتها بالكامل تقريبا ب 50 ج بوجيهات وابلاتين وكوندنسر

    عمرة موتورها نصف عمرة تقريبا بتكلفك من 1500 ل 1200 ج دا لو موتورها محتاج عمرة ( موتور خفيف يعنى )

    يعنى من الأخر اقتصادية جدا وبتستحمل جدا جدا ودا الى اعرفه عن الادا 128 بقى مافتيش فيها بس انا سوقتها كام مرة بصراحة انعم شوية من الادا ويارب اكون افدتك نوعا ما
    وانا تحت امرك فى اى استفسار عن ( اللادا )
    طيب بالنسبة للادا اجيب موديل ايه و بيكون فى رنج كام السعر؟؟؟؟ و ايه اللى ابعد عنه المصرى و لا الروسى انا قدامى لادا روسى 1928 ب 25 بس الحالة ممتزة و التكييف شغال!!!

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك