موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 13 من 13
Like Tree0Likes

الموضوع: "ميســــــــــــــــى وكريسـتيـــــا نـــــــــو" اكــذوبه صنـعها الاعلام

  1. #1
    تاريخ التسجيل
    Dec 2009
    المشاركات
    383

    "ميســــــــــــــــى وكريسـتيـــــا نـــــــــو" اكــذوبه صنـعها الاعلام

    منذ ان حصل على جائزة افضل لاعب فى العالم عام 2009 والجميع يقارن بين
    ليو ميسى و دييجو ارماندو ماردونا





    فعلى الرغم من نجومية ومهارة وانجازات ماردونا الا انا هناك من يقول ان ميسى افضل من ماردونا
    وعلى الرغم من مهارة ميسى وابداعه الا نه لن يصل الى ربع مهارة الاسطوره ماردونا
    فمسى لم يفعل شىء الا مع برشلونه ومن راى ان برشلونه حققت تلك الانجازات بفضل لاعبين اكثر واقعيه من ميسى امثال " تشافى & وانيستا & كارلوس بيول وغيرهم
    فماذا فعل ميسى لفريق التانجو سوى الحضور الاعلامى وتسليط الكاميرات على المنتخب الارجنتينى لان بينهم ميــــــسى

    وياتى الوجه الاخر للعمله انه اللقب بالساحر " كريستيانو رونالدو"
    المصاب بحاله من عدم الانتماء لاى نادى او لمنتخبه البرتغالى
    فبرغم من ان مكتشفه الحقيقى هو السير اليكس الا ان رونالدو لم يراعى ذالك عند خروجهم من نهاءى دورى الابطال حينما علق على الهزيمه قائلا " السير اليكس هو السبب فى هذه الهزيمه "
    واين كنت انت ياكريستينو من هذه الهزيمه


    ميسى & كريستيانو
    " المقارنه "








    لا ادرى ما سر المقارنه بين الاثنين ولما تنحصر المقارنه بين النجوم على المقارنه بين ميسى ورونالد
    لا اجد لذلك تفسير يشرح سبب انحصار الاعلام فى المقارنه بين ميسى ورونالدو حتى فى كاس العالم الاخيره 2010 تاتى المقارنه بين عدد تمريرات ميسى ورونالدو
    عدد دسديدات ميسى ورونالدو
    نسبة الاستحواذ ..........
    وفى النهاية لم يقدم ميسى او رونالدو اى شىء

    "الليجا الاسبانيه "



    ان اروع كره يمكن تشاهدها هى الكره الاسبانيه وخاصة بعد الفوز بالكاس الغاليه
    كاس العالم
    ولكن الدورى الاسبانى هو فى الاصل "دورى برشلونه و ريال مدريد " *
    ولا اظن ان اى فريق اخر يمكنه ان يفوز بالدورى فى ظل وجود هذان العملاقان
    اذن ...سواء ميسى او رونالدو يلعبان فى دورى المنافسه فيه محدوده على ناديان فقط
    والباقى يلعب للحصول على المركز الثالث
    فنجد ان ميسى يحرز فى بعض المباريات 3 اهداف
    وكريستيانو يمكنه ايضا ذلك فليس ذلك دليل على قوة اللاعبان او امكانيتهم الخارقه
    وانما هو بسبب فرق الدورى وان كان ميسى فى دورى اخر غير الدورى الاسبانى لكن الامر اختلف تماما









    اننا فى حالة سباق ممله ومنافسه ليس لها اى قيمه بين اثنين من وجهة نظرى انهم لا يستحقان كل هذا الاهتمام*



    " انه الاعلام "


    نعم الاعلام الذى كتب وسطر اسطوره الكبير والساحر الحقيقى "رونالدينهو "
    هو ايضا الذى تخلى عنه بعد كاس العالم 2006 وخروج البرازيل على يد فرنسا

    انه الاعلام الذى ظل يمتدح فى ميـــسى
    ويمجد كريستيانو
    ويرسمهم كاساطير لكرة القدم
    وبالفعل هم اساطير من ورق

    الاعلام الذى ظل متجاهل لاعب مثل "ديفيد فيا" على الرغم من تالقه فى فالنسيا
    ولكن بعد انتقال لكاتالونيا سيكون الامر مختلف

    هناك لاعبين فى العالم اكثر احترافيه ومهاره وواقعيه من الثنائى الباهت
    ميســــى وكريستيانــــو
    امثال "ديجو فورلان" والمايسترو "تشافى " المحرك الحقيقى للبرسا
    والرائع "انيستا "
    والغزال الاسمر "هنرى"
    ولا ننسى الفتى الذهبى "رونى "
    او الهولانديين " روبن وشنيدر"
    الاعب الكبير الذى سيظل ساحر الكره " رونالدينهو "
    لاعبين كبار اكفاء لكنهم لم يسلط عليهم الضوء مثل الارجنتينى والبرتغالى






    والغريب ياتى عندما تلعب الريال ضد البرسا
    يركز الاعلام على المعركه بين ميسى ورونالدو تاركين المباره باحداثها وتفاصيلها

    وبعد انتهاء المباره
    ميســــى 2
    رونالــدو صفر





    وكأن ميسى من احرز الهدفين وكريستيانو حارس المرمى الذى تلقى الهدفين
    انها مهزله اعلاميه ان يتركو ابداع لاعبى العالم وينحصر التركيز بين لاعبين يهمهم المجد الشخصى قبل اى شىء اخـــر






    فالاعلام ظلل العالم وجعله ينظر الى لاعبان سينساهم الناس بمجرد اعتزالهم كرة القدم
    ولن يقى منهم سوى شريط فيديو يحمل اهدافهم وامجادهم الشخصيه فى الاعلانات والكاميرات

    وسينسى العالم غدا هذه الاكذوبه






    ملحوظه : لم اقصد الاساءه او استفزاز احد
    وانما اردت ان اعبر عن رائى
    التعديل الأخير تم بواسطة @ شكسبير @; 20-07-2010، الساعة 09:18 PM

  2. #2
    الصورة الرمزية Mr Nobody
    تاريخ التسجيل
    Jul 2010
    المشاركات
    231
    كويس انك فتحت الموضوع ده عشان عايز اقول رايي في حاجة بتنرفزني :

    أولا انا مش مواقفك في نقطة وهي التقليل باي صورة من الصور من مهارات وقدرة ميسي او رونالدو الاتنين لاعبين على اعلى مستوى ونقطة انهم مقدموش شيء لمنتخباتهم فاظن كان واضح ان ميسي في كاس العالم عمل كل اللي يقدر عليه وان مشكله الارجنتين مكنتش ميسي او غيره المشكله كانت في الاساس مدرب فاشل ونفس الحال مع اختلاف التفاصيل تنطبق على رونالدو

    ثانيا نيجي للي منرفزني وهو ان المنتدى هنا منقسم في اغلبه لشطرين شطر بيقول ان رونالدو هو بطل العالم في الكرة وهوكي الجليد والراب ميوزيك وان ميسي ملوش فيها وشطر بيقول العكس بالظبط وبصراحة اللي بيقول اي من الرأيين مبيفهمش في الكورة في نظري الموضوع بالظبط زي اتنين بيقارنوا بين رونالدو البرازيل وزيدان وعايزين يطلعوا واحد فيهم مش لعيب َ!!!

    ميسي وكريستيانو لعيبه كبار بغض النظر عن ميل اي واحد فينا الشخصي لواحد فيهم اكتر على حساب التاني

    وموضوعك فيه جانب منه صح بس الجانب الغلط انك خدت ال 360 درجة في الراي وهو انك طلعتهم اعيبه ملهاش لازمة
    التعديل الأخير تم بواسطة Mr Nobody; 20-07-2010، الساعة 09:31 PM

  3. #3
    الصورة الرمزية barca la cata
    تاريخ التسجيل
    May 2010
    المشاركات
    12,018
    الالقاب هى من تحسم اخيرا ميسى ورونالدو الافضل فى العالم وافضل من ارين روبين اللى فشل فى هز شباك اسبانيا من انفرادين واللى مساعدش فريقة فى النهائى فى دورى الابطال كعادته مش هيشتريها وكان من حق الريال ان يستغنى عنه انما شنايدر لا يقارن بلاعبين زى ميسى وكريستيانو هوه يقارن بتشافى وانيستا لانه نفس مركزهم واللى همه اتفوقوا عليه فى النهائى واللى هوه مقدرش يساعد الريال فى تخطى كبوته قبل قدوم كريستيانو وكاكا السنة دى هيه السنة الوحيدة اللى شنايدر لمع فيها وقبل كده كان مجرد لاعب وسط فريق ثانيا احب اضيفلك معلومة ان السير مش هوه اللى اكتشف كريستيانو اللى اكتشفة ارسين فينجر وهوه فى البرتغال واللاعب اصلا كان فى طريقة للانتقال لليفربول لعدم اقتناع السير اليكس فيرجسون بيه لحد ما تحدث معاه جيجز وسكولز واقناعه بضمه وبالفعل نجح مانشستر فى ضمه ده تاريخ كريستيانو و عمل مواسم استثنائية مع المان يونايتد لما فاز بالبريميرليج 3 مرات وسط تألق فى 2008 مالهوش مثيل والسنة اللى قبل 2009 اللى هاجم فيها السير كان هوه حاصل على دورى الابطال وهوه انتقد الطريقة اللى اتلعب بيها مكنتش تناسب برشلونة وفعلا مش اى خطة والسلام تناسب برشلونة ثانيا كريستيانو بيلعب فى منتخب خالى فردى بالعربى مش جايين يلعبوا كورة ولا فيه نجوم من الطبيعى ميقدمش الاداء المنظر منه
    ونيجى لميسى ميسى اللى ساهم كتير برشلونة من كبواته وبسبب قلة تهديف لاعبى الوسط اللى عندهم على الرغم من قدرتهم على صنع اللعب اللى مالهوش مثيل زى مباراة فالنسيا وزى مباراة سرقسطة وزى ماتش الارسنال زى مباريات الريال وكتير من الاخر جاب للفريق بتاعه التأهل او ال 3 نقاط اللى من غيرهم الفريق ميقدرش يحسم الليجا وكمنتخب مينفعش يتقيم لان مدربه مارادونا اللى معندهوش اى خبرات تدريبية واللى غرق الارجنتين الفردية جدا اما المانيا القوية جدا تكتيكيا وعلى فكرة ميسى قدم مونديال كويس لانه صنع اجوان كتير للمنتخب بتاع يمكن 60 % صنعه ويمكن اكتر
    على فكرة موضوع كويس بس لازم تكون متابع لكل لاعب فى كل مبارياته وتاريخه وفى الاخر كريستيانو وميسى يفوزوا بالقابهم اللى تتكلم عنهم
    التعديل الأخير تم بواسطة barca la cata; 20-07-2010، الساعة 09:37 PM




    Visa aRç

  4. #4
    الصورة الرمزية Mr Nobody
    تاريخ التسجيل
    Jul 2010
    المشاركات
    231
    وصحيح بمناسبة توقيعك اظن واسعه اوي ان روبن يكون افضل من ميسي او كريستيانو كلاعب

  5. #5
    الصورة الرمزية mido201030
    تاريخ التسجيل
    Feb 2008
    المشاركات
    3,091
    أولا شكرا على مجهودك
    ثانيا انت تفهت اتنين لعيبة عملوا لأنديتهم كتير حتى رونالدو اللي انت قلت عليه ساب المانيو و نسي الانتماء و ما الى ذلك أحب أقولك و جماهير المانيو شاهدة زيي بالظبط ان كمية الأهداف الحاسمة اللي جابها رونالدو و البطولات اللي جابها لفرقته لا تنسى و ان هو غير و دخل تحدي جديد لا يقلل منه كلاعب و نجم موهوب و من النادر وجود موهبة في مثل مستواه أو بأسلوبه.
    ثالثا ميسي نقطة قوته مع البرسا أو المنتخب الأرجنتيني لما يبقى قريب من منطقة الجزاء و يبقى ميبقاش قدامه عدد كبير من المدافعين هو ده أسلوبه و مبيقدرش يتعامل مع الدفاع المنظم لوحده و ده اللي كان مطالب بيه مع منتخب الأرجنتين انه يتعامل لوحده مع دفاعات منظمة و مش ذنبه ان البرسا و طريقة لعبها و زمايله بيوفروله اللي هو محتاجه في الملعب علشان يبدع


    مشكلة الاتنين دولت ليست الاعلام
    مشكلتهم الاعتماد المبالغ فيه عليهم
    المنظومة الجماعية تحقق كثيرا
    المنظومة الفردية تتوقف على شخص ان كان في حالته باقي الفريق يكون الأفضل و ان كان بعيدا عنها تنهار المنظومة من حوله
    Arsenaly Madrista Ahlawy

    قالك ثورة!!

    Waiting for London's Pride
    Backing to glory!!!!








  6. #6
    صراحه الضغط عليهم كان رهيييييييييييييييييييب و كبير من الصعب ان يتحملوا اى انسان

    و الأتنين اتظلموا مع مدربين ضعفيين تكتيكيا يعنى شفنا ميسى صانع العاب و دة مش مكانه و كريس راس حربه ودة برضه مش مركزه



    F.C.Barcelona






  7. #7
    الصورة الرمزية A_WAHID_A
    تاريخ التسجيل
    Jan 2006
    المشاركات
    1,666

    السلام عليكم ورحمه الله وبركاته
    ملحوظه : لم اقصد الاساءه او استفزاز احد
    وانما اردت ان اعبر عن رائى
    اولا اخي الكريم وجهه نظرك تحترم وكذلك وجهات نظرنا
    سواء كانت صحيحه ام خاطئه
    فأكيد لكل منا اسبابه لتكوين وجهه النظر دي

    مبدئيا
    انا هتكلم بحريه شديده
    لان الناس هنا معظمهم بيتقبلوا النقاش
    وكلنا في الاول والاخر اخوات
    برشولنيين او مدريدين - كلنا من عشاق الليجا -

    نسيبنا بقي من المقدمه الممله دي
    ونخش في الموضوع
    "ميســــــــــــــــى وكريسـتيـــــا نـــــــــو" اكــذوبه صنـعها الاعلام
    اعتقد الاعلام الموجه له اهداف اكبر من مجرد صنع اكذوبه كرويه

    الاعلام حاليا في العالم كله يعتبر مرايه للشعوب
    حتي في بلادنا - بلاد العالم التالت -
    اعلام يهدف لمصلحه فلان وعلان
    مرايه وانعكاس لحاله الفساد اللي بنعيشها

    لو هقارن من وجهه نظر شخصيه بين الثنائي
    كلاهما سئ الحظ جدااااااااااااااااااااااااااااااااااااااا

    رونالدو من اكتر لاعبي العالم المصاب بنحس رهيب

    1- لاعب صغير في السن ناشئ في الدوري البرتغالي
    ينتقل فجاه لمسرح الاحلام
    ويطالب بأن يكون البطل بعد بيكهام معشوق الانجليز والرهيب كانتونا
    وغيرهم من العمالقه اصحاب الرقم 7

    2- في واحد من افضل مواسمه بعد نجاحه في ملء مكان البطل
    بل والتفوق علي كل الاساطير اللي سبقته
    يتظلم في جائزه احسن لاعب ويحصل علي المركز الثالث

    3- يصنع مع فريقه المعجزات ويتحمل ضغط اثبات ذاته
    ويثبت انه فعلا احسن لاعب في العالم يهدي فريقه الاميره الغاليه
    ويتربع علي عرش لاعبي العالم عن جداره واستحقاق

    4- يتمني الذهاب لريال مدريد - حلم حياته - اكبر انديه العالم
    والكل يقف في طريقه واولهم فيرجسون - صاحب الخساره في دوري الابطال -

    5- بعد موسم من البقاء الاضطراري يذهب لمدريد في صفقه هي الاغلي في التاريخ
    واستقبال هو الاكبر في التاريخ
    يضع مسئوليه علي واحد من افضل لاعبي العالم في اخر 5 سنين
    انه يثبت انه يستحق الرقم دا
    رقم خلي عصام الشوالي لغايه النهارده يقول انه ميستحقش

    6- يبدا الموسم بدايه خياليه
    في الدوري ودوري الابطال
    هداف البطولتين
    وقبل المباراه الاهم في دوري المجموعات يصاب رونالدو
    قبل مباراه الميلان

    والنتيجه

    خساره من الميلان في البيرنابيو
    خساره هي الاولي في دوري هذا العام من اشبيليه وترك الصداره للبرسا

    وتظل الاصابه لمده شهرين تقريبا

    - مبخت والله -

    العوده تكون قبل مباراه البرسا
    يلعب 60 دقيقه من نار
    مدريد تؤدي واحده من افضل مبارياتها في كاتالونيا
    - كل دا بعد غياب شهرين -
    ونقدر نراجع الهايلايتس ونشوف رونالدو عمل ايه في الماتش دا

    لاعب صنع كل شئ بمفرده تقريبا
    - مع مدريد -

    غيره كان جنبه زافي وانيستا - بس برده حظه وحش وهقول ليه -

    وبعد موسم هو الافضل لكريس ع الاطلاق
    يخرج من غير بطوله
    وكل الاتهامات تتوجهلوه لوحده

    ويطالبوه اثبات نفسه مع البرتغال اللي بيدربها كيروش

    - لو انتا مدريدي تفتكر كيروش دا عمل فينا ايه هوا ولوكسمبرجو الله يخرب بيوتهم -

    وفي منتخب خالي من الموهوبين حتي مش من النجوم

    غيره كان معاه هيجوين ودي ماريا وتيفيز واجويرو - ومدرب بلاص نقول اللي لينا واللي علينا -

    رونالدو قدم الكتير والكتير لعشاق الاستمتاع
    رااااااااااااااجل داخل الملعب

    مش لاعيب كان في الملعب مكسل يجري واحنا خسرانين سته م البرسا

    مش لاعيب واقف بيتفرج ع الكوره وكل كوره تجيلوه يرقص ويشوط واحنا مغلوبين اربعه م الليفر

    دا رونالدو

    نيجي بقي للواد الرخم اللي اسمه ميسي

    - بكرهه لانه اول متش ليه قصاد مدريد - مثل وخلي كارلوس يطرد ظلم
    وبالعافيه اتعادلوا معانا

    المهم

    ميسي
    لاعب ميزته الوحيده بالنسبالي كنترول ع الكوره خيالي

    هو لاعب جيد - زي كتير جيدين - في التسديد او العاب الهواء
    لكن تحكمه في الكوره رهيب - الكوره مبتخرجش من رجله -

    الاعلام هو اللي ظلم ميسي
    مش هو اللي خلاه نجم اسطوري

    ميسي لاعب الاعلام الكتلوني طلب منه انه يعمل اللي فشل رونالدينو في عمله

    وانه يكون زيدان في برشلونه

    والدليل - مش قالوله لا -
    الدليل انهم مش مركزين علي لاعب هو الافضل بلا منازع في اخر اربع سنين
    اسمه زافي

    كل التركيز كان علي روني
    ودلوقتي علي ميسي

    عشان الجماهير محتاجه زيدان بتاع برشلونه

    - ودا كان سبب مشاكل ايتو واتناقشنا فيها هنا في المنتدي قبل كدا -

    ميسي لاعب موهوب

    اعتقد لو انها بيتعامل معامله طبيعيه
    كان هيبقي من احسن اللاعيبه في ال 20 سنه الجايين

    ولكن الاعلام بيحطمه

    تضخيم للاعب
    ثم تعظيم
    ثم غرور
    ثم صدمه
    ثم تكسير

    من نفس الاعلام

    كريستيانو لاعب ممتع بالنسبالي وكذلك زافي
    ميسي لاعب غير ممتع بالمره بالنسبالي

    لكن اكيد فيه غيري بيستمتع بلعبه

    هنا مفيش احسن من

    لان التفاح والموز مفيهمش حاجه احسن من التانيه

    دي اذواق

    الفيصل في النهايه هو مدي تأثير النجوم دي

    كريس ورنالدو - ابطال بطبيعتهم -
    لديهم حميه وخوف علي اسمهم وعلي المكان اللي بيلعبوا فيه

    حققوا كتير لمدريد ولبرشلونه
    ولجماهير الفرقتين

    روبن استطاع ان يقود البايرن
    ولكنه فشل في قياده مدريد هو وشنايدر سوا

    شنايدر ساهم بدور كبير مع الانتر
    ولكنه فشل مع مدريد - في الموسم التاني - موسم الاصابات

    في الاخر بقي
    بعد الرغي الطويل

    من عشر سنين
    كان فيه

    رونالدو - بيركامب - زيدان - فيجو - ريفالدو - راؤول - ديلبيرو - توتي

    لكن حب الناس لموهبتك هبه من الله - من غير اي اسباب -
    ومن غير اي اعلام

    في النهايه
    نورت المنتدي يازعيم
    واسف اني طولت عليك

    A_WAHID_A
    التعديل الأخير تم بواسطة A_WAHID_A; 20-07-2010، الساعة 10:28 PM

  8. #8
    الصورة الرمزية Teto CR7
    تاريخ التسجيل
    Jul 2005
    المشاركات
    3,431
    لي عودة والرد علي الموضوع








  9. #9
    تاريخ التسجيل
    Mar 2008
    المشاركات
    3,401
    اتفق معاك الاعلام عظم منهم جدا جدا جدا

    ويمكن بعد ما يعتزلو منفتكرش اي حد فيهم

    رونالدينهو كان ممكن يبقا افضل لاعب في التاريخ يملك كل المقومات

    لكن سقط بي سبب الاعلام وعدم الالتزام

    تسلم يا جميل علي الموضوع

    ويا جماعة الراجل حر في توقيعو

    فعلا روبين كان ممكن يبقا زي ميسي كريسيتانو

    لولا الاصابات كل واحد حر في رأيه

    وانا شايف ان روبين كان افيد من كريستيانو بكتير في الريال وجهات نظر برده

    بالنسبه لي مقارنة ماردونا مع ميسي مفيش وجه للمقارنه اصلا

    ماردونا لاعب ليس له مثيل

    كفاية الي عمله مع لاتسيو لوحده
    التعديل الأخير تم بواسطة ™M10 R10-Barcelona; 21-07-2010، الساعة 01:59 AM

  10. #10
    الصورة الرمزية Tнe SραЯK
    تاريخ التسجيل
    Jan 2008
    المشاركات
    6,638
    اقتباس المشاركة الأصلية كتبت بواسطة A_WAHID_A مشاهدة المشاركة

    السلام عليكم ورحمه الله وبركاته

    اولا اخي الكريم وجهه نظرك تحترم وكذلك وجهات نظرنا
    سواء كانت صحيحه ام خاطئه
    فأكيد لكل منا اسبابه لتكوين وجهه النظر دي

    مبدئيا
    انا هتكلم بحريه شديده
    لان الناس هنا معظمهم بيتقبلوا النقاش
    وكلنا في الاول والاخر اخوات
    برشولنيين او مدريدين - كلنا من عشاق الليجا -

    نسيبنا بقي من المقدمه الممله دي
    ونخش في الموضوع

    اعتقد الاعلام الموجه له اهداف اكبر من مجرد صنع اكذوبه كرويه

    الاعلام حاليا في العالم كله يعتبر مرايه للشعوب
    حتي في بلادنا - بلاد العالم التالت -
    اعلام يهدف لمصلحه فلان وعلان
    مرايه وانعكاس لحاله الفساد اللي بنعيشها

    لو هقارن من وجهه نظر شخصيه بين الثنائي
    كلاهما سئ الحظ جدااااااااااااااااااااااااااااااااااااااا

    رونالدو من اكتر لاعبي العالم المصاب بنحس رهيب

    1- لاعب صغير في السن ناشئ في الدوري البرتغالي
    ينتقل فجاه لمسرح الاحلام
    ويطالب بأن يكون البطل بعد بيكهام معشوق الانجليز والرهيب كانتونا
    وغيرهم من العمالقه اصحاب الرقم 7

    2- في واحد من افضل مواسمه بعد نجاحه في ملء مكان البطل
    بل والتفوق علي كل الاساطير اللي سبقته
    يتظلم في جائزه احسن لاعب ويحصل علي المركز الثالث

    3- يصنع مع فريقه المعجزات ويتحمل ضغط اثبات ذاته
    ويثبت انه فعلا احسن لاعب في العالم يهدي فريقه الاميره الغاليه
    ويتربع علي عرش لاعبي العالم عن جداره واستحقاق

    4- يتمني الذهاب لريال مدريد - حلم حياته - اكبر انديه العالم
    والكل يقف في طريقه واولهم فيرجسون - صاحب الخساره في دوري الابطال -

    5- بعد موسم من البقاء الاضطراري يذهب لمدريد في صفقه هي الاغلي في التاريخ
    واستقبال هو الاكبر في التاريخ
    يضع مسئوليه علي واحد من افضل لاعبي العالم في اخر 5 سنين
    انه يثبت انه يستحق الرقم دا
    رقم خلي عصام الشوالي لغايه النهارده يقول انه ميستحقش

    6- يبدا الموسم بدايه خياليه
    في الدوري ودوري الابطال
    هداف البطولتين
    وقبل المباراه الاهم في دوري المجموعات يصاب رونالدو
    قبل مباراه الميلان

    والنتيجه

    خساره من الميلان في البيرنابيو
    خساره هي الاولي في دوري هذا العام من اشبيليه وترك الصداره للبرسا

    وتظل الاصابه لمده شهرين تقريبا

    - مبخت والله -

    العوده تكون قبل مباراه البرسا
    يلعب 60 دقيقه من نار
    مدريد تؤدي واحده من افضل مبارياتها في كاتالونيا
    - كل دا بعد غياب شهرين -
    ونقدر نراجع الهايلايتس ونشوف رونالدو عمل ايه في الماتش دا

    لاعب صنع كل شئ بمفرده تقريبا
    - مع مدريد -

    غيره كان جنبه زافي وانيستا - بس برده حظه وحش وهقول ليه -

    وبعد موسم هو الافضل لكريس ع الاطلاق
    يخرج من غير بطوله
    وكل الاتهامات تتوجهلوه لوحده

    ويطالبوه اثبات نفسه مع البرتغال اللي بيدربها كيروش

    - لو انتا مدريدي تفتكر كيروش دا عمل فينا ايه هوا ولوكسمبرجو الله يخرب بيوتهم -

    وفي منتخب خالي من الموهوبين حتي مش من النجوم

    غيره كان معاه هيجوين ودي ماريا وتيفيز واجويرو - ومدرب بلاص نقول اللي لينا واللي علينا -

    رونالدو قدم الكتير والكتير لعشاق الاستمتاع
    رااااااااااااااجل داخل الملعب

    مش لاعيب كان في الملعب مكسل يجري واحنا خسرانين سته م البرسا

    مش لاعيب واقف بيتفرج ع الكوره وكل كوره تجيلوه يرقص ويشوط واحنا مغلوبين اربعه م الليفر

    دا رونالدو

    نيجي بقي للواد الرخم اللي اسمه ميسي

    - بكرهه لانه اول متش ليه قصاد مدريد - مثل وخلي كارلوس يطرد ظلم
    وبالعافيه اتعادلوا معانا

    المهم

    ميسي
    لاعب ميزته الوحيده بالنسبالي كنترول ع الكوره خيالي

    هو لاعب جيد - زي كتير جيدين - في التسديد او العاب الهواء
    لكن تحكمه في الكوره رهيب - الكوره مبتخرجش من رجله -

    الاعلام هو اللي ظلم ميسي
    مش هو اللي خلاه نجم اسطوري

    ميسي لاعب الاعلام الكتلوني طلب منه انه يعمل اللي فشل رونالدينو في عمله

    وانه يكون زيدان في برشلونه

    والدليل - مش قالوله لا -
    الدليل انهم مش مركزين علي لاعب هو الافضل بلا منازع في اخر اربع سنين
    اسمه زافي

    كل التركيز كان علي روني
    ودلوقتي علي ميسي

    عشان الجماهير محتاجه زيدان بتاع برشلونه

    - ودا كان سبب مشاكل ايتو واتناقشنا فيها هنا في المنتدي قبل كدا -

    ميسي لاعب موهوب

    اعتقد لو انها بيتعامل معامله طبيعيه
    كان هيبقي من احسن اللاعيبه في ال 20 سنه الجايين

    ولكن الاعلام بيحطمه

    تضخيم للاعب
    ثم تعظيم
    ثم غرور
    ثم صدمه
    ثم تكسير

    من نفس الاعلام

    كريستيانو لاعب ممتع بالنسبالي وكذلك زافي
    ميسي لاعب غير ممتع بالمره بالنسبالي

    لكن اكيد فيه غيري بيستمتع بلعبه

    هنا مفيش احسن من

    لان التفاح والموز مفيهمش حاجه احسن من التانيه

    دي اذواق

    الفيصل في النهايه هو مدي تأثير النجوم دي

    كريس ورنالدو - ابطال بطبيعتهم -
    لديهم حميه وخوف علي اسمهم وعلي المكان اللي بيلعبوا فيه

    حققوا كتير لمدريد ولبرشلونه
    ولجماهير الفرقتين

    روبن استطاع ان يقود البايرن
    ولكنه فشل في قياده مدريد هو وشنايدر سوا

    شنايدر ساهم بدور كبير مع الانتر
    ولكنه فشل مع مدريد - في الموسم التاني - موسم الاصابات

    في الاخر بقي
    بعد الرغي الطويل

    من عشر سنين
    كان فيه

    رونالدو - بيركامب - زيدان - فيجو - ريفالدو - راؤول - ديلبيرو - توتي

    لكن حب الناس لموهبتك هبه من الله - من غير اي اسباب -
    ومن غير اي اعلام

    في النهايه
    نورت المنتدي يازعيم
    واسف اني طولت عليك

    A_WAHID_A
    بغض النظر عن ان وحيد عمال يقررررررررر ع ميسي
    انا متفق معاه تماما ,,,,

  11. #11
    تاريخ التسجيل
    Dec 2009
    المشاركات
    383
    اولا : احب اشكر كل الذين شاركو فى الرد والمناقشه المحترمه
    وعرضو رائيهم بمنتهى الجمال


    ثانيا : لن اعلق على راى احد
    لان كل واحد حر فى هذا الراى
    ولكن ساعلق على مقولة ان " ميسى وكريستيانو ملهمش لازمه "
    وده غير صحيح
    كريستيانو وميسى على مستوى عالى من المهاريه
    ولكن انا قولت بان هناك لاعبين افضل مهاريه وواقعيه من الاثنين
    ثم ان ركزت فى الموضوع على دور الاعلام وقلت انه بينفخ اللعب زياده عن الازم


    وبالنسبه لجملة " روبن افضل من ميسى وكريستيانو "
    دى مش وسعة منى ولا حاجه
    مثلا اللى كان بيقول ان ميسى هيكون افضل لاعب فى العالم وسوف يقارن بماردونا
    كانو بيقولو عليه " مجنون "
    لان مستحيل حد يظهر فى البرسا فى وجود "رونالدينهو "*
    وسبحان مغير الحوال رونالدينهو فى عالم النسيان وميسى هو الاسطوره الان

    وانا شايف ان روبن اكثر فاعليه من الثنائى " المدريدى البرشلونى "
    وعلى اقل هو صعد بالفريق الى الدور النهائى ولم يهزم بفضيحه
    وسوف يصبح اسطوره قريبا لو ظل بهذا لمستوى


    ثالثا : ما اردت ان اقوله قاله " a_wahid_a "


    تضخيم للاعب
    ثم تعظيم
    ثم غرور
    ثم صدمه
    ثم تكسير



    ولكن الثنائى لم يصل الى حد تكسير الاعلام لهم
    ولكن نحن الان مازلنا فى مرحلة التعظيم


    اخير " باشكر كل اخوانى الذين شاركو فى الموضوع
    سواء اتفقو معى ام لا"

  12. #12
    الصورة الرمزية Mr Nobody
    تاريخ التسجيل
    Jul 2010
    المشاركات
    231
    تضخيم الاعلام موجود بس ده شيء واننا نقول ان اللاعبين فيه افضل منهم حاليا لان حاليا مظنش فيه حد افضل منهم ولو فيه هيبقى على نفس المستوى وطبعا اختلاف الوظيفة في الملعب ليها حسابات تانيه

    بالنسبة لروبن مع انه مش موضوعنا مش روبن اللي صعد بهولندا للنهائي وروبن مستواه في كاس العالم مكنش عالي واكيد انت كنت متابع بالعكس لو مشينا بطريقتك هنقول ان روبن هو اللي ضيع الكاس من هولندا !! وللانصاف بردوا مش ميسي اللي خرج الارجنتين بفضيحة لانك كده هتبتدي التناقض تاني ماردونا خرج الارجنتين بفضيحة في حين ان ميسي عمل دوره في الملعب في كل المباريات باسلوب كل الناس كانت بتشكر فيه قبل خروج الارجنتين


  13. #13
    الصورة الرمزية CrisTiano KakA
    تاريخ التسجيل
    Oct 2007
    المشاركات
    4,965
    اولا انا فرحان بالموضوع دا جدا

    لان خلاص الموضوع مش هييجى باستفزاز من المواضيع اللى كان شغلانتها استفزاز المدريديين او الكتلان

    اولا ميسى بما انه افضل لاعب فى العام الماضى لاعب تنظر له متكامل مع البارسا فقير ذهنيا مع الارجنتين

    ثانيا رونالدو افضل لاعب فى العالم 2008 لاعب تنظر له متكامل مع الانديه فقير ذهنيا مع البرتغال

    يعنى الاتنين زى بعض مع المنتخبات ؟؟؟؟؟؟؟؟؟؟؟

    دى بقى لسببين :
    * لان سى كيروش ومارادونا ازاى وليه ميطلعوش روحهم فى الملعب كرهونا فى المنتخبين .

    * مفيش لاعيبه معاهم زى الانديه لذلك تظهر منتخباتهم ضعيفه جدا امام الفرق القويه .

    تعالى بقى لحوار ماتشات ريال مدريد وبرشلونه ميسى عمل ميسى سوى ورونالدو خيب الامال

    يعنى ريال مدريد فى مرحلة انشاء وبرشلونه فى مرحله انتاج نهائى زى المصانع

    وغير كدا وكدا الريال فى الدور الاول كان مقطع البارسا وفى الاخر يقولك برشلونه قعد يجيب فى الريال ويوديه مع انى نزلت الماتش عشان اشوف الكلام دا وكان رونالدو راجع من اصابه رهيبه وكان زمانه الهداف وفى الاخر جايبين صورة ميسى على الغلاف بتاع الصحف مع ان اللى جايب الجون ابرا

    الريال الدور التانى كان ناقصه كاكا والحاج هيجواين مستمر فى انانيته ورونالدو 3 بلعبوا عليه وكان برده شغال بس شغال مع فرقه كسر وسبحان الله الفرقه دى منافسه لغاية اخر دقيقه فى الدورى .

    طلعوا بعد الماتش يقولك رونالدو خيب امال المدريديين وميسى رفع البارسا مع ان اللى رافع الجون ليه تشافى وتشافى اللى صانع جون بيدرو وسى ميسى مضيع انفرادين بكاسياس .

    خلاصه كلامى هذا ضغط اعلامى ناتج عن نجوميه اللاعبين والسنه الجايه على فكره هتختفى الحكايه دى لانه النجوميه دى فى مدريد هتنتقل لمورينيو وفيا فى البارسا وتشافى .

    شكرا اوى على طرح الموضوع والمناقشه الممتازه دى

    تقبل مرورى

    * محمـــــــــــد حامد *


    هذا للتاريخ ياسادة رونالدو البرازيلى ورونالدو البرتغالى اجتمعا فى عملاق واحد

    HALA MADRID




    رفقـاً علـى من ليـس لـه شبيـهٍ بتـاريخك !



    علّمَـني وآلدي ..

    بأنه يجب لكـل أسـد أن يأخذ [ قسطا ] مـن الـراحه لكـي يعـطي أعدآئه قسطا ً من الفرحه
    فالأسد الذكي من يخسر معركه وينتصر فـي الحرب
    !!


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك