موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 11 1 2 3 ... الأخيرةالأخيرة
النتائج 1 إلى 15 من 165
Like Tree1Likes

الموضوع: ربط الفيجوال بيسك بقاعد بيانات اكسيس

  1. #1
    الصورة الرمزية incubus
    تاريخ التسجيل
    Sep 2003
    المشاركات
    1,054

    ربط الفيجوال بيسك بقاعد بيانات اكسيس

    بسم الله الرحمن الرحيم

    اخواني اعضاء منتدى الدي في دي العربي
    السلام عليكم ورحمه الله وبركاته

    احبائي في الله نظرا للاقبال الرائع على موضوعي البرمجه بالفيجوال بيسك ونظرا لاهتمامكم البالغ بالموضوع فقد دفعني هذا دفعا الى وضع هذا الموضوع وهو عن ربط الفيجوال بيسك بقواعد البيانات اكسيس بثلاث طرق وهي :-
    1- DataControl
    2- DAO
    3- ADO

    والادوات التي بالاعلى هي من اسهل ادوات الربط بين قواعد البيانات والفيجوال بيسك واسلوب التعامل بيها ثابت الى حد ما ولايختلف كثيرا عن بعضه الا في بعض الاشياء الصغيره وبعض الاضافات التي تم تزويد كل اداه بها عل حسب الاصدار والحاجه للاستخدام , لذا سنجد ان الطريقه في التعامل شبه واحده من ناحيه النداء على الاداه والتعامل مع قاعده البيانات
    وياريت اللي يخش الموضوع ميقلش ايه ده داتا كنترول ايه وقرف ايه ده الادو او الداو احسن لا يا جماعه انا هنا بشرح بطريقه طلوع السلم من اوله مش من نصه غير كده برضه ميجيش حد يقوللي ابعد عن التطويل او الاستطراد وبرضه انا اسف يا جماعه انا شايف ان التطويل ممكن يكون في مصلحه ناس كتير مبتدئه في مجال البرمجه بقواعد البينات وهم دول اللي ليهم بشرح اما المتقدمين فعلا فانا ليهم اسعد وليهم قلبي يطرب اذا دخلو الموضوع وبصو بصه صغيره .اضافوا تعليق او ازاحو غموض

    وارجوا من الاخوه اللي كانوا عملين مواضيع عن البرمجه بالادوات دي انهم ميزعلوش مني لاني عامل موضوع زيهم , لا بالعكس انا بتمنى انهم يساعدوني كمان في الموضوع بتاعي ونتبادل المنفعه كلنا انشاء الله
    البدايه هتكون انشاء الله كالاتي:
    1- معرفه كيفيه انشاء قاعده بيانات اكسيس
    2- ربط قاعده بيانات بالداتا كنترول
    3- ربط قاعده بيانات بالداو
    4- ربط قواعد بيانات بالادو:flex0000: :showoff0:

    :bye10000: :bye10000:
    التعديل الأخير تم بواسطة egypt4egypt90; 20-06-2008، الساعة 07:58 PM
    لا اله الا الله , محمد رسول الله
    من مواضيعي
    للمهتمين بالبرمجه بالفيجوال بيسك فقط
    وكيفيه انشاء محرر نصوص
    تعرف على قاعده if وعلى الدوارات loops

    كيف ننشئ قاعد وايضا كيف نربطها بالفيجوال بيسك
    DataControl- DAO - ADO DC


  2. #2
    الصورة الرمزية incubus
    تاريخ التسجيل
    Sep 2003
    المشاركات
    1,054

    الدرس رقم 1#


    بسم الله الرحمن الرحيم النهارده هناخد ازاي نعمل قاعده بيانات اكسيس عاديه خالص ومفيهاش اي مشاكل وسهله جدا بس انا حطيتها هنا علشان الناس اللي معندهمش اي خبره في الاكسيس

    افتح الاكسيس ومن قايمه ملف اختار قاعده بيانات فارغه او (blanck database ) طبعا هيسالك الاكسيس عايز تخزنها فين زي الصوره دي:-



    طبعا هتعمل فولدر جديد وتخزن القاعده فيه علشان بقى نستعمل القاعده دي بعدين هتظهر شاشه يقوللك عايز الجدول تعمله ازاي وهيديلك 3 خيارات زي محنا شايفين في الصوره :-



    اول اختيار :- انشاء قاعده بيانات في وقت التصمي . بمعنى انه هيخليك تقدر تعمل تصميم اولي لقاعده البيانات علشان تقدر تحط فيه بعد كده البايانات براحتك
    تاني اختيار:- انشاء قاعده بيانات بواسطه معالج اكسيس . خيار ملهوش لازمه
    ثالث اختيار انشاء قاعده البيانات وادخال البيانات مباشره مع بعض وده خيار ملخبط شويه فياريت كلنا نوجه مؤشر اموس للخيار الاول ولما نختاره هتظهر الشاشه دي:-



    بعد كده لازم ناخد بالنا من نقطه مهمه :- ان زي ما احنا شايفين في الصوره دي:-



    ان في انواع من البيانات زي ايه :
    Text معناها نصي وبيديللك الحقل بطول سلسله حرفيه معينه مينفعش المستخدم يدخل فيها اكتر من الرقم اللي انت مدخله بمعنى لو انت حاطت للاسم 10 حروف بس والمستخدم 30 حرف الباقي كله طار ومش هيتخزن غير العشره بس وفي نفس الوقت لو زادت عن الحد اللي المفروض تكون عليه هتكبر قاعده البيانات على الفاضي يعني لما يكون الاسم ممكن يكون 50 وتديله 500 المساحه الماخوذه علىالهارد ديسك للبيان ده هيكون 500 حرف مش 50 ومينفعش اننا نضغط قاعده البيانات علشان نوفر في المساحه فلازم نحسبها صح من الاول

    Memo سلسله حرفيه طوبله لانمها مذكره ودي القاعده بتبقى مهيئه لاخذ اي عدد من الحروف ومش مقيده باي قيد

    Number ودي بقى للارقام فقط يعني الارقام اللي ممكن نعمل عليها عمليات حسابه فقط يعني الاعداد الصحيحه والعشريه والكسريه
    وكل حاجه تمت للعمليات الحسابيه بصله

    Date\time التاريخ والوقت يعين حقول مبتقبلش غير صيغه معينه لوقت والتاريخ
    Currency العمله والعمليات الحسابيه اللي بت تم عليها

    Autonumber الارقام المتولده عشوائيا

    Yes\no القيم المنطقيه ودي ممكن تكون شكلها في الفورم بتاع الفيجوال بيسك انها تكون قدام خانه اعزب\متزوج او فتى\ فتاه

    دول اكتر حاجه هنستخدمهم في قاعده البيانات بتاعتنا والباقي للي عايز يشبع فضوله عباره عن ربط كائن بقاعده البيانات واضافه وصله لموقع والكلام ده

    طبعا بعد منخلص الحقول اللي احنا محتاجنها هنعمل حفظ ساعتها هيطلب اسم الجدول زي ما في الصوره دي :-



    كلنا نسميه tel
    لاننا هنادي عليه من الفيجوال بيسك بالاسم ده طبعا كلنا فاهمين

    طبعا بعد ما تكتب الاسم هتظهرلك رساله بتقوللك اعمل للجدول مفتاح اولي؟ زي مافي الصوره دي



    يعني هتخلي الجدول في حقل متعلم بعلامه ومتربط مع بقيت الجداول جوه قاعده البيانات اكسيس ( لان القاعده الواحده بتشيل جداول زي منت عايز)


    طبعا انت معندكش غير جدول واحد ومش محتاجين الكلام ده فاعمل لا
    كده الجدول اتعمل وبقى موجود في قاعده البيانات اللي اسمها تيل زي منت شايف في الصوره دي:-



    هل احنا كده خلصنا؟
    لا في مشكله ملهاش حل
    ان الداتا كنترول وهي دي اللي احنا داخلين عليها مبتشيلش قاعده بيانات اكسيس معموله بالكسيس 2002 يعني اللي موجود في اوفيسش اكس بي او اللي موجود في اوفيس 2000 ليه؟
    لان قاعده البيانات اللي معموله بالاكسيس 2000 فما فوق فيهم امكانيات الكائن العادي اللي زي داتا كنترول ميقدرش يقراها علشان كده لازم نعمل تحويل للقاعده ديه علشان تبقى اكسيس 97 ازاي
    باختصار:-
    Tooles>database utilities>convert database> to access 97 file format

    طبعا لازم نعملها فولدر مخصوص ونحط فيه القاعده وكمان هو ده فولدر المشروع
    بعد مانعمل تحويل بتقابلنا مشكله ان القاعده بقت مقفوله مينفعش اني اضيف حفول او اعدل في الحقول ودي مشكله كبيره بس هنتغلب عليها اول منخش في الداو
    في حاجه كمان بعد ما بنعمل تحويل للقاعد علشان تبقى 97 بتقابلنا مشكله انه كل مان فتح الاكسيس (وهنحتاج اننا نفتحه كتير علشان نتابع التعديلات اللي حصلت في القاعده من جوه الفيجوال بيسك) بتقابلك رساله حواريه بتطلب انك تعمل تحويل للقاعده ل xp او انك تفتحها فياريت تخلو بالكم من الختيار في الحته دي

    بكدا الدرس الاول خلص يا جماعه ارجوا انكم تكونو استفدتم منه والقاكم في بدايه اداتا كنترول انشاء الله
    اخوكم
    INCUBUS

  3. #3
    الصورة الرمزية etch_eg
    تاريخ التسجيل
    Sep 2005
    المشاركات
    225
    الف شكر وننتظر الدروس الباقيه

  4. #4
    الصورة الرمزية ahmegen
    تاريخ التسجيل
    Jul 2005
    المشاركات
    114
    الف الف شكر و جزاك الله كل خير و منتظرين منك المزيد و ربنا يوفقك
    ادعو الله لك رزق مريم و قصر اسيا و تقوى عائشه وقلب خديجه ورفق فاطمه و جمال يوسف و مال قارون و حكمه لقمان و ملك سليمان و صبر ايوب و قلب ابو بكر و عدل عمر و حيأ عثمان ووجه على و محبه محمد صلى الله عليه و سلم
    [/COLOR]

  5. #5
    تاريخ التسجيل
    Nov 2005
    المشاركات
    12
    هو فين باقى الدروس ولا انت وقفت على كده

  6. #6
    الصورة الرمزية incubus
    تاريخ التسجيل
    Sep 2003
    المشاركات
    1,054
    بسم الله الرحمن الرحيم
    الدرس رقم 2#

    الدرس اللي فات عرفنا ازاي نصمم قاعده بيانات بالاكسيس وكان ممكن نصممها من جوه الفيجوال بيسك بس الطريقه ي اسهل والذ من انك تتعامل مع البريمج اللي بيعمل قواعد البيانات في الفيجوال بيسك لانه هيخنقك كتير
    المهم
    النهارده هنبدا نتعامل باول كائن لقواعد البيانات وده كائن بسيط ميكروسوفت عملته علشان قواعد البيانات الصغيره لانه مش قوي بس انا فضلت اننا ناخده لاسباب كتير ان في ناس بتدرسه ومحتاجين فيه مساعده وفي ناس بتبرمج بيه قواعد بيانات غير كده وكده اسهل في التعامل وهنتعلم النهارده انشاء الله الحاجات دي:-
    1- ربط الداتا كنترول بقاعده البيانات
    2- ربط بقيه الكائنات بالداتا كنترول
    3- ازاي نتعامل مع زر جديد وحفظ ومسح وبحث

    المره اللي جايه انشالله هنتعامل مع زراير اول اخر التالي السابق وكمان هنتعامل مع الداتا بوند جريد اللي بتعرضلنا البيانات اللي في الفقاعده كامله وممكن نعمل عليها بحث

    اولا :- لازم تكون عندك قاعده بيانات جاهزه ومفتوحه وفيها الجدول اللي انت عايزه طبعا هتكون زي اللي في الدرس اللي عملناه المره اللي فاتت فياريت اللي معملش يعمل
    ثانيا :- افتح مشروع جديد وحط فيه الحاجات اللي هقولهالك
    1- 5 صندوق نص (text box)
    2- 5 عنوان اسم (label) بالاسماء – * الاسم * العنوان * تليفون منزل * تليفون محمول * ايميل (طبعا اللي عايز يزود لازم يزود عمود في جدول القاعده)
    3- 10 زراير باسماء * جديد * حفظ *مسح * بحث *اظهار الكل * امام * خلف * الاول * الاخير * خروج
    4- اضف من قائمه الادوات الاداه التي تسمى data

    زي الشكل ده :-


    الخصائص :-
    قبل ما نبداء نبرمج لازم نظبط الخصائص , وهي اللي هتحدد انا عايز اعمل ايه بالاداه اللي في ايدي ممكن اعمل على المستخدم نظام اجباري للتعامل مع البرنامج يعني مسبهالوش سبهلله لانه اكيد مليون في الميه هيفتكس حاجات في البرنامج تطلع رسائل خطاء فانا من خلال تحديدي لمسار شغل المستخدم على البرنامج باحمي البرنامج من اظهار الاخطاء

    الكائن الخاصيه القيمه السبب
    Text (x) enabled false تحديد حركه المستخدم حتى لايضيف مالا نريده ***
    Command2 enabled false حتى لايضغط عليه المستخدم قبل ان يضغط زر جديد
    DATA1 visible false وضعنا ازرار امام وخلف بدلا منها مع شكلها الغير لطيف


    بعد اضافه الخصائص الى المشروع نبدا على بركه الله في تربيط قاعده البيانات بالداتا كنترول ثم نقوم بربط الكائنات الاخرى ايا كانت بالداتا كنترول التي قمنا بتوصيلها بقاعده البيانات

    انظر الشكل :

    تذكر :- قم بمسح مسار القاعده بالكامل (ماعدا قاعده البيانات بالطبع) حتى لاتحدث مشاكل في حال قمت بنقلها من جهاز لاخر


    بعد ان قمنا بتحديد قاعده البيانات المطلوبه يجب ان نقوم بتحديد الجدول المراد فتحه من خلال الخاصيه RECORDSOURCE

    قم بتحديد اسم الجدول TEL كما انشاناه في القاعده في السابق

    احنا كده ربطنا القاعده بالداتا كنترول لكن ايه اللي يخلي صناديق النصوص تشوف ايه اللي جوه القاعده هنربط الصناديق دي بالداتا كنترول وده هيتم بخاصيتين : DATAFIELD و DATASOURCE
    زي ما احنا شايفين:


    وطبعا هنقوم بتغيير DATAFIELD في كل مره على حسب صندوق النص يعهني واحد للاسم والتاني العنوان والاخير الايميل اما DATASOURCE هتفضل ثابته

    بعد ما ربطنا تعالو نبداء مع بعض نحط الكود:-
    اولا الاكواد الاوليه:
    زر جديد:-


    كود:
    Data1.Recordset.AddNew
    
    Command1.Enabled = False
    Command2.Enabled = True
    Command3.Enabled = False
    Command4.Enabled = False
    Command5.Enabled = False
    Command6.Enabled = False
    Command7.Enabled = False
    Command8.Enabled = False
    Command9.Enabled = False
    
    
    Text1.Enabled = True
    Text2.Enabled = True
    Text3.Enabled = True
    Text4.Enabled = True
    Text5.Enabled = True

    زر حفظ :-

    كود:
    Data1.Recordset.Update
    
    Command1.Enabled = True
    Command2.Enabled = False
    Command3.Enabled = True
    Command4.Enabled = True
    Command5.Enabled = True
    Command6.Enabled = True
    Command7.Enabled = True
    Command8.Enabled = True
    Command9.Enabled = True
    
    
    Text1.Enabled = False
    Text2.Enabled = False
    Text3.Enabled = False
    Text4.Enabled = False
    Text5.Enabled = False


    زر مسح:-


    كود:
    Data1.Recordset.Delete

    زر بحث:-


    Dim X As String
    كود:
    X = InputBox("ÇÏÎá ÇáÇÓã", "ÇáÇÌäÏå")
    Data1.RecordSource = "SELECT * FROM TEL WHERE NAME = '" + X + "'"
    Data1.Refresh

    زر اظهار الكل :- الدرس القادم

    زر اول:-

    Data1.Recordset.MoveFirst


    زر اخر:-

    Data1.Recordset.MoveLast


    زر امام:-

    Data1.Recordset.MovePrevious

    زر خلف:-

    Data1.Recordset.MoveNext


    الى هنا وانتهي من الدرس رقم 2 ارجوا ان ينال اعجابكم واي اسئله انا في الخدمه
    بالاضافه اني هقوم بشرح الباقي في المره الجايه هعمل اعاده على حاجات واكواد اتكتبت وما اتشرحتش زي مثلا كود بحث والل هيقف ادامه ناس كتير تقول اشمعنى!!!!!!!!!

    من اخوكم
    INCUBUS

  7. #7
    الصورة الرمزية incubus
    تاريخ التسجيل
    Sep 2003
    المشاركات
    1,054
    جماعه مفيش اي استفسار او اي حاجه او حتى تلميح !!!!!!!!!!!!!!!!!!!!!!!!!!!!!!!!!
    مش مهم كلمه شكرا قد ما هو مهم اني احس ان الموضوع في ناس بيتابعوه وبيتعلمو منه بجد
    لو في حتى سؤال !!!!!!!!

  8. #8
    الصورة الرمزية bido
    تاريخ التسجيل
    Jan 2004
    المشاركات
    859
    يا أخي مشكور كثير وعايزين نطبق على حاجة عملية
    وأنا نفسي أقعد معاك تعلمني الحاجات ده :)
    [
    img]https://upload.wikimedia.org/wikipedia/en/4/4e/Sunlight7fp2ab.jpg[/img
    ]
    الاخوه العظماء
    مجدي
    امين
    الهجان

  9. #9
    الصورة الرمزية مسلم اون لاين
    تاريخ التسجيل
    Oct 2004
    المشاركات
    4,053
    بارك الله فيك على هذا الموضوع المهم لكثير من مستخدمى برنامج الاكسيس وانا اولهم
    أستفتاء
    -----------
    ياريت تشرفونا فى الموضوع

  10. #10
    الصورة الرمزية karker
    تاريخ التسجيل
    Nov 2004
    المشاركات
    1,246
    موضوع جميل جدا يا ريت تكمله لاخرخ ويا ريت نتعلم منك اكتر واكتر ونحب نعرفك معرفه شخصيه
    قل يا عبادى الذين اسرفوا على انفسهم لا تقنطوا من رحمة الله ان الله يغفر الذنوب جميعا


    (الطمع فى الدين مش فى الدنيا)

  11. #11
    الصورة الرمزية TheGhostFish
    تاريخ التسجيل
    Mar 2006
    المشاركات
    2,682
    موضوع رائع و نتمنى إكمال المسيرة و تثبيت الموضوع
    .:.


    ***





  12. #12
    الصورة الرمزية hunter_85
    تاريخ التسجيل
    Jun 2005
    المشاركات
    545
    مشكور أخي علي هذا المجهود ولكن أريد منك كيفية إنشاء تقرير قاعدة بيانات مرتبات

  13. #13
    الصورة الرمزية hunter_85
    تاريخ التسجيل
    Jun 2005
    المشاركات
    545
    اقصد ظهور الناتج في جدول ليس في صفحه دون جدول
    مشكور مره اخرى

  14. #14
    الصورة الرمزية incubus
    تاريخ التسجيل
    Sep 2003
    المشاركات
    1,054
    اخواني الاعزاء اشكركم كثيرا على متابعتكم للموضوع ومروركم الكريم
    واعدكم ان اقوم برفع دروس اكثر في وقت اقل في خلال الاسبوعين التاليين

    اما بالنسبه لموضوع انشاء تقرير فسنقوم معا بوضع مانريدج البحث عنه داخل جدول بواسطه كائنات الفيجوال بيسك كما سنرى قريبا انشاء الله
    شكرا لكم
    اخوكم
    Incubus

  15. #15
    تاريخ التسجيل
    Jun 2005
    المشاركات
    80
    شكرا لك يا اخى Incubus على المجهود بس انا لى رجاء انا دلوقتى بعمل برنامج حضور و غياب الموظفين فى شركة بس انا مبتدئ فى البرمجة و اريدان ا عمل تقرير يومى و شهر لكل الموظفين فى الشركة و تقرير سنوى لكل موظف على حدى
    اولا انا مش عارفا عملة ازاى و هل لو التعمل ممكن يتعمل بالكريستيال ريبورت ولا بالتقرير العادى فى الفيجوال
    ارجو المساعدة و شكرا
    العرق فى التمرين يوفر الدم فى المعركة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك