موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 38
Like Tree0Likes

الموضوع: دهانات الفيلفيت ايه رايكم فيها

  1. #1
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164

    دهانات الفيلفيت ايه رايكم فيها

    السلام عليكم


    انا ناوى اعمل الشقه بتاعتى ان شاء الله علشان الزواج المهم مش عارف اعمل الوان ايه الصالون ارضيته زاتونى والحجرات ارضيتها باركيه مش عارف ايه ال يليق عليهم


    ثانيا :- انا عايز اعمل الشقه مش ساده عايز اعمل دهانات ال فيها اشكال ولما سالت على ورق الحائط لقيته غالى فى ناس قالولى على دهان فيلفيت ال هو ذى ورق الحائط بالظبط ايه رايكم فيه ولو حد عنده افكار يقلى علشان اوصل بالشقه لمستوى عالى اوى من الدهانات



    ايه رايكم
    اللهم انى اعلم انى اعصيك ولكنى احب من يطيعك فاجعل اللهم حبى لمن اطاعك شفاعه تقبل لمن عصاك

  2. #2
    الصورة الرمزية s-yyy89
    تاريخ التسجيل
    Nov 2008
    المشاركات
    3,722
    اولا الف مبروك على الزواج

    ثانيا بالنسبه لالوان الدهانات

    بالنسبه للصالون : البيج الفاتح هيكون حلو اوي معاه

    بالنسبه للغرف: ممكن تعمل لون روز او موف او الاخضر البستاج(فستقي، قلب الخس)

    او الاصفر الكناريا

    كل دول هيكونوا حلوين اوي ان شاء الله




    بالنسبه للفلفت: ممكن حضرتك تعمل حيطة واحده منه والباقي ساده

    في كل اوضه من الاوضه

    هيكون شكله شيك جدا

    وهي فعلا دهانات شيك جدا واشكالها حلوة وعامله زي ورق الحائط بالظبط


    ولو عرفت اجيب لحضرتك عينات منها

    هجيبها في اقرب وقت ان شاء الله











    لن يتم قبول طلبات صداقه من الشباب


    ولن يتم الرد على اي استفسارات او طلبات عن طريق الرسائل الخاصة
    لاي استفسار او طلب يرجى كتابته هنا في القسم



  3. #3
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    الف مليون شكر ليكى وهنتظر العينات ان امكن ان شاء الله ولو تعرفى اى معلومات اضافيه اكون شاكر جدااااااااااااااااااااااااااااااا



    يعنى عايز رايك


    وانا عامل سقف ساقط وفيه نور هل يكون لون مختلف ولا بنفس لون الدهان

  4. #4
    الصورة الرمزية s-yyy89
    تاريخ التسجيل
    Nov 2008
    المشاركات
    3,722
    ان شاء الله لو عرفت اجيب معلومات تانيه هجيب ان شاء الله مش هتاخر

    بالنسبه للسقف: لو هتعمل حيطة واحده بس منقوشه والباقي ساده

    يبقى ممكن تعمل نقش خفيف في السقف بلون مختلف

    وبرضه هجيب لحضرتك اشكال للسقف ان شاء الله

  5. #5
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    هستنى حضرتك ان شاء الله

  6. #6
    الصورة الرمزية s-yyy89
    تاريخ التسجيل
    Nov 2008
    المشاركات
    3,722
    ده نموذج للسقف







    وده نموذج من دهانات فلفت للحوائط



    http://www.yellowpages.com.eg/search...k=/search.html

    واللينك ده عليه عناوين لبعض الشركات





    ودي معلومات عنه


    الفلفت منتج من دهانات الجزيرة وهو دهان ديكورى مائى يستخدم للسطوح الخرسانية والاسمنتية
    وهو ذو تأثير قوى خاص صمم بحيث يعطى الشكل المخملى الفخم ويمكن استخدامه فى التطبيقات الداخلية للمنزل وهو بديل متميز لورق الحائط وله عده خصائص وهى الاتى:


    1- مقاومة جيدة للغسيل فى حالة استخدام اساس نصف لامع.2- ثبات دائم فى اللون.
    3- عالى المتانة وقوى الالتصاق
    4 -يعطى الشكل المخملى الفخم.


    طريقة تنفيذ دهان الفلفت بالشكل الصحيح هى كالاتى.
    1-صنفرة الجدران وازالة الغبار الناتج عن عملية الصنفرة.
    2-اساس مائى وليكون الجزيرة برايمر سلير.
    3-سكين معجون اولى.
    4-سكين معجون ثانيه.
    5- صنفرة وازالة الغبار الناتج عن الصنفرة.
    6-اساس اللون للفلفت حسب اللون المختار من الكتالوج واعطاءه وجهين من اللون.
    7-عمل الطابعة المختارة بالشكل المناسب .
    ادوات تنفيذه هى الاتى
    1-الرول البلاستيكى (الطابعة) الخاصه ومنها عده اشكال ديكورية مختلفة.
    المخفف المقترح:
    لا يخف جاهز للاستخدام.
    فترة الجفاف:
    سطحى 30 دقيقة جفاف تمام 24 ساعة جفاف صلب 48 ساعة





    ولو محتاج معلومات تانيه

    انا موجوده


  7. #7
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    انا مش عارف اقولك ايه


    جزاكى الله كل خير



    بس انا عايز افكار منك فى الشقه


    الشقه 140 متر 3 خجرات وحمام ومطبخ


    الصالون قطعتين سفره + صالون مساحه حوالى 25 متر تقريبا

    وحجره نوم
    وحجره اطفال
    وحجره للانتريه + المكتبه


    انتى رايك ايه احسن حاجه اعملها علشان تكون شقه وهميه وممكن ادفع تكلفه اوك بس تكون فى المعقول يعنى


    جزاكى الله كل خير

  8. #8
    الصورة الرمزية s-yyy89
    تاريخ التسجيل
    Nov 2008
    المشاركات
    3,722
    انا مش فاهمه قصد حضرتك ايه بالظبط

    يعني تقصد ديكورات واشكال للاوض ولا ايه؟

    معلش ياريت توضحلي علشان اقدر اساعدك

  9. #9
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    اقصد اى افكار ممكن تساعدنى علشان اوصل اشقه فخمه



    ولا احسن انى اسال مرحله مرحله يعنى حاليا انا بخلص النقاشه لما اخلصها اسال على العفش وكدا ولا ايه رايك

  10. #10
    الصورة الرمزية s-yyy89
    تاريخ التسجيل
    Nov 2008
    المشاركات
    3,722
    لا طبعا مش شرط انك تسال مرحلة مرحلة

    يعني المفروض انك تبدا تسال وتدور عن العفش من دلوقتي

    علشان تلاقي اللي انت عايزه وتكون شفت اكبر كم من الموبيليا


    وتعرف تختار منه


    انا هجيب لحضرتك افكار للعفش

    والمطبخ والحمام

    بس حضرتك عايز العفش مودرن ولا كلاسيك؟

  11. #11
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    ان شاء الله انا ناوى على عفش كلاسيك ان شاء الله الصالون هيكون المدهب شكله جميل وتقريبا مفيش موضه غيره

    السفره فى الزجاج بس بخاف منها علشان بحس انها ضعيفه علشان كدا بفكر فى سفره عاديه بس شكلها جامد

    حجره النوم مش عايز حاجه تقليديه وفى نفس الوقت موجوده وتناسب البيت المصرى لانى بلاقى على النت صور لغرف نوم لا تصلح لشقه فى مصر لانها محتاجه قصر على الاقل


    الانتريه عايزه ال هو دراعاته عاليه

    الاطفال عايزها سريرن متر وتكون حجره اطفال بجد يعنى دلع دلع


    انا اسف لان فى حجات مش عارف اشرحها بالاسم بتاعها علشان كدا بقول الشرح بالعاميه


  12. #12
    الصورة الرمزية s-yyy89
    تاريخ التسجيل
    Nov 2008
    المشاركات
    3,722
    طيب حضرتك ممكن تزور المواضيع دي

    لحد ما اجيب لحضرتك حاجات تانيه

    https://dvd4arab.maktoob.com/f255/1746236.html

    https://dvd4arab.maktoob.com/f255/1748524.html



  13. #13
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    جزاكى الله كل خير اختى الكريمه

  14. #14
    الصورة الرمزية s-yyy89
    تاريخ التسجيل
    Nov 2008
    المشاركات
    3,722
    https://dvd4arab.maktoob.com/f255/1727616.html


    ممكن حضرتك تشوف الموضوع ده

    تنفذه للمطبخ

    والافكار دي ممكن اي حد بيعمل مطابخ الوميتال ينفذها

    انا لسه شايفه واحد بيعمل مطابخ عامل نفس الافكار دي

    ويمكن احلى كمان

  15. #15
    الصورة الرمزية زمن العجايب55
    تاريخ التسجيل
    Nov 2007
    المشاركات
    1,164
    بجد انا مش عارف اقولك ايه جزاكى الله كل خير وانا بقول لخطيبتى على ارائك وهيا مقتنعه بيها جداااااااااا كمان


    جزاكى الله كل خير انا فعلا عملت المطبخ وهرفع الصور ان شاء الله حالا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك