موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 1 من 8 1 2 3 ... الأخيرةالأخيرة
النتائج 1 إلى 15 من 107
Like Tree0Likes

الموضوع: موضوع هام لكل شاب عاوز يعرف تكليف شقتة وكل شاب كلف وممكن يساعدنة

  1. #1
    الصورة الرمزية abdalla nabel
    تاريخ التسجيل
    Nov 2008
    المشاركات
    233

    موضوع هام لكل شاب عاوز يعرف تكليف شقتة وكل شاب كلف وممكن يساعدنة

    بختصار شديد انا ناوي اوضب شقتي وطبعا معرفتش احسب هيا ممكن تكلف كام فعشان كدة اخطرت الموضوع دة اننا كول واحد عندو فكرة عن الطوضيب يدخول ويقول المساحة ممكن تتكلف قد اية مع طبعا اختلاف الخمات اوالمصنعية ولكن هنحاول نجيب متوست المتر مثلا انا شقتي 85 متر ارتفاع 3.20 الحمام 2.90 في 1.90والمضبخ 4في 1.8 يعني سرميك ودهان مع دكور الدهان كورنيش في السقف وكهلرباء ومحارة وسباكة وهي دية اهم الساسيات اما الفرش من غرف او اجهزة مش مهم المهم معرف تكلفت الشقة حتي تصبح جاهزة للسكن وانا هحاول مع التوضيب اقول تكلف الشقة دي كام والي ممكن يحسبهلنة بردو يفدنا ويقول وشكرا لكل الي ممكن يساعد
    التعديل الأخير تم بواسطة abdalla nabel; 24-10-2009، الساعة 12:42 PM
    ?فى حب مصر ماذا اقول

    القلم حائر بين السطور

    اكتب شعرا فهى الشعر المنثور

    ارسم وردا فهى اطيب العطور

    لو قلت احبها فلن يكفينى

    فانا مريض بحبها فمن يداوينى

    و قلبى يهوى قلبها و نيلها ينادينى

    ولو كان لى الف قلب لأحببتها و لن يكفينى

    فحبى لها مستمر مادامت تأوينى




  2. #2
    الصورة الرمزية romanza
    تاريخ التسجيل
    Dec 2005
    المشاركات
    13,631

  3. #3
    الصورة الرمزية abdalla nabel
    تاريخ التسجيل
    Nov 2008
    المشاركات
    233

    شكرا شكرا شكرا romanza

    اقتباس المشاركة الأصلية كتبت بواسطة romanza مشاهدة المشاركة
    تابع الموضوع التالي


    https://dvd4arab.maktoob.com/showthread.php?t=1705549
    بس دية اغلبيتها عن العفش بل اكثرها انا اقصد المعمار مثل السباكة من موسير ومصنعية وخمات والكهرباء مثل سلك وخرطيم ومصنعية وخمات والمحارة والنقاشة ولاكن مشكور منك الهتمام وارجو من اي حد هيشتري عفش يبص علي موضوعك الجامد جدا وياريت استفيد منك ومن خبراتك في انك تحاول تحسبلي التكلفة وانا حاطت امتار كل حاجة في الموضوع
    التعديل الأخير تم بواسطة abdalla nabel; 24-10-2009، الساعة 10:08 PM

  4. #4
    الصورة الرمزية waleed tahier
    تاريخ التسجيل
    Oct 2009
    المشاركات
    16
    الموضوع ده هام واللى عنده فكرة يتفضل يقول اقتراحاته لعلى يفدنا بشئ جميل وعلى فكره ممكن يكون الاقتراح بسيط مش لابد من التعقيد لاننا شباب ومحتاجين السلاسة

  5. #5
    الصورة الرمزية alekhandro007
    تاريخ التسجيل
    May 2005
    المشاركات
    316
    بص يا معلم انا لسه بوضب في شقتى انا حالياً في مرحله الدهان
    اولا انا كنت واخد الشقه محاره و حلوق نص تشطيب يعنى
    بدأت و جيبت النجاره الابواب و الشبابيك علي فكره انا كل كلامى هيكون عن اماكن في القاهره
    النجاره عندك مكانين متنزلش غيرهم يا اما شارع بورسعيد عند ابو الجوخ كده يا اما الزيتون تحت كوبري الحلميه
    هناك في كل الاشكال و المقاسات و الحبشتكنات فاصل هناك على قد ماتقدر بيكونوا مزودين الطاق طاقين هات ابواب و شبابيك حلوق 21 بوصه موسكى و الحسن تاخد نجار ثقه معاك بس بجد يقولك الحاجه بميه قولو بعشرين هتوصل معاه والله لاربعين و ده عن تجربه و كمان هتنزل تجيب المفصلات و الحدايد بتاعه الابواب عندك الرويعي فيه كل حاجه الغالي و الرخيص هات اللي يتناسب معاك و تركيب النجاره معلروف الباب بيركب ب 50 جنيه و الشباك ب 25 و باب البلكونه بيتحسب باب و نص و طبعاً لما تيدي النجار حساب التركيب ايله بتاع 60 % من اجرته و بقيله فلوس علشان لما يجي يريحلك الابواب و يركبلك الكوالين و المقابض الفينش يعني و نصيحه لو هتعمل الابواب كلها دهان استر متديش الباب سلقون بيبوظ شكله مع الاستر لكن لو هتدهن الابواب و الشبابيك الداخليه لاكيه عادي فل اديهم فرشه سلقون عشان تحافظ عليهم اهم حاجه لما يركبلك البيبان متخلهوش يركبلك الكوالين دلوقتي استني بعد السيراميك بس بعد ما يركبهم حاول تقفلهم عشان البيبان ماتفتلش

    بعد كده يا سيدي دخلت على الكهرباء ( اساسيات الكهرباء) و دي برضه بحرها واسع حاول قبل ما تتفق مع الكهربائي تقف في شقتك كده شويه و ترسي و تحدد انت هتحطط عفشك و حاجتك في الشه ازاي علشان ميجيش مكان التلاجه مثلا بعد كده مجمبيهوش فيشه كهراب و لا تلاقي مفتاح نور الاوضه ورا فتحه الباب و كمان الفيش الكتير في الشقه مش ميزه زي ما الناس بتقول كل ما كترت الوصلات في الاسلاك كل مازاد الحمل علي مفتاح قطع التيار في اللوحه ( معلومه صحيحه جدا من مهندس كهرباء) المهم حدد بالظبط انت محتاج ايه و مفيش مانع طبعا تاخد راي خطيبتك و والدك و الناس اللي ممكن يكون ليهم رؤيه بعد كده هات الكهربائي و حددله بنفسك انت عاوز الفيش و المفاتيح فين بالظبط و فيش التليفون و سيبك من فيش الدش مش هاتستخدمها اساسا لانها بتضعف الاشاره و هتكلفك سلك و مواسير و شاسيهات و مفاتيح و وشوش على الفاضي و ترسمله اماكنهم علي الحيطه بايدك عشان بيستهبلوا و كمان متنساش اماكن زي مرايه الحمام يلزمها فيشه ظريفه جنبها و كمان مفتاح البتشينو جنب مكان السخان و الحجات دي حاول متنساش حاجه
    نيجي بعد كده لاماكن شراء لوازم الكهرباء خلي الكهربائي يكتبلك الحجات اللي هو عاوزها و انزل اشتريها انت عندك شارع عبد العزيز وراء مطافى العتبه محلات الدنيا كلها بس نصيحه ابعد عن سلك السويدي بتاعهم مضروب و زباله اشتري من هناك يا اما الكابلات يا اما سلك اسمه الاستاذ لكن السويدي بتاعهم مضروب هتلاقيه ملفوف علي بكر السويدي و عليه الختم و كل حاجه و برضه مضروب لان هتلاقي هناك مثلا بكره السلك ال1 ممللي ب 45 جنيه و هي في توكيل السويدي ب 85 مفيش مقارنه يعني خليك في المضمون و هتجيب الخراطيم الفريسكبل بتاعة الحوائط و خراطيم علاء الدين اللي بتبقى في الارضيه عشان التليفون و شوية العلب البلستيك و البواطات اللي بتبقي في الحيطه و متنساش كام شريط لحام و شويه لمبات مسمار و الدوايات بتاعتهم عشان تتاكد ان الشقه كلها منوره و مفيش توصيله غلط
    نيجي بقي للتاعمبل مع الكهربائي نفسه مصنعيه الكهرباء باى حال من الاحوال مش هتزيد عن الف جنيه لو انت عامل ام الحنه في الشقه و برضه فاصل علي قد ماتقدر كل جنيه انت اولى بيه تجيب للكهربائي شكاره اسمنت اسود علشان يثبت المواسير في الحيطه و تخليه يغطيلك المواسير اللي هتبقي في ارضيه الشقه كمان يغطيها تماما علشان الصنايعيه اللي هيجوا بعد كده مايبهدلوهاش و طبعا مش هوصيك انك برضه متديلوش اكتر من 60 % من المبلغ المتفق عليه لحين الانتهاء من تركيب المفاتيح و الوشوش و النجف و خلافه اقرص علي الصنايعيه علي قد ما تقدر طالما اشتغل عندك اعرف انه كسبان من وراك متصدقش واحد يقولك دي مخسره معايا و انا عامها مجامله كلهم بيقولو كده و كمان فاصل معاهم عشان كده كده في الاخر هيقولك عاوزين الشاي بتاعنا حتي لو في رمضان
    بعد ما تخلص الكهرباء هتخش يا معلم علي السباكه (اساسيات السباكه) هتجيب الاسطى السباك و تحدد له انت عاوز ايه بالظبط امكن الاحواض البانيو الغساله و خلافه و برضه هيكتبلك الطلبات اللي هو عاوزها ( تقولش طلبات الاسياد) هيقولك هات الحاجه BR مخبيش عليك هي فعلا انضف حاجه موجوده في السوق بس غاليه جدا في ماركه الشريف موجوده و جودتها مقاربه لجودة ال BR و سعرها ارخص كتير في محلات في شارع السبتيه اسمها محلات مهني الاسيوطي مش بيشتغلوا غير في الشريف و انت هناك بنفسك هتشوف اد ايه المحلات دي كبيره و مش ممكن تشتغل في حاجه بالكميات دي و تكون جودتها قليله و نصيحه لو هتجيب صرف بانيو اوتوماتيك هاتو ايطلي اصل من ابو 250 جنيه متجيبش صيني لو الاوتوماتيك غالي عليك في صرف بانيو عادي اسمه عبده حنفيه بجد مش هزار هو حلو السداده بتاعته سوسته تاتش شكله شيك و متين و برضه لما تحاسب السباك بقيله فلوس لانه لسه هيجي يركب البانيو قبل السيراميك و هايخد فلوسش و كمان هيجي يركب الادوات الصحيه في التشطيب و ياخد بقية فلوسه
    بعد كده يا معلم اشتغلت في الكرانيش و الحجات بتاعة السقف انا بصراحه عملت كورنيشه رقيقه خالص في الشقه كلها معملتش بيت نور ولا حاجه لانه مكلف ثانيا بيوطي السقف شويه ما علينا اهم حاجه سيبك من الكرانيش الجاهزه اللي بتتركب اجدع صنايعي فيها بيطلعها زباله و عمر ما لحاماتها بتتزبط مع بعض انا و الله لفيت و شوفت شقق كتير هات صنايعي من اللي بيعملها علي الحيطه بايديه بيسموها تمشيات بتطلع مزبوطه و طبعا الافضل انك تتعامل مع صنايعيه انت شوفت شغلهم بعنيك لان مش شرط اللي يعجبني يعجبك مساله اذواق و عملت بانو كبير في الريسبشن و شويه صرر في الريسبشن و الليفينج عموما طبعا دي ازواق المهم الحساب الصنايعي باي حال من الاحوال ماتدفعلوش اكتر من 4 جنيه في متر ضهارة الاسقف اللي هو الجبس اللي بيبقي مغطي الاسقف و 10 جنيه في متر الكورنيشه الحساب كده fair جداانا حاسبت كده لو تعرف طبعا تعمل باقل من كده يبقي 10/10
    بعد الكرانيش هتدخل علي العلقه الكبيره ( السيراميك) انا هاقولك انا عملت ايه و وفرت قد ايه و انت ليك الراي النهائي انا اخدت خطيبتي و نزلنا روحنا السلاب و المولات بتاعة كليوبترا و نقينا الموديلات اللي عجبتنا و اخدنا طرازتها معانا في و رقه بعد كده انا روحت مصنع كليوبترا نفسه اللي في العاشر من رمضان المصنع تقريبا علي 150.000 فدان بلد تانيه يابا في من كل الاشكال و الانواع و المقاسات و بصراحه المهندسين هناك عيال فراوه يحسبولك شقتك تاخد كام كرتونه بالظبط و انت ماشي كمان هيقولك هيتبقي معاك كام بلاطه بعد مايخلص الشغل انا ياسيدي سيراميك الارضيات اللي جيبته للغرف الفرز الاول بتاعه المتر ب 65 جنيه جبت من المصنع الفرز التالت بتاعه ب 20 جنيه شفت الفرق قد ايه و طبعا بعد ما بيركب ويتسقي اسمنت ابيض و الاوضه بتتفرش مش بيابن ده فرز اول ولا تاني و لا عاشر و جيبت من هناك بورسلين للريسبشن و الطرق كان المتر بتاعه في السلاب والله العظيم ب 150 جنيه فرز اول جبته من المصنع هو هو فرز تالت و الله ب 32.5 وزي الفل و لو عاوز اصورهولك اصورهولك هناك الحجات تحفه ادخل علي المهندس في قاعه البيع و اضرب معاه صحوبيه هيطلعلك حجات و لا في الخيال وجيبت من هناك الفرز الاول فقط لسيراميك الحمام ارضيات و حوائط وا رضيات المطبخ طبعا الحمام الحاجه الوحيده اللي بيبيقي سيراميكها باين عشان كده جيبتها اول الليله كلها جيبت حوالي 230 متر سيراميك و بورسيلين دفعت فيهم حوالي 5500 جنيه يعني متوسط المتر ميكملش 25 جنيه سعر مش هتلاقيه و لا في الاحلام و كمان كليوبترا مش فراعنه و فينيسيا و الحجات السكه
    صنايعي السيراميك اخد مني 10 في متر السيراميك ارضيات و حوائط زي بعض و اخد 12 جنيه في تركيب متر البورسلين و 2.5 جنيه في تركيب متر الوزره و شكرا و ده طبعا اخد كل فلوسه ملهوش تشطيب في الشقه بعد كده
    و حاليا اان في مرحله الدهان و ساوافيكم بتقرير شامل عن ما قمت به

    و شكرا اخوكم المعذب في مصاريف الجواز احمد سعيد
    التعديل الأخير تم بواسطة romanza; 20-04-2010، الساعة 02:47 PM سبب آخر: تصغير الخط

  6. #6
    الصورة الرمزية abdalla nabel
    تاريخ التسجيل
    Nov 2008
    المشاركات
    233
    انا مش عارف اشكرا ازاي ميقدرش الي انتا كتبو دة حد غيرير شكرا شكرا شكرا

  7. #7
    الصورة الرمزية alekhandro007
    تاريخ التسجيل
    May 2005
    المشاركات
    316
    اقتباس المشاركة الأصلية كتبت بواسطة abdalla nabel مشاهدة المشاركة
    انا مش عارف اشكرا ازاي ميقدرش الي انتا كتبو دة حد غيرير شكرا شكرا شكرا
    يا اخى ولا شكر ولا حاجه انا حاسس بيك لان انا بالفعل جوه المطحنه بتاعة التشطيب حاليا و لا يسعنى الا ان اقول ربنا معاك و معايا و مع الشباب اللي زينا

  8. #8
    تاريخ التسجيل
    Apr 2009
    المشاركات
    15
    بجد بجد انا استفدت منك كتير جدا وخصوصا انى انا داخل على توضيب شقتى واناعند الشقة علقتين مش علقة واحدة لان مساحتها فوق ال180متر وماكنتش عارف ابتدى منين شكرا ليك مرة تانية

  9. #9
    الصورة الرمزية abdalla nabel
    تاريخ التسجيل
    Nov 2008
    المشاركات
    233
    اقتباس المشاركة الأصلية كتبت بواسطة alekhandro007 مشاهدة المشاركة
    يا اخى ولا شكر ولا حاجه انا حاسس بيك لان انا بالفعل جوه المطحنه بتاعة التشطيب حاليا و لا يسعنى الا ان اقول ربنا معاك و معايا و مع الشباب اللي زينا
    لا طبعا لازم الشكر خصوصا في مجهودك ولية طلب تاني عاوز صور لسرميك ارضيات وحوائط لو في الامكان وتعبك معاية

  10. #10
    تاريخ التسجيل
    Dec 2007
    المشاركات
    507

    شكراً

    اخوك فى العذاب

    شكراً على المجهود بتاعك alekhandro007 ويارب يوافق الجميع.

    انا لسه ببدأ فى الشقة وانا مستلم زيك نصف تشطيب.

    والإسعار بتعتك قريبه من الإسعار الى انا اخذتها من الصنيعية.

    انا لسه فى مرحلة معرفة اسعار المصنعية وهبدأ بإذن الله خلال ايام.

    وعاوز اشكرك على انك كاتب كل حاجة وياريت لو كل واحد يكتب الحاجة بكام والسعر ده من فين علشان كلنا نستفاد.

    وبالنسبة للسلك الكهرباء انا ارشح السويدى بس زى ما انت قولت بلاش العتبة فى اماكن كتير كويسه .

    سعر اللفة 1.5 ملى عامل 89 جنية و 4 ملى عامل 225 جنية ده سعر اليوم اقل سعر لقيه فى اى مكان على فكرة ماعد العتبة
    ويارب يوافقنا جميعاً

  11. #11
    الصورة الرمزية M.HASSAN2
    تاريخ التسجيل
    Oct 2006
    المشاركات
    448

    Love

    لا لا لا يا جماعة سلك السويدى الاصلى بيبان من المضروب وبالنسبة للاسعار خد يا سيدى ..
    لفة السويدى ال
    1.5 ملم ب 81.75 جنيه
    2.00 ملم ب 109.5 جنيه
    4.00 ملم 207.25 جنيه
    والاسعار دى بتاريخ 1-12-2009 ومن محل اسمه الاضواء الحديثة فى الشارع إللى جمب مطافى العتبة فى اول عبد العزيز وده رقم تليفون المحل 23913761

    انا لسة شارى منه وجايب كل حاجة الكهربا والراجل ظبطنى انتوا ادخلوا هناك على واحد اسمه ناجى اول ما تدخل على الشمال وهوه هيظبط الدنيا بس المهم انك تكون رحت لمحل تانى قبل ما تدخله وتجيب منه بيان اسعار وتروح لناجى ده وتقوله هتدينى اسعار اقل من دى ولا اروح اجيب من حتة تانية وقوله انا عارف ان محلكوا ده الاحسن والكلام الحلو ونتا وذوقك وهوه هيظبط يا حج ونصيحة روح على الصبح كده على 12 او 1 بالكتير بتبقى الدنيا هادية وهما بيبقوا عايزين يستفتحوا بالبلدى وبلغتهم يعنى وهيظبط على الاخر.

    وربنا مع جميع المطحونين فى الشقق امثالنا.
    رمضان كريم

    قال رسول الله صلى الله عليه وسلم ' الصوم جنة , والصدقة تطفيء الخطيئة كما يطفيء الماء النار '

    اللهم اغفر لى ولوالدى وللمؤمنين يوم يقوم الحساب

    لا إله إلا أنت سبحانك إنى كنت من الظالمين - إنا لله وإنا إليه راجعون

    افضل الكلم سبحان الله والحمد لله ولا إله إلا الله والله اكبر





  12. #12
    تاريخ التسجيل
    Mar 2007
    المشاركات
    113
    انا واخد شقتى على الطوب الاحمر و لسه ماعملتش اى حاجة فيها
    بس لسه جايب حلوق للأبواب بتاع الأوض جيبت الحلق الواحد ب 70 جنيه من شارع بورسعيد ( أبو الجوخ )
    مقاس 15 * 5 هو فى الاول كان بيقول 80 جنيه بس انا خدته ب 70 جنيه
    يارب اكون أفادتكم بحاجة ويارب يعينكم و يعينا

  13. #13
    تاريخ التسجيل
    Dec 2007
    المشاركات
    507

    الجبس

    طويب حد اشتغل فى الجبس عاوز اعرف سعر بيت النور كام للمتر .
    وسعر الكرانيش العادية كام مش التركيب ولو حد عنده صنيعى كويس فى القاهرة يقول ممكن نفيد بعض لو فى حد جاب صنيعى كويس ويكون سعره رخيص يقول كله افادة لينا.
    وربنا معنا جميعاً

  14. #14
    الله يعينكم ياشباب ويوفقكم يارب
    ويرزقكم الزوجات الصالحات اللي يقدروا تعبكم ده

  15. #15
    الصورة الرمزية kiser_dee7
    تاريخ التسجيل
    Sep 2007
    المشاركات
    76
    بسم الله الرحمن الرحيم

    اخي العزيز كلنا بندور على حاجات شبه بعضها انا حاليا بدور على اسعار الانتريهات المودرن رغم اني عارف بعضها بس مفيش مانع
    اني اعرف اكتر وربنا اكيد هيساعدني في اني احصل على الذوق المناسب بالسعر المناسب
    نيجي لموضوعنا الاساسي وهو تكلفة الشقه من الالف للياء انا هنتهي من المباني والمسلح وهدخل على طول في النجاره
    الباب الايطالي 100*220ارتفاع=320جنيه تقريبا
    وده الباب اللي تطمن وانت عامله باب للحجره العاديه فهو متين جدا
    موصفاته النجاريه عاليه وخشبه انسى وشياكه لا يعلى عليها فيكفي انه اشهر باب باب ايطالي
    هتلاقي ارخص من كده وهي ابواب اقل في الاطوال والعرض وفاضيه من النص يعني ابلكاش
    وباب الشقه هيكون من 400 الى 500جنيه وده باب تحفه
    ما تنساش الخشب كله موسكي
    البالكون 1*220=350جنيه
    120*220=400تقريبا
    الشباك
    نصيحه من اخ ركب حلق زفر هيكلفك 70جنيه كبيره
    وهات شباك المونتان المتر مربع ساده هيكلفك 250ج والملون 270ج
    بس شيك جدا
    جوه وبره الشقه
    مش هتحتاج ستاير ولا سلك لانه بسلكه وياريت تطلب زجاج عاكس
    2- من ناحيه التركيب الباب 50ج والشباك الخشب 30ج والمنور 20-25ج والبالكون 50-60ج هتدفع جزء كبير والباقي عند التريح


    الكهرباء
    هتجيب كهربائي محترم تتفق معاه على سعر اللمبه اللي هتكون ان شاء الله 10ج شغل هندسي هيكتبلك الطلبات وخد نصيحته دايما لان شغل اتلكهرباء حساس وهو اللي بيميز شقتك عن غيرها هو مش باين اه بس مريح لما يكون شغل عالي
    هيقولك هاتلي الخراطيم رخيصه اللي لفتها ناقصه والبواط وعلبه البريزه كلها حاجات تافهه واطلب منه الشغل كله لمبات موفره وكتر منها
    ما تنساش البريزه بسعر المفتاح10ج
    خلي علو البريزه 75سم عشان الاطفال
    والمفتاح 1.5م مناسب
    نوع المفتاح والبريزه يكون البا تشينو=5 ج
    من ناحيه السلك هتلاقي الاوربي هو الشائع لانه خامه جيده
    وارخص من السويدي
    اللمبه الموفره من 8-12 ج وهتلها دوايه ثابته في السقف في منها الوان كتير
    استنا كل ما الكهربائي يجي يركبلك حاجه اديله فلوس بس بترتيب واكتبها بتواريخ ومع التشطيب يكون وصلته كل فلوسه
    السباكه

    الشغل اللي هتعاني منه طول حياتك حتى لو كان لوكس
    ومسيرك تقول هاني قالها
    المهم السباكه المبدئيه للحمام الواحد 900جنيه
    ونصيحه هات حوض تشطيف قدم ويكون ديروفيت احسن من 100 بانيو وسعره 155 جنيه اقصى سعر
    سعر البانيو الركنه 350 تقليد وده العادي لانه ما بيكونش عليه حمل زي ما انت فاكر
    ولو اصلي عامل 900 جنيه
    مصنعيه الحمام وحوض المطبخ بتبدا من 350 جنيه وانت وشطارتك
    السباك بيحب يالف كتير خلي بالك منه ليعك ويا ريت يكون واحد صاحبك
    حوض المطبخ 220ج تقريبا بس كويس
    طقم الحمام بيبدا من 350 ج وكيلو باترا 750 ج وفيه 900 بس شكله شياكه
    طقم الفواطه 120جنيه بس حكايه ويخلي الحمام ينطق
    المحاره
    طن الاسمنت=500ج هاته قوميه بيشد بسرعه وهيريح الممحر
    نقلة الرمل=140ج
    الجبس وحياة ابوك هاته انضف حاجه دا فرقها بسيط
    متر المحاره =بيبدأ من 4 ج ولحد 6ج مش اكتر من كده حسب الشغل والمساطر يعني الهندسي المصيص 4ج وقوله عايزه على لمبه ميبقاش مموج
    الفرمه =10ج وكل فرمه لها سعرها ونقي الفرمه شغلها كتير مش بسيط
    ومش هتزيد عن 14 ج ان شاء الله
    قدر الممحر وهو هيزبطلك شغل النجاره والكهرباء ويخلي النقاش ميدعيش عليك وعليه ويضرب في العالي
    يعني اسمعه كلامه
    في طلباطه البسيطه مش الجامده
    قيس الشقه وانت هتقدر المصنعيه
    السيراميك
    سيبك من 6 اكتوبر والعاشر دي فرقها 1ج في 85 متر =85 ج
    انت عبيط دا انت هتدفهم للعربيه
    انت تروح معارض كيلو باترا تتفرج على اللي يعجبك للصاله
    والحمامات
    وتروح ش ترسه
    او سوق الجمعه
    هتشتري الشقه سيراميك مناسب ما يزيدش على 21-22 جنيه
    تعرف ليه عشان كله هيطغطى وطبعا مش هيكون كيلو باترا
    الصاله سعر المتر 32 وده سيراميك زوقه مودرن عالي
    الحمامات هتها كيلو بترا وهتبدا من 26ج
    تعرف ليه لا نسبه تسريب المياه 0.01% انسى مع العازل اللي هتغلي السباك يدهنه انت في الامان وتحت السخان
    سعر جالون العازل 85جنيه اجري اشتريه
    ارضيه الحمام 26ج
    المطبخ اشهر طقم 31ج للارضيه اسمه فلاريا وكمان للحوائط
    سعر مصنعيه المتر بيبدا من 6 جنيه وانت وشطارتك
    الوزره اديه 1 جنيه في المتر هو هيفتي وزره الشقه كلها بتاخد ساعه

    الدهانات
    ده الشغل النهائي يعني ما تستخصرش حاجه في نفسك قول للنقاش انا مسلمك شغل محاره تمام استلم منك شغل تمام
    انا عايز وشيين معجون وش بلاستك عادي وش كمبيوتر في الاخر
    الباب الداخلي لاكيه ابيض او اسطر اسود
    وباب الشقه اسطر بني
    الشباك زي لون الباب من جوه
    شوف بقى الاسعار الحوائط=يبدا من 4 جنيه وميزدش عن 6ج
    الباب =70-100ج
    الشباك=50ج
    المنور=20-30ج
    السقف=1-2ج اوعى تسيب السقف كده ادهنه وش بلاستك ابيض واحد بس
    ما تتسرعش في اختيار الالوان الغرف فواتح والصاله غامقه وجنب واحد فاتح
    اوعى تنسى الزوايا والبراوير هتكلفك 500ج بتاع الخشب
    الكالون هات الاهرام مش هتشتري كل يوم
    الكهرباء الشغل النهائي حسب مش هيزيد 1000ج

    نصائح
    1- نقي خشب كويس
    2- استلم من النجار
    3- اللي مقلق منه قوله عليه مش عايزيين حجج
    4-خراطيم الكهرباء رخيصه اوك
    5-كتر من الاضائه والبرايز خصوصا الصاله
    6- خفك من الاباليك
    7-البرويز احلى بكتيييييييير
    8-الممحر ممكن يخمك ويحط جبس في المونه هتله سكاره جبس واحده بس
    9-السباك هاته محل ثقه وخليها على الله
    10- اطلب منه يطلب اي حاجه محتاجها وجبها مره وحده
    11- قوله اي عيب هبعت اجيبك
    12-اوعى تدهن معجون قبل شهريه من المحاره وشهر من السيراميك
    13- اتاكد من الحوائط نشفت قبل المعجون
    14-السيراميك دوس على سيراميكه سيراميكه لتكون مطبله ولا مشروخه
    15- متخليش اي صنايعي يخلي الصبي بتاعه يدرب عندك
    16- لو عملت كده محتاج نقله سيراميك كمان والمحاره هتكون زباله
    والنقاشه نقش فراخ
    17-كتر من الزجاج في الشقه الارفف يعني وخليك مودرن انت شاب
    18-الله يكون في عونك
    19- انا تحت امرك في اي استفسار
    20- نقي واحده تستاهل الشقه ما تستعجلش ودور يمكن تلاقي.



موضوع مغلق
صفحة 1 من 8 1 2 3 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك