موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 19
Like Tree0Likes

الموضوع: عاوز أدهن شقتى بنفسى

  1. #1
    تاريخ التسجيل
    Jul 2004
    المشاركات
    119

    4 عاوز أدهن شقتى بنفسى

    السلام عليكم
    مع أرتفاع التكاليف والغلاء المزاد فيه من قبل عمال الدهان قررت أجازف وأجرب أدهن شقتى بنفسى.
    وأريد المساعدة من أهل الخبرة بشرح العملية بالتفصيل الممل خصوصا وأنى بحثت كثير فى النت ملقتش حد شارح بالتفصيل
    أنا مثلا قررت أنى هدهن بلاستيك وعرفت أنى لازم أسس معجون طبقتين بس مواصفات المعجون وتركيبته مش عارف (مش الجاهز)
    أنا الشقة على المحارة فأرجو من أهل الخبرة مساعدتى بالتفصيل الممل
    أكررها بالتفصيل الممل
    وأشكركم مقدما
    ويمككن الموضوع يفيد الكثير من أخوانى المقبلين على الزواج وحالهم زى حالى هههههههههههههههه.

  2. #2
    تاريخ التسجيل
    Jul 2004
    المشاركات
    119
    فين أصحاب الخبرة

  3. #3
    تاريخ التسجيل
    Jul 2004
    المشاركات
    119
    32 عضو شافو الموضوع ولا واحد منهم عنده ولو حتى خبرة بسيطة يشاركنا بيها
    أنتوا بخلا ولا أيه

  4. #4
    الصورة الرمزية romanza
    تاريخ التسجيل
    Dec 2005
    المشاركات
    13,627
    للأسف أعتقد حتى لو حد عارف صعب يديلك سر الصنعة

    هما فعلا بيعملوا طبقة معجون وبعد كده وشين من اللون المطلوب

    بس دي عايزة خبرة في الشغل

    يعني لو على الدهان بس ماكانش هيبقى فيه مشاكل انت هاجيب الفرش والرول وتعمله انت

    لكن موضوع المعجون ده عايزك مثلا تنزل تتابع حد من قرايبك مثلا بيدهن شقته تروح تقف على إيد العمال

    تشوف انت بنفسك بيعملوا إيه

    وفعلا كل حاجة في مغالاة دلوقتي والعمال بيذلوا أي حد

    ربنا يوفقك يارب وتلاقي الرد اللي يساعدك في أقرب فرصة

    ممكن تسأل أستاذ سيف وليد في الموضوع ده

    https://dvd4arab.maktoob.com/f255/1499124.html

    لعله يفيدك إن شاء الله


    التعديل الأخير تم بواسطة romanza; 04-05-2009، الساعة 03:31 AM

  5. #5
    تاريخ التسجيل
    Jul 2004
    المشاركات
    119
    اقتباس المشاركة الأصلية كتبت بواسطة romanza مشاهدة المشاركة
    للأسف أعتقد حتى لو حد عارف صعب يديلك سر الصنعة

    هما فعلا بيعملوا طبقة معجون وبعد كده وشين من اللون المطلوب

    بس دي عايزة خبرة في الشغل

    يعني لو على الدهان بس ماكانش هيبقى فيه مشاكل انت هاجيب الفرش والرول وتعمله انت

    لكن موضوع المعجون ده عايزك مثلا تنزل تتابع حد من قرايبك مثلا بيدهن شقته تروح تقف على إيد العمال

    تشوف انت بنفسك بيعملوا إيه

    وفعلا كل حاجة في مغالاة دلوقتي والعمال بيذلوا أي حد

    ربنا يوفقك يارب وتلاقي الرد اللي يساعدك في أقرب فرصة

    ممكن تسأل أستاذ سيف وليد في الموضوع ده

    https://dvd4arab.maktoob.com/showthread.php?t=1499124

    لعله يفيدك إن شاء الله


    شكرا لمرورك وأوعدك لو العلمية نجحت هكتب النسب والطريقة لعل الله يساعدنا ويكرمنا

  6. #6
    الصورة الرمزية romanza
    تاريخ التسجيل
    Dec 2005
    المشاركات
    13,627
    إن شاء الله وبالتوفيق

  7. #7
    تاريخ التسجيل
    Jan 2008
    المشاركات
    17
    انا مش عايز احبطك انما الموضوع مش سهل بالذات الدهانات دى لان التأسيس و المعجنة دى لازم سحبة معجون و الدهان نفسه و نسب الخلط للوصول لللون المطلوب اللهم الا كنت هتجيب الوان كمبيوتر و دى ميزانية تانية طبعا,انا اللى اقدر اقولهولك ان الافضل تجيب واحد ياخدها مونة و اجرة و تتفق معاه على السعر و تقف على ايديه خطوة بخطوة عشان تضمن الجودة انما انت تشتغل بنفسك هتهدر مون و النتيجة شبه مؤكدة مش مرضية

  8. #8
    تاريخ التسجيل
    Jul 2004
    المشاركات
    119
    اقتباس المشاركة الأصلية كتبت بواسطة roby791 مشاهدة المشاركة
    انا مش عايز احبطك انما الموضوع مش سهل بالذات الدهانات دى لان التأسيس و المعجنة دى لازم سحبة معجون و الدهان نفسه و نسب الخلط للوصول لللون المطلوب اللهم الا كنت هتجيب الوان كمبيوتر و دى ميزانية تانية طبعا,انا اللى اقدر اقولهولك ان الافضل تجيب واحد ياخدها مونة و اجرة و تتفق معاه على السعر و تقف على ايديه خطوة بخطوة عشان تضمن الجودة انما انت تشتغل بنفسك هتهدر مون و النتيجة شبه مؤكدة مش مرضية
    أشكرك أخى الكريم على مرورك وردك
    وأنا عارف أن الحكاية مش سهلة وعارف كمان أن الوضوع محتاج خبرة لكن أنا هجرب فى غرفة واحدة الأول والحكاية مش هتكلف أكتر من 150 جنيه معجون ولو نجحت العملية هكمل وأكون وفرت 3000 جنيه مصنعية العامل ولو مفلحتش مش هخسر أكتر من 150 جنيه ويكفينى أنى حاولت وأتعلمت

  9. #9
    تاريخ التسجيل
    Aug 2006
    المشاركات
    8
    السلام عليكم

    حبيبى الفكرة مش فى الخطوات

    الفكرة هاتبقى تقيلة عليك فى تنفيذ الخطوات

    وعموماّ الخطوات

    لو هاتشتغل بلاستك

    تراشم المحارة . يعنى تشيل اى ذيادة عليها

    وتدهن الحيطة سيلر ( المادة الخام للبلاستك)

    البستلة سعرها بيبدأ من 60 جنية

    الدهان ب الرولة

    وبعدين تسحب 3 سكاكين معجون

    الافضل 3 سكاكين عشان الحيطة تستر معاك وميبقاش فى عيوب كتير

    السكينة الاولى طول . من تحت لفوق والعكس

    التانية عكسها . عرض من اليمين للشمال والعكس

    التالتة زى الاولى

    وتسنفر الحيطة بـ سنفرة 120 عشان متخططش فى الحيطة

    وتكنس الحيطة من التراب وغيرة وتحاول تشيل من عليها اى اتربة

    وبعدين تبطن الحيطة بلاستك مطفى . البستلة المطفى بتبدا من 40 جنية
    وتخلى البلاستك خفيف يعنى تخففة بلماء على البستلة تحط 50% مية

    عشان المعجون يشربة ويسد مسام الحيطة وميهدرش معاك فى البلاستك

    وبعد كدا بتلقط الحيطة معجون

    يعنى الحتة اللى محتاجة معجون تديلها

    وبعدين تسنفر بسنفرة ميتة

    يعنى مستعملة قبل كدا عشان تبقى حنينة على الحيطة

    وبعدين تدى اول وش فى التشطيب وتلقط بردة للحتت اللى محتاجة معجون وسنفرة ميتة بردة

    وبعدين تدى وشين تشيب اللون اللى انت عايزة

    وعلى حسب عايز تشطب مطفى البلاستيك بيبدا من 40 جنية

    البلاستك النصف لامع بيبدأ من 60 جنية

    البلاستك اللامع بيبدأ من 120 جنية

    دا طرق دهان البلاستك

    وان شاء الله راح اشرحلك السقف وتشطيب الزيت

  10. #10
    تاريخ التسجيل
    Aug 2006
    المشاركات
    8
    بـ النسبة للسقف

    لو السقف على المحارة يبقى لازم تسحبة على الاقل سكنتين معجون

    لو السقف كيمازت يبقى تلقط السقف معجون يعنى المناطق اللى محتاجة معجون تديلها

    وبعدين تصنفر وتنضف السقف

    وبعدين لو هاتشطبة بلاستك يبقى تدى وش بطانة مطفى والطايات تديلها وش بطانة مطفى شحم

    يعنى السقف تديلة وش بلاستك مطفى عادى

    ولو عندك طيات اديلها بلاستك شحم يعنى البلاستك متخففوش عشان الطايات يبان اللون الابيض فيها جامد

    وبعدين تدى وش لميع للسقف . كدا السقف اتشطيب :d

    لو عايز تعمل ديكور او اسبونش للسقف

    بتجيب بلاستك مطفى وبـ قماشة وتحطها فى البلاستك المطفى وتضرب على البلاستكم اللميع اللى على السقف

    بيديلك منظر روعة

    وإن شاء الله راح اكتبلك تشطيب الزيت

    وإعزرونى انا بشرح على السريع وبتاكليف بسيطة ومبدخلش فى العميق قوى عشان حضرتك تعرف تشتغل

  11. #11
    تاريخ التسجيل
    Jul 2004
    المشاركات
    119
    تسلم أخى على شرحك الجميل وأنا فى أنتظار باقى الشرح
    بارك الله فيك

  12. #12
    تاريخ التسجيل
    Aug 2006
    المشاركات
    98
    أول مشاركة لى فى قسم الديكورات

    بص يا برنس أنا هحطلك لينك كتاب فيه شروح الدهانات وأنت مع نفسك




    Drywall: Professional Techniques for Walls & Ceilings




    حمله من هنا

  13. #13
    تاريخ التسجيل
    Aug 2006
    المشاركات
    98
    Do-It-Yourself Painting for Dummies (Do-It-Yourself for Dummies)

    وده كتاب تانى روعة

    حمله من هنا

  14. #14
    الصورة الرمزية msenosy
    تاريخ التسجيل
    Dec 2005
    المشاركات
    2,142
    ربنا يوفقك بس الموضوع غير الصنعه اللى فيه محتاج مجهود عضلى ممكن ماتقدرش عليه لو انت مش متعود على المجهود ده وطبعا لو لوحدك مش عايز اقولك حتتعب اد ايه فلازم يكون حد بيساعدك على الاقل يناولك المون ويجهزهالك
    ولو انت عندك حساسيه او اى مشاكل فى التنفس لا قدر الله يبقى نصيحه ماتحاولش تغامر بنفسك
    عموما ربنا يعينك ويوفقك لان الموضوع ممكن ياخد معاك لقله الخبره اكتر من شهر لو انت بتشتغل فى الشقه كل يوم (انا الصنايعى اللى عمل شقتى كان مهاه واحد وقعدوا 3 اسابيع فيها مع العلم انها مكانتش على المحاره)
    وزى مابيقولوا طولة البال تبلغ الامل

    تحميل القران الكريم كاملا لمشاهير القراء برابط واحد مباشر(1) (2)


    اللهم استعملنا ولا تستبدلنا فى فك اسر المسجد الأقصى







  15. #15
    الصورة الرمزية MOHAMEDREFAAT78
    تاريخ التسجيل
    Nov 2005
    المشاركات
    417
    متابع الموضوع باهتمام
    عسى الله ان ينفعنا بما علمنا و ان يجعل ما علمنا حجة لنا لا علينا
    MOH_REFAAT_@HOTMAIL.COM

    محطة اف ام اسلامية 24 ساعة على الانترنت

    قسم خاص لعرض و طلب برامج المحاسبة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك