موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 22
Like Tree0Likes

الموضوع: كيفيه نقل التطبيقات لكارت الميمورى الخارجى SD لاندرويد Eclire 2.1

  1. #1
    الصورة الرمزية engineero89
    تاريخ التسجيل
    Aug 2008
    المشاركات
    801
    بسم الله الرحمن الرحيم

    ان شاء الله تكونوا بخير ,الحقيقه كل الناس الى عندها روم 2.1 بتواجه مشكله صعبه جدا وهى انها متقدرش تسطب اى ابليكاشن على الميمورى لان الروم ده لايدعم هذه الخاصيه ولو كانت الذاكره الداخليه للموبايل صغيره زى مثلا الاكسبريا بتبقى كارثه لانك متقدرش غير تسطب عدد محدود جدا من الابليكاشن , طب الحلول سهله جدا:
    1-انك تسطب روم جديد متكرك احدث من 2.1 لانهم بيدعموا الخاصيه ديه
    2-انك تعمل طريقه من الاتنين الى حنشرحهم ان شاء الله
    بالنسبه للحل الاول تقدر تعمله من الموضوع ده
    كل ما تريد ان تعرفه عند اقتنائك هاتف اندرويد

    كالعاده كل الى حشرحه حيبقى مطبق ومتجرب على هاتف Xperia X8

    الموضوع متقسم للتالى:
    1-اعدادات قبل التسطيب
    2-شرح الطريقه الاولى باستخدام App2sd (معقده بس مجربهه)
    3-شرح الطريقه التانيه باستخدام Link2Sd (سهله بس مش مجربها)

    ملحوظه 1:يمكن عمل جميع الخطوات على موبايل Xperia X10 mini

    ملحوظه 2: متنفذش اى حاجه الا بعد قرائه كل الموضوع

    ملحوظه 3: لو غلط فى اى حاجه ممكن الجهاز ميشتغلش يعنى تعمله على مسئوليتك بس متخفش ان شاء الله كله محلول بس لازم كله يطبق الخطوات بالظبط
    4-قبل ما تعمل اى حاجه اعمل backup للسوفت الى على جهازك علشان تبقى فى امان (ممكن تعرف ازاى من نفس الموضوع الى فوق)

    اعدادات قبل التسطيب App2SD

    1-الاول حاول تعمل repair للنسخه الى عندك علشان تضمن ان جهازك متحدث وكمان النسخه تبقى شغاله تمام
    2-عمل روت للموبايل
    الخطواتين مشروحين بالتفصيل هنا
    كل ما تريد ان تعرفه عند اقتنائك هاتف اندرويد
    3-الخطوه ديه ازاى نهئ الميمورى بحيث انها تشتغل internal memory ,بس علشان اقدر اعمل كده لازم اضمن ان سرعه الميمورى كافيه يعنى ايه ؟ , يعنى انا لما حسطب اى تطبيق على الميمورى لما حيجى يشتغل حيعمل loading من الميمورى فلو هى بطيئه حتلاقى الجهاز بقى تقيل جدا والتطبيق بيفتح بعد فتره , طب الحل انى اجيب نوع ميمورى يكون سريع علشان اقدر اتغلب على مشكله صغر internal memory للجهاز والميمورى بتتقسم للاتى:
    * Class 2 - Minimum of 2 MB/s performance..
    * Class 4 - Minimum of 4 MB/s performance.
    * Class 6 - Minimum of 6 MB/s performance.
    * Class 10 - Minimum of 10 MB/s performance.
    وفى الغالب الميمورى الى بتبقى حاجيه مع التليفون بتبقى class 2 علشان كده انت محتاج تجيب ميمورى من class اسرع شويه(انا جربتها على 2G الى مع الموبيل لما سطبت برامج كتير الجهاز تقل جدا).
    احنا فى الخطوه ديه حنقسم الميمروى 2 Partitions واحد للداتا بتاعتك والتانى الخاص بتسطيب الابليكاشن واحنا ممكن نقسم باى برنامج بس انا حشرح على MiniTool Partion Wizard لانه سهل وحجمه صغير فى التنزيل

    Download from Here
    http://www.partitionwizard.com/download.html

    بعد ما نزلت البرنامج وسطبته (سهل جدا) حتعمل الاتى
    1-نخلع الميمورى من الموبايل بس الاول تعمل unmount عن طريق
    Settings>> sdcard&phone storage >>Unmount SD card
    2-وصل الميمورى على الكمبيوتر باى usb reader وشيل كل الداتا الى انت محتاجها لانك حتفرمت الميمورى

    3-افتح البرنامج وخلى بالك من drives اللى عندك علشان الله يكرمك متمسحش درايف يكون عليه الداتا بتاعتك

    طبعا زى ما انت شايف ان فيه 2 Drives وباين مين الميمورى فيهم تمام


    بعد ما تعمل delete حتلاقى المنظر ده


    فى الخطوه ديه حنعمل create للاتنين partions واحد Fat/Fat32 والتانى ext2
    لو الميمورى 2GB يبقى Fat
    ولو الميمورى اكبر من 2GB يبقى اختار Fat32









    ملحوظه هامه جدا : اقصى حجم للدرايف ext2 ميعديش 1 GB وكل ما تقلله يبقى احسن علشان الجهاز ميهيسش وانا شايف ان لو عندك ميمورى كبير يبقى الاحسن تخليه 700 MB

    فى الاخر لازم تدوس apply علشان تنفذ الى انت عملته (اهم حاجه خلى بالك الا تمسح درايف !!!)


    شرح الطريقه الاولى باستخدام App2sd

    الاول نزل برنامج App2sd
    Download
    Thanks to wolfilein

    ونزل adb shell
    Download
    او من هنا نسخه تانيه
    http://www.mirrorcreator.com/files/1...hell.rar_links

    اتاكد ان الجهاز شغال USB Debugging mode
    Settings -> Applications -> Development -> USB Debugging (check this option).

    ازاى بقى اشغل adb shell ؟
    1-اعمل فولدر على الكمبيوتر فى السى وسميه adb وفك فيه كل ملفات adb shell


    2-اوصل الموبايل بالكمبيوتر واختار connect to pc واتاكد انى اقدر ادخل على الميمورى
    3-افك ملفات app2sd2.1.zip فى الميمورى على طول (يعنى الملفات تبقى بره على الميمورى بدون فولدر)
    4-افتح dos terminal (للى ميعرفش لروح على run واكتب cmd)
    اول حاجه اتاكد انى Directory == C اكتب الاتى بالظبط




    CD C:\ >>to modify the directory





    CD \adb >> 3lshan ad5ol folder adb


    adb shell >> 3lshan ash3'al abd shell


    sh /sdcard/app2sd.sh >> the last line








    لو عملت كده بالظبط حتلاقى الكلام ده ظهر







    +________________________________+


    |********************************|


    |*Welcome To wolfilein's App2sd *|


    |*installing script *|


    |********************************|


    +--------------------------------+



    ~this version should be go on any device ~



    +___________________+


    |********************|


    |* Menu *|


    |* *|


    |*[0] install app2sd*|


    |*[1] remove app2sd *|


    |*[2] exit *|


    |********************|


    +--------------------+



    [0]



    لو طلعت فعلا يبقى انا كده شغال صح وادوس Enter واستنى شويه
    خلى بالك لازم تكون شاشه الموبايل مفتوحه يعنى لما تبداء تعمل الموضوع ده اتاكد ان screen time out على اعلى حاجه 30 دقيقه مثلا للاحتراس

    اخر حاجه بعد شويه المفروض تطلع الرساله ديه


    busybox is /system/bin/busybox


    rm failed for /etc/mount_sd.sh, No such file or directory


    +________________________________+


    |********************************|


    | finished going reboot now |


    |********************************|


    +--------------------------------+



    يبقى كده مبروك عليك بعد ما تعمل ريستارت للموبايل تبقى خلصت ومتقلقش منNo such file or directory لانها بتطلع عادى بس كله بيبقى تمام وليها تفسير بس فكك منه
    بعد ماتعمل الريستار جميع البرامج الى حتسطبها بعد كده ان شاء الله حتروح على طول على الميمورى

    وبكده اكون خلصت اول طريقه طبعا يا جماعه محدش يفتكر انها ممكن تشتغل معاه من اول مره انا عملتها مرتين علشان اقدر اشغلها وانت وشطرتك بقى بس انا حابب الناس تتاكد من اوامر الدوس الى بتكتبها لان الغلط عندى اول مره كان انى مش عارف اوصل للفولدر الى انا حاطط فيه adb shell من الدوس بس لو انت عملت الخطوات بالظبط يبقى كله تمام


    الجزء التانى

    الاول احب اشكر zzeko_1992 على احترامه وتشجيعه للواحد انه يواصل
    فى الجزء ده ان شاء الله حنكمل الطريقه التانيه
    شرح الطريقه التانيه باستخدام Link2Sd (سهله بس مش مجربها)

    اعدادات قبل التسطيب App2SD

    نفس الخطوات فى الطريقه الى فاتت لحد ما توصل للخطوه ديه
    وصل الميمورى على الكمبيوتر باى usb reader وشيل كل الداتا الى انت محتاجها لانك حتفرمت الميمورى
    ركز بقى من اول هنا الخطوات شبه التانيه بالظبط بس انا حعيد تانى اوك :

    3-افتح البرنامج وخلى بالك من drives اللى عندك علشان الله يكرمك متمسحش درايف يكون عليه الداتا بتاعتك

    طبعا زى ما انت شايف ان فيه 2 Drives وباين مين الميمورى فيهم تمام


    بعد ما تعمل delete حتلاقى المنظر ده


    فى الخطوه ديه حنعمل create للاتنين partions وكلهم Fat32





    بعد ما عملت الى موجود بالظبط حيبقى عندك 2 partitions واحد حجمه كبير للداتا وواحد صغير الى حنحط عليه البرامج
    *حط الميمورى فى الموبايل واعمل mount ليها وحط كل الداتا بتاعتك على اpartition الكبير واتاكد انك حاطط برنامج Link2SD على الميمورى
    *بعد كده اعمل unmount وحاول تسطب اى برنامج اكسبلورر زى ES او Astro عن طريق الماركت او البلوتوث
    *سطب برنامج Link2SD من الميمورى عن طريق الاكسبلورر
    *شغل برنامج Link2SD حيطلب Root access اقبل (SuperUser -> allow access)
    *روح على اى برنامج انت عاوزه ينزل على الميمورى ودوس عليه وبعد كده اعمل Create Link
    *لو انت فعلا نزلت برنامج على الميمورى وعاوزه يرجع على الموبايل بسهوله جدا عن طريق Remove Link

    حاجات مهمه جدا لازم تخلى باللك منها:
    1- لما تنقل كل البرامج للميمورى لازم تعمل reboot للجهاز علشان تقدر تشوفهم
    2-لو صادفك ان فيه برنامج مش عاوز يشتغل او بيدى رساله Force Close يبقى لازم تسطبه من تانى ويستحسن انك متنقلهوش لان فى برامج لو نقلتها حتهنج الجهاز
    3-البرامج الاساسيه الى على الروم مش ممكن تنقلها للميمورى بس ممك تشيلها خالص عن طريق برنامج Root Explorer
    4-علشان تقدر تشوف المساحه الى باقيه لازم تعرفها من البرنامج مش حتقدر تعرفها من settings
    5-اخيرا لو حبيت تشيل الميمورى من الموبايل لاى سبب اوعى تمسح او تغير فى اى ملف على partition الصغير

    هذا وما كان من توفيق فمن الله وما كان من سهو أو خطأ أو نسيان فمني ومن الشيطان
    م.احمد محمود
    التعديل الأخير تم بواسطة zzeko_1992; 06-10-2011، الساعة 07:50 PM

  2. #2
    الصورة الرمزية engineero89
    تاريخ التسجيل
    Aug 2008
    المشاركات
    801
    Does anybody have the interest to continue the post
    ؟؟؟؟؟؟؟؟

  3. #3
    تاريخ التسجيل
    Sep 2007
    المشاركات
    153
    انا معايا x8

    بس مش عارف ليه خايف اعمل الروت او الروم دا

    الا ايه الفرق بينهم

  4. #4
    الصورة الرمزية zzeko_1992
    تاريخ التسجيل
    Oct 2009
    المشاركات
    3,411
    ايوة انا مهتم واكيد اعضاء كتير بس فى اعضاء مش بترد ياريت متركزش على جزئية الرد انت بتعمل خير وبترميه البحر

    كمل يمكن اثبتهولك
    معهد رأس البر العالى للدراسات النوعية والحاسب الآلى (شارع 77)

  5. #5
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة legend_20102000 مشاهدة المشاركة
    انا معايا x8

    بس مش عارف ليه خايف اعمل الروت او الروم دا
    اقتباس المشاركة الأصلية كتبت بواسطة legend_20102000 مشاهدة المشاركة


    الا ايه الفرق بينهم


    الحقيقه لو انت مستريح مع الموبايل كده ومش شايف اى مشكله يبقى انت كده تمام ومتعملش اى حاجه

    اما بالنسبه للفرق بينهم الروت ده لما بتعمله بتكسر الحمايه الى معموله على السوفت علشان تقدر تعمل حاجات كتيره جدا ممكن تعرف اكتر لو قريت الموضوع ده
    ماهو الروت ومافائدته Root وطريقة عملة
    اما الروم فده سوفت جديد للموبايل تقدر عن طريقه تحدث الموبايل لنسخ اعلى وامكانيات اكتر
    التعديل الأخير تم بواسطة engineero89; 03-10-2011، الساعة 10:03 PM

  6. #6
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة zzeko_1992 مشاهدة المشاركة
    ايوة انا مهتم واكيد اعضاء كتير بس فى اعضاء مش بترد ياريت متركزش على جزئية الرد انت بتعمل خير وبترميه البحر

    كمل يمكن اثبتهولك


    الله يكرمك علطول شادد ازرى انا مش بتكلم عن الردود والله , انا كنت عاوز اكمله بس حياخد مجهود كبير فى اخد الصور وتنزيلها وانت فاهم طبعا فلو مفيش حد حيستفيد يبقى ايه الفايده انى اتعب نفسى, ديه بس وجه نظرى وانا والله بعمل الحاجه ديه علشان قول النبى صلى الله عليه وسلم (إذا مات الإنسان انقطع عمله إلا من ثلاث :
    صدقة جارية او علم ينتفع به ، أو ولد صالح يدعو له). رواه مسلم

  7. #7
    الصورة الرمزية MHF
    تاريخ التسجيل
    Jan 2005
    المشاركات
    1,617
    موضوع جميل يستحق التثبيت بجد شرح وافى وبسيط
    M.H.F



  8. #8
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة MHF مشاهدة المشاركة
    موضوع جميل يستحق التثبيت بجد شرح وافى وبسيط
    الله يكرمك ده بس من ذوقك وان شاء الله التكمله قريب جدااااا


  9. #9
    الصورة الرمزية zzeko_1992
    تاريخ التسجيل
    Oct 2009
    المشاركات
    3,411
    اقتباس المشاركة الأصلية كتبت بواسطة engineero89 مشاهدة المشاركة

    الله يكرمك علطول شادد ازرى انا مش بتكلم عن الردود والله , انا كنت عاوز اكمله بس حياخد مجهود كبير فى اخد الصور وتنزيلها وانت فاهم طبعا فلو مفيش حد حيستفيد يبقى ايه الفايده انى اتعب نفسى, ديه بس وجه نظرى وانا والله بعمل الحاجه ديه علشان قول النبى صلى الله عليه وسلم (إذا مات الإنسان انقطع عمله إلا من ثلاث :

    صدقة جارية او علم ينتفع به ، أو ولد صالح يدعو له). رواه مسلم
    انا عارف مجهود الرفع وخصوصا لو صور كتير وكمان حجمها كبير شوية وعلشان تقعد تنسق والغلطة ممكن تبوظ الدنيا عامة مفيش حاجة بالساهل كله حاجة فى الدنيا لازم تتعب علشان تجيبها وانا لما بقيت مراقب وبعد كدة مشرف ده مكنش بالساهل لازم اتعب علشان اوصل للدرجة الاحسن.

    عامة المشكلة حتصادف ناس كتير واظن ان فى ناس هنا فى القسم اشتكت من الحكاية دى ع العموم لو عايز توقف مفيش مشاكل هشيل جزئية يستكمل بعد كدة واثبتهولك وعامة فى فهرس هعمله يعنى متقلقش مفيش حاجة بتضيع هدر.

    اما جزئية الحديث مكذبش عليك الفكرة اللى عندك بخصوص الحديث مينفعش تطبقها على الموضوع.

  10. #10
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة zzeko_1992 مشاهدة المشاركة
    انا عارف مجهود الرفع وخصوصا لو صور كتير وكمان حجمها كبير شوية وعلشان تقعد تنسق والغلطة ممكن تبوظ الدنيا عامة مفيش حاجة بالساهل كله حاجة فى الدنيا لازم تتعب علشان تجيبها وانا لما بقيت مراقب وبعد كدة مشرف ده مكنش بالساهل لازم اتعب علشان اوصل للدرجة الاحسن.

    عامة المشكلة حتصادف ناس كتير واظن ان فى ناس هنا فى القسم اشتكت من الحكاية دى ع العموم لو عايز توقف مفيش مشاكل هشيل جزئية يستكمل بعد كدة واثبتهولك وعامة فى فهرس هعمله يعنى متقلقش مفيش حاجة بتضيع هدر.


    انا كان قصدى ان لو الموضوع مش مهم اوى ممكن ما اكملهوش لان طريقه واحده كفايه واعمل موضوع تانى لانى ناوى احط كل الى اعرفه هنا علشان الواحد كان بيشوف الذل علشان يعرف معلومه من المواقع الاجنبيه

    فانا حابب ان الناس تلاقى كل الى عاوزها هنا فى المنتدى ده لانى عارف ان ناس كتير بتحترمه وعلى فكره انا نفسى كل واحد يبقى عارف حاجه ميبخلش بيها على حد , والله لما لقيت معظم الناس بتكتب الجمله ديه
    share what you know to benefit the others قلت احنا اول بتطبيق الكلام ده , هى ديه وجهه نظرى


    اما جزئية الحديث مكذبش عليك الفكرة اللى عندك بخصوص الحديث مينفعش تطبقها على الموضوع.


    الحقيقه ردك ده استغربت منه جدا؟؟؟؟؟؟ امال انت فاكر انا بعمل كل ده ليه علشان مستنى حد يقولى شكرا مثلا , تبقى فاهم غلط انا قريت الجمله ديه فى كتاب هكذا عملتنى الحياة لمصطفى السباعى بيقول فيها


    احذر ثلاثاً في ثلاث عند ثلاث:
    الزهو بعلمك عند المناقشة ،
    و الفخر بعملك عند الذين يعرفونك ،
    و التقصير في الخير عند سنوح فرصته .


    ثانيا العلم المقصود هنا فى الحديث مش العلم الدينى بس لا العلم على المطلق اى يعلم ينفع اى حد
    معلش لو كنت رديت بجفاء شويه بس بينى وبينك انا استفزيت
    وانا نفسى اسمع ردك على كلامى

  11. #11
    الصورة الرمزية zzeko_1992
    تاريخ التسجيل
    Oct 2009
    المشاركات
    3,411
    ع العموم زى ما انت شايف لو انت خلصت موضوعك اثبتهولك وتبدا تركز على نقط تانية

    وياريت اللى عنده حاجة تفيدنا يقول بس طبعا ممنوع النقل من مواقع اخرى عربية اجنبية ماشى بس طبعا مترجمة.

    اما بخصوص جزئية الحديث ردك مفهوش جفاء ولا حاجة انا مش عايز افتى وقى نفس الوقت مش عايز حد يفهمنى غلط بس ده راى الهاك ده بيعتبر سرقة زى الوصلة بالظبط انت بتاخذ قنوات المفروض ان بيدفع عليها فلوس كتير وكل نوع قناة ليه اشتراك لوحده مكلف انت بتدفع 30 جنيه حق اشتراك فى وصلة وتقعد تتفرج اهو ده نفس الحال حاجة مش نازلة من الشركة يعنى ده اخر اصدار طب الموبيلات الحديثة فيها كذا طب دى مش موجودة فى الموبيلات القديمة طب نعمل كذا ونفتح برنامج كذا وندخل كذا الخخخ ..... فـ ده مش بعتبره علم لان العلم الحاجة اللى تفيد الناس فى حياتهم ودى وجهة نظرى وكفاية كدة علشان انا مش عايز مشاكل مع المشرفين
    التعديل الأخير تم بواسطة zzeko_1992; 06-10-2011، الساعة 02:35 AM

  12. #12
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة zzeko_1992 مشاهدة المشاركة
    ع العموم زى ما انت شايف لو انت خلصت موضوعك اثبتهولك وتبدا تركز على نقط تانية

    وياريت اللى عنده حاجة تفيدنا يقول بس طبعا ممنوع النقل من مواقع اخرى عربية اجنبية ماشى بس طبعا مترجمة.

    اما بخصوص جزئية الحديث ردك مفهوش جفاء ولا حاجة انا مش عايز افتى وقى نفس الوقت مش عايز حد يفهمنى غلط بس ده راى الهاك ده بيعتبر سرقة زى الوصلة بالظبط انت بتاخذ قنوات المفروض ان بيدفع عليها فلوس كتير وكل نوع قناة ليه اشتراك لوحده مكلف انت بتدفع 30 جنيه حق اشتراك فى وصلة وتقعد تتفرج اهو ده نفس الحال حاجة مش نازلة من الشركة يعنى ده اخر اصدار طب الموبيلات الحديثة فيها كذا طب دى مش موجودة فى الموبيلات القديمة طب نعمل كذا ونفتح برنامج كذا وندخل كذا الخخخ ..... فـ ده مش بعتبره علم لان العلم الحاجة اللى تفيد الناس فى حياتهم ودى وجهة نظرى وكفاية كدة علشان انا مش عايز مشاكل مع المشرفين
    موافق على كلامك 100% وعلى فكره ديه وجهه نظرى برضه بس الحاجات الى انا بنقلها لو لاحظت هى حلول لمشاكل بتقابل الناس فالواحد مش عاوز حديدوخ على حاجه هى فى الاساس تفهه وعلى فكره انا الى مخلينى حابب الكلام ده ان جزء من دراستى Operating System Development وان شاء الله بعد ما ننقل كل المواضيع الاساسيه انا عاوز اعمل زى كورس basics لكيفيه فهم اى نظام والتعديل فيه بس انت ادعى انى افضى
    اما بخصوص الموضوع انا كنت ناوى اخلصه النهارده على باليل
    معلش لو كان كلامى ضايقك بس انا احترمت وجهه نظرك جدا

  13. #13
    الصورة الرمزية zzeko_1992
    تاريخ التسجيل
    Oct 2009
    المشاركات
    3,411
    اقتباس المشاركة الأصلية كتبت بواسطة engineero89 مشاهدة المشاركة
    موافق على كلامك 100% وعلى فكره ديه وجهه نظرى برضه بس الحاجات الى انا بنقلها لو لاحظت هى حلول لمشاكل بتقابل الناس فالواحد مش عاوز حديدوخ على حاجه هى فى الاساس تفهه وعلى فكره انا الى مخلينى حابب الكلام ده ان جزء من دراستى operating system development وان شاء الله بعد ما ننقل كل المواضيع الاساسيه انا عاوز اعمل زى كورس basics لكيفيه فهم اى نظام والتعديل فيه بس انت ادعى انى افضى



    اما بخصوص الموضوع انا كنت ناوى اخلصه النهارده على باليل
    معلش لو كان كلامى ضايقك بس انا احترمت وجهه نظرك جدا
    مكذبش عليك هى مش مشاكل احنا اللى عاملين مشاكل وعامة هى مشاكل كلها بسبب تهكير لكن لو انت اشتغلت على الجهاز زى ما انت مستلمه من الشركة وبتطبق اى حاجة جديدة على موبايل زى ما الشركة بتقول مش حتلاقى مشاكل خالص وده مش فى الموبيلات فقط بل فى اجهزة الالعاب لما تتهكر برده بتلاقى مشاكل انما متلاقيش حد اشتكى لو اخذ الجهاز ولعب عليه زى ما أستلمه من الشركة.

    هو انت تدرس فى كلية ايه ؟؟

    وفكرة الكورس دى حلوة بس طبعا الكلام سهل لكن الفعل حيكون صعب بص خلينا الاول نركز زى ما انت قولت على المواضيع الاساسية وان شاء الله القسم يرتقى للافضل.

    الاول احب اشكر zzeko_1992 على احترامه وتشجيعه للواحد انه يواصل
    العفو يا باشا
    تم التثبيت لفترة تقديرا لمجهودك
    التعديل الأخير تم بواسطة zzeko_1992; 06-10-2011، الساعة 08:02 PM

  14. #14
    الصورة الرمزية engineero89
    تاريخ التسجيل
    Aug 2008
    المشاركات
    801
    لتانى مره عندك حق بس المشكله فى الشركات ديه هى خدمه ما بعد البيع يعنى المفروض انه يعرف ايه عيوب الجهاز ويحاول يصلحهولك مش يقولك استنى بقى لما ننزل جهاز جديد وجهازك ده بقى ارميه ملناش دعوه بيه حاجه تنرفز بجد
    اقتباس المشاركة الأصلية كتبت بواسطة zzeko_1992 مشاهدة المشاركة

    هو انت تدرس فى كلية ايه ؟؟
    انا مخلص هندسه اتصالات جامعه اسكندريه وبترتيب على الدفعه كمان اللهم لا حسد هههههههههههههههههه

    العفو يا باشا
    تم التثبيت لفترة تقديرا لمجهودك
    شكرا على تعبك معايا :)

  15. #15
    الصورة الرمزية deadman_8492255
    تاريخ التسجيل
    Mar 2007
    المشاركات
    5,076
    مجهود جبار يذكر فيشكر

    ناس كتير ممكن تستفيد

    استمر يا زعيم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك