موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 1 من 11 1 2 3 ... الأخيرةالأخيرة
النتائج 1 إلى 15 من 151
Like Tree0Likes

الموضوع: كل ما تريد ان تعرفه عند اقتنائك هاتف اندرويد[Root+Xrecovery+custom Rom+Xperia x8]

  1. #1
    الصورة الرمزية engineero89
    تاريخ التسجيل
    Aug 2008
    المشاركات
    801
    بسم الله الرحمن الرحيم

    الحقيقه ده حيبقى اول موضوع ليا هنا فى المنتدى وان شاء الله يفيد الجميع ,وطبعا زى ما انا كاتب انى كل الى حشرحه حيبقى على هاتف Xperia x8 my own phone والموضوع حيكون متقسم للتالى:

    1-عمل review كامل عن الموبايل
    2-كيفيه التعامل مع اى هاتف اندرويد جديد لاول مره
    3-عمل review عن الروت والروم -Root-Rom-Xrecovery
    4-طريقه عمل روت ببرنامج superone click
    5-تسطيب برنامج xrecovery وعمل backup&restore
    6-تنزيل الروم الجديد على جهازك
    7-ملحوظات هامه جدا على كل النقط

    Xperia X8 FULL REVIEW


    ديه لينكات فيها كل المواصفات
    http://www.gsmarena.com/sony_ericsso...tures-3403.php


    الحقيقه الموقع التانى فيه مشاركات مهمه جدا وفيه اجابات تقريبا عن معظم الاسئله وانا كل الى كتبه هناك حكتبه تانى هنا ان شاء الله مميزات الموبايل كالتالى :
    الموبايل ما شاء الله كله مميزات وكفايه انه فيه كل حاجه وسعره رخيص وتتشه جامد جدا وشكله شيك عيوب الموبايل وده الاهم:
    العيوب والحلول الى ممكن تحلها
    1-الشاشه بتاعت الموبايل فى النهار ضعيفه جدا وصعب انك تميزها
    2-الكاميرا ضعيفه جدا ومن غير زووم او options
    3-البطاريه الى مبتعدش غير يوم او يومين بالعافيه
    4-مفيش تحديث للسوفت بعد ECLAIR 2.1 (وده الى حنحله)
    بالنسبه للكاميرا البرنامج camera zoom fx بيظبط موضوع الزووم ده لغايه 6X وفيه برنامج اسمه Battery saver ده بيساعد انك تحافظ على البطاريه لانه بيقولك فاض اد ايه وايه الابليكاشن الى مستهلكه البطاريه على الاخر وديه شويه نصايح علشان تحافظ على البطاريه
    1-اقفل البلوتوث والواى فاى لو انت مش محتاجهم وده ضرورى
    2-اقلل screen brightness خليه 25%

    ولو فى حد عنده اى استفسار على الجهاز انا فى الخدمه

    كيفيه التعامل مع اى هاتف اندرويد جديد لاول مره

    بص يا سيدى لو انت تعبان اندرويد ومش عارف تعمل ايه لازم فى الاول تفهم ان نظام الاندرويد ده نظام مفتوح وفيه منه يجى 200 الف ابليكاشن وليه كذا VERSION كل واحده ليها مميزات وعيوب وهى كلاتى:


    1. A 1.0
    2. B 1.1
    3. Cupecake 1.5
    4. Donut 1.6
    5. Eclire 2.0/2.1
    6. Froyo 2.2
    7. Gingerbread 2.3

    بس انت عشان تنزل اى تطبيق ادامك طريقتين ملهومش تالت 1- انك تكون واصل بالنت من الموبايل اما نت عادى او واى فاى ومن الماركت تنزل الى انت عاوزه والبرامج الفرى بالهبل وكذلك الالعاب
    2- انك تروح لمواقع معينه تنزل منها الى انت عاوز على الكمبيوتر بتاعك وبعد كده تنقله للجهاز اما بلوتوث او بالكبل وده الحقيقه الى انا بعمله على الرغم انه مش فعال اوى الاحسن موضوع الماركت بس هو مكلف بس لو عندك واى فاى يبقى لوز الجوز (وحنقول طريقه تعمل بيها واى فاى على ادك كده علشان موضوع الماركت ده)
    1-طيب فى الاول لازم تنزل برنامج تقدر تشوف بيه الملفات الى على الجهاز وده لازم تنزله يا اما بالبلوتوث او الماركت وعندك كتير بس انا بفضل ES explorer بعد ما تسطبه حيبقى كل حاجه تمام وتقدر تشوف الحاجه الى انت بتبعتها
    2-برنامج rock player يقدر يشغل كل الامتدادت منmp3~rmvb
    3-adobe reader
    4-office suite

    وانا ان شاء الله حبقى اجمع كل البرامج الهامه وارفعها على لينك فى اخر الموضوع


    عمل review عن الروت والروم والفيرموير[Root-Rom-Xrecovery]

    بالنسبه للروم احنا قولنا انه نظام تشغيل الموبايل وده الى بيقدر تشغل بيه الجهاز, طيب انا الى يهمنى من اول 1.6 الى 2.3 لان الجهاز فى الاصل بيجى بنسخه 1.6 وبتعمله تحديث 2.1 وده بسهوله من هنا:





    وانت كده محتاج برنامج PC Companion وده ممكن تنزله من هنا:
    http://dl-www.sonyericsson.com/cws/d...01.210_Web.exe

    وعلى فكره الموبيل بقى فيه برامج Backup&restore يعنى متقلقش على اى ملفات او ارقام او رسايل عندك كل تمام بس تعمل زى الفيديو بالظبط والموضوع مبيعدش فتره طويله
    المشكله ان سونى اريكسون مش ناوى تحدث الموبايل لاكتر من النسخه ديه طب ايه الحل , الحل انى انزل روم متكرك يعنى مش رسمى بس متجرب وشغال تمام وحتلاقى لكل روم مميزات وعيوب , طب انا ليه محتاج احدث ما انا كده تمام السبب ان فيه FEATURES موجوده فى الروم الجديده مش حتلاقيها فى STOCK ROM زى مثلا تسطيب البرامج على كرت الميمورى وكمان هما قدروا يعملوا حاجه زى الزووم الى فى الاى فون VIRTUAL PINCH TO ZOOM طب ليه virtual لان الاكسبريا اصلا معندهوش غير سينسور واحد بس يعنى هى اشتغاله بس شغاله(حلو السجع ده)
    بس علشان اقدر اعمل روم جديد لازم اكون عامل روت ومسطب الاكس ريكفرى وده موضوع بيتكلم عن الروت وفايدته :


    اما xrecovery ده برنامج اقدر بيه زى ما قولت انى اسطب النسخ الى انا عايزها وبرضه اعمل backup للنسخه الاصليه علشان لو حبيت ارجع لها تانى وديه سعات بتبقى مفيده جدا


    طريقه عمل روت ببرنامج superone click

    الموضوع الى فوق شارح ازاى بس انا حقول تانى الخطوات هى كالاتى:(ركز بقى من هنا)
    1-لازم اضمن ان الجهاز شغال USB debuggingعن طريق Settings>Applications>Development>USB Debugging واعمل صح
    2-بعد ما تنزل برنامج superone click افتحه
    3-وصل التليفون بالكمبيوتر واختار charge phone
    4-دوس على root فى البرنامج واستنى شويه لغايه لما تلاقى الصوره ديه


    5-اعمل ريستارت للموبايل ومبروك عليك الروت
    وده فيديو بيوضح العمليه
    https://www.youtube.com/watch?v=6AWYA1RkRhI



    اتاكد ازاى ان الجهاز اتعمله روت ادور فى القيمه (app drawer) على برنامج super user لو لاقيته ابقى كده تمام




    تسطيب برنامج xrecovery وعمل backup&restore

    الجزء ده محتاج تركيز برضه
    بعد ما عملت ريستارت نزل برنامج root explorer
    Root Explorer 2.5.1
    http://www.mediafire.com/?g990o9nm2py291l
    xRecovery 0.1
    http://www.megaupload.com/?d=5MA2P8UY
    نزل الملفين عندك وسطب برنامج root explorer ولما تفك الضغط على xrecovery حتلاقى 3 ملفاتافتح برنامج root explorer حيطلعلط رساله دوس allow وروح على 3 ملفات وخدهم كوبى وارجع للمكان ده بالذات
    system>bin واعمل paste بس قبل كده حتلاقى تاب فوق فى البرنامج mount r/w علشان تقدرتعمل بست بعد ما نقلتعم اتاكد انهم فعلا وصلوا وبكده تكون سطبتهازاى تدخل عليه :
    1-اقفل الجهاز واافتحه بعد 5 ثوانى واقعد دوس على back (الزرار اليمين) بعد ما تشوف كلمه sony erricson
    2-حتدخل على قايمه بالمنظر ده
    3-للاختيار استخدم زرار الصوت لاعلى ولاسفل
    4-تاكيد الاختيار دور الزار الى فى النص menu


    ده فيديو بيوضح تسطيب Xrecovery

    https://www.youtube.com/watch?v=ls10Og6W89s

    طيب نفهم بقى واحده واحده كل حاجه فى البرنامج:
    1-اول حاجه reboot phone وديه مفهومه

    2-تانى حاجه install update.zip وديه بحتاجه بعد ما بنزل الروم ساعات بيبقى فيه update للروم ده بسطبه عن طريق الاوبشن ده او ساعات بيكون فيه bugs وديه بتتصلح عن طريق update.zip ملف بتنزله على sd card على طول وتسطبه بالبرنامج ده .

    3-تالت حاجه مهمه جدا full wipe وديه لازم اعملها قبل ما اسطب الروم الجديد علشان اتجنب اى مشاكل فى التسطيب وكمان لو نزلت الروم وهييس معايا ممكن اعملها ترجعلى الروم زى منزلته بالظبط يعنى بتعمل فورمات زى الويندوز بالظبط

    4-رابع حاجه مهمه install custom zip هى ديه بقى الى مسئوله على تسطيب الروم الجديد لما اختاره تطلع الميمورى بتاعتى اختار مكان ما انا حاطط الروم وده حنتكلم عليه بعد شويه

    5-اخر حاجه حنتكلم عليها هى backup&restore وديه مهمه ولازم اعملها قبل اى حاجه ليه لانى محتاج اعمل backup للسوفت الاصلى بتاع الشركه علشان لو حبيت ارجع ليه يبقى سهل جدا عن طريق restore


    تنزيل الروم الجديد على جهازك

    نتكلم بقى عن الروم طبعا لو كتبت فى جوجل Custom Rom For X phone اكس ديه يعنى الموبايل بتاعى حلاقى روم كتير جدا طيب انا اختار ايه , الموضوع ده نسبى بيختلف من واحد للتانى وانت محتاج تنزل كذا واحد علشان تعرف ايه الى فعلا بيناسبك , بس انا حقولك على شويه حاجات لازم تكون متوفره فى الروم الجديد علشان تنزله:

    1-اهم حاجه يكون من مكان معلوم المصدر يعنى مش تروح على موقع تعبان لواحد تعبان وتنزل الروم بتاعه وتشتكى انه بوظ جهازك لازم يكون موقع او developer معروف زى مثلا موقع
    http://forum.xda-developers.com
    الموقع ده هو الاقوى والاشهر فى موضوع development ومعظم الكلام الى انا كاتبه عارفه من هناك وجزء منه بالتجربه
    2-ميكونش اول version للروم لانه فى الغالب بيكون مليان bugs لازم تنزل واحد نزله كذا نسخه
    3-الثبات هو اهم عنصر فى الروم المتكرك لانك ممكن تنزل روم وتلاقى الجهاز برستر كل شويه ومتقدرش تسطب اى برنامج
    4- اوعى تهتم بشكل الروم لانك ممكن تنزل ثيمزات قويه جدا دور على الاحسن من حيث الامكانيات والعيوب القليله
    5-لازم الروم يكون بيدعم اللغه العربيه Support Arabic language
    6-اقرى كل التعليقات قبل ما تنزل الروم علشان تعرف ايه المشاكل الى قبلت الناس وايه الحلول

    بالنسبه لموبايل xperia x8 ده موضوه بيتكلم على كذا روم ومين الاحسن

    http://forum.xda-developers.com/show....php?t=1222348

    طبعا فى رائ احسن روم للاكسبريا والى انا منزله عندى دلوقتى هو FroyoBread الروم ده نزل ليه 24 نسخه تصور وبرضه فى اخر نسخه فيها مشاكل بسيطه بس فيه update حل معظم الحاجات الباقيه وممكن بكره تلاقى سوفت احسن منه بس ديه وجهه نظرى
    تقدرتعرف كل حاجه عن الروم من الموضوع ده
    http://forum.xda-developers.com/show....php?t=1079463

    وده لينك للروم Froyobread v23b
    http://www.multiupload.com/JG3J3LRS5Y

    All credits go to
    doixanh

    وده فيديو بيوضح كل حاجه عن الروم
    https://www.youtube.com/watch?v=wa6gZ...layer_embedded

    خطوات تسطيب الروم :

    1-ادخل على xrecovery

    2-اختار backup&restore وبعد كده backup علشان تحفظ النسخه الاصليه وحتعملك فولدر على الميمورى اسمه Xrecover/backup لازم يكون فى الميمورى فى حدود 300 ميجا فاضيه علشان تقدر تعمل backup وبعد كده احفظ الفولدر عندك فى pc ومتغيرش اسمه علشان تضمن انه ميروحش

    3-اختار factory reset - full wipe واختار yes

    4-بعد كده اختار install custom zip واختار الروم بتاعك من الميمورى واختار yes تبقى كده تمام ومبروك عليك الروم الجديد خلى بالك اول مره بياخد وقت علشان يدخل

    فيديو ممكن يفيدك
    https://www.youtube.com/watch?v=sJIU5qIdC-w

    لو حبيت ترجع للروم الاصلى تانى ادخل على backup&restore واختار Restore وبعد كده اختار الفولدر بتاع الروم وهو حيرجع تانى ان شاء الله



    ملحوظات هامه جدا على كل النقط

    ملحوظه 1:يمكن عمل جميع الخطوات على موبايل Xperia X10 mini

    ملحوظه 2: متنفذش اى حاجه الا بعد قرائه كل الموضوع

    ملحوظه 3: لو غلط فى اى حاجه ممكن الجهاز ميشتغلش يعنى تعمله على مسئوليتك بس متخفش ان شاء الله كله محلول بس لازم كله يطبق الخطوات بالظبط

    بالنسبه للبلوتوث هو فيه خاصيه انك لازم تعمل الموبيل discoverable يعنى مرئى وهى بتستنى شويه تقريبا 120 ثانيه ومحتاج تاكتفها تانى طب ازاى اقولك :)
    settings >> wireless&networks>>Bluetooth settings >>Discoverable
    ساعتها حتلاقى الجهاز الى انت عاوز تبعت منه شايف الجهاز وكله تمام
    ولو فى حد عنده اى استفسار على الجهاز انا فى الخدمه

    المواقع الى انت محتاجها علشان تنزل البرامج :

    http://www.umnet.com
    http://www.mobile9.com/
    http://slideme.org/applications

    تحميل برنامج Superoneclick
    Download

    All credits go to:
    CLShortFuse - for making "SuperOneClick".
    sonty - for making exploit script.
    velnens123 - for uploading
    from Xda-Dev

    اتاكد ازاى ان الجهاز اتعمله روت ادور فى القيمه (app drawer) على برنامج super user لو لاقيته ابقى كده تمام








    نزل الملفين عندك وسطب برنامج root explorer ولما تفك الضغط على xrecovery حتلاقى 3 ملفات افتح برنامج root explorer حيطلعلك رساله دوس allow وروح على 3 ملفات وخدهم كوبى وارجع للمكان ده بالذات

    system>bin واعمل paste بس قبل كده حتلاقى تاب فوق فى البرنامج mount r/w علشان تقدرتعمل paste بعد ما نقلتهم اتاكد انهم فعلا وصلوا وبكده تكون سطبتهازاى تدخل عليه





    زى ما قولت فى الاول انت بتعمل كل حاجه على مسئوليتك لان فى احتمال ان الجهاز يوقف , فى حاله ان الجهاز مشتغلش ان شاء الله ممكن نحل المشكله ديه بكذا طريقه بس انا مش عاوز حد يحسسنى انه انا السبب

    وده موضوع ممكن يفيدك لو جهازك وقف
    http://forum.xda-developers.com/show....php?t=1011071

    فى ناس بتقول ان لو عملت روت للجهاز يبقى انا كده خرجت من الضمان الكلام ده فى حاله انك رحت للضمان والجهاز عليه الروم المتكرك سعتها حيقولك مكنش يومك , الحل ان احنا نرجع السوفت زى الاول بالظبط وده بيتعمل عن طريق برنامج PC companion وانا مجرب الموضوع ده والجهاز رجع زى الاول بالظبط ولا كان فيه حاجه حصلت اوك وحقول الطريقه وكمان ديه بتنفع لو حصل حاجه فى جهازك وعاوزه يرجع زى الاول
    الخطوات كلاتى بعد تسطيب برنامج PC companion واتاكدت انه اتعرف على جهازك :



























    لما توصل للخطوه ديه نفذ الخطوات الى مكتوبه وان شاء الله جهازك حيرجع زى القديم وكمان بالسوفت بتاع الشركه


    كده يبقى انا خلصت اهم الحاجت فاضل بس انى ارفع كل البرامج المهمه واعمل موضوع عن Virtual Hot Spot وديه بتخلى عندك WIFI على الاب بتاعك او حتى الكمبيوتر العادى , ان شاء الله فى المشاركه الى جايه حكمل النقطتين الى فاضلين

    يا جماعه انا مرضتش اكتب اى حاجه على الصور لانى عاوز الناس كلها تنقلها علشان الناس تستفاد لانى ملاحظ ان معظم المواضيع مبتلمش كل حاجه بس ياريت نحترم الناس الى اجتهدت ونذكرهم مش لحاجه بس للاحترام

    لو فيه حاجه غلط او عاوز تضيفها او حد عاوز يعرف حاجه اوك انا تحت امره بس ادعولى انى اكون فاضى الايام الجايه لان فيه كام موضوع عاوز اعمله

    هذا وما كان من توفيق فمن الله وما كان من سهو أو خطأ أو نسيان فمني ومن الشيطان
    م.احمد محمود
    التعديل الأخير تم بواسطة zzeko_1992; 24-09-2011، الساعة 11:45 PM

  2. #2
    تاريخ التسجيل
    Sep 2011
    المشاركات
    15

    شكر

    شكرا جزيلا لك فقد استفدت كثيرا مما تكتب ولكن بعد اذنك تحط روابط البرامج عشان محتاجها ضرورى ومعنديش wirles router

  3. #3
    الصورة الرمزية .iBrahimovich.
    تاريخ التسجيل
    Sep 2009
    المشاركات
    1,216
    موضوع روعــــــــــــــــــــــه
    بسم الله ما شاء الله فعلا خبره
    -----------
    لو تابعت مواضيعك هقدملك عرض حلو

    لن يتم الرد علي استفسارات الرسائل الخاصه



  4. #4
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة ebrahim allam مشاهدة المشاركة
    شكرا جزيلا لك فقد استفدت كثيرا مما تكتب ولكن بعد اذنك تحط روابط البرامج عشان محتاجها ضرورى ومعنديش wirles router
    ان شاء الله بعد ما اخلص الموضوع كل البرامج ححطها بس نصيحه ما تعملش اى حاجه الا بعد ما اخلص خالص علشان لازم تعرف حاجات معينه قبل ما تبداء تعمل اى حاجه من الحاجات ديه

  5. #5
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة .iBrahimovich. مشاهدة المشاركة
    موضوع روعــــــــــــــــــــــه
    بسم الله ما شاء الله فعلا خبره
    -----------
    لو تابعت مواضيعك هقدملك عرض حلو
    ان شاء الله انا ناوى اكمل بس لما الاقى نفسى فاضى ويومين كده ويكون كله جاهز وشكرا على الاهتمام

  6. #6
    الصورة الرمزية zzeko_1992
    تاريخ التسجيل
    Oct 2009
    المشاركات
    3,411
    تم تثبيت لفترة تقديرا لمجهودك

    شد حيلك واثبت كفائتك

    وانا والاستاذ ابراهيموفيتش نوعدك بمفاجأة نااار
    التعديل الأخير تم بواسطة zzeko_1992; 24-09-2011، الساعة 01:19 PM

  7. #7
    تاريخ التسجيل
    Sep 2011
    المشاركات
    15
    شكرا جزيلا على المجهود الكبير الواضح انك بزلته فى اعداد الموضوع وانا متاكد ان ناس كتير هتستفاد منه........ بس بصراحة انا اخاف اعمل حاجة فى الموبايل دلوقتى لانى لسه جايبه من يومين انا كنت عايز اعرف بس البرامج العادية اللى ممكن تنزل على الجهاز عادى زى برنامج الكاميرا ... ايه المواقع اللى ممكن انزلها منها وازاى انقلها من الكمبيوتر الى الموبايل ب usb وازاى اسطبها وشكرا ليك جدا

  8. #8
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة ebrahim allam مشاهدة المشاركة
    شكرا جزيلا على المجهود الكبير الواضح انك بزلته فى اعداد الموضوع وانا متاكد ان ناس كتير هتستفاد منه........ بس بصراحة انا اخاف اعمل حاجة فى الموبايل دلوقتى لانى لسه جايبه من يومين انا كنت عايز اعرف بس البرامج العادية اللى ممكن تنزل على الجهاز عادى زى برنامج الكاميرا ... ايه المواقع اللى ممكن انزلها منها وازاى انقلها من الكمبيوتر الى الموبايل ب usb وازاى اسطبها وشكرا ليك جدا

    وده فعلا الى انصحك بيه, زى ما انا كتبت انك فى الاول لازم تنزل برنامج تقدر عن طريقه تشوف الميمورى والملفات الى فيها وده لازم تنزله من الماركت او عن طريق البلوتوث من الكمبيوتر للموبايل وده لينك للبرنامج

    http://www.mirrorcreator.com/files/JXPAOYOD/

    بعد ما تسطبه تقدر بسهوله تبعت البرامج او اى حاجه تانيه عن طريق الكبل, وممكن تنزل البرامج من اى موقع من الى انا كتبتهم وانصحك umnet بس لازم تسجل بسهوله جدا والبرامج الى فيه متحدثه
    لو فيه حاجه تانيه انا تحت امرك


  9. #9
    تاريخ التسجيل
    Sep 2011
    المشاركات
    15
    بجد ربنا يكرمك وشكرا جزيلا ليك كفاية انك بترد على اى حد يسالك فى نفس اليوم ...... بس انا معنديش الجهاز اللى يبعت بلوتوث من الكمبيوتر .. هل ممكن انزل البرنامج من الماركت بالموبايل انترنت العادى بتاع موبينيل مثلا وازاى .... وشكرا ليك مرة تانية

  10. #10
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة ebrahim allam مشاهدة المشاركة
    بجد ربنا يكرمك وشكرا جزيلا ليك كفاية انك بترد على اى حد يسالك فى نفس اليوم


    العفو والله على ايه وانا لقيتها فرصه لان النهارده اجازه

    اقتباس المشاركة الأصلية كتبت بواسطة ebrahim allam مشاهدة المشاركة
    بس انا معنديش الجهاز اللى يبعت بلوتوث من الكمبيوتر .. هل ممكن انزل البرنامج من الماركت بالموبايل انترنت العادى بتاع موبينيل مثلا وازاى .... وشكرا ليك مرة تانية


    طبعا بكل سهوله بس الاول لازم يكون عندك اكونت على Gmail وده سهل جدا , بعد ما تعمله ادخل على موقع الماركت من هنا واعمل sign in
    https://market.android.com/

    حيطلب منك تحدد نوع الموبايل وبعد كده ادخل على صفحه البرنامج من هنا

    https://market.android.com/details?i...=search_result

    ودوس على install تمام كده اول ما تدخل على الماركت من جهازك وتكتب الاكونت بتاعك البرنامج حينزل اوتوماتيك
    حتى لو منزلش افتح الماركت من جهازك حيطلب تدخل الميل والباسورد وبعد كده تقدر تعمل سيرش وتنزل الى انت عاوزه

    بس فيه طريقه تانيه سهله انك تنزل البرنامج من اللينك الى انا مدهولك وتحطه بفلاشه على اى جهاز نوكيا مثلا وتبعته منه بلوتوث


  11. #11
    الصورة الرمزية 7seas
    تاريخ التسجيل
    May 2006
    المشاركات
    503
    السلام عليكم

    أولا أحب أهنيك الموضوع رائع

    بس انا عندي سؤال دلوقتي انا نزلت البرناامج و حطيته علي SD card بس مش بعرف ازاي أسطبه دي ليها برنامج معين ؟!! ولا ايه الحل ؟!
    SEVEN SEAS




    SEVEN SEAS

  12. #12
    الصورة الرمزية Mohmmed Zaky
    تاريخ التسجيل
    Jul 2005
    المشاركات
    2,161
    موضوع ممتاز جدا تسلم الايادى يا هندسه

    وبالنسبه للواى فاى بما ان علشان تعمل هوت سبوت اكيد هيكون عندك لابتوب او كرت وايرلس
    فالافضل لاى حد انه يشترى اكسس بوينت سعره 150 جنيه مش قضيه

    بصراحه قوة السمارت فون والاندرويد بتظهر على النت تصفح وماركت وWidgets زى الاخبار والطقس

    اى حد ناوى يشترى سمارت فون يزود 150 جنيه ويجيب اكسس معاه وهو جاى :D

  13. #13
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة 7seas مشاهدة المشاركة
    السلام عليكم

    أولا أحب أهنيك الموضوع رائع

    بس انا عندي سؤال دلوقتي انا نزلت البرناامج و حطيته علي SD card بس مش بعرف ازاي أسطبه دي ليها برنامج معين ؟!! ولا ايه الحل ؟!

    وعليكم السلام وشكرا على ذوقك
    بص الاكسبريا مفيهوش file manager فلو بعت اى حاجه مش حتقدر تشوفها علشان كده انت محتاج برنامج تقدر عن طريقه تشوف ملفاتك كلها زى ES Explorer بس ده علشان يشتغل عندك وتقدر تسطبه لاول مره ادامك طريقتين الاولى انك تنزله من الماركت وانا عارف انه مينفعش غالبا لان معظمنا معندوش وايرلس او انك تنزل البرنامج من اللينك ده على الاب او الكمبيوتر بتاعك وتبعته للموبايل عن طريق البلوتوث وسعتها حتقدر تسطبه طب افرض انك معندك لاب ولا بلوتوث على جهازك يبقى الحل انك تشترى واحد ههههههههه او تحط البرنامج على اى موبايل وبعد كده تبعته لموبايل وديه تانى مره اكتب الكلام ده بنفس الصيغه وانا تحت امرك فى ايه حاجه تانيه


  14. #14
    الصورة الرمزية engineero89
    تاريخ التسجيل
    Aug 2008
    المشاركات
    801
    اقتباس المشاركة الأصلية كتبت بواسطة mohmmed zaky مشاهدة المشاركة
    موضوع ممتاز جدا تسلم الايادى يا هندسه

    وبالنسبه للواى فاى بما ان علشان تعمل هوت سبوت اكيد هيكون عندك لابتوب او كرت وايرلس
    فالافضل لاى حد انه يشترى اكسس بوينت سعره 150 جنيه مش قضيه

    بصراحه قوة السمارت فون والاندرويد بتظهر على النت تصفح وماركت وwidgets زى الاخبار والطقس

    اى حد ناوى يشترى سمارت فون يزود 150 جنيه ويجيب اكسس معاه وهو جاى :d

    الله يكرمك ده بس من ذوقك وانت شكلك جامد نيتورك وانا والله كنت ناوى اعمل برنامج بيشرح الموضوع ده لان معظم الناس عندها لابات او حتى تشترى كرت وايرلس وانت عارف انه بقى رخيص جدا دلوقتى ارخص من الاكسس بوينت فحيبقى توفير جامد بس بصراحه عندك حق

  15. #15
    الصورة الرمزية Mohmmed Zaky
    تاريخ التسجيل
    Jul 2005
    المشاركات
    2,161
    اقتباس المشاركة الأصلية كتبت بواسطة engineero89 مشاهدة المشاركة

    اقتباس المشاركة الأصلية كتبت بواسطة engineero89 مشاهدة المشاركة
    الله يكرمك ده بس من ذوقك وانت شكلك جامد نيتورك وانا والله كنت ناوى اعمل برنامج بيشرح الموضوع ده لان معظم الناس عندها لابات او حتى تشترى كرت وايرلس وانت عارف انه بقى رخيص جدا دلوقتى ارخص من الاكسس بوينت فحيبقى توفير جامد بس بصراحه عندك حق


    اكيد الكرت ارخص لكن هتضطر تخلى الجهاز شغال
    وايه يجبرك على كده .. يعنى مثلا بحب اول ما اصحى اتابع الاخبار
    وافتح الميل اشوف الرسايل الجديده فبكده هتضطر اشغل الجهاز
    اما الاكسس شغله 24 ساعه ما تقلقش هى دى وظيفته
    والاكسس هيخدم الموبيل والابتوب

    تمن الكرت 60 جنيه .. تمن الاكسس 150 جنيه
    والحلين متوفرين وكل واحد يختار اللى يريحه علشان ابقى خلصت ضميرى



موضوع مغلق
صفحة 1 من 11 1 2 3 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك