موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 2 من 66 الأولىالأولى 1 2 3 4 12 52 ... الأخيرةالأخيرة
النتائج 16 إلى 30 من 986
Like Tree0Likes

الموضوع: عيادة المنتدى البيطرية

  1. #16
    الصورة الرمزية mohamed ic
    تاريخ التسجيل
    Mar 2007
    المشاركات
    232
    أزيك يادكتور أنا كنت عاوز اسألك سؤال هو فى حاجه اسمها حقن هرمونات ؟ أصل فى واحد قالى فى حقنه هرمونات (التستسترون) أنا كنت عاوز اعرف انا ممكن اديها للكلب علشان يكبر ويزيد حجمه ويكون شجاع وياريت تكلمنى أنا عاوزك فى استشاره medo_elsheikh5005@yahoo.com
    شكرا

  2. #17
    الصورة الرمزية scorpovet
    تاريخ التسجيل
    Jun 2007
    المشاركات
    2,719
    بص يا باشا

    بالنسبه لحقن الهرمون الذكري فهو فعلا هيفرق مع الكلب ولكن في سن اقل من سنه

    ليه

    طبيعة الهرمون الذكري انه يساعد على تقوية البنيه العضليه ويحفذ كمان النمو العظمي

    هو بيفرز بنسبه طبيعيه في الذكور وبيديهم شكلهم ونسبه قليله جدا في الاناث لاكتمال العضلات

    لو اديناه لذكر حتى ولو بنفس الكميه اللي الجسم بيفرزها هتوقف الغده الاساسيه
    اللي هى الخصيتين وبالتالي هيقف عمل الخصيتين في الكلب ويؤدي بدوره للعقم

    ولو انثى برضو هيأثر على غده في المخ اسمها النخاميه وعقم برضو لأنها هتبقى اكنها ذكر

    يبقى الطبيعي احسن ولا لا

    وكمان في دراسات اثبتت ان استخدام حقن الهرمونات من مسببات الاورام

    يعني كده هنضر نفسنا بعقم الحيوان ونضره هو كمان بألام المرض

    تقدر تهتم بكلبك طبيعي غذا متوازن -اللبن بيفرق جدا في الحجم للاجراو

    وكمان الدراي فوود الامريكي وليس المصري

    وطبعا عنيا ليك تكلمني في اي وقت

    بس انا ليا رأي نخلى الاستشارات هنا عشان نفيد الكل واكيد في ناس كتير هتقابلهم مشكلتك

    على العموم اميلي على الياهو نفس النيك نيم بتاعي هنا

  3. #18
    الصورة الرمزية mohamed ic
    تاريخ التسجيل
    Mar 2007
    المشاركات
    232
    شكرا يادكتور على الرد وانا هكلمك الاميل بس انا كنت عاوز اعرف ثمن الحقن دى والجرعه؟

  4. #19
    الصورة الرمزية scorpovet
    تاريخ التسجيل
    Jun 2007
    المشاركات
    2,719
    تحت امرك طبعا بس انا والله معرفش اسعارها كام لأني بسعى دايما اني اخلى الحيوان كويس مش اضره بايدي

  5. #20
    الصورة الرمزية ramah_1
    تاريخ التسجيل
    Dec 2006
    المشاركات
    362
    السلام عليكم
    بعد التحيه علي المجهود الكبير اوي بتاع حضرتك يا دكتور
    عايز اسئل عن حاجه
    انا عندي كلب و حصله حادث و تقريبا اتكسرت رجله الاماميه
    عايز اعرف هل ممكن تجبيرها و اعاده شفائها ؟؟؟؟؟
    الحب مامنع الكلام الألسنا

    وألذ شكوى عاشق ما أعلنا

    مبرمج كسلان جدا

  6. #21
    الصورة الرمزية scorpovet
    تاريخ التسجيل
    Jun 2007
    المشاركات
    2,719
    طبعا انا جاوبتك على الخاص ولكن احب ان تكون الاسئله واجاباتها هنا للفائده

    طبعا ممكن نجبس الرجل او نتخذ معاها اجراء جراحي زي تركيب شرائح او مسامير

    وكل ده لا يتم بالنظر ولكن لازم صوره للأشعه توضح مكان الكسر وشكل الكسر ووضع العظام المكسوره

    والا ممكن يتم التجبيس في مكان غلط او بوضعيه غلط تسبب عاهه واعاقه للحيوان طول عمره

    لازم حضرتك متهملش دور الطبيب البيطري وبأسؤع وقت تعرضه وهو سيتخذ اللازم

    وده التصرف السليم في اي اصابه او اي مرض ان نسأل اهل الخبره حفاظا على الارواح اللي معانا وهنسأل عليها وبرضو حفاظا على اموالك ثمنهم
    ورابطتك العاطفيه بهم كمان

  7. #22
    الصورة الرمزية mohamed ic
    تاريخ التسجيل
    Mar 2007
    المشاركات
    232
    شكرا يا دكتور انا ارشحك انك تكون دكتور منتدى

    ودكتور هواه الكلاب

  8. #23
    الصورة الرمزية mohamed ic
    تاريخ التسجيل
    Mar 2007
    المشاركات
    232
    ممكن سؤال يا دكتور انا عاوز اعرف ايه هى حقن ارزينال 10% وايه لزمتها ؟ وعاوز اعرف هو ممكن كتر الحقن تبوظ الكلب ؟ ياريت ترد على بسرعه

  9. #24
    الصورة الرمزية mohamed ic
    تاريخ التسجيل
    Mar 2007
    المشاركات
    232
    وعاوز اسأل عن حقن منشطه للكلاب؟

  10. #25
    تاريخ التسجيل
    Feb 2008
    المشاركات
    17
    مية على مية يا دكتور

  11. #26
    الصورة الرمزية mohamed ic
    تاريخ التسجيل
    Mar 2007
    المشاركات
    232
    أيه يااااااااادكتور انت فيــــــــــــــــــــــــــــن؟؟؟

  12. #27
    الصورة الرمزية scorpovet
    تاريخ التسجيل
    Jun 2007
    المشاركات
    2,719
    السلام عليكم

    معلش يا محمد كتبت ردي على كلامك والمشاركه متبعتتش ليه

    المهم

    حقنة ارزينال بتستخدم اصلا كفاتح للشهيه ومضاد للانتفاخ

    بس بصراحه عمري ما سمعت ان تم استخداما مع الكلاب هي اصلا للابقار والجاموس واحيانا الارانب

    بس ممكن

    اما بالنسبه للحقن فهي اكيد كترها مضر للكلاب والانسان والحيوان

    بس طبعا بمعدل

    يعني كتر حقن العضل بتعمل تليف في العضلات وحقن الوريد تعمل جلطات وانسداد في الوريد

    وحقن الجلد تعمل التهاب في الجلد وممكن يوصل لورم

    بس ده لما مثلا نفضل ندي حقن لمده متقلش عن شهرين وتلات حقن مثلا في اليوم

    عشان كده بنخليها للضروره القسوى مش اي اي حاله تديها علاج ابر

    وبصراحه الدكتور اللي يستسهل علاج الابره ميبقاش كويس هو اه سريع بس مشاكله كتير


    موضوع الحقن المنشطه ده كبير في ادوية منشطه لوظائف الجسم وكفائتها زي تنشيط الجهاز الهضمي وتنشيط الهرمونات الطبيعيه والغدد

    وتنشيط الجهاز الحركي والنشاط الجسماني

    ودي بقى مالهاش لازمه في الحيوان الا في حالات مرضيه معينه او لاستخدامها في حيوانات السباق والجري

    لكن الكلب حيوان قوي ورشيق طالما تم اتباع معاه نظام غذائي سليم وبرنامج رياضي يومي بسيط مش اقل من ساعه جري ومشي ولعب

    كده هيبقى معاك كلب قوي ونشيط

    هتديله منشطات نمو او طاقه هتحتاج ان الكلب برضو يعمل مجهود زياده

    وانا بميل دايما للطبيعي


    معلش اعذرني تاني عن التأخر في ارد

  13. #28
    الصورة الرمزية mohamed ic
    تاريخ التسجيل
    Mar 2007
    المشاركات
    232
    شكراا يادكتور على الرد الجميل ده بس أنا يا دكتور عملت الطريقه اللى انت قلتهالى للأكل بس الكلب مش راضى يأكل العيش خالص هو يدووب يقطع حته صغيره أو لو كل فى اليوم يأكل رغيف عيش واحد ففى واحد قالى لازم تديله حقنه فاتحه للشهيه(أرزينال) واديتهاله وبرضه مبيكلشى أنا عاوز له حل فيياريت تقولى على حاجه للأكل وثانيا بالنسبه للسان أنا عندى كلب ألمانى شورت هير ولسانه طويل جداا مع العلم انه قده فى العمر . أنا بقول علشان ده فصيله جيرمن لونج هير ولا ايه؟؟ ودى صوره الكلب هو عنده 10 شهور

  14. #29
    الصورة الرمزية mohamed ic
    تاريخ التسجيل
    Mar 2007
    المشاركات
    232

  15. #30
    الصورة الرمزية scorpovet
    تاريخ التسجيل
    Jun 2007
    المشاركات
    2,719
    منا قلتلك موضوع اللسان ده مفيهوش مشاكل انساه يعني وده مش عيب وطوله مش ميزه خالص

    الاكل لازم لازم الكلب ياخد احتياجه من النشويات سواء عيش او رز

    ومينفعش الكلب مياكلوش تقوم شايله وجايبله اللي بيحبه

    لا لازم يعرف ان نفيش غير ده

    حطيت الاكل ومكالوش شيل الاكل واديهوله تاني بعد 6 ساعات لو مكالش شيله

    واعمله غيره طبعا واديهوله كمان ست ساعات تاني لغاية ما يعرف ان مفيش غير ده وياكل

    بس لازم الحزم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك