موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 37
Like Tree0Likes

الموضوع: محتار أدخل قسم ايه ميكانيكا ولا مدنى ......؟؟؟

  1. #1
    تاريخ التسجيل
    Apr 2007
    المشاركات
    80

    محتار أدخل قسم ايه ميكانيكا ولا مدنى ......؟؟؟

    يا جماعة أنا طالب فى اعدادى هندسة المنصورة
    ومحتار أدخل قسم ايه
    مدنى ولا ميكانيكا باور
    بس بصراحة أنا نفسى أدخل ميكانيكا باور
    وكل واحد أقوله الكلمتين دول يقولى القسم صعب بغباء
    هل الكلام ده صحيح ولا ايه النظام .....؟؟
    ونظام مواد مدنى ايه ...؟؟؟
    هل فيها نظرى كتير ...؟؟
    التعديل الأخير تم بواسطة Lord.salah; 01-06-2008، الساعة 04:55 PM

  2. #2
    تاريخ التسجيل
    Mar 2008
    المشاركات
    36
    اتكل على الله وادخل اللى انت بتحبه على الرغم ان شغل ميكا نيكا باور ليس عالى اليومين دول وانا فى هذا القسم

  3. #3
    الصورة الرمزية جيفر
    تاريخ التسجيل
    Jul 2006
    المشاركات
    119
    السلام عليكم ورحمة الله
    اخوك ف اولى مدنى هندسة الزقازيق والمشكلة بتاعتك دى قابلتنى السنة اللى فاتت وعقدتنى
    كنت عايزادخل كهربا انى طول عمرى من وانا صغير وبحب اى شىء يخص المجال ده لكن لما دخلت الكلية معادش اللى بيحكمنى رغبتى بس لكن كمان الظروف اللى حولي .
    لقيت كل ما اسال اى حد اكبر منى او حتى فى سنى عن رايه فى الاقسام الاقيه يحذرنى من كهربا مش لانها صعبة بس لكن لظروف كليتنا فى هندسة الزقازيق اللى بنعتبر فيها قسم كهربا اللى بياخد من اكبر مجموع هو اسوء الاقسام من ناحية الدراسة وهيئة التدريس اللى بيشكى منها زمايلنا بطرقة تخليهم يصعبوا على الكافر وكمان للى ثبت فى ذهنى ان شغل كهربا اقل وبقى يدخل نظام الواسطة فيه اكتر من شغل اى قسم تانى وان مواد كهربا تحس ان كلها تخيلات واوهام وان اللى هتدرسوا مش هو اللى هيفيدك بره الكليه
    فبعدت عن كهربا وابتديت ابص على مدنى او ميكانيكا لكن انا ماكنتش عايز ده ولا ده اصلا من البداية ففضلت متلخبط كلمة تجبنى وتودينى لكن فى الاخر دخلت قسم مدنى وكانت النتيجة انى كنت بادخل المدرج مخنوق وعديت بالعافية من امتحانات الترم الاول بل ان زمايلى فى السيكشن ماكانوش يعرفوا انى معاهم فى القسم الا فى الترم التانى وهلوقتى انا بامتحن الترم التانى وشايف انى ضيعت سنة فى قسم مش بتاعى
    انا مش اقدر انصحك بقسم معين لكن اقدر انصحك بان القسم اللتستقر عليه لازم تون مقتنع بيه تماما ولو مين قالك ايه عليه مش تسمعله والا هتتعب زيى

  4. #4
    تاريخ التسجيل
    Apr 2007
    المشاركات
    80
    أولا : شكرا جدا على الرد والنصيحة
    ثانيا : اللى استفدته من الكلام ده ان انا أدخل القسم اللى انا باحبه واللى انا مرتحله نفسيا
    يعنى بإذن الله أدخل ميكانيكا

    بس معلش انا لسه عايز اعرف السؤالين اللى انا سألتهم

    هل قسم ميكانيكا بالصعوبة اللى بيتوصفها.....؟؟؟
    ونظام المواد النظرى فى القسمين ايه ....؟؟؟
    أنا مش عايز قسم فيه مواد نظرى من الآخر

  5. #5
    الصورة الرمزية rasmi
    تاريخ التسجيل
    Jun 2005
    المشاركات
    546
    خليك ميكانيكا وأتوكل على الله
    دة قسم جميييييييييييييييييييل جدا بس بحره واسع جدا
    بس كفاية أنة بيعتمد على الفهم وأي مادة فيها حفظ بيكون أمتحانها open book exam
    وأنا كنت محتار أدخل أيه بس الحمد لله دخلت ميكانيكا باور وباقي لي سنة

    مصاحف كاملة لمجموعة كبيرة من الشيوخ برابط واحد ومباشر ويدعم الأستكمال



    عن أبي هريرة عن النبي قال {من سئل عن علم علمه فكتمه جاء يوم القيامة عليه لجام من نار} .






  6. #6
    تاريخ التسجيل
    Apr 2007
    المشاركات
    80
    وادا كمان صوت من ضمن الأصوات القليلة اللى بتشجعنى أن أنا أدخل ميكانيكا باور
    والاحتمال لاأصبح بنسبة 90 فى المية أن أنا داخل ميكانيكا باور
    بس عايز أعرف حاجة أخيرة أخبار الشغل فى ميكانيكا
    شغال ولا نظامه ايه

  7. #7
    الصورة الرمزية tefa_diab
    تاريخ التسجيل
    Apr 2007
    المشاركات
    1,269

  8. #8
    تاريخ التسجيل
    Mar 2004
    المشاركات
    25
    بص يا اخى انا هنصحك نصيحه لوجه الله تعالى

    اخوك خريج قسم ميكانيكا قوى و الحمد لله شغال فى شركه محترمه و ليها اسم كبير و كنت داخل القسم ده عن اقتناع و حب لكن ما انصحكش بيه


    لان فيه نقاط الطلبه ما بتخدش بالها منها و مبيكتشفهاش الا لما يتخرج زى مثلا طبيعة الشغل

    انت دلوقتى دخلت كليه قمة و تعبت فى الثانويه العامه و المفروض لما تشتغل تشتغل فى شغل مريح نوعا ما

    لان مشمعقول يبقى خريج تجاره قاعد شغال فى التكييف فى بنك مثلا و انت لابس عفريته و قاعد تحت ماكنه

    هو قسم جامد جداو لذيذ بس لازم تعرف ان اصعب ظروف عمل هى ظروف عمل مهندس الميكانيكا قوى و الكهرباء قوى

    انا برشحلك قسم شيك شويه زى اتصالات مثلا او عماره

    و لوعايز اى استفسار عن قسم ميكانيكا انا تحت امرك

    سلام

  9. #9
    الصورة الرمزية جيفر
    تاريخ التسجيل
    Jul 2006
    المشاركات
    119
    السلام عليكم ورحمة الله وبركاته
    رغم انى مش فى قسم ميكانيكا لكن زمايلى فى القسم ده بيشكوا من صعوبة القسم ده فعلا بس مش لازم ده يكون سبب فى هروبك منه لان كل طريق صعب الجايزة اللى فى اخره اكبر والا ماكانش بقى صعب
    عموما احنا بتوصلنا سمعة كويسة عن ميكانيكا المنصورة

  10. #10
    تاريخ التسجيل
    Apr 2007
    المشاركات
    80
    باشمهندس على
    حضرتك دلوقتى لو تقدر تدينى ملخص عن القسم اللى انا هادخله
    المواد اللى هادرسها
    بالنسبة لطبيعة الشغل أنا إلى حد ما متوقع نوعية الشغل
    المهم بالنسبة لى أن انا شغال مهندس محترم
    البس العفريتة البس الجن الأزرق
    برضه مهندس
    مش لازم أقعد فى التكييف العلمك
    بس بجد أنا خايف أطلع ملقيش شغل
    أو لو لقيت شغل فلوسه متبقاش كويسة

    والأهم من كل ده أنا هأمشى فى القسم ولا لأ

    باشمهندس جيفر :
    زى ما قلت أنا بس عايز أعرف هى صعوبة القسم تتمثل فى ايه وممكن أتغلب عليها ولا ايه

    يعنى مثلا القسم محتاج منى ايه
    مذاكرة أد ايه

    هو ده قصدى
    التعديل الأخير تم بواسطة Lord.salah; 03-06-2008، الساعة 08:09 PM

  11. #11
    الصورة الرمزية m-samy
    تاريخ التسجيل
    Jul 2006
    المشاركات
    705
    صعوبة ايه واتغلب ايه
    عندى سؤال انت عايز تخش قسم امتحاناته سهلة وشغله سهل ومذاكرته سهلة و و و و و
    مفيش قسم فى هندسة سهل كل قسم ليه عيوب ومميزات
    وكدة كدة حتلاقى اللى يتعبك فى القسم واللى حيريحك كمان
    فمتقولش انك نفسك فى قسم بالشكل كدة انت حتتخرج شبه مهندس!!
    المهم خلاصة القول استنى لما نتيجتك تطلع وبعد كدة على اد مجموعك شوف اقسام ايه اللى حتنفعك وصدقنى الاقسام كلها ليها شغل وكلها داخلة فى حياتك وتطبيقات كتيرة من حواليك والا مكانتش تبقى فى هندسة
    سلااام
    Click On The Picture Below :)
    |
    |
    v



  12. #12
    الصورة الرمزية جيفر
    تاريخ التسجيل
    Jul 2006
    المشاركات
    119
    السلام عليكم ورحمة الله وبركاته
    باشمهندس lord salah انت كان بان من كلامك انك تقريبا استقريت على ميكانيكا وانا زى ما قلتلك انا فى قسم مدنى لكن لو تحب انى اكلمك عن المواد اللى درستها فى اولى مدنى ونظام القسم من ناحية الدراسة والصعوبة ماشى

  13. #13
    الصورة الرمزية osama_tl3at
    تاريخ التسجيل
    Dec 2005
    المشاركات
    1,633
    شكرا ع الموضوع الجميل دا

    على فكرة أنا في اعدادي هندسة الزقازيق وقابلني نفس الموقف اللي إنتا فيه دا بس الفرق بيني وبينك إني سألت الناس اللي متخرجة من هندسة الزقازيق لأن كل هندسة وليها نظامها

    سمعت كلمة من هنا وكبمة من هنا واحد تاني دفعته وواحد في الروقان واحد كهربا وواحد ميكانيكا وفي الأخر ليك عقلك تقارن بيه وتفنط بيه الكلام حسب ميولك ورغباتك وخد بالك إن مش كل الكلام اللي بيتألك صح أو واقع وإنما دي وجهات نظر الطلبة في المناهج وأعضاء هيئة التدريس

    وأنا من رأيي لو عندك عقل كويس ولسان حلو تفوت في الحديد

    أرجو إني أكون أفدتك ...

  14. #14
    تاريخ التسجيل
    Apr 2007
    المشاركات
    80
    صعوبة ايه واتغلب ايه
    عندى سؤال انت عايز تخش قسم امتحاناته سهلة وشغله سهل ومذاكرته سهلة و و و و و
    مفيش قسم فى هندسة سهل كل قسم ليه عيوب ومميزات
    وكدة كدة حتلاقى اللى يتعبك فى القسم واللى حيريحك كمان
    فمتقولش انك نفسك فى قسم بالشكل كدة انت حتتخرج شبه مهندس!!
    المهم خلاصة القول استنى لما نتيجتك تطلع وبعد كدة على اد مجموعك شوف اقسام ايه اللى حتنفعك وصدقنى الاقسام كلها ليها شغل وكلها داخلة فى حياتك وتطبيقات كتيرة من حواليك والا مكانتش تبقى فى هندسة
    سلااام
    السلام عليكم
    العلمك والله أنا مقلتش حاجة زى كده خالص
    انا كل اللى انا عايز أعرفه هل القسم صعب جدا جدا جدا زى ما تقالى لدرجة ان انا ممكن ممشيش فيه
    لان فعلا الناس بتقول على القسم حاجات غريبة
    انما انا عارف ان هندسة مفيش فيها أقسام وردية
    ولا متبقاش هندسة
    وانا يمكن عرفت ان اغلب الكلام اللى اتقالى عن ميكانيكا باور كان تهويل بس انا عايز أتأكد عايز أبقى داخل القسم وأنا عارف أنا داخل على ايه




    السلام عليكم ورحمة الله وبركاته
    باشمهندس lord salah انت كان بان من كلامك انك تقريبا استقريت على ميكانيكا وانا زى ما قلتلك انا فى قسم مدنى لكن لو تحب انى اكلمك عن المواد اللى درستها فى اولى مدنى ونظام القسم من ناحية الدراسة والصعوبة ماشى

    والله ياريت ياباشمهندس أبقى شاكر جدا
    وياريت كمان لو مفيهاش غلاسة أنك تدينى ولو فكرة صغفيرة عن الدراسة اللى بعد سنة أولى
    وياريت تركز على المواد النظرى أد ايه ونظامها ايه

    هو أنا فعلا شبه مستقر على ميكانيكا باور
    بس الناس اللى عندى فى البيت الوضع مش عاجبعا عشان كده انا قلت اعمل اللى على وأسأل كل اللى أقدر أسأله
    وأنا آسف إذا كنت تقلت عليكم



    شكرا ع الموضوع الجميل دا

    على فكرة أنا في اعدادي هندسة الزقازيق وقابلني نفس الموقف اللي إنتا فيه دا بس الفرق بيني وبينك إني سألت الناس اللي متخرجة من هندسة الزقازيق لأن كل هندسة وليها نظامها

    سمعت كلمة من هنا وكبمة من هنا واحد تاني دفعته وواحد في الروقان واحد كهربا وواحد ميكانيكا وفي الأخر ليك عقلك تقارن بيه وتفنط بيه الكلام حسب ميولك ورغباتك وخد بالك إن مش كل الكلام اللي بيتألك صح أو واقع وإنما دي وجهات نظر الطلبة في المناهج وأعضاء هيئة التدريس

    وأنا من رأيي لو عندك عقل كويس ولسان حلو تفوت في الحديد

    أرجو إني أكون أفدتك ...

    والله أنا سألت طوب الأرض وما زلت زى ما انتا شايف باسأل
    وبحاول أحكم عقلى فى الكلام اللى بيتألى
    وربنا يوفق


  15. #15
    الصورة الرمزية جيفر
    تاريخ التسجيل
    Jul 2006
    المشاركات
    119
    السلام عليكم ورحمة الله وبركاته
    بص يا باشمهندس احنا درسنا خلال الترم الاول مواد ( structure - رسم مدنى - رياضيات - material - برمجة وحاسب - مساحة )
    وخد بالك زمايلنا فى قسم ميكانيكا برضه بيدرسوا فى سنة اولى مادة (الرياضيات نفسها -وال material نفسها - والبرمجة نفسها - ال structure بصورة ابسط من مدنى )
    مواد الترم التانى فى مدنى (رياضيات - تكنولوجيا خرسانة - جيولوجيا - ميكانيكا - مادة انسانيات - structure - رسم مدنى )
    الجيولوجيا : تدرس طبقات الارض وانواع الصخور مادة بسيطة ودمها خفيف
    الخرسانة : تدرس تكوين الخرسانة ومكوناته زلط,اسمنت,..مادة تقيلة زى اسمها
    انسانيات : تدرس احد المواد الادبية يعنى مادة حشو عادى
    material : تدرس االمعدن وتركيبه واختبارات عليه عايزة مذاكرة كويس
    البرمجة :درسنا لغة ال c لكن كنا مش بنحب المادة وبنعتبرها صداع
    المساحة : من اسمها بتدرس المساحات والخرائط مادة سهلة وحلوة
    رسم مدنى : رسمنا steel واعمال ترابية وخرسانة (ترع,كبارى,هدارات,طرق
    ميكانيكا : عندما تتحدث عن اليأس اذكرها
    structure: مادة التخصص فى القسم تدرس تحليل المنشأ وما عليه من احمال وما ينتج من ردود فعل واتزان المنشأ والكمرات والقوى والعزوم عليها
    وبصفة عامة فقسم مدنى ممكن نقول عليه بسيط وتقدر تجيب تقدير كويس فيه بمذاكرة بسيطة ده على حسب اللى شفته فى السنة الاولى لكن بعد كده الله اعلم
    خد بالك احنا بنعتبر مدنى عندنا هو افضل قسم من ناحية هيئة التدريس والدكاترة المحترمة اللى بيحسدنا عليهم بقية زمايلنا زى زمايلنا فى ميكانيكا اللى بيشكوا من الدكاترة عندهم
    خد بالك انا باتكلم عن الوضع عندى فى الزقازيق
    بس ياعم



ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك