موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 21 1 2 3 11 ... الأخيرةالأخيرة
النتائج 1 إلى 15 من 303
Like Tree0Likes

الموضوع: الغسالات الاتوماتيك:: الموضوع دا لكل الاعضاء

  1. #1
    تاريخ التسجيل
    Sep 2008
    المشاركات
    135

    الغسالات الاتوماتيك:: الموضوع دا لكل الاعضاء

    اعضاء مشرفين اداريين زوار منتدى الديفيدى العربى التحية وبعد ..............


    وانا بدور فى المنتدى لقيت ان محدش مهتم بالغسالات الاتوماتيك

    انا عندى دواير لجميع انواع الغسالات وكل حاجة موجودة فى دماغى لاى غسالة

    ياريت اى حد يحب يستفسر عن اى حاجة فى صيانة اي انواع او في اى حاجة

    الموضوع اهو وانا تحت امركم



    ولكم خالص تحياتى
    التعديل الأخير تم بواسطة mohamed shouman; 01-11-2008، الساعة 06:34 AM

  2. #2
    الصورة الرمزية mohamed shouman
    تاريخ التسجيل
    Jan 2005
    المشاركات
    1,741
    شكرا لك اخي الفاضل علي الموضوع و علي تطوعك

    و افضل لو انك توضح بالظبط هل ممكن ان تكون الاستفسارات في الصيانة ولا بس في تصميم الدوائر الالكترونية الخاصة

    و يفص لو تضع نبذة عن الموضوع باستفاضة اكبر

    و شكرا لك



    Eat Well

    Stay Fit

    But you'll

    Die Anyway

    دخول متقطع
    الراوتر اللي حيلتي باظ يا رجاله

  3. #3
    تاريخ التسجيل
    Sep 2008
    المشاركات
    135
    كل ما يخص الغسالة انا متطوع بالاجابة على اى سؤال اذا كان فى الصيانة او دوائرها

  4. #4
    الصورة الرمزية beutymind
    تاريخ التسجيل
    Dec 2005
    المشاركات
    578
    بسم الله الرحمن الرحيم
    انا عندى مشكلة غريبة جدا اجدا الغسالة عندناا مش بتشتغل الا الفجر وعامل الصيانة قال انه ضعف فى الكهرباء هل ده صحيح ولا فى حاجة تانية
    وان كان فى حاجة ف ما هو الحل

  5. #5
    تاريخ التسجيل
    Sep 2008
    المشاركات
    135
    اخيرا حد عبرنى ما علينا

    بص يا اخى
    ممكن يكون زى ماحد قالك انة من الكهربا بس دا مش على طول دا بيحصل لو انت ساكن فى منطقة عشوائية عشان بتبقى المناطق العشوائية غالبا شغالة بمولداتوطبعا طول النهار بيبقى فى ضغط على المولدات وفى الفجر بيبقى المولد مش علية ضغط وبالتالى الغسالة بتشتغل حلو باليل بس الاحتمال دا مش دايما دا بيبقى ضعيف اوى

    الاحتمال بقى اللى انا متاكد منة واللى بيحصل فى المواقف دى على طول هو المية لو حضرتك ساكن فى دور عالى شوية بالتالى المية طول النهار عليها ضغط من السكان ومش بتطلع لك وباليل طبعا اغلبية السكان بيكونوا نايمين فا ضغط المية بيكون شديد عندك.

    دلوقتى بقى احنا عاوزين نعرف الحل لانة ممكن يكون العيب فى الغسالة مش فى الكهربا او فى المية .

    اولا الجهاز المسئول عن سحب المية للغسالة ودا بيبقى راكب علية فلتر صغير اوى وهوريلك كل حاجة بالصور دلوقتى الفلتر دا مع الوقت ومع رواسب المية بيتسد من الرواسب فا بيحتاج ضغط مية جامد اوى عشان يدخل المية للغسالة
    الجهاز دا اسمة سلونيد ودى صورة لية




    طبعا دى صورة لية وهو برة الغسالة تمام اوريلك بقى ازاى تنضف الفلتر عشان نشوف اذا كان فية رواسب ولا لاء

    دى صورة هتفهمك مكان السلونيد فين فى الغسالة





    طبعا السلونيد كلة مش بيبقى باين كدا لانى انا كدا مخرجة برة الغسالة الجزء اللى هيبقى باين برة الغسالة اللى هو مربوط فية خرطوم السحب دا::: تمام:: انت اللى هتعملة انك هتفك خرطوم السحب من ضهر الغسالة اللى مربوط فى السلونيد

    والصورة دى هتوضح ازاى تخرج الفلتر من جوة السلونيد




    بعد اما تشد الفلتر من السلونيد هيبقى قدامك بالمنظر دا




    هتبدا انك تغسلة تحت المية وتنضفة كويس اوى من الرواسب وترجع تركب كل حاجة زى ما كانت

    ملحوظة:: اتاكد انك قفلت حنفية الغسالة قبل متفك خرطوم سحب المية

    ارجو انى اكون وافيت بالشرح ولو فى اى استفسار تانى انا موجود لاى استفسار

    رمضان كريم يا رجالة

  6. #6
    تاريخ التسجيل
    May 2007
    المشاركات
    85
    لوسمحت انا الغسالة عندي بقالها فترة لما تكون شغالة تعمل صوت زنة بتاعة الموتور والحلة ما بترضاش تلف ولما اشيل منها شوية هدوم تلف عادي مع العلم انها في الاول كانت بتشيل نفس الكمية و بتشتغل عادي

  7. #7
    تاريخ التسجيل
    Sep 2008
    المشاركات
    135
    اخى الفاضل الكلام اللى انت بتقولة دا معناة انك ان الغسالة بقالها فترة بتعمل كدا والزنة دى معناها ان الموتور قرب يتحرق او بيتحرق ولو استمريت فى تشغيلها من غير اما تعمل اللى فولت لك علية الموتور هيتحرق منك

    هشرح لك ببساطة اية اللى بيحصل ولية والحل اية ::

    اول نظام شغل موتور الغسالة ::: اى موتور فى الدنيا بيبقى علية مقوم او احنا بنسمية مقوى اللى هو الكابستر ::: الكابستر دا شغلة فى الموتور بتاع الغسالة انة بيديلة الدفعة الاولى عشان يكمل هو شغلة لان موتور الغسالة مش بيقدر يقوم بحمل الغسيل كلة لوحدة فا الكابستر دا بيديلة الدفعة الاولى وبعدين الموتور يكمل فى بعض مواتير اخرى مث زى مواتير المراوح الكابستر بيفضل شغال طول ما الموتور شغال مش بيقوم وبيخرج من الدايرة خلينا فى الغسالة عشان منتوهش

    انت عندك كدا الكابستر هو اللى بايظ لانة كدا مش بيقوم الموتور بتاع السغالة بالحمل التقيل يعنى مش بيدى الدفعة الاولى عشان الموتور يكمل وبالتالى الموتور بيسخن وعلى كلامك انت انة بدا يزن يعنى بدا يتحرق
    لانة مش قادر يقوم بالحمل::



    الحل:: تغيير الكابستر..


    طريقة تغييرة :::

    اولا هوريلك صورة للكابستر عشان تبقى عارف شكلة

    ودى صورتة ::




    تغييرة سهل جدا انت هتفتح التوب بتاع الغسالة من فوق هتلاقية قدامك بنص الصورة اللى انا مصورها كدا هتفكة وتقرى القيمة اللى علية اللى انا مصورة دى قيمتة 20 ميكرو فاراد زى ماهو متوضح فى الصورة تمام

    هتشترى نفس قيمتة وتركبة زى ما فيكت التانى
    ومتخافش مش هحتاج انى اشرح لك ازاى تفكة وتركبة لانة بصامولة واحدة وطرفين سلك مش اكتر يعنى زى ما هتفكة زى ما هتركبة


    ارجو انى اكون افادتك


    رجااااااااااااااء من كل اللى هيكتب سؤال او استفسار يكتب نوع الغسالة


    شكرا ليكم كلكم احلى منتدى الديفيدى

    كل سنة وانتم طيبين

  8. #8
    تاريخ التسجيل
    May 2007
    المشاركات
    85

    الف شكر

    جزاك الله كل خير على الشرح ده وتسلم ياغالي وعلى فكرة نوع الغسالة اريستون

  9. #9
    الصورة الرمزية mohamed shouman
    تاريخ التسجيل
    Jan 2005
    المشاركات
    1,741
    شكرا لك اخي الفاضل علي مجهودك في المنتدي

    وتم التثبيت لفترة

  10. #10
    تاريخ التسجيل
    May 2007
    المشاركات
    85

    thanxxxxxxxxxxxxxxxxxx

    موضوع مميز جدا ونادر

  11. #11
    الصورة الرمزية tarekgnaid
    تاريخ التسجيل
    Nov 2004
    المشاركات
    1,451
    موضوع جميل جدا و مفيد احب بس اضيف معلومة صغيرة بالنسبة لموضوع الكابيستر و انه ممكن لو كان سليم يكون مشحون كهرباء و الكهرباء اللى حيكون مشحون بيها مش هينة فمن الافضل تفريغ الشحنة عن طريق ملامسته باى حاجة حديد ممسوكة بعازل (توصيله باى طرف ارضى من الاخر)

  12. #12
    تاريخ التسجيل
    Sep 2008
    المشاركات
    135

    شكرا لمرورك

    شكرا لمرورك اخى الفاضل وشكرا على المعلومة


    بس للاسف معلومة خاطئة

    واحب اصلحهالك

    هشرحهالك ببساطة عشان تبقى فاهمها

    شغل الكابستر: بالبلدى كدا بياخد 220 فولت وبيطلعهم 450 فولت للموتور عشان يديلة القوة فى اول التشغل وبعد كدا يخرج من الدايرة """ طبعا ال 450 فولت دول بيختلفوا من كابستر لكابستر

    تمام لحد كدا
    بص معايا بقى
    دلوقتى انت بتقول ممكن يكون الكابستر يكون جواة شحنة ولازم تتفرغ ودا كلام خاطيء بالمرة
    لية كلام خاطيء؟؟ حقولك

    الكابستر طول ماهو راكب فى دايرة الغسالة بياخد 220 فولت زى ما قولنا وبيطلعهم 450 فولت دخول التيار وخروجة بيستغرق ثانية واحدة
    يعنى لو اطفت الغسالة الكابستر بيكون فاضى مش محتاج للتفريع
    تانى حاجة احب اضيفهالك "" انت بتقول انة ممكن يكون فية شحنة متخذنة ودا بيحصل ف حالة واحدة فقط مفيش غيرها خالص انة الكابستر يتشحن خارج الغسالة وبالتالى مش هيفرغ الشحنة ""

    تالت حاجة احب اضيفهالك لو الكابستر زادت الشحنة جواة بينفجر وبيخرج المادة اللى جواة

    شكرا لحسن استماعك

    وياريت لو فى اى مشكلة تانى تقولى

  13. #13
    الصورة الرمزية mazo.hero
    تاريخ التسجيل
    Aug 2006
    المشاركات
    1,236
    بصراحة انا دخلت الموضوع ده لحصريته ولحرص عضو متميز زي حضرتك علي خدمة باقي الاعضاء وربنا يجزيك خيرا علي هذا العمل العظيم
    إنكم عشتم طويلاً وعصيتم الله كثيراً فأين ذهبت لذة المعصية؟ لقد ذهبت اللذة وبقيت الصحائف سوداء ستسألون عنها يوم القيامة وسيأتي يوم يهلك فيه كل شيء إلا الله سبحانه وتعالى هل نظرتم إلى أعمالكم إلى أين ستؤدي بكم إنكم لا تتحملون نار الدنيا وهي جزء من سبعين جزءاً من نار جهنم بادروا بالتوبة قبل فوات الأوان

    حول ملفاتك doc الى pdf مدعم بالصور
    كتاب قوي لتعلم الازمنة

  14. #14
    الصورة الرمزية tarekgnaid
    تاريخ التسجيل
    Nov 2004
    المشاركات
    1,451
    اقتباس المشاركة الأصلية كتبت بواسطة zero_soft مشاهدة المشاركة
    شكرا لمرورك اخى الفاضل وشكرا على المعلومة


    شكرا لحسن استماعك

    وياريت لو فى اى مشكلة تانى تقولى
    كلام حضرتك جميل و مضبوط و كل حاجة بس حصل انه الغسالة القديمة بتاعتنا مرة جبتلها واحد علشان يصلحها المهم هى ما كانتشى شغالة و الحلة كانت بتلف بصعوبة جدا او ما دخل و هو بيشتغل فيها ايده لمست على الكابسيتر لقيته قام فرغ الشحنة فيه و شفت الشرارة بعينى (كانت الغشالة بتهزز جامد و كان فيه سلكه اتشالت منه )اظن ده كان السبب



    و عموما الوقاية خير من العلاج و طالما انى ممكن اشتغل فى حاجة ممكن تكون مشحونة بالكهرباء(لاى سبب من الاسباب) فمن الافضل انى اتاكد انها مش مشحونة (لبس الخوذة لازم فى اى موقع حتى و لو لم يكن هناك اى عرضه لسقوط شى على الراس -اساسيات امن صناعى)

    ده حتى الكمبيوتر المفروض قبل ما الواحد يفتحه لو حيعمل فيه حاجة من جوه يفرغ الكهرباء الاستاتيكية من جوه الجسم عن طريق ملامسة اى حاجة معدن علشان لو الكهرباء الاستاتيكية اللى فى جسم الانسان اتفرغت فى البروسيسر ممكن تبوضه

    بس حقيقى موضوع جميل و فيه معلومات كتير اول مرة اسمع عنها
    التعديل الأخير تم بواسطة tarekgnaid; 06-12-2008، الساعة 07:21 AM

  15. #15
    تاريخ التسجيل
    Sep 2008
    المشاركات
    135
    مشكووووووووووووور لمروركم كلكم اخوانى

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك