موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 6 1 2 3 ... الأخيرةالأخيرة
النتائج 1 إلى 15 من 85
Like Tree0Likes

الموضوع: نصائح مهمة لمربى عصافير الزينة

  1. #1
    تاريخ التسجيل
    Jul 2005
    المشاركات
    1,589

    نصائح مهمة لمربى عصافير الزينة

    نصائح اولية لضمان سلامة الطائر وانه يفضل فى القفص وميسبكش ويطير.


    طبعا تنضيف القفص كل يوم بانك تشيل الدرج وتنضفه بالميه والصابون (مش شرط كامى او لوكس )الصابون السايل شغال او اريل او برسيل بس اهم حاجة تنضف كويس.

    المسقه تتنضف كويس بالميه السخنه وتنضف مجرة الميه كويس .

    ابعد عن المسق الفخار لان عصفورك مش هيخف من الاسهال .

    طبعا كلنا عارفين ان العصفور بيشوف وبيحس وكل حاجة ياعنى عاملوه على انه كائن حى مش بيصوصو وخلاص .

    فى عصافير زى الفيشر اول مابتجيبه مبيفكرش غير فى حاجة واحده ازاى يهرب من القفص علشان كده فى اختراع اسمه السوسته اللى بتركب فى الباب ياريت نركبها على كل باب فى القفص .

    لازم تخوف العصفور من الباب من انه يقرب منه نعمل ايه لما تيجى تقفل الباب ارزعه جامد متقفلوش براحه والحركة دى تكررها على اد ما تقدر كده العصفور هيخاف من الباب واستحاله يقربله.

    فى حاله شعور الطائر بالارهاق او انه كسلان ولا قادر يتحرك (خلصان من الاخر) ومعندكش فيتامين تعمل ايه هتحط ربع قرص كيبوريكس 500 فى المسقه لمده 3 ايام .

    شوف عصفورك بيحب ياكل ايه وخليها وسيله تقربله بيها .

    لو عاوز تسمى عصفورك اسم كرره قدامه كل ماتكون معاه.

    طيب لو عاوز عصفورك ياكل من ايدك هتعمل ايه هتحط شويه اكل فى ايدك وتدخل ايدك القفص

    وتسيب ايدك شويه متحركهاش خالص وهو هيكون خايف من ايدك فى الاول وبعدين واحده واحده هيقرب من ايدك وهياكل من ايدك وواحده واحده وانتا بدخل ايدك القفص هتكرر كلمه (كل) علشان يتعود عليها.


    طبعا متنساش فى الصيف الدش اليومى للعصافير وتغير الميه اللى فى المسق على الاقل 3 مرات فى اليوم وتقدمله خس يكون مغسول كويس ومن غير متنشفه اه مش تبقى اعد جوه فى التكييف والعصفور بيتسلق بره .

    وفى الحر النمل هيعيش حياته مع العصافير طيب نعمل ايه هتشيل العصافير من المكان اللى هما فيه وهتجيب مبيد اسمه ملاثيون

    ده بقى جبار ملهوش حل هتحط شويه فى الميه وهترش بيه المكان اللى العصافير بيكونوا فيه كويس وتمسح الارض برضه بيه وتسيب المكان يتهوه شويه وترجع العصافير وابقى قابلنى لو شوفت نمله قبل الصيف اللى بعده







    وانا تحت امركم فى اى حاجة
    التعديل الأخير تم بواسطة H A R D; 09-07-2009، الساعة 02:38 PM

    نصائح مهمة لمربى عصافير الزينة


    سلسلة مستلزمات طيور الزينة




    العقل يصدق ما تراه العين
    وتسمعه الاذن اما القلب فلا يرا ولايسمع.... فقط احساس

  2. #2
    الصورة الرمزية *emy89*
      *emy89* غير متصل عصــفــ؛ـ الديفيدى ـ؛ـورة
    تاريخ التسجيل
    Jan 2008
    المشاركات
    1,717
    بجد موضوع جميل اوى
    تسلم ايدك
    وفى انتظار جديدك

  3. #3
    تاريخ التسجيل
    Jul 2005
    المشاركات
    1,589
    special thanks to *emy89*

  4. #4
    تاريخ التسجيل
    Dec 2007
    المشاركات
    1,442
    موضوع بجد رائع وطريقه المحادثه تحفه

  5. #5
    الصورة الرمزية H A R D
    تاريخ التسجيل
    Dec 2006
    المشاركات
    5,254
    موضوع رائع يا احمد وسردك ليه جميل جدا ومجهود شخصى جميل

    عاوزين ديما نشوف منك مواضيع كتير بالشكل ده








    "مشرف منتدى اسماك وطيور الزينة"


  6. #6
    الصورة الرمزية safaaa
    تاريخ التسجيل
    Feb 2007
    المشاركات
    874
    نصايح جميلة جدا واسلوبك رائع في السرد

    تسلم ايدك وعايزين مواضيع اكتر ماشاء الله عليك خبير عصافير



  7. #7
    الصورة الرمزية MeMO ALY
    تاريخ التسجيل
    Mar 2009
    المشاركات
    214
    جميل ياحماده شكرا جدا

  8. #8
    تاريخ التسجيل
    Jul 2005
    المشاركات
    1,589
    اقتباس المشاركة الأصلية كتبت بواسطة body_1991_2006 مشاهدة المشاركة
    موضوع بجد رائع وطريقه المحادثه تحفه
    اقتباس المشاركة الأصلية كتبت بواسطة h a r d مشاهدة المشاركة
    موضوع رائع يا احمد وسردك ليه جميل جدا ومجهود شخصى جميل

    عاوزين ديما نشوف منك مواضيع كتير بالشكل ده
    اقتباس المشاركة الأصلية كتبت بواسطة safaaa مشاهدة المشاركة
    نصايح جميلة جدا واسلوبك رائع في السرد

    تسلم ايدك وعايزين مواضيع اكتر ماشاء الله عليك خبير عصافير
    اقتباس المشاركة الأصلية كتبت بواسطة memo aly مشاهدة المشاركة
    جميل ياحماده شكرا جدا
    شكرا لكل الناس اللى ردت والله انتوا ماتعرفو ردودكم دى بالنسبه لى ايه انا اللى عاوز اشكركم بجد

  9. #9
    تاريخ التسجيل
    Nov 2005
    المشاركات
    2,476
    تمام ياحماده مجهود جميل

  10. #10
    الصورة الرمزية gold light
    تاريخ التسجيل
    Mar 2009
    المشاركات
    54
    اسلوبك دمه خفيف اوى فى العرض
    الموضوع جميل بجد

    I'm everything I am
    Because you loved me

  11. #11
    الصورة الرمزية santous 7
    تاريخ التسجيل
    Nov 2008
    المشاركات
    181
    شكرا يا مان على الموضوع الجميل ده
    وانا كنت قربت ادبح العصافير بتاعتى
    بس بعد كلامك ده هفكر احميهم واكلهم وانيمهم فى سرايرهم
    التعديل الأخير تم بواسطة santous 7; 29-04-2009، الساعة 06:53 PM
    No Body Can Hit More Than Life

  12. #12
    تاريخ التسجيل
    Apr 2009
    المشاركات
    1
    انا عضوة جديدة وهاوية جديدةوعندى مشكلة لقيت دود فى مسقة المية ياترى ايه العلاج وايه سبب وجود الدود فى مية الشرب ياريت تفيدونى بسرعة

  13. #13
    تاريخ التسجيل
    Jul 2005
    المشاركات
    1,589
    اقتباس المشاركة الأصلية كتبت بواسطة امن وامان مشاهدة المشاركة
    انا عضوة جديدة وهاوية جديدةوعندى مشكلة لقيت دود فى مسقة المية ياترى ايه العلاج وايه سبب وجود الدود فى مية الشرب ياريت تفيدونى بسرعة
    ياريت تنضفى مسقه الميه كويس كل يوم بالمياه الساخنه وتنضفى المجره كويس برضه وبالتوفيق

  14. #14
    الصورة الرمزية totaa_bas
    تاريخ التسجيل
    Sep 2006
    المشاركات
    5,234
    شكرا عالموضوع الجامد وانا استفدت منة كتير بس ايه موضوع الدش اليومى فى الصيف دة وازاى وازاى اعود عصافيرى عليا اكتر من مرة دخلت ايدى عشان ياكلوا منها وبرضه مش بياكلوا منها حاولت اكتر من مرة امسكهم بايدى دة غلط ؟ ولا مع الوقت هيتعودوا عليها وكمان سؤال انا زمان كان عندى عصفورة لوحدها وكنت سايباها فى الشقه من غير قفص ومكنتش بتطلع برا الشقه هل ينفع اعود عصافيرى على كدة برضه وازاى؟؟

  15. #15
    تاريخ التسجيل
    Jul 2005
    المشاركات
    1,589
    اقتباس المشاركة الأصلية كتبت بواسطة totaa_bas مشاهدة المشاركة
    شكرا عالموضوع الجامد وانا استفدت منة كتير بس ايه موضوع الدش اليومى فى الصيف دة وازاى وازاى اعود عصافيرى عليا اكتر من مرة دخلت ايدى عشان ياكلوا منها وبرضه مش بياكلوا منها حاولت اكتر من مرة امسكهم بايدى دة غلط ؟ ولا مع الوقت هيتعودوا عليها وكمان سؤال انا زمان كان عندى عصفورة لوحدها وكنت سايباها فى الشقه من غير قفص ومكنتش بتطلع برا الشقه هل ينفع اعود عصافيرى على كدة برضه وازاى؟؟
    الدش هو مش دش بالمعنى اللى عارفينه لا هو وسيله لتخفيف حرارة الجو فى الصيف ممكن ببخاخة الميه وممكن عن طريق الخس.
    شوفى ايه اكتر حاجة العصافير بتحبها وامسكيها فى ايدك ودخلى ايدك القفص وكرارى الموضوع ده لحد مايكلو من ايدك هتحتاجى الصبر شويه
    متمسكيش العصافير بايدك لحد ماياخدو عليكى وبالنسبة لموضوع تسيبى العصافير فى الشقة هتحتاجى انك تقصى الجناحات ويكونوا مدربين وبالتوفيق

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك