موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 39
Like Tree0Likes

الموضوع: عايز تعمل حوض سمك + التكلفه تعالي خش

  1. #1
    الصورة الرمزية lost-angel
    تاريخ التسجيل
    Apr 2009
    المشاركات
    2,053

    عايز تعمل حوض سمك + التكلفه تعالي خش

    صباح الخير

    حبيت اعمل موضوع مفصل عن ايه المطلوب لعمل حوض سمك جميل + سعر او التكلفه يعني

    ======================
    نبتدي بقي

    الأدوات و الأجهزه المطلوبه :

    1. طبعا حوض و في نوعين من الأحواض

    في الأحواض الصيني
    و دي مميزاتها انها شكلها رائع و مادتها حلوه مش قابله للكسر بشكل كبير زي الزجاج الانه من الألياف و كمان اجهزتها معاها يعني الفلتر و الأضائه

    عيوبها : غاليه و سهله الخدش

    صوره ليها

    اسعارها بالتقريب :

    ال 100 سم = 900 جنيه تقريبا

    حوض

    ==============================


    ===============================
    صوره اخري للحوض مع الاستاند الخاص به



    ================================
    طبعا شكل الأحواض فوق رائع

    ================================

    و النوع التاني الأحواض الزجاج ( العموله المصري )

    و دي مميزاتها : رخيصه بالنسبه الاحواض الصيني و كمان الزجاج صعب الخدش

    عيوبها : الكسر و اللزق السليكون ممكن يسرب

    بس لو معمول عند واحد بتاع ازاز كويس هيعملهولك حلو

    بالنسبه للسعر :

    الحوض ال 60 سم اقصي حد ليه 60 جنيه

    الحوض ال 80 سم اقصي حد ليه 80 جنيه

    و الحوض ال 100 سم اقصي حد ليه 90 جنيه

    و طبعا الأسعار دي بتختلف من مكان لمكان و كمان في مقاسات اكبر بس دي المقاسات الأكثر شعبيه

    =============

    2. فلتر لتنقيه المياه

    و بيختلف كل فلتر في القوه

    يعني لو عندك حوض 60 سم فلتر 8 وات او اققل مناسب جدا

    لو حوض 80 سم فلتر 11 او 8 وات مناسب

    لو حوض 100 او 120 سم فلتر 18 وات حلو جدا

    ملحوظه : ياريت اللي يجيب فلتر ميجيبوش اقوي من حجم الحوض يعني مثلا محدش يبقي عنده حوض 60 سم يجيب فلتر 18 وات هيموتله السمك الأنه بيبقي قوي جدا علي السمك


    صور من الفلتر :

    فلتر بايو 8 وات غرفه واحده سعره 25 جنيه بالكتير
    ================

    ===================
    فلتر بايو 8 وات 3 غرف سعره 35 جنيه



    ===================
    فلتر بايو 13 وات مميز جدا غرفه واحده 40 جنيه



    جميع الأسعار اعلاها تقربيه و بتختلف من مكان لمكان
    ==========================

    طبعا في ناس هتسئل مش معنا بايو

    في وجه نظري الأقوي و الأفضل في الاداء فلاتر بايو


    ===========================
    3. مضخه اكسجين

    في ناس كتير فاكره ان مضخه الأكسجين بتضخ الأكسجين في الميه بس ده غلط اللي بيحصل ان لما بنوصل المضخه بالسكريه بتعمل فقاقيع و دي بتعمل علي ازابه الهواء اللي موجود في الحوض في الميه و كمان بتعمل السكريه علي تقليب ميه الحوض

    طبعا انا بفضل المضخات الصامته صحيح غاليه عن التانيه بس مش هتلاقي ازعاج منها زي المضخات العاديه

    بالنسبه الانواع انا بفضل الأنواع شركه بايو برضه

    و دي صور من المضخات الصامته
    ======================
    دي مضخه اسمها

    Bat man silent air pump

    نوع المضخه
    S-2000A و المضخه دي بروحين

    السعر 50 جنيه



    ========================

    4. سخان

    طبعا السخان مهم جدا في الشتاء خصوصا الأنه بيظبط درجه حراره الحوض و طبعا افضل سخان اللي بترموستات الأنه بيفصل و بيعدل الحراره لوحده

    النوع المفضل ليا سخان هيتو

    صوره من السخان
    ======================
    نوع السخان
    HE-200/250
    قوته 250 وات
    سعره 50 جنيه



    ======================

    5. غطاء حوض مهم جدا لحاجتين و هما

    تركيب الأضائه في الحوض
    و كمان في انواع من الأسماك زي الكوي مثلا بتنط بره الحوض فالغطاء مهم

    و بيتجاب من اي محل سمك و تقوله حوضك حجمه كام و سعره لا يتجاوز ال 40 جنيه

    صوره

    غير متوافره حاليا لكن هتشوفه لما اوريكم صور الحوض الخاص بيا

    =======================
    6. خلفيه للحوض

    دي من الكماليات لكن بتدي شكل مميز للحوض و خصوصا لو كانت زرقاء او سوداء و في منها خلفيات اشكال حلوه و سعرها المتر ب 10 جنيه

    الصور غير متوافره حاليا
    =======================
    7. لمد الأضائه

    في كذا حاجه الأضائه الحوض

    1. في اللمد الموفره للطاقه و دي افضل الأضائات بالنسبه ليا
    2. في اضائات النيون و دي المنتشره و حلوه للسمك
    3. في لمد خاصه بالأحواض بتتحط جوه الحوض و بتبقي 3 الوان

    و طبعا حساب تكاليف اللمد دي
    1. لمد الموفره للطاقه
    سعر اللمده في حدود 10 اللي 12 جنيه
    و دي يادوبك بتحتاج قاعده و تتركب في الغطاء

    2. لمد النيون و دي اللمده ب 5 جنيه ال 60 سم
    بس محتاجه ستارتر و محول يعني ممكن تكلفتها كلها 25 جنيه بالكتير قوي

    3. لمد ال3 الوان دي و دي مش محتاجه خالص يادوبك تتحط في الحوض و دي سعرها 25 جنيه

    ملحوظه :
    في اضائات مخصوصه الأحواض و دي طبعا اجمل و افيد لكن هتبقي غاليه لكن هتكلم عللي اللي مستعمل في معظم الأحواض

    =========================
    8. اساسيات جانبيه للحوض

    1. مزيل للكلور في المياه و ده الكيس ب 1 جنيه
    2. شبكه لمسك السمك او ازاله الفضلات و الرواسب ب 3 جنيه
    3. ترمومتر لقياس حراره المياه في انواع كتير فيه الكتروني و فيه زيبق و في اللي عامل زي الزمبلك عموما اسعارهم مش هتزيد عن 5 جنيه
    =========================
    9. ادويه اساسيه زي
    1. الأنتي وايت سبوت و دي عامله زي القطره ب 1 جنيه
    2. السوبر ساليكس لعلاج الفطريات و تأكل الزعانف ب 1 جنيه
    3. مقوي عام و مطهر ب 1 جنيه
    ==========================
    10. اكل السمك

    في انواع كتير الأكل السمك

    في القشور و دي العلبه ب 5 جنيه و القشور من الأكل المفضل للسمك
    و في العلف الكيلو ب 5 جنيه و ده اكل مش بطال برضه
    في الدود الحي بس حاليا انا معرفش سعره الأنه مش موجود في المحلات عندي
    في الدود المجفف الكيس ب 10 جنيه و ده عباره عن مكعبات كده

    ==========================

    نسيت اهم حاجه

    الجرش

    في انواع كتير من الجرش بس الأفضل

    الجرش المكرونه و ده سعر الكيس او الكيلو ب 1 جنيه
    و في نوع جديد جميل جدا الجرش الصخري الملون بس غالي الكيلو ب 7 جنيه

    طبعا الجرش اساسي الأي حوض الأنه بيعمل انه بياخد فضالات الأسماك جواه و كمان بيعمل زي بيئه طبيعيه للسمك

    =========================

    بكده يا جماعه قفلنا حوض ممتاز بسعر مميز جدا

    لكن لو عايز تعمل حوض كمبتدء انصحك تبتدي بحوض 60 او 80 سم بلاش اصغر من كده علشان الاحواض الصغيره بتتوسخ بسرعه وكمان مش هتعرف تفرخ السمك بسهوله زي الأحواض الكبيره

    من خلال الموضح من الأسعار اعلاها نقول ان علشان تعمل حوض عايزه في حدود 250 جنيه

    الموضوع يا جماعه بالصور غير منقول بتاتا و اللي عايز ينقل ينقل بس برجاء ذكر المصدر

    =======================
    ملحوظه : الأسعار فوق يا جماعه بتختلف من محل لمحل و من محافظه الأخري فممكن تلاقي اسعار غير اللي فوق خالص

    و لو فيه اي حاجه ناقصه في الموضع اكيد هتكملوهولي

    شكرا

    lost-angel
    اعتذر عن عدم الرد علي الرسائل الخاصه بشكل متواصل للدخول المتقطع

    back again
    +
    ++++
    +


  2. #2
    تاريخ التسجيل
    May 2007
    المشاركات
    284
    موضوع ممتاز هيفيد الكتير من الهواة
    تسلم ايدك

  3. #3
    الصورة الرمزية funky_angel
    تاريخ التسجيل
    Jul 2006
    المشاركات
    295
    ايه الحلاوه ديه
    ربنا يباركلك يا فادي ويكتر من مواضيعك :)
    ooO(Angel Fish Fan)Ooo
    Unavailable for unknown date
    Wish u have a nice time

    - Muhammad.Abouebaid



  4. #4
    الصورة الرمزية bobbozo4b
    تاريخ التسجيل
    Dec 2007
    المشاركات
    930
    موضوع رائع وجميل جدا جدا
    بس ملحوظة الفلتر عدت عليا حصل خير
    البركة فيك وفى جميع الاخوة الاعضاء
    تركت مكانى لدما جديدا اجتهدوا و الله ولى التوفيق
    (قسم اجهزه الكيوماكس)
    اللهم لك الحمد كما ينبغي لجلال وجهك وعظيم سلطانك
    لا إله إلا الله وحده لا شريك له، له الملك وله الحمد وهو على كل شيء قدير

  5. #5
    الصورة الرمزية Ossama Moaaz
    تاريخ التسجيل
    May 2005
    المشاركات
    294
    مشكور على الموضوع الجميل بس اعتقد انك نسيت تكتب اسعار وانوع السمك الى اهم من الحوض :)

  6. #6
    الصورة الرمزية lost-angel
    تاريخ التسجيل
    Apr 2009
    المشاركات
    2,053
    اقتباس المشاركة الأصلية كتبت بواسطة Ossama Moaaz مشاهدة المشاركة
    مشكور على الموضوع الجميل بس اعتقد انك نسيت تكتب اسعار وانوع السمك الى اهم من الحوض :)

    اولا اشكر كل الأعضاء الكرام علي المرور المميز

    بالنسبه الأسعار و انواع الأسماك كان فيه موضوع مميز جدا الأستاذ احمد ابو المجد فيه اسعار السمك كله بس اعتقد ان الأسعار مش ثابته و بتختلف من مكان لمكان

    موضوع الأستاذ احمد

    https://dvd4arab.maktoob.com/f610/627137.html

  7. #7
    تاريخ التسجيل
    Feb 2009
    المشاركات
    214
    موضوع مفيد جدا
    شكرا علي مجهودك

  8. #8
    الصورة الرمزية W.Dedo
    تاريخ التسجيل
    Mar 2009
    المشاركات
    9,323
    موضوع رائع يـــ فادي ...

    اهنيك عليه ...

    واكيد هيفيد اعضاء كتير ...

    واكيد اتمني منك المزيد .



    اتمني للجميع التوفيق والسعاده والحظ السعيد بإذن الله.


    بكل تأكيد مهما كتبت ووصفت كلماتي لاتشمل اعجابي .. فأحيانأ الوصف يعلوا علي الكلمات ...

    فـــ عجزي عن الوصف ناتج عن اخلاقك العاليه واعلي من الحدود الطبيعيه .. وتواضعك الملائكي ...

    ومهما تحدثت لا اقدر علي وصف خبراتك ولباقتك ونشاطك الغير محدود ...

    انتهت كلماتي .. ولا ينتهي ابدأ انبهاري واعجابي الشديد بقدراتك الرائعه ...

    حقأ كما اقول دائمأ ...

    بسم الله ما شاء الله .

    Ms.RORY

    روعه في كل شئ .



    دائمأ سوف تظلي مديرة الهوايات ...

    ولن ننساكي ابدأ ...

    سوف تظلي متواجده دائمأ في الهوايات .. لأن الهوايات جزء من MS.RORY

    لن ننساكي ابدأ ...

    ودائمأ سوف اتمني وادعي لكي ان تكوني بخير بإذن الله وتكوني فـــ افضل حال بإذن الله .





    { منتدى الأسماك وطيور الزينة }


  9. #9
    الصورة الرمزية lost-angel
    تاريخ التسجيل
    Apr 2009
    المشاركات
    2,053
    الف شكر ليك يا mohamed rateb و يا وليد



  10. #10
    الصورة الرمزية os_fox83
    تاريخ التسجيل
    Aug 2006
    المشاركات
    80
    موضوع رائع بجد يا فادى
    ويارب يكون يفيد كل الناس
    شكرا على مجهودك الجميل

  11. #11
    الصورة الرمزية lost-angel
    تاريخ التسجيل
    Apr 2009
    المشاركات
    2,053
    اقتباس المشاركة الأصلية كتبت بواسطة os_fox83 مشاهدة المشاركة
    موضوع رائع بجد يا فادى
    ويارب يكون يفيد كل الناس
    شكرا على مجهودك الجميل
    شكرا علي مرورك الجميل يا اسامه

  12. #12
    الصورة الرمزية طيف الزمن
    تاريخ التسجيل
    Jul 2007
    المشاركات
    1,694
    طيب يا غالي انا سمعت عن حوض عامل زي علبة البونبون .. كروي كدا و مفتوح من فوق

    دا بيكون احجامه بكام و التعامل معاه بيكون ازاي وياريت الاسعار لو تقدر

    وشكرا ليك جدا على المجهود



    اقتباس المشاركة الأصلية كتبت بواسطة hippo
    في الحقيقة قابلت هنا في هذا المكان من يستحقون ان يطلق عليهم شر البشر
    و لم أقابل مثلهم في حياتي العادية ، فمنهم من يتملكه مرض التشهير بغيره من أجل تشويه صورته أمام الجميع هنا بخلق اكاذيب و منهم من صدقه لضعف شخصيته أو نفاقا له أو لانه يكره فلان بدون سبب .








  13. #13
    الصورة الرمزية lost-angel
    تاريخ التسجيل
    Apr 2009
    المشاركات
    2,053
    اقتباس المشاركة الأصلية كتبت بواسطة طيف الزمن مشاهدة المشاركة
    طيب يا غالي انا سمعت عن حوض عامل زي علبة البونبون .. كروي كدا و مفتوح من فوق

    دا بيكون احجامه بكام و التعامل معاه بيكون ازاي وياريت الاسعار لو تقدر

    وشكرا ليك جدا على المجهود

    اهلا بيك اولا

    بالنسبه للحوض ده اسمه بلوره فيه منه 3 احجام

    حجم صغير و ده يادوبك لسمكه واحده و بيفضل وضع اسماك اللي مش محتاجه موتور زي الفايتر و دي بتبقي ب 5 جنيه في الحدود دي كده
    اما الحجم الوسط ده بحوالي 10 اللي 15 جنيه
    الحجم الكبير من 20 اللي 25 و يمكن اققل

    بس البلوره عيبها انها محتاجه عنايه اكبر من الحوض العادي

  14. #14
    تاريخ التسجيل
    Dec 2009
    المشاركات
    112
    Mawdoo3 hayel, alf shokr le 7adretak ya basha

  15. #15
    الصورة الرمزية ospery1
      ospery1 غير متصل ألا بذكر الله تطمئن القلوب
    تاريخ التسجيل
    Jun 2009
    المشاركات
    2,128
    tanks so much

    لله در أبي محجن .. لم تمنعه معصيته من الجهاد في سبيل الله
    قصة توبة الصحابى ابى محجن روعة



    لا تنسوا اخواننا فى سوريا بالدعاء
    اللهم انصرهم
    اللهم امنهم فى اوطانهم
    اللهم انصرهم على عدوهم


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك