موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 31 1 2 3 11 ... الأخيرةالأخيرة
النتائج 1 إلى 15 من 451
Like Tree13Likes

الموضوع: كيفية الحصول على تاشيرة تركيا بمنتهى السهولة من مصر

  1. #1
    تاريخ التسجيل
    Jul 2007
    المشاركات
    94

    كيفية الحصول على تاشيرة تركيا بمنتهى السهولة من مصر

    اولا الاوراق المطلوبة :
    - جواز سفر صالح لمده 6 شهور من تاريخ السفر
    - صورة شخصية خلفيه بيضاء 4*6
    - ابليكشن لطلب الحصول على الفيزا و ممكن تنزل من هنا و تطبعه و تروح جاهز او ممكن تخده من القنصليه و تكتبه هناك بس الافضل تكتب فى البيت برحتك و ممكن تنزل الابليكشن من هنا
    www.tra visa.com/Turkey/turkey_visa.pdf
    - لو بتشتغل هاتلهم جواب من الشغل الى انت فيه انك بتشتغل هناك و يكون ممضى و مختوم
    - لو طالب تجبلهم جواب قيد من الكليه


    - الحالات الى ممكن يرفضو يدولك الفيزا بسببها:
    ان تكون مش مكتوب فى الباسبور مهنه .يعنى مثلا لو حد راح و مكتوب فى جواز سفره حاصل على بكالريوس تجارو او ليسانس اداب او اى شهاده مش بيرضو يدولو التاشيرة
    و بيغلسو اكتر على الشباب
    فمثلا لو فيه بنت عايزه تطلع و معندهاش مهنه . فالافضل ان يكون ابوها او اخوها مسافر معاها و هو يقدملها عشان هما بيدققو على النقطه دى اوى و ناس كتير اترفضت بسبب الموضوع ده


    الخطوات :
    روح للقنصلية او السفارة . انا روحت القنصلية عشان انا من اسكندرية و روحت الساعه 9 و فى رمضان بيفتحو من 9و نص بس اقف عشان تاخد دور عشان تخلص بدرى بدرى
    حيدخلوكو البوابه اتنين اتنبين عشان تتفتشو اول مالباب يفتح حتلاقى ظابط امن تركى و حيبان عليه اوى انه عثمانى و شعره اصفر هههههههه
    حيفتض بالجهاز الى فى ايده و البنات حيفتش الشنطه بتاعتهم و يعد كده حتعدى على الجهاز بتاع التفتيش و يدوك رقم الى هو دورك و تخش تعد جوا شوية على بنشات كده زى الى فى الكليه تستنى دورك .
    بيخدو خمسة خمسة يخشو
    حتخش و تطلع فوق للظابط القنصلى حتلاقيه مصرى بس اتم اوى تحس انه مش مصرى بس ملامحه مصريةو حدخله الباسبور و الابليكشن
    و حيسالك انت معاك باسبور قديم فقوله الحقيقة و ياريت تكون جايبه معاك افضل
    و بعد كده حيقولك انت سفرت قبل كده لز سفرت قبل كده يكون افضل لاقيته بيبص فى التاشيرات بيتاكده انى مكسرتش تاشيرة قبل كده
    و سالننى حتعد كام يوم فى تركيا فقولتله راح بصصلى تانى و قالى ادينى جواب الشغل و قعد يبص فيه و راح قايلى 340 جنيه
    انت اول متسمع سيرة الفلوس اعرف كده انك اخدت الفيزا
    و رحت دافع الفلوس و ادانى استيكر ابيض كده عليه زى كود عشان استلم بيه جواز سفرى و قالى تعلالى بعد اسبو الساعه 2 و نص عشان تستلم و ممكن فى القاهرة يبقى اسرع بس خو فى قنصليه اسكندرية قالى كده
    بس كده يا معلم و كده انت اخدت الفيزا
    لو فيه حد ليه استفسار او سؤال عن الفيزا ممكن يسالنتى او اى سؤال عن تركيا
    اتمنى تكونو اسنفدتم معايا بجد
    التعديل الأخير تم بواسطة grand_curse; 16-08-2011، الساعة 10:22 PM

  2. #2
    تاريخ التسجيل
    Dec 2010
    المشاركات
    45
    سلام عليكم شكرا على موضوعك
    انا كنت عايز أسئلك على برنامجك فى تركيا لو هو سياحة
    حددت الاماكن اللى هتزورها ؟ و ياريت لو عندك فكرة عن معالم تركيا السياحية و الأماكن الجميلة و حددت ميزانية للكلام ده ولا لا و هل الميزانية دى معقولة ولا ايه ؟كده يعنى ..ياريت لو أنت رايح بغرض السياحة فعلا تقولنا برنامجك علشان نستفيد
    طبعا انا اسف لو انت شايف ان سؤالى ده فضولى
    و شكرا

  3. #3
    تاريخ التسجيل
    Jul 2007
    المشاركات
    94
    برنامجى كان:
    انا كنت مشافر على الطيران التركى و وصلت اسطنبول الساعه 6 الصبح و روحت الفندق فطرت و بعد كده نزلت روحت ركبت الاتوبيس السياحى الاحمر ده بيوديك اوربا (اسطنبول الى فى قارة اوربا)و بيلف بيك فى الاماكن السياحية و ممكن تنزل فى اى مكان تتفسح بيه و ترجع بعد ساعه عشان تركب الاتوبيس و جوا الاتوبيس سماعات اذن بتلبسها و بيعد يشؤحلك كانه مرشد ب 8 لغات منهم العربى و اسطنبول الاوربيه دى روعة تحس انك فى اوربا فعلا
    ده كان اول يوم

    تانى يوم:
    طلعت رحلةة بحريه فى مضيق البسفور و دى رحلة جميله جدا و بتستمتع بالمناظر الطبيعية
    تالت يوم :
    رحة مدينة بورصه الخضرا و ركبت التلفريك عشان اطلع الجبل و هناك فى قمه الجيل الجو مختلف عن تحت و جميل جدا و قدمولنا وجبه غداء بس كانت بطريقة غريبة اوى ههههههههههه يدوك نص كيلو لحمة او فراخ و يدوك ولعة و زلط و انت تشوى لنفسك فى الغابة و بعد كده رحت محلات الجينز و القطنيات
    اليوم الرابع:
    رحت جزيرة الاميراتو ركبت الحنتور هناك عشان دى وسيلة المواصلات الوحيده

    اهم معالم اسطنبول:
    قصر الباب العالى و ده جميل جدا و حتنبهر فيه
    الجامع الازرق و ساحة سباق الخيل و العامود الرومانى
    و فيه امكان تانيه كمان حلوة انا ملفتش كتير عشان اعدت 4 ايام بس بس دى الحاجات الرئيسية

    بالنسبة للميزانيه اى حتصرفها هناك
    لو حتعد حوالى من 4 ل 7 ايام حتكون محتاج 1000$ لو حتلف بقه فى الاسواق و تشترى هدايا و الحبشتكنات دى
    او لو حتعد 4 ايام انا قسمتها كده
    كانت الرحلات دى كلها باكج ب 180 دولار فدول خليهم على جنب
    و الاكل متروحش الفاست الفود زى ماكدونادز و الحاجات دى عشان غاليه نار فوق متتخيل روح المطاعم بتاعتهم المطاعم التركى بتبقى معقولة و المواصلات اركب الترام و المترو عشان رخاص بس نضاف جدا المترو و الترام مكيففين هههههههههههههههه بحوالى 2 ليرة الا ربع
    و الاتوبيس الاحمر السياحى ده الى قولتلك عليه اول يوم ده تمنه 20 يورو طول اليوم ممكن تركب بتذكرة واحده بس جامد جدا يعنى
    فانا كنت طالع بالظبط كده معايا 180 دولار بتوع الرحلات +20 يورو بتوع الاتوبيس السياحى
    و كان معايا حوالى 300 ليرة يعنى حوالى 1000 جنيه مصرى عشان اكل الى 4 ايام دول اتغدى و اتعشى
    مع العلم ان فى الرحلات الى انا طلعتها دى كان فيها يومين عشاء ويوم غداء تبع السعر
    و بس يا معلم المبلغ ده حيكيفيك و تعد على الكافيهات الى هناك بقه و تشرب الشيشة العثمالى ههههههههههههه و لا تقولى شيشة مصر و لا نيله شيشتهم الاصل حتتمزج يعنى مع كوباية الشاى بيسمو الشاى شاهى
    يعنى ممكن تصرف حوالى الفين جنيه مصرى هناك لو حتعد 4 ايام
    و ممكن تشيل منهم ال 180 دولار لو مش عايز تطلع رحلات
    انت ممكن تعملها بنفسك بس الاحسن ان تكون تبع شركة سياحه هناك عشان انت اول مرة تروح مش لسه حتدور و الحاجات دى
    بس كده لو عندك اى استفسار اسئلنى :)

  4. #4
    تاريخ التسجيل
    Dec 2010
    المشاركات
    45
    شكرا والله يا باشا على المعلومات الحلوة دى
    ياريت بقا لو تقول اسم الشركة السياحية و عنوانها و التليفون و الموقع و كده بعد إذنك
    و شكرا لك جدا

  5. #5
    الصورة الرمزية grand_curse
    تاريخ التسجيل
    Jun 2008
    المشاركات
    1,148
    موضوع جيد تسلم ايديك
    وربنا يجعله فى ميزان حسناتك
    سيتم نقل الموضوع للقسم الصحيح


    الله لا اله الا انت سبحانك انى كنت من الظالمين...

  6. #6
    الصورة الرمزية 99 Moha
    تاريخ التسجيل
    Mar 2007
    المشاركات
    1,488
    طيب الواحد ميعرفش يضرب اى مهنة فى الجواز انا مكتوب ليسانس حقوق فى الجواز مفيش طريقة تبقى اى حاجة موظف استقبال او اى حاجة وتتعمل ازاى ؟؟؟

    رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
    ----
    الفقير إلى الله



  7. #7
    تاريخ التسجيل
    Jul 2007
    المشاركات
    94
    اقتباس المشاركة الأصلية كتبت بواسطة ahmed ohmos مشاهدة المشاركة
    شكرا والله يا باشا على المعلومات الحلوة دى
    ياريت بقا لو تقول اسم الشركة السياحية و عنوانها و التليفون و الموقع و كده بعد إذنك
    و شكرا لك جدا
    شركة المرجان للسياحة و ده رقم تليفونها فى تركيا 00902122337846

  8. #8
    تاريخ التسجيل
    Jul 2007
    المشاركات
    94
    اقتباس المشاركة الأصلية كتبت بواسطة ahmed ohmos مشاهدة المشاركة
    شكرا والله يا باشا على المعلومات الحلوة دى
    ياريت بقا لو تقول اسم الشركة السياحية و عنوانها و التليفون و الموقع و كده بعد إذنك
    و شكرا لك جدا
    شركة المرجان للسياحة 00902122337846

  9. #9
    تاريخ التسجيل
    Jul 2007
    المشاركات
    94
    اقتباس المشاركة الأصلية كتبت بواسطة mohamedadelead مشاهدة المشاركة
    طيب الواحد ميعرفش يضرب اى مهنة فى الجواز انا مكتوب ليسانس حقوق فى الجواز مفيش طريقة تبقى اى حاجة موظف استقبال او اى حاجة وتتعمل ازاى ؟؟؟
    مينفعش لازم يكون مكتوب مهنه فى الباسبور و تجبلهم جواب من الشركة الى انت بتشتغل فيها انك بتشتغل فعلا لحد دلوقتى
    اى جواز مكتوب فيه حاصل على بيبقى مرفوض

  10. #10
    الصورة الرمزية Tamo_
    تاريخ التسجيل
    Jun 2006
    المشاركات
    8,156
    جزاك الله خيــرا على الموضوع ..
    تسلم ايدك ونفع الله بـك ..
    اللهـم اني مغلــوب فأنتصــر
    ؛؛ أَلَيْسَ اللَّهُ بِكَافٍ عَبْدَهُ وَيُخَوِّفُونَكَ بِالَّذِينَ مِن دُونِهِ وَمَن يُضْلِلِ اللَّهُ فَمَا لَهُ مِنْ هَادٍ ؛؛
    ان طعـم المـوت في أمر صغيـر كطعـم المـوت في أمر عظيم ,
    ما من امرىء يخذل امرءا مسلما في موطن ينتقص فيه من عرضه ، وينتهك فيه من حرمته ، إلاّ خذله الله تعالى في موطن يحب فيه نصرته ،
    وما من أحد ينصر مسلما في موطن ينتقص فيه من عرضه ، وينتهك فيه من حرمته ، إلاّ نصره الله في موطن يحبّ الله فيه نصرته
    ..
    قومي "بنو عامرٍ" قـوم ٌ أُشيـر بهـم
    فالأصل ُ مجتمع ٌ , والفرع ُ منشـور ُ
    والجـدّ ُ أغلـب ُ أعْيَـى الحاسـدون لـه
    حَــوْلا ً , ولـيـس لـخـلـق الله تغـيـيـر ُ
    ونحن نـاس ٌ بـأرض ِ لا حصـونَ بهـا
    إلا الأســنــة ُ والــجُــرْد ُ الـمـغـاويـر ُ
    ونـكّـل الـنــاسَ عـنــا فـــي منـازلـهـم
    ضرب ُ الرؤوس التي فيها العصافير ُ
    ودَّ المـلـوك ُ , بـأشــراف ٍ مـجـدّعـة ٍ
    وأن أعيـنـهـم ممـسـوحـة ٌ عُــــور ُ ؛
    أن أبـاهــم أبـونــا غــيــرَ مُـؤْتَـشَــب ٍ
    إذا نُسبـنـا , وأن الـجـدَّ "منـصـور ُ"

    ..
    ألا أيهـا السائلـي جاهـلاً
    ليعرفني أنـا أنـف الكـرم
    نمت في الكرام بني عامـر فروعي وأصلي قريش العجم


    https://www.youtube.com/watch?v=tW9p3...feature=relmfu

    سرقونــا


  11. #11
    تاريخ التسجيل
    Jul 2011
    المشاركات
    101
    شكرا على هذا الموضوع المميز وجزاءك الله كل خير........كنت عايز استفسار من حضرتك . انا الحمد لله ربنا كرمنى واخد تأشيرة تركيا الاسبوع اللى فات وهسافر بعد العيد ان شاء الله بس كنت عايز اى طريقة اشتغل بيها هناك واعمل اقامة بدل ما هى زيارة ارجو الافادة مع العلم انى لسه طالب فى ثالثة كليه .....وشكرا جزيلا

  12. #12
    الصورة الرمزية juliet
    تاريخ التسجيل
    Jan 2005
    المشاركات
    128
    هاى انا عندى استفسار انا خلصت كليه ونجحت بس الشهاده لسه مطلعتش ولسه اساسا معملتيش الباسبور هل اكتب فى الباسبور انى طالبه وانا هطلع انا واختى مع نفسنا وهنعد مع وحده صحبتنا هناك يعنى مش حاجزين فندق ولا حاجه واختى عايزة تعد هناك 20 يوم هل 5000 جنيه مصاريف هناك يكفو ؟

  13. #13
    الصورة الرمزية hamed83
    تاريخ التسجيل
    Jun 2007
    المشاركات
    179

    Great

    موضوع مفيد واكثر من رائع
    ليا كذا استفسار : امتي اقدر اراسل شركة السياحه اللي بتنظم الرحلات دي , بعد ما اخد التأشيرة ولا قبلها ؟ ومن ضمن البرنامج السياحي في استقبال مطار ولا لا ؟ وهل بيبقي في وقت متاح ان الواحد يعمل جولة حرة بعيد عن البرنامج المقرر ؟ شكرا مقدما وتقبل مروري
    لا اله الا انت سبحانك اني كنت من الظالمين

  14. #14
    الصورة الرمزية الملطعة
    تاريخ التسجيل
    Feb 2007
    المشاركات
    135
    للاسف انا جوازى مكتوب فيه حاصل على بكاليورس خدمة

  15. #15
    تاريخ التسجيل
    Jul 2007
    المشاركات
    94
    اقتباس المشاركة الأصلية كتبت بواسطة juliet مشاهدة المشاركة
    هاى انا عندى استفسار انا خلصت كليه ونجحت بس الشهاده لسه مطلعتش ولسه اساسا معملتيش الباسبور هل اكتب فى الباسبور انى طالبه وانا هطلع انا واختى مع نفسنا وهنعد مع وحده صحبتنا هناك يعنى مش حاجزين فندق ولا حاجه واختى عايزة تعد هناك 20 يوم هل 5000 جنيه مصاريف هناك يكفو ؟
    انتى عشان تطلعى الباسبور و تكتبى فيه انك طالبه حيطلبو منك شهاده قيد عشان يكتبلك فى الباسبور انك طالبة و طالما انك نجحتى الكليه مش حتديكى حاجه خلاص ده اولا و حتى لو انتى معاكى اساسا باسبور و مكتوب فسه انك طالبه و روحتى بيه . السفارة التركيه حتقولك هاتيلى جواب قيد من الكلية فكلتا الحالتين مش حينفع.

    بس انا عندى ليكى حلين:
    اول حل: ان صاحبتك دى تبعتلك دعوة انتى و اختك انكو رايحين تزوروها فى تركيا و ساعتها مش حيبصو فى اى حاجه و حيدوكى الفيزا انتى و اختك على طول
    تانى حل: انك تطلعى تبع شركة سياحة و تشتركى مع مجموعة و الشركة تطلعهالك و التاشيرة السياحة بتبقى اقامة لمده شهر يعنى احجزيلك يومين 3 فى فندق و كملى الباقى عند صاحبتك بس مش مضمونه حوار الشركة على طول عشان ساعات بيغلسو و يقولو لازم العميل يجى بنفسه.
    الحل الثالث بقه ان والدك او اخوكى لو بيشتغل يجى يقدم على تاشيرة و يقدملك معاه و هو مش لازم يطلع حيخسر بس 340 جنيه اظن مش مشكله فى سبيل انك تخدى الفيزا. ده انسب حل تقريبا.

    بالنسبه للفلوس انتى بتتكلمى فى الاكل و الشرب ولا الفسح؟

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك