موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 18 1 2 3 11 ... الأخيرةالأخيرة
النتائج 1 إلى 15 من 270
Like Tree2Likes

الموضوع: ¤۩۞۩¤☺√حـصـريـا تــركــيــا من الالف الى الياء بتجارب شخصيه☺√¤۩۞۩¤

  1. #1
    الصورة الرمزية ® Muslim
    تاريخ التسجيل
    Sep 2006
    المشاركات
    4,461

    14 ¤۩۞۩¤☺√حـصـريـا تــركــيــا من الالف الى الياء بتجارب شخصيه☺√¤۩۞۩¤

    السلام عليكم ورحمه الله وبركاته

    حياكم الله جميعا اخوانى واحبائى فى الله واسئل الله ان يجمعنا بهذا الحب يوم لا

    ظل الا ظلّه جل وعلا

    اليوم حديثنا عن تركيا بإذن الرحمن والموضوع قابل للاضافه ان شاء الله

    من حضراتكم







    واعلم اخى الحبيب ان السفر نصيب مقدّر ومكتوب لك واهم شيء النيّه

    الصالحه ونحن بريئون امام الله من اى احد يستخدم الموضوع بنيّه فاسده والله

    المستعان


    نبدا رحلتنا بكيفيه السفر لتركيا

    ولكن احب انوّه الى بعض المواضيع اللى تهمك

    **ادعية السفر من السنة**


    -{{- الخطـوة الاولـى لـمن يريـد السفـر للخـارج _ متجدد -}}-

    بسم الله

    V
    V
    V

    ☺ خطوات السفر لتركيا بتجارب واقعيه من اخوانا فى المنتدى

    ♦ نبدأ بتجربه الحبيب mostafa_mk (مهنّد)


    اقتباس المشاركة الأصلية كتبت بواسطة mostafa_mk مشاهدة المشاركة
    اولا احب اقول ان فيزا تركيا سهله جدا بالنسبه لانها دوله اوروبيه بس احب اوضح ان الواحد لما يقدم تبع شركه سياحه بمعنى انه يبقى طالع فى فوج سياحى بتبقى نسبة قبوله فى السفاره كبيره جدا لأن هما بياخدو منك كل ورقك ويخلصوه فى السفاره بمعرفتهم بتديهم الفلوس وبعد 5 ايام تقريبا بيجيبوا التأشيره انا كنت طلعت العيد الكبير اللى فات وكان تمن الرحله 3150 جنيه لمده 5 ايام ده غير 368 جنيه تمن التأشيره بس كده تمن الرحله شامل طبعا الاقامه فى فندق ميبقاش ناقص حاجه غير مصروف الجيب يعنى الحسبه كلها تدخل فى 5000 جنيه اول عن اخر

    واحب اوضح ان شركات السياحه اللى فى شارع طلعت حرب بتعلن على مدار السنه عن رحلات لتركيا يعنى لو نزلت وسط البلد ولفيت شويه هتلاقى شركات كتير بتطلع رحلات لتركيا انا بقول كده عشان اوضح ان الامر مفيهوش اى صعوبه فى طلوعك تركيا

    المهم شروط الحصول على تاشيرة تركيا هي

    - جواز سفر
    - كشف حساب اعتقد ممكن لو 30000 جنيه يوافقو عليك
    - لو عندك شركه او محل لازم سجل تجارى وبطاقه ضريبيه اما لو مش عندك لكن شغال اعتقد هما بيطلبو جواب عمل وورقه اجازه بس انا مش عارف بالظبط لان انا عندى سجل تجارى وبطاقه ضريبيه لمحل فا مش هفتى فى موضوع جواب العمل

    لو مش طالع تبع شركة سياحه بيطلبو منك حجز فندق وتذكرة طياره ودول ممكن تعملهم من اى شركة سياحه ب120 جنيه عشان بيبقى حجز مش مؤكد بيبقى مجرد حاجه بتتقدم للسفاره بس
    التأمين الصحى الدولى مش مطلوب نهائيا فى السفاره التركيه
    ده كل المطلوب بعد كده بتروح تعمل المقابله فى السفاره من غير تحديد موعد سابق لازم تكون هناك من الساعه 8 الصبح عشان تاخد دور بدرى والسفاره فى ميدان الفلكى فى القاهره

    بعد ما تاخد دور بتدخل صالة الاستقبال وتستنى رقمك اول ما يندهو على رقمك بتعمل المقابله على الشباك مع الموظف بيسالك انت بتشتغل ايه ورايح تركيا ليه وهتقعد قد ايه ورايح لحد هناك ولا لأ بس كده لو قالك ادفع 368 جنيه كده تعرف انك خدت التأشيره غير كده بيبقى على حسب اعتقادى انك مش بيتوافق عليك بس انا احب اوضح ان اليوم اللى قدمت فيه كان اللى مقدم حوالى 40 واحد مفيش حد خد رفض خالص يعنى هما بيوافقو على اى حد بس يكون الورق مظبوط بس
    بعد كده هترجع تستلم التأشيره بعد 3 او 4 ايام

    وكده ابقى خلصت حكاية تركيا ولو فى حاجه مش واضحه اسالونى وانا هرد عليكم وانتظرو باقى المشوار ان شاء الله
    ♦♦ تجربه الحبيب سامح السمح


    اولا فعلا هيه الفيزه الوحيده اللى تقدر تاخدها هيه السياحه وتركيا مش سهله زى زمان يعنى نسبه كتيره مش بتتقبل فى القنصلبه بس على العموم هقلك بعض النصايح يارب تكون مفيده وعن تجربه

    اولا الباسبور بتاعك لازم تكون فيه شغله كويسه يعنى كانت اول مشكله بالنسبه ليه ان جوازى الوظيفه كانت فيه حاصل على بكالريوس وده معناه انك لا تعمل وتسافر وتكسر الفيزا وطبعا ده سبب فوى للرفض يبقى لازم تغير الوظيفه ودى امرها سهل

    ثانيا بالنسبه لتركيا حسابك فى البنك مش لازم يكون ملاييين ذى الدول التنيه بس يعنى لو فيه حساب معقول هيكون عامل مساهد ليك

    ثالثا لو انت ساكن فى وجه بحرى او اسكندريه يبقى هتروح للقنصليه فى اسكندريه اما لو فى وجه قبلى او قاهرى يبقى هتروح السفاره فى القاهره

    ملحوظه مهمه جدا : احسن حاجه فى تركيا انك لو تم رفض طلبك مش هتاخد رفض على الجواز يعنى تقدر تقدم تانى لاى سفاره او حتى تركيا تانى بعد استيفاء الشروط


    نسئل الله ان حفظهم وينفعهم بما نفعونا ..امين


    كده خلصنا اول خطوه

    والان الحمدلله انت معاك التاشيره ورايح تركيا فالبتالى هيكون فى احتكاك

    بالشعب التركي لذلك محتاج تعرف بعض مصطلحات ومفردات اللغه التركيه بدل

    تقضيها اشارات


    اللغه التركيه فيها من لغتنا الحبيبه وحتى احنا واخذين منهم كلمات كثيره ..

    طبعا السبب يرجع للاستعمار التركي للعرب

    اللغه التركيه كانت تكتب بالحروف العربية بس تحولت بالحروف الانجليزية ..

    والان نبدأ..


    بالكلمات :


    السلام عليكم / سلامون عليكم _ salamon alaikum

    صباح الخير / لها كلمتين : 1-قونايدن _gonaidun
    2-آيي صباح لار _aayi sabah lar


    مااسمك / لها كلمتين : 1- سانين آدين ني _ sanin adin ne
    2- سانين اسم ني _ sanin esm ne

    كيف الحال؟/ ناسلسن _ nasilsin

    حالي بخير / إيييم _ iyiyim _ guzel

    أشكرك / تيشيكُر إيديريم _ tesekkur ederim

    اوكي / تمام _ tamam

    اهلا / مرحبا _ merhaba

    حبي = بينيم أشكيم _ benim askim

    ماذا؟ = ني _ ne

    عزيزي = سانيم _ canim

    انا= بين _ ben

    انت= سيني _ seni

    اريد= إستيوروم _ istiyorum

    عفوا= هوزقيلدين _ hosgeldin

    اسف= اوزورديليريم _ ozurdilerim

    ايه= ايفيت _ evet

    لا= هايير _ hayir

    بلكونه = بيلكوناي _ bylkonyi


    الصـــــــفـــــــات :

    بطي = يـاواش - yavash

    سريع = جابوق - jabog

    حلو = تاتـلي - tatly

    حامض = اكشي - akshay

    جديد = يني - Yeni

    قديم = اسكي - eski

    كامل = تمام - Tamam

    ناقص = اكسيك- Eksik

    نظيف = تَميز - Temiz

    قذر = كيرلي - Kirli

    طويل =اوزون - Uzun

    قصير = قِصه - Kisa

    شيء اخر= باشكا - baska

    عيون= قوز - goz

    قلب= يوريك - yurek

    شعر= ساتش - sac

    يد= تيسليم ايتميك - teslim et mek

    جميله= هوز - hos

    الألـــــــوان :

    أبيض : بياز - أق = Beyaz - Ak (( كلمتين ))

    أسود : سياح - قَرا = Siyah - Kara (( كلمتين ))

    أحمر :قرمزي - kurmuzy

    أزرق : ماوي - Mavi

    أصفر : صاري - sar i


    الجـــــــهـــــــات :

    الشرق = دوغو - dogo
    الغرب = باتي - baty
    الشمال = قوزاي - Kuzey
    الجنوب = كوني - koney

    الأهــــــل والأقــــــارب :

    أب = بابا = Baba
    أم = أنّه = Anne
    أخ = قاردش = gardesh
    أخت = قيزقاردش = gezgardesh
    انسه = بايان = bayan ///// انتي انسه= sen bayan sinسيد= باي = bay
    ولد = ايركيك = erkek
    بنت= كيز = kiz
    عم = عمجا = Amca
    عمه = خالا = Hala
    خال = دايي = Dayi
    خاله = تَيزه = Teyze


    الطـــــــبـــــــيــعـــــــة :



    أرض = يَـر = Yer

    بحر = دنيز = Deniz

    تراب = طوبراق = Toprak

    جبل = داغ = Dag

    جزيرة= أدا = Ada

    سحاب= بولوت = Bulut

    سماء= كوك = kok

    شمس= كوونش = koonsh

    قمر = أي = Ay

    مـاء = صو = Su

    هواء= هوا = Hava

    ورود= تشيتشيك = cicek

    الحيـــــــوانات :

    أسد = ارسلان = Arslan

    بقرة = اينك = inek

    جمل = ديفي = Deve

    حصان= أت = At

    حمار = أشـّك = ashhak

    حيوان = حيوان = Hayvan

    دجاجة = طاووق = Tavuk

    عصفور = سرجه = sarija

    فراشة = كلبك = kalbak

    قرد = ميمون = maymon

    نحلة = أري = Ari

    قطة = كدي = Kedi

    شيطان = شيطان = shytan


    والان انت بتعرف تتكلم الحمدلله وتمشي حالك مع الاتراك

    ☼ حان الوقت لمعرفه بعض المعلومات التثقيفيه عن تركيا



    تركيا وموقعها




    تركيا (بالتركية: Türkiye) تعرف رسمياً بجمهورية تركيا هي دولة يقع الجزء الأكبر منها في جنوب غرب آسيا وجزء آخر صغير في جنوب شرق أوروبا. يقع مضيقا البوسفور والدردنيل وبحر مرمرة - التي تصل البحر الأسود ببحر إيجة وتصل آسيا بأوروبا - في أراضيها مما يجعل موقعها إستراتيجيا ومؤثرا على الدول المطلة على البحر الأسود. يحدها جورجيا وإيران وأرمينيا وأذربيجان شرقا، العراق وسوريا والبحر المتوسط جنوبا مع حدود بحرية مع و قبرص، بحر إيجة واليونان وبلغاريا غربا، البحر الأسود شمالا.


    اللغة



    اللغة الرسمية هي اللغة التركية، كما يتحدث بها حوالي 77% من سكان البلاد. اللغة الكردية تستعمل بين أبناء الأقلية الكردية (حوالي 20%)، حوالي 2% ما زالوا يتكلمون اللغة العربية بين الأتراك ذوي الأصول العربية. اللغات الأخرى هي لغات الأقليات المتواجدة في البلاد: الآرامية، الأرمينية، الألبانية، الجورجية، اليونانية، اللازية و الشركسية. هناك عدة لهجات للغة التركية، تختلف بحسب المنطقة المتدوالة بها. اللغات الإنجليزية و الألمانية و الفرنسية منتشرة وخاصة بين الطبقة العليا وفي المدن الكبرى وفي المناطق السياحية. تنتشر اللغة الألمانية بين الطبقة العاملة، التي عملت يوما ما في ألمانيا.



    الديانة




    يدين غالبية سكان تركيا بالديانة الإسلامية، حسب الإحصاءات الرسمية فإن ذلك يشكل 99:8% من سكان البلاد. حوالي 85% منهم يتبعون الطائفة السنية، بينما يتبع زهاء 20% هم شيعة علوية[3]. كما يدين حوالي 5.8% بالمسيحية و خاصة الأرثوذكسية، و 0،04% باليهودية. كان المسيحيون يشكلون حوالي ما نسبته 20% من سكان أراضي تركيا الحالية في بداية القرن العشرين اما الاخرون يبلغون حوالى 5:6% فهم الايزيديين ومانويين وصابئة المندائية وغيرهم.



    الأعياد و العطل



    * عيد العمال يوم
    * عيد الأضحى3 أيام
    * عيد الفطر3 أيام



    السياحة



    تشكل السياحة أحد أهم أعمدة الاقتصاد التركي وخاصة في العقود الأخيرة. وذكرت وكالة الأنباء التركية في تقرير لها أن عدد السائحين الوافدين إلى تركيا بلغ 30,929,192 سائح في 2008. مدخلين إلى البلاد دخلا بقيمة 21.9 مليار دولار أمريكي. يشتهر الساحل الجنوبي بجمال طبيعته و شواطئه الطويلة لدرجة أنه يعرف باسم الريفيرا التركية تشبها بالريفيرا الفرنسية، بالإضافة إلى العديد من المناطق السياحية الأخرى.

    ودى كانت قشور من المعلومات عن تركيا

    والان موعدنا مع


    بعض المعالم السياحيه فى تركيا

    نترككم مع الصور



































    موقع ممتاز عن تركيا من هنا

    اللهم صلى وسلم على نبيّنا محمّد


    تم بحمدلله الانتهاء من الموضوع ولا نسئلكم الا الدعاء لنا بظهر الغيب

    المصدر : قسم المغتربين بمنتدى الدى فى دى
    ويكيبيديا
    مصادر اخرى
    التعديل الأخير تم بواسطة grand_curse; 08-07-2011، الساعة 12:47 PM




    نـحـن قـوم أعـزّنـا الله بالإســلام فـإذا ابـتـغـيـنا غـيره اذلّـنـا الله

    من مواضيعى
    V
    V
    V


    سبحانك اللهمّ وبحمدك أشهد انّ لا اله الاّ أنت أستغفرك وأتوب اليك

  2. #2
    الصورة الرمزية true_value
    تاريخ التسجيل
    Jan 2007
    المشاركات
    309
    اكثر من رائع .... مشكور على المجهود الكبير اوى ده.
    وتركيا بلد جامده اوى

  3. #3
    الصورة الرمزية سامح السمح
    تاريخ التسجيل
    Nov 2005
    المشاركات
    1,128
    سلام عليكم ورحمة الله وبركاته
    موضوع رائع وشامل بجد جزاك الله خيرا اخى مسلم واحب اضيف ان الليره التركيه بتساوى 360 قرش مصرى والاقتصاد هنا مستقر وفعلا هيه بلد سياحيه من المقام الاول وبصراحه مفيش اى حاجه تنضاف على اللى انت قلته بجد انت وفيت وكفيت اخيرا جزاك الله خيرا على المجهود الرائع فى خدمة الاعضاء

    زيدان سامح

    تزود من التقوى فإنـــــك لا تدرى ... إذا جن ليـــل هل تعيش إلى الفــــــجر ...
    فكم من صحيح مات من غير علة ... وكم من سقيم عاش حينا من الدهر ...
    وكــــم من فتى أمســــى وأصبــح ضاحكــــا ... و أكفـانه تنسج ولا يــــدرى ...
    ومن عـــاش ألفـــا و ألفين فإنـــه ... لابد من يوم يسير إلى القبر





    اللهم أحسن خاتمتى واجعل موتى فى سبيلك .


    ففروا إلى الله

    قد يحنى الانسان راسه ثم لايلتقط شيئاً


    Now in cairo

  4. #4
    الصورة الرمزية twistedmetoo
    تاريخ التسجيل
    Sep 2006
    المشاركات
    436
    كنت عاوز اسأل بعد اذنكم
    ليه محدش بيفكر يروح ويستقر هناك
    واضح ان البلد كويسه
    ومسلمين
    وعملتها قريبه مننا بشكل كبير
    حاسس ان الاهتمام كله علي ايطاليا واستراليا وامريكا
    هو اه اكيد
    البلاد دي ممكن تكون احسن من تركيا
    بس فيزا تركيا اسهل فالحصول عليها ؟؟؟؟؟؟
    There is no one better....There is no one greater

  5. #5
    ما شاء الله عليك يا اخ بدر التميز والابداع .
    موضوع رائع ومجهود اكتر من رائع

    التعديل الأخير تم بواسطة ,KING; 17-07-2009، الساعة 11:51 PM



    قنـوات القـرآن الكريـم على YouTube تفضّـلـوا بالزيارة
    www.youtube.com/user/QuranSound

    www.youtube.com/user/SoundQuran





  6. #6
    الصورة الرمزية ® Muslim
    تاريخ التسجيل
    Sep 2006
    المشاركات
    4,461
    اقتباس المشاركة الأصلية كتبت بواسطة true_value مشاهدة المشاركة
    اكثر من رائع .... مشكور على المجهود الكبير اوى ده.
    وتركيا بلد جامده اوى
    جزاكم الله خيرا اخى الحبيب
    ونورت الموضوع

  7. #7
    الصورة الرمزية ® Muslim
    تاريخ التسجيل
    Sep 2006
    المشاركات
    4,461
    اقتباس المشاركة الأصلية كتبت بواسطة سامح السمح مشاهدة المشاركة
    سلام عليكم ورحمة الله وبركاته
    موضوع رائع وشامل بجد جزاك الله خيرا اخى مسلم واحب اضيف ان الليره التركيه بتساوى 360 قرش مصرى والاقتصاد هنا مستقر وفعلا هيه بلد سياحيه من المقام الاول وبصراحه مفيش اى حاجه تنضاف على اللى انت قلته بجد انت وفيت وكفيت اخيرا جزاك الله خيرا على المجهود الرائع فى خدمة الاعضاء

    وعليكم السلام ورحمه الله وبركاته
    الله يكرمك ويرفع من قدرك يا سامح وانت مساهم فى الموضوع بتجربتك
    جزاكم الله خيرا على المعلومات
    فى امان الله

  8. #8
    الصورة الرمزية ® Muslim
    تاريخ التسجيل
    Sep 2006
    المشاركات
    4,461
    اقتباس المشاركة الأصلية كتبت بواسطة twistedmetoo مشاهدة المشاركة
    كنت عاوز اسأل بعد اذنكم
    ليه محدش بيفكر يروح ويستقر هناك
    واضح ان البلد كويسه
    ومسلمين
    وعملتها قريبه مننا بشكل كبير
    حاسس ان الاهتمام كله علي ايطاليا واستراليا وامريكا
    هو اه اكيد
    البلاد دي ممكن تكون احسن من تركيا
    بس فيزا تركيا اسهل فالحصول عليها ؟؟؟؟؟؟

    السلام عليكم
    حياك الله اخى
    من قالك ان مفيش حد بيفكر يروح تركيا
    تركيانه مليانه مغتربين
    والاهتمام متوزع على دول كتير مش اوروبا بس
    وفيزا تركيا مادام انت مستوفى الشروط مقبوله ان شاء الله
    فى رعايه الله

  9. #9
    الصورة الرمزية ® Muslim
    تاريخ التسجيل
    Sep 2006
    المشاركات
    4,461
    اقتباس المشاركة الأصلية كتبت بواسطة man_pro مشاهدة المشاركة
    ما شاء الله عليك يا اخ بدر التميز والابداع .
    موضوع رائع ومجهود اكتر من رائع


    الله يكرمك ويرفع قدرك اخى الحبيب مان برو
    هذا من طيب اصلك
    والله يجزاك الفردوس
    فى امان الله

  10. #10
    تاريخ التسجيل
    Jul 2009
    المشاركات
    21
    لو سمحت كنت عاوز اسأل كدة على كام حاجة بعد اذنك
    انا طالب في كليه هندسة وفكرت من سنة كدة اني اسأل
    على الفيزا بس كان في شرط اني اخد موافقة ولي امري
    لأاني مكنتش جبت 21 سنة دلوقتي انا عديت ومفيش مشكله
    المشكلة بقى هو لازم يعني حكاية كشف البنك دي؟
    طيب انا مش عندي فلوس في البنك اعمل ايه؟
    وهل في فيزا تانية غير الفيزا المشروطة دي اللي ب 5 ايام
    يعني مثلا عاوز اروح واعد الصيف هناك؟

  11. #11
    الصورة الرمزية ® Muslim
    تاريخ التسجيل
    Sep 2006
    المشاركات
    4,461
    اقتباس المشاركة الأصلية كتبت بواسطة mo-stores مشاهدة المشاركة
    لو سمحت كنت عاوز اسأل كدة على كام حاجة بعد اذنك
    انا طالب في كليه هندسة وفكرت من سنة كدة اني اسأل
    على الفيزا بس كان في شرط اني اخد موافقة ولي امري
    لأاني مكنتش جبت 21 سنة دلوقتي انا عديت ومفيش مشكله
    المشكلة بقى هو لازم يعني حكاية كشف البنك دي؟
    طيب انا مش عندي فلوس في البنك اعمل ايه؟
    وهل في فيزا تانية غير الفيزا المشروطة دي اللي ب 5 ايام
    يعني مثلا عاوز اروح واعد الصيف هناك؟

    السلام عليكم
    زى ما ذكرت لحضرتك قبل كده لازم تستوفى شروط الفيزا
    ولو معندكش حساب خد حساب والدك
    لكن لازم اثباتات تضمن رجوعك لمصر
    ده الف باء سياحه
    فى امان الله

  12. #12
    الصورة الرمزية a.laz
    تاريخ التسجيل
    Mar 2006
    المشاركات
    736
    تمــــام يا بدر
    موضوع جميل وشامل فعلا.
    وفقك الله للخير

    أحمـــــد لاظ
    المحـــــــــــــامى
    لشئــــــون الاجـــــــانب
    ــــــــــــــــــــــــــــــــــــــــــــــــــ ـــــــ

    (( لا تكتب( إنشاء) الله و لكن إن شاء الله لان (الإنشاء) هو الخلق و التكوين تعالى الله
    عن ذلك علوا كبيرا ))

  13. #13
    الصورة الرمزية peerless
    تاريخ التسجيل
    Nov 2008
    المشاركات
    565
    انت جميل يابدر والاجمل مواضيعك بجد الواحد بيتمنى يخوض فيها من جمالها وشمولها على كل شئ
    بحس فى مواضيعك انها مكتب بتدخله تطلع منه مستفيد ومش محتاج شئ تانى
    بجد والله موضوع رائــــــــــــــــــــــع
    متأسف لدخولى المتقطع
    لا اله الا انت سبحانك إنى كنت من الظالمين

  14. #14
    الصورة الرمزية el nor
    تاريخ التسجيل
    Jul 2007
    المشاركات
    5,445
    مش عارف اقولك ايه يابدر

    انت عضو مثالي

    محترم
    اجتماعي
    اخلاق عاليه
    مفيد بكل الوسائل

    لكن للاسف
    وللاسف
    الحلو ميكملش

    ربنا يتوب عليك

  15. #15
    الصورة الرمزية Fabregas_only
    تاريخ التسجيل
    Nov 2007
    المشاركات
    220
    كنت عاوز اعرف لو ينفع الواحد يشتغل هناك انا اصل ليا واحد صاحبي راح تركيا سياحه اسبوع ولحد دلوقتي هناك وشغال في مطعم وبسم الله ماشاء الله ربنا كارمه لكن هو مش عاوز يقول ازاي اشتغل وهو رايح سياحه
    فلو حضرتك تعرف السكه ياريت تدلني عليها
    اللهم ما صلي علي سيدنا محمد وعلي آله وصحبه اجمعين

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك