موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 342 من 640 الأولىالأولى ... 242 292 332 340 341 342 343 344 352 392 442 ... الأخيرةالأخيرة
النتائج 5,116 إلى 5,130 من 9590
Like Tree84Likes

الموضوع: قهوة المصريين فى المملكة العربية السعودية

  1. #5116
    الصورة الرمزية OMDA 2007
    تاريخ التسجيل
    Mar 2010
    المشاركات
    1,010
    منشور صادر من دوار العمدة بتاريخ 06/09/2010 ليلة السابع والعشرون من شهر رمضان المبارك ..

    بالنسبة للخروج النهائي

    لو اخدت خروج نهائي وكنت مبصم بصوابع إيديك ورجليك ..

    ترجع تاني المملكة بعدها بيوم ..

    طالما انتة خرجت من البلد بدون مشاكل وهي :-

    مشكلة عن طريق مكتب العمل

    مشكلة تبع الهيئة ( هيئة الأمر بالمعروف والنهي عن المنكر )

    مشاكل بالشرطة ( الترحيل ) أي جرائم

    معملتش حاجة من اللي فوق دول ترجع تاني

    وأنت مش بحاجة إلي إخلاء طرف ولا عدم ممانعة لا كل الكلام الفاضي دة ..

    طبعا ً دا عن تجربة لأصدقاء كتير جدا ً عملوا الموضوع دا ..

    وزي ما قال أخونا أبوبكر المصري :- لازم تغير جواز سفرك حتي ولو كانت نفس المهنة ؟؟

    طيب لية ما دام كدة كدة هبصم وانا راجع وهيبان عندهم اني كنت في السعودية ؟؟؟

    هقولك لازم تغير الجواز علشان السفارة بالقاهره تديك التأشيرة لانه غير مسموح للسفارة انها تديك تأشيرة ع جوازك .. وجوازك عليه تأشيرة تانية لكفيل تاني ..

    فلازم تغير الجواز وترجع عاااااااااااااااااااااادي جدا ً جدا ً

    طيب شايف انا واحد هناك هيموت ويسألني ؟؟

    إتفضل يا حبيبي ؟

    طيب لما أبصم يا عمدة هيبان عندهم اني كنت في المملكة وهيسألني انتة كنت هنا قبل كدة أرد اقول اية ؟؟

    قولة أيوة كنت بالمملكة قبل كدة لكن حصلت ظروف وإضطريت أنزل مصر ومكنتش عارف هرجع امتة والحمد لله الظروف اتحسنت دلوقتي ورجعت ع تأشيرة تانية ع صاحب كفيلي القديم .. أو اي حوار بس اوعا تكدب ..!!

    فية بقا شيء مهم شايف بردة واحد قاعد هناك فرحان وبيتطنطط من الفرحة ..

    قوم ياد اسمك اية ؟؟

    إسمي : عيد سعيد رمضان كريم

    مالك فرحان كدة

    أصلك قولت لو أخدت نهائي مش هحتاج ولا إخلاء طرف ولا عدم ممانعة يبقي أكيد أكون فرحان

    لالالالالا خد بالك يا عم عيد الميلاد ..

    من حيث هترجع تاني فدا أكيد بإذن الله تعالي ,, لكن خلي بالك كفيلك القديم ميعرفش إنك رجعت تاني لانه ساعتها هيروح يشتكيك في مكتب العمل ويقول انك رجعت تاني بعد ما اداك خروج نهائي وساعتها يا حلو هتترحل ؟؟؟ طيب لية ؟؟ هقولك

    القانون في النقطة دي مع الكفيل 100 % في حالة واحدة إذا رجعت علي نفس المهنة ونفس المجال ..

    ياعني انك كنت محاسب وشغال في المقاولات .. ورجعت تاني علي تأشيرة محاسب برده وكمان شركة مقاولات .. كدا مكتب العمل بيبصلها بنقطة أنك رجعت ومعاك اسرار شركتك القديمة وهتشتغل عند شركة منافسة وهتضر صاحب العمل القديم فقال لازم سنة كاملة متعتبش ناحية المهنة ولا المجال دا .. بعد السنة دي ما تعدي روح جيب علبة جاتوه وروح لكفيلك القديم قولة رمضان كريم ..

    طيب لو رجعت بقا علي مهنة جديدة ومجال جديد .. ساعتها قبل ما تستلم شغلك روح لكفيلك القديم وجيبلة برده علبة جاتوه وقولة عيد سعيد

    --------------------------

    الملخص :-

    نظام البصمة معمول للإجراءات الأمنية فقط وليس له أي علاقة بمشاكل مكتب العمل دي جهة ودي جهة تانية خالص ..

    وكل سنة وانتم طيبين وربنا يكون في عونكم جميعا ً

    عمدة المصريين
    بدول مجلس التعاون

  2. #5117
    تاريخ التسجيل
    May 2009
    المشاركات
    19,416
    اقتباس المشاركة الأصلية كتبت بواسطة elasuty™ مشاهدة المشاركة
    ناس كتير يابوس ماخدوش اخلاء طرف و خرج نهائى وخلاص ورجعوا تانى عادى !!

    اوك يا محمد لكن كفيله معرفش انه رجع تانى

    وللعلم نظام البصمه هى بصمة العين وهذه جعلت لحماية السعوديه من تغيير المكفولين اسماؤهم ومهنهم فى الجوازات

    والعوده مره اخرى باسم جديد وجواز جديد وقد تمكنت قوات الامن من القبض على كثير من الوافدين خصوصا من دول شرق اسيا

    كانوا موجودين على كفاله وخرجوا من البلد ورجعوا باسماء جديده وكفاله جديده

    فالاخ صاحب السؤال يجب اخذ اخلاء طرف من كفيلك وترجع على كفاله جديده وبنفس الجواز بتاعك دون اى اعتراض

    هذا للتوضيح والله اعلم واذا كنت موجود بالسعوديه يمكنك الاستفسار من مكتب العمل او شؤون الوافدين
    حتى تحضر للبلد وقلبك مطمئن

  3. #5118
    الصورة الرمزية elasuty™
    تاريخ التسجيل
    Jan 2009
    المشاركات
    3,391
    تمام و ليد باشا

    يعنى الان لو خرج ودخل بلا مشاكل من حق كفيلة انة يقدم شكوى لو عرف انة رجع ولا كدة خلاص
    لا اله الا انت سبحانك انى كنت من الظالمين





    منذ 24/8/2010 الساعة12.00




    رجعت للمنتدى7-1-2013 <img border="0" alt="" title="39">

  4. #5119
    الصورة الرمزية OMDA 2007
    تاريخ التسجيل
    Mar 2010
    المشاركات
    1,010
    لا اله الا أنت سبحانك اني كنت من الظالمين

    سفارة مين اللي هتديك تاشيرة عللي جوازك وهوه عليه تأشيرة تانية ..

    صديق ليا نزل نهائي وكنت في شهر 2 اللي فات دا معاه وهوه بيعمل الفحوصات الطبية وكدة قولتله يابني غير جوازك يطلعلي إخلاء الطرف .. ياحبيبي غير جوازك برده مش راضي يسمع الكلام .. بعد ما صرف مصاريف الكشف الطبي وقبلها طلّـع رقم النت وقرف وبهدلة السفارة رفضت تديلة التأشيرة !!!

    هاتولي واحد في جمهورية مصر العربية جوازة عليه تأشيرتين للسعودية ( عمل )

    يا سيدي الفاضل :- تغيير الجواز علشان حاجة واحدة بس وهيا أنك تاخد تأشيرتك علي جوازك من السفارة في مصر .. ليس له أي علاقة بنظام البصمة أو غيرة ,,

    ثانيا ً مكتب العمل ليس الجهة المختصة علشان تسأله هل لو خرجت نهائي أرجع تاني ولا لأ .. دي خاصة بالجوزات ..

    ع فكرة انا كان ناقص أعمل شات مع موظف في الجوزات وعرفت منه كل دا + 4 أصدقاء ليا أخدوا خروج نهائي ورجعوا تاني عادي جدا ً ولا إخلاء طرف ولا الهوا

    بلاش التعقيدات دي الله يصلح حالكم مش كفاية اللي شايفينه في السعودية من أصحاب العمل ..

    دلوقتي أصحاب العمل بيستغلوا ( كلمة خروج نهائي ) لأن ليها خضــه ورهبــة علشان يخوف الموظف عنده .. يقولة لتشتغل كذا لا اما اديك خروج نهائي والموظف ياعني يقول خروج نهائي هوه انا ناقص ويشتغل .. وهوه ميعرفش انه لو اخد خروج نهائي يقدر يرجع تاني عااااااااااادي

    عاما ً انا قولت اللي عندي ومتأكد منه 1000000 % - وأتمني أي حد يقول حاجة في الموضوع دا بالذات يكون عن تجربة وحاجة موجودة فعليا ً سيبك انتة من الإجراءات النظامية لانك لو سألت اي حد من الجوازات هيقول ممنوع من دخول البلد 5 سنوات وواحد تاني يقول 3 سنوات وواحد يقول سنتين والأخير يقولك يدخل عادي .. ياعني كلة كلام فارغ وعلي فكرة مفيش لحد النهارده حد خرج نهائي ورجع والجوازات رجعتة تاني من المطار ..

    إلا بقا اللي يقصدها أخونا صقر العروبة : اللي يخرج أجـــــــــازة ويرجع ع كفيل تاني حتي ولو تأشيرة أجازته وإقامته إنتهت .. فيه ناس دخلت تاني وناس رجعت دا بالنسبة للي واخد تأشيرة خروج وعودة ,,

    اما الخروج النهائي فأمرة محسووووم ومفيش فيه كلام ..
    التعديل الأخير تم بواسطة OMDA 2007; 06-09-2010، الساعة 11:11 AM

  5. #5120
    تاريخ التسجيل
    Dec 2009
    المشاركات
    29
    اقتباس المشاركة الأصلية كتبت بواسطة elasuty™ مشاهدة المشاركة
    الله يعينك يارب على شغل المؤسسات انا قلت مؤسسة مش شركة

    القحاطنة دول عاملين زى المنوفيين بمصر كدة الله يعينك على التعامل معاهم

    سيبك توسمت خير و الكلام دة

    ومافيش مهندس بيجى بتذكرة على حسابة

    انت السكن عليهم صح

    700ريال دول يكفوك شهر بالعافية لانك لسة جاى و لا تعرف شىء

    لية ما تخدش طيران ديركت لابها احسنلك ياريس و بنفس القيمة الى ذكرتها القاهر ابها

    ابها جوها بارد مش حر خلى بالك خد معاك الاتنين و ياسلام وانت جاى تجيب معاك فسيخ ورنجة و عيش بلدى تكون تمام

    اى استفسار عن ابها حاضرين

    يااسيوطى مالك ومال المنوفيين يااسيوطى ههههههههههه
    بقى كدة يااسيوطى وبعدين المنايفة فى الغربة احسن ناس يااسيوطى :d:d
    شكلى هشمع القهوة دى :d:d
    انت منين يااسيوطى ??

  6. #5121
    الصورة الرمزية elasuty™
    تاريخ التسجيل
    Jan 2009
    المشاركات
    3,391
    عادى ياريس هههههههههههههه

    محدش جاى و جايب فسيخ معاة انا نفسى فية هههههههههههههههههههههه

  7. #5122
    تاريخ التسجيل
    Dec 2007
    المشاركات
    358
    الله ينور عليك ياعمده ..... فعلا انا صاحبي عمل خروج نهائي وجي بعدها ب 20 يوم بالظبط على كفيل تاني

  8. #5123
    الصورة الرمزية elasuty™
    تاريخ التسجيل
    Jan 2009
    المشاركات
    3,391
    طب ماواحد هيجى و يسئل بحالة انة نزل اجازة و معاة فيزا لكفيل تانى يبقى اية وضعة

  9. #5124
    تاريخ التسجيل
    Sep 2010
    المشاركات
    13
    السلام عليكم ورحمة الله وبركاته


    كل سنه وانتو طيبين وبخير دايما ان شاء الله

    كان عندى شويه استفسارات ضروريه

    انا طبيب بيطرى وهسافر المملكه بعد العيد ان شاء الله بفيزا عامل وهنزل على الخبر الشماليه ان شاء الله ......... وناوى ادور على وظيفه مندوب دعايا طبيه فى احد شركات الادويه ( medical rep ) واهم حاجه اعرف اخد رخصه القياده السعوديه فكنت عاوز استفسر بس حكايه الرخصه دى سهله وبتاخد وقت قد ايه على ما تخلص ؟ وببتكلف قد ايه ؟

    وبالنسبه للسكن انا ليا قرايبى هناك احتمال انزل عندهم ان شاء الله بس انا حابب اشوف سكن خاص ليا فعاوز اعرف الحكايه دى سهله ولا مكلفه وكنت سمعت ان ممكن انا وكام مصرى لسه نازلين البلد نشترك فى شقه يعنى الموضوع ده نظامه ايه؟

    ياريت حد يفيدنى يا رجاله وجزاكم الله كل خير

  10. #5125
    الصورة الرمزية OMDA 2007
    تاريخ التسجيل
    Mar 2010
    المشاركات
    1,010
    اقتباس المشاركة الأصلية كتبت بواسطة elasuty™ مشاهدة المشاركة
    طب ماواحد هيجى و يسئل بحالة انة نزل اجازة و معاة فيزا لكفيل تانى يبقى اية وضعة

    هنا بقا يا أسيوطي الوضع يختلف تماما ً :-

    هناك عدد من الإحتمالات :-

    1- لو نزل أجازة ومعاه تأشيرة جديدة - وإستني في مصر لحد ما تأشيرة الخروج والعودة بتاعته تنتهي بس الإقامة سارية المفعول

    أطمنك وأقولك هيرجع من المطار .. ولو دخل ( وحصلت مع ناس كتير ) كفيلة لو بلغ عنه هروب هيترحل ..

    فية بعض أصحاب العمل في الحالات دي بيستني العامل يرجع من أجازتة لو مرجعش بيروح مبلغ عنه هروب ويقول نزل اجازة ومرجعش تاني .. علشان الكفيل يسترد التأشيرة دي ويجيب عليها عامل جديد وميخصرهاش ,, لو اتقفشت بقا في المطار عليه العوض ومنة العوض .. وحصلت مع واحد دفع 18 ألف جنية وإشتري تأشيرة محاسب عام ورجعوة من المطار ..

    2- لو نزل أجازة ومعاه تأشيرة جديدة - وإستني في مصر لحد ما تأشيرة الخروج والعودة بتاعته تنتهي وكماااااااااان إقامته إنتهت

    أطمنك وأقولك فية ناس عدّت بالفعل وناس تانية حصل معاهم التالي :-

    موظف الجوازات بالحرف الواحد بيتصل بالكفيل القديم والكفيل القديم بيشيعة ومش بيدخل من باب المطار

    لذا وبناءً ع ما سبق فالخروج والعودة علي كفيل جديد .. إحتمال 50 % يرجع وأحتمال 50 % ميرجعش ,,

    الوضع الآمن أنه ياخد خروج نهائي ودا أريح وهيكون مطمئن


    ع فكرة للمرة الثالثة أنا بقول الكلام دا وأنا متأكد .. لان خدت شوط جامد في الموضوع دا أيام ما كنت بالسعودية وسألت طوب الأرض ومكنتش مصدق غير لما شوفت حالات فعلية قدام عيني ..

    وكل عام وانت بخير .. ومتخعلش من عزومة المقلوبة :d

  11. #5126
    تاريخ التسجيل
    May 2009
    المشاركات
    19,416
    اقتباس المشاركة الأصلية كتبت بواسطة omda 2007 مشاهدة المشاركة
    لا اله الا أنت سبحانك اني كنت من الظالمين

    سفارة مين اللي هتديك تاشيرة عللي جوازك وهوه عليه تأشيرة تانية ..
    السفاره السعوديه فى بلدك طالما عندك اخلاء طرف من كفيلك الاول
    وتم الحصول على تاشيرة خروج نهائى منه وليس له اى مطالبات او اضرار من عملك لدى مكان اخر
    صديق ليا نزل نهائي وكنت في شهر 2 اللي فات دا معاه وهوه بيعمل الفحوصات الطبية وكدة قولتله يابني غير جوازك يطلعلي إخلاء الطرف .. ياحبيبي غير جوازك برده مش راضي يسمع الكلام .. بعد ما صرف مصاريف الكشف الطبي وقبلها طلّـع رقم النت وقرف وبهدلة السفارة رفضت تديلة التأشيرة !!!

    هاتولي واحد في جمهورية مصر العربية جوازة عليه تأشيرتين للسعودية ( عمل )
    كثير جدا موجدين معنا هنا بالرياض
    وانا واحد منهم ولى تاشيرتن عمل على نفس الجواز
    يا سيدي الفاضل :- تغيير الجواز علشان حاجة واحدة بس وهيا أنك تاخد تأشيرتك علي جوازك من السفارة في مصر .. ليس له أي علاقة بنظام البصمة أو غيرة ,,

    نظام البصمه بالمملكه ليس له اى علاقه برقم الجواز او بياناته
    فقط له علاقه ببصمة العين واكيد هذه لم تتشابهه
    ثانيا ً مكتب العمل ليس الجهة المختصة علشان تسأله هل لو خرجت نهائي أرجع تاني ولا لأ .. دي خاصة بالجوزات ..
    التاشيرات الخاصه بالعمل وحتى الزياره التجاريه او الشخصيه
    تصدر من مكتب العمل بالموافقه وتصدر بها الموافقه للخارجيه
    انا لا ادرى انت اين اقامتك بالخليج لكن هذا المعمول به بالسعوديه

    ع فكرة انا كان ناقص أعمل شات مع موظف في الجوزات وعرفت منه كل دا + 4 أصدقاء ليا أخدوا خروج نهائي ورجعوا تاني عادي جدا ً ولا إخلاء طرف ولا الهوا

    عزيزى الجوازات جهه تنفيذيه لقرارات مكتب العمل التى تصدر منها التاشيرات للخارجيه
    وياتى دورها فى متابعة المقيم من اصدرار اقامه وخروج وعوده وخلافه
    بلاش التعقيدات دي الله يصلح حالكم مش كفاية اللي شايفينه في السعودية من أصحاب العمل ..
    مش تعقيدات بالعكس هذا ضمان لحقوق الشخص المغترب
    ويمكنك مراجعة قانون العمل والعمال السعودى البند 14 فقره (ه)
    والتى تحد العالقه بين صاحب العمل والمكفول

    دلوقتي أصحاب العمل بيستغلوا ( كلمة خروج نهائي ) لأن ليها خضــه ورهبــة علشان يخوف الموظف عنده .. يقولة لتشتغل كذا لا اما اديك خروج نهائي والموظف ياعني يقول خروج نهائي هوه انا ناقص ويشتغل .. وهوه ميعرفش انه لو اخد خروج نهائي يقدر يرجع تاني عااااااااااادي

    هذا الكلام ضد صاحب العمل لان استخراج التاشيرات الان
    به صعوبه غير عاديه من مكتب العمل خصوصا بعد قرارات السعوده

    عاما ً انا قولت اللي عندي ومتأكد منه 1000000 % - وأتمني أي حد يقول حاجة في الموضوع دا بالذات يكون عن تجربة وحاجة موجودة فعليا ً سيبك انتة من الإجراءات النظامية لانك لو سألت اي حد من الجوازات هيقول ممنوع من دخول البلد 5 سنوات وواحد تاني يقول 3 سنوات وواحد يقول سنتين والأخير يقولك يدخل عادي .. ياعني كلة كلام فارغ وعلي فكرة مفيش لحد النهارده حد خرج نهائي ورجع والجوازات رجعتة تاني من المطار ..
    هناك 9 اشخاص واعتقد كانوا بضيافة معتز فى 90 دقيقه
    لانهم رحلوا من السعوديه ورجعوا بجوازات جديده تاشيرات جديده وتم عدم دخولهم من واقع بصمة العين ويمكنك مراجعة ارشيف قناة المحور والاستعلام عن الحلقه وتتعرف على المشكله كاملة

    إلا بقا اللي يقصدها أخونا صقر العروبة : اللي يخرج أجـــــــــازة ويرجع ع كفيل تاني حتي ولو تأشيرة أجازته وإقامته إنتهت .. فيه ناس دخلت تاني وناس رجعت دا بالنسبة للي واخد تأشيرة خروج وعودة ,,

    اما الخروج النهائي فأمرة محسووووم ومفيش فيه كلام ..

    هذا من واقع قوانين مكتب العمل السعودى ويمكن للجميع الدخول للموقع الخاص بنظام العمل والعمال للتعرف على كيفية

    الحصول على كل ما سبق دون اى مشكله او اعتراض من كفيلك الاول

  12. #5127
    تاريخ التسجيل
    May 2009
    المشاركات
    19,416
    اقتباس المشاركة الأصلية كتبت بواسطة elasuty™ مشاهدة المشاركة
    تمام و ليد باشا


    يعنى الان لو خرج ودخل بلا مشاكل من حق كفيلة انة يقدم شكوى لو عرف انة رجع ولا كدة خلاص

    والغالبيه بتعمل مشاكل يا محمد

    لانه بيرجع دون علمه وبيكون اغلبها نوع من الابتزاز لانه غالبا ما يكون بحاجه له

    ولكن عند منه ضد الشخص ولذلك اخلاء الطرف هو الضمان ضد اى محاوله مما سبق ذكره

  13. #5128
    الصورة الرمزية elasuty™
    تاريخ التسجيل
    Jan 2009
    المشاركات
    3,391
    تمام وليد بيك على المعلومات

    عمدة بالامارات

  14. #5129
    تاريخ التسجيل
    May 2009
    المشاركات
    19,416
    اقتباس المشاركة الأصلية كتبت بواسطة elasuty™ مشاهدة المشاركة
    تمام وليد بيك على المعلومات


    عمدة بالامارات
    تسلم يا محمد

    ولنت فين يا بنى ولا العيد واخدك مع الزحمه عندك

    وقلى اخبار المطر ايه ان شاء الله يكون الجو جميل فى العيد

    واستعد يا بطل هنفطر العيد عندك فى ابها

    عاوزين نشوفك يا حماده
    واوعه تطلع الفسيخ لحسن العيال ايلى معايه طالعين من مجاعه

    هههههههههههههه

  15. #5130
    الصورة الرمزية The Angel ®
      The Angel ® غير متصل ربِ اغفِرْ لِي ولوَالديَّ
    تاريخ التسجيل
    Sep 2007
    المشاركات
    17,825
    انا فاكر انى شوفت الموضوع ده قبل كده
    ان شاء الله أحاول اكون متواجد معاكم فى الموضوع الجميل ده
    أخوكم د/سيد

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك