موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 47 1 2 3 11 ... الأخيرةالأخيرة
النتائج 1 إلى 15 من 697
Like Tree1Likes

الموضوع: {{- الاجراءات اللازمة للسفرللسعودية + استفسارات راغبي السفر -}}

  1. #1
    الصورة الرمزية ozoozo2007
    تاريخ التسجيل
    May 2007
    المشاركات
    56

    {{- الاجراءات اللازمة للسفرللسعودية + استفسارات راغبي السفر -}}

    بسم الله الرحمن الرحيم








    انا وجدت ان في ناس كتير لايصه في موضوع اجراءات تاشيره العمل بتاعه السعوديه عشان كده هاعمل الملف ده خطوه خطوه


    1-بعد ما الكفيل يكلمك في التليفون انك اتقبلت ونجحت في المقابله يروح هو باعت جواب الوكاله علي مكتب السفريات الي بيتعامل معاه في مصر + العقد 0(القنصليه لا تتعامل مع افراد انما مع مكاتب التسفير المعتمده لديها فقط)
    2-تروح المكتب وتمضي العقد وتاخده معاك عشان تروح التامينات تغير البطاقه بالمهنه اللي في العقد عشان لازم المهنه تطابق مع الجواز
    3-تروح التامينات في شارع الالفي وتروح تامينات العاملين بالخارج وتدفع 80 دولار وتكون جايب معاك ورق بطاقه مستعجل من العباسيه ب75 جنيه(بتطلع بعد 3 ايام) عشان يتختم بس في مشكله هنا لو انت في شركه خاصه ومتأمن عليك لازم تطلع من التامينات بتاعتها ولو في الحكومه يبقي لازم اجازه.
    4-بعد كده تاخد ورق البطاقه المختوم وتروح العباسيه وبعد3 ايام تاخد البطاقه الجديده bravo.gif مبروك يا نجم
    5-تروح للجوازات اللي انت تبعها وتاخد صورتين خلفيه بيضاء ولو معاك الباسبور القديم تاخده عشان يتلغي وتطلع البازابورت المميكن الجديد بتاع البني أدمين وتدفع 110 جنيه وتاخده بعد يومين
    6-في اليومين دول تروح الجامعه توثق الشهاده بتاعتك من امين عام الجامعه ولو انت طب او صيدله لازم الشهاده الكارتون غير كده ممكن المؤقته
    7-بعد الجامعه تروح اي مكتب تصديق للخارجيه وتدفع 11 جنيه وتاخد الشهاده
    8-غالبا هتلاقي المهنه لاتناسب المؤهل الدراسي بتاعك يبقي لازم شهاده خبره ودي تشوفلك اي حد معاه سجل تجاري وتاخده الشهر العقاري وتكون مظبط شهاده خبره بنفس المسمي الوظيفي ولازم يكون السجل متجدد وبعد كده تروح الخارجيه توثقها زي الشهاده. وفي خطوه كمان مكتب السفريات بيعملها في الحاله دي انه يجيب جواب من الكفيل انه عارف ان مؤهلك غير المهنه بس هو عايزك انت بالذات هما معاهم صيغه معروفه.
    9-بعض المهن تحناج شهاده قياس مهاره ودي تروح مكتب العمل تعملها وغالبا المهن دي زي فني اي حاجه او عامل اي حاجه تحتاج مهاره زي ميكانيكي ومبيض..... الخ
    10-اخ احنا نسينا الجواز زمانه اتحرق اوكي تروح الجوازات تاخد الباسبور وبعد كده تاخد الورق ده كله في زكيبه وتروح مكتب السفريات.
    11-مكتب السفريات هايعملك تسجيل علي النت بتاع شركه التاشيرات الالكترونيه الجديده انجاز ويديلك الرقم
    12-تاخد الرقم وتروح بيها معامل وزاره الصحه بشارع الشيخ ريحان (تنزل مخطه مترو السادات وتسأل هناك)عشان تحليل الفيروس وتدفع 120 جنيه وصورتين خلفيه بيضاء
    13-بعد مايخدوا العينه هايدولك كارت تستلم بيه بعد 3 ايام وطبعا من غير ما اقول لازم تكون هناك الساعه 8 او 8.30 عشان تكون علي الساعه 10 او 11 مخلص بعد كده تطلع تتمشي من الوزاره الي شركه جامكا GAMCA في 6 شارعه عاءشه التيموريه بجاردن سيتي امام قسم قصر النيل هاتديهم الباسبور علي الباب وتقعد 10 دقايق وبعدين هايدولك جواب تحويل لمستشفي من خمس مستشفيات تبعهم
    14-تاخد الجواب وتروح المستشفي اللي كاتبينها في الجواب وتروح المستشفي وتدفع 180 جنيه ويعملولك شويه تحاليل وكشف نظر وباطنه ويقلعوك البنطلون اي والله مش عارف ده كشف ايه وتاني يوم تيجي تاخد النتيجه وممكن تخليها مع نتيجه الفيروس عشان يبقي مشوار واحد
    15-شوفت نسبنا ايه يامعلم ... الفيش تروح بصورتين خلفيه بيضاء تعمل فيش وتكتب فيه الغرض السفر للسعوديه
    16-تجيب زكيبه تانيه غير الاولانيه اللي اتملت وتعبي بقيت الورق وتطلع علي مكتب السفريات وتديله 3صور خلفيه بيضاء
    17-المكتب يقدم الورق للقنصليه يوم الاحد او التلات والتأشيره تاخدلها 10 ايام وبعد يومين من التقديم لو ما اترفضش الورق يبقي كده تمام.
    [الي اللقاء في الجزء التاني ....... اجراءات ما بعد التأشيره[]



    التعديل الأخير تم بواسطة ,KING; 25-12-2010، الساعة 07:31 PM

  2. #2
    الصورة الرمزية mora_badr
    تاريخ التسجيل
    Apr 2007
    المشاركات
    173
    موضوع هايل ومنظم فعلا ربنا يوفق يوفقك
    بالنسبة لموضوع التسجيل علي النت ده بيتعمل عن طريق مكتب السفريات في السفارة ولا فين ؟( بيتكلف 100 جنيه وصورتين ).
    انت دلوقتي في السعودية ولا في مصر؟ وايه اخبار اسعار تذاكر الطيران ؟وشركة سما سمعت انها رخيصة

  3. #3
    الصورة الرمزية ozoozo2007
    تاريخ التسجيل
    May 2007
    المشاركات
    56
    اقتباس المشاركة الأصلية كتبت بواسطة mora_badr مشاهدة المشاركة
    موضوع هايل ومنظم فعلا ربنا يوفق يوفقك
    بالنسبة لموضوع التسجيل علي النت ده بيتعمل عن طريق مكتب السفريات في السفارة ولا فين ؟( بيتكلف 100 جنيه وصورتين ).
    انت دلوقتي في السعودية ولا في مصر؟ وايه اخبار اسعار تذاكر الطيران ؟وشركة سما سمعت انها رخيصة

    تسجيل النت عن طريق مكتب السفريات اللي بيخلص الورق وتكلفته 10.5 دولار + عموله المكتب=حوالي 100 جنيه
    انا لسه ماسفرتش هاسافر انشاء الله كمان اسبوعين وفعلا طيران سما وناس رخيص فعلا وممكن تلاقي اسعارهم علي المواقع بتاعتهم لانها بتختلف من وقت للتاني لكن المشكله انهم بيوصلوا اسكندريه وليس مطار القاهره

  4. #4
    الصورة الرمزية ozoozo2007
    تاريخ التسجيل
    May 2007
    المشاركات
    56
    ايه محش عايز يروح السعوديه ولا ايه؟؟؟؟؟؟؟؟؟؟؟؟؟ فين الاسئله

  5. #5
    الصورة الرمزية mora_badr
    تاريخ التسجيل
    Apr 2007
    المشاركات
    173
    انا احب اشكر الاخ ozoozo2007 علي موضوعه الجميل واللي هيفيد فيه ناس كتير وانا استفدت شخصيا منه كتير

    وكان ليا استفسار صغير لما مكتب السفريات بيعملي تسجيل علي النت بياخد جواز السفر ولا صورة منه وهو رقم النت ده بيبقي رقم بيطبع علي جواز السفر نفسه ولا رقم بيقولهولي في التليفون مثلا واكمل علي اساسه الكشوفات الطبية وأخد معاك وقت اد ايه علي مستلمته

    مع الشكر
    التعديل الأخير تم بواسطة mora_badr; 07-10-2008، الساعة 12:38 PM

  6. #6
    الصورة الرمزية toto21008
    تاريخ التسجيل
    Mar 2008
    المشاركات
    235

    Flag Egypt شكرا

    موضوع منظم و فعلا استفدت منه شكرا جزيلا
    فاضل حاجة صغيرة .... أين فرصة السفر ؟

    أنا محاسب خبرة 3 سنوات فى شركة تجارية و ابحث عن فرصة سفر من حوالى سنة و لاحياة لمن تنادى ....

    دعواتك

  7. #7
    الصورة الرمزية ozoozo2007
    تاريخ التسجيل
    May 2007
    المشاركات
    56
    اقتباس المشاركة الأصلية كتبت بواسطة mora_badr مشاهدة المشاركة
    انا احب اشكر الاخ ozoozo2007 علي موضوعه الجميل واللي هيفيد فيه ناس كتير وانا استفدت شخصيا منه كتير

    وكان ليا استفسار صغير لما مكتب السفريات بيعملي تسجيل علي النت بياخد جواز السفر ولا صورة منه وهو رقم النت ده بيبقي رقم بيطبع علي جواز السفر نفسه ولا رقم بيقولهولي في التليفون مثلا واكمل علي اساسه الكشوفات الطبية وأخد معاك وقت اد ايه علي مستلمته

    مع الشكر
    رقم النت ده عباره عن تسجيل بياناتك علي موقع انجاز ودي شركه تتعاون مع السفاره لتسهيل دخول البيانات وممكن بصوره الباسبور بدخل بياناتك في 5 دقايق وتاخد الرقم حتي ولو بالتليفون -بس يفضل انه يكون مطبوع

    ارجو من الاخ تامو انه يثبت الموضوع عشان هو مدفون وسط المنتدي واعتقد انه موضوع مهم هايفيد كتير لاني انا شخصيا كنت لايص اول مابتديت الاجراءات وكان نفسي حد ياخد بايدي

  8. #8
    الصورة الرمزية biyankoo
    تاريخ التسجيل
    Mar 2005
    المشاركات
    814
    طيب دلوقتي لو جاتلك فيزة عامل مثلا او اي وظيفه تانيه غير وظيفتك الاساسيه

    بيبقي سهل تغيير المهنه في البطاقه و تغيرها بعد كده في الباسبور عشان تطابق الفيزا

    و لما تروح السعوديه ببتتغير الي مهنتك الاساسيه

    علي فكره انا بتكلم علي اساس لنت هتطلع بفيزه مش رايح عقد
    التعديل الأخير تم بواسطة biyankoo; 08-10-2008، الساعة 03:40 AM
    DON'T FOLLOW ME .. COZ I AM LOST TOO

  9. #9
    الصورة الرمزية mora_badr
    تاريخ التسجيل
    Apr 2007
    المشاركات
    173
    اقتباس المشاركة الأصلية كتبت بواسطة biyankoo مشاهدة المشاركة
    طيب دلوقتي لو جاتلك فيزة عامل مثلا او اي وظيفه تانيه غير وظيفتك الاساسيه

    بيبقي سهل تغيير المهنه في البطاقه و تغيرها بعد كده في الباسبور عشان تطابق الفيزا

    و لما تروح السعوديه ببتتغير الي مهنتك الاساسيه

    علي فكره انا بتكلم علي اساس لنت هتطلع بفيزه مش رايح عقد
    الكلام ده مظبوط ولو سمحلي الاخ ozoozo2007 اني ارد بالنيابة عنه لان الموضوع ده حصل معايا ومريت بالتجربة دي انا جالي فيزا حرة بمهنة حداد مسلح وده استلزم اني اغير المهنة في البطاقة وجواز السفر بس المشكلة ان فيه بعض المهن زي حداد او نجار او مهن البناء والاخشاب لازم بتتطلع الاول شهادة قياس مستوي المهارة من تصاريح العمل علشان تقدر انك من خلال الشهادة دي تختم استمارة بطاقة الرقم القومي من نقابة مهن عمال البناء والأخشاب وكمان هتحتاج الشهادة دي بعد ماتوثقها في الخارجية علشان تقدمها مع باقي ورقك في السفارة ( مهنة عامل او عامل عادي مش هتحتاج انك تعمل شهادة قياس مستوي المهارة ونقابة العمال هتختملك علي طول استمارة البطاقة بعد ما تسدد مصاريف اشتراكك في النقابة ).
    وربنا يوفق الجميع وان شاء الله هقولكم بالتفاصيل ازاي بتتطلع شهادة قياس مستوي المهارة .
    التعديل الأخير تم بواسطة mora_badr; 08-10-2008، الساعة 08:16 AM

  10. #10
    الصورة الرمزية ozoozo2007
    تاريخ التسجيل
    May 2007
    المشاركات
    56
    زي ما قال الاخ مورا وهانكون شاكرين لو كلمنا علي قياس المهاره
    وبالنسبهلموضوع الفيزا الحره فاللمره المليون مفيش حاجه اسمها كده انت بتروح علي وظيفه وعقد عند كفيل معين بس الكلام ده بيبقي صوري والكفيل بيسيبك تشتغل في اي مكان فعسان كده مفيش قبزا من غير عقد حتي لو صوري وبالعقد ده تقدر تغير المهنه

  11. #11
    الصورة الرمزية mora_badr
    تاريخ التسجيل
    Apr 2007
    المشاركات
    173

    شهادة قياس مستوي المهارة

    ان شاء الله هنتكلم النهاردة علي موضوع شهادة قياس مستوي المهارة
    والشهادة دي بتحتاجها لما تكون المهنة اللي في العقد بتاعك مهنة حرفية او فنية زي (مهن البناء والاخشاب زي حداد او لحام او نجار او عامل بناء او كهربائي او فني ....... )
    والشهادة دي هتستخدمها في تغيير المهنة في البطاقة الشخصية علشان بعد كده تغير المهنة في جواز السفر وكمان هتحتاج تقدمها مع ورقك في السفارة بعد متوثقها من الخارجية علشان تاخد التأشيرة ان شاء الله .

    ودلوقتي الشهادة دي هتطلعها ازاي ؟
    هتروح مكتب العمل او مكتب التشغيل اللي في مكان اقامتك وده بيبقي تابع لوزارة القوي العاملة والهجرة
    هتعمل حوالة بريدية بمبلغ 40 جنيه لحساب مدير عام القوي العاملة في المحافظة اللي انت تابع ليها ( او زي ما مكتب العمل يقولك بالظبط ) + صورة البطاقة وبعدين هيديلك ميعاد علشان تعمل اختبار وده بيتعمل في اي مدرسة صناعية وده عادة بيبقي اجراء روتيني وان شاء الله الكل ينجح فيه
    تروح تاني يوم تستلم شهادة قياس مستوي المهارة
    تروح بعد كده علي نقابة مهن البناء والاخشاب او نقابة العمال وتدفع هناك 15 جنيه رسوم عضوية النقابة وهتاخد ايصال بالمبلغ وشهادة عضوية بالنقابة وكمان هتختم استمارة بطاقة الرقم القومي من النقابة

    الخطوة التالية توثيق الشهادة من الخارجية :
    لازم تتطلع الاول كارنيه ترخيص مزاولة المهنة من القوي العاملة وده بيطلع من مكتب العمل اللي انت طلعت منه شهادة قياس مستوي المهارة وهتحتاج
    1- حوالة بريدية بمبلغ 30 جنيه لحساب مدير عام القوي العاملة
    2 - شهادة عضوية بالنقابة
    3 - صورة البطاقة وصورة شهادة قياس مستوي المهارة وصورة شخصية
    وتروح تستلم الكارنيه مختوم بختم النسر تاني يوم من مديرية القوي العاملة
    تاخد الكارنيه وشهادة قياس المهارة و مبلغ 11 جنيه وتروح اي مكتب تصديقات تابع لوزارة الخارجية علشان تصدق علي الشهادة

    عناوين مكاتب التصديقات في الجمهورية :
    http://www.mfa.gov.eg/MFA_Portal/ar-...on+offices.htm

    ويارب اكون قدرت افيدكم

  12. #12
    الصورة الرمزية mora_badr
    تاريخ التسجيل
    Apr 2007
    المشاركات
    173
    السلام عليكم ورحمة الله وبركاته

    عايز اسأل الاخ ozoozo عن بعض النقاط بالنسبة لبعد الوصول للسعودية
    اولا تغيير المهنة هل تقدر تغير مهنتك من عامل او حداد الي مهنة اخري محاسب مثلا او مهندس وازاي بيتم ده ؟؟
    ثانيا نقل الكفالة هل يستلزم كسر الفيزا بمعني الخروج خارج الاراضي السعودية و العودة مرة اخري ؟؟

    مع الشكر
    التعديل الأخير تم بواسطة mora_badr; 15-10-2008، الساعة 09:05 PM

  13. #13
    الصورة الرمزية mora_badr
    تاريخ التسجيل
    Apr 2007
    المشاركات
    173
    ياريت يا جماعة الناس تشارك معانا واللي يعرف معلومة يشارك بيها الناس وياريت اي حد يكلمنا علي اجراءات مابعد التأشيرة ( تصريح العمل واذن السفر ) وكمان اسعار تذاكر الطيران

  14. #14
    تاريخ التسجيل
    Oct 2008
    المشاركات
    60
    مشكووووور والله مافي كلام يوفيك حق قدرك علي المعلومات المفيدة اللي ادتهالنا ولكن انا عندي استفسار لو ليك قريب في السعودية ينفع يعملك استقدام علي كفالته وحاجة تانية معلش هل الشغل في كجال مندوبي المبيعات حلو يعني فيه ناس بقولولي المرتب في العادي ممكن بيبقي 3000ريال من غير العمولة هل ده صح وفعلا هل الشغل كتيير وشكررررررررررررررا

  15. #15
    الصورة الرمزية mora_badr
    تاريخ التسجيل
    Apr 2007
    المشاركات
    173
    فين يا جماعة المصريين اللي في السعودية ياريت يشاركوا معانا ويردوا علي استفسارات الاعضاء وياريت حد يكلمنا عن تغيير المهنة ومتوسط الرواتب وربنا يوفق الجميع .

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك