موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 66 من 142 الأولىالأولى ... 16 56 64 65 66 67 68 76 116 ... الأخيرةالأخيرة
النتائج 976 إلى 990 من 2117
Like Tree24Likes

الموضوع: ۞…۝…۞ اجـــراءات وخطـــوات زواج المصـــري مــن اجنبيــة ۞…۝…۞

  1. #976
    الصورة الرمزية احمد بسيونى عبد
    تاريخ التسجيل
    May 2010
    المشاركات
    371

    قصة زواجى يوم 9/6/2010

    السلام عليكم للجميع .. عاملين ايه ياجماعة .ومتشكر أوى على التهانى وعقبال عندكم ..
    انا جيت النهاردة عشان احكيلكم قصة زواجى بالظبط عشان انتوا كمان ساعدتونى قبل ماأتزوج ..

    خطوة عدم الممانعة من السفارة الامريكية


    انا رحت اجيب مراتى من المطار يوم 8/6/2010 بعد كده خدتها على شقتى ريحنا أول يوم وتانى يوم رحنا على السفارة الامريكية دخلنا قسم خدمة الرعايا الامريكان . الموظفة قالتلنا اهلا ياجماعة قولنالها اهلا بيكى احنا عاوزين عدم ممانعة وأدى الموافقة من اهلها فقالت ليه قولتلها عشان انا خطيبتى 20 سنة وانتوا كاتبين على الموقع الزوجة لو تحت 21 سنة لازم تجيب موافقة من اهلها قالت يعنى انتوا عاوزين عدم ممانعة عشان تتجوزوا قولنالها اه بالظبط ده قالت خلاص شيل الورق ده من هنا وخد الاستمارة دى املاها الاستمارة دى بقا فيها جزء عربى والجزء التانى انجليزى انت هتملء الجزء العربى ده بنفسك لمراتك وبعد كده رحت دفعت فى الخزنة 30 دولار بعد كده دخلنا لموظف امريكى خلى مراتى اقسمت انها تريد الزواج من بكامل ارادتها وهو مبتسم وكده او كده انا ومراتى اصلا متزوجين على الطريقة الاسلامية قبل ما تنزللى المهم الموظف الامريكى مضى على عدم الممانعة وقالنا أور كونجراتيليشن يعنى مبروك :) ..


    خطوة الزواج فى وزارة العدل ..

    خدت مراتى وطلعت على مكتب وزارة الخارجية اللى فى المهندسين احمد عرابى صدقنا على عدم الممانعة وبعد كده على مجمع التحرير عشان احول فيزا مراتى من سياحية الى اغراض غير سياحية المهم دخلت على شباك خدتلها اقامة لمدة شهر ببلاش وانا واقف بعد كده رحت البريد اشتريت طابع اسرة بخمسين جنيه وبعد كده على وزارة العدل هنا قدمت بطاقتى الشخصية وباسبور مراتى وصور بطايق الشهود و5 صور ليا انا و5 لمراتى وقعدنا شوينا وندهوا علينا المهم الموظف اللى جوه بيسألك انت عاوز تحط مهر كام افضل انك تحط أقل حاجة خالص لأنك مش هتستفيد حاجة دى حاجة روتينية بس يعنى انا متفق مع أهل مراتى على المهر والصدقة من قبل كده عشان هما اصلا عيلة كلها مسلمة المهم الحمد لله كتبت كتابى على خير يوم 9/6/2010 يعنى الموضوع كله خلص فى يوم واحد . المهم الموظف قاللى تعالا خده بعد 5 ايام رحت بعد 5 ايام قالتلى الموظفة ده لسه الورق ماخلصش المهم ظبطتها يعنى رشيتها أحسن حد يفهم غلط قالتلى استنانى شوية وهنده عليك المهم ندهت عليا واستلمن عقد زواجى والحمد لله على خير ..


    الترجمة والتصديق على عقد الزواج ..

    خدت عقد زواجى من وزارة العدل وركبت تاكسى للشهر العقارى اللى فى رمسيس خدت ختم أمين عام دفعت 20 جنيه وبعد كده دخلت على الترجمة ودفعت 40 جنيه وقالتلى الموظفة تعالا خد العقد المترجم بعد 3 ايام رحت الحمد لله استلمت العقد وكتبته فى مكتب كمبيوتر ورجعتلهم تانى وهما ختموا عليه وخدت ختم امين عام تانى وبعد كده خدت ال3 عقود اللى هما عقدين عربى منوزارة العدل والعقد المترجم من الشهر العقارى وطلعت على مكتب الخارجية اللى فى المهندسين برضو وختمت ال3 عقود ب 33 جنيه يبقى العقد الواحد ب 11 جنيه تانى يوم صحينا بدرى انا ومراتى حضرتلنا الفطار بعد كده خدتها وطلعت بيها على السفارة عشان نختم العقد الانجليزى عشان يبقى معترف بيه فى امريكا المهم دخلنا جوا والموظف نفسه خد العقدين العربى والانجليزى ودبسهم فى بعض فى اللحظة دى انا فهمت ليه وزارى العدل اديتنى عقدين عربى عشان مراتى هتأخد معاها واحد مع الانجليزى فى السفارة ويدبسهم فى بعض عشان تستعملهم هناك والتانى ليا انا هنا اقدر استعمله فى مصر المهم دفعنا 30 دولار وختملنا على العقد وكده انا خلصت زواجى احمد لله على خير بسهولة جدااا والله ياجماعة ومراتى كانت فرحانة جدا اننا خلصنا كل حاجة بسرعة وبسهولة كده والحمد لله انا قطعتلها تذكرة ووصلتها المطار وسافرت امبارح بالليل .. :)



    متطلبات وزارة العدل للزواج ..

    المطلوب للزواج ..

    1_عدم ممانعة من سفارة الزوج أو الزوجة ..
    2_طابع أسرة ب50 جنيه ..
    3_ 5 صور 4*6 ليك ولمراتك ..
    4_ 2 شهود ببطايقهم..
    5_صورة من باسبور مراتك وماتنساش تصور الفيزا بتاعتها ..
    6_ صورة من بطاقتك الشخصية ..


    معلومات عامة..



    1_ ماتبقش متوتر وانت جوا السفارة ايأ كان ليه عشان تصديق عشان تأخد عدم ممانعة خليك زى الأسد وماتتوترش .
    طب خلينا اقولكوا حاجة .. واحنا بنجيب عدم الممانعة كان فيه شاب وست كبيرة عشان يجيبوا عدم ممانعة وخدوها قبل فاعادى ياجماعة وماتتوترش لأن ده شغلهم وهما كمان لازم يبتسموا فى وشك جدا السفارة ..

    2_خلى كل أوراقك جاهزة قبل ما مراتك تنزلك عشان تخلص اجرأتك بسرعة ..

    3_كل أوراقك لازم تكون سليمة تجنبا للمشاكل ممكن غلطة بس يحطوك تحت البلاك ليست ..


    احتياجاتك قبل ماتنزلك مراتك ..

    شقة مفروشة نضيفة فى مكان بعيد عن الزحمة عشان تقدر توفر فلوس وبعدين افضل من الفنادق بكتير انت فى شقتك تقدر تخلى مراتك تطبخلك بدل ماتدفع قد كده فى التيك اواى فى الفنادق كل شوية بس لازم الشقة تكون مفروشة فرش نضيف وكويسة عشان تشرفك قدامها وكمان ماتنساش ان انتوا عرسان جداد ...



    تذاكر الطيران لو انت اللى هتقطع زيى ..


    1_دور كتير لحد ماتلاقى سعر مناسب .
    2_ بعد ماتقطع التذاكر لازم تتصل بالشركة اللى انت حاجز عليها عشان تتطمن على تذكرتك بس ماتنسوش النقطة دى ..




    كده بقا أكون خلصت قصة زواجى وياجماعة اللى يحتاج يعرف أى حاجة مايتكسفش انا هنا تحت امركم ..

    بس وربنا وربنا اللى ما هيقوللى شكرا يابو حميد هعوره ..

    والسلام عليكم للجميع .. :)
    التعديل الأخير تم بواسطة احمد بسيونى عبد; 22-06-2010، الساعة 12:03 PM سبب آخر: خط صغير

  2. #977
    اقتباس المشاركة الأصلية كتبت بواسطة احمد بسيونى عبد مشاهدة المشاركة
    السلام عليكم للجميع .. عاملين ايه ياجماعة .ومتشكر أوى على التهانى وعقبال عندكم ..
    انا جيت النهاردة عشان احكيلكم قصة زواجى بالظبط عشان انتوا كمان ساعدتونى قبل ماأتزوج ..

    خطوة عدم الممانعة من السفارة الامريكية


    انا رحت اجيب مراتى من المطار يوم 8/6/2010 بعد كده خدتها على شقتى ريحنا أول يوم وتانى يوم رحنا على السفارة الامريكية دخلنا قسم خدمة الرعايا الامريكان . الموظفة قالتلنا اهلا ياجماعة قولنالها اهلا بيكى احنا عاوزين عدم ممانعة وأدى الموافقة من اهلها فقالت ليه قولتلها عشان انا خطيبتى 20 سنة وانتوا كاتبين على الموقع الزوجة لو تحت 21 سنة لازم تجيب موافقة من اهلها قالت يعنى انتوا عاوزين عدم ممانعة عشان تتجوزوا قولنالها اه بالظبط ده قالت خلاص شيل الورق ده من هنا وخد الاستمارة دى املاها الاستمارة دى بقا فيها جزء عربى والجزء التانى انجليزى انت هتملء الجزء العربى ده بنفسك لمراتك وبعد كده رحت دفعت فى الخزنة 30 دولار بعد كده دخلنا لموظف امريكى خلى مراتى اقسمت انها تريد الزواج من بكامل ارادتها وهو مبتسم وكده او كده انا ومراتى اصلا متزوجين على الطريقة الاسلامية قبل ما تنزللى المهم الموظف الامريكى مضى على عدم الممانعة وقالنا أور كونجراتيليشن يعنى مبروك :) ..


    خطوة الزواج فى وزارة العدل ..

    خدت مراتى وطلعت على مكتب وزارة الخارجية اللى فى المهندسين احمد عرابى صدقنا على عدم الممانعة وبعد كده على مجمع التحرير عشان احول فيزا مراتى من سياحية الى اغراض غير سياحية المهم دخلت على شباك خدتلها اقامة لمدة شهر ببلاش وانا واقف بعد كده رحت البريد اشتريت طابع اسرة بخمسين جنيه وبعد كده على وزارة العدل هنا قدمت بطاقتى الشخصية وباسبور مراتى وصور بطايق الشهود و5 صور ليا انا و5 لمراتى وقعدنا شوينا وندهوا علينا المهم الموظف اللى جوه بيسألك انت عاوز تحط مهر كام افضل انك تحط أقل حاجة خالص لأنك مش هتستفيد حاجة دى حاجة روتينية بس يعنى انا متفق مع أهل مراتى على المهر والصدقة من قبل كده عشان هما اصلا عيلة كلها مسلمة المهم الحمد لله كتبت كتابى على خير يوم 9/6/2010 يعنى الموضوع كله خلص فى يوم واحد . المهم الموظف قاللى تعالا خده بعد 5 ايام رحت بعد 5 ايام قالتلى الموظفة ده لسه الورق ماخلصش المهم ظبطتها يعنى رشيتها أحسن حد يفهم غلط قالتلى استنانى شوية وهنده عليك المهم ندهت عليا واستلمن عقد زواجى والحمد لله على خير ..


    الترجمة والتصديق على عقد الزواج ..

    خدت عقد زواجى من وزارة العدل وركبت تاكسى للشهر العقارى اللى فى رمسيس خدت ختم أمين عام دفعت 20 جنيه وبعد كده دخلت على الترجمة ودفعت 40 جنيه وقالتلى الموظفة تعالا خد العقد المترجم بعد 3 ايام رحت الحمد لله استلمت العقد وكتبته فى مكتب كمبيوتر ورجعتلهم تانى وهما ختموا عليه وخدت ختم امين عام تانى وبعد كده خدت ال3 عقود اللى هما عقدين عربى منوزارة العدل والعقد المترجم من الشهر العقارى وطلعت على مكتب الخارجية اللى فى المهندسين برضو وختمت ال3 عقود ب 33 جنيه يبقى العقد الواحد ب 11 جنيه تانى يوم صحينا بدرى انا ومراتى حضرتلنا الفطار بعد كده خدتها وطلعت بيها على السفارة عشان نختم العقد الانجليزى عشان يبقى معترف بيه فى امريكا المهم دخلنا جوا والموظف نفسه خد العقدين العربى والانجليزى ودبسهم فى بعض فى اللحظة دى انا فهمت ليه وزارى العدل اديتنى عقدين عربى عشان مراتى هتأخد معاها واحد مع الانجليزى فى السفارة ويدبسهم فى بعض عشان تستعملهم هناك والتانى ليا انا هنا اقدر استعمله فى مصر المهم دفعنا 30 دولار وختملنا على العقد وكده انا خلصت زواجى احمد لله على خير بسهولة جدااا والله ياجماعة ومراتى كانت فرحانة جدا اننا خلصنا كل حاجة بسرعة وبسهولة كده والحمد لله انا قطعتلها تذكرة ووصلتها المطار وسافرت امبارح بالليل .. :)



    متطلبات وزارة العدل للزواج ..

    المطلوب للزواج ..

    1_عدم ممانعة من سفارة الزوج أو الزوجة ..
    2_طابع أسرة ب50 جنيه ..
    3_ 5 صور 4*6 ليك ولمراتك ..
    4_ 2 شهود ببطايقهم..
    5_صورة من باسبور مراتك وماتنساش تصور الفيزا بتاعتها ..
    6_ صورة من بطاقتك الشخصية ..


    معلومات عامة..



    1_ ماتبقش متوتر وانت جوا السفارة ايأ كان ليه عشان تصديق عشان تأخد عدم ممانعة خليك زى الأسد وماتتوترش .
    طب خلينا اقولكوا حاجة .. واحنا بنجيب عدم الممانعة كان فيه شاب وست كبيرة عشان يجيبوا عدم ممانعة وخدوها قبل فاعادى ياجماعة وماتتوترش لأن ده شغلهم وهما كمان لازم يبتسموا فى وشك جدا السفارة ..

    2_خلى كل أوراقك جاهزة قبل ما مراتك تنزلك عشان تخلص اجرأتك بسرعة ..

    3_كل أوراقك لازم تكون سليمة تجنبا للمشاكل ممكن غلطة بس يحطوك تحت البلاك ليست ..


    احتياجاتك قبل ماتنزلك مراتك ..

    شقة مفروشة نضيفة فى مكان بعيد عن الزحمة عشان تقدر توفر فلوس وبعدين افضل من الفنادق بكتير انت فى شقتك تقدر تخلى مراتك تطبخلك بدل ماتدفع قد كده فى التيك اواى فى الفنادق كل شوية بس لازم الشقة تكون مفروشة فرش نضيف وكويسة عشان تشرفك قدامها وكمان ماتنساش ان انتوا عرسان جداد ...



    تذاكر الطيران لو انت اللى هتقطع زيى ..


    1_دور كتير لحد ماتلاقى سعر مناسب .
    2_ بعد ماتقطع التذاكر لازم تتصل بالشركة اللى انت حاجز عليها عشان تتطمن على تذكرتك بس ماتنسوش النقطة دى ..




    كده بقا أكون خلصت قصة زواجى وياجماعة اللى يحتاج يعرف أى حاجة مايتكسفش انا هنا تحت امركم ..

    بس وربنا وربنا اللى ما هيقوللى شكرا يابو حميد هعوره ..

    والسلام عليكم للجميع .. :)

    السلام عليكم

    ياريت يا احمد تعمل موضوع منفصل علشان يبقى واضح اكتر للاعضاء



    قنـوات القـرآن الكريـم على YouTube تفضّـلـوا بالزيارة
    www.youtube.com/user/QuranSound

    www.youtube.com/user/SoundQuran





  3. #978
    الصورة الرمزية bedo red sea
    تاريخ التسجيل
    Mar 2010
    المشاركات
    308
    أستاذ أحمد بسيونى

    أولا الف الف مبروك وبتمنا ليك حياة سعيدة والذرية الصالحة

    وشكرا انك بتشاركنا بتجربتك فى الجواز وبصراحة ده بيساعد ناس كتير


    لو تسمح يابو حميد لو تقولى هى الشقة اللى كنت متأجرها انت والمدام فين فى القاهرة وبسعر كام ....ولو كنت تقدر تدلنى على اي شقة مفروشة وبسعر كويس وفى منطقة نضيفة او على فندق يكون محترم واسعاره كويس فجزاك الله خيرا .......... لان انا خطيبتى ( انجليزية) نازلة فى اول أغسطس علشان نمشى فى اجراءات الجواز وانا بصراحة بكره نزول القاهرة بسسب الزحمة والدوشة اللى فيها علشان كده ماليش خبرة فى اماكنها والاسعار هناك .

    و شكرا يابوحميد ..... لما اشوف هتعورنى ازاى ههههههههه

  4. #979
    الصورة الرمزية احمد بسيونى عبد
    تاريخ التسجيل
    May 2010
    المشاركات
    371
    السلام عليكم أستاذ man pro ياريت تفسرلى سؤال حضرتك ومعلش لو كنت لخبطتكوا فى قصة زواجى او مارتبتهاش كويس اصلى لسه جديد معاكوا هنا فى المنتدى ..
    والسلام للجميع ..

  5. #980
    اقتباس المشاركة الأصلية كتبت بواسطة احمد بسيونى عبد مشاهدة المشاركة
    السلام عليكم أستاذ man pro ياريت تفسرلى سؤال حضرتك ومعلش لو كنت لخبطتكوا فى قصة زواجى او مارتبتهاش كويس اصلى لسه جديد معاكوا هنا فى المنتدى ..
    والسلام للجميع ..
    عليكم السلام ورحمة الله وبركاته
    اخبارك ايه يا ابوحميد؟
    قصة الزواج انت كتبتها بشكل جميل ومنظم ومفيش فيها اى مشاكل ان شاء الله
    ولكن انا اقصد انك تكتب مشوار الزواج فى موضوع منفصل
    يعنى تعمله فى موضوع جديد لوحده علشان يبقى اسهل على الاعضاء انهم يشوفوه
    اتمنى انى الفكرة تكون وصلت
    والف مبروك كمان مرة على الزواج الطيب المبارك بأذن الله
    التعديل الأخير تم بواسطة ,KING; 23-06-2010، الساعة 02:16 AM

  6. #981
    الصورة الرمزية احمد بسيونى عبد
    تاريخ التسجيل
    May 2010
    المشاركات
    371
    السلام عليكم أستاذ bedo red sea ..عامل ايه ؟
    انا بالنسبة للشقة اللى كنت مأجرها كانت فى القاهرة المعادى فى مكان اسمه بيتشو امريكان جنب كارفو المعادى بالظبط المكان ده فى قمة الجمال هادى جدا أمن اوى عبارة عن مجموعة ابراج مبنية بنظام واحد بس المشكلة كلها فى المواصلات هى مش متعبة اوى بس مش سهلة يعنى انا لما كنت بنزل التحرير عشان اخلص اوراقى فى السفارة او أفسح مراتى كنت بركب تاكسى من بيتشو امريكان لحد الزهراء يعنى كنت بديله 3 جنيه لانها دقيقتين مش اكتر بعد كده بركب على عرب المعادى من الزهراء وبعدين من عرب المعادى للتحرير كل ده فى ميكروباصات عادى ..

    هو عموما انا زيك حبيت ابعد عن دوشة وزحمة الناس . بس انت لو عاوز مكان كويس ممكن فى الهرم ده انتا لو مش هتقدر على المواصلات الكتير بس الهرم دى مش هادية اوى ومش مزعجة اوى ويعنى الايجار فيها فى حدود 200 جنيه للشهر ده طبعا مفروشة وهتلاقى كتير فى فيصل والهرم اما بالنسبة لشقتى فانا دفعت 1100 فى الشهر و150 للسمسار بس كانت مفروشة فرش كااااامل يعنى كل حاجة ..
    انا رأيى المتواضع يأستاذ bedo انك لازم تقعد مراتك لما تنزل فى شقة نضيفة ومفروشة عشان تشرفك قدامها وانتوا كمان هتبقوا عرسان جداد سيبك من الفنادق لأنك هتصرف كتير على مأعتقد ..
    والسلام للجميع وعقبال فرحك ان شاء الله يا bedo ..

  7. #982
    الصورة الرمزية احمد بسيونى عبد
    تاريخ التسجيل
    May 2010
    المشاركات
    371
    انا تمام والله يأستاذ man pro انا بينى وبينك وماتقولش لحد مش عارف اعمله ازاى موضوع .. :)

    وياريت بقا تدعيلى فى موضوع الجيش لأنى هقدم الأسبوع الجاى ومش عارف هيعملوا معايا ايه وانا متخلف دفعتين فاربنا يستر ..

  8. #983
    الصورة الرمزية احمد بسيونى عبد
    تاريخ التسجيل
    May 2010
    المشاركات
    371
    خلاص يأستاذ man pro انا عملت الموضوع وأسمه الزواج من امريكية وأى خدمة ياباشا :)

  9. #984
    اقتباس المشاركة الأصلية كتبت بواسطة احمد بسيونى عبد مشاهدة المشاركة
    خلاص يأستاذ man pro انا عملت الموضوع وأسمه الزواج من امريكية وأى خدمة ياباشا :)

    الله ينور يا ابوحميد وانا كنت حقولك ازاى تعمل الموضوع
    وتم تثبيت الموضوع لفترة


  10. #985
    الصورة الرمزية mora12345
    تاريخ التسجيل
    Dec 2009
    المشاركات
    30

    No

    اقتباس المشاركة الأصلية كتبت بواسطة ramysamerramy مشاهدة المشاركة
    الي الاستاذ احمد لاظ وباقي الاخوه الاعضاء والمشرفين في هذا القسم
    اريد حلا انا بقالي شهر دايخ علي نموذج قيد فردي وللاسف زي ما قالي احد الاعضاء روح للناس الفارشه علي الارض ومفيش غيرهم هتلاقي عندهم فعلا رحت واتصلت بكل معارفي واصدقائي داخل المكاتب البريديه وكمان رحت العباسيه ولاجدي لاي شي ولا تظبيط نافع ولا سوق سودا نافع ولا اي شي ورجعت لنقطه الصفر برغم اني فعلت كل شي حتي احصل علي هذا النموذج وفي العباسيه طلبهم الوحيد هو النموذج فما هو الحل ؟؟؟

    السلام عليكم فعلا يا جماعه محدش عارف يلاقيها انا لقيت و مش لقيها حد عنده حل تانى ؟؟ لان كده الدنيا بقيه مقفوله وواقفه عليها

  11. #986
    تاريخ التسجيل
    May 2010
    المشاركات
    4

    طلبات عقود الزواج من رومانية

    الاخ العزيز مشكور علي المجهود القدير ومرجوا الاستفسار هل يوجد قانون يمنع المصري المسلم المتزوج من رومانية وكيفية انهاء اجراءت الزواج
    وشكرا اخي الفاضل
    proff_2@yahoo.com

  12. #987
    تاريخ التسجيل
    May 2010
    المشاركات
    4
    هل يوجد قانون يمنع الزواج بين المسلم المتزوج من الزواج برومانية

  13. #988
    الصورة الرمزية megaman2009
    تاريخ التسجيل
    Jun 2007
    المشاركات
    650
    اقتباس المشاركة الأصلية كتبت بواسطة proff_2 مشاهدة المشاركة
    هل يوجد قانون يمنع الزواج بين المسلم المتزوج من الزواج برومانية

    ايوة , لان ممنوع تعدد الزوجات
    ضاع الامل و اي امل فيكي يا مصر
    الاسم بلادي و انتي السبب في هلاكي
    دخلت برجلي اليمين و دفعت الشاي بالشمال
    شمال يمين شحاتين بالملايين
    لله لله حسنة لله و اي اله هذا
    الله برئ منهم و مما يعملون
    يعملون ها ها , ماهو الشحاتة هو ما يعملوه
    عمل , هو الواحد اتجنن ولا ايه
    ده احنا دولة متقدمة العمل بيجي لحد عندك
    ما تيجي نروح علي كافية شوب اللي علي الناصية
    و اقعد و روق و اطلبلك كباية شاي
    اسمع كلام الخبرة
    20 سنة علي الكافية شوب ( القهوة سابقا )
    و مستني الشغل الحكومي ( الميري )
    و فرجه قريب ان شاء الله
    و واحد عناب للزميل الجديد يا واد يا زغلول
    و تحيا جمهورية مصر العربية

  14. #989
    الصورة الرمزية zaza28
    تاريخ التسجيل
    Feb 2010
    المشاركات
    37
    ليا صديقة من بولندا , وفية بينا علاقة شديدة , لمدة اربع سنوات , وكلمتها عن الاسلام بكل معنى راقى جيد لة , وعرفتها كل ما هو صواب وما هو خطأ , واتكلمنا كتير , وحبت الاسلام ودين الاسلام , وجائت الى مصر , واعتنقت دين الاسلام , ورفعت فى مصر دعوة طلاق من زوجها المسيحى , هذا الكلام من حوالى 7 شهور , وانا كل شوبة اروح امد لها اقامة شهر فى شهر , هيا بولندية الاصل , ودلوقتى انا اتزوجتها عرفى من اجل ان اريح نفسى واريحها من المرواح كل شوية لمجمع التحرير , ولما قدمت ورقة الزواج العرفى , المظفة قالتى تعالا بعد خمس ايام علشان تعمل مقابلة مع ضابط المباحث , لية انا مش عارف , ممكن يكون اجراء روتينى , على العموم مش مهم , انا مش عامل اى شيء غلط , انا معى انسانة مسلمة ومعها شهادة اعتناق الاسلام من الازهر الشريف , وليها قضية هنا فى مصر , ومنتظر المحكمة تعطيها الطلاق من زوجها المسيحى , بس كل اللى مزهقنى فى عيشتى بجد , لية مش عايزين يدوها اقامة , وكل حاجة هنا معقدة لية كدة انا مش عارف , عايز اعرف بالظبط اية المفروض انى انا اعملة علشان اخلص من كل دة , وملحوظة كمان , انا سجلت شهادة اشهار الاسلام فى مكتب توثيق الخارجية , دلوقتى لو فية حد عندة اى اجابة صحيحة يقولى , لأننى بجد عايز امشى فى الموضوع صح , وفى اسرع وقت , بارك الله فيكم , والسلام عليكم ورحمة الله وبركاتة , واتمنى التوفيق للجميع ارجو الرد على مشكلتى بسرعة

  15. #990
    الصورة الرمزية zaza28
    تاريخ التسجيل
    Feb 2010
    المشاركات
    37
    السلام عليكم
    عندى سوال بخصوص الجواز من اجنبيه اشهرت اسلامها بمشيخة الازهر انا ذهبت الى المجمع و مع خطيبتى البولندية و اخذت تاشيره لمده شهر وانتهى معاد التأشيرة و ذهبت الى وزراه العدل وجدت ورقه بتعليمات الزواج من اجنبيه و هى وجود ورقه زواج عرفى وختم اغراض غير السياحه وسالت الموظف هناك قلى فى ختم تانى لغير اغراض السياحه بالفعل عقده ورقه زواج عرفى وقهدمتها الى المجمع فهناك موظفه الشباك اخذت منى صورتين من الزواج العرفى و صورتين من البطاقه الشخصيه و صورتين من الباسبور الاجنبى وذلك بعد ما كتبت استماره ووضعت عليها صوره شخصيه لخطيبتى وطوابع وقالت لى تعالى كمان خمسه ايام لعمل مقابله مع المباحث معرفش ليه لو حد عنده اى خلفيه عن الاجراءات الغريبه دى غير الاجرارات المتبعه العاديه زى ما لقتها هنا فى المنتدى ارجوا اقادتى بسرعه الرد واشكركم

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك