موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 4 1 2 3 ... الأخيرةالأخيرة
النتائج 1 إلى 15 من 46
Like Tree0Likes

الموضوع: صيدليـــــــات النهدي - موضوع متكامل ان شاء الله

  1. #1
    الصورة الرمزية βlue_ωheat
    تاريخ التسجيل
    Jun 2007
    المشاركات
    5,929

    27 صيدليـــــــات النهدي - موضوع متكامل ان شاء الله



    " صيدليـــــــات النهدي "







    من فترة طويلة لم اتشرف بوضع موضوع في القسم هنا...لعدم وجود فكرة لموضوع جديد..
    و الحمد لله ربنا اكرمني بفكرة الموضوع ده..
    و هو ناتج عن تجربة واقعية تماما حيث اني اعمل بصيدليات النهدي من حوالي 5 شهور..
    سنتناول في هذه الموضوع النقاط التالية..


    1- صيدليات النهدي كمملكة داخل المملكة
    2- كيفية الالتحاق بالصيدليات
    3- فترة التدريب بصيدليات النهدي
    4- العمل بصيدليات النهدي و نظام الرواتب
    5- مميزات صيدليات النهدي عن اي مكان آخر داخل المملكة..
    6 - للرد علي الاستفسارات (رابط قسم الاستفسارات)


    *********

    1- صيدليات النهدي كمملكة داخل مملكة

    كأي شئ صغير يكبر..
    بدأت صيدلية النهدي صغيرة و كان طموح القائمين عليها كبير جدا جدا..
    فمن صيدلية الي مجموعة صيدليات بجدة ثم الي مئات الصيدليات بالمملكة كلها..
    و كشركة كبري تبحث عن merge محترم انتقت افضل الشركات العاملة بنفس المجال ليظهر في النهاية هذا المارد العملاق ..
    تضم شركة النهدي صيدليات النهدي و صيدليات دان و صيدليات السديس و يبلغ تقريبا عدد الصيدليات ما يقرب من 600 صيدلية في جميع انحاء المملكة..
    توفر مختلف الأدوية للجمهور السعودي..
    يخدم هذه المجموعة مستودع عملاق يوفر ما يحتاجه السوق السعودي من دواء و لا يضاهي هذه المملكة اي صيدلية في السعودية كلها..


    2- كيفية الالتحاق بالصيدليات

    الالتحاق بالصيدليات لن يكون بالغ السهولة كما انه ايضا لن يكون بالغ الصعوبة..
    ستذيد فرصتك في الحصول علي عمل كلما ذادت فترة خبرتك..(يعني سنتين في السوق كويس جدا)
    للشركة وسيط لأحضار العمالة اسمه " شركة المعالي "
    و عنوانها كالتالي..
    22 شارع السخاوي - خلف محطة التعاون - روكسي - مصر الجديدة - القاهرة
    يجب ان تذهب الي العنوان و معك ال CV الذي يحتوي علي ما ينفعك و لا يضرك من معلومات..
    و ستعطي الCV لموظف الاستقبال بالشركة و ترحل..
    سيتم تحديد ميعاد للمقابلة interview تليفونيا..
    و ده حسب التساهيل ...
    ممكن بعد اسبوع من تسليمك الCV
    ممكن بعد شهر
    انت وحظك..
    لكن تذكر انك عملت اللي عليك و رضيت ضميرك.
    بمجرد تحديد ميعاد للمقابلة..
    ستقرأ قدر استطاعتك في كتب الفارما
    و لا اذكي كتابا معينا...
    افتح كتب الكلية...و زاكر كويس فيها
    لييييييييييييه..؟؟
    علشان المقابلة نصها
    فارمــــا
    و النص التاني
    business
    و نص الفارما ده هو اصعب جزء...و تقريبا هايحدد اذا كنت هتقبل او لا..
    يوم الانترفيو..
    تكون كلاسيك
    قميص و بدلة و كرافت
    و معاك صورة من ال CV المُسلّم تقراها كويس لأنه هايسألك من الكلام الموجود جوة..
    لازم تكون واثق من نفسك جدا..
    و هادي علي قد ما تقدر..
    عينك في عين اللي بيكلمك..
    و حاول تكون صريح علي قد ما تقدر
    خد بالك..
    لو عملت الانترفيو الأول و قالوا هانتصل بيك..انت اذا لم توفق - لكن الشركة هاتتصل بيك علشان تعمل انترفيو تاني مرة تاني و ممكن مع صيدليات تاني غير النهدي
    لو قالوا في انترفيو تاني
    كدة ان بنسبة 70 % مقبول و تستعد لأنترفيو الbusiness
    هيسألوك فيه شوية اسئلة عن
    1- العهدة
    2- ال stalk
    3-ال expired
    4- ال target
    ..الخ
    و خلي بالك برضه الأسئلة دي هتتسألها في اي انترفيو لاي صيدلية في السعودية حتي لو كانت في غير النهدي..
    النقطة الأخيرة
    وصلنا ليها..
    خلاص انت اتقبلت..
    بفضل الله..
    هيتبقي ورق منك مهم جدا..
    زي جواز السفر و اصل شهادة التخرج الكارتون و تصريح العمل و اذن السفر و كشف فيروس سي و امتحان البرومومترك علشان تقدر تسافر..
    و ان شاء الله ده هايكون ليه موضوع متكامل هنتكلم عن الاوراق المطلوبة بالتفصيل..
    لكن حتي عمل الموضوع تقدر تعتمد علي تعليمات شركة السفريات
    (المعالي لو نسيتوا )
    و هم هايكونوا بالتليفون معاك خطوة بخطوة..
    ---------
    بالنسبة لأمتحان البرومومترك.

    دي نقطة مهمة جدا..ليه..؟؟
    اولا : ثمن الامتحان ده 700 جنيه مصري يعني مكلف فعلا للشركة (طبعا انت مش هاتدفع حاجة هم هايحجزولك و انت تروح زي الباشا تمتحن ..يبقي لازم تكون مستعد كويس..)
    ثانيا : الأمتحان ده بالحجز و ممكن سفرك يتأخرلا قدر الله لو رسبت لحد ما تمتحن تاني و تلاقي مكان و طبعا دي مشكلة تاني
    ثالثا : الامتحان مش سهل خالص و لا صعب لدرجة الاستحالة...لكن لازم تذاكر..
    هنفتح الكتب اللي قفلناها من ساعة الانترفيو...
    و تذاكر بس المرادي الامتحان اصعب شوية...
    اسئلة في الفارما و الكيمياء العضوية و التحليلة و الكيمياء البيو
    الفارما تمثل 35 درجة من درجات الأمتحان ال 72 ..طبعا لازم يكونوا مضمونين..
    و الباقي متوزعة علي كافة الفروع..


    3- فترة التدريب بصيدليات النهدي

    بعد نجاحك في الانترفيو و مرورك بكافة اجراءات السفر...
    هايتصلوا بيك في الشركة و يحددوا ميعاد السفر..
    بتجهز نفسك..و بتاخد احتياجاتك الاساسية..
    (خلي بالك ليك وزن محدد تاخده معاك الطيارة و تقريبا بيكون 25 كيلو الي 30 كيلو بعد كدة اي وزن ذيادة بتحاسب علي الكيلو ب 25 جنيه..) غير ان في حاجات في السعودية رخيصة و كويسة..
    خصوصا و انت فترة تدريبك هاتكون في جدة..و جدة مدينة تجارية كبيرة و فيها كل حاجة..
    اول ما توصل المطار هتلاقي مندوبين من الشركة في انتظارك..
    و هايخدوك من المطار الي مكان المبيت ..و ده في حي راقي في جدة..ما تقلقش
    علشان يبدأ بعد كدة شهر التدريب..
    صراحة لو فرضنا اني مخلص للشركة بنسبة 99 % فال 1 % ناقص بسبب فترة التدريب..
    و هي اسوأ فترات وجودك بالشركة..
    عبارة عن شهر واحد
    يمر بالطول بالعرض...او باي شكل من الاشكال..
    علشان بسرعة تدخل في فترة العمل..
    و اعذروني مش عاوز اتكلم كتيير عن التجربة دي علشان دي اسوأ تجربة مريت بيها في الشركة..
    لكن ملخصه انك بتحفظ الاصناف في الصيدلية و بتتعرف علي بعض الحالات اللي ممكن تجيلك بالاضافة لكورس ال CPR و طبعا ده مهم علشان يطلعلك ترخيص مزاولة المهنة هناك..


    4- العمل بصيدليات النهدي و نظام الرواتب

    من ضمن افضل مميزات مؤسسة النهدي...نظام الرواتب
    اولا: الراتب بتاعك يتم احتسابه بدقة متناهية فضلا لو في هللة ناقصة بتطالب بيها و بتحصل عليها في الشهر اللي بعده..(محدش حقه بيضيع)
    ثانيا : العمل معظمه computerized يعني مجال الخطأ فيه بيكون قليل جدا..
    كل البيع عن طريق الكومبيوتر...
    ارباحك بتحسبها عن طريق الكومبيوتر
    الطلبية و المرتجعات عن طريق الكومبيوتر..

    ----



    العمل مرتبط بتارجت كمعظم صيدليات المملكة..
    و التارجت معقول مش خرافي..يعني تقدر تحققه بسهولة بما يرضي الله طبعا و بتاخد مكافأة علي التحقيق..
    كذلك ليك قائمة OTC بتشتغل عليها و بيكون ليها ربحية كويسة للصيدلي..نرجع نقول برضه بما يرضي الله
    غالبا بيكون ليك اجازة يومين في الشهر..
    و بيتحسب الاوفر تايم بتاعك علي اساس ان الساعة بساعة و نص شغل..
    اساسي العمل 9 ساعات و انت بتشتغل 12 ساعة يوميا..يعني 3 ساعات اوفرتايم كل يوم طبعا ده شامل اوقات الصلاة..
    ------------
    رواتب النهدي هي اعلي رواتب بالنسبة للصيدليات الخاصة..في المملكة
    و دي ميزة رهيبة هاتعرف كدة اول ما تروح و تتعرف علي زملائك في الصيدليات التانية..
    لكن خدمة العملاء من اعلي انظمة خدمة العملاء بمعني انه مطلوب منك افضل معاملة لزبائن الصيدلية و طبعا ده اكيد لأن الناس دي بتخاف علي سمعتها في السوق جدا..
    -------------------
    هايكون في عهدة اول ما تستلم الصيدلية و هاتمضي باستلامها
    و هاتكون مطالب مع طاقم العمال و المساعدين و زميلك في الصيدلية بالحفاظ عليها و عدم تبديدها لأن دي فلوس المفروض انت امين عليها و النهدي بيسلمك ماله تشتغل فيه..
    حاول ما تقلقش لأن ليك خصومات و مصاريف معينة هاتدخل في العهدة اوتوماتيك كل شهر..و ان شاء الله العهدة تكون بالذيادة ساعة الجرد..
    اهم حاجة تكون يقظ تماما مع العمال و الزبائن...
    - لكن كملحوظة واجب ذكرها مش كل الصيدليات الخاصة في السعودية بتعتمد نظام العهدة..

    5- مميزات صيدليات النهدي عن اي مكان آخر داخل المملكة..

    1 - في مصر لا تتكبد الكثير من التكاليف من اجل السفر..الشركة بتدفعلك كل حاجة..
    2- في بدل سكن معقول بيتصرف لك و في بدل انتقال لو صيدليتك في مكان نائي..
    3- الرواتب بتنزل في ميعادها بالظبط و بتاخد حقك ذي ما قولت قبل كدة بالهللة..
    4- نظام المكافأت ممكن يرفع الراتب بتاعك لأكثر من الضعف بس شد حيلك و اشتغل بما يرضي الله
    5- سمعة الصيدليات قوية جدا في السعودية و ده بيضمن ليك كذا حاجة..؟
    1- تحقيق التارجت
    2- خبرة قوية بعملك في صيدليات النهدي تنفعك في اي مكان بعد كدة
    3- مكانة اجتماعية لأن الناس عارفة ان صيدلي النهدي من افضل الصيادلة في المملكة..
    6- الصيدليات مجهزة علي اعلي مستوي -
    تكيف - حمام - معمل - انذار حريق - اضائة احتياطية في حال انقطاع الكهرباء بالاضافة لوجود معظم الصيدليات في احياء راقية و بجوار مسجد لأداء الصلاة -مساحة مناسبة لوقوف السيارات


    7- فور وصولك الي المملكة تحصل علي قرض من الشركة بضمان الراتب يساوي 1000 ريال..طبعا ده هايسعدك لو انت مش معاك فلوس كفاية و انت رايح

    8- اثناء التدريب مصاريف انتقالك من و الي صيدليات التدريب كلها علي الشركة..
    9- سفرك من و الي مصر كله علي حساب الشركة و علي الطيران السعودي - درجة سياحية
    10 - تحصل علي ذيادة في بدل السكن في حالة انك متزوج و تود احضار اهلك للأقامة معك بالأضافة الي ان مصاريف احضارهم من و الي مصر علي الشركة..

    نقطة اخيرة قبل الانتقال الي الاستفسارات..
    و هي بخصوص مكان العمل..
    بعض الناس و انا كنت منهم انبهر بجدة اثناء فترة التدريب لأنها مدينة كبري..
    و طبعا كله بيحط ايده علي قلبه اثناء التوزيع ( اللي بيكون علي اساس تقييمك في فترة التدريب)
    انا بقول ما فيش اي داعي للقلق..
    كل منطقة في المملكة ليها مميزاتها و عيوبها و جدة لا تخلو من العيوب اضافة الي انها لا تحتوي علي كل المميزات
    بس انا حطيت الملحوظة دي علشان تكون فصل ختام..و اهي كلمة خدها او ارميها..


    6 - للرد علي الاستفسارات
    قم بعمل مشاركة علي هذا الرابط
    الاستفسارات الخاصة بالعمل في صيدليات النهدي



    خالص تحياتي و بالتوفيق للجميع
    اسألكم الدعاء


    كل حقوق النسخ محفوظة لقسم الصيدلة بمنتدي الديفيدي العربي
    و اي نقل او اقتباس لا يتم الا بأذن من كاتب الموضوع


    التعديل الأخير تم بواسطة βlue_ωheat; 28-03-2010، الساعة 03:32 AM
    Watching


    مقال يكرهه السلفيين: حوار مع عالم ازهري - كامل بدون تصرف - بقلمي <img alt="" title="Idea" border="0">

    <img alt="" title="Idea" border="0">
    انا ليبرالي علماني <img alt="" title="Idea" border="0">

    الأستفسارات الجادة فقط سيتم الرد عليها فقط علي الخاص


  2. #2
    الصورة الرمزية Dr M!DO
    تاريخ التسجيل
    Jul 2009
    المشاركات
    12,023
    شكرا يادكتور ع الموضوع


















  3. #3
    الصورة الرمزية totti10it
    تاريخ التسجيل
    Nov 2003
    المشاركات
    5,922
    شكرا يا دكتور على الموضوع

    مرحبا بعودتك للموضوعات العملاقة
    و الحصرية للدى فى دى العربى

    تحياتى

  4. #4
    الصورة الرمزية Dr Mousa
    تاريخ التسجيل
    Jun 2009
    المشاركات
    1,206
    موضوع هايل جدا جدا يا دكتور ايهاب تسلم ايديك يا كبير



    عش كل لحظة فى حياتك ... كأنها أخر لحظة فى حياتك

    عش بالايمان ... عش بالأمل

    عش بالحب ... عش بالكفاح

    ... وقدر قيمه الحيــــاة ...








  5. #5
    الصورة الرمزية Hendawy-99
    تاريخ التسجيل
    Oct 2008
    المشاركات
    704
    ماشاء الله موضوع في منتهي الجمال
    بقالك فترة حارمنا من مواضيعك الجميلة دي
    الف شكر يا دكتور إيهاب

    بس ياسيدي..وجه الحوت وراح دلق الزبادي (-:
















  6. #6
    الصورة الرمزية Dr Mousa
    تاريخ التسجيل
    Jun 2009
    المشاركات
    1,206
    صحيح يا دكتره النهدى هتنزل تعمل مقابلات فى مصر قريب ان شاء الله
    كنت سمعت انها نازله الشهر الجاى
    عندك معلومات عن ميعاد نزولها....


  7. #7
    الصورة الرمزية βlue_ωheat
    تاريخ التسجيل
    Jun 2007
    المشاركات
    5,929
    اقتباس المشاركة الأصلية كتبت بواسطة dr mousa مشاهدة المشاركة
    صحيح يا دكتره النهدى هتنزل تعمل مقابلات فى مصر قريب ان شاء الله
    كنت سمعت انها نازله الشهر الجاى
    عندك معلومات عن ميعاد نزولها....



  8. #8
    الصورة الرمزية any_name2005
    تاريخ التسجيل
    May 2005
    المشاركات
    339
    يشرفنى ان اضع رد فى هذا الموضوع ان د ايهاب فعلا ما سبش اى حاجة ممكن تتقال عن النهدى و انا اشهد بذلك صيدلى نهداوى برضة اخوكم د محمد الفيومى

  9. #9
    الصورة الرمزية ♥МẼЯẪ♥
    تاريخ التسجيل
    Aug 2008
    المشاركات
    13,063
    موضوع جميل اوى على فكره
    وهيفيد ناس كتيره فى العمل
    ميرسى على الموضوع المتكامل











    لا يمكنني إيقاف قلبي عن الإشتياق إليـــــــك ..
    ولا يمكنني منع قلبي من حبــــك .....
    ولا يمكنني ردع قلمي عن كتابة حروف اسمــــك ..
    لو لم يكن بوسعي ان ابقيك بجانبي إلى الأبد ..
    ...ستبقى بقلبي إلى الأبد ♥
    لـو تساقطــ رجال الكــون أمــامـي كـالمطــر فـلن يمـلاً عينـي غيــركِ ,
    وعفــواً يـا جــمـــيــع رجال العالــم ، حظـــاً سعيــداً لـكم ، لَستُـــم مثــل حبيبى أبــداً ..!

  10. #10
    تاريخ التسجيل
    Feb 2006
    المشاركات
    14,053
    تسلم يا د. ايهاب

  11. #11
    الصورة الرمزية drmansoob
    تاريخ التسجيل
    Sep 2006
    المشاركات
    15,004
    تسلم ايدك يا دكتور ايهاب
    كعادتك دوما موضوعاتكـ صاروخيه من طراز ار بي جي
    خالص تحياتي


    ترجمة المواسم الخمسة الأولى من السلسلة الوثائقية ( الكــون )
    -(-( The Universe.S01 )-)--(-( The Universe.S02 )-)-
    -(-( The Universe.S03 )-)--(-( The Universe.S04 )-)-
    -(-( The Universe.S05 )-)-
    ترجمة سلسلة تاريخ العالم لأندرو مار
    -( BBC Andrew Marr`s History of the World )-

  12. #12
    الصورة الرمزية abosrour
    تاريخ التسجيل
    Apr 2008
    المشاركات
    2,742
    شكرا على الموضوع ياباشا






  13. #13
    تاريخ التسجيل
    Sep 2007
    المشاركات
    88
    موضوع اكتر من رائع يا دكتور

  14. #14
    تاريخ التسجيل
    Dec 2005
    المشاركات
    86
    عندي استفسار عن الراتب بيبدا من كام

  15. #15
    الصورة الرمزية MR: PUZZLE®
      MR: PUZZLE® غير متصل أبو مُعــــ؛؛؛؛؛؛؛؛ــــاذ
    تاريخ التسجيل
    Feb 2007
    المشاركات
    6,669
    موضوع جميل ومعلومات ممتازة ...
    بس احب اضيف ان العمل في صيدليات النهدي يحتاج الي بذل مجهود مضاعف بالمقارنة مع اي مجموعة اخري
    لكن تستحق العناء

    سنحيــــــــــــــــــا كرامـــــــــــــــــــــــــــــــاً



ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك