موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 5 1 2 3 ... الأخيرةالأخيرة
النتائج 1 إلى 15 من 62
Like Tree0Likes

الموضوع: شرح وافى لجميع انواع البروتينات (ارجوا التثبيت)

  1. #1
    الصورة الرمزية vampir11
    تاريخ التسجيل
    Jun 2004
    المشاركات
    822

    شرح وافى لجميع انواع البروتينات (ارجوا التثبيت)

    السلام عليكم ورحمة اللة وبركاتة


    والصلاة والسلام على اشرف الخلق سيدنا محمد صلى اللة علية وسلم


    الموضوع دة اول موضوع لية بعد ما المشرفين ادونى اللقب ف منتخب كمال الاجسام ولى الفخر بذلك :icon3100:

    وانا الى كاتبة الموضوع دة زى ماوعدت الكابتن تاتو وارجوا ان الموضوع يعجبة يعنى الموضوع مش منقول من اى

    مكان تانى وممكن تلاقوا فية اخطاء كتير وياريت لو فى اى حاجة غلط قولولى :eusa_naug

    تعالوا بقى ندخل فى الموضوع

    من الاسئلة المتكررة اوى فى المنتدى :5grouphug هوة اية رايكم ياجماعة فى البروتين دة او اية رايكم اجيب البروتين دة ولا اى
    كلام ............؟

    طيب اية رايكم لو نتعلم ازاى نحلل البروتينات الموجودة فى المكملات ونفهم المكونات دى بتيجى منين وعبارة عن اية

    بحيث اننا منسالش نبقى فاهمين المنتج دة مكوناتة كويسة ولا تعبانة لان دلوقتى الواحد بيشوف حاجات مضروبة كتير

    اوى

    وعلشان ميجيلكش واحد تعبان فى الصالة يقولك انتا بتاخد بروتينات يا ابنى حرم عليك كليتك الحق نفسك بقى وروح

    حلل وبطل تاخد الكلام دة دة كلوا كلام فاضى لاعب كمال اجسام منغير مكملات زى سفينة منغير شراع

    من الاخر كدا وعلى بلاطة انتا لو لعبت كمال اجسام لمدة عشرين سنة قدام بدون مكملات جسمك مش حيبقى زى ما انتا

    متوقعة كدا حيبقى جسمك جامد عصب يعنى انما مش ضخم وعلى النقيض لو لعبت فترة بسيطة وانتا بتاخد مكملات

    حتعمل جسم موديل جميل

    ودلوقتى نشرح انواع البروتينات وندخل فى المفيد

    انواع البروتينات الى بيتعمل منها المكملات كتير واهمهم

    1- Whey Protein Isolate
    2- Whey Protein Concentrate
    3- Milk Protein
    4- Meat Proteins
    5- Casein
    6- Soy Protein


    البروتينات دى كلها تعتبر العناصر الاساسية الدلخلة فى انتاج اى مكمل وبتعتبر البروتين الاساسى الى بيقوم علية المكمل

    طيب ماشى احنا كدا عرفنا العناصر الاساسية طيب اية الفرق بينهم

    حنشرح هنا كل عنصر من العناصر دى

    بس معلش حنبتدى ببروتين اللبن وحتفهوا بعد كدا انا لية ابتديت باللبن

    ونقول بسم اللة الرحمن الرحيم


    اولا
    Milk Protein

    يعتبر اللبن من اهم العناصر البنائة للاعب كمال الاجسام وذلك لاحتوائة على نسب كبيرة من البروتينات

    ويعتبر اللبن هوة اهم المصادر الى يستخلص منة عدة انواع من العناصر الاساسية التى ينتج منها المكملات

    ويتكون اللبن من نسبة 83% مياة ونسبة 17% مواد صلبة طيب خلاص عرفنا مية ومواد صلبة طيب ماتيجوا نفصص كدا

    المواد الصلبة دى عبارة عن اية المواد الصلبة دى بتبقى عبارة عن 27%بروتين و 37%كربوهيدرات الى هوا اللاكتوز و

    30%دهون طيب كدا فل اوى خليكوا مركزين معايا كدا علشنان الحتة الجاية دى مهمة اوى

    قولنا المواد الصلبة الى نسبتها 13% بيدخل فى النسبة دى 27% بروتين طيب تعالوا كدا نفصص البروتين دة بيبقى عبارة

    عن اية البروتين دة عبارة عن نسبة 20% واى بروتين ونسبة 80% كازين

    اة كدا يبقى احنا بنستخلص الكازين والواى من اللبن يارب تكونوا مستوعبين الموضوع معايا

    علشان كدا انا قولت ابتدى بشرح اللبن الاول علشان تفهموا منى الى جاى

    وطبعا احنا مش ناسيين مشتقات اللن الى هيا الجبن بانواعها وبالاخص الجبنة القريش لان فيها اعلى نسبة بروتين

    وكدا نبقى ادينا اللبن حقة وزيادة بتاع لترين كمان هههههههه

    كدا بقى نشرح بقيت العناصر للى فهم معايا الى فات والى مفهمش يبقى الى فات مات

    نخش على الى بعدة


    ثانيا
    Whey Protein Isolate

    الواى بروتين ايزولات يعتبر الفئة الذهبية من العناصر الداخلة فى تكون المكملات فى العالم وذلك لعدم احتوائة على

    نسبة فات نهائيا يعنى بيطلع عضلة صافية منغير دهون والواى ايزولات بيشتق من اللبن زى ماش رحتلكم فى الفقرة الى

    فاتت ويعتبر عنصر الواى بروتين ايزولات من افضل العناصر البنائة حيث ان الجسم يقوم بامتصاصة فى حوالى عشرة

    دقائق فقط مما يفيد الجسم بسرعة كما يحتوى الواى ايزولات على سلسللة احماض امينية ضرورية للاعبى كمال الاجسام

    وقد اكدت الابحاث ان استخدام اكتر من 30 جرام من الواى بروتين فى الجرعة الواحدة غير محبز ويفضل استخدام الواى

    بروتين ايزولات مع اللبن وليس الماء حيث ان الكازين الموجود بالبن يبطىء من هضم بروتين الواى ايزولات كما وضحت

    انة يتم هضمة فى عشر دقائق فقط فاللبن يعطية وقت اطول للامتصاص والهضم كما ان الواى بروتين لة القدرة على

    استرجاع النشاط للجسم واصلاح العضلات اثناء التمرين عارفين ان عضلات الجسم بعد التمرين بتكون مرهقة ومحتاجة

    الى كمية بروتين عالية تعوض النقص فى البروتينات الى حصل اثناء التمرين فيعتبر الواى بروتين افضل عنصر يؤخد بعد

    التمرين لتعويض هذا الفاقد

    والشركات النضيفة الى بتعمل واى ايزولات بتحط معاة جلوتامين ودة طبعا غنى عن التعريف بس الحاجة الوحيدة الى

    بتعيب الواى ايزولات هوة سعرة الغالى

    يعنى ممكن تقول ان النوع النظيف من الواى ايزولات بيعدى سعرة بيوصل ل 350 جنية النص كيلو فطبعا كل سنة وانتوا

    طيبين

    وكدا نكون شرحنا الواى بروتين ايزولات

    ندخل على الى بعدة

    [CENTER]
    ثالثا
    Whey Protein Concentrate[/CENTER
    ]

    الواى بروتين كونسينتريت او الواى بروتين المركز

    الواى بروتين الكونسينتريت يعتبر تانى افضل انواع العناصر الداخلة فى تكوين المكملات

    والواى الكونسينتريت يعتبر الاساس لتكوين الواى بروتين ايزوليت اى ان اللبن يعزل منة الواى بروتين كونسيتريت ومن

    الواى بروتين كونسيتريت يتم انتاج الواى بروتين ايزوليت

    وطبعا بعد اكتشاف الواى ايزولات اصبح الواى كونسيتريت عديم الفائدة واصبحت الشركات الرخيصة فقط هى التى

    تنتج هذا النوع من العناصر واصبح الوالا كونسيتريت دة اى حشو يحشوا بية المكمل بتاعهم ويقولك دة واى والسلام

    والناس تاخد وتشرب وهما ولا فاهمين اى حاجة فى اى حاجة شايفينوا رخيص ويقولولك اهوة واى والسلام

    خليكوا معايا بقى فى الى جاى دة علشان مهم جدا برضوا

    ومحدش يتخنق لسة المشوار طووووووووووويل
    :gamesc:
    [CENTER]
    رابعا
    Meat Proteins[/CENTER
    ]

    بروتين اللحمة طبعا الشعب المصرى مبيتوصاش يشوف حتة لحمة يدوبك ترف بعينك متلاقيهاش

    المهم مش حنخبط لانى مصرى ندخل فى المفيد بروتين اللحمة يعتبر افضل مصادر الامداد بالبروتين والطاقة

    وتحتل الدواجن واللحم الاحمر بالاخص مركز كبير فى عالم كمال الاجسام بس خلصنا من جنون البقرطلعتلنا الفلنونزا

    الطيور كل الناس قلقت منها ادعولها بان ربنا يشفيها ويعفى عنها واكدت الدراسات ان المجموعة التى تناولت كمية من

    لحوم الحمراء اكتسبت كتلة عضلية اكثر من المجموعة التى تناولت كمية من الدواجن والتونا بس طبعا دة مش معناة انك

    تقعد تاكل فى لحمة حمرا ةتنفض للدواجن والاسماك الجسم بيحتاج كل الانواع دى بس تحاول طبعا تزود من اللحمة

    الحمرا فى الاكل وانا باكد تانى على الناس النباتين مينفعش ابدا تبنى جسم بدون اللحوم وطبعا مش حنغفل الكرياتين

    الى بيمدك بية اللحوم الكرياتين لية فوائد كتير بيمد الجسم بالنشاط ويعتبر الكرياتين هو غذاء العضلة او زى ما بيقولوا

    كدا مام العضلة ههههههههههههه بيزيد من الكتلة العضلية بطريقة ملحوظة ولكنك تحتاج الى كمية كبيرة من اللحم

    لامدادك بكمية مناسبة بالكرياتين

    [CENTER]
    خامسا
    Casein[/CENTER
    ]

    الكازين هو تانى عنصر يستخلص من اللبن ويعتبر الكازين من افضل العناصر التى تستخدم مع الواى

    ويفضل ان يتم مزج الكازين بالواى ويحفز الكازين العضلة على استخدام كمية بروتين جبدة

    ويفضل استخدام نسبة كبيرة من الكربوهيدرات مع الكازين حيث يستخدم الكربوهيدرات كطاقة فى التمرين بينما

    يستخدم الكازين لزيادة الكتلة العضلية ويتم استخدام نسبة كبيرة من الكربوهيدرات لمنع استخدام البروتين كطاقة للجسم

    ولا تقلق من الدهون فالكازين يمنع تكون الدهون بالجسم بصورة كبيرة

    وعايز ققول ان دى الحاجة الوحيدة الجيدة فى الكازين يعتبر ثالث افضل انواع البروتين بعد الواى

    ندخل بقى على برويتن الصويا


    سادسا واخيرا
    Soy Protein

    بروتين الصويا ممكن نقول علية حشو المكملات الكثير من الشركات اليوم تقوم بوضع بروتين الصويا كعنصر اساى فى

    المكمل وبالذات بمصر وذلك لان استخلاص بروتين الواى سواء كان ايزولات او كونسينتريت او الكازين يستخدم

    تكنولوجيا عالية

    وافضل استخدام لبروتين الصويا استخدامة مع عنصر اخر غنى بالبروتينات

    ومن فؤاد استخدام بروتين الصويا يحمى القلب والاوعية الدموية وذلك بتخفيض ال L D L

    اى انة يمنع تكون الشحوم و الدهون بالاوعية الدموية كما انة يقوم بتقليل نسبة الكوليستيرول بالدم

    كما نعلم جميعا خطر الكوليستيرول على الشرايين والاوعية الدموية

    ويفضل استخدام بروتين الصويا لهؤلاء الذين ياكلون اللحوم بكثرة لان اللحوم تؤدى الى زيادة نسبة الكوليستيرول بالدم

    ولاعبى كمال الاجسام لا يخلوا وجباتهم من اللحم كما شرحت مسبقا

    طيب كدا شرحنا اية هوا الصويا وفوائدة نخش بقى على اضرار استخدام الصويا

    اضرار استخدام بروتين الصويا

    ان استخدام بروتين الصويا لفترة طويلة يؤدى الى حدوث سرطان الثدى ويؤدى ايضا الى حدوث عقم عن الرجال وضلك

    لان استخدام بروتين الصويا لفترات طويلة يؤدى الى حدوث زيادة فى نسبة الاستروجين فى الجسم مما يؤدى الى العقم
    عند الرجال

    ولذلك ينصح بعدم الاعتماد على برويتن الصويا كمصدرك الرئيسى للبروتينات كما هو الحال مع باقى البروتينات وكل

    مازاد عن حدة اتقلب لضدة


    وبكدة اكون انتهيت من شرح العناصر الداخلة فى انتاج المكملات

    وكل الى عليك دلوقتى وانتا رايح تشترى اى مكمل تدخل بقلب جامد انتا بقيت بتفهم خلاص و تدور المكمل دة البروتين

    الاساسى الداخل فى تكوينة اية يا واى ايزولات يا كونسينتريت يا صويا يا كرياتين مثلا(بروتين اللحم) وحتلاقى معاهم

    شوية فيتامينات على زنك على حديد على شوية حركات كدا

    وتشوف بقى انتا احتياجك لاية وفلوسك فى جيبك برضوا قد اية
    ا
    عتقد ان انا كدا شرحتلكم العناصر الاساسية الموجودة بالمكملات وانا كدا ايديا وجعتنى اوى وخسيت النص وصوابعى

    اتكسرت اخش الجيش انا ازاى انا بقى دلوقتى ههههههههههه :XXbazooka

    وفى النهاية ارجوا ان يكون وفقنى اللة فى شرح العناصر الاساسية فى تكون المكملات

    وان يستفيد الاعضاء من الموضوع

    عايز اشوف ردودك الحلوة :glasses9:

    ارجوا الثبيت للموضوع بحيث يكون مرجع لكل العناصر التى تدخل فى تكوين المكملات واى اسالة عن هذة العناصر انا

    وكل اعضاء المنتدى فى الخدمة
    التعديل الأخير تم بواسطة vampir11; 24-04-2006، الساعة 01:32 AM
    توفى الى رحمة اللة تعالى والدى

    لا اطلب منكم سوا الدعاء لة بالرحمة والمغفرة ردد معى
    اللهم اغفر لة (فايز عبدة ) وارحمة
    واجعل قبرة روضة من رياض الجنة
    اللهم انسة فى وحدتة ووحشتة يا ارحم الراحمين
    اللهم انك عفو كريم تحب العفو فاعفو عنة وتجاوز عن سيئاتة
    واغفرلة يا ارحم الراحمين فانة لا يغفر الذنوب الا انت
    ولكم الاجر والثواب

    No More Fantastic Four




  2. #2
    الصورة الرمزية pepo_2010eg
    تاريخ التسجيل
    Apr 2006
    المشاركات
    261
    شكرا يافامبير
    موضوع جميل وشرحك وطرقة سردك جميله جدا
    ومتستعجلشي على الجيش
    متدخلشي أحسن
    شكرا على الموضوع الرائع والى الأمام ياكابتن

    مواضيع أعتز بها :

    موضوع هتحلف بيه

    يارب لك الحمد كما ينبغي لجلال وجهك وعظيم سلطانك

  3. #3
    الصورة الرمزية vampir11
    تاريخ التسجيل
    Jun 2004
    المشاركات
    822
    اقتباس المشاركة الأصلية كتبت بواسطة pepo_2010eg
    شكرا يافامبير
    موضوع جميل وشرحك وطرقة سردك جميله جدا
    ومتستعجلشي على الجيش
    متدخلشي أحسن
    شكرا على الموضوع الرائع والى الأمام ياكابتن
    اللة يخليك يا كابتن بيبو الواحد لما يلاقى الاعضاء نشيطين ومواضيعهم مفيدة
    لازم يشاركهم ويفيدهم زى مابيفيدوة ولو بالقليل
    ومتقلقش انا الحمد للة اتخرجت من الكلية واخدت اعفاء من الجيش كمان :icon_salu :qtank:
    واى سؤال عن اى حاجة انا فى الخدمة يا باشا

  4. #4
    الصورة الرمزية brocklesnartito
    تاريخ التسجيل
    Jan 2006
    المشاركات
    113
    الكبير كبير يا فامبير عاش
    اللهم ادعنا ما ادعت بجدنا عمربن الخطاب

  5. #5
    الصورة الرمزية vampir11
    تاريخ التسجيل
    Jun 2004
    المشاركات
    822
    اقتباس المشاركة الأصلية كتبت بواسطة brocklesnartito
    الكبير كبير يا فامبير عاش
    كابتن بروك حبيبى
    عشت يا ابو الكباتن dumbbells

  6. #6
    الصورة الرمزية Mr.TaToo
    تاريخ التسجيل
    May 2005
    المشاركات
    4,738
    رائع يافمبير ومبروك اول موضوعاتك وان كنت اعتب عليك فى شىء هابقى اقولهولك لما اشوفك ماسنجر
    موضوع مهم ومفيد للكثيرين فى انتظار المزيد ياشريف

  7. #7
    الصورة الرمزية MOHAMED_232
    تاريخ التسجيل
    May 2005
    المشاركات
    28
    thanxxxxxxxxxxxxxx
    التعديل الأخير تم بواسطة MOHAMED_232; 24-04-2006، الساعة 05:00 PM

  8. #8
    الصورة الرمزية MOHAMED_232
    تاريخ التسجيل
    May 2005
    المشاركات
    28
    السلام عليكم و رحمه الله و بركاته
    جزاك الله خيرا :icon30:
    ده من احسن المواضيه اللي شوفتها :clap0000:
    طبعا لاني لسه جديد شويه :fruits_c:
    كان عندي سؤال صغير شويه
    انا جسمي فيه شحوم كتير :no000000: مع شويه عضل :flex0000:
    انا كنت بلعب من 3 سنين و بعدين بطلت و طبعا انت عارف النتيجه :crazy000: مؤسفه :no000000:
    المهم انا ما كنتش بفكر اخد حاجه خالص بس انا دلوقتي في الشهر الثالث dumbbells و التغير اللي حصل في جسمي مش عاجبني :busted_r:
    المهم دلوقتي انا بفكر اخذ حاجه تكون فعاله ففكرت في الكرياتيين و الامينو 2222 :clap0000:
    ايه رايك فيهم ........... و هل يوجد احسن منهم و ممكن ااخذهم مع بعض في نفس الوقت
    و كمان اعرف الاصلي من المضروب ازاي ؟؟؟
    علر العلم اني عايز احرق الشحوم مش اضخم جسمي

    معلش بقي صدعتك :fruits_c:

    و جزاك الله خير الجزاء :bye10000:

    السلام عليكم و رحمه الله و بركاته

  9. #9
    الصورة الرمزية eyaz dosareh
    تاريخ التسجيل
    Dec 2005
    المشاركات
    1,077
    شكراا يا باشا موضوع مهم فعلا يا سلام بقى لو تكتب افضل الانواع الموجودة فى السوق الى ممكن نستفيد منها افضل استفادة ومن ضيعش فلوسنا على الفاضى

  10. #10
    الصورة الرمزية vampir11
    تاريخ التسجيل
    Jun 2004
    المشاركات
    822
    اقتباس المشاركة الأصلية كتبت بواسطة Mr.TaToo
    رائع يافمبير ومبروك اول موضوعاتك وان كنت اعتب عليك فى شىء هابقى اقولهولك لما اشوفك ماسنجر
    موضوع مهم ومفيد للكثيرين فى انتظار المزيد ياشريف
    ربنا يخليك يا كابتن طارق واتمنى ان الموضوع يكون عجبك
    ويارب يكون عتاب بسيط مفيهوش ضرب ولا حرب هههههههههه
    وانا مقدرش على زعلك يا ابو الكباتن بس لما اشوفك ابقى فهمنى فى اية :bye10000:

  11. #11
    الصورة الرمزية vampir11
    تاريخ التسجيل
    Jun 2004
    المشاركات
    822
    اقتباس المشاركة الأصلية كتبت بواسطة MOHAMED_232
    السلام عليكم و رحمه الله و بركاته
    جزاك الله خيرا :icon30:
    ده من احسن المواضيه اللي شوفتها :clap0000:
    طبعا لاني لسه جديد شويه :fruits_c:
    كان عندي سؤال صغير شويه
    انا جسمي فيه شحوم كتير :no000000: مع شويه عضل :flex0000:
    انا كنت بلعب من 3 سنين و بعدين بطلت و طبعا انت عارف النتيجه :crazy000: مؤسفه :no000000:
    المهم انا ما كنتش بفكر اخد حاجه خالص بس انا دلوقتي في الشهر الثالث dumbbells و التغير اللي حصل في جسمي مش عاجبني :busted_r:
    المهم دلوقتي انا بفكر اخذ حاجه تكون فعاله ففكرت في الكرياتيين و الامينو 2222 :clap0000:
    ايه رايك فيهم ........... و هل يوجد احسن منهم و ممكن ااخذهم مع بعض في نفس الوقت
    و كمان اعرف الاصلي من المضروب ازاي ؟؟؟
    علر العلم اني عايز احرق الشحوم مش اضخم جسمي

    معلش بقي صدعتك :fruits_c:

    و جزاك الله خير الجزاء :bye10000:

    السلام عليكم و رحمه الله و بركاته
    وعليكم السلام ورحمة اللة وبركاتة
    اشكرك على زوقك يارب اكون رفت اوصلك المعلمومة وتكون استفدت
    وبالنسبة لجسمك اية رايك لو جربنا فى الاول ننزل الشحوم الودهون دى منغير مكملات
    عن طريق اسلوب تمربن وشوية تماربن احماء وجرى قولى رايك ووزنك وطولة بالظبط وانا ققولك تعمل اية

  12. #12
    الصورة الرمزية vampir11
    تاريخ التسجيل
    Jun 2004
    المشاركات
    822
    اقتباس المشاركة الأصلية كتبت بواسطة eyaz dosareh
    شكراا يا باشا موضوع مهم فعلا يا سلام بقى لو تكتب افضل الانواع الموجودة فى السوق الى ممكن نستفيد منها افضل استفادة ومن ضيعش فلوسنا على الفاضى
    ربنا يخليك ويارب تكون استفدت من موصوعى
    وانتا تامر بس يا كابتن حقولك دلوقتى على كام نوع من افضل الانواع ويومين بس كمان واجبلك انواع اكتر واكتر
    بالنسبة للواى بروتين ايزوليت افضل الانواع منوا هوا واى بروتين لشركة gnc بس غالى اوى النص كيلو ب 350 جنية ودة يعتبر افضل الانواع لانهم بيحطوا فية جلوتامين كمان وتانى نوع هوا النيترو تك من شركة ماصل تك بس اى حاجة تانية مكتوب عليها نيتروتك من اى شركة تانية تبقى مضروبة وتبقى بروتينها فول صويا سعر النيتروتك بتا شركة ماصل تك معقول شوية ال 950 جرام ب حوالى 540 جنية
    وبالنسبة للواى كونسيتريت حدور واقولك لانى مبدورش علية خالص
    وبروتين اللحم يعتبر افضل الانواع المستخلصة من اللحم هوا الكرياتين افضل انواع الكرياتين كرياتين شركة اسمها bsn والمنتج اسمة no-xplode دة واخد افضل كرياتين السنة دى اسرع فى الامتصاص من اى كرياتين تانى وبعدة ييجى 3 انواع من الكرياتبن كرياتين gnc وكرياتين optimon وكريتين شركة اسمها metaform
    وبالنسبة للصويا دة تروح تشتري فول صويا صافى من البحوث الزراعية الى فى الجيزة افضل من انوا يكون فى اى مكمل
    ولو ليك اى سؤال انا فى الخدمة

  13. #13
    الصورة الرمزية MOHAMED_232
    تاريخ التسجيل
    May 2005
    المشاركات
    28
    السلام عليكم و رحمه اتلله و بركاته
    شكرا علي اهتمامك بالرد عليا :icon30:
    بس انا نسيت اقولك حاجه قبل كده:crazy000: ........... انا ما بحبش اجري ............
    و علي العموم انا وزني 105 كيلو و طولي 176 سم ... و علي فكره ده انا زدت 7 كيلو في اخر شهرين لما جددت الاشتراك في الجيم
    و كمان كميه الشحوم متمركزه في النصف العلوي من الجسم ..... يعني رجلي ارفع من الطبيعي ( تقدر تقول ان شكلي واد جامد اوي :flex0000: بس لو كان ده كله عضل:shutup00: )
    و علي فكره انا لقيت الكرياتين الامريكي في صيدليه سيف اللي في الهرم ( اسود و الغطاء ذهبي) بـ 265 جنيه
    و السائل منه بـ475 او 450 تقريبا
    هو ايه الفرق بينهم السائل و الاقراص
    و الامينو2222 الامريكي بـ 425 الاقراص
    ايه رايك بس خد بالك انا بكره الجري
    و السلام عليكم و رحمه الله و بركاته

  14. #14
    تاريخ التسجيل
    Mar 2006
    المشاركات
    73
    باشا الف الف شكر على الموضوع الرائع

    والله ياباشا انا استفدت جدا منك...
    بس كنت عايز اسألك ...انا دلوقتي بقيلي حوالي شهرين بشيل حديد ..وعمال آخد في واي بروتين بس مش عارف هوا ايزولات ولا كونسنتريت ...وباخد معاه كمان حبوب امينو 2222 امريكي اصلي ...مش عارف الي بعمله ده صح ولا اكتفي بنوع واحد من الإتنين ..؟؟

    ومتشكرين على الموضوع الجامد ده والله

  15. #15
    الصورة الرمزية vampir11
    تاريخ التسجيل
    Jun 2004
    المشاركات
    822
    اقتباس المشاركة الأصلية كتبت بواسطة MOHAMED_232
    السلام عليكم و رحمه اتلله و بركاته
    شكرا علي اهتمامك بالرد عليا :icon30:
    بس انا نسيت اقولك حاجه قبل كده:crazy000: ........... انا ما بحبش اجري ............
    و علي العموم انا وزني 105 كيلو و طولي 176 سم ... و علي فكره ده انا زدت 7 كيلو في اخر شهرين لما جددت الاشتراك في الجيم
    و كمان كميه الشحوم متمركزه في النصف العلوي من الجسم ..... يعني رجلي ارفع من الطبيعي ( تقدر تقول ان شكلي واد جامد اوي :flex0000: بس لو كان ده كله عضل:shutup00: )
    و علي فكره انا لقيت الكرياتين الامريكي في صيدليه سيف اللي في الهرم ( اسود و الغطاء ذهبي) بـ 265 جنيه
    و السائل منه بـ475 او 450 تقريبا
    هو ايه الفرق بينهم السائل و الاقراص
    و الامينو2222 الامريكي بـ 425 الاقراص
    ايه رايك بس خد بالك انا بكره الجري
    و السلام عليكم و رحمه الله و بركاته
    اسف على التاخير و احب اعرفك حاجة مهمة جدا لو انتا عايز تخسس الدهون الى عندك دى مادمكش غير كمال الاجسام والجرى وتمرينات الاحماء الجيدة دول سبيلك الوحيد وتتمرن باوزان معقولة مش خفيفة ولا تقيلة وتجيب بيهم مش ققل من 15 عدة ومتريحش كتير
    وبالنسبة للكرياتين العلبة السودة وغطاها ذهبى دى بتاعت شركى جى ان سى وهى مستوردة فعلا والفرق بين الاقراص والسائل ان السائل بيشتغل اسرع فى الجسم من الاقراص
    التعديل الأخير تم بواسطة vampir11; 26-04-2006، الساعة 11:11 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك