موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 4 1 2 3 ... الأخيرةالأخيرة
النتائج 1 إلى 15 من 60
Like Tree0Likes

الموضوع: أفضل نظام غذائى للمبدئين فى كمال الأجسام والقوة البدنيه

  1. #1
    الصورة الرمزية AMZ
    تاريخ التسجيل
    Oct 2003
    المشاركات
    207

    أفضل نظام غذائى للمبدئين فى كمال الأجسام والقوة البدنيه

    الكثير من المبتدئين يسألون عن النظام الغذائى اللازم إتباعه لزيادة الوزن لذلك
    أود أن أطرح عليكم هذا النظام الغذائى المتكامل الخالى من أى نوع من المنشطات...

    أولاً:- وجبة الإفطار تحتوى على:-
    - لبن طبيعى (بلاش بودره) يفضل يكون جمسى نظرا لإحتواءه على نسب عالية من الكالسيوم حوالى 350 مل
    - من واحد إلى إثنين رغيف عيش بلدى كبير (مصدر للكربوهيدرات أو النشويات)
    - طبق عسل أسود متوسط الحجم (مصدر للحديد ويعطى سعرات حرارية عالية وطاقه)
    - كوب أو إثنين زبادى (مصدر للكالسيوم)
    - من 6-8 بيضات يفضل نزع الصفار والإكتفاء بالبياض نظراً لأن القيمة البروتينيه موجودة فى البياض أما الصفار فله بعض الأضرار مثل رفع نسبة الكوليسترول ويسبب أحياناً حساسيه لدى بعض الأشخاص وبياض البيض يعتبر من أفضل انواع البوتين الحيوانى اللتى يمتصها الجسم بسهولة.
    - طبق فول بالزيت متوسط أو كبير فالحجم (مصدر للبروتين النباتى)
    ثانياً:- وجبة الغداء:-
    - طبق أرز كبير حوالى 350 جم أو مكرونه أيضاَ حوالى 350جم
    - طبق خضار (أى نوع لا يشطرت نوع معين) ولكن يفضل السبانخ والباميه نظراً لإحتوائهم على نسبة كبيرة من الحديد
    - طبق سلطة كبير يحتوى على كل العناصر (جزر - خس - فجل - طماطم - خيار - بصل) يفضل إضافة الزيت والملح إلى السلطة حيث أن الزيت به كمية كبيرة من الدهون المشبعة (saturated fats) التى تزيد من حجم العضلات على عكس الدهون الغير مشبعه (unsaturated fats) هذا الطبق يحتوى على كميه عالية من الفيتامينات التى تساعد على تقوية الأعصاب.
    - رغيف عيش بلدى كبير مصدر للنشويات
    - بالنسبة للحوم حوالى 200 - 250 جم سواء لحم بقرى أو جمسى ويفضل من الفخذ أو لحم أبيض (فراخ) ويفضل صدور الفراخ أو سمك وأوصيكم بالسمك لأن به نسبه عاليه من الفوسفور الذى يعطى طاقة عاليه نظراً لأنه يدخل فى تركيبADP) (adinosine di phosphate ) الذى يتحول إلى (ATP) (adinosine tri phosphate) وهو المركب الأساسى للطاقة فى الجسم وأيضا به أفضل مصدر للبروتين الحيوانى.
    - من الممكن إستبدال الأرز أو المكرونة بطبق من البطاطس المسلوقة المهروسه مضاف إليها بيض مسلوق مهروس وهذا الطبق لذيذ جدا ويجمع بين النشويات والبروتين الحيوانى فى الوقت ذاته.
    ثالثاً:- وجبة العشاء:-[SIZE=3]
    مثل اللإفطار ولكن يستبدل العسل الأسود بالعسل الأبيض لأنه يعطى للجسد صحة وتغذيه عاليه القيمه .
    *** ملحوظة يرجى الإبتعاد عن المشروبات الغازية لأنها تسد النفس وأيضاً الشوكولاته.
    *** هذا النظام سيزيد من وزنك مع التدريب والمواظبه عليه ستلاحظ فارق فى الوزن بعد أول شهر مالا يقل عن 7.5 - 10 كجم بدون اللجوء إلى مكمل غذائى أو بروتين صناعى.
    فى النهايه أود أن أكون قد قدمت معلومة مفيده وشكراً لكم.

  2. #2
    الصورة الرمزية Thug'z Night
    تاريخ التسجيل
    Jan 2006
    المشاركات
    123
    شكرا ياكبتن على البروقرام الحلو .
    بس ماتلاحظ انه كثير ..بعدين الاكل يطلع من الانف اتقول عصارة تفاح

    ومع ذالك شكرا جزيلا على البرنامج ومانستغنى عن معلوماتك الرائعة

  3. #3
    الصورة الرمزية Mr.TaToo
    تاريخ التسجيل
    May 2005
    المشاركات
    4,738
    مشكور اخى نظام ممتاز
    جزاك الله خيرا وطبعا دة المفروض اسلوب التغذية السليم للاعب كمال الاجسام

  4. #4
    الصورة الرمزية AMZ
    تاريخ التسجيل
    Oct 2003
    المشاركات
    207

    طبعا

    اقتباس المشاركة الأصلية كتبت بواسطة Mr.TaToo
    مشكور اخى نظام ممتاز
    جزاك الله خيرا وطبعا دة المفروض اسلوب التغذية السليم للاعب كمال الاجسام
    طبعا يا mr.tato ده نظام لأى حد عاوز يمشى على نظام غذائى صحى متكامل سواء كان لاعب قوة بدنيه أو كمال أجسام لكن طبعا مش اللى عاوز يخسس وإن شاء الله أنا هاعمل برنامج للتخسيس قريب

  5. #5
    الصورة الرمزية elgazer
    تاريخ التسجيل
    Nov 2005
    المشاركات
    12
    thank you amz

  6. #6
    الصورة الرمزية EDE
    تاريخ التسجيل
    Apr 2005
    المشاركات
    171
    نـظام غذائى ممتــاز ...لكن الكمية كثيرة !!!

  7. #7
    نظام ممتاز جدن يا باشا






    i`ve seen the best i`ve fought the best & i`ve beaten the best

  8. #8
    الصورة الرمزية MR.ELTOONY
    تاريخ التسجيل
    Aug 2005
    المشاركات
    2,960
    اولا احب اشكرك اخى الكريم على مشركتك الجميلة ومجهودك الجميل

    لاكن انا مع احترامى لكلامك ليا طعقيب صغير

    اولا النظام الغذاءى الى انتا كتبو دة مينسبش لاعب كمال الاجسام لية ؟

    لان انتا كاتب ثلاث وجبات فقط فى اليوم ودة مينفعش لاعب كمال

    الاجسام لازم يتناول على الاقل فى اليوم من خمس لست وجبات يوميا

    ثانيا لاياكل حتى الشبع يعنى مياومش من الاكل وهوا شبعان لان دة

    هياثر على الوجبات اللاحقة

    وفى ملحوظة صغيرة البيض او البيضة الكاملة (بياض +صفار ) تحتوى

    على 6.6 جرام بروتين دة فى البيضة كاملة يعنى انتا لو كلت البياض ورميت الصفار هتبقى فاقد على الاقل 3.3 جرام بروتين جسمك اولا بية

    ارجو انك تكون فهمتنى انا بصححلك المعلومة مش بسىء لمعلوماتك

    واى استفسار انا فى الخدمة

    تحياتى



  9. #9
    تاريخ التسجيل
    Jan 2006
    المشاركات
    4
    شكر على المعلومات

  10. #10
    مشكور اخي علي النظام الجميل
    Eng. \ Khaled Abd Al Azim Mohamed
    Senior .Net Developer

  11. #11
    الصورة الرمزية hatebreed
    تاريخ التسجيل
    May 2005
    المشاركات
    331
    علي فكرة الكميات دي ولا كتير ة ولا حاجة دي بالعكس يمكن قليلة
    و فعلا لازم اكتر من تلات وجبات ف اليوم
    بس الي انا عاوز اسال عنة هل فعلا هيزيد الجسم 10 ك بعد شهر؟
    و هل مثلا بعد 3 شهور نفس النظام يزيد 30 ك وارجو الرد عن تجربة و شكرا
    لاني مشكلتي اني عندي عضلات بس محتاج يكون في وزن معاها ف النخاع نفسة
    FACING WHAT CONSUMES U...ITS THE ONLY WAY TO BE FREE

  12. #12
    الصورة الرمزية ghost_2283978
    تاريخ التسجيل
    Jul 2005
    المشاركات
    1,341
    شكرا على المعلومه
    بس ده كده خراب بيوت هههههههههههههههههههههههه

  13. #13
    تاريخ التسجيل
    Jan 2006
    المشاركات
    101
    هنجيب فلوس لدا كلو منين

  14. #14
    الصورة الرمزية dreamercat2
    تاريخ التسجيل
    Jul 2005
    المشاركات
    231
    شكرا على الافاده

  15. #15
    شكرا على المعلومات الطحن

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك