موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 13 من 13
Like Tree0Likes

الموضوع: قولولى انا صح ولا غلط

  1. #1

    قولولى انا صح ولا غلط

    السلام عليكم ورحمة الله وبركاته ازيكم عاملين ايه يارب تكونو كويسين
    انا هدخل فى الموضوع على طول انا عندى 18 سنة اتعرفت على واحد من النت واتقابلنا هوه من القاهرة وانا من اسكندرية المهم حبيته جدااااااااا وكلم مامتى وقالها انه بيحبنى وهيخطبنى بعد الامتحانات المهم فضلنا مع بعض 4 شهور وبعديها فجاة بعد عنى من غير اى سبب وموبايله كان مقفول فضلنا بعيد عن بعض 130يوم بعدها كلمنى وكان والده اتوفى بس مش ده السبب اللى بعدنى عنى عشانه هوه بعد من غير سبب وهوه بنفسه قالى مفيش حجه يتحججلى بيها عن سبب بعده عنى المهم انا كنت مقرره منرجعش لبعض بالرغم انى فضلت احبه فى الفترة اللى بعد فيها عنى قالى ادينى فرصة اثبتلك انى والله العظيم بحبك وافقت لان انا كمان بحبه واتعذبت كتير اوى لما بعد عنى بقا بيعاملنى كويس اوى ومهتم بيا وبيخاف عليا اوى ومش بيستحمل ان حد يزعلنى
    هوه عنده 24 سنة مخلص معهد وبيشتغل ويتر ولبسه عادى بنطلون جينز وتى شيرت زى اى شاب وساكن فى منطقة شعبية وبيسمع اغانى شعبى واخواته 7 وشقته فى بيت عيله وتفكيره رجل شرقى جدا
    اما انا فى تالتة ثانوى عام وان شاء الله داخلة كلية اخلاقى عالية ومحترمة جدا ويابخته اللى هينجوزنى مش بشكر فى نفسى بس ده اللى الناس وصحابى بيقولو عيلتى سواء بابا او ماما محترمين جدا مبنحبش الاغانى الشعبى بنعتبرها انها مش اغانى تتسمع اصلا طبعا مستغربين انا بقول كدا ليه بس هتعرفوا
    المشكلة الاولى ان انا احسن منه فى التعليم والاخلاق اكيد هوه اخلاقه محترمه بس انا اخلاقى محترمة زيادة عن اللزوم واخواتى كلهم فى كليات لكن اخواته معهد او دبلوم هوه للاسف طول الوقت بيحس ان انا احسن منه مع انى عمرى ما عملت حاجة احسسه ان انا احسن منه بالعكس طول الوقت بتعامل معاه عادى جدا والله العظيك عمرى ما حسسته انى احسن منه بالعكس كنت طول الوقت بحسسه ان هوه الاحسن عمرى ما اتعاليت عليه او قلتله انا احسن منك هوه اللى كان دايما بيقول ان انا احسن منه بتعامل معاه باحترام واخلاق وعمرى ما عليت صوتى او شتمته ولا غلط فى حقه بالعكس بعامله بما يرضى الله كان مرة قالى عايز يكمل تعليمه وعايز رائى قلتله زى ما تحب بس انا كنت فاهمه قصده عايز يعرف انا بضايق ان هوه اقل منى ولا لا قلتله انا موافقة دى حاجة كويسة ليك عشان الشغل قلتله انا عايزة افهمك انى بحبك فى الحاتين سواء كملت او لا
    مش عارفة اعمل ايه عشان اخليه يبطل يحس ان انا احسن منه
    المشكلة التانية اخواتى عارفة انهم مش هيوافقو عليه عشان كل العيوب دى اخواتى عايزين واحد تعليمه عالى يسكنى فى مكان من ارقى اماكن اسكندرية ومستواه المادى كويس وبيعرف انجلش وبيسمع اغانى انجلش والحاجات دى اكيد فاهمين طبعا بس انا مش بحب النوعية دى من الشباب
    اما ماما هتوافق وبابا اعتقد لما يعرف انى بحبه هيوافق اعتقد لان بابا اهم حاجة عنده ان يكون محترم ومتدين واخلاق ويخاف عليا ويراعى ربنا فيا مش مهم التعليم او الفلوس بالنسبالهم خالص اهم حاجة سعادتى انا
    اخواتى ملهمش الحق يوفقوا او يرفضوا مجرد هيقولو رايهم وفى الاخر القرار ليا بس انا مش عايزة اشوف فى عنيهم نظرة عتاب او يبصولو بصه مش كويس من الاخر بصت احتقار وان هوه اقل منى
    عايزة اعرف اختيارى ليه صح ولا غلط انا بحبه اوى والعيوب دى ممكن تكون من وجهه نظرة المجتمع والناس واخواتى لكن بالنسبالى مجرد مظاهر وبس وانا عمرى ما اهتميت لا بالمظاهر ولا بكلام الناس او المجتمع بعمل اللى انا مقتنعة بيه بمشى ورا قلبى واللى انا حاسه بيه بعمله
    مستنية رايك بكل صراحة مهما كانت بالعكس انا بحب الصراحة جدااااا قولولى انا صح ولا لا
    ملحوظة:انا بحبه جدااااااااااا بعشق التراب اللى بيمشى عليه والهوا اللى بيتنفسه واللى بيحبهو هيحسو بيا
    مش معنى اننا اتعرفنا من النت يبقى هوه انسان مش كويسة انا مقتنعة بعلاقة النت والا مكنتش حبيته
    لان زيها زى اى طريقة تانية سواء موبايل او زمالة او جيران او اى حاجة تانية
    اسفة جداااااااا على الاطالة لو فى اى سوال انا مستعدة

  2. #2
    الصورة الرمزية mahmedartman
    تاريخ التسجيل
    Feb 2006
    المشاركات
    1,264
    السلام عليكم ورحمة الله وبركاته

    أختي الكريمة أنا حاسس اني انتي عايزة مبرر لحاجة معينة يعني انتي بين قوتين قوةبتقول تكملي علشان ده اختياراك وقوة تانية المجتمع والاهل بيقولوا لا نظرا للفروق الفردية

    ولي تكملة غدا ان شاء الله

    سلام عليكم
    منذُ وُلِدَّتَ ، و أنتَ تـَفخر بالإسلام
    فمتى يفخر الإسلام بك؟؟


    ^^












    http://www.dvd4arab.com/showthread.php?t=656107



  3. #3
    الصورة الرمزية nova2006
    تاريخ التسجيل
    Sep 2005
    المشاركات
    1,915
    الفروق اللى اتكلمتى فيها فروق ثانويه جدا جدا

    ومالهاش اى اعتبار فى عيون الناس اللى عندهم عقل يفكروا بيه

    فكرى بعقلك واحكمى من خلال اخلاقه وتدينه دول اهم صفاتين لازم تتمسكى بيهم

    وربنا يكتبلك الخير معاه والتوفيق

    بعض الرحيـل نختـاره
    وبعض الرحيــل نجبّـر عليه
    فيـأتي بثقـل الجبـال
    نمـارسه بخطى متثـآقلـة
    وكأننـا نجر العـالم بأكمله خلفنـا
    فنمضي قليـلا ونلتفت للورآء قليــلا
    لأن في الخلف أشيـاء / أحـلام / أرواح
    معلقـة قلوبنـا بها

  4. #4
    اقتباس المشاركة الأصلية كتبت بواسطة mahmedartman مشاهدة المشاركة
    السلام عليكم ورحمة الله وبركاته




    أختي الكريمة أنا حاسس اني انتي عايزة مبرر لحاجة معينة يعني انتي بين قوتين قوةبتقول تكملي علشان ده اختياراك وقوة تانية المجتمع والاهل بيقولوا لا نظرا للفروق الفردية

    ولي تكملة غدا ان شاء الله


    سلام عليكم

    انا مش عايزة مبرر لحاجة ابدا والله بس خايفة بعد حبى ليه كل ده
    وميحصلش نصيبى بسبب اهلى
    لكن المجتمع مش مهم لانه مش بيفرق معايا ده اختيارى انا وانا اللى هتحمل اى حاجة
    هتترتب على اختيارى
    بجد متشكرة اوى يا استاذد محمد على رد حضرتك وهستنى تكملت حضرتك ان شاء الله

  5. #5
    اقتباس المشاركة الأصلية كتبت بواسطة nova2006 مشاهدة المشاركة
    الفروق اللى اتكلمتى فيها فروق ثانويه جدا جدا



    ومالهاش اى اعتبار فى عيون الناس اللى عندهم عقل يفكروا بيه

    فكرى بعقلك واحكمى من خلال اخلاقه وتدينه دول اهم صفاتين لازم تتمسكى بيهم


    وربنا يكتبلك الخير معاه والتوفيق

    يعنى حضرتك شايفة انها فروق ثانوية ومش ممكن يترفض عشانها يعنى انا مش غلطانة
    واختيارى مش غلط هوه محترم جدا ومتدين وفى صفات كتير كويسة والا مكنتش هحبه
    وان شاء الله ربنا يوفقنا جميعا متشكرة يا جميل على رد حضرتك

  6. #6
    الصورة الرمزية nova2006
    تاريخ التسجيل
    Sep 2005
    المشاركات
    1,915
    اقتباس المشاركة الأصلية كتبت بواسطة girlymanson مشاهدة المشاركة
    يعنى حضرتك شايفة انها فروق ثانوية ومش ممكن يترفض عشانها يعنى انا مش غلطانة

    واختيارى مش غلط هوه محترم جدا ومتدين وفى صفات كتير كويسة والا مكنتش هحبه

    وان شاء الله ربنا يوفقنا جميعا متشكرة يا جميل على رد حضرتك
    طبعا اختيارك لو كان على اساس دينه واخلاقه واحترامه يبقى

    اختيار صح واى شىء تانى مادى مالهوش اى قيمه

    التدين والاخلاق حاجه نادره فى جيلنا دا ولازم نتمسك بيها لابعد حدود

    وربنا يهدي اهلك ويوافقوا عليه ان شاء الله بس تعزمينا على الفرح بقى

  7. #7
    الصورة الرمزية hamo_tito2010
    تاريخ التسجيل
    Aug 2006
    المشاركات
    272

    Idea0000 السلام عليكم

    بسم الله الرحمن الرحيم
    السلام عليكم ورحمة الله وبركاته

    في البداية احب اشكر كل من الاعضاء nova2006 ، mahmedartman
    علي المبادرة الجميلة دي

    ازيك اخبارك اية اتمنى تكوني بخير
    بالنسبة للموضوع الاولاني بتاع التعليم
    فا في كتاب اسمه عظماء بلا مدارس
    ودي صورته للإثبات بس




    في 51 شخصية منهم مدخلوش مدارس خالص ومنهم دخلو ومكملوش ومنهم اللي كملو ومكنتش الدراسة في دماغهم
    وكلهم نجحو بفضل الله
    وانتي بتقولي انه خلص معهد يعني هو احسن من ناس كتير في الكتاب ده بس يكمل في الطريق بقي علشان يوصل
    يتعلم انجلش ويتعلم كمبيوتر ويحسن نفسه باسمترار يحضر محاضرات يحضر مؤتمرات اهم حاجة ان هو يشغل نفسه بأي حاجة وميقفش
    هتلاقيه بقي واثق من نفسه اكتر من الاول ومش هتلاقي فيه الموضوع ده تاني
    وعايزك تقوليله احنا الاتنين بنحب بعض يبقي خلاص ميهمناش الناس كل اللي يهمنا احنا وبس ولا انتي لسة مقولتلوش بحبك لغاية دلوقتي ههههههههه
    وبالنسبة لموضوع اخواتك المعترضين او اي حد تاني معترض

    فا انا درست في البرمجة اللغوية العصبية
    فرضية اسمها الخريطة ليست المنطقة
    الخريطة معناها الادراك والمنطقة معناها الحياة
    وانا ألفت مقولة بقولها للناس لما تقولي اي حاحة سلبية
    واتمنى كمان انك تقوليها او حتى تعيشي بيها
    اي حد يقولك حاجة سلبية وانتي مش موافقة عليها
    قوليله ده ادراكك مش ادراكي ودي مش حياتك دي حياتي

    وعلي فكرة الكلام اللي بقولهولك ده بكتبه في تحضير كتابي
    اسمه طريقك للحصول علي المال وراحة البال بس لسة بدري لما ينزل علشان لسة مشغول بحاجات تانية
    خاصة بمواضيع الكتاب برده
    المهم عرفتي تقولي اية ده ادراكك مش ادراكي ودي مش حياتك دي حياتي
    والادراك معناه المفهوم او وجهة النظر

    تعرفي هديلك مثال خيالي شوية اتنين بيلعبو بلاي استيشن كورة مثلا
    معروف عن الكورة ان اتنين بيلعبو لما يجو الاتنين ده عايز يلعب بفريق والتاني عايز يلعب بنفس الفريق
    هيحصل عدم توافق ما بينهم لأنهم اتنين
    انما لو حد بيلعب بلاي ستيشن لعبة فردية لوحده ومينفعش يلعبو اتنين
    والناس مش عجباها اللعبة دي
    مع انه هو بيلعبها لوحده مش مع الناس وكمان الناس مجربوهاش
    المثل بيقول كل اللي يعجبك والبس اللي يعجب الناس
    مبيقولش كل اللي يعجبك واتجوز اللي يعجب الناس
    دي حياة كاملة
    يبقى متديش اهتمام بالناس حتى لو كانو اقرب الناس ليكي بس إلا الام والاب
    ومن المقولات اللي ألفتها هي ... حب ما تحب واكره ما تكره ودع الناس تحب وتكره كما تحب
    يعني حب اللي تحبه واكره اللي تكرهه وملكش دعوة برأي الناس اذا كانت بتحبه ولا تكرهه

    معظم الناس المظاهر بتخدعها
    وانا مبحبهمش بصراحة يعني مثلا تختاري خزنة شكلها حلو اوي اوي اوي بس لما تفتيحها تلاقيها فاضية
    ولا خزنة شكلها وحش بس لما تفتيحها تلاقي جواها دهب والماظ
    يعني انا مثلا لما اجي اختار وحده ارتبط بيها مش ههتم بالجمال اوي
    يعني مش هقعد اقول دي منخيرها عايزة تصغر لا دي لازم تنفخ شفايفها
    لا دي ودنها كبيرة ممكن تطير بيها هههههههههههههههههه
    لا معنديش الكلام ده متعلمتش كده انا وحتي لو كنت اتعلمت كده كنت هتغير
    وبعدين الحب بالنسبالي له معادلة في موضوع الارتباط ده
    انا بسميها نظرية الكهرباء المشتركة ( انكار الذات )
    هحاول اجبهالك بصورة خيالية شوية علشان اقدر اوصلهالك
    بصي الصورة دي



    شايفة الصاعقة اللي تحت علي اليمين دي هي انا
    وشايفة الصاعقة اللي تحت علي الشمال دي هي سعيدة الحظ ههههههههههه
    وانا بوصل الحب على هيئة كهرباء وهي كمان بتوصله على هيئة كهرباء
    وبيطلع فوق والحب بتاعي يحود شمال والحب بتاعها يحود يمين
    والحبين يتقابلو مع بعض ويعملو نقطة اسمها كهرباء الحب المشتركة
    لما الحبين يتقابلو مع بعض يقوووو بعض والكهرباء تزيد
    وبعدين يبدلو مع بعض والحب بتاعي يوصلها والحب بتاعها يوصلي
    والنقطة دي هي اللي بتولد الحب ما بينا وهي نقطة انكار الذات
    اللي هي انا سعادتي ان انا اسعدك وانتي سعادتك انك تسعديني
    مفيش حد بيفكر في نفسه وبس ولو اي اتنين يعيشو بالطريقة دي
    هتبقي حياة رائعة ان شاء الله

    وبالنسبة لسؤالك اذا كنتي صح ولا غلط فا احب اقولك انتي صح طالما انتي مقتنعة بأي حاجة اعمليها
    وسيبي الباقي علي ربنا سبحانه وتعالى
    بس عايز اسألك اسأله كده لما هو كلم مامتك وقالها ان هو هيخطبك رد فعل مامتك كان ازاي
    انتي قولتي ان هو متدين هل هو بيصلي ولا اية ولو بيصلي وبيسمع اغاني شعبي طب ازاي
    وتالت حاجة انتي واثقة فيه وعرفتيه في الاربع شهور دول معرفة قوية ومتأكده انك عرفتيه اوي يعني
    بس مش عايز اطول عليكي اكتر من كده
    شكرا انك فتحتي قلبك لينا
    وانا اسف لو في اي حاجة معجبتكيش في كلامي ممكن تعتبيرها مش موجوده ومترديش عليها
    اتمنى تكون مشاركتي خفيفة ومفيدة بالنسبالك
    وانا متابع معاكي ان شاء الله
    اخوكي محمد عبد التواب
    والسلام عليكم ورحمة الله وبركاته
    سبحان الله وبحمده سبحان الله العظيم


    التعديل الأخير تم بواسطة hamo_tito2010; 31-05-2011، الساعة 09:28 PM
    انتظر لحظة من فضلك !!!!!
    واسمتع الي هذه الكلمات الذي هداني الله اليها
    عسى الله ان ينفع بها كل من رأاها ويعمل بها
    إن الله هو النافع الهادي

    الحياة جميلة وكبيرة ولكنها ستنتهي وتموت ولكن الله اكبر واجمل وهو الحي الذي لا يموت
    فا ابذل اقصى جهدك في طاعته لكي تنعم في الدنيا والاخره واترك الدنيا قبل ان تتركك
    اترك الدنيا وما فيها من ذنوب قبل ان تتركك هي قبل ان تتوب


    [











  8. #8
    الصورة الرمزية mahmedartman
    تاريخ التسجيل
    Feb 2006
    المشاركات
    1,264
    السلام عليكم

    أختي الكريمة متفق تمام مع اخواني الى اتكلموا قبلي فعلا

    موضوع اني الواحد يجوز اليومين ده محتاج تدقيق جامد جدا

    لكن انا نفسي والواحد بيختار يبعد شوية عن الحاجات الى اثرت فينا وهنتكلم بصراحة السينما والمسلسلات مش بضرورة اني الواحد يحول يثبت العكس لناس قريبين منه علشان يثبت انه صح واحنا بنتكلم على حياة ومعيشة كاملة وارتباط اسري بين عائلتين يعني منكويش تحت تاثير ضغط الاسرة ولا ضغط الداخلي للانسان

    ثانيا نقرب شوية كتير من ربنا وندعي وربنا يورينا الصح من الخطا

    ونصلي اكتر وان شاء الله خير

    وممكن تسئلي بصراحة كده يعني هل هو موافق انك متكمليش تعليمك ولا ممكن هو يكمل تعليمه ويدخل (في ظل ظروف الحياة والضغوط) تاني في ويكمل تعليمه ويجدد من نفسه وياخد كورسات وحاجات زي ده ونبدأ نسئله عن المرحلة الجاية وطريقة التعامل في البيت (بيت العائلة له مقياس خاصة) يعني هتكون مع العائلة ولا كل واحد فيهم لوحده

    أختي الكريمة عايزك تكوني متاكد اني كل حاجة نصيب واني احنا بنحاول نقرب من الصح فاتمنى انك تسمعي كل الاراء العائلة الاصدقاء ولو حبذا انك تعملي زيارة انتي والعائلة للعائلة ديه وتشوف الوضع على الطبيعي وده لو هو اتقدم رسمي

    وان شاء الله خير

    سلام عليكم

  9. #9
    تاريخ التسجيل
    Sep 2009
    المشاركات
    7,777
    السلام عليكم
    ازيك ، عاملة ايه ؟ أتمني إنك بخير إن شاء الله
    اول حاجة انا هبقي مختلفة شوية مع الاراء السابقة
    لانه زي ما بتنظري للموضوع نظرة موضوعية في الوقت الحاضر
    لازم يبقي عندك تخٌيل وتفكير للي جاى قدام
    بمعني انتي دلوقتي حباه وعايزاه ومش مهم عندك الفوارق .. انتي غلطانة في دي ؛ لانه لازم تبصي للموضوع من كل الاطراف
    العواطف جزء من العلاقة سواء اجي قبل الارتباط او اجي بعده ،
    الحب مش دايماً بيبقي الاساس بس بيتولد من الاحترام والتقدير المتبادل من العشرة والتعامل

    متخليش اختيارك ع اساس حبك بس
    لازم يبقي ليكي نظرة لابعاد الارتباط للمستقبل اللي جاى مش مجرد شريك لائيتي فيه مواصفات انتي حباها وحبتيه تبقي ترتبطي بيه
    لانه الزواج او الارتباط مش هيبقي بس بينك وبينه لا دا هيبقي ارتباط بينك وبينه وبين اهلك واهله
    لازم يبقي فيه توافق وتكافؤ بينكوا عشان الحياة تمشي
    مش انتي وهو بس فيها لا
    فيه ناس تانية معاكي ،
    لازم تعرفي كويس اوي انه مش هتقدري تستحملي تنزلي من مستواكي الاجتماعي لمستواه بسهولة هتستحملي عشان بتحبيه فترة بس صدقيني مش هتتحملي كتير

    لانه هتعيشي في المكان اللي ع قد امكانياته تفتكري هتلائي كل مطالبك اللي كانت في حياتك !
    لو في حياتك بتروحي النادي وبتنزلي تخرجي تشتري اللي عايزاه لانه مستواكي كدا
    تفتكري هل معاه هتبقي كدا و مش بس اللبس او الفلوس ، طبقيها ع عادات وطباع في حياتك وفي حياته
    فِكرك انتي وفِكر اهله لانه انتي هتتعاملي مع اهله
    هو لو هيكمل دراسته خليكي معاه وشجعيه ولو هتربطي وحابة دا انا مش بقولك ولا بنصحك بلا
    لا انا بقولك خلي ليكي نظرة شاملة واديه فرصة واتخطبي واتعاملي مع اهله واتعرفي اكتر عليهم
    وخدي فرصة فترة وخلي الخطوبة تطول عشان تدي نفسك فترة كافية تتعرفي علي عيوب وايجابيات اهله
    وبعد كدا قرري ، متتسرعيش في اى قرار واستشيري الناس اللي بتثقي فيهم
    وكمان اسألي ع الشخص دا مش مجرد انتي عارفاه لازم تسألي عنه لانه دا مهم
    وبعد كدا صلي صلاة استخارة
    وادعي الدعاء ده : " اللهم إنى أستخيرك بعلمك وأستقدرك بقدرتك فأنت تعلم ولا أعلم وتقدر ولا أقدر وأنت علام الغيوب . اللهم إن كان فى هذا الأمر خير لى فى دينى ودنيايا وعاقبة أمرى فيسره لى واقدره لى , وإن كان فى هذا الأمر شر لى فى دينى ودنيايا وعاقبة أمرى فاصرفه عنى واصرفنى عنه واقدر لى الخير حيث كان ثم ارضنى به "
    وبعد كدا نتيجة الإستخارة هتيجي في توجيه للخير او هتحسي انك رافضة او قلقانة من الموضوع وصدقيني هترفع معنوياتك جداً ومش هتندمي ع اى قرار هتأخديه بعدها




  10. #10
    الاستاذ hamo :بجد كلام حضرتك عجبنى جدا وانا مقتنعة بيه وانا فعلا ناوية انى اكلمه فى موضوع التعليم
    وانه ياخد كورسات وهوه نفسه عايز كدا بس مش عارف يوفق بين شغله والكورسات
    بس انا مستنية اخلص امتحانات الثانوى وهتكلم معاه فى حاجات كتير اوى مشكلتى الثانوية مذاكرة ودروس
    مكنتش بعرف اتكلم فى حاجات كتير بس هانت واخلص وهنتكلم ونعرف بعض اكتر
    بالنسبة لمامتى لما كلمها قالتلى عجبها كلامه بس ماما محتاجه فعل مش مجرد كلام ولما بعدنا ورجعنا تانى
    بقت تقولى انا مش مرتاحاله وانا بعذرها هيه عندها حق بس انا ايمانى وثقتى فى ربنا كبيرة اوى
    ومعاملته فعلا اتغيرت مش بيتصل بيا الايام دى غير كل اسبوع عشان اركز فى مذاكرتى وميكنش السبب لو لقدر الله حصل حاجة
    بالنسبة للصلاة هوه بيصلى ويبطل بس انا معاه ومش هياس وبتكلم معاه فى الموضوع ده كتير بس كل فترة عشان مش عايزة اضايقه والاغانى انا عن نفسى الحمد لله بصلى وبسمع اغانى فى نفس الوقت مدام مش مقصرة فى حق ربنا عليا
    "ده ادراكك مش ادراكي ودي مش حياتك دي حياتي
    " انا عجبتنى جدا الجملة دى وفعلا هبدا اطبقها فى حياتى واى كتاب حضرتك نزلته او لسه هتنزله قولى اسمه عشان
    كلام حضرتك عاجبنى جدا ووجهة نظرك كمان



    mahmedartman: انا الحمد لله بصلى وعلى طول بدعى ربنا انه يوجهنى للصح هوه مش معترضة نهائى ان اكمل تعليمى
    بالعكس ده على طول بيدعيلى وبيشجعنى ومش بيحاول خالص ان شغلنى عن المذاكرة الايام دى عشان اعرف اركز
    ده كبر فى نظرى اوى لما بيعمل الحاجات دى عشانى بالنسبة لموضوع اعرف حياتنا هتبقى ازاى وخاصة مع اهله
    كل الحاجات دى فعلا هتكلم فيها بس اخلص الامتحانات والثانوى نهائى لان مكنش بيبقى عندى وقت خالص
    بجد متشكرة اوى اوى على كلام حضرتك وان شاء الله هعمل بيه


    princess.salma: اولا انا الحمد لله كويسة يارب تكونى حضرتك بخير
    بجد بجد يا انسة سلمى كلام حضرتك عجبنى جدااااااا وانا اقتنعت بيه اوى
    ممكن فكر اهل يختلف عن فكر اهله يعنى مثلا انا اهلى مدينى انا واخواتى الحرية الكاملة جدا جدا
    بنعمل اى حاجة احنا عايزنها بس طبعا فى حدود لو خرجنا عن الحدود دى يبقى هيفقدوا الثقة فينا
    لكن اهله مفيش كدا ممكن يتكلم مع اخته ويزعق معاها بالرغم انها اكبر منه ب4 سنين بس عشان يفهمها غلطها
    لكن احنا مفيش اختى الكبيرة يبقى خلاص مينفعش انا او اى حد من اخواتى يتكلم معاها هيه اللى تكلمنا وتفهمنا يارب اكون قدرت اوصلك قصدى
    طباعنا فعلا ممكن يكون مختلف شوية بس بنتكلم وبنفهم وبنحاول نقنع بعض ونتعلم من بعض انا اتعلمت منه كتير اوى
    وبالرغم ان سنى صغير هوه كمان اتعلم منى حاجات كتير
    هوه لسه مقررش هيكمل دراسته ولا لا بس طبعا لو هيكمل هقف جنبه واشجعه لحد ما يوصل لاحسن حاجة
    بالنسبة للخطوبة متفقين على اول 2012 بس طبعا هطول لان مش هتجوز قبل ما اخلص كليتى يعنى هتكون اربع سنين
    هيكون فعلا وقت كافى اعرف عيوبه ومميزاته وكمان اعرف اهله اكتر
    بالنسبة ان اسال عليه طبعا ده شى اساسى ولازم يحصل مهما كان انا فى اسكندرية وهو القاهرة فلازم
    طبعا اسال عليه وعلى اهله

    بجد متشكرة جدااااااااااا على كلامكم ونصايحكم كلكم اللى استفدت منها كتير اوى ربنا ميحرومنيش منكو يارب
    وانا بصلى وبدعى ربنا وان شاء الله يارب يكون خير

  11. #11
    تاريخ التسجيل
    Aug 2009
    المشاركات
    565
    سوري هو ده اول واحد تقابليه و حبيته علطــول لو كده يبقي انتي كنتي مستنيه بقي و اي واحد مكانه كنت هتحبيه برضـــه !!!
    ثانيـا اللي بيدورعلي حب ده مش بيحــب انما اللي صحي من النوم لقي نفسه بيحب و عايش حياته عادي و فاجاه حب وفي حد قدامه اجبره ان هو يحبه يبقي ده فعلا حد بيحب

    انتي عارفه يعني ايه نتحبي : يعني تشوفي حد تحسي ان انتي متعلقه بيه اوي و مش علي بعضك و هتحسي ان فيه كاريزما غريبه كده بينك و بينه و تحسي ان اهو بقي ف دمك و مش قادره تستغني عنه و مش هامك حد ف الدنيا مادام انتي مـــعاه
    انما انا حاسس من كلامك ان انتي كنتي بتدوري علي حب و اول فرصه جاتلك حبيتـــي !! مش عارف الاحساس صح ولا غلط
    و بعدين انا شايف ان انتي لسه صغيره اوي علي المواضيع دي و مناسب ولا مش مناسب انتي لسه مدخلتيش كليه و عماله تفكري ف الكلام ده
    عيشي حياتك مع زمايلك واعرفي اصحاب جداد و دماغك هتتغير لما تكبري شويه بعكس دلوقتي انتي ف مرحله مراهقه
    بالتوفيق


  12. #12
    الصورة الرمزية ™NiViĐiA.ΧϝΧ
    تاريخ التسجيل
    Dec 2005
    المشاركات
    2,185
    معــلش هــرد عــليكي وجاايز مـش يجبعك بس كل وااااحــد بيقوول الـى شاايفو
    1- اول حــاااجه مسـتوى الـتعليم دى اول مشــكله وممكن تـراجعى موضوعك هتلـااقي معظم الـى بيردو اكدو انـها مشكله بينك وبينو (
    قصه صغيره كدا كنت اعرف وااحد صحبي تعليم عاالى وهيا تعليم متــوسط فضـلت تقلو بحبك وماقدرش اعيش من غييرك وفـأجأه مع اول عريس ماافكرتش وتــأثرت بالي عندهااا) الـى بتحبيه دااا هتلـااقي عندو مشكله فـ كدااا فييه حجااات كتـير مش يحسبهـاا صح
    https://dvd4arab.maktoob.com/f161/2249991.html
    2- الـاغاانى الــشعبي وكويس انك قلــتى السبب داا رغم انو ممكــن ماايكنش مهــم لكن هتتوقعى واااحد بسبمع الـعنب ولـا الـبلح داا اييه وعاامل دمااغ تــمااام داا اييه ؟؟ هـاا ؟؟ هتفهمى انــو ......
    عـاارف انـك بتحبييه وحاااسس بيــكى لـكن الـدنيا مش كلـهااا بحبك وبتحبني فيييه مشااكل هتحصل لـاازم حد يفيدك ف مشااكلك تاااخدى بــرأيو + كمااان يــكون وااجه لــيكي

    تــعرفي الـى قدااامك من تصــرفااته واااحد زى مااخوااتك بيقولو متعلم مثـقف بيـعرف يختاار اغاانيه اماا يكون ف موود معيين
    ولـا الـى كنتى بتحكي علييه دااا ؟؟

    اخــر حاااجه الـى يبيع مــره يبيع 1000 مــره

    بس كــدا واسف ان كنت طولت عليكي

    I LOVE U Mŷ Đear WhêāЯ Far Ǒr NêāR



    ƟnLY Ɵȵȩ

    All our lives, we've been waiting
    For someone to call our leader
    All your lies, I'm not believing

  13. #13
    معلش اسفة على التاخير
    انا والله مش زعلانة من كلامكم انا حبيت اخد رايكم عشان انا معنديش خبرة فى الحاجات دى ودى اول مرة احب
    ومش بتكلم مع اخواتى وصحابى مهما كان برضو صغيرين زيى انا هفكر تانى فى الموضوع بس مش هبعد عنه هسيبها لربنا لحد ما هوه اللى يبعد عشان انا خدت عهدى بينى وبين ربنا يوم ما احب مش هجرح مع انى والله بحبه وانا متاكدة من ده بس كل واحد بياخد نصيبه وربنا يعلم مش يمكن يكون نصيب وربنا معايا يارب ومتشكرة اوى على ردودكم
    وبجد استفدت منها كتير اوووووى ربنا ميحرمنيش منكم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك