موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 10 1 2 3 ... الأخيرةالأخيرة
النتائج 1 إلى 15 من 142
Like Tree0Likes

الموضوع: لماذا يفضل الشاب ان يتزوج محجبة ويعيش حياته مع شابة شيفة نفسها

  1. #1
    الصورة الرمزية blackeagle
    تاريخ التسجيل
    Nov 2005
    المشاركات
    1,489

    لماذا يفضل الشاب ان يتزوج محجبة ويعيش حياته مع شابة شيفة نفسها

    لماذا يفضل الشاب ان يتزوج محجبة ويعيش حياته مع شابة شيفة نفسها

    السلام عليكم ورحمة الله وبركاته

    لماذا يفضل الشاب ان يتزوج محجبة ويعيش حياته مع شابة شيفة نفسها ؟؟؟؟؟
    سؤال نود معرف اجابته فهذا مبدىء يتعامل به كثير من شباب المسلمين فهو يريد ان يعرف ويخرج مع شابة شايفة نفسها ومدلعة عاى طريقة الاستاذة نانسى حجرم واليسا وهيفاء (الله يهديم)ولما يختار شريكة حياته بيختار انسانة محترمة متدينة محجبة وبينسى التانية وبيعتبرها عبارة عن وسيلة ترفية زيها زى السينما والالعاب
    وده طبعا غلط كبير ولكن مين الغلطان ده السؤال
    هل هو الفتاة التى جعلت من نفسها وسيلة ترفية ام الشاب الذى يقوم بهذا المأساة؟؟؟؟؟؟؟؟
    اريد ان ننقاش هذه القضية بجدية لنقف على اسبابها لانها سبب فى مشاكل كبيرة فى مجتمعاتنا

  2. #2
    تاريخ التسجيل
    Jan 2006
    المشاركات
    262
    انت كده خليت كل البنات اللي شايفه نفسها ملهاش لازمه غير ان الشاب يدلع نفسه معاها وبس وده غلط منك لأن مش كل الشباب ولا البنات زي بعض
    توقيعي لا يغضب الله


  3. #3
    الصورة الرمزية sbank
    تاريخ التسجيل
    Dec 2005
    المشاركات
    1,376
    انت عاوز تعرف مين فيهم الغطان البنت اللى عاملة نفسها سلعة او عرضة للتسلية ولا الشاب اللى دماغو بتقولو دية للتسلية ودية للجواز
    الحقيقة ان سؤالك يجيب نفسة بنفسة لان الاتنين غلط ويستحقون ما سوف يطرا لهم
    لان البنت اللى كدا هتكتشف فى الاخر انها الخسرانة ومش هتكسب بكدا حاجة وهتلاقى نفسها بالنهاية وحيدة وهتعرف دا لما تبقى وحشةومش هتلاقى حد يبصلها او يحترمها
    اما الشاب غير انو شال سيئات الا انو هيندم لانو محاولش يحرك داخل هذة الفتاة الروح الانسانية ويجعلها تغير من نفسها خصوصا لو كانت بتحبو او حبيتو وانو بس فكر فى نفسو وفكر ان البنات كتير وانو دلؤت محتاج يتسلى انما بعدين هيبقى محتاج انسانة تحمل اسمة زى غلاف الكتاب انو يكون من برى عنوانة نضيف لكن هيتفاجىء ان الانسانة المؤدبة دية انها مش مهتمة بية او ماتعرش يعنى اية حب او ممكن تكون معقدة او تكون مغرورة وتتنطط علية لانها عارفة انو اختارها عشان مؤدبة وانو مشى مع بنات كتير وكدا وبالتالى عقابو انو هيلاقى نفسو برضو فى النهاية وحيد يا ئمى تنتهى علاقتو بيها بالانفصال او يقبل يعيش معاها صورة ويفضل يبحث عن التسلية فى اماكن استغر اللة العظيم ويعتبر حياتو معاها مجرد صورة امام الناس انما هو نم جواة عمرو ما هيحس بالسعادة لانو كان انسان انانى افتكر انو هيقدر يحس ان العالم كلو بين ايدية لكن للاسف ربنا سبحانة وتعالى يعاقب كل انسان على اخطائة ولكنة يمهل ولا يهمل وهيحس الشاب اللى كدا انو زكى وهيكتشف فى النهاية انو اكبر مغفل فى العالم ...............للاسف
    ؟؟لماذا لا نشعر بقيمة الاشياء الا بعد ان نفقدها ؟؟




    مفاجاة $$ فيديو لفرح كريم عبد العزيز وصور $$

  4. #4
    الصورة الرمزية نمر الاسلام
    تاريخ التسجيل
    Jun 2006
    المشاركات
    2,171
    البنت المحجبة هى رمز النقاء و الطهارة و العزة و انا سمعت اراء كثير من الشباب اللى قالوا انهم بيكونوا متاكدين من سلوكها و بتكون على خلق و دين

    ربنا يرزقنا بفتاة محجبة و صالحة امين
    لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك

    اللهم ارزقنى حبك وحب من يحبك وحب عمل يقربنى اليك

  5. #5
    الصورة الرمزية Mohamed Amar
    تاريخ التسجيل
    Dec 2004
    المشاركات
    2,146
    على فكرة الحكاية دى اصبحت شى عادى جدا (لاسف الشديد)

    واصبح يقاس الشاب بعدد البنات اللى يعرفهم

    والبنت اللى من النوع دة عايزة واحد تخرج بية علشان يصرف عليها وتفرج البنات على اجمل شاب

    بس بصراحة انا بعتبر البنت هى السبب فى الحكاية دى

    علشان مفيش حد غصب عليها تعمل كدة (ولا اية)

    وعلى فكرة فى حاجة وانا رايت منها كتير ان الولد اللى كان مقطع السمكة وذيل السمكة كمان

    فى الاخر عندما يتزوج اختيارة بيكون مش تمام بالمرة

    وللحديث باقية

  6. #6
    الصورة الرمزية hodasm
    تاريخ التسجيل
    May 2005
    المشاركات
    391
    انا لاراى ان انحطاط الأخلاق الذى يسود المجتمع و جعل الدين شيء ثانوى او هامشى فى حياتنا هو الى خلى الشباب والبنات يعملوا فى انفسهم كدا

    فالبنت لو تعلم دينها كما تعلم قصات الشعر وانواع المنكير ومساحيق البدره والمكياج ما خرجت من بيتها متبرجة كاشفة لشعرها لتفتن بيه الشباب ومطعطرة بروائح نفاذة لتجذب وتثير الشباب فبالتالى البنت بتبدأ تشوف نفسها وتحس من داخلها انها جميلة ........ فلو كانت البنت قبل ما تخرج من بيتها تتبع الدين الاسلامى فى لبسها حجابا شرعيا مش حجاب مثير من الاشاربات او الطرح التى تغطى نصف الشعر والنصف الاخر الامامى تجد به قصه على الجنب ........
    ولو اتبعت الفتاه الدين الاسلامى لخرجة بدون عطر وجميعنا يعلم الحديث الشريف لرسول الله صلى الله عليه وسلم
    (كل عين زانية والمرأة اذا استعطرت فمرت بالمجلس فهى كذا وكذا يعنى زانية ) فعلى المرأة مرعة دينها والبعد عن التبرج .

    اما بالنسبة للشباب وانا واحد منهم يعلم شيء مهم وهو انا الشاب لايستطيع انا بفعل اى شىء مع الفتاه الا بإرادة الفتاه فهى التى تسمح له بذلك واعتقد ان اى شاب اذا رأى اى فتاه منتقبة او محجبة بحجاب شرعى لا يؤذيها ولا يعاكسها لأنه يعلم انها لست كالفتيات الاخريات ويقر لها كل احترام
    واحب ان اتوجه الى الشباب بنصيحة ( أولا واخرا هؤلاء الفتيات المتبرجات اخوات لنا فى الاسلام فيجب الحفاظ عليهم . )
    وانا اتوجه لأى شاب بسؤال ماذا تفعل اذا وجت اختك تخرج مع احد الشباب مثلما انت تخرج مع الفتيات !
    اذا الشاب قالى عادى وطالما انه حب بريق يبقى معلش الشاب ده ( ديوث ) لا يغار على اهل بيته
    واذا قال ازاى تخرج مع حد غريب وده لايصح فلماذا ترضاه لنفسك !

    فارجوا من الفتاه الا تسمح لشباب بمغازلتها وذلك بمشيه فى حشمة وبدون تبرج

    وارجوا من الشباب ان تحافظ على الفتيات فهم لنا اخوة فى الاسلام وادعوا الله ان يهديهم .


    وبالنسبة لفكر الشباب انه لما يجى يتجوز بيدور على المحجبة المتحشمة ( المحترمة ) لأن الشاب يقول لو البنت الى انا مشيت معاه وحبته كانت ممكن تمشى مع غيره وتحبه وهذا هو الفكر الذى يتجه اليه معظم الشباب .
    بسم الله ماشاء الله



  7. #7
    الصورة الرمزية sbank
    تاريخ التسجيل
    Dec 2005
    المشاركات
    1,376
    يا جماعة دلؤت اصبحت البنت هيا اللى عليها المسؤليات كلها الصراحة زى ما فية بنات بالسوء اللى انتم ذكرتوة فى شباب افظع وابشع بكتير وبيبقى هدفهم الا استدراج البنت لغرض معين حتى لو البنت دية محترمة او مؤدبة او طيبة بيعمل الشاب سىء الخلق على تمثيل دور الفارس الولهان المضحى اللى عاوز اثبات لحبو ليها والاثبات دا هو كذا وكذا وكذا ومش بيعمل كدا الا لما يبقى تاكد انو مثلا استحوذ على قلبها وفكرها واصبح هو بالنسبة ليهاالمستقبل الماضى والحاضر هناك فتيات ضعيفة القلوب تنقاد وراء هذة الشعارات والكلمات اللى بيطلبها منها الشاب على اساس كذا وكذا وكذا وانو مهما حصل كذا وكذا وكذا وطبعا هنا بتبقى وقعت الفريسة جوا المصيدة للاسف
    فاريد ان اعلم الشباب انو زى ما هناك ماذج فتيات شيطانات فهناك ايضا نماذج رجال شياطين والعياز باللة من امثالهم
    اما التبرج العادى مثلا انو فتاة فى سن مراهقة تمر باى حالة مكن يمر بيها مراهق فى انها فرحانة بانوثتها فى بداية الامر كوضع المزيد من المساحيق او اللبس على احدث موضة ممكن بتكون احيانا دى فترة بتمر بيها كل بنت بدات تبص لنفسها فى المراة انها بتكبر وانتم عارفين انو المرحلة دية بيسموها مرحلة مراهقة فى بداية الامر اللى بيبقى فيها الاسان مذبذب التفكير بس مش معنى كدا ابدا ان اسمو سوء خلق لان الاعمال انما بالنيات وليست كل فتاة متبرجة هيا سيئة الخلق وانما مرحلة ما تمر فى حياتها تسمىمرحلة المراهقة او كل بنت بتبقى عاوزة تكون جميلة واجمل الفتيات مش شرط لغرض سىء ولكنها طبيعة الناث حب الجمال والالوان والموضىوانما تختلف من كل فتاة واخرى على حسب درجة التدين زى ما هنالك شاب يلبس على الموضى وشاب اخر وسط وعلى دماغة علامة الصلاة وشاب اخر كويس ومحترم بس مش بيصلى وشاب اخر بيلبس على الموضى ويحط جل ويلبس سلسلة بس مثلا يكون مواظب على صلاتو ومؤدب جدا لذالك المظهر لا يعبر عن الشخصية قدتكون الشخصية عكس المظهر تماما او قد تكون حالة مراهقة يمر بها وبكرة لما يكبر شوية يذداد تعقلا

  8. #8
    تاريخ التسجيل
    Sep 2004
    المشاركات
    24
    أعتقد ان في حقايق كتيرة مش واضحة هنا...
    أولا : مش كل الأولاد بيفكروا كدة
    ثانيا : أذا كان تفكير الولد انه يتجوز بنت محجبة لأنها "محترمة" و يمشي مع البنت اللي مش محجبة فمع احترامي لكل المحجبات فمش معني أنها محجبة تبقي محترمة و مش معني انها مش محجبة انها بنت مش محترمة.. أنا شفت بنات كتير جدا محجبين و المفروض انهم زي ما انتو بتقولوا كدة "محترمين" و بيعملوا حاجات كتير جدا أي بنت "محترمة فعلا" عمرها ما تفكر تعملها!!! و في نفس الوقت عرفت بنات كتير مش محجبة بس قمة في الأدب!!!!
    ثالثا : تفكير غريب جدا ان لمجرد ان البنت محجبة تكون محترمة و العكس!! المفروض ان ده فرض عليها من عدة فروض دينية و لو هي مش بتؤديه هي حرة ربنا اللي هيحاسبها مش انا!!! زي بالظبط ما تلاقي واحد بيصوم رمضان و مش بيصلي مثلا .. فتروح سأله : يا عم انت بتصوم ليه مادمت مش بتصلي؟ سؤال غبي جدا جدا جدا!!!! يعني عاوزه بدل ما يرتكب ذنب ترك الصلاة يرتكب ذنب ترك الصوم كمان!!!
    ده نفس المنطق هنا.. مش ممكن البنت اللي مش محجبة دي تكون مؤمنة جدا و بتصلي الفروض اللي عليها كلها و السنن و النوافل و انا شفت ده بنفسي.. أي نعم هي هتكون آثمة لأنها مش محجبة. بس كلنا لنا ذنوب ومين فينا مافوتش صلاة في يوم؟ و مين فينا ما شتمش حد قبل كدة؟! فالمفروض ان فكرة ان البنت مش محجبة تبقي مش متدينة تتصحح!! جايز تكون مش محجبة بس برضه جايز تكون مؤمنة أكتر مني و منك!
    رابعا : فكرة الجواز عشان ان البنت محجبة بس فدي فكرة انا مش هاضمها!! الرسول نفسه قال: تنكح المرأة لأربع لدينها و لمالها و لحسبها و لجمالها.. فاظفر بذات الدين تربت يداك...
    مش معني الحديث اني المفروض اتجوز المتدينة بس.. لأ .. الرسول بيقول ان في أسباب كتيرة للجواز. منها ان البنت تكون متدينة و منها انها تكون غنية و منها انها تكون من عائلة كبيرة و منها انها تكون جميلة .. و هأكون محظوظ لو ربنا يوفقني في البنت المتدينة .. و طبعا كل ما تكون فيها حاجات أكتر تكون أحسن..
    طبعا التدين من وجهة نظري زي ما وضحت مش مجرد حجاب.. زي ما هو بالنسبة للرجل التدين مش مجرد حف الشارب و إطلاق اللحي و تقصير السروال!! المهم اللي جوة الحجاب و اللي ورا اللحية..
    للأسف ناس كتير جدا اهتمت بالمظاهر بس مش أكتر... ما هو بييكون مربي دقنه وبياكل مال اليتيم !!! و بيكون مش مربيها و بيبكي لما يسمع لفظ الجلالة!!
    أخيرا : الشخص اللي اتكلم عن الحب و ظهر من كلامه انه مش مقتنع بيه.. يا ريت يسأل نفسه : طيب ربنا خلق الشعور ده ليه؟؟ اذا كان ربنا بذات نفسه قال ان الجواز مبني علي المودة والرحمة و اعذروني اني مش حافظ الاية.. يا جماعة الحب كشعور مش حرام.. لكن الحرام الأفعال المرتكبة باسمه.. يعني مثلا تمشي في شارع أبو الفدا في الزمالك الساعة 10 و 11 بالليل و تلاقي مناظر غاية في قلة الأدب بين الأولاد و البنات ولما تسالهم يقولولك يا عم وانت مالك احنا بنحب بعض!!! قمة الامتهان لشعور سامي جدا... ما انا بأشوف أولاد كتير بيحبوا بنات و لما تسمعهم و هما بيتكلموا مع بعض تحس انهم أخوات لو كنت ما تعرفهمش...

    خلاصة الموضوع من وجهة نظري : البنت مش معني انها محجبة تبقي متدينة و بالتالي محترمة.. و العكس صحيح.. و الولد مش لأنه شاف بنت محجبة فهي تكون زوجة مثالية ليه... و الحب مش حرام و مش عيب بس العيب في الأفعال اللي احنا بنعملها و بنضحك علي المحيطين و نقول انها بسبب الحب و احنا عارفين الحقيقة...

    و اعذروني علي الاطالة

  9. #9
    الصورة الرمزية hodasm
    تاريخ التسجيل
    May 2005
    المشاركات
    391
    احب انى اعلق على كلام العضو (spacetoonlover)

    انا معاك فى ان كل الشباب مش بتفكر بنفس الطريقة
    وانا معاك ان مش كل محجبة محترمة لأن فى ناس بيتخفوا وراء الحجاب

    ولكن انا مش معاك ان البنت المتبرجة الى بتصلى مؤمنة اكتر من المجبة ! لأنها اذا كان ايمانها قوى كانت اتحجبت .

    واحب انى اعلق على كلام العضوة ( sbank )
    انا عاوز اسألك سؤال هو فى تبرج عادى وتبرج غير عادى ؟

    وغير كده البنت لما بتلبس على الموضة او بعمل مكياج هي البنت بتتماكيج علشان البنات يقولو ان البنت دى حلوة ولا علشان الشباب الى تقول

    وغير كده انتى بتقولى ان فيه شباب يلبس على الموضى وشاب اخر وسط وعلى دماغة علامة الصلاة وشاب اخر كويس ومحترم بس مش( بيصلى) انا مقلتش ان اللبس الكويس حرام ومسألة الموضى فدي حاجة نسبية بالنسبة لذوق كل واحد ولكن انا ليا تحفظ فى جملة
    ( وشاب اخر بيلبس على الموضى ويحط جل( ويلبس سلسلة ) بس مثلا يكون مواظب على صلاتو ومؤدب جداا )
    اعتقد انك لم تحسنى التعبير فالشباب الذى يلبس السلاسل هم( نساء ) ولبس السلاسل للرجال حرام وفيه حد لعنة وهذا كلام سيد الخلق الرسول الكريم صلى الله عليه وسلم

    ولكن انا ليا وجهة نظر فى موضوع خروج البنات والفتيات مع بعض
    اولا محدش يقدر يختلف معايا انه حراااااااااام
    ثانيا اخلاق البنت او الولد نابعة من البيئة الى عاش فيها
    ثالثا ودى خاصة للبنات ان لو والد البنت باباها يعنى راجل فما كان سمح بخروج بنته متبرجة وشبه عارية او كاسية عارية يعنى المفرض ان الأب يكون راجل فى بيته و يراعى الله فى اسرته الى ربنا هيسأله عنها لأنه راعيها مش يكون ديوث لايغار على اهل بيته .

    وانا لى رأى الخاص فى موضوع الجواز ان اهم حاجة عندى فى البيت الى انا افكر اتقدم الى بنتهم ان ايكون والد البنت دى راجل بمعنى الكلمة لسبب ان انا لما اتجوز بته وبنته تغلط وقتها الاقى راجل اعرف ارد عليه مش( راجل طرزان ) صورة بدون شخصية .

  10. #10
    الصورة الرمزية sbank
    تاريخ التسجيل
    Dec 2005
    المشاركات
    1,376
    اقتباس المشاركة الأصلية كتبت بواسطة hodasm
    احب انى اعلق على كلام العضو (spacetoonlover)

    انا معاك فى ان كل الشباب مش بتفكر بنفس الطريقة
    وانا معاك ان مش كل محجبة محترمة لأن فى ناس بيتخفوا وراء الحجاب

    ولكن انا مش معاك ان البنت المتبرجة الى بتصلى مؤمنة اكتر من المجبة ! لأنها اذا كان ايمانها قوى كانت اتحجبت .

    واحب انى اعلق على كلام العضوة ( sbank )
    انا عاوز اسألك سؤال هو فى تبرج عادى وتبرج غير عادى ؟
    ايوة فى تبرج عادى وتبرج غير عادى لسبب بسيط جدا ان فى من كل حاجة درجات وطبقات فية تبرج اوفر وفية تبرج نص نص وفية تبرج حاجة بسيطة
    وكمان ماتنساش ان فية عائلات بتسمح لبناتها انهم مثلا يلبسو كات وهذا هتلاقية فى الطبقة الهاى كلاس هما فاهمين الحياة غلط تلاقى البنت بتلبس كات وراكبة عربية اخر موديل ودلعة اخر دلع من باب المظاهر بس لكن هتيجى تبص لاخلاقها هتلاقيها فتاة عادية جدا لا تفعل اى خطيئة خطيئتها الوحيدة هو مظهرها طب تقول على الشريحة دية فى المجتمع ودا منو كتير هنا فى مصر على فكرة
    وغير كده البنت لما بتلبس على الموضة او بعمل مكياج هي البنت بتتماكيج علشان البنات يقولو ان البنت دى حلوة ولا علشان الشباب الى تقول
    البنت على حسب نيتها فى بنات تحب تظهر بمظر رائع انت ماتعرفش ان احيانا بيبقى فية تنافس جمالى بين البنات وبين بعضهم يعنى لان البنت بتعبر نفسها انها لازم تكون جميلة فى كل وقت وفى اى وقت ومش عشان الشباب طبعا
    لكن البنت اللى خارجة من بيتها بنية غير سليمة هتلاقيها بتتمكيج وتتزوق عشان غرض معين انها مثلا تفرس الشباب او كانها بتقولهم شوفو انا حلوة اذاى بس مش هسمح لحد منكن انو يطول شعرة منى
    وفية بنات بتتزوق وتتمكيج عشان مثلا عندها موعد مع انسان بتحبو ودا بالفطرة فى البنتانها طبعا عاوزة تظهر اما الانسان اللى بتحبو فى احسن صورة
    وغير كده انتى بتقولى ان فيه شباب يلبس على الموضى وشاب اخر وسط وعلى دماغة علامة الصلاة وشاب اخر كويس ومحترم بس مش( بيصلى) انا مقلتش ان اللبس الكويس حرام ومسألة الموضى فدي حاجة نسبية بالنسبة لذوق كل واحد ولكن انا ليا تحفظ فى جملة
    ( وشاب اخر بيلبس على الموضى ويحط جل( ويلبس سلسلة ) بس مثلا يكون مواظب على صلاتو ومؤدب جداا )
    اعتقد انك لم تحسنى التعبير فالشباب الذى يلبس السلاسل هم( نساء ) ولبس السلاسل للرجال حرام وفيه حد لعنة وهذا كلام سيد الخلق الرسول الكريم صلى الله عليه وسلم
    مش كل شاب بيلبس سلسلة يبقى بنوتة لان فية رجالة مثلا بتلبس سلسلة مثلا حببتو اهدتهالو ممكن يكون فيها كلمة اللة او لا اله الا اللة انا اعرف شاب فى كل حاجة كويسة وكل صفات محترمة بس مش بيصوم فى رمضان تقول اية بقى
    ولكن انا ليا وجهة نظر فى موضوع خروج البنات والفتيات مع بعض
    اولا محدش يقدر يختلف معايا انه حراااااااااام
    انا بحس من كلامك ان انت معقد الامور اوى وكلامك خالى من الثقة على الفكرة الانسان فى ايدو يبسط حياتو وفى ايدو يعقدها
    ثانيا اخلاق البنت او الولد نابعة من البيئة الى عاش فيها
    وعموما كلاك عن البيئة والاخلاق والاب اللى لا يسمح لبنتو انها تخرج مع شاب دا اكيد صح ومية فى المية
    ثالثا ودى خاصة للبنات ان لو والد البنت باباها يعنى راجل فما كان سمح بخروج بنته متبرجة وشبه عارية او كاسية عارية يعنى المفرض ان الأب يكون راجل فى بيته و يراعى الله فى اسرته الى ربنا هيسأله عنها لأنه راعيها مش يكون ديوث لايغار على اهل بيته .
    وهل انت شوفت اتنين بيحيو بعض وبيخرجو مع بعض بيبقى بعلم الاب او الام حتى دا حتى الشاب بيبقى مخبى على امو وفى الاخر مكن لو مكتوبلهم نصيب ربنا بيعديهالهم وبيتجوزو ودا طبعا برضو راجع للنواى لدى كل من الشاب والبنت

    وانا لى رأى الخاص فى موضوع الجواز ان اهم حاجة عندى فى البيت الى انا افكر اتقدم الى بنتهم ان ايكون والد البنت دى راجل بمعنى الكلمة لسبب ان انا لما اتجوز بته وبنته تغلط وقتها الاقى راجل اعرف ارد عليه مش( راجل طرزان ) صورة بدون شخصية .
    ومين يقبل بغير ذالك

  11. #11
    الصورة الرمزية sbank
    تاريخ التسجيل
    Dec 2005
    المشاركات
    1,376
    ---------------------------------------
    التعديل الأخير تم بواسطة sbank; 24-06-2006، الساعة 04:53 PM

  12. #12
    الصورة الرمزية sbank
    تاريخ التسجيل
    Dec 2005
    المشاركات
    1,376
    ...................................
    التعديل الأخير تم بواسطة sbank; 24-06-2006، الساعة 04:50 PM

  13. #13
    الصورة الرمزية Mohamed Amar
    تاريخ التسجيل
    Dec 2004
    المشاركات
    2,146
    ما شاء الله الحوار اصبح متفتح جدا وعقلانى

    ولكن لى تعليق على الاخت sbank


    يا جماعة دلؤت اصبحت البنت هيا اللى عليها المسؤليات كلها الصراحة زى ما فية بنات بالسوء اللى انتم ذكرتوة فى شباب افظع وابشع بكتير وبيبقى هدفهم الا استدراج البنت لغرض معين حتى لو البنت دية محترمة او مؤدبة او طيبة بيعمل الشاب سىء الخلق على تمثيل دور الفارس الولهان المضحى اللى عاوز اثبات لحبو ليها والاثبات دا هو كذا وكذا وكذا ومش بيعمل كدا الا لما يبقى تاكد انو مثلا استحوذ على قلبها وفكرها واصبح هو بالنسبة ليهاالمستقبل الماضى والحاضر هناك فتيات ضعيفة القلوب تنقاد وراء هذة الشعارات والكلمات اللى بيطلبها منها الشاب على اساس كذا وكذا وكذا وانو مهما حصل كذا وكذا وكذا وطبعا هنا بتبقى وقعت الفريسة جوا المصيدة للاسف
    كلامك هذا صحيح 100% فى شباب كدة لاسف ولكن مش هو دة الموضوع اللى احنا بنكلم فية عزيزتى

    اما التبرج العادى مثلا انو فتاة فى سن مراهقة تمر باى حالة مكن يمر بيها مراهق فى انها فرحانة بانوثتها فى بداية الامر كوضع المزيد من المساحيق او اللبس على احدث موضة ممكن بتكون احيانا دى فترة بتمر بيها كل بنت بدات تبص لنفسها فى المراة انها بتكبر وانتم عارفين انو المرحلة دية بيسموها مرحلة مراهقة فى بداية الامر
    لا يا عزيزتى مهما كان سن مراهقة او تذبذب فكرى لا يوجد شى اسمة التبرج العادى

    الحكاية دى بالاخص عزيزتى لازم تكون ابيض او اسود مفيش رمادى :no000000:

    مهما كانت البنت كلاس

    وبعدين فى هذا السن من المفروض ان يكون فى تدخل من الاب والام خصوصا

    للتوجية السليم والحرص على البنت فى هذه المرحلة الخاطرة

    واشكرك sbank على تفهم الامر والنقاش الرائع هذا :bye10000:

  14. #14
    الصورة الرمزية hodasm
    تاريخ التسجيل
    May 2005
    المشاركات
    391
    اشكر الاخ Mohamed Amar على التداخل معاا فى هذا النقاش المجدى
    وبالنسبة للعضوة Sbank انا عاوز اعلق على الفقرة دى

    (@@@اولا محدش يقدر يختلف معايا انه حراااااااااام

    انا بحس من كلامك ان انت معقد الامور اوى وكلامك خالى من الثقة على الفكرة الانسان فى ايدو يبسط حياتو وفى ايدو يعقدها @@@@)
    انا مش معقد الامور ولا حاجة لأن النساء أكبر فتنة على الرجال
    وغير كده انا فى استاذ كان بيدرس لى فقال جملة بعتبرها حكمة
    ( البنت زى القطار تسير على قطبان ان تركت القطبان انقلبت )

  15. #15
    الصورة الرمزية hodasm
    تاريخ التسجيل
    May 2005
    المشاركات
    391
    انتظر التعليق والرد من العضوة sbank

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك