موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 2 من 3 الأولىالأولى 1 2 3 الأخيرةالأخيرة
النتائج 16 إلى 30 من 42
Like Tree0Likes

الموضوع: يللا مع بعض هنتعلم اللغة العربية

  1. #16
    الصورة الرمزية voolcaanoo
    تاريخ التسجيل
    Feb 2007
    المشاركات
    1,925
    شكرا على الدعوة الكريمه وربنا يوفقك ويوفقنا معاك




  2. #17
    الصورة الرمزية ღŤ€ŶẬღ
    تاريخ التسجيل
    Aug 2008
    المشاركات
    10,124
    موضوع جميل جدا
    وهستفيد منة كتير
    جزاك الله كل خير


    أسئلة الدرس الأول

    حدد نوع كل كلمة مما يأتي من حيث كونها اسماً أو فعلاً أو حرفاً :


    كتاب:اسم
    مضى:فعل ماضى
    افتح:فعل امر
    منضدة:اسم
    مصر:اسم
    إلى:حرف
    كتب:اسم
    منتدى:اسم
    تحرير:اسم
    حرر:فعل ماضى
    كلم:فعل
    زلزل:اسم
    جميل:اسم
    العب:فعل
    شريط:اسم
    لـ:حرف
    رأفة:اسم
    فتْح:فعل
    يأس:اسم
    ملعب:اسم





  3. #18
    الصورة الرمزية .TOLDO
    تاريخ التسجيل
    Sep 2008
    المشاركات
    6,899
    - يوجد خطأ كتابي في الآيه الرابعه في الموضوع يا أخي .. بارك الله فيك .





    .................
    يا آخذا بالنواصي, أدرك غريق المعاصي. وامنن عليه بلطف, يفضي به لخلاص. واغفر له كل ذنب, يخشاه يوم القصاص. وامنن عليه بفضل, ومقعد غير قاص

    ................



  4. #19
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    اقتباس المشاركة الأصلية كتبت بواسطة toldo68 مشاهدة المشاركة
    - يوجد خطأ كتابي في الآيه الرابعه في الموضوع يا أخي .. بارك الله فيك .
    وفيك بارك
    جزاكم الله خيرًا على التنبيه وتم التعديل



    سبحان الله وبحمده .. سبحان الله العظيم




    قال أبو قلابة عبد الله بن زيد الجرمي كما في الحلية لأبي نعيم (2/285): ( إذا بلغك عن أخيك شيء تكرهه فالتمس له العذر جهدك؛ فإن لم تجد له عذراً فقل في نفسك: لعلَّ لأخي عذراً لا أعلمه).





    أسألكم الدعاء لى

    اسطوانة للتعريف بالشيخ حازم صلاح أبو إسماعيل ... أنصح الجميع بتحميلها "رااااااااائعة"





  5. #20
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    اقتباس المشاركة الأصلية كتبت بواسطة ღŤ€ŶẬღ مشاهدة المشاركة
    موضوع جميل جدا
    وهستفيد منة كتير
    جزاك الله كل خير


    أسئلة الدرس الأول

    حدد نوع كل كلمة مما يأتي من حيث كونها اسماً أو فعلاً أو حرفاً :


    كتاب:اسم
    مضى:فعل ماضى
    افتح:فعل امر
    منضدة:اسم
    مصر:اسم
    إلى:حرف
    كتب:اسم
    منتدى:اسم
    تحرير:اسم
    حرر:فعل ماضى
    كلم:فعل
    زلزل:اسم
    جميل:اسم
    العب:فعل
    شريط:اسم
    لـ:حرف
    رأفة:اسم
    فتْح:فعل
    يأس:اسم
    ملعب:اسم


    الإجابات صحيحة ما شاء الله عدا ما خُط بالأحمر

    الأول
    زلزل : فعل ماض
    وأظن أنكم قد كتبتم "اسم" أنكم قرأتموها (زلزال)
    فزلزال اسم وزلزل فعل

    الثانى
    فتْح : اسم وليس فعلاً
    لأننى وضعت علامة السكون على حرف التاء لذلك فإن التاء ساكنة
    أما إن كنت وضعت علامة الفتح على التاء فإنه فى هذه الحالة يكون فعل ماض

    فتْح - اسم
    فتَح - فعل ماض "كبرت الخط حتى يظهر التشكيل"

    أرجو أن يكون الكلام واضحًا
    وجزاكم الله خيرًا

  6. #21
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    الدرس الثانى



    الاسم وأقسامه

    ...

    خدنا فى الدرس اللى فات الكلمة وقدرنا نقسما إلى اسم وفعل وحرف
    النهارده بإذن الله هناخد الاسم ونقسمه بردو كذا نوع
    ونقدر نقسم الاسم على حسب :
    1 - نوعه. (مذكر - مؤنث)
    2 - عدده .(مفرد - مثنى - جمع)
    3 - معين أم غير معين.(نكرة - معرفة)
    4 - بنيته.
    5 - تركيبه.

    هناخد فى الحصة دى إن شاء الله أول جزء من الدرس التانى يعنى هناخد تقسيم الاسم من حيث نوعه وعدده
    ثم فى الحصة التالية سنأخذ تقسيمه من حيث كونه نكرة أم معرفة.
    وسنكتفى بهذا القدر من حالات تقسيم الاسم فنحن ما زلنا فى البداية

    أولا : الاسم من حيث النوع

    المذكر : الاسم الذى يدل على الذكر من الناس أو الحيوان مثل : أب - ولد - أسد
    أما الأشياء التى لا حياة لها فيُطلق على بعضها مذكر مثل : قلم - باب
    وهى التى يصلح الإشارة إليها بـ هذا

    المؤنث : هو ما دل على الإناث من الناس والحيوانات مثل : أم - فتاة ، وينقسم قسمين :
    أ - مؤنث حقيقى : وهو الذى يلد أو يبيض من إنسان أو حيوان . مثل : فتاة - بقرة.
    ب - مؤنث مجازى : وهو الذى لا يلد ولا يبيض . مثل : كرة - مروحة

    وهناك علامات للتأنيث لكن لن نتطرق إليها الآن

    ثانياً : الاسم من حيث العدد

    ينقسم الاسم من حيث العدد إلى : مفرد - مثنى - جمع

    1 - مفرد :وهو ما دل على واحد أو واحدة . مثل : فتى - فتاة - سيارة
    2 - مثنى : وهو ما دل على اثنين أو اثنتين مثل : الدارسان - الدارستان
    بزيادة ألف ونون فى حالة الرفع (الدارسان) أو ياء ونون فى حالتى النصب والجر (الدارسَين)
    يعنى مثلاً ممكن أقول : كتبتُ درسين
    لكن مينفعش أقول : كتبت درسان
    لأن الدرسين هنا مفعول به والمفعول به يكون منصوباً وليس مرفوعاً وسنتطرق إلى المنصوبات من الأسماء فيما بعد إن شاء الله.
    3 - جمع : وهو ما دل على أكثر من اثنين أو اثنتين
    مثل : شوارع - مجتهدات - علماء - لاعبون
    وينقسم الجمع إلى ثلاثة أنواع :
    أ - جمع مذكر سالم : وهو الذى يدل على أكثر من اثنين بزيادة واو ونون فى حالة الرفع مثل : لاعبون ، أو زيادة ياء ونون فى حالتى النصب والجر مثل : لاعبين
    ب - جمع مؤنث سالم : وهو ما دل على أكثر من اثنتين بزيادة ألف وتاء مثل : حمَّامات
    وإن كان الاسم المفرد ينتهى بتاء التأنيث المربوطة مثل : طالية ، فإنها تُحذف عند الجمع فنقول : طالبات
    جـ - جمع التكسير : وهو ما دل على أكثر من اثنين أو اثنتين لكنه سماعي
    يعنى احنا مثلا فوق قلنا ان جمع المؤنث السالم بيجمع بزيادة ألف وتاء
    لكن جمع التكسير ملوش قاعدة معينة نقول بيجمع بزيادة كذا
    وهو ده معنى كلمة سماعي يعنى بييجى من السمع
    وهناك مثلا صيغة من أنواع جمع التكسير اسمها صيغة منتهى الجموع وهى كل جمع تكسير بعد ألف جمعه حرفان أو ثلاثة ولها عدة أوزان ، مثل : أعاظم - صحائف - مصانع - شوارع - أناشيد - مفاتيح - قراطيس

    ...

    فى الحصة القادمة بإذن الله هناخد النكرة والمعرفة
    فانتظرونا

  7. #22
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    أسئلة الدرس الثانى



    صنف ما يلى من حيث النوع والعدد :
    أى أكتب
    النوع : ..... - العدد : ......
    ملحوظة : إن كان الاسم جمعاً فحدد نوع الجمع ، وإن كان مؤنثاُ فحدد أيضاً أمؤنث حقيقى أم مؤنث مجازى


    علاج

    نظارات
    أجهزة
    علبة
    رأفة
    عنب
    رؤية
    كروت
    هواتف
    كتيب
    وريقات
    أمكنة
    امرأة
    خط
    صفاء (ليس اسماً لفتاة)
    شاشة
    جاموسة
    برنامج
    أوجه
    كلاب

  8. #23
    الصورة الرمزية ღŤ€ŶẬღ
    تاريخ التسجيل
    Aug 2008
    المشاركات
    10,124



    اقتباس المشاركة الأصلية كتبت بواسطة m_eldegwy مشاهدة المشاركة
    أسئلة الدرس الثانى



    صنف ما يلى من حيث النوع والعدد :
    أى أكتب
    النوع : ..... - العدد : ......
    ملحوظة : إن كان الاسم جمعاً فحدد نوع الجمع ، وإن كان مؤنثاُ فحدد أيضاً أمؤنث حقيقى أم مؤنث مجازى


    علاج
    :مفرد مذكر
    نظارات:جمع مؤنث
    أجهزة:جمع تكسير
    علبة:مفرد مؤنث
    رأفة:مفرد مؤنث
    عنب:ممكن جمع تكسير مش متاكدة
    رؤية:مفرد مؤنث
    كروت:جمع تكسير
    هواتف:جمع تكسير
    كتيب:مفرد مذكر
    وريقات:جمع مؤنث
    أمكنة:جمع تكسير
    امرأة:مفرد مؤنث
    خط:مفرد مذكر
    صفاء (ليس اسماً لفتاة):...........
    شاشة:مفرد مؤنث
    جاموسة:مفرد مؤنث
    برنامج:مفرد مذكر
    أوجه:جمع تكسير
    كلاب:جمع تكسير
    شكرا لتصحيح خطأى فى الدرس الاول
    جـــزاك الله كل خير

  9. #24
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    اقتباس المشاركة الأصلية كتبت بواسطة ღŤ€ŶẬღ مشاهدة المشاركة
    علاج :مفرد مذكر
    نظارات:جمع مؤنث
    أجهزة:جمع تكسير
    علبة:مفرد مؤنث
    رأفة:مفرد مؤنث
    عنب:ممكن جمع تكسير مش متاكدة
    رؤية:مفرد مؤنث
    كروت:جمع تكسير
    هواتف:جمع تكسير
    كتيب:مفرد مذكر
    وريقات:جمع مؤنث
    أمكنة:جمع تكسير
    امرأة:مفرد مؤنث
    خط:مفرد مذكر
    صفاء (ليس اسماً لفتاة):...........
    شاشة:مفرد مؤنث
    جاموسة:مفرد مؤنث
    برنامج:مفرد مذكر
    أوجه:جمع تكسير
    كلاب:جمع تكسير

    جزاكم الله خيرًا
    يبدو أنكم قد نسيتك كتابة نوع المؤنث فى معظم الجمل التى بالأحمر من حيث كونه حقيقيًا أو مجازيًا
    أما بالنسبة للجملة المتروكة فإنها مفرد مذكر

  10. #25
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    تابع الدرس الثانى







    النكرة والمعرفة



    الاسم النكرة : اسم يدل على غير معين
    يعنى مثلا لما أقول "منتدى" وأسكت
    هل أنا كده حددت انهى منتدى اللى بتكلم عنه؟ لا طبعا
    أنا فقط قلت منتدى وسكت
    يبقى أنا معينتش انهى منتدى أقصد
    فكده يبقى الاسم نكرة

    طيب
    نيجى للمعرفة بقى
    المعرفة بكل بساطة إنى محدد أنا بتكلم عن انهى منتدى
    يعنى أنا مثلا لو قلت : منتدى أحلى حياة فى طاعة الله
    يبقى أنا كده حددت أنهى منتدى أقصد
    وبكده يكون الاسم معرفة

    أظن إن داخل فى دماغنا ان النكرة هو اللى مفيهوش ألف ولام أما المعرفة هو اللى فيه ألف ولام
    وده فهم خاطئ
    لان زى ما أنا ما قلت دلوقتى : منتدى أحلى حياة فى طاعة الله
    كلمة منتدى هنا مفيهاش ألف ولام ورغم ذلك هى معرفة

    والرؤية هتوضح إن شاء الله لما نعرف ايه هى أنواع المعرفة

    أنواع المعرفة :







    1 - الضمير
    2 - العلم
    3 - اسم الإشارة
    4 - الاسم الموصول
    5 - المعرف بأل
    6 - المضاف إلى أحد هذه المعارف

    نيجى نقول واحد واحد بقى

    أولاً : الضمير
    الضمير : اسم معرفة يدل على المتكلم أو المخاطب أو الغائب.
    وهو نوعان : بارز ومستتر
    الضمير البارز هو الضمير اللى بنشوفه فى الكلام زى مثلا لما بنقول
    أنا - نحن - أنتم - أنتن - هم - هن - هما - أنتما
    والضمير البارز ده بينقسم لنوعين أيضاً


    1 - منفصل 2 - متصل
    الضمير المنفصل زى اللى احنا شفناهم دلوقتى زى : أنا - نحن - أنتم - هم ... إلخ
    لأنه عامل زى الكلمة لوحدة منفصل بنفسه غير متصل
    لكن المتصل بقى هو اللى بيبقى متصل بكلمة
    زى مثلا لما أقول : أحبك
    هنا الكاف ده ضمير وهو عائد على اللى أنا بكلمه
    أحبك - أحبكِ - أحبكما - أحبهم .. وهكذا
    كل دى ضمائر متصلة لأنها متصلة بالكلمة سواء كانت اسم : كتابى - كتابك - كتابها
    أو فعل : أحبك - أحبه
    أو حرف : إليه - إليها
    وهكذا

    طيب احان كده خدنا الضمير البارز بنوعيه وعرفنا إنه بينقسم إلى متصل ومنفصل
    وعرفنا ايه هو المتصل وايه هو المنفصل
    نيجى بقى للضمير المستتر
    يعنى ايه مستتر؟
    يعنى مش ظاهر
    طب ازاى يكون الضمير مش ظاهر
    زى مثلا فى الفعل الأمر لما أقول : افتح الباب.
    هنا فى ضمير محذوف وهو أنت لأنى بتكلم مع اللى قدامى
    فأصل الجملة : افتح أنت الباب
    وأنت هنا هو الفاعل
    لكن الضمير هنا أو الفاعل محذوف وجوبا وتقديره أنت
    مثال آخر : أبحث عن الخير
    هنا الضمير المحذوف ايه هو
    ها؟
    صح
    الضمير هو : أنا
    لأنى كاننى بقول : أبحث أنا عن الخير
    ولكن حذفت الضمير

    أحب أفكركم إن احنا كدنا خدنا الضمائر اللى هى أول نوع من أنواع المعرفة

    نيجى بقى للنوع التانى

    .........

    ثانيا : العلم

    العلم : اسم يدل على مسمى بعينه سواء أكان شخصا (خالد - محمد) أو مكانا (القاهرة - أسوان)
    يعنى حاجة أنا لما أقولها بتبقى إلى حد كبير معروفة أو معروف أنا أقصد ايه

    فلما أقول يا محمد يبقى أنا قصدى محمد اللى احنا عارفينه
    مش محتاج مثلا أحط أل عشان أعرف أنا أقصد مين

    وكذلك الأماكن
    فهى معرفة بحد ذاتها
    وهذه الأسماء وهذه الأماكن تسمى علما
    وهى من أنواع المعارف
    ولن نتطرق أكثر من ذلك فى العلم

    ..........

    نكتفى بهذا القدر فى هذه الحصة
    وبإذن الله نأخذ فى الحصة القادمة النوع الثالث والرابع من أنواع المعارف


  11. #26
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    أسئلة متابعة الدرس الثانى



    ....

    اذكر خمس جمل بهما ضمير منفصل وحدده وخمسًا أخريات بهما ضمير متصل وحدده

    اذكر جملتين بهما ضمير مستتر وحدد مكانه

    اذكر ثلاث جمل بهما اسم علم

    عذرًا لعدم وضع أسئلة الدرس السابق فى موعدها


  12. #27
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    تابع الدرس الثانى 2



    احنا عرفنا إن الاسم فيه نكرة ومعرفة

    وخدنا بعض أنواع المعرفة
    والنهارده بإذن الله ناخد البعض الآخر من أنواع المعرفة

    عندنا من أنواع المعرفة
    أسماء الإشارة

    وطبعا عارفين ايه هى أسماء الإشارة زى

    الإشارة للقريب

    هذا : للمفرد المذكر
    هذه : للمفرد المؤنث
    هذان : للمثنى المذكر
    هاتان : للمثنى المؤنث
    هؤلاء : للجمع

    الإشارة للبعيد

    ذلك : للمفرد المذكر
    تلك : للمفرد المؤنث
    ذانك : للمثنى المذكر
    تانك : للمثنى المؤنث
    أولئك : للجمع

    معلومة كده ناخدها فى وسط الدرس
    المعرب والمبنى
    الاسم المعرب هو اللى حركته بتتغير
    يعنى ايه؟
    يعنى مثلا كلمة "كتاب"
    تنفع معاها ال3 حركات اللى هم الرفع والنصب والجر
    يعنىينفع أقول : كتابُ أو كتابِ أو كتابَ
    ده اسم معرب
    مثل : اشتريت كتاباً - أبحث عن كتابٍ - كتابُك مميز
    ادينا رفعناه ونصبناه وجرناه
    لكن الاسم المبنى بقى مينفعش معاه الكلام ده
    يعنى لما ناخد "هذا"كمثال
    أقول : اشتريت هذا - أبحث عن هذا - هذا مميز
    هل كلمة هذا اتغير تشكيلها من جملة للتانية؟
    لا
    يبقى "هذا" اسم مبنى مش معرب
    وطالما آخره حرف مد يبقى مبنى على السكون
    بس كده

    نخرج بالمهم بقى وهو إن أسماء الإشارة أسماء مبنية ما عدا " هذان - هاتان"
    فأقول : اشتريت هذين الكتابين(نصب) - أبحث عن هذين الكتابين(جر) - هذان الكتابان مميزان(رفع)
    وهنا لاحظنا إن شكل اسم الإشارة اتغير من النصب للرفع أو من الجر للرفع
    يبقى اسم معرب
    وطبعا أسماء الإشارة من الأسماء المعرفة

    نييجى للنوع اللى بعديه

    الأسماء الموصولة

    الموضوع قريب جدا من اللى قبليه
    يعنى عندنا
    الذى : للمفرد المذكر
    التى : للمفرد المؤنث
    اللذان : للمثنى المذكر
    اللتان : للمثنى المؤنث
    الذين : لجمع المذكر
    اللاتى أو اللائى : لجمع المؤنث

    وهى أسماء معرفة ومبنية ما عدا اللذان واللتان (والأمر وضحناه)
    عندنا بردو نوع آخر من الأسماء الموصولة وهو
    من : للعاقل
    ما : لغير العاقل

    يعنى لما أقول : أحب الذي يصلى (للعاقل)
    هى هى لما أقول : أحب من يصلى

    ولما أقول : أحب ما ينفع الناس
    هى هى لما أقول : أحب الذى ينفع الناس (لغير العاقل)


    عندنا من أنواع المعرفة : المعرف بأل
    وده اللى احنا عارفينه وهو إن الكلمة لما يدخل عليها أل تبقى معرفة زى

    رجل (نكرة) - الرجل (معرفة)
    حاسب(نكرة) - الحاسب (معرفة)
    وهكذا ..

    نيجى بقى لآخر نوع من أنواع المعارف وهو : المعرف بالإضافة

    يعنى ايه معرف بالإضافة
    يعنى اسم ضفناه لاسم معرف
    يعنى مثلا لما أقول : كتاب محمد
    هنا كتاب معرفة وهى مفيهاش ألف ولام
    لكنها معرفة بالإضافة
    لأنها أُضيفت إلى معرفة وهو " محمد"
    واحنا المفروض عارفين إن العلم معرفة ومحمد علم (خدناها فى الحصة السابقة)
    يبقى لما الاسم ييجى بعديه اسم معرفة يبقى هو كمان معرفة

    طيب لما أقول : جهازى
    هنا بردو كلمة "جهاز" معرفة لأنها أضيفت إلى ضمير وهو ياء المتكلم

    .........

    بكده نكون انتيهينا بفضل الله من الدرس الثانى
    وجزاكم الله خيرًا
    وبارك الله فيكم

  13. #28
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    أسئلة متابعة الدرس الثانى 2




    - أكتب خمس جمل بها أسماء موصولة
    - أكتب خمس جمل بها أسماء إشارة
    - أكتب خمس جمل بها كلمات معرفة بالإضافة


  14. #29
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    الدرس الثالث


    الفعل وأقسامه


    زى يا جماعة ما خدنا فى الدروس اللى فاتت أو بمعنى أصح فى الدرس الثانى
    خدنا أقسام الاسم
    وعرفنا نقسمه من حيث كذا حاجة

    أما فى الدرس ده بقى إن شاء الله هناخد أقسام الفعل

    وهى كالتالي :






    1 - زمن وقوعه (ماض - مضارع - أمر)
    2 - بنيته (صحيح - معتل) والصحيح ينقسم إلى (مهموز - مُضعَّف - سالم) . والمعتل إلى :(مثال - أجوف - ناقص)
    3 - تصريفه (جامد - متصرف)
    4 - معموله (لازم - متعد)
    5 - تركيبه (مجرد - مزيد)


    وهناخد كل واحدة بالتفصيل بإذن الله


    أولاً : الفعل من حيث الزمن
    طبعا عارفين أزمان الفعل وهى : ماض - مضارع - أمر
    والموضوع ده أظنه مش محتاج تفصيل أكثر من كده لأننا عرفنا ايه هو الماضى وايه هو المضارع وايه هو الأمر

    ثانيًا : الفعل من حيث بنيته (معتل أو صحيح)

    حروف العلة هى : الألف والواو والياء
    ناخدها قاعدة كده

    طيب تعالوا بقى نفرق بين الصحيح والمعتل

    عندنا الفعل المعتل هو الفعل اللى فيه حرف من حروف العلة فى حروفه الأصلية

    و الفعل الصحيح اللى هو مفيش أى حرف من دول فى حروفه الأصلية
    يعنى مثلا فعل زى : استخرج
    الفعل ده أصله : خرج (وهناخد الموضوع ببعض التفصيل لاحقا ازاى جبنا أصل الفعل وكده)
    طيب هل "خرج" ده فى ألف أو واو أو ياء؟
    لا
    يبقى فعل صحيح
    وعاوز أنبه إن حروف العلة هى حروف المد
    يعنى مثلا لما أقول : ميادة
    هنا الياء مش حرف علة لأنه مش حرف مد
    لكن لو قلت : فريق
    هنا الياء حرف علة لأنها حرف مد

    والفعل الصحيح ينقسم لثلاثة أقسام
    1 - مهموز : وهو ما كان أحد حروفه الأصلية همزة ، مثل : أمِن - سأل - بدأ

    وعاوزين نفرق بين الألف والهمزة
    الألف اللى هو مفيهوش همزة
    يعنى لما أقول : استقام
    هنا الألف مفيش عليه همزة يبقى أسمه ألف كده
    أما لو قلت : بدأ
    فهنا الألف عليه همزة يبقى بقى منقولش عليه ألف
    لا .. هنا اسمه همزة


    2 - المضعف
    وهو نوعان:
    أ - مضعف ثلاثى : ما كان وسطه وآخره من جنس واحد مثل : شدَّ - هزَّ
    ب - مضعف رباعى : ما كان أوله وثانيه مكريين مثل : زلزل - وسوس




    3 - السالم : وهو اللى مفيهوش همزة أو تضعيف

    ........

    وجزاكم الله خيرًا

    سأضع أسئلة هذا الدرس غدًا بمشيئة الله لضيق الوقت

  15. #30
    الصورة الرمزية M_Eldegwy
    تاريخ التسجيل
    Jun 2009
    المشاركات
    4,506
    أسئلة الدرس الثالث



    أى هذه الأفعال صحيحًا(مهموز أم مضعف أم سالم) وأيها معتلاً :

    هزَّ
    سعَى
    صدَّ
    رأى
    أخذ
    قهقه
    ردم
    ضرم
    سجد
    فرَّ

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك