بسم الله البصير العليم


ايه رأيك فى افلام السينما التى تحتوى على مشاهد ساخنة ؟

الموضوع ده للنقاش او ابداء حل او نصيحة ..






طبعا كلنا عارفين انه بعد الشهر الكريم هتبدأ تنزل الافلام فى السينما ...

بس موضوعنا هيتكلم عن نوعية محددة من الافلام دى وهى الافلام

اللى بتحتوى على مشاهد ( .... ) .

وطبعا احنا بنسميها فى عصرنا ده اسم سهل على النفوس انه يجذبها

او تتقبله ( للكبار فقط ) !!!


بس انا عايز اقول ان ده مش بس ذنب ... ده مجاهرة بالذنب ...

يعنى اللى بيروح يدفع فلوسه ويدخل الافلام دى ، سواء كان مجموعة

اصدقاء او خطيب وخطيبته او حتى لوحده ، هو مشارك لفاعل الذنب

وناشر ليه ..

لأن المخرج والممثل بيعمل الفلم من فلوسك ، واحنا بننشر الفساد

وبنجهر بيه ..


وقال النبي : { كل أمتي معافى إلا المجاهرين } [متفق عليه].


المشاهد دى ممكن تكون على النت او التلفاز ... بس حبيت اركز علىها فى

السينما لأنها الأشد جهرا وخطراااا على مجتمعنا وعقول شبابنا لأنها بتدخل جوه

قصة بتكون شبيهة لواقعنا .. فالبتالى هى بتوجهنا وبتزين المعصية فى

أعيننا ، وكأن ده السائد والعادى فى المجتمع ..... وده كدب طبعا


والفرجة على المشاهد دى اخطارها عظيمة جداااا ، لأنها بتغير فكر

مشاهدها وبتخليه يألف ويتمنى فعل هذه المعاصى ,,,, بل بتقع المعاصى

فعلا فى بعض السينما الرخيصة .... وللأسف بتحصل ذنوب كتير من ورا

الافلام دى


وعشان كده جت تحذيرات شديدة فى ديننا من المجاهرة بالذنب لأنها

بتنشر الفساد فى المجتمع وبتستصغر الذنب ولو كان من الكبائر .


وطبعا زى الجواب ما بيبان من عنوانه .. الفيلم بيبان من الأفيش

فياريت يا جماعة بجد منكونش بمثابة دعاة للغير إلى ارتكاب المعاصي ،

زى انك تاخد واحد صاحبك وتروحوا السينما تتفرجوا على فيلم زى ده ...


ولو فى حد قريب منك بيعمل كده انصحه .. ممكن بنصيحتك يتغير الانسان

ده على ايدك والنبى يقول ( لئن يهدى الله بك رجلا واحدا خير لك من حمر
النعم ) رواه مسلم

( من دعا إلى هدى كان له من الأجر مثل أجور من تبعه لا ينقص ذلك من
أجورهم شيئاً )



وبجد والله فى افلام تانية فى السينما محترمة جداااااااااا وممتعة جداااااا

وفن بجد ... فلازم نبقى حريصين قبل ما نختار الفيلم اللى هندخله .


ياريت يا جماعة منكونش مشاركين فى الاثم العظيم ده ...

ياريت منكونش قوادين للشيطان .




ربكم أعلم بما في نفوسكم إن تكونوا صالحين فإنه كان للأوابين غفورا

ومن تاب تاب الله عليه