موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 10 من 10
Like Tree0Likes

الموضوع: موضوع تفصيلى عن شركات الأدوية

  1. #1
    الصورة الرمزية dr_ahmed_1a
    تاريخ التسجيل
    Jul 2005
    المشاركات
    887

    موضوع تفصيلى عن شركات الأدوية



    السلام عليكم ورحمة الله وبركاته

    أنا عندى اقتراح بسيط وعاوز أعرف رأيكم

    كل فترة فى القسم بيكون فى موضوع استفسار عن شركة معينة , صح ؟

    ليه لأ منعملش موضوع عبارة عن الاتى :

    كل واحد فى القسم شغال فى شركة يقولنا

    1- اسم الشركة اللى شغال فيها
    2- ايه مميزاتها , ايه عيوبها
    3- ايه مراحل الانترفيوهات اللى مر بيها علشان يكون فى الشركة
    4- ايه الاوفر بتاعها.. أو أى معلومات عن الشركة
    5- توضيح البلد التى عملت بها

    بحيث ان الموضوع يكون مرجع لينا لو حبينا نعرف أى معلومات عن شركة معينة

    سورى طولت عليكم

    سيكون الموضوع مفتوح لاضافة اى معلومات عن اى شركه فقط
    حتى يكون الموضوع أكثر تنظيما

    كل من عمل بشركه ما .. يسعدنا ان يذكر خبراته مع هذه الشركه
    واى استفسار يمكن عمله في موضوع منفصل ان شاء الله


    تم الإفتتاح بحمد الله
    وفي انتظار مشاركتكم المفيده






    التعديل الأخير تم بواسطة drmansoob; 24-11-2009، الساعة 12:38 AM





    Always bear in mind that your own resolution to succeed is more important than any other thing








    How on earth are you ever going to explain in terms of chemistry or physics so important biological phenomenon as first love
    The magic of first love is our ignorance that it could ever end




  2. #2
    الصورة الرمزية drmansoob
    تاريخ التسجيل
    Sep 2006
    المشاركات
    15,043
    موضوع رائع ومفيد جدا جدا يا دكتور أحمد
    وهيريح كتير من زمايلنا من كتر الأسئله والاستفسارات
    اتمني ان الجميع يساهم بخبرته في شركته
    بحيث الموضوع يجمع كل المعلومات عن معظم الشركات ان شاء الله


    واسمحلى أبدأ بنفسي

    انا اشتغلت في اربع شركات قبل كده
    ان شاء الله اجمعلكم كل المعلومات واكتبها ف الموضوع

    I- Vitabiotics

    اشتغلت فيها لمدة سنتين بالسعوديه
    وكيلها في مصر مناير مصر وبالسعوديه مناير نجد

    اهم منتجاتها
    ومنتجاتها هي
    osteocare tab , syr , eff
    ويستخدم لعلاج نقص الكالسيوم وهشاشة العظام



    ومنتج آخر هو Feroglobin
    ويستخدم لعلاج نقص الحديد



    مميزاتها
    شركه هاديه وادويتها ممتازه وليس لها اى بديل

    عيوبها
    زى اى شركه صغيره يعيبها عدم وجود نظام جيد للاداره
    ولكن كخبره وعمل جيده جدا

    مراحل الانترفيوهات
    عملت فيها 3 مقابلات متتاليه مع
    Supervisor - Scientific Office Manager
    & Sales Manager
    كانت مقابلات بسيطه


    الاوفر
    اقل من شركات اخري كثيره
    ويعيبها عدم اعطاء سياره فقط




    II - Organon

    شركه هولنديه متخصصه في مجال الهرمونات
    قبل ان تشتريها شركة Schering Plough في مارس 2007

    عملت بها فتره صغيره لا تتعدي ال 3 شهور بالسعوديه
    وتركتها عند بيعها لشيرنج .. وكنت اتمني انى اكمل فيها بجد

    اهم منتجاتها
    Marvelon= oral contraceptive
    pregnyl & humegon = HCG

    وغيرها من ادوية االخاصه بالهرمونات

    مميزاتها
    بصراحه انا كنت شايفها كلها مميزات
    ادويتها فريده من نوعها وشغلها مريح جدا جدا جدا

    المقابلات
    عملت 3 مقابلات
    Ditrict Manager , Group Product Manager
    Country Manager

    بس للأسف تم بيعها بالكامل لشيرنج بلاو
    واكيد اتغيرت فيها حاجات كتير

    التعديل الأخير تم بواسطة drmansoob; 07-04-2010، الساعة 02:38 AM


    ترجمة المواسم الخمسة الأولى من السلسلة الوثائقية ( الكــون )
    -(-( The Universe.S01 )-)--(-( The Universe.S02 )-)-
    -(-( The Universe.S03 )-)--(-( The Universe.S04 )-)-
    -(-( The Universe.S05 )-)-
    ترجمة سلسلة تاريخ العالم لأندرو مار
    -( BBC Andrew Marr`s History of the World )-

  3. #3
    الصورة الرمزية drmansoob
    تاريخ التسجيل
    Sep 2006
    المشاركات
    15,043
    III - MSD

    شركه أمريكيه تعتبر من اقوي واكبر الشركات في العالم
    وبعد شرائها لشركة شيرنج بلاو اصبحت في المركز التالت او الثاني عالميا
    اشتغلت فيها سنتين بالسعوديه

    اهم منتجاتها

    Cozaar = Antihypertensive
    Zocor = Antihyperlipidemic
    Fosamax = For Osteoporosis
    Singulair = For Asthma

    مميزاتها

    ميرك مدرسه من الطراز الأول
    مرتباتها وبدلاتها رائعه
    واهم ما يميزها الزياده السنويه

    عيوبها

    ال stress فيها عالى شويه

    مراحل الانترفيوهات

    من 3 ل 5 مقابلات وانت وظروفك
    بس المقابلات صعبه وتحتاج لتركيز شديد جدا

    الاوفر

    كما قلت سابقا من اعلى المرتبات وخصوصا الزيادات الثانويه

    IV- AstraZeneca

    شركه مالتى ناشيونال .. انجليزيه سويديه
    ناتجه عن اندماج شركتين كبار وهما أسترا و زينيكا
    تعتبر من اكبر الشركات عالميا


    اهم منتجاتها


    Atacand= Antihypertensive
    Crestor = Antihyperlipidemic
    Sympicort = For Asthma
    Nexium = Proton Pump Inhibitor

    مميزاتها

    شركه كبيره ولها اسمها في السوق العالمى
    وتتميز بالهدوء والاستقرار الشديد جدا
    والراحه من ضغط العمل



    مراحل الانترفيوهات

    من 3 ل 5 مقابلات أيضا
    ومقابلتها ليست مثل باقي الشركات في صعوبتها
    بس ف الآخر هو نصيب طبعا

    الاوفر

    زي معظم الشركات المالتى ناشيونال


    =-=-=-=-=-=-=-=-=-=-=-=-=-=-=-=-


    اتمنى ان تكون في هذه المعلومات الافاده
    والسلام عليكم

    التعديل الأخير تم بواسطة drmansoob; 18-10-2009، الساعة 03:46 PM

  4. #4
    الصورة الرمزية drmansoob
    تاريخ التسجيل
    Sep 2006
    المشاركات
    15,043
    اقتباس المشاركة الأصلية كتبت بواسطة raef soror مشاهدة المشاركة
    طيب انا عندى سؤالين بخصوص كلام حضرتك يا دكتور

    1_ انا فهمت من كلام حضرتك ان شيرنج اشترت اورجانون وميرك اشترت شيرنج
    يعنى كده شيرنج واورجانون تبع ميرك

    بالظبط وغالبا هتنتهي عملية الشراء على آخر السنه
    وهيكون اسمها في الغالب merck & schering plough


    ليه طيب فى مكاتب علمية باسم شيرنج وفى مكاتب باسم ميرك؟؟؟؟؟؟؟؟؟؟؟؟؟

    لان عملية الشراء لسه متمتش
    هتتم بالكامل مع اول السنه ان شاء الله
    وساعتها هيكونوا مكتب واحد فقط .. الكلام دا ثقه ان شاء الله

    2_يا ريت حضرتك توضح الاسباب اللى خلتك تسيب ميرك مع ان حضرتك بتقول ان مميزاتها رائعة؟؟؟؟؟؟؟

    عن نفسي مكنتش عايز اسيبها
    بس جالى نقل لبلد تانيه وانا مكنتش راضي بيه صراحه
    وكان ال stress عالى اوى


    سؤال اخر

    هو حضرتك بتتنقل بين الشركات فى السعودية والا لازم ترجع مصر الاول؟؟؟؟؟؟؟

    اول تنقل بس كان لازم انزل مصر

    ويا ريت حضرتك توضحلنا حركة التنقلات دى بتم ازاى وخصوصا انها بين شركات محترنة زى دى؟؟؟؟؟؟؟؟

    الشركات الكبيره يا دكتره مش بتدقق ف الامور دي
    ما دام اشتغلت كويس وماشي بسبب حاجه مش بايدك
    بيتمنولك الخير طبعا ف اى مكان

    طب سباسة الشركة بتبقى وادة فى الدول المختلفة

    يعنى فى مصر او السعودية

    هلى لو نفس الشركة بيبقى التعامل الادلرى او المادى واحد

    يعنى لو هادية هنا بتبقى فى السعودية كمان ولو فى استرس هنا بيبقى فى السعودية كمان وبخصوص الفلوس والعربية برده؟؟؟؟؟؟؟؟؟؟

    حتى لو فيه فرق يا دكتور غالبا مش بيبقي كبير
    والعمليه طبعا بالنسبه للمرتبات نسبيه


    ,,,,,,,,,,,,,,,,,,,,,,,,

    اى خدمه يا دكتور رائف



    التعديل الأخير تم بواسطة drmansoob; 24-11-2009، الساعة 12:33 AM

  5. #5
    الصورة الرمزية Dr Mousa
    تاريخ التسجيل
    Jun 2009
    المشاركات
    1,206
    طبعا انا بشكر الدكتور أحمد على مجهوده الكبير فى قسم الدعايه وربنا يوفقك يا غالى وان شاء الله تحقق كل احلامك
    .........................
    انا اشتغلت فى شركتين فى مصر
    الاولى مكتب الاهرام العلمى
    ومن اهم المنتجات التريزوركس والبتادين ......
    مكتب الاهرام فعلا استفدت منه حاجات كتير ف الدعايه لان كل الى اشتغلت معاهم استفدت منهم كتير وهما الى اتعلمت منهم غير انه بيهتم بالمناديب جدا سواء تريننج وكورسات كل فتره
    مراحل المقابلات فيها : 4 مقابلات
    اما من حيث الماديت فكويسه جدا
    بس هو عيبه ان فى stress فى الشغل جامد بس

    ========================

    اما الشركه التانيه كانت شركه فاركو بي ودى برانش من فاركو بس هما متخصصين فى الفيل الانتى بيوتك والاورال
    وطبعا من اشهر المنتجات السيفازون والفاركوسيف والكيورسيف ...

    الشركه كويسه جدا لا فيها ضغط شغل وكمات التارجت سهل جدا انى تجيبه
    غير ان الماديات كانت فيها ممتازه جدا
    مراحل الانترفويهات : حوالى 3 او 4 مقابلات
    بس يمكن كان عيبها الوحيد ان لو مش عندك اراده للشغل والتحقيق هتنام ف الخط لان مش عليك ضغط شغل وكمان موضوع الحرق الى كان بيتعتمد عليه ناس كتير
    .........................
    اتمنى اكون وفقت
    وربنا يوفقنا جميعا لكل خير




    عش كل لحظة فى حياتك ... كأنها أخر لحظة فى حياتك

    عش بالايمان ... عش بالأمل

    عش بالحب ... عش بالكفاح

    ... وقدر قيمه الحيــــاة ...








  6. #6
    الصورة الرمزية drmansoob
    تاريخ التسجيل
    Sep 2006
    المشاركات
    15,043
    أعتذر عن حذف جميع المشاركات
    سيكون الموضوع مفتوح لاضافة اى معلومات عن اى شركه فقط
    حتى يكون الموضوع أكثر تنظيما

    كل من عمل بشركه ما .. يسعدنا ان يذكر خبراته مع هذه الشركه
    واى استفسار يمكن عمله في موضوع منفصل ان شاء الله

    في انتظار مشاركاتكم الفعاله باذن الله
    خالص تحياتي


    التعديل الأخير تم بواسطة drmansoob; 24-11-2009، الساعة 12:37 AM

  7. #7
    تاريخ التسجيل
    May 2008
    المشاركات
    3
    انا اشتغلت في شركتين

    شركة القدس للمستحضرات الطبية -البيرة فلسطين

    وهى شركة فلسطنينة وطنية لها 250 صنف
    تغطى جميع التخصصات تقريبا وجميع الاشكال الدوائية باستثناء الهرمونات

    تاسست سنة 1969
    عملت في لمدة سنتين وشهرين
    فلوسها قليله والضغط كتير لانك بتتشغل في شركة لوكال




    2-شركة التورديات والخدمات الطبية
    بشتغل فيها لحد الان وليا فيها سنة و3شهور
    شركة مرتابتاها ممتازة
    وضغط الشغل خفيف
    وهى وكيلة عدة شركات عالمية جلاكسو وافنتس وميرك وليليى وابوت وجانسن سيلاج و بورنجر بنوهليم


    وسلام
    يا باشا

  8. #8
    تاريخ التسجيل
    Sep 2013
    المشاركات
    2
    السلام عليكم

    بعد اذن الجميع انا بدرس فى حقوق وكنت حابب اشتغل فى شركات ادويه ممكن اعرف مجالات العمل فى شركات الادويه وايه العمل اللى ممكن يكون مناسب ليا

    ارجو الرد

  9. #9
    اقتباس المشاركة الأصلية كتبت بواسطة ahmedelwakil73 مشاهدة المشاركة
    السلام عليكم

    بعد اذن الجميع انا بدرس فى حقوق وكنت حابب اشتغل فى شركات ادويه ممكن اعرف مجالات العمل فى شركات الادويه وايه العمل اللى ممكن يكون مناسب ليا

    ارجو الرد

    هو المجالات كتير
    ممكن تشتغل فى المبيعات ، التوزيع ، حسابات ، ضرائب ، مشتروات
    انتا اللى المفروض تبقى حاطط عينك على حاجة منهم
    و برده حاول تشوف حد من صحابك شغال فى المجال ده تنزل معاه يوم او اتنين تشوف ظروف الموضوع معاك ايه



  10. #10
    الصورة الرمزية zeiiny
    تاريخ التسجيل
    Dec 2013
    المشاركات
    47
    موضوع رائع ومفيد جدا جدا يا دكتور
    وهيريح كتير من زمايلنا من كتر الأسئله والاستفسارات


    contact_us : 9 abbas el-akkad street, nassr city, Cairo, Egypt
    Tel: (+202) 24010655
    Cell phone: (+2) 01143050023
    Call phone: (+2) 01024212175




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك