موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 38
Like Tree0Likes

الموضوع: ارجو الافاده : في تحضير الماجستير والدكتوراه

  1. #1
    الصورة الرمزية Boushy™
    تاريخ التسجيل
    Oct 2005
    المشاركات
    1,688

    ارجو الافاده : في تحضير الماجستير والدكتوراه

    انا عاوز استفسر عن تحضير الماجستير والدكتوراه بالنسبه لكليه الحقوق
    ايه الشروط الواجب توافها
    وبتاخد وقت أد إيه
    وتشترط تقدير ولا لا؟
    ولو تحضير الدكتوراه بالخارج على نفقتي الشخصيه
    كل ما يلزم تحضير الماجستير والدكتوراه
    ارجو الافاده بها
    وشكرا
    .....................

  2. #2
    الصورة الرمزية ahmed_4411
    تاريخ التسجيل
    Sep 2004
    المشاركات
    371
    بسم الله الرحمن الرحيم
    أخي العزيز ردا علي سؤالك
    كلية الحقوق من الكليات التي لا يشترط فيها أن يكون المتخرج حاصل علي تقدير معين كي يسجل نفسه بالدراسات العليا و بالتالي فإنه يجوز لأي شخص حاصل علي ليسانس الحقوق أن يسجل في الدراسات العليا و يتم التسجيل عن طريق قسم الدراسات العليا في أي كلية حقوق علي مستوي الجمهورية و طبعا هناك عدد من كليات الحقوق ليس بها قسم للدراسات العليا أما لحداثة الكلية أو لعدم توافر الكوادر اللازمة للتدريس ,

    ثانيا : بالنسبة لنظام الماجستير في كليات الحقوق فكان في السابق يتم الحصول علي درجة الماجستير عن طريق الحصول علي دبلومين في القانون و هما ما يعادلا الماجستير و قد تم الان إضافة نظام أخر و هو أمكانية الحصول علي ديبلوم واحد ثم التسجيل لرسالة الماجستير وعن الفرق و ذلك مع أمكانية الاختيار بين النظامين , وعن الفرق بين النظامين فنظام الدبلومين يتم فيه الدراسه كالتالي :
    1) لكي تحصل علي درجة الماجستير يجب أن يكون أحد الدبلومين هو دببلوم القانون الخاص أو ديبلوم القانون العام ( يقسم القانون في المدرسة اللاتينيه أو كما تسمي بمدرسة القانون المدني إلي قسمين أساسيين هما القانون الخاص و هو الفرع من القانون الذي ينظم تعاملات الافراد بعضهامع بعض أو علاقة الدولة بالفرد في الحالات التي لا تتعامل فيها بسلطتها السيادية مثل نشاط الدولة في المنشأت الخدمية ذات الطابع التجاري مثل الفنادق و المخابز و غيرها و يندرج تحت هذا القسم عدد من القوانين هي القانون المدني و القانون التجاري و قانون المرافعات و علم تاريخ القانون و فلسفته و القانون الدولي الخاص و الشريعة الاسلامية , أما بالنسبة للقسم الثاني وهو القانون العام فهو ذلك القسم الذي ينظم علاقة الدولة بصفتها السيادية بالافراد العادية أو علاقة مؤسسات الدولة بعضها البعض و علاقة اتلدول ببعضهاو يندرج تحت هذا القسم القانون الاداري و الدستوري و القانون الدولي العام و القانون الجنائي و قوانين الضرائب و المالية العامة و الاقتصاد كعلم و أيضا الشريعة الاسلامية ) ويكون الاختيار مفتوحا بعد الحصول علي أحد الديبلومين للدارس أن يدرس ما يعجبه في الديبلوم الثاني ( خاص أو عام + أي ديبلوم اخر ) .
    2) يجوز لطالب الدراسات العليا أن يدرس ديبلوم القانون الخاص ثم يدرس ديبلوم القانون العام .
    3) أختيار الدارس بين ديبلوم القانون الخاص أو العام ثم أي ديبلوم اخر هو الذي يحدد المجال او التخصص الذي يمكن عمل رسالة الدكتوراه فيه فإذا أخترت مثلا ديبلوم القانون الخاص ثم القانون الجنائي فيكون مجال الدكتوراه مفتوحا أمامك لتحضير دكتوراه في المواد التالية ( المدني أو التجاري أو المرافعات أو تاريخ القانون وفلسفته أو القانون الدولي الخاص أو الشريعة الاسلامية أو القانون الجنائي و هكذا ...) , أما إذا حصلت علي ديبلوم القانون الخاص ثم دييبلوم القانون العام فيمكنك تحضير رسالة الدكتوراه في اي فرع من فروع القانون .
    3) مدة الدراسة في كل ديبلوم تعادل مدة الدراسة في السنة الدراسية الجامعية العادية اي بداية من شهر سبتمبر إلي شهر يونيه و لكن هنا يطبق نظام التيرم الواحد فتكون الامتحانات في نهاية مدة الدراسة و تكون عدد المواد الدراسية في الديبلوم من خمسة إلي ست مواد بالاضافة إلي مادة قاعة البحث التي يتم فيها تعلم كيفية القام ببحث علمي و يطلب من طالب الدراسات العليا القيام بعمل بحث في أحد مواد الدراسة في الديبلوم لا يقل عن ثلاثين صفحة .
    4) يكون الامتحان في الديبلومات في نهاية فترة الدراسة ويتم كالتالي :
    1) دور شهر مايو يتم فيه الامتحان تحريريا فأذا نجح الطالب فيه يقوم بدخول الامتحان الشفهي و الذي يكون عادة بعد أمتحان التحريري بشهر أو شهر ونصف وبعد ظهور نتيجة أمتحان التحريري بأسبوع او أقل من ذلك , أما إذا رسب الطالب في اي ماده من مواد الديبلوم فإن ذلك يؤدي إلي رسوبه في باقي المواد و هنا تتاح له فرصة دخول دور شهر أكتوبر لإعادة جميع المواد و ليس مارسب فيها فقط و يكون النجاح في كل مادة من 60% أي يجب الحصول علي 14 درجة علي الاقل و هي ما يوازي درجة المقبول , و يتاح لكل طالب دخول الامتحان في نفس الديبلوم أربعة مرات ( دور مايو ثم دور أكتوبر ثم بمصاريف جديدة مايو مره أخري ثم أكتوبر.
    2) يجوز للطالب تقدبم أعتذار مكتوب عن الامتحان وذلك من بداية السنة حتي يوم الامتحان صباحا فيتم تأجيله لدور أكتوبر و إذا أعتذر عن دور أكتوبر يتم تأجيله للسنه الجديدة بمصاريف جديدة .


    - بالنسبة لنظام الحصول علي ديبلوم ثم تحضير رسالة ماجستير فيلتزم طالب الدراسات العليا أن يكون الديبلوم هو ديبلوم القانون الخاص او العام .
    * الفرق بين من حصل علي الماجستير عن طريق دراسة ديبلومين و الذي حصل عليه عن طريق رسالة الماجستير أن الأول يحصل علي شهادة بمعادلة الماجستير أما الثاني فيحصل علي شهادة بالماجستير و لا يوجد اي فرق في المعاملة بين الشهادتين و إنما ي مجرد مسميات .
    ملحوظه
    - كنصيحه شخصيه حاول أن تدرس بنظام الديبلومين لأنه أسهل و أوفر في الوقت و المصاريف لأن رسالة الماجستير تعامل كأنها رسالة دكتوراه .
    - أعذرني لعدم ذكر مقدار المصاريف لأني لا أعلمها بالضبط .

    أرجو أن أكون أفدت بمعلومات وافيه عن نظام الماجستير انتظر مني شرح نظام الدكتوراه قريبا و أرجو الدعاء

    سبحان الله وبحمده سبحان الله العظيم

    مرغم عليك يا صبح مجبور يا ليل
    لا دخلتها برجليا ولا كان لي ميل
    شايلني شيل دخلت انا في الحياة
    وبكره هخرج منها شايلني شيل
    وعجبي

    أقلع غماك يا تور و أرفض تلف
    و أكسر تروس الساقيه وأشتم وتف
    قال بس خطوه كمان وخطوه كمان
    يا السكه تخلص يا البير يجف
    و عجبي

  3. #3
    الصورة الرمزية pop201
    تاريخ التسجيل
    Mar 2004
    المشاركات
    951
    الف الف شكــــــــــــــــــــــــــــــــــــــــــــر ياباشا علي تعبك ومجهودك

  4. #4
    تاريخ التسجيل
    Sep 2006
    المشاركات
    491
    الله عليك بجد ياريت كمان بقى نظام الدكتوراه ربنا يفتح عليك يارب
    بس انا كمان عاوز استفسر عن دبلومه اسمها دبلومة العلوم القضائيه ياريت لو تعرف عنها اى حاجه تقولى وكمان اللى بياخدها بيمشى فى مجال ايه
    وكمان سؤال تانى بعد اذن صاحب الموضوع لو عاوز اعمل دكتوراه فى السايبر كرايمز او الجرائم الالكترونيه امشى ازاى بالظبط
    وشكرا ليك جدا وربنا مايحرمناش من معلوماتك القيمه دى

  5. #5
    الصورة الرمزية ahmed_4411
    تاريخ التسجيل
    Sep 2004
    المشاركات
    371

    Rules

    اقتباس المشاركة الأصلية كتبت بواسطة m000dy_83 مشاهدة المشاركة
    الله عليك بجد ياريت كمان بقى نظام الدكتوراه ربنا يفتح عليك يارب
    بس انا كمان عاوز استفسر عن دبلومه اسمها دبلومة العلوم القضائيه ياريت لو تعرف عنها اى حاجه تقولى وكمان اللى بياخدها بيمشى فى مجال ايه
    وكمان سؤال تانى بعد اذن صاحب الموضوع لو عاوز اعمل دكتوراه فى السايبر كرايمز او الجرائم الالكترونيه امشى ازاى بالظبط
    وشكرا ليك جدا وربنا مايحرمناش من معلوماتك القيمه دى
    بسم الله الرحمن الرحيم

    أخي العزيز مشكور علي ردك و ردا علي استفسارك عن ديبلوم العلوم القضائية فكما تعرف عن طريق دراستك في كلية الحقوق أن كل ما ينظم أمور القضاء و القضاة و تنظيم المحاكم يندرج تحت فرع قانون المرافعات , أما بالنسبة لسؤالك الثاني عن عن ماذا تفعل لتحضير دكتوراه في موضوع الجرائم الالكترونية فأسمح لي أن اعطيك نصيحة ستفيدك جدا فيما بعد فقد سألت عن ديبلوم العلوم القضائية ثم سالت عن الجرائم اللكترونية أو الجرائم المعلوماتيه حاول دائما أن ترد الموضوع الذي تسأل عنه إلي الفرع الذي يناسبه من القانون فالجرائم الالكترونية هي جرائم يعاقب عليها القانون كأي جريمة أخري إذن تخضع لتشريعات التجريم و العقاب أي القانون الجنائي و بالتالي عليك أن تدرس ديبلوم القانون الخاص او العام ثم القانون الجنائي أو أ، تدرس ديبلوم القانون العام ثم أي ديبلوم أخر غير القانون الجنائي فوجود مادة القانون الجنائي في ديبلوم العام يتيح لك تحضير رسالة الدكتوراه في هذا المجال .
    و بالنسبة لنظام الدكتوراه قريبا بإذن الله و أرجو أن تكون المعلومة وصلت و تقبل تحياتي

  6. #6
    تاريخ التسجيل
    Sep 2006
    المشاركات
    491
    المغعلومات وصلت وتمام جدا متشكر جدا جدا لاهتمامك وده ينم عن شخصيه محترمه الواحد يهتم انه ياخد رايه دايما لكن واضح ان حضرتك ملم بالمواضيع دى فياريت ترتبلى الدبلومات من الاسهل للاصعب فى الفرعين الخاص والعام وياريت كمان درجة اهمية كل دبلومه ومدى اتساع نطاق استخدامها واللى اقدر اكون بيها قوى قانونا عشان اقدر اخد حقى او حق اى حد مظلوم يعنى مش الواحد ياخد دبلومه او ماجستير يكون مسمى وخلاص لا انا عاوز الدبلومه او الماجستير ده يزيدنى كمستوى علمى وعملى
    ياريت اكون واضح فى سؤالى مع انه طويل شويتين تلاته بس انا عارف انك هاتجاوبنى على كل جزء منه باسلوبك المتانى والمفسر والجميل ده
    وبجد شكرا قليله عليك لان كلامك معايا فرق كتير جدا اكتر مما تتصور

  7. #7
    تاريخ التسجيل
    Sep 2006
    المشاركات
    491
    طبعا ده بعد اذن صاحب الموضوع
    وطبعا ليه الشكر انه سمحلى بالاستفسارات الخاصه فى موضوعه

  8. #8
    الصورة الرمزية Boushy™
    تاريخ التسجيل
    Oct 2005
    المشاركات
    1,688
    اولا احب أشكر الاستاذ احمد على الرد والتفسير الهايل
    بجد شكرا جدا جدا ليك
    ومنتظر منك موضوع رساله الدكتوراه وبالنسبه لتحضيرها من الخارج
    وبالنسبه للاستاذ مودي
    مافيش داعي انك تستاذن طبعا
    انا فتحت باب مناقشه واستفاده وشكرا للاستاذ احمد على مجهوده
    والكل يقدر يستفيد طبعا

    منظرين يا استاذ احمد الرد في موضوع الدكتوراه
    وشكرا مره اخرى

  9. #9
    الصورة الرمزية ahmed_4411
    تاريخ التسجيل
    Sep 2004
    المشاركات
    371
    اقتباس المشاركة الأصلية كتبت بواسطة boushy1 مشاهدة المشاركة
    اولا احب أشكر الاستاذ احمد على الرد والتفسير الهايل
    بجد شكرا جدا جدا ليك
    ومنتظر منك موضوع رساله الدكتوراه وبالنسبه لتحضيرها من الخارج
    وبالنسبه للاستاذ مودي
    مافيش داعي انك تستاذن طبعا
    انا فتحت باب مناقشه واستفاده وشكرا للاستاذ احمد على مجهوده
    والكل يقدر يستفيد طبعا

    منظرين يا استاذ احمد الرد في موضوع الدكتوراه
    وشكرا مره اخرى

    أخي العزيز لا شكر علي واجب المفروض أحنا نشكرك عشان فتحت موضوع شيق و مفيد زي ده أرجو أن أكون أفدت

  10. #10
    الصورة الرمزية ahmed_4411
    تاريخ التسجيل
    Sep 2004
    المشاركات
    371
    اقتباس المشاركة الأصلية كتبت بواسطة m000dy_83 مشاهدة المشاركة
    المغعلومات وصلت وتمام جدا متشكر جدا جدا لاهتمامك وده ينم عن شخصيه محترمه الواحد يهتم انه ياخد رايه دايما لكن واضح ان حضرتك ملم بالمواضيع دى فياريت ترتبلى الدبلومات من الاسهل للاصعب فى الفرعين الخاص والعام وياريت كمان درجة اهمية كل دبلومه ومدى اتساع نطاق استخدامها واللى اقدر اكون بيها قوى قانونا عشان اقدر اخد حقى او حق اى حد مظلوم يعنى مش الواحد ياخد دبلومه او ماجستير يكون مسمى وخلاص لا انا عاوز الدبلومه او الماجستير ده يزيدنى كمستوى علمى وعملى
    ياريت اكون واضح فى سؤالى مع انه طويل شويتين تلاته بس انا عارف انك هاتجاوبنى على كل جزء منه باسلوبك المتانى والمفسر والجميل ده
    وبجد شكرا قليله عليك لان كلامك معايا فرق كتير جدا اكتر مما تتصور
    بسم الله الرحمن الرحيم

    أخي العزيز مشكور علي ردك و يا أخي ربنا هيسألنا لو عندنا معلومه وبخلنا بيها علي حد فيسعدني دائما الاجابه علي اسئلتك و ردا علي سؤالك .
    كما قلنا سابقا يجب الحصول علي أحد الديبلومين إما الخاص أو العام للحصول علي درجة الماجستير و النصيحة المثلي هنا و صدقني هي ما يجب أن تأخذ به و هي أن تحاول دراسة ما تحبه لأنك لو أخترت مثلا فرع متميز و أنت تكرهه فسوف تفشل فيه أو سيكون في منتهي الصعوبة عليك و لكن بوجه عام ديبلوم القانون الخاص أكثر إرتباطا بعملك كمحام فيندرج تحته القانون المدني أبو القوانين و الذي ينظم كثير من الفروع الاخري مثل قوانين العمل و الاحوال الشخصية و قو انين الايجار , ثم بعد ذلك القانون التجاري و الذي ينضم تحته قانون التجارة و الملكية الفكرية وقوانين الاستثمار و غيرها من القوانين الخاصة بأعمال البنوك ثم قانون المرافعات و هو العامود الفقري للنظام القانوني و القضائي و الذي ينظم اتلاجراءات و المواعيد وتشكيل الهيئات القضائية ثم مادة الشريعة الاسلامية و التي إذا تعمقت فيها سوف تثقل معارفك ومداركك القانونية لأن كثير من القواعد الاصولية في الفقه الاسلامي معمول بها في كثير من القوانين ثم القانون الدولي الخاص و الذي لا استصيغه شخصيا و لكن بالتأكيد له فائدته .
    أما ديبلوم القانون العام فكما ذكرنا فبه القانون الدستوري و القانون الاداري و الشريعة الاسلامية و المالية العامة و التشريعات الضريبية و القانون الجنائي بالطبع و الذي يعد متعه في دراسته و لكن يتعمد الاساتذه علي مستوي الجامعات في هذا التخصص جعل هذه الدبلومه من أصعب الدبلومات ثم القانون الدولي العام و هو قانون سلس و سهل وممتع في نفس الوقت .
    و هنا يجب عليك الاختيار بما تفضله و تحبه وتجده أقرب اليك واسهل من وجههة نظرك .

    أما بالنسبة لباقي الديبلومات فالبطبع ديبلوم القانون المدني يكون صعبا في كل الجامعات و يتطلب طالب قادر بالفعل علي أن يكون متميز و انا شخصيا أجد من يكون متمكنا من القانون المدني متمكنا من كل فروع القانون , و القانون التجاري جيد و ليس لدي فكرة عن مدي صعوبة هذا الدبلوم و لكن القانون التجاري يحتاج الي قدرات خاصه وقراءات كثيرة لتعدد مجالاته و يوجد ديبلوم أفتتح حديثا للملكية الفكرية يندرج تحت القانون التجاري في جامعة حلوان و هو دبلوم متميز جداااااااااا و اظن ان من سيحصل عليه بتفوق سيكون من البارزين في هذا المجال ثم تأتي دبلومة الشريعة فهي من أسهل و أجمل و أمتع الدبلومات فهي مشوقه وتعرفك بأمور الدين و الاساتذه طيبي و متسامحين , دبلومة قانون المرافعات دبلومه جيده ولكن صعبه و بعض الاساتذه بها ( بتتفذلك ) و يندرج تحت قانون المرافعات دبلومات التحكيم و هي دبلومات متميزة أيضا و مجالها واسع في العمل و تعطيك ثقل هائل في هذا المجال , دبلوم العلوم الاقتصادية بالنسبة لي أنا كان مملا جدا لأني لم أكن أحب المواد الاقتصادية ولكن أجبرت عليه و بالرغم من أنني استطعت الحصول عليه و لكن بعد عناء و تعب شديدين فإذا لم تكن تحب الاقتصاد فأنصحك الا تقربه . دبلوم القانون الدولي مجالها ممتاز بالنسبة للمنظمات الدولية مع وجود اللغة القوية و هي في معظم الجامعات سهله وجميله .
    دبلوم القانون الجنائي صعب صعب صعب بالرغم من متعة دراسة القانون الجنائي الاساتذه فيه جبابره و بالرغم من ذلك هناك أشخاص تنج فيه و لكني أعرف مستشار سنه 55 سنه يكتب في القانون كتابات مثل الذهب و له فكره القانون المتميز فشل في الحصول عليه ثلاث مرات و لكن حاول .
    القانون الدستوري أنا أجده ممل و وبه صعوبه في كثير من الجامعات و خصوصا لو وقعت في أيدي بطيخ باشا و الشاعر أفندي و غيرهم الكثير .

    بالرغم من أني ذكرت بعض الدبلومات و بالطبع لا أستطيع حصر كل الدبلومات الموجوده بكل الكليات و هذا رأيي الشخصي فيها و لا يجب أن تتبعه بدون تفكير فقد أجد انا شيئ صعب و تجده انت سهل و لا أنكر أن كل أنواع الدبلومات بها صعوبه فهي تحتاج إلي مجهود فإذا كنت ستعمل بجد سيكافئك الله أرجو أن أكون أفدتك و لا تنسانا بالدعاء

  11. #11
    تاريخ التسجيل
    Sep 2006
    المشاركات
    491
    من ناحية الدعاء فاله يكرمك ويزيدك علم ويكرمك باعلى المناصب وارفع المستويات لانك شخصيه تستحق لان اسلوبك وعدم تاخرك على الردعلى اسئلة زملائك اللى طبعا مقدرين اهتمامك وربنا يعلم بدعيلك من قلبى عشان مساعدتك ليا ولغيرى ويارب اعرف ابقى مفيد لغيرى من الناس الحيرانين ومش لاقيين اللى يرسيهم على بر
    بس كمان سؤال كده
    انا اصلا جامعه مفتوحه وطبعا انا دخلت الكليه لانى بحبها بعد ماخدت البكالريوس وطبعا طبعا مع احترامى للمحاميين وعملهم بس انا مش داخل عشان اشتغل بالمحاماه انا داخل عشان احصل على درجه علميه رفيعه ترفع من شانى علميا واجتماعيا مش زى مالناس فاهمه ان النيابه هى الهدف واللى مش مصدق يشوف كتب الدكاتره ويشوف مناصبهم اللى كانوا ماسكينها هايلاقوا ان معظمهم عمل بالنيابه وسابها تفرغا للدكتوراه
    لكن ياريت تفيدنى بقى باسلوب الدراسه اللى انت مريت بيه وايه وجه الصعوبه بخلاف المذاكره
    يعنى بتتعب فى جمع المذكرات مثلا ولا فى البحث عن مراجع وايه وجه التعب فى موضوع الحضور والمعامله واسلوب التدريس لان انا قدامى الدبلومه عن طريق الجامعه المفتوحه بردو وماتتصورش الموضوع سهل على الناس لدرجه تخلى واحد اخد دبلومه نظامى زيك ياخد تلاته بالنظام المفتوح لكن انا بقى عاوز اخد الدبلومه وكمان اكمل بالطريقه العاديه فى اى جامعه عشان اخد على الاسلوب ده عشان ماتعبش فى الماجستير او الدكتوراه لما اتفاجىء باسلوب دراسه مختلف بيلزمنى بحضور ومتابعه ودراسه بوقت وشكل معين ياريت تشرحلى بقى من تجربتك
    وياترى دبلومات الجامعه المفتوحه معترف بيها زى العاديه ولا ايه
    كالعاده طبعا سؤالى كبير وملخبط ومليان اجزاء فى كل حته
    وكالعاده انت بتقرأ سؤالى كويس وبتجاوب اجابه نموذجيه ولا عجب انك وصلت للدبلومه وان استمريت على كده ابشرك بدكتوراه مع مرتبة الشرف بس ابقى افتكرنا
    التعديل الأخير تم بواسطة m000dy_83; 26-11-2007، الساعة 06:13 PM

  12. #12
    الصورة الرمزية msn0000msn
    تاريخ التسجيل
    Aug 2006
    المشاركات
    221
    سؤال للاستاذأحمد
    أذا سمحت هل جميع الدبلومات بيكون فيها مادة بلغة الانجليزية؟أما بظروفها ؟أما على حسب الجامعة نفسها؟؟

  13. #13
    الصورة الرمزية ahmed_4411
    تاريخ التسجيل
    Sep 2004
    المشاركات
    371
    اقتباس المشاركة الأصلية كتبت بواسطة msn0000msn مشاهدة المشاركة
    سؤال للاستاذأحمد
    أذا سمحت هل جميع الدبلومات بيكون فيها مادة بلغة الانجليزية؟أما بظروفها ؟أما على حسب الجامعة نفسها؟؟
    أخي العزيز لا يوجد أي مواد تدرس باللغةالانجليزية في الدبلومات و لكن إذا صادفت أساتذه محترمه تراعي ربنا في شغلهم ستجد منهم من يصر ان يعطيك كتاب أو بحث معين بالانجليزي أو الفرنسي و من ناحيتك ستشعر ان هذا الاستاذ بيتفذلك لكن صدقني ستدعي له بعد ذلك و قد حدث ذلك معي شخصيا فقد أصر الاستاذ محمد علي الصافوري أستاذ تاريخ القانون تدريس بحث كامل لنا بالفرنسية علي ان يمتحنا فيه و قد أستفدنا منه أكبر استفادة و أيضا اصر الاستاذ حسام الدين عبد الغني الصغير ان ندرس دبلومه في الملكية الفكرية من الاكاديمية العالمية للملكية الفكرية بجنيف عن طريق الدراسة عن بعد وقد أفادتنا كل الفائدة و لكن نصيحتي لك أن تحسن من مستواك في اللغه سواء الفرنسية او الانجليزية فسوف تحتاج اللغه في الدكتوراه و أيضا القراءة في القانون بلغات أخري سوف يعطيك ثقل كبير
    التعديل الأخير تم بواسطة ahmed_4411; 27-11-2007، الساعة 09:38 PM

  14. #14
    الصورة الرمزية ahmed_4411
    تاريخ التسجيل
    Sep 2004
    المشاركات
    371
    بسم الله الرحمن الرحيم

    أخي العزيز مشكور علي الكلام الحلو ده بس كفاية عليا كده لحسن أصدق و أتمرع ههههههه
    و بخصوص سؤالك عن أسلوب الدراسة هو طبيعي جدا عبارة عن محاضرات في كل مادة كل دكتور بيبقي له كتاب في مادته أنت بتكون ملتز بيه في الامتحان يلغي منه أو ميلغيش مفيش عليه رقابه و ممكن يطلب منك عمل بحث في مادته بالاضافه الي البحث المطلوب في مادة قاعة البحث .و بالنسبة للمحاضرات طبعا لصغر العدد بيكون الطابع بتاعها أفضل شوية بتحس أنك فعلا بتتعلم و بتتناقش مع الاستاذ و الحضور طبعا مش إجباري و في أساتذه غاية في الاحترام زي الاستاذ الدكتور محمد محسوب عبد المجيد أستاذ علم الاجتماع القانوني و فلسفتة بتعمل حاجه مفيده جدا أنهم يخلوا الطلبه يقروا في الكتاب أو في مراجع و يحددوا كل محاضرة طالب معين يخلوه يشرح لباقي زمايله في الدبلوم و بعد كده الاستاذ يعلق علي موضوع المحاضره و لو حد مش فاهم او عنده أستفسار يسأل الموضوع ده بيفيد جدا بيخليك تشتغل و الجزء اللي بتشرحه عمرك ما بتنساه . طبعا لو أنت مش متفرغ للحضور ممكن قوي متحضرش بس الحضور له عدة فوائد أولا الدكتور في المحاضره بيعرفك وده بيفيدك جدا في امتحانات الشفوي و كمان بيركزوا ساعات علي أجزاء مهمه بس طبعا لو متقدرش مفيش مشاكل بس حاول تتعرف علي ناس بتحضر و متابعه و تخلي علاقتك بيهم كويسه و تحاول أنك تنزل يوم أو اثنين في الاسبوع تحضر محاضرات .

    بالنسبة لأسلوب التدريس بيبقي عادي بس الدكاتره بتتعامل معاك من منطلق أنك راجل كبير و محترم و جاي تدرس بمزاجك ومحدش بيفرض عليك شيئ و بيحبوا اللي يتناقش معاهم و يكون زكي و متفاعل معاهم .

    بالنسبة لأسلوب المذاكرة طبعا مش محتاج أقولك أن اللي بيحفظ بيكون عامل زي الشوال اللي بيحطوا فيه البصل يعني مبينفعش يعني لازم فهمك و استيعابك يكون أكبر من طالب الليسانس و لازم تذاكر بشكل منظم و مش هتجد ملخصات ولا مذكرات لازم تكتب ملخصاتك بأيدك و تفهم كل كلمه و كشيئ أساسي بيحاول الاساتذه يعلموه للطلبه هو أسلوب البحث العلمي و القصد من الاسلوب ده ان تفكيرك وطريقة حلك تكون منظمه وعلمية فمثلا إجاباتك علي الاسئله في الامتحانات يجب أن تكون علي شكل بحث هتقولي أزاي أقولك يعني لو سألك مثلا عن ما هو القانون الخاص و فروعه و الاشخاص التي تقع تحت طائلته و الي أي مدرسة ينتمي ؟
    محتاج أنك تقسم السؤال لنقط علي شكل مباحث و مطالب و فروع و لو الاجابه مش كبيره تقسمها لنقاط اولا و ثانيا و ثالثا
    و تكتب التقسيم ده قبل الاجابه مثلا
    أولا تعريف القانون الخاص
    ثانيا ماهيته
    ثالثا فروع القانون الخاص و تطبيقاته
    رابعا الاشخاص المخاطبين بالقانون الخاص
    خامسا تقسيم القانون الخاص من حيث المدرسة القانونية

    ولو أنت شايف أنه ينفع يكون تحت أي نقطه من دول نقط تانيه تكتبها و بعدين تبتدي تجاوب بنفس الترتيب اللي انت أشرت إليه في الاول وده كله في ضوؤ أن أنت مطالب بأنك تتكلم عن موضوع كبير جدا في وقت قليل جدا يعني الرغي اللي ملوش لازمه ممكن يسقطك أكتب دايما الكلام المفيد اللي الاستاذ عايزه من غير ما تكون مبتسر , و كنصيحه ذاكر أول بأول متستناش لأخر السنه و تذاكر .
    طبعا لما ربنا بيوفقك في أمتحانات التحرير بيكون الاساتذه محددين لك المواد اللي هتمتحن فيها في الشفوي ودي عموما بتكون من المواد اللي انت اخدتها في الليسانس فمثلا المدني هتلاقي الدكتور بيقلك همتحنك في مدني ثانيه وثالثه يعني نظرية الالتزام والملكية وهكذا فلازم تقرا في الكتب القديمه بتاعتك ولو حتي تتصفحها كده كل مده .

    القراءة القراءة القراءة هي اللي هتخليك متميز و هتفتح مداركك لازم تقرا كتير و تقعد في المكتبه تقرا في كذا موضوع متخليش نفسك محدود بالكتب لان انت رايح تتعلم مش تحفظ وتنسي بعد الامتحان .و كمان ناقش زمايلك في أي موضوع قانوني يخطر علي بالك هتستفيد جدا .

    شيئ تاني لازم نذكره في نظام الماجستير بالنسبه للبحث نصيحه مني أشتغل في البحث بذمه و حاول تكتب حاجه جديده و متميزة لأنه بيفيدك أنت طبعا البحث مش بس أنك تنقل من كتب و تحطهم تحت بعض و بقيت أنت عملت بحث لا لازم تقرا كذا كتاب في نفس الموضوع أه تاخد من كل واحد جزء بس لازم يكون ليك في الاخر رأي من دماغك و تعليق علي رأي أساتذتك انقضهم لو هما غلط و لو شايف انهم صح قول صح ليه و أيد رايهم صدقني هتستفيد فائده مفيش بعدها فائده و علي فكره انا ربنا وضعني في موقف بحمده عليه لغاية دلوقت لأني كنت في أول محاضرة في الدبلومة دخلنا أستاذ قانون مدني هو كان عامل بحث في موضوع جديد في مصر بدون ذكر أيه هو الموضوع عشان حرامية المواضيع و كان بيقول لازم تجيبوا البحث ده قصده نشتريه انا افتكرته طالب مننا بحث في الموضوع ده رحت اشتغلت لما طلع عيني و كتبت بحث أفضل من بتاعه بس تعبت جدا بس في النهاية أخدت امتياز في مادة البحث و سجلت البحث بأسمي في دار الكتاب كبحث جديد في مصر و استفدت جدا فحاول تشتغل في البحث بكل مجهودك هتتعب حبه بس هتستفاد .

    بالنسبة بقي يا سيدي لسؤالك هل دبلومات الجامعة المفتوحة معترف بيها ولا لا بص يا سيدي الفاضل أنت عارف طبعا عندنا في البلد هنا التعليم مستويات و عندنا عقول بيروقراطيه من الدرجة الأولي يعني مثلا خريج الازهر مش علي نفس مستوي خريج نفس الكلية في التعليم العادي و خريج عين شمس أحسن مثلا من خريج المنوفيه وخريج الجامعة الامريكية أحسن من بتاع الحكومة و هكذا فضلا عن أن المستوي مش كويس زي م انت بتقول طيب ليه بقي تحط نفسك في حاجه زي كده ٍايي أنا الشخصي و اللي أنت مش ملزم بيه حاول ت اخد الدبلومات من الكليات النظامية و حاول أن تكون من عين شمس أو من القاهرة و الافضل هي الاقاهرة لحسن المعاملة . و تقبل تحياتي

  15. #15
    تاريخ التسجيل
    Sep 2006
    المشاركات
    491
    اولا صدق كلامى عليك انت فعلا تستحقه
    وواضح ان ربنا فاتح عليك جدا فى موضوع الدراسات العليا ده وباين انك حابب الموضوع ده
    انا فعلا كنت بفكر فى موضوع دراسة دبلومة الملكيه الفكريه بس شدنى كلمتين كده لما قلت ان فى دكتور خلاكو تدرسوا دبلومه من جنيف انا عاوز استفسر بس هل الدبلومه دى ممكن تاخدها من بره عن طريق التعليم عن بعد وهل فى دبلومات من اى نوع اخر ممكن تتاخد بنفس الاسلوب ولو فى هاتفرق ايه عن اللى هنا وايهما افضل
    ومعلش استحملنى بقى انت بالنسبالى كنز وربنا كرمنى بيه ووالله لو اعرفك انا ماكنت سيبتك ياراجل دانا كنتواقع من السما وانت اتلقيتنى
    وعموما انا قلتلك على المجال اللى انا عاوز امشى فيه وطبعا واضح ان اللى سبقونى ليه مش كتير وان شاء الله انا ناوى اغير حاجات كتير فى المجال ده وادخلها مصر لان هايبقى ليها نفع وعائد علمى ومادى واخلاقى كبير جدا على البلد دى لانى هادرسها من الباب ده مش من باب اكتشلف الجديد على ماهو من باب تطبيق اللى احنا مش مطبقينه وتفعيل الموارد وادارتها بشكل يخلى موضوع دراستى ليه الفايده الهائله دى اللى انا شايف انها ممكن تتحقق لو قدرت امشى فى طريق يكون الروتين فيه اخر المطلوب ولو كنت فى القاهره والله انا كنت قابلتك واتكلمت معاك لان انت من الناس اللى معرفتهم تكسب الواحد وتزوده احترام

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك