موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 5 من 5
Like Tree0Likes

الموضوع: كيفية رفع دعوى صحة توقيع بالتفصيل مع صيغة صحيفة الدعوى

  1. #1
    الصورة الرمزية TiFa1KinG
    تاريخ التسجيل
    Apr 2005
    المشاركات
    2,131

    كيفية رفع دعوى صحة توقيع بالتفصيل مع صيغة صحيفة الدعوى

    بسم الله الرحمن الرحيم


    كيف ترفع دعوى صحة توقيع

    فى البداية
    الصيغة اللى هتكتب بيها صحيفة الدعوى


    إنه فى بوم
    بناء على طلب السيد/.......... - المقيم فى..................................
    ومحله المختار مكتب الأستاذ .............. - المحامى - الكائن .......................
    أنا محضر محكمة قد انتقلت حيث أعلنت:
    السيد/................. المقبم فى ...................................

    وأعلنته بالآتى:
    بموجب عقد بيع أبتدائى مؤرخ فى............ أشترى الطالب ما هو...................(اذكر بالتفصيل الشئ المباع بمكانه اذا كان شقة او غير واذكر حدوده فى حالة ان كان عقار) وذلك نظير ثمن إجمالى مبلغ................... (اكتب المبلغ بالأرقام والكتابة) تم سداده بالكامل فى مجلس العقد عداً ونقداً
    - ولما كان يحق له إثبات هذا التعاقد برفع دعوى صحة توقيع لاثبات صحة توقيع البائع على عقد بيع الإبتدائى المؤرخ .............فقد أتخذ هذا مسلكه
    بنــاءاً عليــه
    أنا المحضر سالف الذكر قد أنتقلت إلى حيث أعلنت المعلن إليه وسلمته صورة من أصل الصحيفة وكلفته بالحضور أمام محكمة....... الجزئية الكائنة......... أمام الدائرة ( ) صحة توقيع.......... فى تمام الساعة التاسعة وما بعدها
    وذلك صباح يوم الموافـق / / 2009
    ليسمع عليه الحكم بصحة توقيعه على العقد المؤرخ .......... عقد بيع إبتدائى محررين الطالب والمعلن إليه.
    ولأجل العلم ،،،


    طبعا الفراغات دى هتملاها بالعناوين والتواريخ المطلوبة بس هتفضل سايب مكان الدائرة فاضى ومكان التاريخ فاضى برده لانك هتملاهم فى المحكمة قبل ما تروح للمحضرين زى ما هنوضح

    1- تشنرى حافظة مستندات عشان تحط فيها العقد والاقرار
    2- تصور عريضة الدعوى بعدد المعلن اليهم + صورة للجدول + صورة تحتفظ بيها
    3-تشترى دمغة محاماة وتلزقها فى اصل صحيفة الدعوى
    4-تشترى دمغات بعدد ورقات العقد وتلزق دمغة على كل ورقة من ورق العقد
    5-تشترى ملف مستندات عشان تسلمه فى الجدول مع الحافظة وصورة صحيفة الدعوى اللى هيطلبوها منك

    -الخطوات
    تذهب إلى الميكروفيلم تاخد ايصال ميكروفيلم ص. ت وترفق الايصال فى الحافظة
    ثم تذهب إلى رئيس القلم المدنى عشان ترفع ص.ت
    هيحدد ليك رسم + ضريبة المحامى وبتختلف أذا كان المحامى نقض او استئناف بس اغلى ضريبة هى النقض 15 جنيه
    بعد ما يتم تحديد الرسم تروح لخزينة المحكمة عشان تدفع الرسم اللى حدده رئيس القلم المدنى , بعض الاوقات موظف الخزينة بيطلب البطاقة الضريبية للمحامى وانت بتدفع
    بعد ما تدفع تروح للجدول تسلمهم الحافظة وملف المستندات وصورة من اصل الصحيفة وهما هيقوموا بالتأشير عليها برقم الدعوى وتاريخ الجلسة والدائرة
    بعد كده تختم الأصل والصور بخاتم المحكمة بيكون الختم موجود اما عند رئيس القلم وساعتها هترجعله تانى عشان تختم ياإما هتلاقي الختم فى الجدول برده فى نفس المكان اللى هيتأشرلك عليه
    ومتنساش تحط رقم الدائرة وتاريخ الجلسة فى الاصل والصور قبل ما تروح للمحضرين
    بعد كده تاخد اصل الصحيفة والصور وتروح قلم المحضرين وتسيب الاعلانات عند رئيس قلم المحضرين

    بعد كده خد بعضك وروح


    بالتوفيق ياشباب
    ارجو انى اكون افدكم
    التعديل الأخير تم بواسطة TiFa1KinG; 06-07-2009، الساعة 04:53 PM


  2. #2
    تاريخ التسجيل
    Aug 2006
    المشاركات
    43
    جزاك الله خيرا يا اخى و جعله فى ميزان حسناتك
    كان ليا استفسار
    هل يمكن ان اقوم انا برفع الدعوه و اكمال كل الاجراءات و حضور الجلسه .
    ؟
    ام لابد من وجود محامى ؟
    انا صاحب الشقه اللى عايز اعملها صحة توقيع
    هل ينفع اقوم انا بكل هذه الاجراءات ؟
    اتمنى الرد و اسف لو بتعبك معايا

  3. #3
    الصورة الرمزية على حسانين
    تاريخ التسجيل
    Apr 2007
    المشاركات
    96
    لالالالالالالالالالا
    بالطبع
    ما ينفعش تعمل كده معاليك
    لابد من وجود محامى
    ده قانون
    ما هما لو سابوهاه كده محدش حيتاج لمحامى بالطبع
    الناس دى حتقف حالها
    تحياتى
    اذا كان العمر يقدر بالسعاده فااكتبو على قبرى مات قبل ان يولد
    على حسانين
    المحامى
    ماجيستير بالقانون
    عضو اتحاد المحامين العرب
    ومستشار بالتحيكم الدولى

  4. #4
    تاريخ التسجيل
    Apr 2012
    المشاركات
    6
    اه هو الاقرار ده

  5. #5
    تاريخ التسجيل
    Apr 2014
    المشاركات
    1

    Flag Egypt دعوى صحة التوقيع

    دعوى صحة التوقيع باتعاب رمزية داخل منطقة المعادي 500 جنيه خارج المعادي 600 جنيه للاستعلام 01225690049

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك