موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 22
Like Tree0Likes

الموضوع: هل تري معي ان فيلم بوشكاش هو اجمل افلام محمد سعد؟؟ولماذا؟؟

  1. #1
    الصورة الرمزية elmasrawy4ever
    تاريخ التسجيل
    Aug 2007
    المشاركات
    1,447

    5 هل تري معي ان فيلم بوشكاش هو اجمل افلام محمد سعد؟؟ولماذا؟؟

    الحقيقه يا جماعه انا من عشاق (محمد سعد) و شفت كل افلامه والصراحه كنت مخنوق جدا من فيلم (كركر) اللي متهيقلي ان محمد سعد هان فيه نفسه جامد جدا وبهدل معاه (ياسمين عبد العزيز) علي الاخر ....

    وعلي الاساس ده انا كنت حاسس ان الفيلم الجديد له هيكون اي كلام برضوه لانني سمعت( محمد سعد) في (البيت بيتك) بيقول انه بيحب فيلم (كركر) اوي ...هنا بقه الصراحه قلت محمد سعد خلاص خلص وواضح انه مش هيسمع الا عقله وبس طول ما هو لاقي (السبكي )بيمضي معاه عقد بالملايين وعجبه الشغل...

    لكني الصراحه لما دخلت (بوشكاش) ذهلت..... ايه ده يا جماعه (محمد سعد) بيمثل وبيضحك من تاني ..دا المره دي كمان مش عامل كاركتر او شخصيه ده بيمثل بوجهه وصوته الطبيعيين ...الصراحه حسيت انه المره ديه عايز يقول حاجه..عايز يغير من نفسه ...عايز يقول انا لسه موجود وممكن اعمل احسن من اللي اتعمل الف مره ...

    انا الصراحه مصدقتش وداني لما لقيت الصاله في السينيما كلها نازله ضحك ..وما صدقتش عينيه لما شفت في الفيلم حبكه دراميه ومفاجأت في النهايه وقصه مناسبه انها تكون بدايه لافلام احلي من كده بكتير ...

    عشان كده يا جماعه انا شايف ان فيلم (بوشكاش) هو احلي افلام محمد سعد لانه مش فيلم جامد وبس لكنه كان اعاده ميلاد ورد كرامه للنجم (محمد سعد) اللي كل الناس قالت ان (محمد سعد) وقع ومش هيقوم تاني.

  2. #2
    الصورة الرمزية Dina Over time
    تاريخ التسجيل
    Sep 2008
    المشاركات
    19
    عنك حق
    فيلم بوشكاش احسن كتير من كركر
    فيه تغيير جااااااامد

  3. #3
    الصورة الرمزية hany kassem
    تاريخ التسجيل
    Nov 2007
    المشاركات
    660
    اقتباس المشاركة الأصلية كتبت بواسطة Dina Over time مشاهدة المشاركة
    عنك حق
    فيلم بوشكاش احسن كتير من كركر
    فيه تغيير جااااااامد
    اختلف معاكي يا دينا
    مش هيتغير ابدا
    والا كان غير نوعية اختيارة للأسماء كركر
    بوشكش
    عوكل
    والمرة الجاية
    زعتر



    اذا اردت ان تكون.......... ستكون

    ولكن
    اذا كان هناك من يريد الا تكون
    فربما
    لن تكون
    فانظر من منكما اقوى إرادة

    صفحتي علي الفيس بوك
    القلم الطائر
    Hany Kassem



    ليس الكبيرُ كبيرَ السن والجسمِ
    إن الكبيرُ كبيرَ العقل والفهمِ
    كم من رجالٍ شاخوا في جهلاٍ
    ومن الشباب من شب في علمِ

    غير متواجد لفتره محدودة





  4. #4
    الصورة الرمزية elmasrawy4ever
    تاريخ التسجيل
    Aug 2007
    المشاركات
    1,447
    اقتباس المشاركة الأصلية كتبت بواسطة hany kassem مشاهدة المشاركة
    اختلف معاكي يا دينا
    مش هيتغير ابدا
    والا كان غير نوعية اختيارة للأسماء كركر
    بوشكش
    عوكل
    والمرة الجاية
    زعتر
    مش عارف الصراحه انت مش عاجبك افلامه ولا اسمائها
    بس انا شايف ان تكون اسماء افلامه باسماء الشخصيات تيمه يحاول محمد سعد المحافظه عليها
    وشكرا لمشاركتك
    التعديل الأخير تم بواسطة elmasrawy4ever; 30-09-2008، الساعة 12:10 AM

  5. #5
    الصورة الرمزية mahmoudmedhat
    تاريخ التسجيل
    Apr 2006
    المشاركات
    547
    مش عارف انا شايف ان محمد سعد لازال يبحث عن شخصية جديدة
    فبعد اللمبي ومستوي افلام محمد سعد من سيء الي اسوأ نفس الايفهات ونفس الحركات ونفس الاغنيات
    لازال محمد سعد يبحث عن شخصية جديدة يخرج فيها طاقاته وابدعاته السينمائية ولكنه بالتأكيد لن يجدها الي اذا قرر الابتعاد عن تيمة افلام السبكي

    ملحوظة:
    عند سماعنا نكتة لاول مرة نضحك كثيرا ولكن عند سماعها اكثر من مرة يقل الضحك وبعد سماعها مرات كثيرة نصاب بالضيق واتمني ان لا يصل محمد سعد الي هذه المرحلة
    The Best is Yet to come



    Seek Your Peak

  6. #6
    الصورة الرمزية Messi is Miracle
    تاريخ التسجيل
    Apr 2008
    المشاركات
    2,547
    احلي افلام محمد سعد هو اللمبي

    Messi el mejor jugador del planeta





    Mentality UA07



    My FaceBook Account




  7. #7
    الصورة الرمزية dentalman
    تاريخ التسجيل
    Jul 2005
    المشاركات
    625
    انا قلت قبل كده وبقول تانى ان افضل افلام محمد سعد شخصية اللمبى وخصوصا فى فيلم اللى بالى بالك

    ورأيى ان ياريته كان عمل كل افلامه بشخصية اللمبى ..... يمكن تكون انجح من الشخصيات العبيطة اللى اتحفنا بيها على مدار حوالى 4 سنين ..... شخصيات ليس لها وجود فى الواقع ... شخصيات بهلوانية

    محمد سعد عشان ينجح ( ويارب يكون بيقرا كلامنا ده ) فى شوية نقط من اجتهادى ومن خلاصة قراءاتى لنقد افلامه أعتقد انه لو نفذها ، اكيد حاله هيتغير ويمكن افكر اخش له فيلم ف السينما ( انا اخر فيلم دخلته لسعد اللى بالى بالك )

    1 _ لا يغنى ولا يرقص ف الفيلم ،،، اه كان لذيذ ف اول وتانى فيلم .. انما خلاص بقى كفاية
    2_ يمثل قصة واقعية بشخصيته الطبيعية ...بلاش الشخصيات اللى من عالم الخيال دى زى بوحة و كتكوت و زفت كركر

    3_ يعترف ويقتنع بانه ممثل بيحاول ينجح وانه محتاج ينجح .... لان اقتناعه بانه نجح خلاص وان النجاح مضمون لاى فيلم محمد سعد فيه، خلاه يتصرف كأنه المؤلف والمخرج وكل حاجة ف الفيلم .. وده خلى كل المخرجين المحترمين يوقفوا التعامل معاه

    4_ يبطل يسمى الفيلم على اسمه ..... لان العادة دى ليها دور ف الانانية اللى هو فيها

    5_يبص لاحمد حلمى ويتعلم منه

    و ف الاخر يارب يكون بيقرا كلامنا ده
    كنت فين يا( 25 يناير 2011 ) من زمااااااااااااااااااان؟؟؟؟؟






    _____________________________________________

    اللهم أنى أعلم أنى أعصاك، ولكنى أحب من يطيعك، فاجعل حب من أطاعك شفاعةًًًلمن عصاك

  8. #8
    الصورة الرمزية momo55
    تاريخ التسجيل
    Aug 2005
    المشاركات
    157
    فعلا لو بص سعد لحلمي واتعلم منه.........ممكن ينجح
    انا ماشفتش بوشكاش........واكيد هشوفه........واكيد مش هيعجبني........انا بحب محمد سعد جدا علي فكره...........بس بحترم عقلي اكتر.......بوشكاش ايه ومفاجأة ايه..........شكلك ماشفتش اسف علي الازعاج...........ضحك ايه ده........انا اسمع فيلم يخليني ابتسم احسن مية مره من اني اسمع فيلم يخليني اضحك علي نفسي

  9. #9
    تاريخ التسجيل
    Jul 2005
    المشاركات
    109
    يا اخوان بوشكاش يختلف عن باقي افلامه. واما بالنسبه لتسمية الافلام ف الاسطوره اسماعيل ياسين كان يسمي افلامه على النحو التالي "اسماعيل ياسين بوليس حربي" اسماعيل ياسبين في مستشفى المجانين " وهكذا اغلب افلامه

  10. #10
    الصورة الرمزية انا بردو مصري
    تاريخ التسجيل
    Sep 2008
    المشاركات
    122
    الفيلم وحش جدا فنيا
    وانا قررت ما ادخلش لمحمد سعد اي فيلم تاني
    فعلا مش هيتغير
    .



    قلبي
    في حب

    الوطن

    داء مـ العذاب
    ألوان

  11. #11
    تاريخ التسجيل
    Jun 2007
    المشاركات
    97
    انا حضرت الفيلم مرتين

    و بصراحه اتفاجأت من محمد سعد

    في الفيلم هذا اتغير كثير و شخصية مختلفه و غير ساذجه اطلاقا

    بل العكس كان من حوله من شخصيات هي الساذجه


    محمد سعد في الفيلم هذا ظهر بشكل جديد و رائع و اثبت انه قادر على الاضحاك بكل الطرق
    سواء عمل كاركتر او لا

    و اتحدى احد يكون حضر الفيلم فعلا و يقول محمد سعد ما اتغير اسلوبه في هذا الفيلم


    اما من يقول يتعلم من احمد حلمي
    من هو احمد حلمي عشان يعلم محمد سعد

    محمد سعد الي كل افلامه ايراداته فوق 10 مليون و بعضها وصل ل 30 مليون
    يتعلم من احمد حلمي الي اخر فيلمين له بس كانوا يحققوا ايرادات كبيره

    و بدأ بافلام محد شافها زي ميدو مشاكل و زكي شان (الله يخلي الفضائيات الي خلتنا نعرف هذه الافلام)

  12. #12
    الصورة الرمزية ®™KING
    تاريخ التسجيل
    Jul 2007
    المشاركات
    4,113
    يا اخوان بوشكاش يختلف عن باقي افلامه. واما بالنسبه لتسمية الافلام ف الاسطوره اسماعيل ياسين كان يسمي افلامه على النحو التالي "اسماعيل ياسين بوليس حربي" اسماعيل ياسبين في مستشفى المجانين " وهكذا اغلب افلامه
    انا معاك طبعا
    بس اش جاب اسماعيل ياسين لمحد سعد فى فرق شااااسع طبعا
    اسماعيل ياسين على الاقل كان بيمثل نفسه وطبيعه شخضيته وبيسمى اسم الافلام على اسمه وكان بيظهر باسمه الحقيقى فيها مش باسم الشخصيه زى محمد سعد
    وخصوصا ان افلام كنت بتبقى واقعيه وبيحصل كدا فى الجيش فعلا
    انما محمد سعد مش عارف ايه يتكهرب وتيحول ويبقى مختل عقليا وايه كركر دا انا مش فاهم والله دا اسوأ فيلم عمله
    ولا كتكوت دا كمان حاجه تهبل والله





    مؤسس
    منتدى الأخبار و التقارير
    قسم worled of warcraft

  13. #13
    تاريخ التسجيل
    Jan 2005
    المشاركات
    154
    احمد حلمى ممثل
    محمد سعد أراجوز
    و فى فرق كبير بين الاتنين
    احمد حلمى بيدور على مختلفة و سيناريوهات رائعة جاهزة و بيمثل تحت اشراف مخرجين واعيين
    و محمد سعد بيفصل شخصية بالمقاس عليه بحيث انه محدش يضحك فى الفيلم غيره و برضه فى اخر الفيلم حتة تراجيدى عشان يقول انه بيمثل ده غير انه بيتدخل فى كل حاجة حتى فى الاخراج

  14. #14
    الصورة الرمزية Egyptian Scorpion
    تاريخ التسجيل
    Sep 2007
    المشاركات
    3,474
    الفيلم جميل جدا
    هو الاستخفاف خف بصراحه





    Walid26 The Best Uploder In History


  15. #15
    الصورة الرمزية joky_me
    تاريخ التسجيل
    Apr 2008
    المشاركات
    89
    انا بعترض على كلام روبين100
    من هو احمد حلمي عشان يعلم محمد سعد ؟؟؟
    لا
    ااقولك شوف بجد فيلم اسف على الازعاج
    روعة
    هو شوية مقتبس من فيلم Beautiful mind
    لكن حلو
    وانا برضة بحب محمد سعد جدا
    بس يارب يركز بقي
    وانا لسة مشفتش بوشكش
    هشوفة عشان خاطركوا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك