موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 29
Like Tree0Likes

الموضوع: موضوع هام جدا عن سير الكاتينة

  1. #1
    الصورة الرمزية mody_2002_mody
    تاريخ التسجيل
    Oct 2005
    المشاركات
    126

    Great موضوع هام جدا عن سير الكاتينة

    بسم الله الرحمن الرحيم
    كتير منا سمع عن سير الكاتينة والكثير لا يعرف ما هو؟
    أولا :- سير الكاتينة هو سير جلد يركب على جانب المحرك الايسر وغالبا فى السيارات الحديثة يكون داخل علبة سوداء
    ملحوظة: السيارات المستعملة - يجب تغيير سير الكاتينة بعد شراء السيارة فورا حتى يكون مقياس لك فى عدد الكيلومترات المقطوعة
    ثانيا:- سير الكاتينة له عمر افتراضى ويجب تغييره كل 40000 كم
    يستحسن قبل ال 40 الف كم لضمان عدم التعرض لمشاكل قطعة حيث يتسبب فى حدوث تلف للصبابات

    استنى شوية : ازاى يعنى ايه اللى هيحصل؟
    اقولك: لو قطع السير لقدر الله وانت ماشى هتلاقى العربية طفت منك وقفشت
    هتيجى تدور العربية هتسمع صوت المارش بيدور سريع
    تبطل علطول السيارة وتجيب ميكانيكى وسير جديد وتركبه علطول

    ايه اللى هيحصل لو اعدت ادور كتير المارش؟
    أقولك: هيحصل طرق على الصبابات مما يؤدى الى اعوجاجها.
    وطبعا شغلانة كبيرة - هتفك وش السلندر وهتروح المخرطة وتغير الصبابات البايظة وهتجيب جوان وش سلندر جديد وطقم جلد صبابات
    يعنى لو كنت جبت من الاول سير كاتينة هيكلفك فى حدود 50 جنيه احسن ما تعمل عمرة للمكنة وتكلفك 300 او 400 جنيه زى محصل لعربيتنا اللانوس

    ارجو انى مكونش ازعجتكم ووصلت المعلومة
    سلاااااام

  2. #2
    الصورة الرمزية abdulkhaleq
    تاريخ التسجيل
    Jun 2007
    المشاركات
    2,198
    كلام جميل يا مان بس مقولتش ده ايه فايدتة في العربية


  3. #3
    الصورة الرمزية mohamad_saeed90
    تاريخ التسجيل
    Apr 2004
    المشاركات
    587
    كلام صحيح ميه الميه ، هو سير الكاتينة بينظم حركة الموتور و بينظم حركة اشواط الصبابات حسب معلوماتى
    فإذا البلاد تغيرت عن حالها
    فغادر المقام و بادر التحويلا
    ليس المقام عليك فرضا واجبا
    فى بلدة تدع العزيز ذليلا


    وثيقة التبشير بالنصرانية فى مصر

    حعطلك لمدة دقيقتين فقط

    احتفالات الشيعة بيوم عاشوراء

    موقع لعشاق الفيات 128

    تدمير المواقع الاباحية

  4. #4
    تاريخ التسجيل
    Sep 2007
    المشاركات
    136
    كلام جميل ........ إزاي أعرف انه خلاص عمره الافتراضى جه

    هل بسمع صوت معين ولا إيه ؟
    أصل الموضوع ده عندي و شاغلني أوي

  5. #5
    الصورة الرمزية marwan_saad
    تاريخ التسجيل
    Sep 2005
    المشاركات
    405
    انا عندى دايو لانوس 2005 عامله 38 الف كم وبسمع صوت صفاره والعربيه دايره صوت زى السير بالظبط ولما رحت لكذا ميكانيكى قاللى السيور كلها سليمه ارجو الافاده بسرررررعه والنبي يا شباب احسن ما تنفجر بيا العربيه

  6. #6
    الصورة الرمزية mody_2002_mody
    تاريخ التسجيل
    Oct 2005
    المشاركات
    126
    لو الصوت ده بيروح مع المشى او الدوس على الدبرياج يبقى زيت الفتيس ناقص - صوت الصفارة ده كان عندى ورحت للتوكيل ولقيت زيت الفتيس ناقص نصف كيلو والحمد لله راح الصوت
    اما بقى لو الصوت ده صوت خشن ومبيروحش مع المشى يبقى طقم دبرياج (دسك واسطوانة وبلية) ربنا يستر العربية لسه جديدة

  7. #7
    الصورة الرمزية mody_2002_mody
    تاريخ التسجيل
    Oct 2005
    المشاركات
    126
    اقتباس المشاركة الأصلية كتبت بواسطة kemo_edge مشاهدة المشاركة
    كلام جميل ........ إزاي أعرف انه خلاص عمره الافتراضى جه

    هل بسمع صوت معين ولا إيه ؟
    أصل الموضوع ده عندي و شاغلني أوي
    للأسف مش بتبان الا لما تفك السير القديم وتشوفه لو كان مشقق غيره علطول - وعموما لو انت مغيرتوش من فترة الحق وغيره مش هتخسر حاجة
    التعديل الأخير تم بواسطة mody_2002_mody; 21-02-2008، الساعة 02:57 AM

  8. #8
    الصورة الرمزية ***الطيار***
    تاريخ التسجيل
    Oct 2007
    المشاركات
    67

    فايده

    بص يا سيدى فايده السير
    مبديا هو سير الكاتينه ميتقاش عليه فايدته انما لزمته لانه من غيره العربيه متشتغلش تمام
    سير الكاتينه ده هو حركه الوصل بين عمود الكرنك وعمود الكامه يعنى ايه الكلام ده ؟؟؟
    يعنى يا سيدى هى الى بتنقل الحركه ما بين عمود الاحتراق وعمود الى متصل عليه كذا حاجه من اهملها عمود التاكيهات وده الى بيسبب تنى التاكيهات وكما فى العربيات القديمه بيبقى على العمود ده طربمه الزيت وطلمبه الميه لكن العربيات الحديثه طلمبه البنزين كهرباتمام
    وكمان عمود الاسبراتير
    دا فى العربيات القديمه


    طب ليه التاكيهات بتنتنى وتبوظ؟؟
    فتح مخك معايا
    السندر الواحد عباره عن اربع اشواط منتظمه الا وهى شفط (البنزين والهوا )وفى الحاله دى بتبقى الصبابات مفتوحه يعنى لتحت وكمان السندر لتحت الشوط التانى كبس وساعتها بيكون الالبستم فوق الصمام فوق بعدها الاحتراق وبيكون البستم فوق الصمام فوق وساعتها بيتحرق البنزين الهوا وبعدها الشوط الرابع وهو العادم وبيبقى السلندر لتحت والصمام لتحت علشان خروج العادم
    بص بقى يا سيدى العمليه دى منظمه جدا
    لو حصل بقى ان السير انقطع هتقف حركه الصمامات الى فوق فوق والى تحت تحت تمام اما البساتم هتفضل تطلع وتنزل وهيحصل ان البساتم هتفضل تخبط فى الصمامات وساعتها هتتنى
    فهمت ؟؟؟
    اقتباس المشاركة الأصلية كتبت بواسطة abdulkhaleq مشاهدة المشاركة
    كلام جميل يا مان بس مقولتش ده ايه فايدتة في العربية
    لانسر وبــــــــــــس

  9. #9
    الكلام ده صحيح 100% اصل انا برضه جربته وفي صباب عطل والعربية كانت بتهتز جامد لغاية ما تغير كل الصبابات بس فيه نقطة مهمة ان في بعض العربيات الحديثة السير بتاعها جنزير زي التويوتا والنيسان 2008

  10. #10
    تاريخ التسجيل
    Feb 2007
    المشاركات
    336
    Thank you very much and may Allah blesses you and your effort.

    Jazak Allah khayr.

  11. #11
    الصورة الرمزية gazoline
    تاريخ التسجيل
    Mar 2004
    المشاركات
    678
    كلام جميل جدا .. ما شاء الله .. بس سمعت ان فى سير جنزير زى اللى فى الهوندا سيفيك .. ممكن معلومات عنه وياريت لو ينفع نركبه للعربيات العادية زى اللانوس والنوبيرا ... وشكرا

  12. #12
    الصورة الرمزية opps
    تاريخ التسجيل
    Aug 2004
    المشاركات
    152
    thnxxxxxxxxxxxxxxxxxxxx

  13. #13
    الصورة الرمزية lost-angel
    تاريخ التسجيل
    Apr 2009
    المشاركات
    2,055
    شكرا علي المعلومات المميزه فعلا سير الكتينه هو اساس العربيه كلها

    شكرا مره اخري
    اعتذر عن عدم الرد علي الرسائل الخاصه بشكل متواصل للدخول المتقطع

    back again
    +
    ++++
    +


  14. #14
    تاريخ التسجيل
    Sep 2005
    المشاركات
    152
    thanks a lot

  15. #15
    الصورة الرمزية Ahmedfikry11
    تاريخ التسجيل
    Apr 2007
    المشاركات
    873
    الف شكر ليك يا باشا على الموضوع الجميل ده

    "أشهد أن لا اله الا الله
    وأشهد أن محمد رسول الله
    "

















ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك