موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 4 1 2 3 ... الأخيرةالأخيرة
النتائج 1 إلى 15 من 52
Like Tree1Likes

الموضوع: تسقيط المواتير, كيف و لماذا و قانونيته (الجزء الأول)

  1. #1
    تاريخ التسجيل
    Jul 2007
    المشاركات
    2,704

    تسقيط المواتير, كيف و لماذا و قانونيته (الجزء الأول)

    السلام عليكم و رحمة الله و بركاته

    قبل أن أبداء أحب ان انوه على ان هذا الموضوع لن يتضمن نصيحه على اي موتور أفضل لأي سياره, و لكنه سيتضمن معلومات تساعدك على فهم بعض أسس تسقيط المواتير فقط. و سأبدأ بشرح كل ما يلزم تسقيط المواتير على حلقات إن شاء الله. و سأراعي عدم الحشو الزائد في الموضوع.


    ما معنى تسقيط؟

    يقصد ب تسقيط الموتور هو تغيير الموتور الأصلي بآخر سواء جديد أو مستعمل "إستيراد". و يعاب على المواتير الإستيراد انها مستعمله و غير معلومة الحاله التي قد تكون سيئه أو جيدة جدا و سنشرح لاحقا كيفيه معرفة حالة الموتور الإستيراد.

    موتور ولا عمره؟

    موتور!! و لكل قاعدة شواذ, بس ليه موتور؟ لإن العمره علشان تبقى صح عايزه معرفه من الميكانيكي علشان يعرف يربط مسمار ايه قبل ايه و كده, و ده مبيحصلش. و كمان فيه مواتير التكنولوجيا فيها عاليه, الميكانيكي العادي ميفهمهاش و بيعك الدنيا. و أشهر مثال على كده السيارات الفورد. أسوء عمره في مصر تتعمل لمواتير الفورد, و البي إم و الهوندا. و في الآخر الموتور بيبقى 80% بس و ساعات أقل على فكره .
    لماذا التسقيط؟
    لحاجه الموتور القديم لعمره أو لتغيير الموتور بآخر أكبر من حيث السعة اللتريه.

    كيف أعلم ان هذا الموتور بالتحديد يركب عندي؟

    هناك أكثر من طريقة و لعل أسهلها هي سؤال من قام بهذا الموضوع من قبل سواء كان عن طريق المنتديات المتخصصه في ماركة السياره, أو سؤال من فعل ذلك من قبل شخصيا.

    الطريقة الثانيه و هي سؤال متخصص (ميكانيكي) و هي أضمن طريقة بالنسبه لماركات العربيات المشهورة في مصر, ك ال بي إم و الهوندا و الجولف.....ألخ اما إذا كانت سياره من عدلوا عليها قليلين, فالحل الوحيد هو إما إذا كان نفس موديل السياره نزل عليه موتور بسعه آخرى فالأغلب انه حينزل بدون مشاكل, أو عن طريق السؤال كما ذكرنا سابقا.

    مشاكل التسقيط

    كثيرة و قليله, فهي كثيرة حينما يكون الموتور لم ينزل على نفس شاسيه السياره. و قليله حينما يكون الموتور نزل على نفس شاسيه السياره.

    أمثله للمشاكل الشائعة في التسقيط

    1- إختلاف قواعد الموتور
    2- كبر حجم الموتور عن شاسيه السياره.
    3- شاسيه السياره أضعف من ان يتحمل قوة الموتور الزائده.

    كل تلك المشاكل قابلة للحل (مفيش حاجه متتحلش لو معاك فلوس) عدا تغيير قواعد الموتور فهو غير مسموح به في المرور.

    التعرف على حالة الموتور

    المواتير نوعان, كاربيراتير و حقن وقود "إنجكشن" و متقلش للميكانيكي حقن علشان حيقولك إنجكشن يعني؟ فبلاش تحرج نفسك.

    طريقة فحص الموتور الكاربيراتير
    هي أسهل من الإنجكشن حيث أن الكاربيراتير يتم تجربته عند التاجر عكس الإنجكشن الذي يجب ان يكون على السياره ليتم تجربته. إذا ظهر عادم من الموتور دل ذلك على سوء حالته, و ان لم يخرج عادم فهو جيد, و هذا فحص مبدأي فقط حيث انه بعد تسقيط الموتور تتم تجربته على السياره و أمامك شهر للتجربه من حقك تبديل الموتور بآخر من عند نفس التاجر و بلا مقابل.

    طريقة فحص الموتور الإنجكشن

    فحص عيني فقط و يكون بفك شمعه من شمعات الإحتراق (بوجيه) فإذا وجد زيت دل ذلك على سوء حالته و العكس. تتبع نفس الطريقة مع الكاربيراتير أيضا.
    الشكل الخارجي للموتور لا يوضح بالضرورة حالته, فمن السهل غسيل الموتور من الخارج

    بعد تسقيط الموتور, التجربه.

    بعد تسقيط الموتور تتم تجربته من خلال القياده و تجربه "سحب" الموتور و من خلال قياس كبس الموتور و يتم ذلك في بعض محطات البنزين و ليس كلها. و تكلفة قياس كبس الموتور تكون 50 جنيه شاملة قياس العادم. و يعطى التقرير معلومات عن نسبه العوادم المنبعثه و كبس البساتم و الحاله العامه للموتور كام %.

    موقف المرور من تسقيط المواتير

    لا يسمح بتغيير مكان أو عمل اي تعديل على اي قاعدة من قواعد المحرك الأصليه بجسم السياره.

    لا يسمح بتركيب محرك لغير ماركة السياره. يعني مينفعش تسقط موتور ميتسوبيشي في هوندا. إلا إذا لم يتوفر محرك لتلك السياره. ك الرانجلر و السوزوكي الساموراي.....الخ

    عدا ذلك فهو مسموح به حتى و إن كان سعته اللتريه أعلى من الموتور الأصلي. و لو حصل مشاكل فتح دماغك مع الراجل و حتبقى كل حاجه مسموح بيها إن شاء الله بس هو مش ممنوع عامة لإني سألت في المرور.

    هل يعيب التسقيط العربيه عند البيع؟

    لا.. و اه... على حسب حالة العربيه هي إلي بتحكم في الأول و الآخر. بمعنى, إذا كانت العربيه موديل 98 و مسقطلها موتور إستيراد من نفس سعه الموتور ده يعيب العربيه بالتأكيد. و لكل قاعده شواذ. فإذا كانم الموتور سعته أكبر فهذا يميز العربيه إذا كان معمول صح و ده بيتعرف لما العربيه بتترفع في البنزينه.

    في المرة القادمه إن شاء الله سنشرح ما يلزم تغييره قبل و بعد التسقيط بالتفصيل إن شاء الله

    برجاء عدم نقل الموضوع بدون ذكر اسم صاحب الموضوع الأصلي حيث إنني قمت بعمله من مجهودي الشخصي و هذا أقل تقدير للموضوع.

  2. #2
    thank you for the information
    very nice topic

  3. #3
    شكرا على المعلومات والمجهود الرائع , وفي إنتظار المزيد إن شاء الله .

  4. #4
    تاريخ التسجيل
    Apr 2007
    المشاركات
    258
    عجبنى جدا جدا جدا بجد... وجزاك الله خيرا و هستنى الجزء التانى ... متقلبش

  5. #5
    الصورة الرمزية ahmedfawzy14
    تاريخ التسجيل
    Aug 2007
    المشاركات
    359
    برنس والله

    شكرا للافادة

  6. #6
    الصورة الرمزية w¬a¬n¬t¬e¬d
    تاريخ التسجيل
    Sep 2007
    المشاركات
    46

    Great

    والله العظيم انتا استاذ كبير
    ومنتظريين الجزء التانى

  7. #7
    تاريخ التسجيل
    Sep 2007
    المشاركات
    2,058
    قشطة عليك يا عمرو
    هو دة الكلام




  8. #8
    تاريخ التسجيل
    Aug 2006
    المشاركات
    245
    100 100
    واسف جداً جداً ان كنت هخرج عن الموضوع شوية
    بس لمزيد من الافادة
    ممكن تدلنا على افضل محطة او محطات بنزين ممكن الواحد يرفع فيها العربية ويقيس كبس الموتور وخلافه !

  9. #9
    الصورة الرمزية HRH Sameh
    تاريخ التسجيل
    Mar 2005
    المشاركات
    2,598

  10. #10
    تاريخ التسجيل
    Jul 2007
    المشاركات
    2,704
    العفو يا جماعه و شكرا لمروركم على موضوعي و يا رب أكون قدرت أزودلكوا معلومه و لو صغيره.

    اقتباس المشاركة الأصلية كتبت بواسطة bin_abbas
    100 100
    واسف جداً جداً ان كنت هخرج عن الموضوع شوية
    بس لمزيد من الافادة
    ممكن تدلنا على افضل محطة او محطات بنزين ممكن الواحد يرفع فيها العربية ويقيس كبس الموتور وخلافه !
    والله يا باشا هما كلهم زي بعض بس أنا بقيس عند محطة كالتكس إلي في مساكن شيراتون.

  11. #11
    الصورة الرمزية yoofiman1
    تاريخ التسجيل
    Dec 2006
    المشاركات
    543
    موضوع اكثر من رائع ومجهود باشوات من الاخر
    وانا فعلا مريت بالتجربة دى ونصيحتى لأى حد لا تثق فى اى صنايعى لأن كلهم مش فاهمين حاجة الا من رحم ربى وانا لسه ما قابلتش حد من الى ربنا رحمه من العوج.
    احب اقول كمان انك لو قلت للميكانيكى موتور حقن؟.....مش هايقولك انجكشن....هايقولك انشكشن وهايطلعك حمار ويا ويلك يا سواد ليلك لو حاولت تفكر انك تعدل عليه فى اى حاجة....وده اكبر دليل على انك لازم تعيش حياتك كلها عشان ترتقى من التعامل مع الميكانيكية حيث بس ابقى راضى الرجالة للتعامل مع السرقة المحترمة فى التوكيل.
    يا ريت كمان اخونا amrgamea يكمل جميله علينا ويدينا فكرة عامة عن اماكن بيع المواتير ونبذه مختصرة عن متوسط اسعار المواتير المستعملة لكل نوع
    بجد برافو يا باشا ومستنيين المزيد

  12. #12
    تاريخ التسجيل
    Jul 2007
    المشاركات
    2,704
    اقتباس المشاركة الأصلية كتبت بواسطة yoofiman1 مشاهدة المشاركة
    موضوع اكثر من رائع ومجهود باشوات من الاخر
    وانا فعلا مريت بالتجربة دى ونصيحتى لأى حد لا تثق فى اى صنايعى لأن كلهم مش فاهمين حاجة الا من رحم ربى وانا لسه ما قابلتش حد من الى ربنا رحمه من العوج.
    احب اقول كمان انك لو قلت للميكانيكى موتور حقن؟.....مش هايقولك انجكشن....هايقولك انشكشن وهايطلعك حمار ويا ويلك يا سواد ليلك لو حاولت تفكر انك تعدل عليه فى اى حاجة....وده اكبر دليل على انك لازم تعيش حياتك كلها عشان ترتقى من التعامل مع الميكانيكية حيث بس ابقى راضى الرجالة للتعامل مع السرقة المحترمة فى التوكيل.
    يا ريت كمان اخونا amrgamea يكمل جميله علينا ويدينا فكرة عامة عن اماكن بيع المواتير ونبذه مختصرة عن متوسط اسعار المواتير المستعملة لكل نوع
    بجد برافو يا باشا ومستنيين المزيد
    متشكر يا باشا على كلامك الجميل و بالنسبه لسؤالك فأماكن بيع المواتير في القاهرة هي الحرفيين و عزبة شلبي و دي مليانه فيات. و الوكاله. و متوسط الأسعار مقدرش أقول لإن كل موتور بيختلف عن الآخر, يعني 1.6 كاربيراتير سعره غير الإنجكشن. أو 1.6 موديل 90 بيختلف سعره عن موديل 2000... فللآسف صعب يكون فيه متوسط أسعار

  13. #13
    الصورة الرمزية yoofiman1
    تاريخ التسجيل
    Dec 2006
    المشاركات
    543
    اقتباس المشاركة الأصلية كتبت بواسطة amrgamea مشاهدة المشاركة
    متشكر يا باشا على كلامك الجميل و بالنسبه لسؤالك فأماكن بيع المواتير في القاهرة هي الحرفيين و عزبة شلبي و دي مليانه فيات. و الوكاله. و متوسط الأسعار مقدرش أقول لإن كل موتور بيختلف عن الآخر, يعني 1.6 كاربيراتير سعره غير الإنجكشن. أو 1.6 موديل 90 بيختلف سعره عن موديل 2000... فللآسف صعب يكون فيه متوسط أسعار
    تماام....متشكرين يا كبير

  14. #14
    تاريخ التسجيل
    Jul 2007
    المشاركات
    2,704
    اقتباس المشاركة الأصلية كتبت بواسطة yoofiman1 مشاهدة المشاركة
    تماام....متشكرين يا كبير
    العفو يا باشا و اي سؤال أو إستفسار أنا تحت أمرك

  15. #15
    تاريخ التسجيل
    Jul 2004
    المشاركات
    1,479
    جزاك الله خير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك