موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 4 1 2 3 ... الأخيرةالأخيرة
النتائج 1 إلى 15 من 50
Like Tree4Likes

الموضوع: منتدى مكيانيكا الموتوسيكلات

  1. #1
    الصورة الرمزية Tayfoor
    تاريخ التسجيل
    Dec 2010
    المشاركات
    391

    منتدى مكيانيكا الموتوسيكلات

    السلام عليكم هذا الموضوع يتكلم عن ميكانيكا الموتوسيكلات ومشاكله وقطع الغيار
    اى استفسار عن مشكلة فى الميكانيكا ان شاء الله لن ابخل فى اعطاء المعلومات




  2. #2
    الصورة الرمزية Tayfoor
    تاريخ التسجيل
    Dec 2010
    المشاركات
    391
    ارجو التثبيت من ادارة المنتدى
    سوف ابدا ب اسماء القطع الميكانيكية عربى وانجليزى مع الشرح بالصور والله الموفق

  3. #3
    الصورة الرمزية Tayfoor
    تاريخ التسجيل
    Dec 2010
    المشاركات
    391
    شرح موتور صغير زيت على بنزين
    http://imageshack.us/photo/my-images...rokengine.jpg/

  4. #4
    الصورة الرمزية Tayfoor
    تاريخ التسجيل
    Dec 2010
    المشاركات
    391
    stator هو الملف او الساعة المسؤل عن الشحن للبطارية كما يرسل اشارة صغيرة للفلام (rotor-fly wheel)عندما يكون البستم عند راس السلندر اى عندما يكون فى اقرب مكان للبوجيه والفلام (rotor-fly wheel) يرسل هذه الاشارة للنوابض (GEN, IGNITION PULSE) والتى تستقبلها النوابض وترسلها للألكترونى (CDI-PGM) ويستقبلها الألكتورنى بدوره ويرسلها الى الموبينة (COIL, IGNITION) التى ترسل الكهرباء الى البوجيه(spark plug) المسؤل عن اشتعال البنزين داخل السلندر
    وده جزء يوضح عن العقد والكلا كيع فى الموتوسيكل يعنى الفلام (rotor-fly wheel) لو توقيته غلط الموتوسيكل مش هيدور الالكترونى (CDI-PGM) لو محروق الموتوسيكل مش هيدور
    وارجو من المنتدى التثبيت لتعم الفائدة
    وهنا صور القطع
    stator الملف او الساعة
    rotor- fly wheel الفلام


    COIL, IGNITION الموبينة

    GEN, IGNITION PULSE النابض

    PGM-CDI الالكترونى


    spark plug البوجيه


    ملحوظة
    انا لست بمهدنس ميكانيكا او ميكانيكى فاذا كان هناك اى خطا فى الشرح ارجو التصحبح حتى تعم الفائدة
    وارجو من المنتدى التثبيت




  5. #5
    الصورة الرمزية Tayfoor
    تاريخ التسجيل
    Dec 2010
    المشاركات
    391
    هذا الفيديو يبين كيف يعمل الموتور
    https://www.youtube.com/watch?v=2Yx32F1cncg
    وكما موضح فى الفيديو ان البى ال خرج من مكانه وكسر الكارتيرة
    واسبابه كتير منهم البنز الى بيوصل البى ال بالبستم لم يكن محكوم او ضعيف
    او البى ال كان راسه ضعيف

    ملحوظة اذا لم تعمل وصلة الفيديو انسخها و وكليك يمين على صفحة جديدة والصقها وسوف تعمل
    التعديل الأخير تم بواسطة Tayfoor; 19-05-2011، الساعة 04:39 PM

  6. #6
    الصورة الرمزية Tayfoor
    تاريخ التسجيل
    Dec 2010
    المشاركات
    391
    وكما وضح بالفيديو سوف اضع اسم القطعة بالعربى والانجليزى وماهو عملها داخل الموتور
    CYLINDER HEAD COVER وهو غطاء التكيهات وهو مجرد غطاء المونيوم لحماية الصبابات (راس الموتور)

    وهو غطاء التكيهات الذى يوجد اسفله الصباب (valve)

    الصباب على اليمين من الصورة هو صباب بنزين والصباب على يسار الصورة صباب شكمان


    والصباب له وظيفتين دخول البنزين وخروج الهواء ولذلك بلغة الميكانيكى صباب البنزين هو الصباب الذى يوجد من ناحية الكربراتير وهو المسؤل عن دخول البنزين وهو يتاكل بسرعة فى الموتوسيكلات ذات السعة السلندرية الصغيرة مثل cbr 250 honda او 400 او600 لان الصباب صغير
    وهو مشكلة شائعة يعنى لما الميكانيكى يقولك الصبابات مسيفة معناها ان الصباب اطرافه اصبحت رفيعة جدا مثل شفرة السيف واصبحت تدخل بنزين بكثرة حتى وهى مغلقة وهذا الذى يسبب بظاهرة اسمها ( الموتوسيكل شرقان) بمعنى وجود كمية بنزين كثيرة بداخل السلندر التى لاتترك مساحة للهواء للدخول والذى يؤدى لعدم اشتعال البنزين
    يعنى من الاخر لما تلاقى المكنة مش عايز تدور معاك كل يوم الصبح ولازم تفضل تزق فيها ويمكن متدورش بسبب وجود كمية كبيرة من البنزين لان الصباب بايظة (مسيفة)


  7. #7
    الصورة الرمزية Tayfoor
    تاريخ التسجيل
    Dec 2010
    المشاركات
    391
    ارجو من الشباب اضافة رد حتى تقوم ادارة المنتدى بتثبيت هذا الموضوع واكدي الموضوع ده هيفيد اى حد عنده موتوسيكل او بيفكر يشترى موتوسيكل سواء كان صبنى او يابانى

  8. #8
    الصورة الرمزية Tayfoor
    تاريخ التسجيل
    Dec 2010
    المشاركات
    391
    نعود للشرح
    المهم لما صباب الشكمان يسييف من الصعب تصليحه ليه اولا كده الصباب باظ ولايصلح معالجته ثانيا لو روحت لميكانيكى هيقنعك انك تغير الصبابات طبعا فى اليابانى مفيش صبابات جديدة كله استيراد طيب هتجيب الصباب الاستيراد الذى سعره ارتفع كثيرا ليوصل تمنه ب 75 جنيه الصباب الواحد يعنى لمو مكنتك 4 سلندر يبقوا 8 صباب 2 سلندر 4 صباب واحد سلندر ممكن 2 صباب او 4 صباب يعنى مجموع تمن الصبابات هتوقف بالغالى
    بوعد ما سيادتك تدفع دم قلبك فى الصباب وتوديه للميكانيكى
    الميكا نيكى هيوديه للخراط الخراط كل الى عليه انه يطبع مكان الصباب على الصباب ويعمله فريزة بس مهما كان الخراط كويس الصباب هيفضل ينزل بنزين بس نقط خفيفة وده برضك هيقرف فى دوارة الموتوسيكل
    وهقلك هينزل بنيزن ليه مع انه سليم لان الصباب القديم لما بيسيف بيحفر مكانه (تحته)يعنى بيكيبر فتحة الصباب طبعا هتجيب الصباب الجديد وتركبه بس ايه ده ده فيه فرق مابين الصباب ومكانه حوالى 2 او 3 ملى وده مايعرف باسم تهريب كبس يعنى لو حتى الصباب جديد هيفضل ينزل بنزين اكثر من اللازم حتى والموتوسيكل واقف مش داير
    وهما ادامك حلين ياتجيب راس تكيهات مستورد بصباباته ولازم تكون صباباته الى جواه مش تسيب الراجل يقعد ينقيلك صبابات وطبعا التكلفة عالية ده غير مصنعية الميكانيكى او تكبر دماغك وتجيب موتور افراج
    طبعا مشكلة الصباب المسبف ده مشكلة شائعة بس فيه مشاكل تانية ممكن يتنى من البستم او يخرج من مكانه ومشاكل تانيه ده عموما شرح جزء راس التكيهات الى بداخلها الصبابات ومشاكلها

    وانواع التكيهات يختلف
    يعنى فيه صبابات بشواكيش



    ودى عيبها ان ظبطها صعب بس مش صعب اوى عشان بطلع صوت تنقير خفيف
    وفيه صبابات ببيضة فى الكامة الى فوق


    بس بيبقى تحت التاكيه وفوق الصباب حاجة اسمها كوستوبان وهو شبه حجر ساعة اليد الى لونها سيلفر الرفيعة الصغيرة (shim, tappet)

    هو ده شكل الكوستوبان
    والكوستوبان ده ليه غطى اسمه غطى كوستوبان (LIFTER, VALVE)

    والنوع ده من التكيهات صعب جدا جدا جدا تصليحه لان الكوستوبان فى اى راس تاكيه مش كلهم حجم واحج دول احجام مختلفة فا الكوستوبان الى يبوظ يتاكل يعنى او يضيع لما تحل التاكيه انسى ان الموتوسيكل يرجع لحالته الطبيعية
    الكوستوبان لو صغير مش هيدفع الصباب لاسفل يعنى مدخل من مداخل البنيزن اتقفل ولو كبير الموتوسيكل هيشرق وممكن الصباب يتعوج ولو عريض هيزنق الصباب وهيتعوج برضك او يفضل يعملك صوت تنقير

    والصباب الثالث اسمه صباب بلف

    من النادر وجوده فى موتوسيكل وبيقبى موجود فى الموتوسيكلات ذات السعة السلندرية الكبيرة ونادرا مبيعمل مشاكل بس لو بيعمل صوت مش اى ميكانيكى موتوسيكلات يقدر يظبطهولك


  9. #9
    الصورة الرمزية Tayfoor
    تاريخ التسجيل
    Dec 2010
    المشاركات
    391
    كده خلصنا الجزء بتاع الصبابات والتكيهات لو فى اى اسئلة بخصوصهم او انا نسيت حاجة اى حد يسأل وان شاء الله اجيب عن اسئلتكم واستفساراتكم
    وارجو من المنتدى التثبيت
    وارجو من الشباب اضافة رد مش هياخد من وقتك دقيقة حتى من غير ماتقرا الموضوع

  10. #10
    الصورة الرمزية Tayfoor
    تاريخ التسجيل
    Dec 2010
    المشاركات
    391
    وللحديث بقية

  11. #11
    تاريخ التسجيل
    Nov 2004
    المشاركات
    90
    ما شاء الله - موضوع مفيد جدا

    الي الأمام يامبدع

    هي فكره كويسه جدا ان الواحد يكون عنده فكره كويسه وشامله عن ميكانيكا الموتسيكلاات والسيارات

    لأن في اوقات كتير جدا الواحد بيحتاجلها في ظرف ما

    ويايت نتعلم من الأمركان ..... في معظم افلامه ( مش الجديده ) تلاقيهم عندهم خبره في ماكيناتهم
    وتلا قيهم على طول نازلين تصليح وكمان تعديل في عربياتهم


    في انتظار البقيه

  12. #12
    شكرا على الموضوع اخى الكريم
    تم التثبيت لفترة

  13. #13
    الصورة الرمزية Tayfoor
    تاريخ التسجيل
    Dec 2010
    المشاركات
    391
    السلام عليكم ورحمة الله وبركاته
    تكملة شرح قطع غيار الموتوسيكل ووظيفته ومسماه بالانجليزية
    الجزء الى فات ده هو التكيهات او الصبابات نبتدى فى السلندروكما هو موضح فى الفيديو الى فوق كيف يتحرك السلندر
    اول جزء من فوق هو البستم (piston)

    وهو الى بيتلقى الاشتعال عشان يحرك الكرنك والحدافة
    وخدوا بالكم كل موتوسيكل ليه بستم بشكل معين
    مثال
    ده بستم السى بى ار سواء كان 250 400 او 600 باختلاف الاحجام طبعا بس الشكل عموما واحد


    عموما من مشاكل البستم يااما بيتكسر او بيطلع بره الكرتيرة يعنى البستم تلاقيه خارم الموتور وطالع بره
    وده عموما كسر البستم يااما البستم ضعف يعنى الموتوسيكل مشى كتير او من كتر الرفع بالموتوسيكل والحرق
    وكذلك يطلع من جوه الكرتيره من كتر الرفع او الحرق ونصيحة للبيركب موتوسيكل يفضل انك مترفعش حصان او لو حابب ترفع مش لمدة طويلة لان الرفع لمدة طويلة يؤدى الى عدم دخول الزيت للتاكيهات والكامات لان الموتور سعتها هيبقى وضعه راسى بدل افقى
    نرجع تانى للبستم نظرا لان البستم ده بيطلع وينزل داخل شيميزة (bore-barrel) هما بره مسمينوه برميل احنا هنا مسمينو شميزة الى هو السلندر من جوه

    زى ماقلنا لان البستم ده بيطلع وينزل داخل شيميزة فيه احتكاك يعنى لازم يبقى فيه زيت ما بينهم
    مفهوم الجزء ده طبعا
    وطبعا الزيت مينفعش يطلع لاخر السلندر عشان دى الموتوسيكلات الريس والكستم مش جاوا يعنى مفيش دخنة بيضا
    المهم الحاجة الى متخليش الزيت يطلع لحد البوجيه وتبهدل الدنيا حاجة اسمها شنبر (O-RING) مش البستم فيه حوليه خطوط محفورة ده المكان بتاع الشنبر


    كما هو موضح بالصورة الى فوق البساتم دى شنابر الى بتمنع الزيت انه يوصل للبوجيه و الدواير الصغيرة الى مابين البستمين الى فى الصورة اسمها تيلة
    التعديل الأخير تم بواسطة Tayfoor; 23-05-2011، الساعة 10:14 PM

  14. #14
    الصورة الرمزية Tayfoor
    تاريخ التسجيل
    Dec 2010
    المشاركات
    391
    التيلة (clip) عملها حاجة واحدة بس بتثبت البنز(PIN, PISTON) الى بيوصل البستم بالبى ال من غير منجرى فى الشرح نرجع بس للشنبر(O-RING) ووظيفته مهمة جدا لانه بيمنع الزيت من الوصول للبوجيه وطبعا لما الشيميزة بتتاكل او توسع الزيت بيهرب من الشنبر ويطلع للبستم ومن ظواهرها تلاقى الشكمان بينزل نقط زيت خفيفة - الموتوسيكل بيطلع دخنة بيضا - تطلع البوجيه تلاقيه معرق زيت ومن المسميات الموتور بياكل زيت - البستم خفيف (المسمى ده غلط لان البستم بيبقى سليم)
    الزيت لما بيطلع فى سلندر ويوصل للبوجيه البوجيه يقطع يعنى لو انت راكب 2 او 4 سلندر هتلاقى سلندر واحد قاطع هتعرف منين اقولك انا تيجى تجرى بالموتوسيكل وتبقى شادد البنزين على الاخر والمكنة بطيئة زى السلحفة وده عيب شائع بالذات فى الموتوسيكلات الكستم (الى احنا بنسميها هارلى)
    طبعا فى الموتوسيكلات الصينى لما بيحصل الكلام ده وعشان قطع الغيار متوفرة ورخيصة فبيجيبوا سلندر بالبستم والشنبر جداد اما فى الموتوسيكلات اليابانى عشان مفيش قطع غيار كتير بيعملوا شيميزة جديدة وبيغيروا الشنبر بشنبر جديد ودى اسمها عمرة بس مش معنى كده الموتوسيكل موتوره حالل
    لما تحل الكرنك وتخش على البى الات كده معناها انك حالل موتور انما حالل سلندر بس مش معناها حالل موتوسيكل
    وطبعا لان مصر كلها صنيعية زى الفل لو عملت عمرة والموتوسيكل دخن متصدقش الميكانيكى لما يقول اصلها بتصفى الزيت الى فى الشكمان وعشان تريح نفسك بعد تركيب السلندر خالى الميكانيكى يغسلك الشكمانات من جوه مش من بره يعنى يفك المصافى ويغسلها ويدلق بنزين جوه الشكمان
    لو اتغسلوا ولمحت دخنة بيضا خفيفة طلعه من الشكمان معناها عيب الشيميزة لان طبعا الشمايز الى هنا كلها مصرى و الخراطين بقت زمتهم واسعة
    التعديل الأخير تم بواسطة Tayfoor; 24-05-2011، الساعة 04:08 AM

  15. #15
    تاريخ التسجيل
    Nov 2004
    المشاركات
    90
    مبروك التثبيت اخ Tayfoor

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك