موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 7 1 2 3 ... الأخيرةالأخيرة
النتائج 1 إلى 15 من 102
Like Tree0Likes

الموضوع: تحويل السيارات للعمل بالغاز الطبيعي

  1. #1
    تاريخ التسجيل
    Sep 2007
    المشاركات
    32

    Flag Egypt تحويل السيارات للعمل بالغاز الطبيعي

    ان تحويل السيارات التي تعمل بالبنزين الى الغاز الطبيعي عمليه سهله لا تتطلب ازاله أي من اجهزه السياره الاصليه ويتم تركيب اسطوانات الغاز الطبيعي في مؤخره السياره ويوصل خط الغاز بجهاز الاحتراق الموجود بالمحرك من خلال جهاز لتنظيم عمليه الخلط .كما يتم تركيب مبين للوقود في لوحه السياره الاماميه يتيح الاختيار بين تشغيل السياره بالغاز الطبيعي او البنزين .
    كيف يعمل نظام الغاز الطبيعي للسيارات؟
    1يدخل الغاز الطبيعي من محطة التموين بالغاز الى نظام الوقود الغازي 2بالسيارة من خلال صمام تموين .
    3يتدفق الغاز الطبيعي الى اسطوانات الغاز الطبيعي المضغوط في مؤخره السياره .
    4عند احتياج المحرك للغاز الطبيعي ينتقل الغاز من اسطوانات الغاز الطبيعي المضغوط عبر صمام الاغلاق اليدوي الرئيسي .
    ثم يدخل الغاز الطبيعي منطقه المحرك من خلال خط الوقود .
    5.بعدها يدخل الغاز الطبيعي على منظم الضغط حيث يتم تخفيضه الى مستوى الضغط الجوي .
    6. عندما يفتح صمام الغاز ذو الملف اللولبي (سولينويد) يمر الغاز الطبيعي من خلال منظم الضغط الى داخل جهاز خلط الغاز.
    7. ثم يتدفق الغاز الطبيعي المخلوط بالهواء من خلال كاربراتير البنزين الى داخل غرف الاحتراق بالمحرك .
    8. يتم التحكم في البنزين الواصل للكاربراتير عن طريق صمام غلق البنزين .
    9. تسمح لوحه عداد الوقود في اللوحه الرئيسيه باختيار الغاز الطبيعي او البنزين لتشغيل السياره .
    مدى اقتصاديه الغاز الطبيعي لمستخدميه
    يبلغ سعر بيع المتر المكعب الواحد من الغاز الطبيعي المضغوط 45 قرشا
    ومن ثم فان المتر المكعب الواحد من الغاز الطبيعي وهو ما يعادل لترا من البنزين يكلف مستخدم السياره اقل من نصف ثمن لتر البنزين
    وحسب عدد الكيلومترات التي تقطعها السياره يمكن لصاحبها ان يسترد تكلفه التحويل بالكامل خلال اقل من عامين

    وسوف يتم اضافه المزيد من المعلومات عن هذا الموضوع لاحقا ...

  2. #2
    الصورة الرمزية aam11372
    تاريخ التسجيل
    Dec 2007
    المشاركات
    231
    شكرا اخى على هذه المعلومات لكن عيبه ان الخزان بتاعه يأخذ حيز كبير من الشنطة كما ان لى بعض الاستفسارات :هل المتر المكعب من الغاز يعادل لتر النزين فى عدد الكيلومترات التى تمشيها السيارة ، وهل هو آمن فى حالة حدوث اصطدامات بالسيارة لا قدر الله ، وكم تبلغ تكلفة التحويل

  3. #3
    تاريخ التسجيل
    Jun 2006
    المشاركات
    62
    اقتباس المشاركة الأصلية كتبت بواسطة lokasherdy مشاهدة المشاركة
    وحسب عدد الكيلومترات التي تقطعها السياره يمكن لصاحبها ان يسترد تكلفه التحويل بالكامل خلال اقل من عامين
    ...
    مشكووووووووووور وممكن توضح معنى الجملة ده اكثر لاني مش فاهم تقصد ايه

  4. #4
    الصورة الرمزية hmasa4
    تاريخ التسجيل
    Jun 2008
    المشاركات
    517

    Love

    انا معاك تماما فى التوفير فى الوقود

    بس انت نسيت تقول حاجه مهمه :

    صيانة الغاز رهيبه وكتيره يعنى انت حضرتك عارف ان الغاز بيحتاج تبديل البوجيهات بصفه مستمره علشان دورة الاشتعال لا الغاز كما تعرف سيادتك تقيل فى الحرق وهذا يؤثر بالسلب على كفاءة البوجيهات(شمعات الاحتراق)

    ومننساش ان عمر المحرك الافتراضي مع الغاز اقل ودا معروف وذلك بسبب ثقل الغاز فى الحرق يأثر على الجوانات ووش السلندر

    يعنى هنصين بطريقه مستمره
    وانا شايف من وجهة نظرى المتواضعه الغاز مناسب للسيارات الى بتسافر سيارت شغل مثلاًًًًًًً كتير هيوفر كتير معاها
    زمننساش ان الغاز بيأثر على السرعه بتاعت السياره يعنى بيهبط السياره وبيخلى السرعه محدوده يعنى آخرك ال120 لو الموتور كبير 2000
    انما لو موتور صغير يبقى آخرك 100 ومتبصش على السرعه فى الأول استنى اما الغاز يقدم ويأثر على المكنه هتحس بالبطئ لو انت من مجبى السرعه والانجاز زي كدا هههههه
    انما داخل البلد والسيارات بتاعت مشوار واحد او اتنين فى اليوم لايفضل علشان البهدله والجرى على الميكانيكيه البنزين فى النقطه دى اوفر على الشخص


    انا مع الغاز الطبيعي كمصدر وقود آمن على البيئه وصحى
    ولكن
    أفضل البنزين حين يتفوق البنزين على الغاز فى القدره و الكفائه والسرعه وعدم الاستهلاك المباشر من العمر الافتراضي للموتور
    التعديل الأخير تم بواسطة hmasa4; 15-02-2009، الساعة 05:51 PM

  5. #5
    تاريخ التسجيل
    Sep 2007
    المشاركات
    32

    بالنسبه للاخ aam

    احب اقولك ان لتر الغاز المكعب بيوازي في عدد الكيلومترات لتر البنزين دا غير ان الغاز هايوفر معاك في استهلاك الزيت

  6. #6
    تاريخ التسجيل
    Sep 2007
    المشاركات
    32

    عزيزي stareagle

    المتر المكعب من الغاز تمنه في مصر 45 قرش
    ولتر البنزين ال 80 لو انت بتستعمل ارخص نوع تمنه 90 قرش
    حسب استهلاكك بقى يمعلم ممكن تسترد تمن التحويل او تمن تركيب الغاز اللي بيكون في حدود 5000 جنيه مصري واي استفسار انا في الخدمه

  7. #7
    تاريخ التسجيل
    Sep 2007
    المشاركات
    32

    Great امان استخدام الغاز الطبيعي في السيارات

    بالنسبه لعامل الامان في استخدام اسطوانات الغاز الطبيعي الغاز امن جدا جدا جدا
    انا ارفقت ملف بيوضح بالصور ان اسطوانات الغاز المضغوط بتستحمل اصعب انواع الاختبارات زي النار وطلقات الرصاص والسقوط من ارتفاعات عاليه جدا وزي ماقولت في ملف بالمرفقات فيه تاكيد على كلامي
    الملفات المرفقة
      عذراً, لا تستطيع مشاهدة المرفقات إلا بعد الرد على الموضوع

  8. #8
    تاريخ التسجيل
    Feb 2008
    المشاركات
    58
    ميرسى ليك وربنا يسترها مع كل الناس

  9. #9
    الصورة الرمزية elkomanda2
    تاريخ التسجيل
    Oct 2005
    المشاركات
    627
    فعلا الغاز موفر بس بيقضى على المتور


    إحنا مصريين بجد إحنا نيل وتاريخ ومجد
    لما غرقنا الطوفان من عرقنا بنينا سد ..
    إحنا امة كما الفهود لما شوفنا علمنا مال
    إحنا كنا ولا الأسود لما عدينا القنال


  10. #10
    تاريخ التسجيل
    Sep 2007
    المشاركات
    32

    Great دا كان زمان

    يا جماعه انسوا حكايه القضاء على الموتور دي
    الموضوع ده كان زمان
    دلوقتي الغاز بيستخدم في مصر من اكتر من 12 سنه والتكنولوجيا بتاعه التحويل بقت جباره فعلا
    وعشان ااكدلك ان الغاز امن على الموتور اسمع منى المعلومه دي:
    زمان لما كانت الناس بتركب غاز سنه 96 و97 كانوا اول لما يركبوا الغاز يشيلوا تانك البنزين من العربيه وده تصرف فردي من بعض الناس اللي ركبت المهم
    الغاز او مجموعه التحويل اسمها دوره وقود مزدوج بنزين / غاز طبيعي وطبعا كلنا عارفين ان الغاز الطبيعي مافيهوش كربون ولا رصاص وهما موجودين في البنزين وبالتالي الموتور ممكن يتاثر
    دلوقتي بقى ياجماعه مش ممكن تركب غاز منغير مايكون دوره البنزين بتاعه عربيتك سليمه 100 في ال100 ليه
    لان العربيه اول مابتدور الصبح بتدور على البنزين وبعد ما تدوس على دواسه البنزين العربيه تلقائيا بتنتقل على الغاز وبكده مش ممكن يحصل للموتور اي حاجه
    ومش مطلوب منك اكتر من 10 دقايق بنزين الصبح وبكده هتبقى تمام وميت فل واربعتاشر
    واي استفسار انا في الخدمه

  11. #11
    تاريخ التسجيل
    Aug 2004
    المشاركات
    62
    ياباشا موضوع الغاز ده مش مريحنى

  12. #12
    تاريخ التسجيل
    Jun 2006
    المشاركات
    62
    مممن اعرف ازا كان اقدر احول لنظام الغاز في عربيتي نوعها فيات ريتمو موديل 80 ينفع ولا لا واذا كان ايه احسن واضمن شركة اعمل فيها التحويل وبالنسبة للعداد الخاص بالبنزين لما يتم التحويل هيفضل بشتغل للبنزين ولا لا انا عارف انه يتعمل مؤشر خاص بالغاز بس عايز اعرف برده للبنزين علشان اقدر اعرف مستوى البنزين ومستوى الغاز الموجود في العربية لاني دايما بسافر بيها خاج القاهرة وكمان عايز اعرف ايه مستويات الامان الخاصة بالغاز

  13. #13
    تاريخ التسجيل
    Sep 2007
    المشاركات
    32

    Flag Egypt الى الاخ العزيز Stareagle

    اولا : مفيش اي مشكله من تحويل عربيتك بالغاز الطبيعي
    ثانيا: افضل شركه ممكن تحول غاز فيها هيه كار جاس اللي المركز الرئيسي بتاعها في الماظه ومحطاتها منتشره في جميع انحاء الجمهوريه
    ثالثا : مابيحصلش اي تغيير في مكونات عربيتك يعني البنزين هيفضل زي ماهوه وهيكون في مفتاح ممكن من خلاله تحول من بنزين الى غاز والعكس
    رابعا: بالنسبه للامان الغاز مافيهوش اي مشكله على الاطلاق وكمان مش هبالغ لو قلتلك انه اامن من البنزين
    وانا في الخدمه لو انت محتاج اي تفسيرات تانية

  14. #14
    تاريخ التسجيل
    Mar 2008
    المشاركات
    131
    عايزين اكتر من واحد يكون مجرب ويطمنا على الموضوع ده

  15. #15
    تاريخ التسجيل
    Jun 2006
    المشاركات
    62

    Icon14

    اقتباس المشاركة الأصلية كتبت بواسطة lokasherdy مشاهدة المشاركة
    اولا : مفيش اي مشكله من تحويل عربيتك بالغاز الطبيعي
    ثانيا: افضل شركه ممكن تحول غاز فيها هيه كار جاس اللي المركز الرئيسي بتاعها في الماظه ومحطاتها منتشره في جميع انحاء الجمهوريه
    ثالثا : مابيحصلش اي تغيير في مكونات عربيتك يعني البنزين هيفضل زي ماهوه وهيكون في مفتاح ممكن من خلاله تحول من بنزين الى غاز والعكس
    رابعا: بالنسبه للامان الغاز مافيهوش اي مشكله على الاطلاق وكمان مش هبالغ لو قلتلك انه اامن من البنزين
    وانا في الخدمه لو انت محتاج اي تفسيرات تانية
    متشكر ليك على سرعة الرد كنت عايز اعرف عميلة التحويل ببتعمل في اد ايه يعني بستلم العربية منهم في خلال اد ايه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك