موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 9 1 2 3 ... الأخيرةالأخيرة
النتائج 1 إلى 15 من 135
Like Tree1Likes

الموضوع: .•°« التخلص من النحافة الى الابد خطة لزيادة وزنك 11 كيلو في شهر »°•.

  1. #1
    الصورة الرمزية vecattey
    تاريخ التسجيل
    Jan 2010
    المشاركات
    1,653

    .•°« التخلص من النحافة الى الابد خطة لزيادة وزنك 11 كيلو في شهر »°•.











    هل هناك طريقة سهلة وسريعة ورخيصة لزيادة الوزن ؟

    نعم .. طريقة سهلة وسريعة وكمان رخيصة وطبيعية وفوق ده كله تنفع مع ال hardgainers كمان .

    *


    تعريف ال hardgainers :

    المعتقدات الشائعة تعرفهم على انهم الاشخاص الذين ياكلون كل شيء واي شيء ولا يزيدون في الوزن .

    بيقولو عشان عمليات الايض عندهم سريعة : اجسامهم بتحرق كل الي بياكلوه.او مش بيهضموا كل الي بياكلوه .

    خرافات

    زيادة الوزن تساوي = زيادة ما تاكله الان .

    بعضكم يعتقد انو بياكل كتير بس الواقع انت مبتاكلش كتير ولا حاجة .



    8 اسباب واخطاء شائعة تجعل ال hardgainer لا يستطيع زيادة الوزن




    1 .قلة الغذاء :

    تتبع سعراتك الحرارية الي بتاكها يوميا والي بتستهلكها يوميا هتعرف انك مش بتاكل كتير كما تعتقد .

    2 . اختيار الاطعمة الخاطئة :

    الاطعمة زي السلطة والسبانخ صحية جدا بس مش هتخليك تزيد وزنك .

    انت محتاج اطعمة فيها سعرات حرارية عالية زي المكرونة والمكسرات .

    3 . النشاط اكثر من اللازم :

    اي شغل هتبذله سيتخلص جسمك من معظم سعرتاك الحرارية الي اكلتها

    يبقى من غير كميات هائلة من الغذاء وزنك مش هيزيد


    4 . التمرين الخاطيء :

    مش هيزيد وزنك وانت بتلعب تمارين العزل . لكن وزنك هيزيد بالتمارين المركبة

    زي ال dead liftes و ايضا تمرين الاسكواتس الي بيحفز النمو العضلي .


    5 . تجنب زيادة الدهون :

    زيادة الوزن بدون زيادة الدهون امر صعب وبطيء جدا

    يبقى زود وزنك الاول وبعدين نزل دهونك .


    6 . عدم الالتزام :

    لازم تعرف ان مفيش برنامج هيجيب نتيجة معاك من غير التزام

    مش هتلاقي نتايج وانت بتغيب عن التمرين بتاعك واكيد لو اهملت تلبية احتياجات

    جسمك للسعرات الحرارية برضه مش هتلاقي نتيجة مرضية

    7 . الاعتقادات المحدودة :

    تعتقد مثلا ان جيناتك الوراثية سيئة و عمليات الايض عندك سريعة

    وانك هتفضل نحيف زي معظم افراد عائلتك .



    8 . انعدام الثقة :

    حطمت كل امالك لانك كل متحاول تعمل حاجة تفشل فيها وتعتقد انك مش هتقدر

    تعمل الي نفسك فيه وهتفضل نحيف طوال حياتك .




    كيف يزداد وزن ال HARDGAINERS :

    كل كتيير قوي . كل الاكل الصحي . اتدرب بشراسة وبقوة . خلي عندك ايمان وثقة

    انك هتقدر . خليك ثابت .


    1 *** حدد هدفك :

    حدد انت عايز تزيد وزنك كام كيلو وده طبعا حسب طولك

    لو طولك 180 متر يبقى وزنك المفروض يبقى 80 كيلو وهكذا يبقى لو وزنك دلوقتي 65 كيلو حط هدفك انك تزيد ال 15 كيلو الي ناقصين .

    2 *** اشرب ( 4 ليتر ) حليب يوميا :




    على فكرة انا مش بهزر انا بتكلم بجد . عارف ليه ؟


    اولا :وزنك هيزيد : 11 كيلو في شهر وده الشائع لكل الي اضاف 4 لتر لبن يوميا لبرنامجه الغذائي

    ثانيا : زيادة القوة : البروتين والدهون الموجودة في اللبن تساعد العضلات والقوة على النمو . وزيادة الوزن ايضا تزيد القوة .

    ثالثا : سهل : الاطعمة السائلة اسهل في تناولها من الاطعمة الصلبة وبيتهضم بشكل اسرع

    لا يحتاج الى تحضير وممكن تاخده معاك في اي مكان عشان الي مش فاضي وبيشتغل .

    رابعا : رخيص : 4 لتر من الحليب يحتوى على :

    2400 سعر حراري

    200 جرام كارب

    120 جرام بروتين

    معادن وفيتامينات كتيرة قوي


    خامسا : طبيعي : بعض الناس بتقول ان البرنامج ده اسرع من الاسترويدس في زيادة الوزن

    للمبتدئين .

    سادسا : مكاسب دائمة في الوزن : البرنامج ده هيعلمك ازاي تزود سعراتك الحرارية

    وهو ده المفتاح لزيادة الوزن . عمرك ما هترجع نحيف تاني .


    سابعا : بروتين كتير : انت بتحتاج البروتين لتبني عضلاتك وعشان تمنع خسارتها ايضا .

    4 ليتر حليب فيهم 120 جرام بروتين < 20% whey و 80 % casein >

    ثامنا : دهون مشبعة : ترفع مستويات ال testosterone وده معناه عضلات اكثر وقوة اكبر

    متفكرش في موضوع الكوليسترول ( الدهون المشبعة صحية )

    تاسعا : عالى الكاربوهيدرات : سكر العنب ( dextrose ) الموجود في الحليب كامل الدسم

    بيشغل الانسولين ( هرمون هيقول لجسمك حرك البروتين الي العضلات )



    3 *** كل وجبة كل 3 ساعات :

    فطار وغداء وعشاء ووجبة بعد التمرين ووجبيتين خفاف

    جهز طعامك اولا ولا تهمل اي وجبة .

    4 *** كل اكتر من 5000 سعر حراري في اليوم :

    كم عدد السعرات الحرارية الي بيحتاجها جسمك ؟ بتختلف من شخص لاخر

    بس 5000 سعر حراري في اليوم كفيلة بزيادة وزن اغلب ال hardgainers .

    *** اقرا الحقائق الغذائية :

    ومواضيع التغذية وتابع المعلومات الغذائية واعرف سعرات كل اطعمة العالم

    المهم انك تاكل 5000 سعر حراري يوميا ( مش مهم هتاكل ايه عشان توصلهم )



    5 *** اتمرن بقوة :

    زود تمارين الاسكوات ( تحفز بناء العضلات )

    العب 5 عدات في 5 مجاميع وانزل لتحت خالص خلي وراكك تنزل تحت مستوى ركبك



    6 *** تتبع نتائجك :

    صور جسمك من قدام ومن ورا ومن الجنب قيس وزن دهون جسمك

    ووزن جسمك كله كل اسبوعين



    7 *** صدق انك مش hardgainer :

    انت بس مكنتش بتاكل كفاية وبتاكل اطعمة خاطئة

    هتعمل كل حاجة صح دلوقتي .

    8 *** خليك صارم خليك راجل :

    5000 سعر حراري كل يوم واوعى تغيب عن التمرين ابدا

    استمر لحد ما توصل لهدفك وتحقق حلمك .



    حالة خاصة


    ال hardgainer العنيد :

    لو انت فعلا نشط للغاية . عملك عبارة عن مجهود جسدي او بتروح للشغل بتاعك بدراجة كل يوم لمسافة 32 كيلو



    يبقى 5000 سعر يوميا مش كفايا لزيادة وزنك

    الحل

    كل اكتر . كل 6000 سعر يوميا . لسة وزنك مش بيزيد ؟ كل 7000 سعر في اليوم

    لسة مش بتزيد خليهم 8000 سعر يوميا .



    افضل الاطعمة لزيادة الوزن :

    الاطعمة ذات السعرات الحرارية الكثيفة هي الافضل بكل تاكيد لزيادة الوزن

    هقولك على بعض افضل الاطعمة لزيادة وزنك .

    لازم برنامجك الغذائي يحتوي على :

    الحليب : كامل الدسم وعرفنا ليه وعرفنا هنشرب اد ايه .

    المكرونة : 250 جرام مكرونة يساوي = 1000 سعر حراري . المكرونة اسهل في الاكل

    من الارز او الشوفان .


    المكسرات : ممكن تكون غالية ولكن 500 سعر حراري لكل 100 جرام مكسرات .

    وبروتين لبناء العضلات وسهلة الاكل وتاخدها معاك اي مكان ( زبدة الفول السوداني شغاله برضه )



    الموز : الفاكهة الوحيدة الي فعلا ممكن تزيد وزنك . والتفاح في المركز الثاني . اضرب كميات موز يوميا .



    البرنامج الغذائي


    برنامج غذائي لل hardgainers ال زهقوا من منظرهم النحيل والضعيف

    وبيشتغلو او بيدرسوا ومش فاضيين ياكلوا غير يدوبك 3 وجبات في اليوم

    4 لتر حليب كامل الدسم و 500 جرام مكرونة = 4500 سعر حراري في اليوم

    لازم تاكل كل 3 ساعات هيبقى سهل جدا انك توصل لل 5000 سعر حراري يوميا



    الافطار : بيض . برتقالة . شاي اخضر . اي خضروات

    وجبة خفيفة 1 : 1 لتر حليب . مكسرات منوعة . موز ( خدهم في كيس معاك وانت رايح الشغل )

    الغداء : 250 جرام مكرونة . صلصة طماطم . لحوم .

    وجبة خفيفة 2 : 1 لتر حليب . مكسرات منوعة . تفاح

    بعد التمرين : 1 لتر حليب . شوفان . موز

    عشاء : 250 جرام مكرونة . صلصة طماطم . لحوم

    قبل النوم : 1 ليتر حليب . جبنة بيضة . توت



    ملحوظة في البرنامج :

    اولا انت كواحد بتشتغل لازم تفطر قبل متروح الشغل في 10 دقائق .

    ثانيا تاخد معاك شنطة او كيس شكله شيك صغير كده في مكسرات وموز وليتر لبن وتجيب كباية كده وتقعد تشرب في الشغل .

    ثالثا هتروح البيت تتغدا عادي زي مبتعمل كل يوم وتملا الكيس بتاعك مكسرات ولبن وموز وتروح تكمل شغلك مثلا لو كنت لسة مخلصتش

    ترجع من الشغل تكمل بقا البرنامج

    اظن الموضوع بقا سهل قوي




  2. #2
    الصورة الرمزية vecattey
    تاريخ التسجيل
    Jan 2010
    المشاركات
    1,653


    كيف اختار الحليب :

    متضيعش وقتك بالحليب قليل الدسم او نصف دسم . قليلين في نسبة الدهون المشبعة

    والسعرات الحرارية ولا تعطى نفس النتيجة .الحليب الكامل الدسم هو الافضل في الطعم ايضا.

    اقرا الحقائق الغذائية الي على علب الحليب لحد متلاقي القيم دي :

    3 جرام بروتين و 5 جرام كارب و 60 kcals لكل 100 ملي ليتر



    امتى اوقف البرنامج ده :

    اوقف البرنامج ده لما توصل لهدفك خلال شهر او شهرين ده لو كنت منتظم وصامد

    ملحوظة :

    سيحدث زيادة في نسبة دهون جسمك 2 - 3 % كل شهر من اتباع البرنامج ده

    امشي على برنامج غذائي اخر من المنتدى واستمر في التمرين هتحرق الدهون



    مكملات لزيادة وزنك بصفة عامة :









    الخاتمة :

    لو كنت بتاكل 2000 سعر حراري في اليوم قبل كده : وهتمشي على البرنامج ده

    كل يوم البرنامج هيبقى اسهل تنفيذه .

    لو كنت بتعاني وبتكافح ومش قادر : ابدا ب 1 ليتر حليب في اليوم لمدة اسبوع

    بعد 4 اسابيع هتكون بتشرب 4 ليتر في اليوم .

    امشي على البرنامج ده 3 شهور واتمرن بقوة هتعرف ساعتها انك مش hardgainer ولا حاجة

    مفيش اي حاجة ممكن تمنعك انك تزيد وزنك لو عملت زي مقولتلك .

    خليك ثابت ومنتظم على البرنامج ده هتغير منظرك النحيف الى الابد .













  3. #3
    الصورة الرمزية Mr.Dreamer
    تاريخ التسجيل
    Sep 2006
    المشاركات
    5,436
    عااااااااااش يا جامد

    مواضيعك رائعة دائما

    اضافة بسيطة: فى السكوات خليه زاوية 90 درجة لان للاخر ضار بالمفاصل و بيأثر على الخصيتين
    و هى هى الفائدة

    و ايضا .. فيه ناس فعلا عندهم مشاكل وراثية .. دول يروحوا لدكتور للجينات يشوفوا علاج الاول و بعدين يمشوا على النظام ده

    شكرا لمجهودك

    و تم تقديمه فى المسابقة الشهرية






  4. #4
    الصورة الرمزية assuom
    تاريخ التسجيل
    Feb 2006
    المشاركات
    3,904
    رائع كالعاده يغالى
    عجيب أمرها حقا اذ الدنيا بها تشقي
    و ما زالت لهاوية بكل غبائها ترقي
    و ساستها أري القطران من نياتهم أنقي
    ضلالات تراودهم و قد هاموا بها عشقا
    و صاروا طوع قبضتها عبيدا أدمنوا الرق
    قلوبا لا تعي شيئا و أرشد من بهم حمقي
    و بات الخرق متسعا و ما اسطاعوا له رتقا
    و في التاريخ من لعبوا بنار عوقبوا حرقا
    و من لفوا علي الأعناق حبلا غالهم شنقا
    و قيل لمثلهم بعدا و قيل لمثلهم سحقا


  5. #5
    تاريخ التسجيل
    Sep 2008
    المشاركات
    239
    الف شكر على المعلومات الجميلة دى

  6. #6
    الصورة الرمزية H a M a D a _ T
      H a M a D a _ T غير متصل .. ســفـــيـــر الـرابــطــه لـلاخـبـار و الـمـواقـع الـفـنـيـه ..
    تاريخ التسجيل
    Sep 2007
    المشاركات
    1,312
    جامد يا بطل ,, تسلم والله يا وحش

    موضوع جميل ومفيد لبعض الاعضاء وانا منهم علشان كده انا بشكرك على الموضوع

    بس عندى استفسار لو كل يوم 4 لتر لبن يبقى 800 جنيه فى الشهرين تقريبا بس احسن من المكملات وكمان طبيعى

    بس هل اللبن ممكن يقلل نسبه المياه اللى انا بشربها فى اليوم بمعنى انا بشرب 3 لتر مياه فى اليوم وبشرب حوالى لتر لبن كامل الدسم

    يبقى انا كده هشرب 4 لتر لبن هشرب مياه وليكن مثلا 1 لتر ؟؟
    إنّا لله وإنّا إليه راجِعون

  7. #7
    الصورة الرمزية PrinceOfMetal
    تاريخ التسجيل
    Dec 2008
    المشاركات
    4,155
    يا صديقي انا اختلف معك بالنسبة للنتيجة النهائية 11 كيلو مين؟؟؟ ده روني كولمان بجلالة قدرة في فترة الضخامة ال Off Season بيزيد في الشهر بما لا يزيد عن 4 كيلو ومعظمها دهون والراجل Anapolic Pro يعني مش طبيعي ولولا ال GH حيموت وهوه ينزل في دهون جسمة الخطة الي بتقول عليها حتدي اي لاعب طبيعي بما لا يزيد عن 4 كيلو في الشهر ومعظمها دهون وكله حسب استجابة الجسم ..... بعدين نيجي لحكاية الدهون احنا لاعبين هدفنا الكتلة العضلية مش الكتله الدهنية في الجسم يعني مستحيل واحد فينا يروح يعمل كورس GH عشان ينزل دهونة ول على كلامك بعد ثلاث اشهر حكون زدت بما لا يقل عن 20 كيلو دهون؟؟؟؟ ازاي كده بس ده انا لو بالطبيعي حفضل 5 شهور في الدايت حتى ينزل وزني وممكن تفرقع روحي في نص الطريق ....
    انا بشكرك على كل مجهوداتك في القسم وفعلا انت عضو ممتاز في المنتدى بس يا ريت تفكر كويس قبل ما تكتب موضوع زي هيك ... شكرا ليك مجددا..

  8. #8
    الصورة الرمزية vecattey
    تاريخ التسجيل
    Jan 2010
    المشاركات
    1,653
    يا صديقي انا اختلف معك بالنسبة للنتيجة النهائية 11 كيلو مين؟؟؟ ده روني كولمان بجلالة قدرة في فترة الضخامة ال Off Season بيزيد في الشهر بما لا يزيد عن 4 كيلو ومعظمها دهون والراجل Anapolic Pro يعني مش طبيعي ولولا ال GH حيموت وهوه ينزل في دهون جسمة الخطة الي بتقول عليها حتدي اي لاعب طبيعي بما لا يزيد عن 4 كيلو في الشهر ومعظمها دهون وكله حسب استجابة الجسم ....
    روني كولمان وغيره من ال anapolic pro في فترة البلك وزن الدهون الي عنده بتزيد

    رغم انه بيمشي على برنامج غذائي منخفض في الدهون مش زي ده

    البرنامج ده للنحافة اخي الكريم وانا كمان كاتب ان نسبة دهون جسمك هتزيد 2 -3 %

    كل شهر انت ماشي فيه على البرنامج

    واكيد طبعا في زيادة عضلية عشان البروتين

    وبعدين مكملات التخلص من النحافة فيها دهون ؟؟ صح ؟؟؟

    الفترةدي عشان الواحد يظبط جسمه بدل مهو ماشي شوية هوا يوقعوه

    وبعدين انا لما كنت مبتدئ كمال اجسام كان وزني 57 كيلو وفي 5 اسابيع زدت 8 كيلو

    كنت باكل كتير بس مش لدرجة البرنامج ده اكيد

    وعلى فكرة البرنامج ده مجرب


    بعدين نيجي لحكاية الدهون احنا لاعبين هدفنا الكتلة العضلية مش الكتله الدهنية في الجسم يعني مستحيل واحد فينا يروح يعمل كورس GH عشان ينزل دهونة ول على كلامك بعد ثلاث اشهر حكون زدت بما لا يقل عن 20 كيلو دهون؟؟؟؟ ازاي كده بس ده انا لو بالطبيعي حفضل 5 شهور في الدايت حتى ينزل وزني وممكن تفرقع روحي في نص الطريق ....
    ده برنامج للتخلص من النحافة وزيادة شوية دهون وشوة عضل وشوية قوة وشوية صحة

    مكملات المرحلة دي تحتوي على دهون بينما مكملات الضخامة العضلية للناس الي وزنها كويس ومعندهاش نحافة مفيهاش دهون

    انت مش هتزود وزنك بالبرنامج ده عشان ترجع تخسسه تاني في 5 شهور دايت

    اومال انت زودته ليه ؟؟؟ انت بعد متخلص البرنامج ده وتقضي على النحافة

    تتبع برنامج غذائي من الي موجود في المنتدى عشان الضخامة وبعدين بقى

    تشق طريقك بدل مكنت اكتومرف تبقى بدات حاجة تانية


    ياريت تكون الفكرة وصلتك يا اخي العزيز


    انا بشكرك على كل مجهوداتك في القسم وفعلا انت عضو ممتاز في المنتدى بس يا ريت تفكر كويس قبل ما تكتب موضوع زي هيك ... شكرا ليك مجددا..

    ده انا الي اشكرك عشان مجهوداتك الرائعة في القسم انت عضو اكثر من رائع

    وياريت تكون فهمت فكرة الموضوع والناس الي محتاجاه واكيد انت مش محتاجه اطلاقا

    انا عملتلك موضوع تاني يليق بيك انت عارفه بقا

  9. #9
    الصورة الرمزية PrinceOfMetal
    تاريخ التسجيل
    Dec 2008
    المشاركات
    4,155
    اقتباس المشاركة الأصلية كتبت بواسطة vecattey مشاهدة المشاركة

    البرنامج ده للنحافة اخي الكريم وانا كمان كاتب ان نسبة دهون جسمك هتزيد 2 -3 %

    كل شهر انت ماشي فيه على البرنامج



    ده برنامج للتخلص من النحافة وزيادة شوية دهون وشوة عضل وشوية قوة وشوية صحة

    مكملات المرحلة دي تحتوي على دهون بينما مكملات الضخامة العضلية للناس الي وزنها كويس ومعندهاش نحافة مفيهاش دهون

    انت مش هتزود وزنك بالبرنامج ده عشان ترجع تخسسه تاني في 5 شهور دايت

    اومال انت زودته ليه ؟؟؟ انت بعد متخلص البرنامج ده وتقضي على النحافة

    تتبع برنامج غذائي من الي موجود في المنتدى عشان الضخامة وبعدين بقى

    تشق طريقك بدل مكنت اكتومرف تبقى بدات حاجة تانية

    طيب نيجيلها وحدة وحدة انت بتقول نسبة زيادة الدهون 2-3% وطبعا ده مستحيل لان النسبة حتكون اكبر بكتير لمعلوماتك ال 8 كيلو الي انت زدتهم ده طبيعي لانك في بداية اللعبة ومعظم الاجسام بتكون زي القنبلة الموقوتة قبل اللعبة اول ما لتبدا لعب بزيد وزنك بسرعة لكن لما تتقدم في اللعبة شوي حتكون الزيادة ابطا مما تتوقع يعني لما تعطي جسمك احتياجة اليومي من البروتين وزيادة كمان مش حتزيد اكتر من 300 غرام عضل صافي كل شهر ودي دراسة علمية عملوها في امريكا على اكتر من لاعب ....

    بالمحصلة البرنامج ده كويس للي عاوز يخش حديد الان مش للناس القدام والي بقالهم فترة .....
    شكرا ليك مجددا

  10. #10
    الصورة الرمزية vecattey
    تاريخ التسجيل
    Jan 2010
    المشاركات
    1,653
    اقتباس المشاركة الأصلية كتبت بواسطة princeofmetal مشاهدة المشاركة
    طيب نيجيلها وحدة وحدة انت بتقول نسبة زيادة الدهون 2-3% وطبعا ده مستحيل لان النسبة حتكون اكبر بكتير لمعلوماتك ال 8 كيلو الي انت زدتهم ده طبيعي لانك في بداية اللعبة ومعظم الاجسام بتكون زي القنبلة الموقوتة قبل اللعبة اول ما لتبدا لعب بزيد وزنك بسرعة لكن لما تتقدم في اللعبة شوي حتكون الزيادة ابطا مما تتوقع يعني لما تعطي جسمك احتياجة اليومي من البروتين وزيادة كمان مش حتزيد اكتر من 300 غرام عضل صافي كل شهر ودي دراسة علمية عملوها في امريكا على اكتر من لاعب ....

    بالمحصلة البرنامج ده كويس للي عاوز يخش حديد الان مش للناس القدام والي بقالهم فترة .....
    شكرا ليك مجددا
    ايوا بالظبط كده انت فهمتني

    وعرفت البرنامج ده يخص مين

    وبعدين هو في لاعب مش مبتدء ويعاني من النحافة ؟؟؟ اكيد لا

    البرنامج ده بيخاطب واحد نحيف عايز يغير منظره فدخل الجيم

    ومشي على البرنامج ده . وزنه اتظبط وجسمك شكله اتظبط

    لكن اكيد انا لو بقالي مثلا 6 شهور او سنة او محترف في اللعبة

    مش هبقى نحيف او افكر ازود وزني ( هفكر ازود وزن عضلي فقط ) بالمنطق كده

  11. #11
    الصورة الرمزية vecattey
    تاريخ التسجيل
    Jan 2010
    المشاركات
    1,653
    اقتباس المشاركة الأصلية كتبت بواسطة mr.dreamer مشاهدة المشاركة
    عااااااااااش يا جامد

    مواضيعك رائعة دائما

    اضافة بسيطة: فى السكوات خليه زاوية 90 درجة لان للاخر ضار بالمفاصل و بيأثر على الخصيتين
    و هى هى الفائدة

    و ايضا .. فيه ناس فعلا عندهم مشاكل وراثية .. دول يروحوا لدكتور للجينات يشوفوا علاج الاول و بعدين يمشوا على النظام ده

    شكرا لمجهودك

    و تم تقديمه فى المسابقة الشهرية

    الف شكر على ردك الجميل قوي ده وعلى المداخلة والاضافات الجامدة جدا



    اقتباس المشاركة الأصلية كتبت بواسطة assuom مشاهدة المشاركة
    رائع كالعاده يغالى

    وانت اكثر من رائع وشكرا على مرورك


    اقتباس المشاركة الأصلية كتبت بواسطة اسلام_وى مشاهدة المشاركة
    الف شكر على المعلومات الجميلة دى

    العفو وشكرا على مرورك الجميل ده


  12. #12
    تاريخ التسجيل
    May 2008
    المشاركات
    2,515
    نظام بصراحة غير دقيق
    اولا 11 كيلو في شهر يعني دي اكتر من 3/4 دهون و 5000 و 8000 سعر دي مش مضبوطة لو لو حسبها علي ميزانه وزود السعرات ب 20% ومشت 50%-%30-20 % بس هيزيد ومش هتبقا 11 كيلو في الشهر اه بس الزيادة متناسبه مش عشوائية
    السعرات الحرارية الزايدة جدا دي هترمي في المناطق الوراثية في نوع الجسم ده باذات اكتر من النوعين التانين الي هيا البطن وهتبقا الزيادة في waist مش مستناسبة مع الزيادة في بقية الجسم
    تاني حاجة 4 لتر لبن 120 جرام بروتين 96 جرام منهم كازين الي هوا بطي الهضم وبالتالي هيبطي هضم الاكل وهيبقا في ثقل وخمول
    مينفعش يبقا اعتمادي علي نوعين بروتين بنسبة عالية ونوع ممنهم احسن وقت ليه قبل النوم بس
    التعديل الأخير تم بواسطة hossam_060; 04-07-2010، الساعة 01:13 PM

  13. #13
    الصورة الرمزية vecattey
    تاريخ التسجيل
    Jan 2010
    المشاركات
    1,653
    اقتباس المشاركة الأصلية كتبت بواسطة h a m a d a _ t مشاهدة المشاركة
    جامد يا بطل ,, تسلم والله يا وحش

    موضوع جميل ومفيد لبعض الاعضاء وانا منهم علشان كده انا بشكرك على الموضوع

    بس عندى استفسار لو كل يوم 4 لتر لبن يبقى 800 جنيه فى الشهرين تقريبا بس احسن من المكملات وكمان طبيعى

    بس هل اللبن ممكن يقلل نسبه المياه اللى انا بشربها فى اليوم بمعنى انا بشرب 3 لتر مياه فى اليوم وبشرب حوالى لتر لبن كامل الدسم

    يبقى انا كده هشرب 4 لتر لبن هشرب مياه وليكن مثلا 1 لتر ؟؟
    العفو يا بطل وبشكرك على مرورك الجميل

    هي عملية تقديرية ملهاش حسبة ثابته

    في ناس بتقول اشرب من 3 - 6 لتر ميه في اليوم

    يبقا اشرب على قد متقدر وخلاص

  14. #14
    تاريخ التسجيل
    Feb 2007
    المشاركات
    83
    أخي موضوعك جميل وجهدك رائع
    بس في بعض المعلومات الخاطئة

    أولا الطول لا علاقة له في وزن الجسم يعني خطأ اللي طولو 180 نحكي انو وزنو لازم يكون 80
    احنا عنا شي اسمو مؤشركتلة الجسم أو Body mass index
    وكما ذكر في كتاب دليلك الى الجسم المثالي :
    __________________________________________________ __
    ما هو مؤشر كتلة الجسم؟
    هو مايحدد ما إذا كان الشخص ذو وزن منخفض، أو طبيعي، أو ذو وزن زائد، أو سمين. أما الطريقة الخاطئة التي يستخدمها البعض هي التي تزعم على أن الشخص الذي يكون طوله على سبيل المثال 180 سنتيمتراً يكون وزنه المثالي 80 كيلوغراماً.
    والشخص الذي يكون طوله 169 سنتيمتراً يكون وزنه المثالي 69 كيلوغراماً، وهكذا. ولهذا لدينا مؤشر كتلة الجسم.
    طريقة حساب مؤشر كتلة الجسم :
    يحسب مؤشر كتلة الجسم بتقسيم الوزن بالكيلوغرام على مربع الطول بالمتر كالتالي :
    مؤشر كتلة الجسم = الوزن بالكيلوغرام ÷ )الطول بالمتر(
    فمثلاً إذا كان وزن الشخص 75 كيلوغرام، وطوله 180 سم، يكون مؤشر كتلة الجسم كما يلي :
    مؤشر كتلة الجسم = 1.80( ÷ 75 ( = 23.14
    ويعطي هذا المؤشر فكرة عن نسبة الشحوم في الجسم، ولكن عند احتسابه يجب مراعاة أن الأشخاص الرياضيين لديهم كتلة عضلية أكبر، ولذلك يكون المؤشر لديهم عال بالنسبة لطولهم وهذا لا يعني زيادة نسبة الشحوم، كما تكون نسبة الشحوم لدى النساء أعلى منها عند الرجال إضافة إلى الفئة العمرية التي تؤثر على المؤشر.
    __________________________________________________ __

    أما الأمر الخاطئ الثاني فهم ذكرك بأن الدهون المشبعة غير مضرة وصحية ولا تأثير لها على الكوليسترول وهذا خطأ كبير لأن الدهون المشبعة هي الضارة والدهون الغير المشبعة تعد صحية
    الدهون المشبعة لها دور في افراز الهورمون الذكري ولكن لا ينبغي الاكثار منها
    والدهون الغير مشبعة هي المسؤولة عن خفض نسبة الكوليسترول
    يجب أن يحتوي غذاء الشخص الرياضي يوميا على 20-30 % دهون على أن تكون 20-25% منها دهون غير مشبعة


    أما الأمر الآخر فهو طريقة أداء تمرين القرفصاء :
    يجب في أسفل التكرار أن يتوازى الفخذين مع الأرض وألا ينخفض اللاعب اكثر من ذلك وإلا حدث ضرر في الركبتين

    أحب أضيف أنه يجب الانتباه من كمية البروتينات اليومية التي يتم تناولها لان الزائد منها يضر بالكليتين الى جانب انه يسبب جفاف الجسم نظرا لاستهلاكه لكمية كبيرة من الماء عند هضمه وسبب ذكري لتلك المعلومة هو نصيحتك بتناول 4 ليترات حليب تحتوي على 120 غرام بروتين الى جانب البروتين الذي يتم الحصول عليه من الوجبات وهذا يعتبر كمية عالية من البروتين حتى للاعب كمال الاجسام الذي يجب ان يتناول ما يقارب 1 الى 1.5 غرام لكل كيلو غرام من وزنه

    كما أحب أن انصح بألا تزيد جرعة البروتين عن 30 غرام وذلك لأن الجسم لا يمكنه هضم أكثر من ذلك دفعة واحدة مهما كانت كتلة الحجم وحجمه وكل ما يزيد عن 30 غرام يتخلص منه الجسم ولا يستفيد منه لذا انصح بالحذر عند تناول مسحوق بروتين يحتوي مكياله على اكثر من 30 غرام لذا انصح بتجزيء الجرعة

    وأشكرك على الموضوع

    د. محمد المشارقة
    طبيب رياضي - تغذية - مدرب شخصي
    التعديل الأخير تم بواسطة MFM4EVER; 04-07-2010، الساعة 07:45 PM

  15. #15
    تاريخ التسجيل
    Apr 2006
    المشاركات
    240
    شكرا على مجهودك الكبير فى الموضع
    ويارب اكبر عدد من الأعضاء يستفيد

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك