موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 26
Like Tree10Likes

الموضوع: بالصور الشرح الكامل لعمل باور سبلاى محترم (بوليت-بيكو-نانو-لوكو-روكيت أومنى)

  1. #1
    الصورة الرمزية a7med920
    تاريخ التسجيل
    Apr 2007
    المشاركات
    1,909



    5 بالصور الشرح الكامل لعمل باور سبلاى محترم (بوليت-بيكو-نانو-لوكو-روكيت أومنى)

    السلام عليكم ورحمه الله وبركاته
    وصلى الله وسلم وبارك على سيدنا محمد وعلى أله وصحبه وسلم
    ندخل فى الموضوع على طول
    باور سبلاى ينفع للتالى


    بيكو ستيشن - نانو ستيشن - بوليت - روكيت اومنى واى جهاز من شركه يوبيكويتى بيشتغل من 15 الى 24 قولت دى سى
    تكلفه الباور سبلاى 16 جنيه بالظبط


    وقت عمل الباور 9 دقائق بالظبط


    المكونات
    عدد 4 موحدات واحد أمبير لجميع الاكسيسات
    السعر 2جنيه للـ 4 موحدات
    او
    عدد 4 موحدات 2 امبير فى حاله الروكيت اومنى


    مكثف قيمته 25 فولت و1000 ميكرو فاراد


    سعر المكثف 50 قرش تقريبا


    ترانس 2 أمبير تسعه زيرو تسعه
    وانا حبيت اكتبها كده عشان هو دا اللى حتقوله للراجل
    الترانس دى لو قالك مفيش غير واحد امبير حينفع
    انما 2 امبير عشان الروكيت اومنى فقط
    السعر 12 - الى 14 جنيه حسب شطارتك
    مكان بيع كل ما سبق عند اى محل كهربائى
    مش لازم تنزل وسط البلد كل الاماكن فيها الكلام دا


    طريقه طلب الحاجات دى من المحل عشان محدش يضحك عليك فى السوق
    حتدخل على الراجل تقولوا
    عاوز الله يكرمك 4موحدات واحد امبير وترانس تسعه زيرو تسعه ومكثف الف على 25 فولت
    السطر دا كده بيبن انك فاهم كهربه ومحدش يشتغلك


    عدد واحد POE الخاص باكسيس التى بى لينك
    بيجى معاها فى العلبه وكلنا عندنا منه كتير
    السعر ببلاش


    كابل بجاك اللى بيكون فى الترانس بتاع التى بى لينك
    يعنى بالبلدى اقطع اى كابل ترانس عندك بالجاك بتاعه ومعلش ملهوش صوره انا اسف
    السعر ببلاش


    طريقه التوصيل اتبع الدايره الللى مرسومه قدامك على الورقه


    وطريقه توصيل الموحدات باين بردو على الصوره انا كاتب وشارح عليها
    لو الصوره مش باينه حمل الصوره
    وافتحها باى برنامج
    واعمل زووم
    وانت حتلاقى الصوره وضحت معاك جدااا


    اهم حاجه فى الاخر ان الكابل اللى انت حتاخده من الترانس ااو الادابتور اللى بايظ


    حيكون فيه كابل اسود بخط ابيض دا تحطه على الطرف الموجب او الطرف اللى مكتوب عليه علامه + قدامك فى الصور


    بالنسبه لتوصيل الترانس منين حتعرف الدخل والخرج؟
    اولا الدخل بيكون كابلاته تخينه
    والطرف زيرو احنا مش عاوزينو
    طيب الطرف زيرو هو الكابل التخين الموجود فى النص
    اللى هو عندى لونه اسود وعامل فيه عقده فى الصوره
    يعنى الطرفين التانيين دول حنحط عليهم الكهربه ال 220 على طول من الفيشه






    كذلك الخرج بتاع الترانس


    الخرج بتاع الترنس هو للى من الناحيه اللى سلكها رفيع جداا
    حتلاقى 3 اطراف
    الطرف اللى فى النص ملناش دعوه بيه


    وناخد الطرفين التانيين نحطهم زى ماهو مكتوب على الصوره الخاصه بخرج اطراف الترانس


    الله أسال لكم التوفيق جميعا
    ولالاحتكار الباورات واحنا مش اقل من الاجانب


    ملحوظه الاكسيس شغاله تمام بدون مشاكل ولا تهنيج ولا اى حاجه بفضل الله
    ومتنساش تحميه من الميه مثله مثل اى باور


    اى سوال انا تحت امركم اترككم مع الصور

























  2. #2
    الصورة الرمزية a7med920
    تاريخ التسجيل
    Apr 2007
    المشاركات
    1,909



    نسيت أقو حاجه انا اسف ان الجزء الموجب هو الجزء اللى بيتقابل فيه موحدين من العلامه الرمادى
    يعنى العلامه الرمادى اللى موجوده على الموحدين اللى قبال بعض هى دى الموجب بتاعك اللى حتحط عليه الطرف الابيض فى اسود اللى اخره الجاك
    وححاول اصور صوره أوضح باذن الله
    الله أسال لكم التوفيق جميعا

  3. #3
    الصورة الرمزية Eng : Mahmoud Nasser
    تاريخ التسجيل
    Mar 2012
    المشاركات
    408
    عمتا شرح جميل
    بس انا عقلك على بديل افضل
    وارخص واسهل للجميع
    البور الى بينزل عشان نشغل بيه الهردات للاب توب او السيديهات الايديوا الخارج بتاع البور الى هو باللون الاحمر
    12 فولت على 2 امبير وده كافى اناو يشغل البوليت او البيكو على اعلى كفائة وبدون ميسخن وبدون تهنيج كمان
    انت كل الى عتعمله عتاخد طرف 12 مع طرف ارضى الىهو واحد من الاتنين الى فى النصف
    وتركبلهم جاك بور بتاع ادبتور قديم
    وتركبها على البيو بتاع التبى لينك
    والف مبروك عليك بور احسن من الاصلى وعن تجربة وب 10 جنية



    عن أبي هريرة، عن النبي صلي الله علية وسلم قال:" ما من رجلٍ يحفظ علماً فيكتمه، إلا أُتي به يوم القيامة ملجماً بلجام من النار "








  4. #4
    الصورة الرمزية السنباطى.نت
    تاريخ التسجيل
    May 2012
    المشاركات
    3,436



    هو الفكرة جميله جدا جدا
    بس ليا تعليق مع شويه مطر وشبورة ورطوبه الحاجات دى مش هتتاثر؟؟؟؟

  5. #5
    الصورة الرمزية shaawa_dj
    تاريخ التسجيل
    Jan 2008
    المشاركات
    578
    الله ينور عليك يا فنان

  6. #6
    الصورة الرمزية a7med920
    تاريخ التسجيل
    Apr 2007
    المشاركات
    1,909



    اقتباس المشاركة الأصلية كتبت بواسطة السنباطى.نت مشاهدة المشاركة
    هو الفكرة جميله جدا جدا
    بس ليا تعليق مع شويه مطر وشبورة ورطوبه الحاجات دى مش هتتاثر؟؟؟؟
    امن الباور من المطر فى علبه او اى حاجه مناسبه


    على فكره الباور دا افضلمن الباور الاليكترونى بمراحل
    لان دا ترانس بيحول فعلا ال220 فولت الى 9 و 9 يعنى 18
    وانا مجرب الاتنين انما دا ادائه افضل

  7. #7
    الصورة الرمزية أحمد الطاروطى
    تاريخ التسجيل
    Apr 2008
    المشاركات
    283
    والله دماغ برضه

    الاقيش معاك شاحن نوكيا


    تسلم ايدك وجارى التجربة ان شاء الله


    -------------------


    لوضع البانر في توقيعك لبدأ المشاركة قم بزيارة الرابط التالي


    https://dvd4arab.maktoob.com/f42/1704460.html#post1058422282

  8. #8
    الصورة الرمزية ἮèᏝᏝ ĢȓṌṹṔ
    تاريخ التسجيل
    Jul 2005
    المشاركات
    3,671
    أولا : ليه منشتريش أدابتر 12 فولت/2أمبير أو 18 فولت/2أمبير جاهز ؟؟؟

    ثانيا : حضرتك متأكد من سعر الترنس ؟ لأن أنا أخر مرة شارى ترنس 12 / 1 أمبير كان بـ 20 جنيه تقريبا .
    ثالثا : فى حاجة جديدة مخترعينها بدل الموحدات إسمها Bridge ودى صورتة .




    ودى طريقة توصيلة




    وأخيرا أشكرك على مجهودك و محاولة إفادة الأعضاء








  9. #9
    الصورة الرمزية a7med920
    تاريخ التسجيل
    Apr 2007
    المشاركات
    1,909



    اقتباس المشاركة الأصلية كتبت بواسطة ἮèᏝᏝ ĢȓṌṹṔ مشاهدة المشاركة
    أولا : ليه منشتريش أدابتر 12 فولت/2أمبير أو 18 فولت/2أمبير جاهز ؟؟؟

    ثانيا : حضرتك متأكد من سعر الترنس ؟ لأن أنا أخر مرة شارى ترنس 12 / 1 أمبير كان بـ 20 جنيه تقريبا .
    ثالثا : فى حاجة جديدة مخترعينها بدل الموحدات إسمها Bridge ودى صورتة .




    ودى طريقة توصيلة




    وأخيرا أشكرك على مجهودك و محاولة إفادة الأعضاء



    وعليكم السلام ورحمه الله


    الاجابات كالتالى
    1- مصدر الباور من الادابتور معدوم الثقه لانه الكترونى يعنى هناك هارمونيك عالى بالاضافه الى 12 فولت غير كافيين لجهاز يعمل من 15 الى 24 فولت حتى ولو اشتغل معاك لن يكون بكفائته وبتحصل فيه مشاكل بعد كده المشاكل دى انا لامسها فى كثير من الاجهزه والمعدات الكهربيه فى عملى
    2- نعم سعر الترانس كما هو الحال وتعمدت كتابه سطر يقال للمحلات عشان صاحب المحل لا يغلى عليك السعر لما يلاقيك فاهم
    3- انا اعلم البردج من سنين وهى ليست جديده ولا حاجه ويوم الشرح لم تكن متوفره بالاضافه الى ارتفاع ثمنها نسبيا بمقارنته بالموحدات
    4- اخيرا الشكر لله وبما انك وضعت صوره لتوصيل الفل ويف بريدج ياريت تشرح للناس ازاى يجيبوا ويوصلوها ويعرفوا يفرقوا رجولها من بعض ازاى عشان متضربش فى وش حد فيهم

  10. #10
    تاريخ التسجيل
    Nov 2011
    المشاركات
    138
    - وممكن نزود على دايرة بشمهندس احمد دايرة تثبيت تيار لكن العيب فى مثبتات التيار ان اقصى امبير ليها هو واحد امبير
    - انا معرفش غير رقم عيلة واحدة من مثبتات التيار ويمكن فى مثبتات بطلع اكتر من واحد امبير بس دة ال انا اعرفة وهما 78xx
    ويمكن بشمهندس احمد يفيدنا اكترفى الموضوع دة
    http://www.researchcell.com/wp-conte.../7809-Pins.gif

    ودى الديرة بتاعتة
    http://www.researchcell.com/wp-conte...it-Diagram.gif
    - السؤال للى يعرف هل فى مثبتات تيار اعلى من ال 12 فولت وتدى اكتر من 1 امبير مثلا 18 فولت على 3 او 4 امبير ايا كان خرج الترنس الى هيتركب علية ؟؟ ساعتها الناس تبقى مطمنة للادابتور دة بدال مهو كدة تحت رحمة الكهربة العمومية
    هوا والجهاز الى راكب علية

  11. #11
    تاريخ التسجيل
    Jul 2012
    المشاركات
    1,483
    شكرا للكبارولكن هل يوجد فى السوق محول جاهز 15 فولت يركب فى بتاعة التبلنك
    حتى لو كان غالى

  12. #12
    تاريخ التسجيل
    Jul 2012
    المشاركات
    1,483
    اقتباس المشاركة الأصلية كتبت بواسطة Eng : Mahmoud Nasser مشاهدة المشاركة
    عمتا شرح جميل
    بس انا عقلك على بديل افضل
    وارخص واسهل للجميع
    البور الى بينزل عشان نشغل بيه الهردات للاب توب او السيديهات الايديوا الخارج بتاع البور الى هو باللون الاحمر
    12 فولت على 2 امبير وده كافى اناو يشغل البوليت او البيكو على اعلى كفائة وبدون ميسخن وبدون تهنيج كمان
    انت كل الى عتعمله عتاخد طرف 12 مع طرف ارضى الىهو واحد من الاتنين الى فى النصف
    وتركبلهم جاك بور بتاع ادبتور قديم
    وتركبها على البيو بتاع التبى لينك
    والف مبروك عليك بور احسن من الاصلى وعن تجربة وب 10 جنية
    هل تقصد انى اقطع الكابل الاسود التخين ابو 3 فتحات او سنون بتاع ادبتور البيكو لاحصل على الفيشةواقطع سلك التبلنك لاحصل على البنة المدورة
    والحمهم ببعض

  13. #13
    الصورة الرمزية lee4you
    تاريخ التسجيل
    Jun 2011
    المشاركات
    631

  14. #14
    الصورة الرمزية shazly00
    تاريخ التسجيل
    Nov 2012
    المشاركات
    496
    ليزايده الامبير لل 78xx ممكن تركب قطعتين مع بعض توازي في الاطراف طبعا الترنز لازم يكون اعلي من قيمه الاي سي مش اقل من 3 فولت

    وياريت الاداره تفتح قسم للهاردوير

  15. #15
    تاريخ التسجيل
    Nov 2011
    المشاركات
    138
    اقتباس المشاركة الأصلية كتبت بواسطة shazly00 مشاهدة المشاركة
    ليزايده الامبير لل 78xx ممكن تركب قطعتين مع بعض توازي في الاطراف طبعا الترنز لازم يكون اعلي من قيمه الاي سي مش اقل من 3 فولت

    وياريت الاداره تفتح قسم للهاردوير
    شكرا بشمهندس شاذلى انا جربتها فعلا جبت اتنين 7809 وعملتلهم دايرة واحدة وهما اطرافهم مع بعض زى ما قلتلى ومتركبين على مبرد واحد ( قفا كل ايسى ملمس فى ارضية المبرد الالمونيوم ) ووصلتهم من بعد بريدج وكان الفولت الى داخل 12 و 6 امبير وفجاة واحد طلع دخان وريحة وحشة والتانى بطنة فرقعت وطارت وبقى من غير بطن الحتة الى مكتوب فيها اسمة وملحقتش اقيس هما طلعو امبير كام
    ياريت حل بعد اذنكو عوز اى حاجة تدى ال 9 فولت ولكن بأمبير اعلى من ال 1 امبير اوى رقم اى ايسى ريجيليتور 9 فولت ولكن امبير اعلى من 70xx

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك