للامانة الموضوع منقول من موقع اللعبة
www.abo7adeed.com



الحل الكامل للعبة ابو حديد:


# مساحة اللعبة كاملة :
649 ميجا علي السي دي
387 ميجا السيت اب علي الجهاز
ولازم تشتغل بالسي دي يعني قول 1 جيجا علي بعض (بس السي دي الاصلي عشان الحماية) يعني ما تحاولش تضربها image بصيغة iso

# مساحة الديمو :
99.4 ميجا سورس الديمو
99.4 ميجا سيت اب علي الجهاز

متطلبات التشغيل :
windows 2000 \ xp \ vista
lntel pentium IV 1.7 ghz
512 mb ram
cd rom drive or Dvd
128 mb vga

# التحكم :
يمكنك تعديله

# الاسلحة :
اسلحة قريبة :
شومة
سنجة
فاس
اسلحة بعيدة :
نبلة
بندقية
رشاش
ار بي جي
ديناميت
القوس الملكي

# المراحل العشرة بالترتيب :
1- مسقط راس ابو حديد
2- العزبة
3- المدبح
4- عفاريت الاسفلت
5- ذئاب الجبل
6- سبعة الاف سنة
7- معمل التفريخ
8- ساحة التدريب
9- القلعة
10- الاستاد

# نوع اللعبة :
3D . action

# الناشر :
شركة خيال انتراكتيف انترتاينمنت


المرحلة الاولي (مسقط راس ابو حديد)
بداية المرحلة انت تقف وامامك 3 اشخاص تبعك هم ضحايا ولاد ابو دومة امشي ناحيتهم وشاهد الحوار
اذا اردت تعدية الحوار اضغط Esc ثم بالماوس علي اي مكان في الشاشة الشفافة او حرف m بعدين خش شمال حتلاقي
الشومة ودي اول سلاح وكل ما تطلع الشاشة الشفافة الارشادية اضغط علي اي مكان فيها لتكملة اللعب او حرف m
حتلاقي واحدة (اسمها رشا) اضربها وشوية كلاب هاتجري عليك برضه افضل ماشي لغاية الترعة عند الساقية وما
تنطش فيها عشان البلهارسيا امشي يمين في يمين حتلاقي قهوة بلدي ذي الشادراقتل ال3 صعايدة وخد
قدر الفول اللي حاتزود طاقتك وكمل ناحية يافطة السلام98 امشي يمين في يمين عند السوق وانت بتضرب اللي
يطلعلك لغاية ما توصل الجامع وشاهد هناك حتلاقي الميكانيكي حمدي سلسيون اللي انت سالف منه خمسة
جنية وصبيانه خلص عليهم وخد النبلة ودي اول سلاح عن بعد واذهب الي السور عند حكيم الزمان و
شاهد الحواربعدين امشي في الشارع الطويل مليان لافتات انتخابات وخش يمين خد البندقية واذهب لاخر
الشارع وانت تقتل الاعداء لمقابلة حكيم الزمان وانهاء المرحلة...............(1)
المرحلة الثانية (العزبة)
اذهب لحكيم الزمان وخلص الحوار وبعدين تروح الوحدة الصحية عشان تاخد من التمرجي المرتشي
حبوب البلهارسيا عشان حاتضطر تعدي الترعة لمقابلة العمدة المستكاوي التمرجي حايقولك تجيبله
جهاز الاشعة من بهلول المجنون عشان يديلك الحبوب روح دور علي بهلول ده في الغالب حتلاقيه
عند الجامع حاول تضربة لانه بيتحرك بسرعة وخد الجهاز رجعه للتمرجي وخد الحبوب وعدي الترعة
بسرعة عشان الحبوب مفعولها ضعيف وتنتهي بسرعة لما تعدي الترعة حتلاقي مزرعة كبيرة وناس
بتخرجلك من كل مكان خلص عليهم واذهب للاخر عند الساقية جنبها برج حمام حتلاقي حجر في الترعة
كجسر عدي عليه وابحث عن بيت العمدة المستكاوي (مميز)وخش في الممر يمين البيت حتلاقيه حايقولك
علي مكان محروس الضبع في المدبح امشي للاخر حتلاقى لوري اركبه عشان توصل المدبح وتنهي
المرحلة..............(2)
المرحلة الثالثة(المدبح)
اذهب لحكيم الزمان وخلص الحوارحتلاقي ولد بنبلة وستات خلص عليهم وخش يمين وكمل علي الكلاب
وخد القدرواقف امام الباب عشان الثور يخرجلك خلي بالك الثيران اقوي حاجة حتقابلها يعني ما تقربش
منه لانه لو نطحك او حتي لمسك حاتموت حاول تقتله من بعيد ب4او5 طلقات بندقية او نبلة وفيه تركة
ظريفة مع اول ثور حتقابله انك لو وقفت علي الرصيف مش حايقدر يطلعلك حاييجي علي الحافة
ويفضل يجري في مكانه المهم باقية المرحلة اضرب كل اللي تقابله وكل ما تضرب الشكل اللي تحت
حيفضل يزيد و لما يوصل اخره حيظهرلك محروس الضبع وحايقولك علي مكان منصور شفيق
في موقف الميكروباص وتنتهي المرحلة...................(3)
المرحلة الرابعة (عفاريت الاسفلت)
المرحلة دي سهلة جدا روح لحكيم الزمان عشان يديك الحمار المدرع اركبه وامشي طوالي واقتل كل
الثيران والاعداء بالمترليوزلحد ما توصل للاخر عند التمثال الكبير خش يمين لحد ما توصل للطريق
الاسفلت امشي عليه (شمال) لحد ما توصل لعدة غرف باحدها ستجد باتيناج للحمار بعدها الحمار حيبقي اسرع
كمل في الطريق لحد ما توصل لمكان به 3 ميكروباصات واحد منهم بيدور في الساحة هو اللي سواقه
مجنون خد منه الميكروباص واذهب لتتسابق مع ال2 التانيين في اخر السباق لو كسبت حتلاقي منصور
شفيق اللي حيدلك علي مكان ولاد ابو دومة وتنتهي المرحلة...............(4)
المرحلة الخامسة (ذئاب الجبل)
هنا تبدا شوية صعوبة علي خفيف لما تخلص الحوار مع حكيم الزمان حايقولك تفجرالابراج بالديناميت
عشان يعرف يعدي فابدا رحلتك بالبحث عن الديناميت امشي في الطريق الطويل الصاعد للجبل وخد
البندقية واقتل اللي يقابلك طبعا خلص علي كل اللي معاه بندقية الاول عشان بيصيبك من بعيد خش من
البوابة حتلاقي الطريق انحرف خليك ماشي وانت بتقتل لما توصل جسر عالي علي الجبل اعبره وانت
حافظ اتزانك وخد الرشاش (حايخلص معاك) وخليك ماشي للاخر عند الغرفة حتلاقي الديناميت خده
وكمل في نفس الطريق حتلاقي في تجمعات مطاريد اقذف عليهم الديناميت عشان تاخدهم مع بعض
لحد ما تلاقي الابراج في كل برج واحد بيحدف عليك ديناميت ممكن تتفاداه وافضل اقذف ديناميت علي
الابراج لحد ما تدمرها كلها وتشاهد العرض وتنتهي المرحلة.............(5)
المرحلة السادسة (سبعة الاف سنة)
ابو حديد في اجواء فرعونية بالزي الفرعوني واغرب ساقين يخبره احد الحراس ان الهكسوس هجموا
علي المدينة ووالده حا- ديد- رع في خطر يذهب ابو حديد لانقاذ والده قبل ان يقتله الهكسوس (كنت
اتمني ان تعتمد تلك المهمة علي تايم معين) خذ الفاس وامشي في الطريق واقتل الهكسوس (سيساعدك
في قتلهم الحرس الملكي) وخش شمال وامشي عند التمثال الكبيرخلف التمثال بقية الطريق في اخره
ستجد حرس ملكي وهكسوس يتقاتلون ووالدك علي الارض زي المصفه سيقول لك ان تذهب لانقاذ
كبير الكهنة لو - اي (هو حكيم الزمان من سبعة الاف سنة) لان معه اسرار خطيرة كاسرار التحنيط والاستنساخ يجب الا تقع في ايدي
الهكسوس وسيصف لك مكان المخبا السري (يمكنك تتبع الكاميرا اثناء الحوار لمعرفة المخبا) بعد الحوار
خذ القوس الملكي ليساعدك في القضاء علي المومياوات واخرج من البوابة خش يمين عند تمثال انوبيس
الاسود (مليان نقوش) في الاحجار تحتيه حتلاقي المخبا خش وامشي حتطلعلك مومياوات بتتحرك بسرعة
اضربها طلقتين بالقوس الملكي امشي وانزل السلم واقتل المومياوات وخش الغرفة بعدين يمين واقتل في
الممر الطويل المومياوات وانت ماشي في الاخر حتلاقي حكيم الزمان انزله من السلم حايقولك ان ولاد
ابو دومة كانو هنا وسرقوالارشيف الملكي اللي مليان اسرار روح الحقه قبل ما يهرب (طبعا انت مش
حاتلحقه) بس حاتخش في الممر اللي يمين الغرفة لاخره وانت بتقتل لحد ما تطلع علي غرفة كبيرة
اخرها اطلع السلم وكمل في الممر لاخره لما توصل ساحة فيها الاهرامات روح للحكيم حايقولك انك
فشلت و ما قدرتش تلحق ابو دومة وتنتهي المرحلة..................(6)
المرحلة السابعة ( معمل التفريخ )
قابل حكيم الزمان ( اخر مرة حتقابله) حايقولك ان ده المكان اللي فيه ماكينات الاستنساخ اللي بتولد فرق صاعقة خاصة بابو دومة
ولازم تدمرها عشان الانتاج يقف خد البندقية وادخل من الباب واقتل اللي علي يمينك وامشي في الممر
واقتل اللي في الشمال وكمل لحد ما تخرج لغرفة بها 2 واقفين فوق خلص عليهم واطلع السلم ما تنساش
تاخد القدر وادخل من الباب فوق وامشي في الممر وخلص علي واحد جاي عليك وخش شمالك حتلاقي
غرفة واسعة بها ماكينات تحت وممرات فوق يا اما تنزل تحت وتقتل اللي فيها عشان توصل الباب في
الجهة المقابلة تماما (ما تقربش من الماكينات عشان ما تتفرمش) يا اما تمشي في الممرات اسهلك وتقتل
2 بس حاتخسر كمية طاقة لما تيجي تقفزالمهم عند الباب ادخل يمين واقتل واحد جايلك في الاخر حتلاقي
باب ادخله وعلي غرار الالعاب الاجنبية حتلاقي نفسك رجعت لاول غرفة بدات منها المرحلة مع الحكيم
بس دخلت من الباب اللي كان مغلق حتعمل كل اللي عملته قبل كده بس عند الغرفة اللي كان فيها الماكينات
حتلاقي بدلها سيوربيتولد منها صاعقة ابو دومة هي دي غرفة الاستنساخ شاهد العرض وبرضه عشان
توصل الباب المقابل يا اما تنط تحت يا تمشي في الممرات وخش يمين في الاخر حتلاقي علي شمالك
غرفة الزئبق الاحمر ادخل واقتل 4 صاعقة بها واسحب الدراع اخر الغرفة لقطع التيار الكهربي في وسط
الغرفة اصعد لمكان الزئبق ستجد الحلقات اللي كانت بتدور اختفت اقفز علي الزئبق تماما للحصول عليه
وخذ الديناميت وارجع لغرفة السيور بس قبل ما تدخلها استخدم الزئبق الاحمر بالضغط علي حرف ان
حتلاقي الشاشة بها وميض كده الضرب مش حايقصر فيك لما تدخل الغرفة ما تقتلش الصاعقة لانهم ما
بيخلصوش والسيور بتولدهم تاني دمر السيور نفسها بالديناميت اللي خدته وخد الزئبق اللي في الغرفة
عشان كل ما الوميض يختفي والمفعول بتاع الزئبق ينتهي ترجعه تاني لان الغرفة فيها صاعقة كتير اول
ما المفعول يخلص حايظبطوك لما السيور تدمر تنتهي المرحلة..............(7)
المرحلة الثامنة (ساحة التدريب)
خد الاسلحة اللي امامك وفيها ار بي جي ورشاش وامشي خلص علي 3 اشخاص والكلاب وشمال في يمين
حتلاقي 4 واحد معاه ار بي جي خلص عليهم بسرعة وعلي البرج وامشي حتلاقي امامك برجين وشمالك
مبني شكله غريب يمكنك اطلاق الار بي جي علي قمة البرج الهرمية ممكن تضرب الطلقة من مكان بعيد
جدا والطلقة حاتوصل البرج وتدمره بعدين خد القدر وخش شمال في المبني الغريب اضرب صاعقة علي
الشمال واطلع السلم واضرب اللي فوق لما تطلع انزل من الناحية التانية اضرب يمينك وخد القدروانت واقف
علي السلم صوب علي البرج البعيد اللي في اليمين انزل واقتل 2 وادخل المكان اللي فيه اسلاك اقتل اللي في
الغرف واخرج ناحية الشمال صوب علي قمة البرج (كما قلت يمكنك التصويب من ابعد مكان ممكن تتخيله علي
قمة البرج بسلاح الار بي جي) وخش يمين عند الخيمة خد الزئبق واخرج اقتل 3 وفجر البرج وكمل امامك
فجر البرج الشمال واقتل 3 كمان حتلاقي مدخلين في الشمال ادخل الاول فجر البرج وخد الزخيرة ومن المدخل
التاني حتلاقي سلم علي اليمين اطلعه وامشي علي الجسرالخشب وخد الزئبق عشان الاعداد هنا كبيرة واقتل اللي
يقابلك ممكن تنزل تحت لو انت عايزتكمل عليهم كلهم وممكن تستمر علي الجسر الخشب لما توصل اخره
الناحية التانية انزل خش يمين فجر البرج واقتل1 وخد الزخيرة وكمل شمال لما توصل مكان به سور سلك
فجر البرجين واقتل 1 صاعقة وامشي بين الاسلاك زجزاج واقتل اللي يقابلك في الاخر حتلاقي مكان للنيشان
به حوالي 6 يمكنك استخدام الزئبق لصعوبة قتلهم والاستمرار في نفس الطريق الجهة الاخري امامك خد الزئبق
وطوالي اقتل 3 وكمل اقتل 3 تانيين وعند البوابة الكبيرة بتاعت القلعة تنتهي المرحلة.........(
المرحلة التاسعة ( القلعة)
انت الان في جو كئيب ينذر بالشؤم (حلوة ينذر بالشؤم دي) (يشبه اجواء العاب الرعب القديمة) بالسماء الملبدة حتلاقي اسلحة كتير خدها وفجر
البرجين امامك واقتل 1 انت الان تريد الوصول للقلعة في الواجهة اقتل كل من تجده حتي تصل للسلم واصعد عليه لتصل
لبوابة القلعة او يمكنك التسلل بالسير بمحازاة السور شمالك حتي تجد جزء متهدم منه تمر خلاله وتظل ماشي وتصعد
الربوة وتدور للوصول لمدخل القلعة (النتيجة واحدة) ستبدا الان رحلتك داخل القلعة اللي ابو دومة بيحضر فيها عفاريت
دمر البرج واقتل 2 وكل الكلاب وادخل حتلاقي سلم شمال اطلعه وادخل الباب اقتل 1 بعصا وكلب هنا ستجد غرف كتير واصبحت
متاهة حقيقية لو عايز تستكشف بنفسك دور اقتل اللي تلاقيه و اصعد اي سلم تجده (انت الان تريد الصعود لقمة البرج لملاقاة ابو دومة)
او خش الغرفة شمال واصعد اي سلم وادخل الغرفة يمين اقتل 1 وامشي في الممر لاخره علي اليمين يمينك حتلاقي غرفة
وشمالك حتلاقي سلم ادخل الغرفة يمين حتلاقي سلم اطلعه اخره خد الزئبق واقتل 3 صاعقة واطلع السلم الل في الوسط
واقتل في اخره 1 صاعقة واصلع السلم الاخير اقتل 1 وادخل الغرفة لملاقاة ابو دومة ونهاية المرحلة......(9)
المرحلة العاشرة والاخيرة ( الاستاد )
انت الان في استاد القاهرة بعد التجديد واقف علي المرمي ناحية مدرجات الدرجة التالتة (عارف المكان اللي بيقف
فيه الحضري ؟؟ هو ده) . في السنتر حتلاقي الفلاحين والعمال (تبعك) ورجالة ابو دومة (اعداء) يتقاتلون ابو دومة حتلاقيه ضخم
كل اللي حاتعمله تاخد الار بي جي وتفضل تصوب عليه ولما الزخيرة تخلص حتلاقي عند الراية ذخيرة
وتستطيع تفادي القذائف الزرقاء اللي يصوبها عليك لما يقع تنتهي المرحلة وتقفل اللعبة!!!!!!