موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 37 1 2 3 11 ... الأخيرةالأخيرة
النتائج 1 إلى 15 من 548
Like Tree4Likes

الموضوع: بالفيديو : حل مشكلة الصوت فى ويندوز 7+شرح مبسط ل Realtek HD Manager

  1. #1
    الصورة الرمزية Engh3
    تاريخ التسجيل
    Nov 2009
    المشاركات
    4,827



    Great بالفيديو : حل مشكلة الصوت فى ويندوز 7+شرح مبسط ل Realtek HD Manager






    اقدم لكم اليوم
    موضوع هام جدا
    وهو لحل مشكلة الصوت فى ويندوز 7
    الكلام كتر الايام دى عن مشاكل الصوت
    فى ويندوز 7
    تلاقى واحد يقولك المايك مش شغال
    وتانى يقولك الصوت كان شغال وبعدين بطل
    وتالت يقولك انا عرفت الصوت وبرضه مش شغال
    اما بقى الرابع قال ماحدش بيرد ليه يقوم واحد يقوله انت لما عرفت الصوت
    شفت مش عارف ايه ..الخ فيرد عليه ويقوله انا ما عرفتش الصوت اصلا بس كان الصوت شغال
    اما بقى الاخير قال انا كده هافقد الثقة فى المنتدى واحنا بقى ما يخلصناش كده
    قمنا بقى قلنا نعمل موضوع يفك الاشتباك ده
    ماأطولش عليكوا قول طول

    المشكلة باختصار ان ويندوز 7 بتعرف الصوت تلقائيا
    يعنى مابنحتجش نعرفه يقوم الواحد مريح ومطنش ومايعرفش الصوت يقوم الصوت او المايك
    اوالسماعات مبطلة نقوم كدة دخلنا ف شجره ومانعرفش نحل المشكلة
    على جنب بينا بقى يااسطى ونحل المشكلة
    نصرف كيف.,...?
    أول حاجة حمل الملف
    فك الضغط عن الملف
    عرف الصوت
    اعمل ريستارت
    بعد اما الجهاز بيفتح هتظهر الايقونة البنى جنب الساعة ودى
    بتاعة مديرالصوت Realtek HD Manager
    زى الصوره دى






    قوم شايل كل جاكات الصوت من الكيسة


    وبعد كده حطهم واحدة واحده طبعا لو الجاكات ملونة هنحط كل لون فى الفتحة اللى زيه
    مش فارقة كتير
    علشان مانتوهش

    من الشمال لليمين من ضهر الكيسة هتلاقى فتحات بهذا الترتيب
    1- فتحة المايك وغالبا بيكون مرسوم عليها شكل مايك ولونها برتقالى

    2- فتحة
    السماعات الخارجية

    3- فتحة الهيدفون


    أولا- حط جاك المايك فى فتحته (الاولى من الشمال) هتظهر الصورة دى على الديسك توب
    مع ظهور علامة مضيئة برتقالى اللون غالبا

    علم قدام Mic in

    ودوس ok

    ملحوظة لو المايك بيلت إن (Built in) سيتم تعريفه تلقائيا






    لو عايز تسمع صوتك فى المايك اضغط لتزيل علامة إكس X





    *********

    ثانيا - حط الهيدفون فى فتحتها(اللى فى اليمين) هتظهر الصورة دى على الديسك توب
    مع علامة زرقاء مضيئة


    علم قدام Headphone

    ودوس

    ok





    ثالثا: حط جاك السماعات الخارجية فى الفتحة اللى اللى فى النص هتظهر الصورة دى على

    الديسك توب مع دائرة خضراء مضيئة فى المنتصف

    علم قدام
    front Speaker out


    ودوس OK





    ********


    ملحوظة

    كل اما تحط جاك هتظهر علامة فليشر مضيئة على يمين الصور من فوق لتحت

    الهيدفون

    السماعات

    المايك

    ودى برضه بتعرفك ايه الجاك اللى انت حطيته

    إليكم الفيديو


    وبالفيديو بعض التظبيطات


    منها كيفية تشغيل جميع السماعات الخارجية حسب عددها




    كود PHP:
    http://www.youtube.com/watch?v=Rk04yTB5Jfk 



    ...All Links




    (من رفعى)

    على عدة سيرفرات


    Rapidshare

    Megaupload

    Uploading



    ****باسوورد فك الضغط عن الملف*****

    بالمرفقات

    تحميل موفق إن شاء الله



    الملفات المرفقة
      عذراً, لا تستطيع مشاهدة المرفقات إلا بعد الرد على الموضوع
    التعديل الأخير تم بواسطة Engh3; 08-05-2011، الساعة 10:03 PM

  2. #2
    تاريخ التسجيل
    Sep 2006
    المشاركات
    266
    الف الف شكر ياباشا
    حاحمل البرنامج و اقولك
    جزاك الله كل خير
    لا اله الا الله محمد رسول الله
    لا اله الا انت سبحانك انى كنت من الظالمين
    سبحان الله و الحمد لله و لا اله الا الله و الله أكبر
    سبحان الله وبحمده سبحان الله العظيم

  3. #3
    الصورة الرمزية Sir Abdallah
    تاريخ التسجيل
    May 2008
    المشاركات
    10,829
    جزاك الله كل خير
    وشكرا لمجهودك الجميل
    أقوى وسيله للإنتقام .. هى النجاح !

    لا تحاول أقناع أحد بــأنك عالى ...
    ولكن .. دع رقابِهِم تتألم حينما يُحاولون النظر لهامتك ...
    حينها سيُقنعهُم الألم بمدى عُلُوك

    اللهم أهدنى وأهدى بى واجعلنى سبباً لمن أهتدى

    الـلهُـم أنـى أسـالـُكَ الأُنـسَ بـقـربـك

  4. #4
    الصورة الرمزية Engh3
    تاريخ التسجيل
    Nov 2009
    المشاركات
    4,827




    شكرا ل فارس بلا جواد
    على رده الجميل
    نورت التوبيك
    أيهاالفارس
    التعديل الأخير تم بواسطة Engh3; 29-12-2009، الساعة 12:24 AM

  5. #5
    تاريخ التسجيل
    Jun 2007
    المشاركات
    104
    تشكرات على مجهودك




  6. #6
    الصورة الرمزية h.puzzel
    تاريخ التسجيل
    May 2009
    المشاركات
    1,010
    شكرا لحضرتك
    هو انا مشغل النسخه علىاللاب توب وتما الحمد لله فى الصوت من غير تعريف والا حاجه لانى فعلا عرفته مره والصوت مطلعش
    1-هو انا لو شغلت البرنامج هايشتغل تمام والا اكمل زى منا من غير تعريفات
    2- اللاب فيه مايك بل تى ان وهو دلوقتى مش شغال فى طريقه يدوى اشغلو بيها والا هانزل البرنامج
    3-حاجه تانيه معلش اللاب لما بشغل الوير ليس ومعايا الجهاز التانى فى البيت لما بخش على النت من الاتنين الروتر بيقعد يرستر كتير وسورى ان السوال مش فى مكانوا والف شكرا ليك

  7. #7
    الصورة الرمزية Engh3
    تاريخ التسجيل
    Nov 2009
    المشاركات
    4,827




    السلام عليكم

    معنى كده ان قصدك ان الصوت شغال بدون تعريف

    بس المايك مش شغال

    يبقى لا زم تنزل البرنامج

    وبمجرد تنزيل البرنامج المفروض المايك هيشتغل

    تلقائيا لو مفهوش مشكلة

    لو فيه مشكله فى المايك

    افتح realtek HD manager

    ودوس على ميكروفون

    وتاكد زى الصوره دى



    نيجى بقى لضبط الصوت

    دلوقتى لازم تظبط مكان جاك السماعات الخارجية

    وجاك الهيدفون

    ازاى:

    شيل الجاكات

    بعد كدة (1) دخل جاك السماعات الخارجية

    وعلم على Front speaker out

    ودوس OK

    (2) دخل جاك ال Headphone

    وعلم على ال Headphone

    ودوس OK


    وافينا بالرد
    التعديل الأخير تم بواسطة Engh3; 29-12-2009، الساعة 08:20 PM

  8. #8
    تاريخ التسجيل
    Apr 2007
    المشاركات
    70
    أولا شكرا على المجهود
    ثانيا البرنامج ده هيعرف الصوت كأنه تعريفه الصوت الأصليه اللى على اسطوانه المذر عادى؟

  9. #9
    الصورة الرمزية Engh3
    تاريخ التسجيل
    Nov 2009
    المشاركات
    4,827





    السلام عليكم

    ايوة

    بس البرنامج ده خاص بويندوز 7 و فيستا

    لكن ْاكس بى ليها البرنامج بتاعها

  10. #10
    الصورة الرمزية h.puzzel
    تاريخ التسجيل
    May 2009
    المشاركات
    1,010

    ربنا يكرمك

    اقتباس المشاركة الأصلية كتبت بواسطة engh3 مشاهدة المشاركة

    السلام عليكم

    معنى كده ان قصدك ان الصوت شغال بدون تعريف

    بس المايك مش شغال

    يبقى لا زم تنزل البرنامج

    وبمجرد تنزيل البرنامج المفروض المايك هيشتغل

    تلقائيا لو مفهوش مشكلة

    لو فيه مشكله فى المايك

    افتح realtek hd manager

    ودوس على ميكروفون

    وتاكد زى الصوره دى



    نيجى بقى لضبط الصوت

    دلوقتى لازم تظبط مكان جاك السماعات الخارجية

    وجاك الهيدفون

    ازاى:

    شيل الجاكات

    بعد كدة (1) دخل جاك السماعات الخارجية

    وعلم على front speaker out

    ودوس ok

    (2) دخل جاك ال headphone

    وعلم على ال headphone

    ودوس ok


    وافينا بالرد

    تمام اشتغل المايك تمام والف شكرا ليك وطبعا الى عندى مايك بل تي ان وعادى والاتنين الحمد لله تمام الف شكر

  11. #11
    تاريخ التسجيل
    Dec 2009
    المشاركات
    1
    مرحبا..

    اول شيئ مشكور كتيير على الشرح والمجهود الرائع منك

    وتاني شيئ انا عندي نفس المشكله بانو نزلت ويندوز7 على جهازي وكان متعرف الصوت ولكن لم يصدر الصوت ونزلت التعريف يلي موجود بالشرح ولكن تأتي لي رساله
    سأرفعها لك واتمنى منك الرد بأقرب وقت لانني بحاجه الي الصوت
    وتحياتي ليك واستحملنا يا باشا حنغلبك معانا


  12. #12
    الصورة الرمزية Engh3
    تاريخ التسجيل
    Nov 2009
    المشاركات
    4,827



    السلام عليكم
    عايزك تجاوبنى على الحاجات دى
    نوع نسخة الويندوز بالضبط
    سفن 32 بيت ولا سفن 64 bit
    ولا xp معدلة ل سفن بواسطة برنامج معين
    هل لايوجد صوت فى اى سماعة من اول ما سطبت الويندوز
    ولا كان موجود وبعدين بطل يشتغل
    المايك شغال ولا لأ
    عرفت الصوت للويندوز قبل كده ولا لأ

    وشكرا

  13. #13
    تاريخ التسجيل
    Feb 2004
    المشاركات
    324
    جزاك الله كل خير
    و لاتنسو اخوانى ذكر االله تعالى
    سبحان الله و بحمدة سبحان الله العظيم

    نستغفر الله العلى العظيم ونتوب اليه اللهم اغفر لى و للمؤمنين و المؤمنات و المسلمين و المسلمات الاحياء منهم و الاموات الى يوم الدين
    اخوانى من داعا بهذا الدعاء فلةاجر كبيرومن الحسنات ارجو الدعاء بة دائما


    اخوكم خالد

  14. #14
    الصورة الرمزية Engh3
    تاريخ التسجيل
    Nov 2009
    المشاركات
    4,827



    اقتباس المشاركة الأصلية كتبت بواسطة kaskary2000 مشاهدة المشاركة
    جزاك الله كل خير
    وجزاك أخى الكريم

  15. #15
    الصورة الرمزية Engh3
    تاريخ التسجيل
    Nov 2009
    المشاركات
    4,827



    اقتباس المشاركة الأصلية كتبت بواسطة ENG-TAMER مشاهدة المشاركة
    الف الف شكر ياباشا
    حاحمل البرنامج و اقولك
    جزاك الله كل خير
    The same to you hoping solving your problem

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك