موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 5 1 2 3 ... الأخيرةالأخيرة
النتائج 1 إلى 15 من 69
Like Tree2Likes

الموضوع: الدبلومة الامريكية ( بالتفصيل الممل )

  1. #1
    الصورة الرمزية 3ml3ml
    تاريخ التسجيل
    May 2005
    المشاركات
    345

    الدبلومة الامريكية ( بالتفصيل الممل )


    أنا مش عارف أحط الموضوع فين فى المنتدى و لكن وجدت ان هنا أنسب مكان لأنه يتبع اللغه

    التقرير الشامل عن

    الدبلومة الامريكية


    تعريف الدبلومة و موادها و أمتحانتها

    أولا الدبلومة :

    هى الثانوية العامة الأمريكية و تدرس هنا بمصر و كل الدول العربية المعتمدة من قبل أمريكا

    المواد :

    تنقسم المواد لثلاث فرق وهى
    GPA
    SAT I
    SAT II


    أولا GPA :

    هى مجموعة المواد التى تدرس أساسيا و إجباريا فى المدارس و تتكون من 8 مواد بعضها عامة و بعضها تتكلم عن أمريكا و حضارتها فقط

    ( ملحوظة : سأذكر طريقة حساب الدرجات فيها لاحقا و لكن ما أريد أن أقولة أن معظم المدارس فى مصر تعطى درجتها بدون تدريس هذه المواد يقولون لألا تشوه عقول الطلبة و تعرفهم حضارة لا علاقة لهم بها مع إن هذه المواد مفيدة جدا جدا و لكن نقول إيه .... !!!! )

    ثانيا SAT I :

    هنا جينا للجد كل الفات لعب عيال و دلوقت ربنا يعنا :crazy000:

    الامتحان ده هو أصعب امتحان فى الدبلومة لذلك له أهمية كبرى فى الدبلومة لأنه أصعب و أهم امتحان
    و مواده اثنان فقط و هما الانجليزى و الرياضيات
    و تنقسم مادة اللغة الأنجليزية من 3 أقسام و هم ( Essay , Critical Reading , Writing )
    فا Critical Reading
    هى أسأله عن مدى فهم القطع و الكلمات و كيفية أستخدام المناسب منها
    و Essay
    هو مقال تكتبه فى صفحة أو أثنان عن موضوع يخبرك عنه
    و Writing
    هو يشمل المقال معه ( لكنى أحب أن أتكلم عن المقال لوحده ) و به أيضا أسئلة فى Grammer و تعتمد على الفهم و الملاحظه و معرفة قواعد اللغة بدون تعقيد

    ثالثا SAT II :

    دلوقت البيه أو الست هانم خلصوا الفات كله و دلوقت عايزين يدخلوا الجامعة و كل واحد و رغبته فى أختيار الجامعة و الكليه بميوله
    فبأتى هذا الأمتحان و تحدد به الكليه التى تريد أن تدخلها و يشمل حوالى 11 ماده :sly00000: لكن محدش يتخض فكل البتمتحنه منهم هما 2 أو 3 بالكتير :clap0000: الباقى ملناش دعوه بيه



  2. #2
    الصورة الرمزية 3ml3ml
    تاريخ التسجيل
    May 2005
    المشاركات
    345
    دلوقت جه الجز التانى و الأصعب و المرعب و هو

    الأمتحانات

    كما قلنا فى الجزء الأول ان هناك 3 أنواع من الأمتحانات و هى GPA و SAT I و SAT II

    أولا GPA

    و هى المواد المدرسية و معظم المدارس لا تدرسها و تعطى دراجتها للطلاب ( وقد ذكرت السبب فى الجزء الأول ) لذلك لن نتكلم عنها كثيرا لأن الكلام فيها لا يفيد

    ثانيا SAT I

    و هو كما قلنا أصعب أمتحان و الأن سنتكلم عنه كثيرا لأنه هو أساس و مستقبل الطالب فى الدبلومة

    الأمتحان مكون من مدتين و هما Math و English
    أولا Math
    هو امتحان رياضيات عادى جدا بس بيعتمد على الذكاء و السرعة و كل قوانين الرياضة المستخدمة به هى القوانين و الأساسيات التى يدرسها طالب من مرحلة أولى أبتدائى حتى نهاية الصف الثالث الأعدادى
    و يأتى الأمتحان بدون تعقيد و لا مبالغة و تكون الأسئلة فى 3 مستويات و هى ( سهلة و متوسطة و صعبة )
    و الأسئله السهلة و المتوسطة يستطيع الطالب حلها بسهولة ( بس بعد تدريب لأنها مش زى ما أنتوا فكرين و يوجد نموزج للأمتحان فى نهاية الجزء ده )
    و الأسئلة الصعبة دى بقى عايزة أستاذ و عالم رياضة ضليع لحلها لأنها عايزة تركيز و وقت
    و يأتى الأمتحان فى 3 أقسام
    أول سكشن 25 دقيقة و به 18 سؤال
    ثانى سكشن 25 دقيقة و به 20 سؤال
    ثالث سكشن 20 دقيقة و به 16 سؤال

    ثانيا English
    و ده بقى حكايته حكاية
    عندنا فى المادة دى قسمين ( Writing و Critical Reading )

    أولا Writing
    و هو يعتبر أسهل جزء فى الانجليزى و يتكون من Essay و Grammer
    الأ Essay
    و هو مقال تكتبة و بيكون أول حاجة بتحلها فى الأمتحان كله عامة
    و فى السكشن ده بيكون جايبلك جزء من كتاب أو مقال فى مربع أنت بتقراه و بعدين بتبدأ تكتب عن الموضوع بتاعة فى ما لا يزيد عن صفحتين ( هو أصلا محدش بيلحق يوصل لنص الصفحة التانية حتى لو كنت أديب )
    و مدته 25 دقيقة
    و الجزء التانى هو Grammer
    و هو أسأله عن القواعد بس متخفوش كل القواعد البسأل عليها هى قواعد تركيب الجمل بس و بتكون الأسئلة فى شكل جمل و كل جملة تحت 4 كلمات منها خط و عليك تختار أنه كلمة البتخالف قواعد الجملة أو اللغة و بعض الأسألة بيكون جايبلك جملة مع وجود خط تحت جزء منها و عليك أن تختار من الأجابات أى منهم أصح فى القواعد من الجزء المشدود تحته خط
    و بيكون الـ Grammer فى سكشنين
    الأول 25 دقيقة و به 35 سؤال
    الثانى 10 دقائق و به 14 سؤال ( و بيكون أخر سيكشن فى الأمتحان كلة )

    ثانيا Critical Reading
    و هو أصعب و أغلس جزء فى الأمتحان
    و بيعتمد على حفظك للكلمات و مدى فهمك للجمل و تكون الأسأله به على شكلان
    الأول جمل و بها فراغ أو فراغان و عليك أن تختار أى من الأجبات مناسب لملئ الفراغات
    و الثانى بيكون جايبلك قطعة و عليها أسئلة
    و هو 3 سكاشن
    الأول 25 دقيقة و به 23 سؤال
    الثانى 25 دقيقة و به 25 سؤال
    الثالث 20 دقيقة و به 19 سؤال

    و بكده خلص أمتحان SAT I
    ( ملحوظة أمتحان SAT I يتكون من 10 سكاشن و إذا عدينا الفوق نلاقى 9 بس لأن الزايد بكون رياضة أو إنجليزى بنوعيه ما عدا Essay و تكون مدته 25 دقيقة و لكن درجته لا تحسب و بيكون زائد لمعرفة مستوى الطالب فقط )

    لو عايز تشوف أمتحان SAT I أدخل هنا و حمله


    جينا لأمتحان SAT II
    و كما قلنا سابقا أنه يتكون من 11 مادة و نقوم بأختيار 2 أو 3 مواد فقط على حسب الكليه الهتختارها
    لو عايز كليات الهندسة بيقى تمتحن ( رياضة مع كيمياء أو فيزياء )
    لو عايز كليات الطب بفروعها يبقى تمتحن ( Biology مع رياضة أو فيزياء )
    و كلامة مش متير لأنك بتذاكر كتب المواد و بتدخل تمتحن عادى جدا

    ( ملحوظة أخيرة هامة جدا أن كل الأمتحانات SAT I و SAT II إخيارى فقط ( بمعنى أختر الأجابة الصحيحة ) ما عدا Essay )

    أرجوا ألا أكون قد أطلت عليكم

    أى أستفسار أتصل بى

  3. #3
    الصورة الرمزية 3ml3ml
    تاريخ التسجيل
    May 2005
    المشاركات
    345
    هو الموضوع زبالة أوى كده

  4. #4
    الصورة الرمزية tarek roka aror
    تاريخ التسجيل
    Jun 2005
    المشاركات
    2,867
    اقتباس المشاركة الأصلية كتبت بواسطة 3ml3ml
    هو الموضوع زبالة أوى كده
    بالعكس والللهى موضوعك جميل اوى
    وفيه معلومات كانت غايبه عنى
    شكرا لييك على معلوماتك دى وفى انتظار مواضيعك المفيده القادمه انشالله
    تحياتى,,,,:bye10000:

  5. #5
    الصورة الرمزية 3ml3ml
    تاريخ التسجيل
    May 2005
    المشاركات
    345
    اقتباس المشاركة الأصلية كتبت بواسطة tarek roka aror
    بالعكس والللهى موضوعك جميل اوى
    وفيه معلومات كانت غايبه عنى
    شكرا لييك على معلوماتك دى وفى انتظار مواضيعك المفيده القادمه انشالله
    تحياتى,,,,:bye10000:
    مشكور جدا يا باشا على ردك الجميل

  6. #6
    الصورة الرمزية meshodvd
    تاريخ التسجيل
    Aug 2006
    المشاركات
    334
    اية الحلوة والطعامة دى انتا راجل نجم وربنا وربنا يوفقق فى الامتحان إنشاء الله
    ويفقنا معاك بس انتا افتنى بجد والله وجزاك الله خيرا بس انا كان لية استفسار
    بس هو غبى شوية معلش استحملنى انتا بتقول ان الشخص الى بيخلص الدبلومة ممكن يخش الجامعة الى
    هو عايزها
    طيب دى بتبقى جامعة اية الجامعة الامريكية يعنى
    ثانيا :انا كونت اعرف ناس بتاخد كرسات فى الجامعة الامريكية وبعدين قالتلى انا هية اما تخلص الكرس
    هتبقى تعمل دبلومة طيب اية الفرق معلش ارجوا التوضيح بعد ازنك يا معلم






  7. #7
    تاريخ التسجيل
    Dec 2005
    المشاركات
    1,134
    الف شكر يا باشا على الموضوع
    بس الكلام دة كلة يجي اية جنب شهادة الثانوية العامة المصرية رمز الحضارة في العالم
    اهلاوي للابد

  8. #8
    الصورة الرمزية 3ml3ml
    تاريخ التسجيل
    May 2005
    المشاركات
    345
    اقتباس المشاركة الأصلية كتبت بواسطة meshodvd
    اية الحلوة والطعامة دى انتا راجل نجم وربنا وربنا يوفقق فى الامتحان إنشاء الله
    ويفقنا معاك بس انتا افتنى بجد والله وجزاك الله خيرا بس انا كان لية استفسار
    بس هو غبى شوية معلش استحملنى انتا بتقول ان الشخص الى بيخلص الدبلومة ممكن يخش الجامعة الى
    هو عايزها
    طيب دى بتبقى جامعة اية الجامعة الامريكية يعنى
    ثانيا :انا كونت اعرف ناس بتاخد كرسات فى الجامعة الامريكية وبعدين قالتلى انا هية اما تخلص الكرس
    هتبقى تعمل دبلومة طيب اية الفرق معلش ارجوا التوضيح بعد ازنك يا معلم
    أولا مشكور جدا لردك الجميل

    و بالنسبة للسؤال الاول
    فالدبلومة تؤهلك لدخول أى جامعة تريدها لأنها شهادة عالمية معتمدة دوليا ( مش زى الثانوية العامة طبعا اللى معتمدة من مجلس الفجل المحلى )
    و الدليل انا أخدت الدبلومة الامريكية و دلوقت فى طب بيطرى ( عشان والدى للأسف ) و هيا جامعة حكومية عادية
    فالدبلومة شاملة للدراسة فكل جامعات العالم بلا استثناء

    و بالنسبة للسؤال الثانى :
    الكورسات بتاعة الجامعة الامريكية هيا بس كورسات لتقوية اللغة و شهادتها كأى شهادة تعلم لغه بدون فرق
    لكن الدبلومة هيا دراسة معتمدة تؤهلك للشغل أو السفر زى ما أنت عايز
    و مش شرط تاخد كورسات فى الانجليزيى فى الجامعة الامريكية الاول و ممكن تدخل الدبلومة على طول

    و ذلك لأنها غير محددة بسن محدد يعنى انا كان معايا ناس كبيرة و مخلصه جامعة و بتشتغل و راحت بتاخدها عشان توفرلها فرصه كويسة لأما للأتحاق الجامعى مرة تانية لأما فرصة للسفر للخارج حيث انها شهادة معتمدة و سارية المفعول و لا تنتهى

  9. #9
    الصورة الرمزية 3ml3ml
    تاريخ التسجيل
    May 2005
    المشاركات
    345
    اقتباس المشاركة الأصلية كتبت بواسطة mos981
    الف شكر يا باشا على الموضوع
    بس الكلام دة كلة يجي اية جنب شهادة الثانوية العامة المصرية رمز الحضارة في العالم
    كلامك صحيح ميه ميه :crazy000: معتمدة دوريا و يمز للحضانة فى الألم :harhar10: :harhar10:

  10. #10
    الصورة الرمزية compeng
    تاريخ التسجيل
    Jan 2006
    المشاركات
    1,153
    شكرا على الموضوع الجميل ده وماتقلقش من قله الردود لأن معظم الناس دلوقتى ياإما فى كليه أو خلصوا
    لكن منتظرين منك المزيد
    ياخالق الكون من العدم فى سبع أيام
    إوهبنى حمدك فى الألم قوينى على الأيام
    سلمت حالى فى دنيتى وإنت إللى أعلم بيه
    لو قلبى تاهت خطوته لسكتك تهديه
    أنا قوتى من نعمتك ونومتى على فرشك
    ومنايا يوم الحساب تضلنى بعرشك
    بدعيلك يارب بقدرتك على نفسى تنصرنى
    وعلى إتكالى برحمتك لو تهت نورنى
    يارب وإنت الغنى وإنت إللى بينا حليم
    وإنت الحكيم رحمتك ولا زيك إنت كريم


  11. #11
    الصورة الرمزية محمد مصطفى كامل
    تاريخ التسجيل
    Oct 2004
    المشاركات
    625
    السلام عليكم ورحمة الله وبركاته
    أخى العزيز شكرا على الموضوع الجبار ده
    والله أنت أفدتنى جدا بهذا الموضوع
    وأنا كنت حادخل كورسات لغة إنجليزية بس بعد ماأخلص الكورسات اللى أنا فيها الأول
    ولكن موضوعك شدنى جدا
    وأنا دلوقتى عايز أبدأ فى دراسة الدبلومة الأمريكية
    أيه هى المراكز اللى ممكن أدرس فيها الدبلومة وثمنها كام
    أنا من الأسكندرية
    والسلام عليكم ورحمة الله وبركاته
    من قال سبحان الله العظيم وبحمده غرست له نخلة فى الجنة

  12. #12
    الصورة الرمزية 3ml3ml
    تاريخ التسجيل
    May 2005
    المشاركات
    345
    بالنسبة للمراكز فهى مش مراكز بالظبط و لكنها مدارس بتدى الكورسات و هيا أى مدرسة أمريكية

    انا حقيقى معرفش موجودة فين فى اسكندريا ( و لكن أصلا القاهرة و اسكندريا هما الاصل طبعا و اسكندريا مليانة )

    لكن بالنسبة للقاهرة فعندك Cac فى المعادى و دى تعتبر أحسنهم و أشهرهم

    و بالنسبة للتمن فده حسب المدرسه بتدى الكورس بكام
    و لكن فى ناس بتدى كورسات فيها بره كدروس و دى طبعا بتزيد التكلفة

    و لكن أنا أرشحلك أرخص و أحسن مكان ( انا درستها منه و حصلت عليها بسهولة هناك ) و هو مدرسة نيو فيكتوريا فى القاهرة

    و دى عنوانها
    مدرسة نيوفكتوريا ، المريوطية ، الهرم
    و بتوصلها من على الطريق الدائرى فى منزل المريوطية تانى مدرسة على أيدك اليمين

  13. #13
    الصورة الرمزية galal5514
    تاريخ التسجيل
    Sep 2006
    المشاركات
    57
    شكرا اوى يا باشا على المعلومات الحلوه دى ياريت اى حد عنده معلومات فى اى موضوع بوفر كده يقولها
    علشان الكل يستفــــــــــــــــــــــــــــــــــــــــــــــ ــــــــــــ جزاك الله خير ــــــــــــــــــــــــــــــــــــــــاد

  14. #14
    الصورة الرمزية meshodvd
    تاريخ التسجيل
    Aug 2006
    المشاركات
    334
    'معلش ان كان لية سوال تانى الحوار فى الدرجات بتبقى ازاى
    يعنى زى الثانوية العامة لازم تجيب 99.9 علاشان تخش كلية
    عالية ولا هى مجرد ان انتا تنجح وخلاص وتخش اى كلية ارجوا الايضاح
    ومعلش قولى انتا ختها بكام فى مدرسة فكتوريا الى انتا بتقول
    عليها دى اصل انا ساكن فى الهرم فدى هتبقى مناسبة لية
    وشكرا على الرد مقدما

  15. #15
    الصورة الرمزية 3ml3ml
    تاريخ التسجيل
    May 2005
    المشاركات
    345
    اقتباس المشاركة الأصلية كتبت بواسطة meshodvd
    'معلش ان كان لية سوال تانى الحوار فى الدرجات بتبقى ازاى
    يعنى زى الثانوية العامة لازم تجيب 99.9 علاشان تخش كلية
    عالية ولا هى مجرد ان انتا تنجح وخلاص وتخش اى كلية ارجوا الايضاح
    ومعلش قولى انتا ختها بكام فى مدرسة فكتوريا الى انتا بتقول
    عليها دى اصل انا ساكن فى الهرم فدى هتبقى مناسبة لية
    وشكرا على الرد مقدما

    معلش متأسف لأنى لا اتابع الموضوع من فترة و ذلك لأنى فى امتحانات :crazy000:

    بالنسبة للدرجات :

    دراجتها مش زى ما انت فاكر من 100% لأنها ممكن توصل 110 % و الدرجة النهائية هيا 130% و طبعا محدش قدر يوصل ليها

    أقصى حاجة وصلنا ليها فى تارخ الدبلومة هيا 108%

    و تنسيقها بيكون مختلف عن الباقى و دراجتها مختلفه

    ( لظروف التنسيق و مشاكل غريبة حصلت انا دخلت طب بيطرى و انا جايب 105% )

    و طريقة حساب الدرجات غريبة شوية و دى بتعرفها من المدرسة حسن

    ( بس نصيحة لو هتدخولها استنى و شوف التنسيق السنادى بتاعها عمل ايه لأن وزير التعليم العالى مضايق منها فأستنى شوية و شوف لو التنسق ظبط ادخلها )

    و بالنسبة للمدرسة هيا ارخص مدرسة موجودة و هيا زى بقيت المدارس بس بجد انا مكنتش بروح لأن المدرسة فى المريوطية و انا من المنصورة فكنت مسجل فى المدرسة و باخد الكتب اذاكر انا مع نفسى و بسافر القاهرة 6 مرات فى السنة عشان امتحن
    ( المصاريف لما تدخل تعرفها لأنها غالبا اتغيرت ) بس عموما لو انت شاطر و مش هتاخد اى دروس نهائى يبقى السنة كلها هتيجى عليك بحوالى 23 الى 25 ألف و لو اخدت دروس يبقى ممكن توصل 30 أو 40 فأنت و شطارتك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك