موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 4 من 5 الأولىالأولى ... 2 3 4 5 الأخيرةالأخيرة
النتائج 46 إلى 60 من 69
Like Tree2Likes

الموضوع: الدبلومة الامريكية ( بالتفصيل الممل )

  1. #46
    تاريخ التسجيل
    Jan 2007
    المشاركات
    84
    جزاك الله خيرا على هذا الموضوع الممتاز
    الذى اعاد لنا الامل

  2. #47
    الصورة الرمزية zoomisfirst
    تاريخ التسجيل
    Mar 2010
    المشاركات
    5,278
    بعد اذنكم عايز اعرف امتحان ال math بيبقي ازاي




  3. #48
    تاريخ التسجيل
    Oct 2009
    المشاركات
    11

    Rofl حضرتك كاتب فالعنوان بالتفصيل الممل ههههههههههههههههههه

    فين التفصيل الممل اللى فالموضوع؟
    التعديل الأخير تم بواسطة Emi-love; 29-09-2011، الساعة 05:29 AM

  4. #49
    تاريخ التسجيل
    Oct 2009
    المشاركات
    11

    Rofl حضرتك كاتب فالعنوان بالتفصيل الممل ههههههههههههههههههه

    حضرتك كاتب فالعنوان بالتفصيل الممل ههههههههههههههههههه
    انا اسفة عاللى هقوله مفيش تفصيل خالص فى موضوعك بالنسبة لشخص هاض التجربة الكلام اللى حضرتك كاتبه مختصر جدا وفيه معلومات اكتر منه عالنت لو دورت فى جوجل عن الدبلومة الامريكية



    زى ده
    انا لقيت المعلومات دي من العام الدراسي الماضي:نظام الدبلومة الأمريكية و تقييم الدرجات بالمدرسة و نظام SAT

    يتحصل الطالب من المدرسة علي شهادة الدبلومة الأمريكية المعادلة لشهادة الثانوية العامة المصرية بالقرار الوزاري رقم ( 155 ) لسنة ( 2004 ) و المعتمدة من هيئة الاعتماد الأمريكية ( (CITA و التي تؤهله للالتحاق بالجامعات المصرية عن طريق التنسيق الخاص بالمدارس الأجنبية و الوافدون من الخارج و المحدد له نسبة ( 5 % ) من مجموع الحاصلين علي الثانوية العامة كما يحق له الالتحاق بالجامعات الأمريكية أو جامعات اي دولة أخري.

    يلزم للطالب بالمدرسة دراسة ما لا يقل عن عدد ( 24 ساعة معتمدة ) بالنظام الأمريكي في المراحل الدراسية من G9 حتي G12 تحتسب للطالب لكل مادة يدرسها من نصف ساعة ( فى حالة أخذ هذه الماده مرتين خلال الاربع مراحل الدراسية) إلي ساعة معتمدة و ذلك حسب المادة.

    يلتزم الطالب بدراسة عدد ( 8 ) مواد دراسية في الفصلين G11 و G12 يدرس عدد ( 5 ) مواد في G11 و عدد ( 3 ) في G12 .

    قررت وزارة التربية و التعليم دراسة المواد التالية: اللغة العربية ، التربية الدينية و التربية القومية طبقا" للمنهج الوزارى فى جميع المراحل التعليمية و سوف يتم إختبار الطلبة فى هذة المواد تحت الإشراف الوزارى. طبقا" لهذا القرار لن يسمح لأى طالب بالدخول إلى الجامعات دون النجاح بهذة المواد .

    يلزم للطالب لكي يتمكن من الالتحاق بالجامعات في النظام الأمريكي تجميع اكبر عدد من الدرجات من الامتحانات المختلفة و التي تتوزع كالآتي:

    40 % نتيجة امتحان (8) مواد دراسية خلال الفصلين الدراسيين G11 و .G12

    60 % نتيجة امتحان SAT1 الإجباري في اللغة الإنجليزية و الرياضيات بنتيجة لا تقل عن 1440 من 2400 للجماعات الحكومية و 1200 من 2400 للجامعات الخاصة ابنداء من العام الجامعى 2007-2008.

    15 % إضافية في حالة نجاح الطالب في امتحان SAT2 و حصوله علي 1100 درجة من المجموع الكلي 1600 علي الأقل و تزيد بزيادة درجة الطالب في الامتحان ابنداء من العام الجامعى 2007-2008.

    ملاحظات مهمة:

    ** بداية من العام الدراسي 2007/2008 تكون درجة النجاح في امتحان SATI بحيث لا تقل عن 1440 من 2400 بنسبة 60%.

    و تتغير درجة النجاح في امتحان SAT2 بحيث لا تقل عن 1100 من 1600.

    ** للالتحاق بالجامعات بداية من( العام الجامعي ) 2008/2009 لابد من قضاء ثلاث سنوات علي الاقل بالنظام الامريكي.

    يدرس الطالب بالمدرسة منهج الثانوية العامة لمادتي الدين و اللغة العربية و التربية القومية يلزم له اجتياز امتحانات الثانوية العامة في هذه المواد بنجاح ( لا تضاف درجات هذة المواد إلي المجموع العام ) لكي يحق له الالتحاق بالجامعات المصرية و في بعض الحالات خاصة المحولون من خارج القطر المصري يمكن تأجيل اجتياز بعض هذه المواد حتى المرحلة الجامعية غير انه يلزم اجتياز الامتحانات الخاصة بهذه المواد للحصول علي الشهادة الجامعية.( يجب التحقق من تغير القوانين الخاصة بهذا الموضوع مع ادارة المدرسة ).

    جزء من ال 40 % التي يتحصل عليها الطالب باجتيازه الامتحانات المدرسية يعتمد علي سلوك الطالب بالمدرسة و نسبة الغياب و البطولات الرياضية و الطالب المتفوق و المسابقات العلمية و Honor Student و اشياء اخري من هذا القبيل.

    امتحان ال ( SAT ) هو الامتحان الذي يلتزم الطالب بدخوله كي يتمكن من الالتحاق بالجامعات سواء المصرية او الامريكية.وتقدم المدرسة كورسات خاصة بامتحان SAT .

    و هو ينقسم الي جرئين SAT1 و هو اجباري و SAT2 و هو اختياري :

    · SAT1 (SAT Reasoning)و هو امتحان اجباري في مادتي اللغة الانجليزية و الرياضيات بنظام الاختيار من متعدد Multiple Choice.

    · و قد أضيفت إليه مؤخرا كتابة موضوع التعبير ( إنشاء ) Essays في امتحان اللغة الانجليزية.

    · و للطالب الحق في دخول امتحان ال SAT1 بداية من G7 بصورة تجريبية و لكن لا تحتسب درجته الا بداية من G11 .

    · بداية منG11 و حتي نهاية G12 يحق للطالب دخول امتحانات اي مادة من SAT1 او SAT2 بعدد ( 6 ) مرات لكل مادة

    · و تحتسب له اعلي نتيجة يتحصل عليها.

    · الدرجة النهائية لامتحان SAT1 هي 2400 درجة ( 800 مادة الرياضيات ، 800 Reading، 800Writing ).

    * يتمكن الطالب الناجح في امتحانات SAT1 ( حسب نتيجته ) الالتحاق بالكليات النظرية فقط.

    * يلزم للطالب للالتحاق بالكليات العملية ( الطب – الصيدلة – الاسنان – الهندسة .......الخ ) اجتياز الامتحان الاختياري SAT2 المؤهل للالتحاق بالكليات العملية.

    ** SAT2 (SAT Subject) و يمتحن الطالب هذا الامتحان لسببين :

    1. ليتمكن من الالتحاق بالكليات العملية.

    2. و لزيادة درجته النهائية حيث يضيف امتحان SAT2 نسبة ( 15 % تعادل في الدرجة النهائية حوالي 10.7 % ) فوق نسبة ال 100 % التي يتحصل عليها الطالب من دخول امتحاني ال SAT1 و امتحانات المدرسة.

    ** يختار الطالب في امتحان ال SAT2 مادتين الي ثلاث مواد من عدة مواد حسب الكلية التي يريد الالتحاق بها و المواد هي ( رياضيات متقدمة – احياء Biology – كيمياء – فيزياء – التاريخ الامريكي – لغة فرنسية او المانية او اسبانية ).

    ملحوظة :

    · المدرسة تدرس اللغة الفرنسية فقط.

    · SAT II فزياء و رياضيات إجبارى فى حالة الطلاب الذين يرغبون فى الإلتحاق بالكليات العسكرية ( فنية عسكرية ، بحرية و دفاع جوى)

    مثلا :

    اذا رغب الطالب في الالتحاق بكليات مثل ( الطب – الصيدلة – الاسنان – العلاج الطبيعي – التمريض – الطب البيطري .....الخ) فيلزم له دخول امتحان الاحياء Biologyالزاما بالاضافة الي اية مادة اخري من المواد ( فيزياء – كيمياء - رياضيات ) .

    و اذا رغب في الالتحاق بكليات مثل ( الهندسة – الفنون قسم عمارة – البترول و التعدين – تخطيط المدن – الهندسة الالكترونية بمنوف – الكمبيوتر و المعلومات – معاهد التكنلوجيا........الخ ) فيلزم له دخول امتحان الرياضيات المتقدمة الزاما بالاضافة الي اية مادة اخري من المواد ( فيزياء – كيمياء – احياء Biology ).

    لذا فمن المهم لمن يرغب في ان تكون له فرصة الالتحاق بكل الكليات العملية ان يكون اختياره لمواد SAT2 هو ( الاحياء Biology + الرياضيات )

    ** تقييم امتحان الSAT2 من درجة 1600 ( 800 درجة لكل مادة ) .

    ** يمتحن الطالب الامتحانات الخاصة بالمدرسة بداخل المدرسة ..... اما امتحانات ال SAT فيتم ادائها باحد المراكز المعتمدة من قبل هيئة AMIDEAST و

    ** كل محاولة من محاولات امتحان SAT1 تكلف الطالب مبلغ 475 جنيها , بالنسبة لامتحان SAT2 فان كل محاولة تكلف مبلغ 430 جنيها في حالة اختيار مادتين للامتحان , و مبلغ 475 جنيها في حالة اختيار ثلاث مواد للامتحان.

    ** ترسل الاجابات الي امريكا عن طريق ال AMIDEAST لتصحيحها و ترسل نتائج التصحيح مرة اخري الي ال AMIDEAST و منها للمدرسة.

    يتسلم ولي امر الطالب قبل بداية العام الدراسي كتاب ال Student Hand Book و الذي يحتوي علي القواعد العامة للمدرسة.



    للاسف انا كنت فاكرة لما هدخل هنا متعشمة الاقى حضرتك كاتب تجربتك الشخصية بما ان حضرتك قلت انك اخدتها فى مدرسة نيو فيكتوريا ودفعت المصاريف وامتحنتاها وخلصتهاوعارف نظامها كويس
    طيب حضرتك قلنا اخدت السات 1 فى اد ايه والسات 2 فى اد ايه وهل ينفع ادفع مصاريف الامتحان بس بدل ال20 الف اللى حضرتك كاتبهم وهل ينفع اخد السات 1 و2 والGPA كلهم فى سنة واحده او اقل ؟
    دى معلومات بسيطة بالنسبه لحد عاش التجربة عشان عالاقل يكون فيه مصداقيه فى موضوعك مش طالبين تفصيل ممل عايزين شويه تفصيل عن تجربتك من كلام لقيته عالنت


    ارجوا حضرتك تفيدنا..............................
    التعديل الأخير تم بواسطة Emi-love; 29-09-2011، الساعة 05:32 AM

  5. #50
    الصورة الرمزية 3ml3ml
    تاريخ التسجيل
    May 2005
    المشاركات
    345
    اقتباس المشاركة الأصلية كتبت بواسطة zoomisfirst مشاهدة المشاركة
    بعد اذنكم عايز اعرف امتحان ال math بيبقي ازاي
    بتمتحن فى الرياضة بشكل عام يعنى قوانين الرياضة من 1 ابتدائى الى 3 اعدادى و نادرا لو بقى فيه سؤال من رياضة تانية ثانوى او حاجة و بتبقى حاجة بسيطة
    بس المهم انك مش بتكتب اى طريقة حل للمسألة
    كل المطلوب هو الاجابة النهائية كام (مجرد الرقم )

    اقتباس المشاركة الأصلية كتبت بواسطة mahmoudelsayed3 مشاهدة المشاركة
    مشكووووووووووور جدا على موضوعك الجميل
    انا عايز أعرف هل الدبلومه الأمريكيه مرتبطه بسن معين للدراسة ؟
    وايه نظامها فى التنسيق ؟
    غير مرتبطة بأى سن يعنى لو عندك 40 سنة تقدر تاخدها
    و بالنسبة للتنسيق فللأسف السنادى معقد شوية و محتاجة مجموع كبير شوية

    اقتباس المشاركة الأصلية كتبت بواسطة han.1177 مشاهدة المشاركة
    هى الدبلومة الامريكية كام سنة .؟؟
    و ينفع اخدها و ادخل بها كلية اقتصاد و علوم سياسية ؟
    بنظام التنسيق الجديد لازم الطالب ياخدها كاملة يعنى 3 سنين و من بعدعا تقدر تدخل الكلية اللى تعجبك و أنت و مجهودك

    اقتباس المشاركة الأصلية كتبت بواسطة hunter gkky مشاهدة المشاركة
    السلام عليكم

    موضوعك رائع جدا اخى العزيز وانا كنت بدور علية من فترة

    وياريت تقولنا تكلفة الدراسة كام ولو بالتخمين او التقريب وايضا معلومات اضافية
    ونماذج للاختبارات و الكتب لو تقدر

    وشكرا جزيلا


    المصاريف بصارحة بتتحدد حسب المكان
    يعنى لو هتاخدها فى الاماكن الكبيرة زى CAC هتتكلف تمن الدراسة فوق 150 الف
    لكن لو فى المدارس المصرية طبعا أقل بكتير اوى و ده بيبقى حسب المدرسة بتاخد كام يعنى ممكن 18 الى 25 ألف تقريبا فى السنة
    و لو هتاخد دروس بقى دى معرفهاش لأنى محبتش ادفع و كنت بزاكر بنفسى
    و تمن الكتب بسيط لأن المعظم بيصورة لأنه كتاب واحد 250 جنية ممكن تشتريه او تصورة لكن الكتير بيعتمد على كتب تانية و فيه منها على النت
    لكن تمن كل امتحان ده لوحدة و بيدفع بالدولار فى الأمدايست و ساعات المدرسة اللى بتظبطلك كل حاجة

    اقتباس المشاركة الأصلية كتبت بواسطة han.1177 مشاهدة المشاركة
    ممكن اعرف المدارس اللى ممكن اخد منها دبلومة امريكية فى الاسكندرية و مصاريفها كام ؟؟
    الحقيقة انا معرفش الاماكن فى اسكندرية و لكن تقدر تسأل على مدارس سانت فاطيما أو الاضمن و الاحسن تسأل فى الأمد ايست فرع الاسكندرية لأنه المكان اللى فيه كل المعلومات عن كل المدارس

    اقتباس المشاركة الأصلية كتبت بواسطة han.1177 مشاهدة المشاركة
    يا جماعة حد يساعدنى بليييييز :(
    انا خلصت ثانوى عام و عايزة اخد دبلومة أمريكية عشان ادخل بها كلية
    عايز اعرف الدبلومة الامريكية تقبل من مدرسة عربى ؟؟ و الدبلومة الامريكية كام سنة ؟
    و فين المدارس اللى فى اسكندرية اللى بتدى دبلومة امريكية و مصاريفها كام ؟
    طبعا المدرسة الامريكى بتقبل من المدارس العربى عادى جدا كأى تحويل من مدرسة لأخرى و دى اجراءات سهلة جدا
    و حسب نظام التنسيق الجديد لازم الطالب يدرس الدبلومة الامريكية 3 سنين عشان يدخل جامعة حكومية
    و بالنسبة للأماكن فده رديت عليه فى السطور السابقة

    اقتباس المشاركة الأصلية كتبت بواسطة mega man2 مشاهدة المشاركة
    • انا عندى 18 سنه ولسه مخلص الثانويه العامه بس للاسف مجبتش درجة حلوة بسبب الكوسه فى التصحي
    المهم
    عندى شويه اسألة وارجو اجابتها
    1-هيا مدتها كام سنه؟
    والمصاريف؟
    وينفع ادرسها بجانب دراستى الجامعيه ولما اخلص الدبلومة ابقا ادخل الكليه الى انا عاوزها واسيب الى انا فيها دلوقتى؟
    ارجو الرد بسرعه للاهميه


    حسب التنسيق للدخول لكلية حكومية لازم تدرس 3 سنين دبلومة
    المصاريف يا ريت تطلع حبة سطور فوق ستجد الاجابة
    و طبعا تقدر تدرسها جنب الجامعة لأنها دراسة منفصله تماما

    اقتباس المشاركة الأصلية كتبت بواسطة Emi-love مشاهدة المشاركة
    حضرتك كاتب فالعنوان بالتفصيل الممل ههههههههههههههههههه
    انا اسفة عاللى هقوله مفيش تفصيل خالص فى موضوعك بالنسبة لشخص هاض التجربة الكلام اللى حضرتك كاتبه مختصر جدا وفيه معلومات اكتر منه عالنت لو دورت فى جوجل عن الدبلومة الامريكية


    للاسف انا كنت فاكرة لما هدخل هنا متعشمة الاقى حضرتك كاتب تجربتك الشخصية بما ان حضرتك قلت انك اخدتها فى مدرسة نيو فيكتوريا ودفعت المصاريف وامتحنتاها وخلصتهاوعارف نظامها كويس
    طيب حضرتك قلنا اخدت السات 1 فى اد ايه والسات 2 فى اد ايه وهل ينفع ادفع مصاريف الامتحان بس بدل ال20 الف اللى حضرتك كاتبهم وهل ينفع اخد السات 1 و2 والGPA كلهم فى سنة واحده او اقل ؟
    دى معلومات بسيطة بالنسبه لحد عاش التجربة عشان عالاقل يكون فيه مصداقيه فى موضوعك مش طالبين تفصيل ممل عايزين شويه تفصيل عن تجربتك من كلام لقيته عالنت
    اقتباس المشاركة الأصلية كتبت بواسطة Emi-love مشاهدة المشاركة


    ارجوا حضرتك تفيدنا..............................


    حضرتك بس لو كلفتى نفسك شوية و بصيتى على تاريخ الموضوع ستكتشفين ان الموضوع مكتوب من 2006 و حينها لم يكن على جوجل اى معلومات نهائى عن الدبلومة
    و من الرائع جدا ان نجد المعلومات اللى موجودة فى جوجل فكثرة المصادر تزيد المعرفة

    و بما ان الموضوع كان مكتوب من 2006 فطبيعى نسيته خالص و لم اكن اتابعه فبعتذر عن عدم الرد على الاستفسارات المكتوبة و لكنى كنت برد و بقدم المساعدة لكل من كان يرسل لى اى سؤال على الخاص

    بالنسبة لأسئلة حضرتك
    اولا المدة اللى اخدت فيها كل امتحان :
    انا كنت درست 2 ثانوى عام عادى و كنت دارس فيها احياء و ده اللى اهلنى انى مجرد اترجم المادة انجليزى و اجتاز امتحان سات 2 من اول امتحان بدرجة تؤهلنى لكلية طبية (هذه ايامها فى 2005 و لكن حاليا طبعا محتاج درجة اكبر و خصوصا بعد ان الامتحانات بقت بسيطة شوية عن ايامنا )
    أما امتحان New SAT فده طبعا و بلا اى شك الاصعب بلا منازع
    و استغرق منى 4 محاولات لأجتيازة بتميز و الحصول على ترتيب على مستوى العالم
    و بما ان الدراسة توفر 6 محاولات فى السنة فده طبعا ممكن

    حضرتك تقدرى تاخدى السات بدون دفع مصاريف مدرسة و لكنك لن تستطيعى الحصول على GPA الا بدفع المصاريف لأنها داخل المدرسة و عليها 40% من الدرجة فى التنسيق

    و كما قلت سابقا نظام التنسيق الجديد يجبر الطالب على الدارسة 3 سنوات الدبلومة للدخول لكلية حكومية

    و اى استفسارات انا تحت امركم و ان لم يمكننى الاجابة هنا ستكون على الخاص



  6. #51
    تاريخ التسجيل
    Oct 2009
    المشاركات
    11
    عموما انا اسفة جدا عالكلام اللى قولته
    اصلى كنت متضايقة انى بعد تعب وتدوير عالنت عن الدبلومة الامريكية
    لقيت موضوع حضرتك فحسيت بالامل وقلت محدش هيفيدنى غيرك
    بس لما قريت الموضوع امبارح ولقيته كلام مختصر اتعصب شويه وكتبت الرد


    عموما انا متاسفة مرة تانيه


    بس ممكن حضرتك تقولنا ايه احسن المدارس فى مدينه نصر او العباسية وتكون سعرها معقول
    عشان انا للاسف جبت ممجموع وحش فى تانيه ثانوى وتعبت نفسيا بعدها زعم انى كنت بذاكر كويس وكنت متوقعة اجيب 98 % وكنت ناويه على طب بس بقة انت عارف الكوسه فى التصحيح

    عموما انا خلصت الثانويه العامة دلوئت بمجموع مش عاجبنى ومايدخلنيش طب بشري
    فكنت عايزة اعرف لو هدخل الدبلومة الامريكيه هدخلها من اولى ولا ايه
    عشان انا سمعت ان ممكن ندخل الكليه بعد سنة تانيه
    وممكن تقولى تنسيق الدبلومة عشان ادخل طب كام وهل اللى بيطلعوا من الاوائل بيكون لهم منح للدراسة بالجامعة الامريكية زى بتوع الثانويه العامة المصريه
    وهل ينفع اسافر امريكا ادرس الطب هنا بعد حصولى عالدبلومة الامريكية

    ممكن اعرف حضرتك جبت كام ودخلت كليه ايه

  7. #52
    الصورة الرمزية 3ml3ml
    تاريخ التسجيل
    May 2005
    المشاركات
    345
    بالنسبة للمدارس فصدقينى أنا معرفش لأنى مش من القاهرة اساسا
    و كنت بنزل القاهرة فقط للأمتحانات و خفيف للمدرسة
    لكن المدارس كلها معروفة فى الأمدايست و تقدرى تسألى هناك و هتلاقيه فى 23 ش مصدق بالدقى (على حسب ذاكرتى هههههههههه )

    أما بقى قواعد دخول الجامعة فده الكلام من موقع التسيق و موجود فيه الدرجات المطلوبة

    قواعد وشروط قبول الشهادات الثانوية الأمريكية:
    يطبق على الطلاب حملة هذه الشهادة والمتقدمين للجامعة ما يلي :

    ( أ ) أن يكون الطالب ناجحا في ثماني مواد وبما يتفق مع المواد المؤهله للقبول بكل كلية ، على أن يكون قد اجتازها في الصف الثاني عشر ، وألا يقل وزن المادة الواحدة عن وحدة كاملة ( one credit) ويمكن للطالب استكمال بعض من المواد الثماني المذكورة من مواد الصف الحادى عشر وبحد أقصى ثلاث مواد.

    ( ب ) بالنسبة لامتحان (sat.i) ، قرر المجلس الاعلي للجامعات ان يكون الحد الادني للنجاح في هذا الاختبار 60% من مجموع درجات المواد(1440درجة من 2400درجة).

    ( ج ) بالإضافة إلى ما سبق في البندين ( أ ، ب ) قرر المجلس الأعلى للجامعات أنه يشترط اجتياز الطلاب لامتحان (sat.ii) بنجاح فى مادتين إضافيتين يحصل فيهما معا على حد أدني1100 درجة من النهاية العظمي من درجتي المادتين وهي 1600درجة.

    * وذلك للقبول بالكليات وفقا للترتيب التالي :
    - للقبول بكليات الطب والصيدلة وطب الأسنان والعلاج الطبيعي يشترط أن تكون مادتا (sat.ii) هما : مادة الأحياء ومادة من بين مواد(الفيزياء - الكيمياء - الرياضيات) .
    - للقبول بكليات الهندسة والحاسبات والمعلومات والفنون الجميلة(عمارة) يشترط أن تكون مادتا(sat.ii) هما : مادة الرياضيات ومادة من بين مواد(الفيزياء-الكيمياء-الأحياء) .

    * هذا وقرر المجلس الأعلى للجامعات أيضا القواعد التالية:
    1- يتم قبول الطلاب الدارسين للثانوية الامريكية بحد أدني ثلاث اعوام دراسية في النظام الامريكي.
    2- تطبق كافة الضوابط والشروط الأخرى الخاصة بمعادلة الشهادة الثانوية الأمريكية والتي سبق أن قررها المجلس الأعلى للجامعات عند قبول حملة هذه الشهادات بالجامعات المصرية.
    3- لا يتم احتساب نتائج امتحان sat.iiإلا إذا كان سنة حصول الطالب علي الثانوية الأمريكية حيث انه امتحان تميز لا يعتد بالحصول عليه بعد حصول الطالب علي الدبلومة.
    4- لايتم قبول أوراق الطلاب الحاصلين على الثانويه الامريكيه فى حالة اجتيازهم لحد الادنى لامتحان sat.ii بعد مرور أكثر من عامين على تاريخ الحصول على الشهاده الثانويه الامريكيه.
    5- وافق المجلس الأعلى للجامعات الخاصة والمعاهد العالية الخاصة على احتساب الدبلومة الأمريكية اعتبارا من العام الجامعي 2007/2008 بالشروط الآتية :
    · حصول الطالب على ( 1200 درجة ) في امتحان i sat. من2400 درجة.
    · حصول الطالب على ( 900 درجة ) في امتحان sat.i i من 1600 درجة.
    مع استمرار تطبيق باقي الشروط - وعلى أن يطبق هذا القرار على الأعوام الدراسية من 2007/2008 وحتى 2011/2012 بشرط قضاء ثلاث سنوات في الثانوية الأمريكية بعد الحصول على الشهادة الأعدادية أومايعادلها اعتبارا من 2008/2009.


    أنا حاليا فى كلية طب بيطرى جامعة المنصورة
    لكن جبت كام فحقيقى مش فاكر لأن الورق كله فى الكلية و انا فى اخر سنة فمش فاكر الدرجات بالظبط

  8. #53
    تاريخ التسجيل
    Oct 2009
    المشاركات
    11
    الف شكر يافندم

    اخر طلب معلش انا رخمة شوية ههههههههههههههههههههههههه
    لو حضرتك تعرف تحط لينك التنسيق بتاع السنة اللى فاتت
    لانى دورت عليه فى جوجل مش لاقياه
    عشان اعرف الطب البشرى بياخد من كام

    وحضرتك اخدتها فى كام سنة قدمت فيهابشهاده الاعدادية ولا الثانويه العامة
    وحضرتك قلت انك مش بتحضر غير الامتحانات طيب ال40% بتوع اعمال السنه اخدتهم ازاى والمدرسه ماكانتش بتبعت لحضرتك انذار بالفصل

    وان شاء الله هروح الامدايست اللى فالدقى واشوف اسعار المدارس

    وهرجع اكتبه هنا فالموضوع عشان اللى حابب يستفاد
    التعديل الأخير تم بواسطة Emi-love; 29-09-2011، الساعة 10:07 PM

  9. #54
    الصورة الرمزية 3ml3ml
    تاريخ التسجيل
    May 2005
    المشاركات
    345
    السنادى من أول السنين اللى تقديم الشهادات المعادلة عن طريق النت
    و للأسف موقع التنسيق مش بيجيب اى درجات خالص للكليات لأنها ساعات بتتغير فى اى لحظة
    و ده كان حصل معايا كنت جايب (على حسب ما فاكر ) 105.4% و كانت بشرى بتاخد من 89% و لما قدمت قالى ان جه قرار من الوزير برفع الدرجات فبشرى اخدت من 106.1% فملحقتهاش
    و ساعتها كان بسبب واحد زكى اسمه (مفيد فوزى) عمل حلقة عن الدبلومة اننا بمدفع فلوس و مش بنزاكر و لا حاجة و ندخل الكلية اللى تعجبنا و مكنش يعرف البيه اننا بندخل امتحان 4 ساعات بيطلع عنينا فيه و يحل اكتر من 600 سؤال فى 4 ساعات
    --------------------------
    بالنسبة ليا كان فى 2005 الموضوع مختلف و كان ممكن اخدها سنة واحدة و ده حصل معايا
    دخلت اولى و ثانية ثانوى عام عادى و فى 3 حولت دبلومة امريكية و اخدها فى سنة واحدة

    و برده زمان كان الموضوع سهل لأننا مش من القاهرة فمكناش بنروح المدرسة و كانت المدارس بتخلص الورق و تبعتلنا الكتب نزكرها و نمتحن gpa اللى عليه 40% فمكنش فيه و لا فصل و لا نيل (بدام بتدفع المصاريف يبقى مفيش فصل لأنه كان بزنس أكتر أيامها)
    أما دلوقت فمعتش الكلام ده

  10. #55
    تاريخ التسجيل
    Oct 2009
    المشاركات
    11
    طيب لما انت اخدتها فى سنة واحد مواعيد كا امتحان كانت امتى؟
    ولا انت كنت بتحدد مواعديها اللى تناسبك؟
    وهل فيه ترم اول وتانى ؟

    انا عماله اكلم الامديست مش بيردوا خالص عالتليفون
    ممكن تسألى فى الامديست عن اى سنتر او مدرسة اخد فيه الدبلومة فى سنة او اقل يدونى ال 40% بتوع اعمال السنة كاملين بدون حضور ؟
    واحدد انا مواعيد امتحانات السات 1 و2؟ او امتحن فى اى وقت فى السنة؟
    عشان انا لسه بدرس فى تجارة القاهرة
    فخايفة امتحانات الدبلومة تتعارض مع الكلية وفى الاخر مانجحش فى الاثنين واعيد السنة فى الكليه وابقة لاحصلت الدبلومة ولا الكليه واخسر كل حاجة عالفاضى


    انا كنت فى الثانوية العامة علمى علوم بس مجموعى مادخلنيش طب
    فدخلت تجارة عشان احسن كليه من حيث المستقبل بعد طب


    بس نفسى ادرس كلية طب الحاجة اللى بحبها وعايزاها
    التعديل الأخير تم بواسطة Emi-love; 02-10-2011، الساعة 10:50 PM

  11. #56
    الصورة الرمزية 3ml3ml
    تاريخ التسجيل
    May 2005
    المشاركات
    345
    اقتباس المشاركة الأصلية كتبت بواسطة Emi-love مشاهدة المشاركة
    ممكن تسألى فى الامديست عن اى سنتر او مدرسة اخد فيه الدبلومة فى سنة او اقل يدونى ال 40% بتوع اعمال السنة كاملين بدون حضور ؟
    واحدد انا مواعيد امتحانات السات 1 و2؟ او امتحن فى اى وقت فى السنة؟
    و مش عايزة بيبسى ؟؟؟

    النظام اللى بتتكلمى عنه ده مش موجود اساسا و لسه محدش اخترعه

    دلوقت نظام التنسيق مش بيتيح انك تتدخلى الكلية الا بدارسة 3 سنين فمفيش مكان يقدر يديلك الدبلومة سنة و تدخلى بيها الكلية
    ثانيا الامتحانات دى مواعدها متحددة اساسا حسب college board فى امريكا و مش بمزاج حد يحدد اى امتحان
    لأن الامتحانات بتيجى من بره بطيران مش لعبة

    و لذلك معدتش فيه مدارس بتدى 40% بدون حضور
    أنا نظامى كان من 7 سنين مش من قريب

  12. #57
    تاريخ التسجيل
    Nov 2007
    المشاركات
    120
    السلام عليكم

    شكرا جدا على التوضيح والشرح الكافي الوافي ده
    بس أنا كان عندي كام سؤال

    أولا أنا عندي 20 سنة و مخلصة ثانوية عامة من الكويت يعني شهادة معادلة .. و دخلت كلية اعلام جامعة مصر للعلوم و التكنولوجيا و كان نفسي أدخل الجامعة الأمريكية بس للاسف مقبلونيش
    المهم أنا دلوقتي عاوزة اخد IG أثناء دراستي الجامعية الحالية ( أنا في سنة تانية ) علشان لما أخلص أدخل الجامعة الأمريكية
    ينفع والا لا ؟؟
    و ايه الخطوات المفروض اعملها علشان أسجل

    و حضرتك قلت ان أول مرحلة اللي هي GPA لازملها حضور في مدرسة ؟؟ يعني مفيش أي مدرسة تقبل من غير حضور؟؟؟؟
    و قلت كمان إن تكلفتها من 18-25 ألف في السنة
    ده كل سنة؟؟ والا مرحلة GPA بس؟؟
    و بالنسبة للمرحلتين SAt I & SAT II لازمهم مدرسة؟؟ والا ينفع اذاكرهم لوحدي؟؟ و أقدم على الامتحان بس؟؟ و هل ليهم رسوم دراسية للالتحاق بمدرسة والا رسوم الامتحانات بس

    اسفة على الاسئلة الكتير

    و شكرا مقدماً

  13. #58
    الصورة الرمزية 3ml3ml
    تاريخ التسجيل
    May 2005
    المشاركات
    345
    اقتباس المشاركة الأصلية كتبت بواسطة Miss Delicate مشاهدة المشاركة
    السلام عليكم

    شكرا جدا على التوضيح والشرح الكافي الوافي ده
    بس أنا كان عندي كام سؤال

    أولا أنا عندي 20 سنة و مخلصة ثانوية عامة من الكويت يعني شهادة معادلة .. و دخلت كلية اعلام جامعة مصر للعلوم و التكنولوجيا و كان نفسي أدخل الجامعة الأمريكية بس للاسف مقبلونيش
    المهم أنا دلوقتي عاوزة اخد IG أثناء دراستي الجامعية الحالية ( أنا في سنة تانية ) علشان لما أخلص أدخل الجامعة الأمريكية
    ينفع والا لا ؟؟
    و ايه الخطوات المفروض اعملها علشان أسجل

    و حضرتك قلت ان أول مرحلة اللي هي GPA لازملها حضور في مدرسة ؟؟ يعني مفيش أي مدرسة تقبل من غير حضور؟؟؟؟
    و قلت كمان إن تكلفتها من 18-25 ألف في السنة
    ده كل سنة؟؟ والا مرحلة GPA بس؟؟
    و بالنسبة للمرحلتين SAt I & SAT II لازمهم مدرسة؟؟ والا ينفع اذاكرهم لوحدي؟؟ و أقدم على الامتحان بس؟؟ و هل ليهم رسوم دراسية للالتحاق بمدرسة والا رسوم الامتحانات بس

    اسفة على الاسئلة الكتير

    و شكرا مقدماً

    بالنسبة لسؤلك عن IG فأنا معرفش حاجة عن دراستها و ﻻ عن تقديمها ﻷنى كنت فى الدبلومة فقط
    و فيه فرق كبير بينهم و تقدرى تسألى فى اﻻمد ايست برده

    بالنسبة للمدارس فممكن كتير منهم يقبلوا من غير حضور و أنت و ظروفك مع المدارس بس لو هتروحى مدارس امريكية أمريكية فﻻزم الحضور لكن لو مدارس مصرية فنظرا ﻷنك فى الجامعة ممكن تﻻقى يوافق من غير حضور

    التكلفة بتبقى للسنة كلها ماعدا تمن امتحانات SAT دى ليها تمن تانى حسب كل امتحان بتدخليه بتدفعى تمنه
    و اﻻمتحانات دى طبعا ممكن تدرسيها لوحدك (مذاكرهم كلهم لوحدى فعلا )
    بس التقديم ممكن مباشر منك للأمدايست أو للموقع فى امريكا أو غير مباشر عن طريق المدرسة
    و طبعا الحضور زى ما قولتلك أنت و ظروفك حسب المدرسة فمقدرش افيدك فيها حاليا ﻷنى مخلص الدبلومة من 6 سنين

    و اى اسألة أخرى تحت امركم

  14. #59
    تاريخ التسجيل
    Nov 2007
    المشاركات
    120
    اقتباس المشاركة الأصلية كتبت بواسطة 3ml3ml مشاهدة المشاركة



    التكلفة بتبقى للسنة كلها ماعدا تمن امتحانات sat دى ليها تمن تانى حسب كل امتحان بتدخليه بتدفعى تمنه
    و اﻻمتحانات دى طبعا ممكن تدرسيها لوحدك (مذاكرهم كلهم لوحدى فعلا )

    معلش أنا مش فاهمة النقطة دي؟؟
    يعنب أنا لو أخدت الدبلومة في سنتين هدفع في السنتين مصاريف مدرسة؟؟
    و الا السنة اللي هاخد فيها gpa وبس؟؟

    انا عارفة طبعا انو حضرتك واخدها من زمان .. بس تقدر تقولي كانت تكاليفها كلها على بعضها كام؟؟

  15. #60
    تاريخ التسجيل
    Nov 2007
    المشاركات
    120
    معلش كمان سؤال .. هو لازم تكون الشهادة الإعدادية من مدرسة لغات؟؟ و الا عادي شهادة عربية؟؟

    لأن شهادة الإعدادية بتاعتي شهادة معادلة عربية!!

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك