موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



مشاهدة نتائج الإستطلاع: ماهو افضل مركز لتعليم اللغه فى رايك

المصوتون
2429. أنت لم تصوت في هذا الإستطلاع
  • الجامعه الامريكيه

    645 26.55%
  • معهد بيرلتز

    398 16.39%
  • معهد القوات المسلحه

    523 21.53%
  • المعهد الثقافى البريطانى

    733 30.18%
  • معاهد اخرى

    130 5.35%
موضوع مغلق
صفحة 1 من 79 1 2 3 11 51 ... الأخيرةالأخيرة
النتائج 1 إلى 15 من 1185
Like Tree5Likes

الموضوع: محتار تاخد كورس فين !!تعالى معانى واتعرف على كل المراكز

  1. #1
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862

    محتار تاخد كورس فين !!تعالى معانى واتعرف على كل المراكز

    السلام عليكم


    اخوانى الاعزاء اعضاء قسم اللغه الانجليزيه واللغات
    فى الفتره الاخيره كثرت المواضيع المختصه باين اخذ كورس لغه
    وماهى المستويات وما هو الافضل وخلافه

    ومن باب الحفاظ على واجهه القسم قررنا انشاء هذا الموضوع ليكون بمثابه
    مدونه لخبرات من قام بالتجربه سابقا ليعم الفائده وانا من واقع رؤيتى لافضل مراكز تدريس اللغه
    ارى انهم بالترتيب :-

    1-معهد القوات المسلحه |(من حيث التكلفه والافاده)
    2-الجامعه الامريكيه
    3-بيرلتز
    4-المعهد الثقافى البريطانى
    وسنقوم بعمل استفتاء بالاعلى لافضل مكان فيهم

    اخوانى الاعزاء اى حد عنده اى معلومه ولو حتى صغيره
    ياريت ميبخلش علينا بيها اكيد فى ناس هتستفاد بيها ياريت عند زكر اى مركز تكتبو مكانه فين بالظبط
    للتوفير على الاعضاء الكرام



    ومن تاريخ هذا الموضوع اى استفسار عن اماكن الكورسات سيطرح خارج هذا الموضوع
    سيتم حذفه بدون ابلاغ صاحبه ارجو قبول كلامى بصدر رحب

    وهذا ما لدى من معلومات اشارككم بها



    اولا: الجامعه الاكريكيه

    نظام الالتحاق بكورسات اللغة الانجليزية بالجامعة الامريكية بالقاهرة بتاريخ

    اولاً: الكورسات العادية
    عدد المستويات 13 مستوى وعدد ساعات الدراسة فى الاسبوع 3 ساعات
    ومدة المستوى الواحد 3 شهور ورسوم المستوى الواحد 465 جنيه لأول مرة
    والاستمرار 495 جنيه ورسوم الامتحان 50 جنيه اول مرة وبعدها عند الاستمرار 75 جنيه


    ثانياً: الكورسات المكثفة
    عدد المستويات 6 مستوى عدد ساعات الدراسة 6 ساعات فى الاسبوع
    ومدة المستوى الواحد شهر ونصف
    ورسوم المستوى الواحد 930 جنيه لأول مرة والاستمرار 990 جنيه
    ورسوم الامتحان 50 اول مرة وبعدها 75 جنيه

    ثالثاً: المحادثة
    عدد المستويات 6 مستوي وعدد ساعات الدراسة 6 ساعات فى الاسبوع
    ومدة المستوى الواحد 3 شهور ورسوم المستوى الواحد 930 جنيه اول مرة والاستمرار 990 جنيه
    والامتحان 25 اول مرة والاستمرار 50 جنيه

    ملحوظة:معنى "اول مرة" هو انك عندما تبدأ تأخذ اول كورس لك
    ومعنى الاستمرار هو باقى المستويات الباقية لك

    مواعيد الدورات:
    الدورات العادية:
    17 سبتمبر-15 ديسمبر
    23 يناير-17 ابريل
    4 مايو - 27 يوليو
    3 اغسطس - 30 اغسطس


    الدورات المكثفة:
    4 نوفمبر - 17 ديسمبر
    5 مارس - 17 ابريل
    15 يونية - 27 يوليو


    فروع الجامعة
    28 شارع الفلكى - باب اللوق
    تليفون 27976853

    2 شارع الخليفة الهادى من الامام على - ميدان الاسماعيلية - مصر الجديدة
    تليفون 24169600/1/2


    هذه المعلومات اكيدة 100% وانا احضرتها من مبنى الجامعة بالقاهرة
    ورجاء من كل المنتديات الاخرى عدم كتابة معلومات خاطئة عن هذا الموضوع
    لأننى عندما حاولت ان اعرف نظام الكورسات من المنتديات شاهدت كم كبير جدا من المعلومات الخاطئة


    ثانيا : المعهد البريطانى


    ادخل على موقع المعهد البريطانى فى مصر وهذا هو الموقع الرسمى

    الموقع الرسمى


    هذا المعلومات منقوله ورجاء عند نقله ذكر اسم صاحبه
    لصاحبه : اسلام منير




  2. #2
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    كتبت بواسطه العضو
    aboemam2


    بص يا عم ايمن انا قولت ارد اولا لان اسمك على اسمى برضة وكمان لانى انا جربت المعهد البريطانى فى الاسماعيلية وخدت فية المستويات 9&10&11وبصراحة المعهد البريطانى جامد جدا فى كل حاجة .....علشان كدة انصح اى حد انة يجرب المعهد الريطانى

  3. #3
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    كتبت بواسطه العضو

    brooa122


    هو الصراحة أنا مجربتش ولا واحد فيهم بس بسمع من اصحابى انى معهد القوات المسلحة كويس..

    وأنا باخد كوريس انجليزى فى مركز اسمة/ american data center
    ودى فى شارع الطيران فى مدينة نصر .. الميزة الوحيدة اللى فية انة المدرسين اللى فية أجانب

  4. #4
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    كتب بواسطه العضو
    hamota

    أنا أخذت المستويات من 11 الى 13 في فرع الجامعة الأمريكية بأسيوط
    الكورس غير متميز ولولا اني أخذته على حساب الشغل لم اكن لأدفع فيه فلوساً
    اعتقد ان المركز الرئيسي للجامعة بالقاهرة أفضل بكتير

  5. #5
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    كتبت بواسطه
    mannosha2222

    السلام عليكم ورحمة الله
    انا عن تجربتى فى الكورسات انا اخدت فى الجامعة الامريكية 8&9&10 وبصراحة انا مستنفعتش كتير مش عارف لية ممكن يكون علشان الناس فى المركز بيكونو كتير اكتر من 15 فقدرة الاستيعاب مش جامدة اما عن المعهد البريطانى انا سمعت من ناس انه حلو اوى ولما انا جيت علشان اقدم جيت علشان اتأكد انه اللى بيدو هناك اجانب ولا لأ كانت الاجابة انه فى مصرين وحسب حظك والكلاس اللى انت عتبقى فى لكن انا حاليا والحمد لله ربنا وفقنى انى الاقى مركز لسة فاتح جديد فى الدقى اسمه سلانج مان المركز دا بامانة خلانى جميل جدا جدا والاكسنت بتاعتى بقت قريبة من الامريكى وان شاء الله ياريت الكل يدخل على الموضوع اللى هو بتاع عايز اكلم مع حد انجليزى وتقرأو اللى فيه ونقدر ننظم كلنا رحلة او فسحة نتكلم فيها انجلش زى منا كاتب علشان الافادة تعم ان شاء الله اسف على الاطالة ....

  6. #6
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    كتبت بواسطه
    m.hussien


    اولا..السلام عليكم علي الجميع...
    انا عضو جديد معاكو هنا في المنتدي...
    و انا اعتقد ان احسن مكان ممكن تاخد فيه كورس انجليش هوالمعهد البريطاني بدون منافسة..
    بس للأسف غاااااااااااااااااااااااااالي جدااااااااااااااااااااااااااااااااا....انا ماعرفش كام بالظبط بس بسمع انه غالي...
    اما بقي معهد القوات المسلحة.....انا كنت لسه فيه الاسبوع اللي فات و امتحنت امتحان تحديد المستوي..
    و هاخش علي ليفيل 7 و هما 12 ليفيل...
    اول 3 ليفيل ب 320 جنية و من ال4 الي 12 ب 255 جنية.....
    و كل ليفيل ليه الكتاب بتاعه...و الكتاب ب 20 جنية....
    انا للأسف فاتتني الدورة دي....بس ان شاء الله هاقدم في الدورة الجاية اللي هاتبتدي في نص او في اخر سابعة...
    بس علي فكرة انا لما روحت الامتحان اتفاجأت من المنظر هناك...
    اولا المكان نظيف جدا جدا جدا....ثانيا القاعة اللي امتحنا فيها كانت ممتازة..
    القاعة كبيرة و نديفه جدا جدا جدا...و الكمبيوترات اللي بنمتحن عليها ما شاء الله جامدة جدا..شاشات بلازما و اخر دلع...
    نسيت اقول كمان ان امتحان تحديد المستوي ب 20 جنيه...
    اعتقد انا كده قولت كل حاجة عن المعهد...و اي حد عايز اي حاجة انا في الخدمة..

  7. #7
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    اراء لاعضاء قامو بالتجربه



    السلام عليكم
    بس الجامعه الامريكيه مش محترم زى القوات المسلحه ليه علشان الا بيدرس ليك ناس من القوات المسلحه عميد او عقيد
    وفيه التزام والالتزان احيانا يكون هى سبب النجاح
    هبداء فى الكرس فى10/1
    والسلام عليكم


    __________________________________________________ ______________

    مع كامل احترامى للقوات المسلحه بس هما برده على قدهم انا خلصت كورسات الانجليش فى برامج ال Auc ونصيحتى تاخد هناك اللى هيدرسلك احسن كتير وبعدين مع احترامى للأخ اللى بيقول اتزان والتزام احب اقوله ان الانجليش استمتاع لازم تتسلى وتحبه واكييييييد فى القوات المسلحه مش هتستمتع ولا تحبه عن تجربة لصديق ليا بياخد فى القوات المسلحه باباه عقيد ...تانى بأكدلك بلاش القوات المسلحه. وبعدين انا م}من بالتخصص اعطى كل شئ لأهله. وربنا معاك بالتوفيق

    __________________________________________________ _______________


    هاي يجماعة
    أنا خدمت مدة الجيش في معهد لغات القوات المسلحة وانا خريج أداب إنلجش
    وعايز أقول حاجة
    انا كان بيجيلي طلبه بيدرسوا في Auc وكنت بعملهم تحديد مستوى
    على سبيل المثال طالب المستوي السابع في Auc عندنا في القوات المسلحة كان يدوب بيوصل مستوى ثالث
    الفكرة يجماعة ان في القوا ت المسلحة بنركز أكتر على الجانب السماعي أو العملي أكتر من الجانب النظري
    لأنك لما تيجي تكلم حد مش هتكتبله
    هو دا الفرق ال أنا لاحظته في فترة خدمتي في المعهد دا
    والاسعار فعلا زي مقال بس بنضيف ثمن الكتاب ودا حسب المستوى
    وشكرا


    __________________________________________________ _____________

    انا عن نفسي اخدت من المستوي الثالث الى المستوي العاشر في معهد القوات المسلحة وبصراحة مستوي بقي كويس جدا وبقدر افهم انجليزي واتكلم كويس على الرغم اني ما دخلتش دورات محادثةconversation بس كتير قالولي ان معهد القوات المسلحة حلو في الدورات العادية انما مش قد كده في دورات المحادثة ونصحوني اكمل محادثة في الجامعة الامريكية ومنهم ناس درسوا دورات فيها وياما ناس كانت بتدرس معايا في المعهد وكانت بتدرس قبل كده في ال auc بس الصراحة فيه عيب واحد في المعهد وهو ضعف مستوي بعض المدرسين بدرجة عجيبة خصوصا اللي هما ظباط احتياط وخريجين اقسام لغات وبيقضوا فترة تجنيدهم في التدريس وعلى العموم هيا برضه بتعتمد على الشخص ودرجة استيعابه وحبه لتعلم اللغة


    __________________________________________________ ___________

    بصراحة يا جماعة من واقع تجربه حدثت امام عينى لزملائى فى العمل انا اصبحت اشك تماما فى مستوى الجامعة الامريكية ولم يعد لدى اى ثقه فيها
    مهو مينفعش يعنى واحد والله العظيم ما بيعرف يكتب اسمه بالانجليزى و يدخل مستوى ثالث و 3 اخرين مستواهم تعبان جدا جدا (لكن الحق يقال بيعرفوا يكتبوا اساميهم) , و دخلوا مستوى خامس وسادس !! طب إزاى!!!!!

    __________________________________________________ _________

    بص يا سيدى انا درست فترة فى معهد القوات المسلحة

    و كل اللى اقدر اقولة ان المنهج اللى بيستخدمه المعهد جباااار

    و انا مكنتش مصدق ابدا ان المنهج ده من الثمانينات

    فعلا كل اللى اقدر اوصف بيه المنهج انه شبه كامل



    المدرسين فى المعهد بصراحة زى البطيخة

    هم بالفعل اغلبهم ممتازين لكن يمكن المدرس الاساسى بتاعك تحصلله ظروف

    و يجيبولك واحد اقصى حاجه عرفها فى الانجليزى قاعد if

    و ده بالظبط اللى حصل معانا بس بصراحه لما اشتكينا للادارة

    الادارة غيرته و جابتلنا مدرس احسن كتير

    المهم ان المعهد فى المجمل جيد جدا و احب اقول نصيحتين لكل اللى

    ناوى

    مفيش مدرس كويس و مدرس وحش ...... فى طالب كويس و طالب لا

    و اهم اهم حاجه فى الموضوع ان كل الناس بتحاول تدخل اعلى

    مستوى تقدر عليه .. للاسف حتى لو بالغش

    مش مقدرين ان هاتكون فى فجوة بينهم و بين المستوى دة لو هو مش

    مستواهم الحقيقى

    و دة اللى بيحصل مع 90% من الناس

    يا ريت متكونش منهم عشان تستفاد باقدر قدر ممكن

    سلام

  8. #8
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    المعلومات الكامله عن معهد القوات المسلحه

    من جهد العضوه سمرااااااااااء
    بارك الله فيها



    دي كل تفاصيل معهد القوات المسلحة للغات
    بخصوص كورس الانجليزي
    في 3 أنواع
    منهم نوعين زي بعض الاختلاف بينهم بس بيكون في مدة المستوى

    النوع الاول

    منهم الكورس العادي بيكون 12 مستوى
    سعر الكتاب 20 جنيه
    سعر السي دي 25 جنيه
    مدة المستوى 10 أسابيع
    بمعدل 4 ساعات اسبوعي
    ا ممكن يكون الـ 4 ساعات دول على يومين كل يوم ساعتين
    او في يوم واحد


    النوع الثاني

    الكورس المكثف بيكون 12 مستوى
    سعر الكتاب 20 جنيه
    سعر السي دي 25 جنيه
    مدة المستوى 5 أسابيع
    بمعدل 8 ساعات اسبوعيا
    يعني حصتين في الاسبوع
    مدة كل حصة 4 ساعات


    اما النظام الثالث

    اللي بيختلف شوية عنهم
    بيختلف في الكتاب ومالوش سي دي
    وبيختلف في الاسعار
    هو نوع البلازما
    ده الدراسة فيه بتكون عن طريف شاشة كبيرة بدل السبورة يعني
    وده بيكون 8 مستويات
    مدة كل مستوى 4 أسابيع
    بمعدل 8 ساعات اسبوعي
    ا كل اسبوع حصتين
    مدة كل حصة 4 ساعات
    وكتابه مختلف عن النوعين السابقين
    وبيكون سعر الكتاب 40 جنيه
    وسعر المستوى الواحد 320 جنيه


    المعهد ليه 3 فروع

    1- فرع كوبري القبة
    ( الفرع الرئيسي وده بيتاخد فيه محاضرات وكمان ده الفرع اللي بنحجز منه وبنشتري الكتب والسي ديهات )


    2- فرع الدقي
    في شارع نوال بالدقي الشارع اللي امام المركز الثقافي الروسي هو شارع طووووووويل اوي بس موصلاته سهله

    3- فرع شبرا الخيمة
    بس ما اعرفش عنه حاجة



    اللي بيكون مطلوب عند الحجز لاول مرة

    2 صورة شخصية + صورة البطاقة


    ملحوظة مهمة جدا جدا


    يا جماعة ابقوا اسألوا بالتليفون عن مواعيد الحجز بالظبط

    وده التليفون22629831

    وروحوا في اليوم اللي تحددوه بس روحوا من بدري اويييييييي
    يعني اذا قدرتوا تروحوا 8 الصبح روحوا
    صحيح الموظفين ما بيبدأوش شغل قبل 10 الصبح
    بس مرواحكوا بدري عشان تلحقوا رقم تسلسلي
    اصل العساكر بيدوا الناس اللي جايه بدري ارقام
    عشان محدش يبقى جاي بدري ويتظلم ويجي حد تاني لسه جاي ياخد مكانه
    فروحوا بدري عشان تاخدوا رقم قريب
    اصل اللي بيجي بعد الظهر مش بيلحق رقم من كتر اللي بيجوا كتير بدري


    وبالنسبة للمدرسين

    انا جربت فرع الدقي وكوبري القبة
    بس اكتشفت ان فرع كوبري القبة للاسف منتشر فيه المدرسين النص نص
    لان في كتير منهم ظباط وعميد وملازم
    فبيفكروني بمدرسين اعدادي وثانوي
    والكبير منهم سنا بيفكرني بموجه اللغة الانجليزي بتاع اعدادي
    انما فرع الدقي
    رغم ان اغلب اغلب المدرسين اللي فيه صغيرين سنا
    بس رووووووووعة وبيهتموا بكل حاجة الاستماع والقراءة والنطق والكتابة ونطقهم رهيب رهيب ماشاء الله عليهم
    بس طبعا اكيد فيه في كوبري القبة مدرسين كويسين
    بس فرع كوبري القبة ده
    هو اللي بينطبق عليه نظرية البطيخة اللي ذكرهاالعضو BOLA_BARTYواكتشفت ان كل اللي بيقولوا ان فرع القبة احسن فرع ما جربوش اصلا اي فرع غير كوبري القبة

    لكن انا بقول عن تجربتي للفرعين
    وتجربة اصدقاء ليا كمان بياخدوا في فصول اخرى

    ويا جماعة اي مكان بيبني سمعة طيبة او لا بالجروب اللي معاه
    يعني طاقم العمل والمدرسين اللي فيه
    فاللي بيروح اي مكان ويلاقي مدرس كويس بيكون المكان ده في نظره افضل مكان
    والعكس صحيح
    وفي الاخر نصيبنا هناخده لا مفر

    بس بالنسبة للمحادثة فجمعية جيل المستقبل احسن
    يعني بعد ما تبقوا كويسين في الانجليزي
    روحوا قدموا كده في كورس جمعية جيل المستقل
    اسم الكورس bbsa
    ده فيه 4 مستويات محادثة اللي بيدرسوا في معهد بيرلتز للغات
    ده هيكون احسن من الجامعة الامريكية في المحادثة
    والكورس اللي في جيل المستقبل ده الى جانبالانجليزي
    بيدرس
    icdl LOCAL
    وproject mangement
    و business plan
    وده موقع جمعية جيل المستقبل على الانترنتhttp://www.fgf.org.eg/default_arb.aspx

  9. #9
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    اراء اخرى


    ازيكم يا شباب انا باخد كورس انجليزى فى الجامعة المريكية فرع مصر

    الجديدة بجد ناس محترمين وفهمين شغلهم بضبط بيفهمك اللغة بطريقة

    تخليك تحبةوانا بدائت من المستوى الخامس وبكره ان شاء الله عندى

    امتحان ادعولى انجح .

    وبعدين انا ليه واحد صاحبى ابوه عميد وقال ياخد كورس تبعهم وفعلاا

    اخد الكورس بس مكملش لانه دخل بطيخة وخرج بطيخة ....

    نصيحة من مجرب يا الملحق الثقافى البرطانى و داه غالى يئما

    الجامعة الامريكية .

  10. #10
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    كتبت بواسطه
    M_NOUR_2008


    السلام عليكم و رحمة الله و بركاته ازيكوا يا شباب اية الاخبار

    بالنسبة لمعهد القوات المسلحة كان الامتحان فعلا في ورقة بس ده من كذا شهر أنا روحت هناك في اخر فبراير وامتحنت في ورقة كان 60سؤال Listening و 40 سؤالreading و كان رسم دخول الامتحان ب 10ج فقط وكنت تدفع وأنت فوق أقعد في مكانك قبل ما تأخد الAnswer Sheet

    أما الان فبعد ما خلصت الامتحانات روحت علي هناك كان يوم السبت دية لقيت النظام أتغير تماما فبقت رسم دخول الامتحان ب 20 ج وتدفع تحت تديلهه البطاقة يطلعك ورقتين كدة باسمك ورقم بطاقتك واحدة ليك والوقة التانية حياخدهها منك ال Instructor اثناء الامتحان .

    المهم الامتحان بقي علي كمبيوتر 50سؤال Listening و50شؤال Reading بس كدة

    والدورة الجاية ان شاء الله يوم 21/7/2008 والتقديم من اول يوم 15/7/2008 باذن الله

    بس لازم تعمل تحديد مستوي الاول أكيد يعني وكمان يا سيدي لو جبت من 70:74 انت كدة في Level 8

    75:78 >>>>>Level 9

    79:82>>>>Level 10

    دة بالنسبة للGeneral اما بانسبة للConversation

    70:73>>>>Level 1

    74:77>>>>Level 2

    78:81>>>>Level 3

    اما بالنسبة للTOEFL
    80:90 >>>1
    90:100>>>>2

    دة كل اللي اعرفه اما المستويات اللي تحت كدة واللي فوق كدة ماعنديش فكرة بصراحة

    رقم تليفون المعهد 22629831-22629830
    بس حيفدوك فالتليفون لازم تروح أحسن وحتلاقي لوحة في وش الباب هي دية اللي فيها كل الLevels والدرجات

    هم بس يفيدوك ميعاد الدورة يبدأ أمتي و التقديم أمتي غير كدة حيقوللك غلط

    يعني حضرتك تروح زي الشاطر معاك بطاقتك و 20ج تطلع تمتحن تخلص تنزل تقعد تحت لغاية لما النتيجة تنزلهم يندهوه علي اسم سعادتك تخد نتيجتك و تطلع علي اللوحة اللي قلتلك عليها تعرف أنت فين و رايح فين و كدة مش تروح تساللك و يقلك غلط صدقني أنا مجرب بعد كدة تيجي يوم 15/7 تقدم وشكرا

    أرجو أكون أفادتكم

  11. #11
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    بعض الاستفسارات والاجوبه لللاعضاء الكرام نقلتها هنا ليكون هذا هو الموضوع الرسمى
    لاماكن الكورسات والمعلومات عنها


    أنا روحت دفعت الكورس و طلعت ليفيل 9 مش 8 زي ما كانوا قالوا
    المهم أنا عايز أعرف حاجه مهمة بالنسبة للأمتحان العادي اللي بيكون بعد ليفيل 9 اللي بيكون في نهاية الكورس
    هل بيكون على الكمبيوتر و لا ورقة ؟ وهل الأسئلة بتكون أختيارات بس ولا أيه؟ أنا أقصد في كلامي الأمتحان العادي مش الشهادة!!!
    أرجوا الإفادة و شكراً جزيلاً


    _________________________________________-


    ازيك
    انا باخد كورس انجليزى هناك بس انا فى ليفل 5 بس امتحنت قبل كده مرتين والامتحان عباره عن 60 سؤال نصهم سماعى والنص التانى مكتوب فى الورق وكل الاسئله اختيارى وبيكون فى ورق مش على الكمبيوتر انا بتكلم عن ليفل 3 و 4 انا امتحنت بالطريقه مش عارف فى ليفل 9 ايه النظام بس تقريبا بيبقا كدا بردو
    وشكرا
    _______________________________-




    60 سؤال دول الأمتحان العادي ولا أمتحان الشهادة اللي بعد ليفيل 4


    ________________________________


    انا باخد هناك ليفل 8
    لسة بادىء من كام يوم
    مش عارف انت بتسأل مين
    متسأل هناك وخلاص
    هنا مش هتاخد اجابة واحدة
    كل واحد لة رأية
    ونا اعتقد ان طريقة الامتحان بتختلف من ليفل للتانى
    تعديل / حذف المشاركة


    ____________________________

    ملحوظة اخى العزيز
    الليفلات 12 مش 9
    والامتحان نمطه مش بيتغير
    بينقسم ما بين سماعى وكتابى
    والامتحان ده انت مش بتاخد بيه شهاده فعليه
    ده مجرد امتحان يؤهلك للمستوى التالى بعد النجاح فيه
    ارجو ان اكون افدتك


    _________________________________


    بالفعل هما 12 ليفل وانا اخدت كل اليفلات هناك انا حاليا في ليفل 12 وانا عندي ورق امتحانات زي اللي بتيجي في نهايه كل ليفل ولو حد عايز اي سؤال او استفسار يبعتلي رساله علي الخاص ويتركلي ايميله وانا تحت امركم


    _______________________________


    أنا عارف أن هما 12 ليفيل
    بس أنا كنت أقصد الأمتحان العادي مش أمتحان الشهادة اللي بعد ليفيل 9
    بالنسبة للناس اللي بتقول الأمتحان فيه جزء سماعي و جزء كتابي هل كل الأسئلة إختيارات ؟ ولا إيه ؟؟
    وهل بيكون الجزء السماعي على الكمبيوتر و لا في معمل اللغات اللي فيه الهيدفونات ؟؟؟
    والنجاح من كام فيه ؟؟؟؟؟؟؟ وهل بيكون صعب ولا اللي ذاكر الكتاب بينجح ؟؟؟
    شكراً جزيلاً لكم على مشاركتكم


    __________________________












  12. #12
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    المشاركه الاساسيه كتبت بواسطه
    dida07



    انا لسه فى بداية كورس محادثة فى معهد القوات المسلحة
    النظام كالتالى بتروح تعمل اختبار لتحديد المستوى
    على فكرة الاختبار 100 سؤال فى ساعة ومنهم اسئلة استماع فى المعمل و الباقى reading
    او لو عايز تدخل من level 1 على طول براحتك
    لكن لو عملت الاختبار هيتحدد مستواك و بناء عليه هتدخل الليفل اللى حسب درجتك اللى اخدتها
    الكورس نوعين general و ده 12 مستوى و conversation و ده 8 مستويات بس المحادثة اعلى فى المستوى من العادى general
    سعر الليفل 255 جنيه و فى كتاب العادى ب 15 جنيه و المحادثة بيتصور الجزء الخاص بمستواك بس لانه غالى اوى ب 150 جنيه
    و اللى شوفته ان الاساس المدرس لو حلو هيكون تمام و لو مش اوى هتستفاد برضه بس مش اوى
    التعديل الأخير تم بواسطة aymanforenglish; 25-06-2008، الساعة 04:02 PM

  13. #13
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862

    وده رقم معهد القوات المسلحة:2629831
    __________________

  14. #14
    الصورة الرمزية aymanforenglish
    تاريخ التسجيل
    Apr 2006
    المشاركات
    2,862
    محتاج مشاركتكم يا جماعه
    اللى عنده اضافه يتفضل مش هناخد فلوس من حد
    محدش يخاف

  15. #15
    تاريخ التسجيل
    Jul 2007
    المشاركات
    5
    انا عابز اعرف الليفل الواحد بكام فى القوات المسلحه
    الليفل الواحد
    انا لو دخلت من الاول هاخد ايه فى الاول a.b.c والكلام ده ولا ايه
    وعايز حد يقولى العنوان بالظبط والنبى
    بس امه حاجه السعر كام وبدايه الدوره الجايخ امتى

موضوع مغلق
صفحة 1 من 79 1 2 3 11 51 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك