موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 21 1 2 3 11 ... الأخيرةالأخيرة
النتائج 1 إلى 15 من 304
Like Tree1Likes

الموضوع: حسابات العملاء والموردين ورقابة الصناديق**عملى**

  1. #1
    الصورة الرمزية albashmohaseb
    تاريخ التسجيل
    Apr 2006
    المشاركات
    90

    Flag Egypt حسابات العملاء والموردين ورقابة الصناديق**عملى**






    اخوانى الأعزاء أعضاء المنتدى الجميل
    تحية طيبة وبعد
    انا عضو فى المنتدى ده من أكتر من سنتين وبصراحة استفدت منه ومن أعضاءه كتير جدا وبوجه لكل الأعضاء أسمى وأغلى معانى الشكر
    انا فى الحقيقة طول المدة اللى فاتت دى كنت بقرأ المعلومات وانزل الملفات الموجودة ولكن عمرى معملت موضوع يمكن لانى مش كان عندى اللى أقدمه لكن بامر الله اليوم
    ورداً للجميل هيكون موضوعى الأول باذن الله عملى وباكررها عملى يعنى زى انا مبشتغل بالظبط
    واتمنى ان اساهم ولو بمعلومة جديدة لجميع الأعضاء
    اسف على الاطالة وندخل بقى فى الجد

    بسم الله الرحمن الرحيم

    الدرس الأول

    النقاط الأساسية التى سيتم شرحها بالتفصيل

    1- حسابات العملاء
    -يعنى ايه عميل
    -يعنى ايه فاتورة مبيعات
    -كيفية متابعة عمليات البيع فى النشاط التجارى أو الانتهاء من تأدية الخدمة فى النشاط الخدمى
    -على اى اساس يتم اصدار فاتورة المبيعات
    -تسجيل عملية استحقاق الايراد
    -وماهو كشف حساب العميل
    -كيف تتم عملية المطالبة والسداد
    -تسجيل عملية السداد
    -يعنى ايه حد ائتمانى
    -متابعة عملية التحصيل للعملاء ومعرفة عمر الدين
    -متابعة عملية التسعير للخدمة أو المنتج والمقارنة
    -ميزان مراجعة العملاء
    -ماهو التوجيه المحاسبى فى حالة عدم مطابقة فاتورة المبيعات للمبلغ المسدد من قبل العميل
    -الملفات الخاصة بفاتورة المبيعات,كشف حساب العميل,عمر الدين,مقارنة الأسعار

    وده ان شاء الله هيكون الجزء الخاص بحسابات العملاء وطبعا الموضوع مفتوح يعنى اللى عنده اضافة أو تعديل فله منى جزيل الاحترام والشكر والتقدير واللى عنده استفسار انا تحت أمره بس فى الجزء المشروح فقط

    وياريت تلتمسولى العزر لأنى مش اقدر اقعد نت أكتر من ساعة فى اليوم وان شاء الله كل يوم ناخد جزء وأتمنى للجميع التوفيق
    وكل عام وأنتم بخير
    لك وحدك يا صديقى
    طول عمرك سد لينا وغلاوتك ملها حصر
    حلمك فينا ينادينا انك كابتن مصر
    ووعد منى ليك وربى شاهد عليه لو كان فى العمر باقى فضلك انا مش ناسيه
    رجاء من كل واحد لو فرصته سانحة وشاف تلك الرسالة اسأله الفاتحة
    فارس الواقعية
    محمود فوزى

  2. #2
    الصورة الرمزية mr_adham
    تاريخ التسجيل
    Oct 2007
    المشاركات
    3,077
    تابع علي بركه الله اخي
    واعتقد ان القسم المناسب هو
    قسم المحاسبة والمراجعة والضرايب
    لذا تم النقل


    متابع معاك

    وسيتم التثبيت حال اكتمال الموضوع ان شاء الله


    نهايه الرحلة بالنسبه لي في الديفيدي
    لاعضاء منتدي التجاريين
    لاي استفسار او طلب محاسبي او وظيفي
    يسعدني تلقيه عبر الايميلات المذكورة في ملفي الشخصي







  3. #3
    الصورة الرمزية albashmohaseb
    تاريخ التسجيل
    Apr 2006
    المشاركات
    90

    Flag Egypt بسم الله عليه توكلنا واليه يرجع الأمر كله

    اقتباس المشاركة الأصلية كتبت بواسطة mr_adham مشاهدة المشاركة
    تابع علي بركه الله اخي


    واعتقد ان القسم المناسب هو
    قسم المحاسبة والمراجعة والضرايب
    لذا تم النقل


    متابع معاك
    وسيتم التثبيت حال اكتمال الموضوع ان شاء الله


    تحية معطرة بأسمى آيات التقدير لك أخى مستر أدهم

    ونتابع

    بسم الله الرحمن الرحيم

    الدرس الأول/1



    1- حسابات العملاء
    -يعنى ايه عميل
    العميل هو الشركة أو الشخص (الكيان) الذى تقدم له شركتك الخدمه أو تباع له السلعه من أجل تحصيل مبلغ مالى .....................< يعنى الشركة بتبيع سلعة أو بتقدم خدمة مقابل الحصول على عائد مادى من مين من العميل
    العميل بينقسم الى 4 أنواع أنا معرفش غيرهم وهم:-
    *عملاء عقود مباشرة main contract
    يعنى ايه (يعنى شركتك هى المتعهد الرئيسى او الوكيل لتأدية الخدمة أو امتلاك السلعة)
    *عملاء عقود غير مباشرة/عملاء من الباطن sub contract
    يعنى ايه ( يعنى شركتك لاتتعامل مباشرة مع الشركة التى تقدم لها الخدمة او المنتج او السلعة او الخامة ولكنتعاملها المباشر مع المتعهد الرئيسى صاحب العقد المباشر main contract)
    *عملاء بدون عقود without contract
    يعنى ايه (نفس الشكل السابق وهو العميل من الباطن ولكن لم يتم عمل اى عقد كتابى بين الشركة والعميل)
    وأهم مايميز هذا النوع من العملاء هو عدم الارتباط بتأدية الخدمة أو تمليك السلعة للعميل ولكنة عميل يومه أو سد خانة زى مبيقولو على متفرج والاتفاق بيكون عن طريق السمعة الطيبة للشركة وعروض الأسعار المتبادلة عبر الفاكس
    *عميل نقدى cash customer
    وده العميل اللى بتحصل منه أجر الخدمة أو السلعة وقتى أو بعد تأدية الخدمة أو استلام السلعة وقت تحقق عملية الايراد والعملية دى ليها اسم تانى بالبلدى كده او زى التجار اللى مبيفهموش حاجة فى المحاسبة بيسموها الايجار قدام
    -يعنى ايه فاتورة مبيعات
    فاتورة المبيعات هى الكشف المرسل للعميل لاخطاره بالمديونية........................< يعنى العميل طلب منك خدمات أو سلع أو منتجات أو خامات طول الشهر والمفروض طبعا ان كل دهم تسجل عنده على حسب السعر المتفق عليه بين الشركتين واللى انت بالنسبه ليه بتبقى مورد فبتقوم انت زى الشاطر بترسله فاتورة المبيعات بتاعتك واللى فى وقتها طول بتسجل عملية الايراد ولما بتوصل للعميل فاتورتك بتبقى العملية بالنسبة للعميل عملية مطابقة (يعنى الكلام اللى فى الفاتورة ده مظبوط ولا لاء ) طبعا الفاتورة بتبقى بالاجماليات ويفضل لو أرفقت مع الفاتورة كشف تفصيل بكافة العمليات المدرجة بالفاتورة
    الفاتورة طبعا لازم يكون عليها شعار الشركة وتوقيع المحاسب والاعتماد من رئيس الحسابات أو المدير المالى وختم الشركة
    ملحوظة
    المحاسب اللى بيعمل فاتورة المبيعات كل مكانت فواتيره للعميل مظبوطه دا بيدى انطباع جيد جدا لدى العميل بنظام الشركة وبيسهل من عملية مراجعة الحسابات لدى العميل وبالتالى فالتحصيل بيكون أسرع

    يارب يكون الاسلوب مفهوم أو على الأق مختلف وأكون سعيد جداً لو حد استفاد بمعلومة جديدة

    مع ارق تحياتى وان شاء الله نكمل بكره

  4. #4
    الصورة الرمزية albashmohaseb
    تاريخ التسجيل
    Apr 2006
    المشاركات
    90

    Flag Egypt توكلنا على الله

    نتابع
    الدرس الأول/2
    -كيفية متابعة عمليات البيع فى النشاط التجارى أو الانتهاء من تأدية الخدمة فى النشاط الخدمى
    الكلام ده يعنى ايه بقى (خلاص نتفاهم)
    دلوقتى افترض ان نشاطك خدمى (يعنى بتأدى خدمه وبتاخد أجر مقابل ت
    ادية الخدمة) طيب ده كلام جميل وبعدين ............ !
    المفروض فى مناديب ومشرفين فى الشركة وظيفتهم (اللى انت بتحددهلهم) بتكون بالنسبالك وظيفتهم ترتيب وادخال البيانات أو على الأقل تسجيل للبيانات ووقتها لازم تعمل نظام كويس عشان نفسك لان كل مكان المندوب بيشتغل بنظام معلوماتك بتكون سليمة وشغلك بتنجزه فى اقصر وقت ممكن
    طبعا الكلام كده تقريبا مش مفهوم
    اوكى على سبيل المثال:-
    افترض ان شركة خدمية نشاطها النقليات (يعنى سيارات نقل تقيل)
    نوع الخدمة اللى بتقدمها نقل البضائع من شركة التحميل الى العميل (العميل اللى السيارة بتنزل الحمولة عنده دا عميل بالنسبة للشركة اللى بتحمل منها أما العميل بالنسبة ليك هى شركة التحميل نفسها) مقر التفريغ
    طيب البضاعة بتخرج من شركة التحميل بحاجة اسمها سند تسليم البضاعة او Delivery عبارة عن ايه سند التسليم عبارة عن مستند من اكتر من صورة الأصل بيكون مع قسم الشحن فى شركة التحميل وصورة مع الأمن وصورتين مع السواق واحدة بياخدها المستودع اللى السيارة بتفرغ فيه والتانية بتتختم وتتوقع من المستودع وتفضل مع السواق لحد ميوصلها للمندوب أو المسئول
    المندوب بقى بيكون شغله عباره عن شحن السيارات (تحميلها) وتسجيل كافة البيانات المتعلقة بالشحنة (الحمولة) وفى الشركات الكبيرة بيكون فى موظف لادخال البيانات ولو مش موجود مدخل بيانات المندوب هو اللى بيقوم بالوظيفة دى (تسجيل البيانات دى بيكون فى ملف اسمه ملف الحركةMovement) فى وظيفة مهمة جدا فى نشاط النقليات اسمه مدير العمليات او الحركة وشغله بيقوم على توجيه السيارات بطريقة سليمة من خلالها يمكن تحقيق أعلى ربح ممكن وأقل تكاليف ممكنة وعمل تقرير يومى بعدد السيارات التى تم شحنها ومن أى عميل تمت عملية الشحن(التحميل) ولأى اتجاه (منين لفين)
    كل اللى فات ده عشان أوصلك لنقطة مهمة جداً وهى انك بتتابع عملية الانتهاء من الخدمة من جانبين وهما
    1-التقرير اليومى لمدير العمليات فى نشاط النقليات (نشاط خدمى) أو مندوبين البيع أو رئيس قسم المبيعات فى النشاط التجارى مع البيانات المدخلة عن طريق مدخل البيانات أو المندوب بتاعك وفى الوقت ده أنت بتعمل ملف حركة لنفسك انت هو هو ملف الحركة اللى بيشتغل عليه المندوب أو مدخل البيانات بس ده بيكون ملف شامل فيه كل العملاء وشغل كل المناديب (الفروع/المشاريع) وملفك الشامل ده مهم جدا فى عمليات الرقابة على المصروفات والكلام ده مش وقته دلوقت
    2-سندات (أذون) تسليم البضاعة فى نشاط النقليات أو فواتير البيع فى النشاط التجارى مع ملف الحركة الشامل بتاعك واللى منه تقدر تعرف ايه الأذون اللى لسه موصلتكش أو أن فى أذون وصلت وأصلا مش متسجله من أساسه هنا بقى تعرف أن فى خلل ميتسكتش عليه وعمل مذكرة بالكلام ده وتقديمها للمدير المالى لمحاسبة المقصر
    ملحوظة
    ملف الحركة مدرج بالمرفقات وتقدر أنت تطوعه حسب نوع نشاطك ولو واجهتك أى مشكلة فيه أنا فى الخدمه
    اشفكم بكرة
    الملفات المرفقة
      عذراً, لا تستطيع مشاهدة المرفقات إلا بعد الرد على الموضوع

  5. #5
    تاريخ التسجيل
    Aug 2007
    المشاركات
    120
    مشكوررررررررررررررررر

  6. #6
    الصورة الرمزية a1haibar
    تاريخ التسجيل
    Jun 2008
    المشاركات
    179
    thx so much ya man

  7. #7
    تاريخ التسجيل
    Apr 2008
    المشاركات
    407
    thx so much ya man

  8. #8
    تاريخ التسجيل
    Jul 2007
    المشاركات
    194
    شكرا يا كبير علي موضوعك الرائع
    " ليس للعلم وطن و لا للحكمة دار، بل العاقل من له في كل ارض مدرسة، و على كل طريق استاذ"

    المحاسب / رامي رمضان

  9. #9
    الصورة الرمزية albashmohaseb
    تاريخ التسجيل
    Apr 2006
    المشاركات
    90

    Flag Egypt توكلنا على الله

    بسم الله الرحمن الرحيم

    انا عاجز عن شكر اى عضو قرأ م كتبته ولو للعلم بالشىء خير من الجهل به

    ونتابع


    الدرس الأول/3

    -على اى اساس يتم اصدار فاتورة المبيعات
    طبعا فاتورة المبيعات بيتم اصدارها (تسجيلها ومراجعتها وطباعتها) بناء على سندات تسليم البضاعة أو فواتير المبيعات
    طب دا كلام جميل ومفهوم بس مش دى قضيتنا فى اللى أهم من كدة اللى هو:-
    ضوابط (المحددات/الجوانب التى تهم محاسب العملاء) لاصدار فاتورة المبيعات:-
    1- التأكد من تطابق كشف الحركة المرفق فى الدرس السابق (هو عبارة عن مسيرة عمليات البيع) مع فواتير البيع أو سندات تسليم البضاعة.
    2- مراجعة الأسعار بدقة قبل وضعها فى فاتورة المبيعات وأصدار الفاتورة ................................... بمعنى كشف الحركة السابق به عمود مخصص للسعر فلابد من التأكد من مطابقة اجمالى السعر فى الكشف السابق مع المبلغ الاجمالى الموجود بفاتورة المبيعات.
    3- فى حالة فقدان أحد سندات التسليم أو فواتير البيع يتم استخراج بدل فاقد منها وختمها من العميل مرة أخرى أو ارسال صورة مختومة من العميل عبر الفاكس (فى حالة سندات تسليم البضاعة).
    4- فاتورة المبيعات بالطبع لها أرقام مسلسلة Serial إن كان لديك برنامج محاسبى تعمل عليه فان فاتورة المبيعات يتم طباعتها اجبارى برقم يتبع الرقم السابق وهو الاجراء الطبيعى الذى يتبعه المحاسب فى حالة العمل بدون برنامج محاسبى (يدوى ببرنامج الاكسيل) وفى هذه الحالة يجب اتباع الخطوات التالية:-
    أ- يستحسن عمل ملف شهرى لجميع الفواتير المصدرة خلال شهر معين وطبعا الفواتير بتبقى ارقامها مسلسلة (مثلاً اخر فاتورة مبيعات لشهر أكتوبر 2009 كان رقمها 240 فان أول فاتورة يتم اصدارها فى شهر نوفمبر 2009 يكون رقمها241 والتى تليها 242 ..... وهكذا)
    ب- فى بعض الشركات يتم تسليم سندات تسليم البضاعة فى اخر كل شهر وذلك لكثرة (العدد الهائل) من سندات التسليم ووقتها تكون فاتورة المبيعات شهرية برقم معين.
    ملحوظة:-
    @ من عيون الفاتورة الشهرية ان مبلغها مع العملاء(الشركات الكبيرة) قيمته كبيرة نسبياً مما يؤدى اى تاخير شيك السداد من قبل العميل وذلك عن تجربة شخصية ولتفادى هذه المشكلة يمكن تقسيم فاتورة المبيعات الى اجزاء................... يعنى على افتراض ان من يوم 1/11/2009 الى يوم 15/11/2009 كان هنا مستحق قيمة اجور نقل ل 500 سند تسليم بضاعة ونفس العدد من يوم 16/11/2009 الى نهاية الشهر فيمكنك عمل الفاتورة على جزئين يتم تقديم الجزء الاول خلال الشهر والثانى فى نهاية الشهر(طبعا مش هيبقى فى اخر الشهر بالظبط يعنى يوم 2 او 3 فى الشهر الجديد على متوصلك السندات الباقية و تنظمها وتعملها الفاتورة ووقتها تعمل الفاتورتين برقم واحد ولكن مقسم على الشكل ده مثلاً 243-1 (الجزء الاول من الفاتورة) 243-2 (الجزء الثانى) او تخليها تلت او اربع اجزاء انت حر المهم انك تقدر تحكمها
    @ خطأ قاتل شفته بعينى فى شركة حديد كبيرة وهو (يتم اصدار فاتورة المبيعات) بناءً طباعة سند التسليم وليس الاشعار بالاستلام أو التأكد من خروج البضاعة من الشركة اساساً ................. يعنى تخيل انك محاسب فى مصنع لانتاج الحديد الصلب العملاء بتوعك هما اصحاب مستودعات الحديد وبتتعاملو بطريقة الدفع مقدما يعنى وقت ميوصلك حافظة الايداع(اشعار او نموذج الايداع بالبنك) بيتم طباعة سندات التسليم بالكمية المطلوبة من العميل (اصحاب المستودعات) المفروض والغلطة اللى شفتها انك بتعمل فاتورة المبيعات بناء على سندات تسليم البضاعة اللى انطبعت وتم الاعتماد بتوقيع مسئول الشحن والمدير المالى (الحسابات) وده لان عملية السداد سبقت واقعة الاثبات او الاستحقاق (بقى فى الحالة دى ايراد مقدم) أنا من وجهت نظرى متعملش فاتورة المبيعات الا بعد م السيارات تخرج من المصنع وتشوف بعينك توقيع السائق وختم الامن بخروج السيارة لأن فى الحالة دى بتكون الشركة الناقلة هى المسئولة عن البضاعة ولو فى اى مشاكلة من ناحية جودة البضاعة او النقص بيبان وقت محاسبة الناقل باستلام سندات التسليم عليها توقيع وختم العملاء(المستودعات)
    لحد دلوقتى معرفناش طبيعة الغلطة او بتحصل ازاى ............. خد عندك الفاتورة انطبعت ووصلت للسائق والسائق مدخلش المصنع يحمل اساساً أو كان فى غلطة من البداية بين قسم الشحن والانتاج وتم طباعة سندات التسليم لانتاج أو بضاعة غير متواجدة من اساسه وطبعا السائق بياخد السند (اذن التسليم) ويدخل يحمل ميلاقيش انتاج ساعتها بياخد سند غيره بانتاج أو مقاس تانى غير الأول وطبعا سند جديد مش تعديل فى السند القديم ووقتها اما أن السائق بيخلى السند القديم معاه أو بيديه للمسئول فى شركة النقل واحتمال كبير يضيع ووقتها يبقى انت حملت العميل ببضاعة مستلمهاش اساسا وعمرك مهتكتشفها الا اذا العميل طالبك بيها وبيطالبك فعلا وبيبقى منظرك زبالة لعدم وجود نظام جيد متبع.

    مرفق شكل فاتورة المبيعات وكيفية تقسيمه
    ملحوظة الملف به خاصية التفقيط و أى استفسار فى موضوع التفقيط العبد لله فى الخدمه
    الملفات المرفقة
      عذراً, لا تستطيع مشاهدة المرفقات إلا بعد الرد على الموضوع

  10. #10
    الصورة الرمزية rafiek
    تاريخ التسجيل
    Jul 2007
    المشاركات
    482
    موضوع جميل ومفيد جزاك الله خيرا
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
    كلما
    أدبني الدهر أراني نقص عقلي .. و كلما ازددت علماً زادني علماً بجهلي

    Accounting I.S Consultant
    Computerized Accounting Specialist
    Email: pct,egypt@gmil.com
    +201115049966


  11. #11
    الصورة الرمزية albashmohaseb
    تاريخ التسجيل
    Apr 2006
    المشاركات
    90
    اقتباس المشاركة الأصلية كتبت بواسطة rafiek مشاهدة المشاركة
    موضوع جميل ومفيد جزاك الله خيرا
    شكرا جزيلا أخى رفيق وان شاء الله انتظر المزيد
    تقبل تحياتى

  12. #12
    تاريخ التسجيل
    Jan 2007
    المشاركات
    126
    موضوع جميل ومفيد جزاك الله خيرا

  13. #13
    الصورة الرمزية loveme7448
    تاريخ التسجيل
    Apr 2004
    المشاركات
    5,565
    جزاك الله خير مجهود رائع

    استمر بارك الله فيك

    [SIZE=&quot;5&quot;]
    [COLOR=&quot;Black&quot;]عن أبي هريرة رضي الله عنه قال :
    قال صلى الله عليه وسلم :
    [/COLOR]
    [/SIZE]
    [COLOR=&quot;DarkGreen&quot;][SIZE=&quot;4&quot;][ سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضة قيل وما الرويبضة قال الرجل التافه ينطق في أمر العامة ][/SIZE][/COLOR]


    [SIZE=&quot;3&quot;][COLOR=&quot;Navy&quot;]الراوي: أبو هريرة المحدث: الألباني - المصدر: صحيح ابن ماجه - الصفحة أو الرقم: 327[/COLOR][/SIZE]


    [COLOR=&quot;Red&quot;][SIZE=&quot;4&quot;]
    [SIZE=&quot;5&quot;]أعتذر عن عدم الرد على الرسائل الخاصه لإنشغالي الشديد هذا الأسبوع[/SIZE]
    [/SIZE][/COLOR]

  14. #14
    تاريخ التسجيل
    Oct 2007
    المشاركات
    54
    بارك الله فيك أخى الفاضل على هذه المعلومات الجميلة جعلها الله فى ميزان حسناتك وأتمنى الجديد فى علم المحاسبة

  15. #15
    تاريخ التسجيل
    Sep 2007
    المشاركات
    86
    thanxxxxxxxxxxxxxxxxxxxxxxxxxxxxxxxxxxxxxxxxx

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك