موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 17
Like Tree0Likes

الموضوع: اليكم السر وراء الالغاء المفاجىء لعرض اتصالات الخاص بالتحدث ساعتين مجانا

  1. #1
    تاريخ التسجيل
    Apr 2007
    المشاركات
    415

    اليكم السر وراء الالغاء المفاجىء لعرض اتصالات الخاص بالتحدث ساعتين مجانا

    اتصالات اضطرت تلغى العرض بعد ما كان مقرر استمراره شهر تحت ضغط من الجهاز القومى للاتصالات حماية للتليفون الارضى لان الناس بدات تستخدم العرض فى التحدث بدلا من الارضى لان الساعة فى الارضى ب 125 قرش يعنى الساعتين ب 250 قرش وده بفرض انك بتتكلم متصل ولكن لو قفلت وطلبت تانى السعر يزيد لان اول دقيقة من كل مكالمة ب 6 قروش وبعد كده الدقيقة بقرشين بينما فى عرض اتصالات الساعتين ب 20 قرش مهما تقفل وتتكلم تانى

    والدليل فى الرابط التالى

    http://www.masrawy.com/News/Egypt/Ec...1/mobiles.aspx

    جهاز الاتصالات يطالب شركات المحمول بوقف عروض ترويجية تؤثر على جودة الخدمة 4/21/2008 8:12:00 PM

    القاهرة- محرر مصراوي- صرح وزير الاتصالات وتكنولوجيا المعلومات الدكتور طارق كامل بأن مجلس إدارة الجهاز القومى لتنظيم الاتصالات طالب شركات المحمول بوقف العروض الترويجية التى تؤثر على جودة الخدمة وذلك لصالح المواطن والشركات فى نفس الوقت.

    وقال كامل - فى تصريح له يوم الاثنين -ان السياسة العامة التى ينتهجها الجهاز القومى لتنظيم الاتصالات مستمرة فى تشجيع العروض الترويجية بغرض التخفيف على المواطن وإتاحة خدمات جديدة وإدخال أكبر شريحة من المستخدمين لخدمات التليفون المحمول والاتصالات بصفة عامة..لافتا إلى أن الجهاز لايتردد فى إيقاف العروض التى تضر بمصلحة المواطن والشركات وتمس جودة الخدمة الخاصة بالشبكات أو يكون بها إغراق طبقا لعمليات الدراسات الاقتصادية التى يقوم بها الجهاز لحسابات التكلفة والعائد.

    وأوضح أن بعض العروض التى طرحت فى الفترة الأخيرة تسببت فى تدنى واضح لمستوى جودة الخدمة لذلك لم يتردد الجهاز فى المطالبة بوقفها على الفور.

    وأضاف:إن الجهاز يوافق على العروض الترويجية بهدف دعم إتاحة الخدمة وفتح باب المنافسة بحيث لا يكون ذلك على حساب جودة الخدمة للمواطن .. مشيرا إلى أن الجهاز لا يقبل أن تكون الأسعار أقل من التكلفة لانها فى هذه الحالة يكون بها شبهة الإغراق.

  2. #2
    شكرا على المعلومات

    :Contact me at
    gsg@hotmail.sg

    01091940800

    01287725111

    01114900915


  3. #3
    الصورة الرمزية cortiza
    تاريخ التسجيل
    Sep 2006
    المشاركات
    1,578
    شركه تعبانه يا جدعان لما انتوا مش اد الموضوع بتعملوه لييييييييييييه فهمونى
    IaM ThE LiBrA A SigN Of ThE RiGhT


  4. #4
    الصورة الرمزية lemo147
    تاريخ التسجيل
    Jun 2007
    المشاركات
    1,802
    طيب والناس الغلابه اللي معاهم اتصالات يعملوا ايه


  5. #5
    تاريخ التسجيل
    Apr 2005
    المشاركات
    173

    كلام غير منطقي اشمعنا يعني اتصالات بس هي الي تلغي العرض اولا عرض اتصالات هو من رقم اتصالات لرقم اتصالات فقط وليس للأرضي او لشركة محمول اخري ثانياهو عدد مشتركي اتصالات فمصر اد اية , العدد الفعلي مش الي مشتري خطوط بمعني ان كتير مننا معاة خطوط اتصالات وراكنها وشغال برقمة الأساسي الي هو موبينيل او فودافون وبيشغل اتصالات لما يكون في عروض ترويجية فقط يعني عرض اتصالات مهما كان مغري مش هيستفيد منة غير عدد قليل من المستخدمين
    غير كدة موبينيل عملت عروض كتير للتحدث المجاني ومش ساعتين فقط دة احيانا بتكون يوم كامل ومحدش قالها تلغية
    اهم حاجة لنجاح الشركة هو التزامها وموبينيل بتحترم عملائها عشان كدة عندها اكبر عدد لمشتركي المحمول في مصر



  6. #6
    تاريخ التسجيل
    Sep 2005
    المشاركات
    442
    بصراحة يا باشمهندس كلامك غلط خالص مع احترامي لك


    و حتي الخبر اللي انت نقلته دليل علي ان كلامك مش دقيق

    الخبر بيقول ان الجهاز القومي الغي عروض لانها اثرت علي جودة الخدمة و لم يقل لا ارضي و لا غيره

    و فعلا الشبكة ثالث يوم و رابع يوم العرض كانت اسوا من اسوا شبكة محمول في افقر دولة متخلفة في العالم!!!!!!!!!

    لدرجة اني قعدت ساعة و ربع تقريبا احاول اتصل برقم و هو يحاول يتصل بي و مش عارفين


    عشان كده العرض اتلغي

    و لو مكانش الجهاز القموني هو اللي لغاه كان لا زم الشركة تلغيه حفظا علي كرامتها

    مع كل حبي للشركة ده و دفاعي عنها لكن انت متعجب من سوء مستواها

    شركة دفعت 17 مليار جنيه و مش عارف تقدم خدمة محترمة؟!!!!

    الشركة بقالها سنة كاملة(الا عشرة ايام)) و مع ذلك لم توفق اوضاعها

    مش عارف اقول ايه

    بس يا خسارة

  7. #7
    الصورة الرمزية م.عمرو
    تاريخ التسجيل
    Jul 2005
    المشاركات
    1,265
    كلام الدكتور سعيد جزء كبير منه صحيح

    بس اختلف معاه في كذا نقطة

    شركة اتصالات مصر ناجحة جدا ومن يوم ما بدأت في السوق المصرية وهي بتعمل بجهد فعلا على تحسين خدماتها وتقوية شبكتها والكلام ده بلاحظه فعلا بنفسي من فترة للتانية بسبب سفري الدائم

    وكويس فعلا ان الجهاز القومي لتنظيم الاتصالات تدخل بنفسه لإلغاء العرض الخاص بيها لأنه فعلا اتعمل من غير دراسة عن ما اذا كانت ابراج الشركة هتتحمل الضغط الرهيب الي هيحصل عليها من جراء قيام جميع مشتركيها باستغلال الساعتين المجانيتين كل يوم، كان المفروض يكون في عرض غير ده ومدروس بعناية شديدة وتعمل في حسابها انها لسة بتنمو وشبكتها متتحملس اي هفوة في الوقت ده علشان هتأثر جامد على سمعتها بس ده محصلش للأسف مع ان عروض موبينيل وفوادفون الحالية مستمرة ومتلغتش لأن شبكتها قوية وتقدر تتحمل ضغط المكالمات الزيادة غير اتصالات الي لسة في مرحلة النمو

    ولكن في النهاية أرجع وأقول انها لسة في اولها بقالها سنة بس في السوق ومننساش يا جماعة فودافون وموبينيل اول ما نزلوا السوق المصرية كانوا عاملين ازاي كانوا زي ما الدكتور سعيد بيقول اسوا من اسوا شبكة محمول في افقر دولة متخلفة في العالم واخدوا كام سنة على ما حسنوا أوضاعهم

    اتصالات شركة محترمة جدا في الإمارات بلدها الأم وعن تجربة وخدمات مش موجودة حتى في أمريكا وأوروبا، ونجحت نجاح رائع في السوق السعودية من خلال شركة موبايلي وبقى ليها كيانها وسمعتها المحترمة

    بس أدوها وقت تطور فيه نفسها وبعد كده نقدر نحكم عليها، المشكلة ان المصري لما بيدخل شريك في اي حاجة بيخربها ومش بتطور بالسرعة المطلوبة وبيبقى يومها بسنة زي حكومتنا كده وبيبقى فيها نوع من الإهمال، وده أظنه الي حصال في اتصالات مصر ولكن أملنا فيها كبير في إنهاء الإحتكار

    أخوكم عمرو
    التعديل الأخير تم بواسطة م.عمرو; 22-04-2008، الساعة 04:02 PM

  8. #8
    الصورة الرمزية sabryfouad
    تاريخ التسجيل
    Jul 2007
    المشاركات
    536
    اكيد فى سبب اخر لالغاء العرض ممكن الخساره والعضو اللى بيسوى دعايه لمنتداه استحى على وجهك فانت فى الديفيدى مافى احد يسيبه ويروح لمنتدى اخر


    هب ان قدملكت الارض طرا
    ودان لك العباد فكان ماذا
    غداتسكن جوف قبر
    ويحثوالتراب عليك هذاثم هذا

  9. #9
    الصورة الرمزية XFady
    تاريخ التسجيل
    Oct 2003
    المشاركات
    2,017
    السلام عليكم
    يا جماعة ما الموضوع واضح الشركة عملت عرض و هي مش قده
    انا طوال يوم كامل كانت الشبكة عندي فول و ماعرفتش اعمل مكالمه واحدة
    دا انا حتى بعت الرسالة ل2008 و جاتلي الموافقة بعد اكتر من 24 ساعة

    فياريت من دافع حب البعض للشركة مايعمهوش عن الحقيقة و يطلع حجج في الجهاز القومي للاتصالات
    لان موبينيل فعلا زي ما bongax قال عملت عرض اقوي من العرض دا السنة اللى فاتت و عملت 7ساعات ب20 قرش من 12 ل8 الصبح و محدش كلمها
    و كانت الشبكة كويسة جدا جدا و في اي وقت و دا لان الشبكة قدرتها تتقدر تتحمل

    و انا معايا ال3خطوط و بدون اي تعصب اعمي مازلت اشعر ان اتصالات اسوء شركة في ال3 شركات (كفاية انها حتى هذة اللحظة محملة شبكتها في اغلب مناطق الجمهورية على فودافون و موبينيل يبقى ازاي صوتها هايكون انقي من فودافون و هي محملة على الشبكة بتاعته اساسا)
    في ناس بتقول انها لسه جديدة و كلام من دا مع ان بقالها سنة في السوق
    طب انا ذنبي اية كمشترك انها جديدة ؟؟؟
    و ليه اتحمل غباء التسويق في الشركة اللى مازالت في اعلانتهافي الجرايد بتحط صور المديرين(المتبولي و التانى دا كأنها شركتهم مثلا) و حتى مش بيحطوا شعار الشركة
    و الشركة مازالت تحمل اسوء عروض
    لدرجة ان فيه مقولات انها هاتقلد و تعمل الدقيقة ب20 قرش زي موبينيل بس مع فرق انه لاي شبكة من ال3 الدقيقة هاتكون ب20 قرش

    المهم انى ندمان على شراء الخط دا
    حتى اصحابي اللى اشتروا الخط علشان العرض بيتهموا الشركة انها نصبت عليهم و طمعتهم و بعدين لغيت العرض بعد 24 ساعة

    بجد اناكنت بادافع عن الشركة بس دلوقتى قرفت من الشركة فياريت محدش يدافع عنهالما تكون غلطانه
    التعديل الأخير تم بواسطة XFady; 22-04-2008، الساعة 06:13 PM

  10. #10
    الصورة الرمزية م.عمرو
    تاريخ التسجيل
    Jul 2005
    المشاركات
    1,265
    على موقع اتصالات في لينك جديد معمول فوق من ناحية اليمين اسمه (تسجيل بيانات العميل)

    لما بضغط عليه بيقولي اكتب رقم تليفونك بعد ما اكتبه يقولي رقم تليفونك غير مطلوب !!

    ده يطلع ايه ده؟!!!

  11. #11
    الصورة الرمزية `~nn~`
    تاريخ التسجيل
    Dec 2006
    المشاركات
    274
    المعلومة دى صحيحة عرض اتصالات كان اقوى عرض وجهاز الاتصالات ضغط على الشركة والغوه
    اللى ميحطنيش كحل فى عينه معملوش مداس لرجلى

  12. #12
    تاريخ التسجيل
    Oct 2006
    المشاركات
    872
    ملحوظة شبكة اتصالات لا تعنمد على فوادفون او موبينيل
    كلام متاكد منه 100%

  13. #13
    تاريخ التسجيل
    Jul 2007
    المشاركات
    64
    اقتباس المشاركة الأصلية كتبت بواسطة xfady مشاهدة المشاركة
    السلام عليكم
    يا جماعة ما الموضوع واضح الشركة عملت عرض و هي مش قده
    انا طوال يوم كامل كانت الشبكة عندي فول و ماعرفتش اعمل مكالمه واحدة
    دا انا حتى بعت الرسالة ل2008 و جاتلي الموافقة بعد اكتر من 24 ساعة

    فياريت من دافع حب البعض للشركة مايعمهوش عن الحقيقة و يطلع حجج في الجهاز القومي للاتصالات
    لان موبينيل فعلا زي ما bongax قال عملت عرض اقوي من العرض دا السنة اللى فاتت و عملت 7ساعات ب20 قرش من 12 ل8 الصبح و محدش كلمها
    و كانت الشبكة كويسة جدا جدا و في اي وقت و دا لان الشبكة قدرتها تتقدر تتحمل

    و انا معايا ال3خطوط و بدون اي تعصب اعمي مازلت اشعر ان اتصالات اسوء شركة في ال3 شركات (كفاية انها حتى هذة اللحظة محملة شبكتها في اغلب مناطق الجمهورية على فودافون و موبينيل يبقى ازاي صوتها هايكون انقي من فودافون و هي محملة على الشبكة بتاعته اساسا)
    في ناس بتقول انها لسه جديدة و كلام من دا مع ان بقالها سنة في السوق
    طب انا ذنبي اية كمشترك انها جديدة ؟؟؟
    و ليه اتحمل غباء التسويق في الشركة اللى مازالت في اعلانتهافي الجرايد بتحط صور المديرين(المتبولي و التانى دا كأنها شركتهم مثلا) و حتى مش بيحطوا شعار الشركة
    و الشركة مازالت تحمل اسوء عروض
    لدرجة ان فيه مقولات انها هاتقلد و تعمل الدقيقة ب20 قرش زي موبينيل بس مع فرق انه لاي شبكة من ال3 الدقيقة هاتكون ب20 قرش

    المهم انى ندمان على شراء الخط دا
    حتى اصحابي اللى اشتروا الخط علشان العرض بيتهموا الشركة انها نصبت عليهم و طمعتهم و بعدين لغيت العرض بعد 24 ساعة

    بجد اناكنت بادافع عن الشركة بس دلوقتى قرفت من الشركة فياريت محدش يدافع عنهالما تكون غلطانه
    يا مان انا عايز بس اصححلك معلومة ان اتصالات حاليا مابتحملش على فودافون و موبينيل الا في اماكن محدودة اوي ومعظمها على طرق السفر البري زى شرم مثلا اما باقي المناطق بتكون بتغطية اتصالات 100% وبتكون اقوى كمان من فودافون و موبينل وانا جربتها فعلا لاني معايا فودافون واتصالات وبعدين طبيعي انها لازم تحمل على شبكة تانية وده اللي بيحصل في اى بلد لما بيكون فيها شبكة جديدة..وبعدين فودافون اللي بقالها 10 سنين في مصر لسة في بعض المناطق ناس بتشتكي من سوء التغطية فيها فمابالك بقى بللي بقالها سنة واحدة وبقت بتنافس فودافون وموبنيل في التغطية و بتتفوق عليهم كمان يعني ادوا لتصالات فرصة سنة كمان وشوف حتبقى عملة ازاى

  14. #14
    تاريخ التسجيل
    Apr 2007
    المشاركات
    415
    انتم بتقارنوا هذا العرض بالعرض بتاع موبينيل ازاى يعنى هناك فرق كبير عرض موبينيل كان بعد الساعة 2 بليل يعنى ناس قليلة اللى استخدمته عشان كده لم يؤثر على الشبكة رغم ان فى ناس هنا فى المنتدى اشتكت وقالت انها لما تطلب نمره فى العرض اللى هو احسن ناس كانت يتدوخ عشان تجمع بينما لو طلبت اى رقم اخر خارج العرض بيجمع فورا وكل ده ايه وبعد الساعة 2 بليل وليس مثل عرض اتصالات طول اليوم
    التعديل الأخير تم بواسطة eng_mahmoud_aly; 23-04-2008، الساعة 06:05 PM

  15. #15
    تاريخ التسجيل
    Jul 2006
    المشاركات
    117
    بغض النظر عن تنافس ولا مكش تنافس اتصلات اسوء شركه فى خدمه العملاء انا بقالى اسبوع با اتصل بيهم وماحدش بيرد علياوانا معايا خط موبينيل ستار وفودافون كنترول با اتصل بخدمه العملاء مافيش اقل من دقيقه ويردول عليا
    يعنى كده بقى اتصلات مافيهاش خدمه علملاء يعنى لو حد الخط بتاع جرى فيه حاجه يستعوض ربنا فيه وانا مع الشاب اللى بيقول ان الشبكه زباله انا اسف فى التعبير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك