موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 16
Like Tree0Likes

الموضوع: أفضل الموبايلات مقابل السعر في شهر نوفمبر 2008

  1. #1
    تاريخ التسجيل
    Dec 2006
    المشاركات
    1,046

    أفضل الموبايلات مقابل السعر في شهر نوفمبر 2008

    النهارده موضوعنا عن أحسن الموبايلات مقابل السعر في مختلف الفئات السعرية في السوق المصري. طبعا أساس اختياراتي محصور على الامكانات مقابل السعر لا أكثر و لا أقل. و لكن زي ما كلنا عارفين, لولا اختلاف الأذواق لبارت السلع. لو انت بتحب الموبايل يكون flip اشتري واحد flip... هدف الموضوع بس انك تكون عارف الأول مدى زيادة السعر و نقص الامكانات اللي انت هتدفعهم مقابل الحصول على الجهاز اللي يناسب ذوقك...و بالتالي مدى جدوى شراؤه.

    نخش بقى في الموضوع.


    0-200 جنيه:
    في الرينج ده, متتوقعش انك تلاقي غير الامكانات الأساسية زي اللي في النوكيا 3310, و لكن قبل ما أقول لك توفر فلوسك و تشتري أرخص حاجة تلاقيها, ففيه بعض العوامل اللي ممكن تخليك تدفع أكتر في الجهاز حتى لو مفيهوش امكانات زايدة عن التاني:
    فيزيائيا: صغر الحجم, جمال الشكل, جودة التصنيع.
    الشاشة: كونها ملونة أو أبيض و أسود, و كثافة النقط, و مدى وضوحها و اضائتها.
    السوفتوير: مدى سهولة التعامل معاه, و سرعته, و شكله.
    مدى وضوح الصوت في المكالمات.
    قوة البطارية.


    أجهزة النوكيا و السامسونج بشكل عام هتلاقيها غالية بدون مبرر و بسبب كده أنا صعب أرشحها. الأجهزة اللي ملهاش صيت كبير زي ألكاتيل هي اللي هتلاقي أسعارها كويسة مقابل امكاناتها.

    أفضل الأسعار هتكون غالبا في العروض اللي بتقدمها موبينيل و فودافون و اتصالات, و لكن قبل ما تقدم على شراءها اعمل حسابك انك متقدرش تركب خط موبينيل أو اتصالات في عدة فودافون, و نفس الكلام هيحصل لو انت اشتريت جهاز جاي معاه خط من موبينيل أو اتصالات.


    200-500:
    أنا أرشح في الرينج ده جهازين:

    Nokia 1650:

    شكله شيك جدا, و فيه ميزة جميلة و هي الراديو...كل ده ب250 جنيه.


    Alcatel OVT-V770:

    ب485 جنيه انت بتحصل على تحفة فنية سمكها 1سم فقط من الشركة الفرنسية ألكاتيل, و مش كده و بس...انت كمان هيبقى معاك:
    - شاشة 1.9 بوصة بدقة ممتازة.
    - كاميرا 1.3 ميجابكسل, أي بتلقط حوالي 4.5 أضعاف التفاصيل اللي بتلقطها الكاميرات الVGA, و كمان تقدر توصلها بالكمبيوتر و تشغلها webcam.
    - قابلية تصوير الفيديو بعدد ساعات مش محصور بشيء غير حجم الميموري المتبقية.
    - مشغل أغاني تقدر تسمعه في الhandsfree (سماعات الودن) و الloudspeaker, و معاك ميموري 2 جيجا جاية مع الموبايل تقدر تخزن عليها كل الأغاني و الفيديوهات اللي تحلم بيها.
    - Bluetooth, و ده صعب تلاقيه في جهاز بالسعر ده.
    - دعم كامل لبرامج الجافا (زي Opera و e-Buddy) و ألعاب الجافا.

    500-750:
    لا يوجد. كل العدد في الرينج ده امكاناتها متتعداش الAlcatel OVT-V770:

    الSamsung E250 كاميرته VGA (أي 0.3 ميجابكسل) و شكله أوحش و شاشته دقتها أقل بكتير...
    الNokia 3110c شكله هو كمان أوحش و شاشته دقتها و جودتها هي كمان أسوأ بكتير من الAlcatel OVT-V770. و ب625 جنيه أنا معتقدش انه صفقة جيدة أبدا.
    برضه ال3500c يتقال عليه نفس الكلام اللي اتقال على ال3110c. يمكن الكاميرا فيه أحسن شوية لأنها 2 ميجابكسل و لكنها متستحقش 700 جنيه...



    750-1000 جنيه:
    مفيش عندي غير ترشيح واحد بس و هو الSamsung D900i ب900 جنيه:


    ايه هو الD900i؟ سؤال وجيه جدا. الD900i بالمختصر المفيد هو تحديث للD900 اللي كان رد Samsung المباشر للNokia N73. لو ده ملفتش نظرك, يبقى ممكن حصوله رسميا على جايزة أفضل موبايل لعام 2007 (هو و الK800) ممكن يخليك تنتبه أكتر على اننا بنتكلم على واحد من أكتر الأجهزة احتراما و شهرة في العالم.


    الشكل: اما يعجبك أو ما يعجبكش. و لكن محدش يقدر ينكر مدى رفع الجهاز.
    جودة التصنيع: هي اللي ممكن تتوقعها من جهاز كان في يوم من الأيام أفضل جهاز بتقدمه سامسونج.
    الشاشة: بنفس دقة الN73 (الاتنين 240×320 بيكسل) و لكن الD900i جودة شاشته أحسن من ناحية الاضاءة و الوضوح كعادة شاشات سامسونج.
    الصوت: الD900i هو كمان كعادة موبايلات سامسونج جودة صوته أحسن من كل المنافسين. و فيه معلومة ظريفة جدا أنا لقيتها في gsmarena.com هي ان الApple iPhone اللي ب4000 جنيه بيستعمل شرايح صوت من تصنيع سامسونج, و بالتالي فصوت الD900i هو نفس صوت الiPhone.
    الكاميرا: باخنصار, هي تقريبا بنفس مستوى الN73.
    عمر البطارية: قصير شوية لأن حجم الجهاز صغير, و بالتالي فالبطارية كمان حجمها صغير نسبيا.

    الأسباب الرئيسية ان الجهاز سعره منخفض للدرجة دي هي:
    1) أجهزة سامسونج ملهاش سوق كبير و بالتالي هي بتتباع بسعرها العالمي. و لكن بالنسبة للنوكيا, فالتجار عارفين انهم حتى لو بالغوا في السعر الناس برضه هتشتريه.
    2) الD900i مفيهوش 3G. ده هيفرق معاك بالذات لو انت بتحب تقعد عالنت كتير.
    3) السوفتوير محدود الى حد كبير. هو فعلا يدعم الجافا و لكنك مثلا محصور في اختيار الثيمات على اللي جاية مع الجهاز. و لما تصور, مش هينفع تنزل الصورة مباشرة على الmemory card. لازم الأول تنزل على memory الجهاز و بعدها تنقلها بالfile manager للmemory card. و متقدرش تعمل playlist من أكتر من 20 أغنية...و هكذا.

    بالنسبة للموبايلات المنافسة في الرينج ده:
    الN72 مينفعش يتقارن بالD900i لا من ناحية الشكل و لا الشاشة و لا الصوت و لا الكاميرا و لا أي حاجة خالص. حتى السوفتوير في الN72 الsymbian يعتبر عيب مش ميزة لأنه بيبطأ أوي الجهاز.
    و ال3120c هو كمان مفيهوش أي حاجة تميزه عن الD900i.
    و لا ال5220.
    و لا ال6131.
    و لا الK610.
    و لا الK550.
    و لا ال...


    1000-1500 جنيه:
    فيه أجهزة كتير في الرينج ده ممكن تترشح و لكني شخصيا شايف انك اما توفر و تشتري الD900, أو تزود و تشتري الN78.

    1500-2000 جنيه:
    N78 ب1750 جنيه, و بلا منازع. الموضوع هنا أصغر من اني أقدر أوفي الN78 حقه, و عيوبه و مميزاته بقت معروفة هنا في مصر و بالتالي فأنا مش هعلق عليه.




    2000-2500:
    N82 و لكن صعب أرشحه لما ألاقي الN78 أرخص منه ب700 جنيه, و الN85 خلاص قرب ينزل..

    2500-3000:
    غالبا هيكون الN85 لما ينزل.

    3000-؟؟؟
    رأيي انك تبتدي تجزأ لأنك مهما صرفت فانت في الاول و الآخر بتشتري موبايل له حدوده و عمره ما هيقدر يعوض الأجهزة اللي هو بيقوم بمهمتها بصورة مثالية:
    عمر ما جودة الصوت هتبقى بمستوى جهاز iPod أو Cowon.
    عمر ما كاميرا الموبايل هتكون بمستوى الكاميرات الديجيتال, و ده بسبب صغر حجم العدسة و السينسور في كاميرا الموبايل.
    عمر ما الألعاب هتبقى بمستوى جهاز Sony PSP أو Nitendo Gameboy.
    عمر ما تصفح الانترنت هيبقى ممتع زي لما تقعد عليه من لابتوب.
    و هكذا...

  2. #2
    الصورة الرمزية see7a
    تاريخ التسجيل
    Dec 2007
    المشاركات
    921
    شكرا يا ريس على الموضوع بس أنا عندي ملاحظة إنك أهملت تليفونات السوني تماما مع إنها تكتسح لو قارننا إمكانياتها مع سعرها وهديك مثل بسيط السوني الk800 والنوكيا 5610 مش إمكانيات واحدة؟ بس السوني ب1200 والنوكيا ب1700-1800 والk530 مثلا ب950 (ده في موبايل شوب ممكن يبقى أرخص شوية في المحلات)والنوكيا 6120 ب1200-1300 ويمكن يقرب ل1400 في بعض المحلات مع إن إمكانياتهم واحدة تقريبا والسوني من مميزاته إن بعض الموديلات إللي فيها ميموري كارد ممكن يركب عليها أكبر من سعتها وبتشتغل تمام ومابتتقلش يعني مثلا التليفون يبقى سعته ياخد كارت 2 جيجا ولو ركبت عليه كارت 4 جيجا يشتغل ومايتقلش وعموما دي وجهة نظرك وأنت حر فيها و دي كانت وجهة نظري وشكرا مرة تانية

  3. #3
    تاريخ التسجيل
    Aug 2006
    المشاركات
    549
    ممتاز والله انا بشكرك على الموضوع دة اللى انا استفدت منه
    سبحان الله وبحمده ,سبحان الله العظيم

  4. #4
    تاريخ التسجيل
    Dec 2006
    المشاركات
    1,046
    اقتباس المشاركة الأصلية كتبت بواسطة see7a مشاهدة المشاركة
    شكرا يا ريس على الموضوع بس أنا عندي ملاحظة إنك أهملت تليفونات السوني تماما مع إنها تكتسح لو قارننا إمكانياتها مع سعرها وهديك مثل بسيط السوني الk800 والنوكيا 5610 مش إمكانيات واحدة؟ بس السوني ب1200 والنوكيا ب1700-1800 والk530 مثلا ب950 (ده في موبايل شوب ممكن يبقى أرخص شوية في المحلات)والنوكيا 6120 ب1200-1300 ويمكن يقرب ل1400 في بعض المحلات مع إن إمكانياتهم واحدة تقريبا والسوني من مميزاته إن بعض الموديلات إللي فيها ميموري كارد ممكن يركب عليها أكبر من سعتها وبتشتغل تمام ومابتتقلش يعني مثلا التليفون يبقى سعته ياخد كارت 2 جيجا ولو ركبت عليه كارت 4 جيجا يشتغل ومايتقلش وعموما دي وجهة نظرك وأنت حر فيها و دي كانت وجهة نظري وشكرا مرة تانية


    شكرا يا باشا على ردك. الهدف من موضوعي طبعا مش فرض وجهة نظري و انما للمناقشة.

    الK800 هو فعلا أفضل موبايل من رأيي في فئة 1000-1500 جنيه و كنت ناوي أحطه, خصوصا و اني أمتلكه حاليا و كنت شاريه الصيف اللي فات ب1200 بينما الN73 ME كان وقتها بحوالي 2000 و كسر. و لكن لما أنا لقيت الN78 ب1750 جنيه حسيت ان الK800 مبقاش متميز أوي مقابل سعره, خصوصا و انك كمان لازم تزود 200 جنيه عشان تشتري له ميموري 2 جيجا. و كمان الD900i بيقدم معظم الامكانات اللي بيقدمها الK800 و بسعر أرخص بكتير.

    الK530 ميزته الوحيدة عن الD900i هي ال3G. و لكن ده على حساب حاجات تانية كتير. ساش كمان انك هتزود على سعره 200 جنيه عشان الميموري.

  5. #5
    الصورة الرمزية cabrel
    تاريخ التسجيل
    Feb 2008
    المشاركات
    4,016
    فى الرينج من 750 الى 1000 لية نسيت خالص 6233 ( اعلى صوت موبايل )

  6. #6
    الصورة الرمزية cabrel
    تاريخ التسجيل
    Feb 2008
    المشاركات
    4,016
    فى الرينج من 1500 الى 2000 لية نسيت خالص N73 ( اعلى صوت موبايل بعد 6233 واكتر جهاز حقق نجاح وانتشار ومبيعات فى مصر )

  7. #7
    الصورة الرمزية cabrel
    تاريخ التسجيل
    Feb 2008
    المشاركات
    4,016
    فعلا الجهازين دول ( Alcatel OVT-V770 ) و ( Samsung D900i ) سعرهم بالنسبة لأمكانياتهم جميل جدا
    ياريت تكلمنى بأستفاضة شوية عنهم
    وأهم 4 حاجات عندى فى الموبايل
    1 - علو الصوت ونقائة
    2 - جودة الكاميرا والفيديو
    3 - الميمورى الاصلية اللى بتيجى مع الجهاز مساحتها قد اية
    4 - الصناعة

    وياريت تقارن كل جهاز فيهم باقرب جهاز لية فى السعر من نوكيا

    اعتقد ان 770 Alcatel اقرب جهاز نوكيا لية فى السعر 3110 Nokia
    و Samsung D900i اقرب جهاز نوكيا لية فى السعر 6233 Nokia

    وياريت المقارنة تكون بالنسبة لل4 حاجات اللى طلبتهم فى الاول
    التعديل الأخير تم بواسطة cabrel; 22-11-2008، الساعة 02:28 AM

  8. #8
    الصورة الرمزية amr_diaaab
    تاريخ التسجيل
    Aug 2008
    المشاركات
    1,338
    ممتــــــــــــاز
    ملحوظة : قبل شراء الموبايل ..لابد من معرفة سعرة
    من هنا
    www.dvd4arab.maktoob.com/showthread.php?t=1547639
    كل اسعار الموبيلات
    وكمان ممكن تعلن فية موبيلك مجانا
    إعرف سعر الموبيل الاصلى قبل شراءة " وانت فى بيتك "
    -- 7ozo --
    العاب فلاش

  9. #9
    تاريخ التسجيل
    Dec 2006
    المشاركات
    1,046
    اقتباس المشاركة الأصلية كتبت بواسطة cabrel مشاهدة المشاركة
    فى الرينج من 1500 الى 2000 لية نسيت خالص N73 ( اعلى صوت موبايل بعد 6233 واكتر جهاز حقق نجاح وانتشار ومبيعات فى مصر )

    لأني حاطط الN78, اللي هو مفروض تحديث الN73.


    اقتباس المشاركة الأصلية كتبت بواسطة cabrel مشاهدة المشاركة
    فعلا الجهازين دول ( Alcatel OVT-V770 ) و ( Samsung D900i ) سعرهم بالنسبة لأمكانياتهم جميل جدا
    اقتباس المشاركة الأصلية كتبت بواسطة cabrel مشاهدة المشاركة
    ياريت تكلمنى بأستفاضة شوية عنهم
    وأهم 4 حاجات عندى فى الموبايل
    1 - علو الصوت ونقائة
    2 - جودة الكاميرا والفيديو
    3 - الميمورى الاصلية اللى بتيجى مع الجهاز مساحتها قد اية
    4 - الصناعة

    وياريت تقارن كل جهاز فيهم باقرب جهاز لية فى السعر من نوكيا

    اعتقد ان 770 Alcatel اقرب جهاز نوكيا لية فى السعر 3110 Nokia
    و Samsung D900i اقرب جهاز نوكيا لية فى السعر 6233 Nokia

    وياريت المقارنة تكون بالنسبة لل4 حاجات اللى طلبتهم فى الاول
    المقارنة بين ال Alcatel OT-V770 و النوكيا 3110:
    أولا أحب أنوه ان خبرتي مع الAlcatel OT-V770 متتعداش 5 دقايق, و بالتالي فمش هقدر أحكم بصورة دقيقة.
    الشكل و الحجم و الوزن: طبعا في صالح الAlcatel OT-V770.
    الصوت: الAlcatel OT-V770 صوته واطي و مش بس في السماعات الخارجية و انما كمان في الhandsfree, و لكني أعتقد انه أنقى من ال3110 (متاخدش أوي بكلامي).
    جودة التصوير الثابت و الفيديو: أنا مشفتش صور الOT-V770 على جهاز كمبيوتر و لكني عموما مأتوقعش امكانات كبيرة من كاميرا 1.3.
    الشاشة: الAlcatel OT-V770 شاشتها أحسن بكتير لأنها بتعرض نقط (أو بيكسلات) أكتر. ال3110 النقط اللي بيعرضها قليلة و ده سبب ردائة الشاشة و عدم وضوح الكلام المكتوب حتى مع تكبيره.

    الAlcatel OT-V770 بييجي معاه ميموري 2 جيجا, و صناعته غالبا صيني.


    بالنسبة للD900i قدام ال6233:
    الحجم و الشكل: يعتمد على ذوق الشاري.
    ال6233 فيه 3G, بينما الD900i مفيهوش.
    ال6233 بيصور فيديو بريسولوشن (أو عدد نقط) أعلى من الD900i و بالتالي يعرض تفاصيل أكتر, و لكن ده هيبقى على حساب انه هيلقط نص عدد اللقطات اللي بيلقطها الD900i في الثانية الواحدة و بالتالي لو فيه أي حركة سريعة اما من المصور أو من اللي بيتصور هتلاقي التصوير مش واضح, و الفيديو عموما هتحس انه بطيء. الخلاصة ان ال6233 مش بيصور فيديو أحسن من الD900i.
    الشاشة: الاتنين 240×320 و هي نفس عدد النقط اللي بيعرضها الN73.
    السوفتوير: طبعا ال6233 أحسن بكتير.
    الصوت: ال6233 طبعا أعلى.
    التصوير الثابت: ال6233 2 ميجابكسل و مفيهوش أوتوفوكس (لو صورت من مسافة أقل من متر هتبقى الصورة مش واضحة) و لا فلاش (الكاميرا ملهاش لازمة في الاضاءة المنخفضة), بينما الD900i 3.2 ميجابكسل و فيه فلاش و أوتوفوكس و بيصور بتقريبا نفس جودة الN73.

    الخلاصة:
    اشتري الD900i لو انت بتحب شكل السلايد و مهتم بالكاميرا.
    اشتري ال6233 لو انت بتحب شكل الbar و مهتم بعلو الصوت و محتاج 3G.

  10. #10
    تاريخ التسجيل
    Dec 2006
    المشاركات
    1,046
    للرفع.....

  11. #11
    الصورة الرمزية cabrel
    تاريخ التسجيل
    Feb 2008
    المشاركات
    4,016
    للرفع .....

  12. #12
    الصورة الرمزية cabrel
    تاريخ التسجيل
    Feb 2008
    المشاركات
    4,016

    من 750- 1000 جنية

    بالنسبة للموبايلات المنافسة في الرينج ده:
    الN72 مينفعش يتقارن بالD900i لا من ناحية الشكل و لا الشاشة و لا الصوت و لا الكاميرا و لا أي حاجة خالص. حتى السوفتوير في الN72 الsymbian يعتبر عيب مش ميزة لأنه بيبطأ أوي الجهاز.
    و ال3120c هو كمان مفيهوش أي حاجة تميزه عن الD900i.
    و لا ال5220.
    و لا ال6131.
    و لا الK610.
    و لا الK550.
    و لا ال...

    انا برشح K610 اعلى صوت موبايل سونى اريكسون

  13. #13
    الصورة الرمزية teto3teto
    تاريخ التسجيل
    Dec 2006
    المشاركات
    516
    لو سمحت يا جماعه انا معايا موبيل سونى اريكسون t700 لسه نازل جديد وموبيل جمييل جدا جدا ورائع وامكانياته عاليه اوى عايزكوا تلقوا نظره عليه الموبيل جمييل جدا انا جايبوا من موبيل شوب ب 1400 جنيه وشفتوا ارخص 25 جنيه فى apple بس موبيل ممتاز بقالوا معايا اسبوعين ماشاء الله عالى اوى وعلى فكره انا عايز ابعوا لدواعى السفر واوعوا حد يفتكر انوا وحش لاء الحمد لله من احلا الموبيلات اللى مسكتاها فى حياتى
    حد قال هات .... نفتح المذات هههههههه

  14. #14
    الصورة الرمزية 223322
    تاريخ التسجيل
    Jul 2007
    المشاركات
    290
    ممكن سعر نوكيا 5700 جديده وبرضه مستعمله

  15. #15
    الصورة الرمزية moa6n
    تاريخ التسجيل
    Feb 2008
    المشاركات
    523
    موضوع ممتاز لكن متهيألي الاسعار نزلت كمان
    يعني 5320 1150
    5220 1050
    n70m 1150
    5310 1050
    متهيألي الاسعار دي هتلاقيها في موقع الشناوي
    http://elshennawy.com/prices/main.php?g2_itemId=5918

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك